كاتب الموضوع :
رومنسية ومنسية
المنتدى :
الارشيف
الفصــل الثــآني
( الفصل الثاني )
أول ماجات الغلا بتدخل ... وتحط ليان رجلها وتروح ورى البيت من جهة المجلس علشان تطالع الشوفه مباشره وهي متأكدة أن مافي أحد بيحس فيها لأن الزجاج حق النوافذ عاكس
في لحظه تمنت الغلا أن الأرض تنشق وتبلعها ...تقول في نفسها وش فيك يالغلا خايفه موهذا رواف اللي تمنيتيه وحلمت سنين أنك ترتبطين فيه وش فيني كذا.. مو هذا رواف اللي من يوم ما كان صغير وهو حاميني ما أحد يضربني ولا يحاكيني في حضرته اللي يبغى يتصيد لي مايلاقي فرصته لضربي إلى أن كان رواف غايب
يله يالغلا تشجعي
أقبلت الغلا على باب المجلس بعد ماناولها خالد كاسه العصير وراح
ضربت الغلا بأصابعها للباب تعلن عن دخولها
الغلا :السلام عليكم
حمد ورواف :وعليكم السلام
حمد: يله لو سمحتي أخذي الطبشور واطلعي برا علشان أكمل الدرس
رواف منز ل راسه و يتكلم بشويش :حرام عليك يا حمد أحرجت البنت
حمد وهو يكلم رواف بنفس الهدوء :مو قصدي بس يوم ضربت الباب ذكرتني بالمدرسة وسوالفها
رواف وهو على نفس الحركه ما رفع راسه :يا أخي حرام عليك أختك شكلها عند الباب ما دخلت تصرف لا تخرب علي هاليوم اللي احتريته من سنين
حمد :حي الله هالقمر اللي هل علينا حياك أختي تعالي هناوحطي العصير على الطاولة وأشر لها على الكنبه اللي بجنبه وتكون مقابله لرواف
مشت الغلا وهي تسحب رجولها وهي تشوف المسافه اللي بتمشيها للكنب مره طويله وحطت العصير على الطاوله وجلست على الكنبه اللي جنب أخوها
كل هذا وليان كانت تطالعهم وهي تضحك على شكل بنت عمها وهي منحرجه إلا وشوي وتسمع صوت ويقابلها خالد وجها لوجه اللي كان جاي لنفس الغرض
خالد وليان قاموا يطالعون بعضهم وشوي ونزل خالد عيونه ينتظر منها أنها تروح ولكن الأخت تغطت وتنتظر منه انه هو اللي يروح علشان ما تفوت اللي بيصير وخالد يقول في نفسه ياحبي أنا وياها من طينه وحده ملاقيف .... وابتسم وراح وشلون مايتنازل لحبيبه قلبه
تم الصمت في المجلس حوالي ربع ساعه
حمد :والله أني جاني النوم وش هالهدوء اللي خيم علينا رواف وين لسانك قبل شوي بتاكلني بلسانك وين أختك شفيها تأخرت ها ه وينه ليكون بلعته
رواف والغلا كل واحد منزل راسه
رواف :حياك الله يابنت عمي وشلونكم وشلون الدراسه
لكن المشكله أن رواف يتكلم وهو مارفع عينه عليها
الغلا وبصوت واطي بالكاد انه ينسمع :بخير
حمد :لا حول وش ذا الحاله تتكلمون وانتم منزلين راسكم قام حمد ورقى فوق الطاوله اللي بجنب المجلس ومعطيهم ظهره وش فيها يالغلا اللمبات أغلبها محترقه وهو قصده انه يعطيهم فرصه علشان يناظرون بعضهم التفت على رواف وأشر له طالعها والتفت على الغلا وهو يأشر لها طالعيه ولكن محاولته باءت بالفشل
رواف في خاطره :وش فيك يارواف ناظرها هي حلالك وشوي أشوي رفع رواف راسه في اللحظه اللي كانت الغلا توها رافعه راسها علشان تطالعه................................................ وتلاقت النظرات وخيم الصمت وما تنسمع غير دقات القلوب وشوي و كل واحد منهم نزل راسه
رواف وقف على طول وهو يسمع دقات قلبه آآآآآه شكثرأحبك يابنت عمي كل هذا اللي حسيته في ثانيتين قلبت حالي في هالثواني الله على هالشعور اللي حسيته الله يخليك لي يابنت عمي
أما عن الغلا من كثر ماكان قلبها يدق خافت انه يوقف .....أحبك أحبك هذي كانت دقات قلب الغلا على ماكان مجلسنا كبير بس حسيت انه رواف مقابلني وجهي في وجهه
حمد :وين يابو الشباب وش فيك وقفت ليكون شفت أختي وهونت
رواف توه يحس انه كان واقف بنت عمه زلزلت كيانه ...وشوي ماحس نفسه إلا وهو يقول :حمد ممكن تخلينا بروحنا
في هاللحظه وقفت الغلا على طول وهي مبحلقه عيونها على اخوها
بمعنى لا تروح
حمد :أنا بخليكم بروح علشان مو كل شوي لكم شوفه ..أخ رواف شوف أختي ...يا أخت الغلا شوفي ولد عمي لأنكم بإذن الله ماراح تشوفون بعض إلا في الملكه
رواف ابتسم ابتسامه عريضه :آآآه الله يجيبها
أما الغلا وهي تقول في خاطرها :أستاهل أنا اللي خليت حمد يدخل معي أشهد أنا أخوي انهبل صدق من قال.. اصبر على مجنونك لايجيك اللي اجن منه ...قلبي احسه بيوقف
وطلع حمد وقام رواف وانتفضت الغلا وتقول في نفسها وش ناوي عليه
رواف حب يلطف الجو... قام رواف للطاوله وأخذالصينيه اللي فيها العصير واتجه لبنت عمه
رواف :هلا والله بغلويه وهو يمد لها كاسه العصير
الغلا وهي تأشر براسها يعني لا
رواف :والله أني مو شارب العصير الا أن شربتي هالكاسه وأنا الصراحه من أقبلت علي عطشت ترضينها علي اطلع من بيتكم و أنا عطشان
الغلا وبصوت أقرب للهمس :لا
وخذت الغلا الكاسه وشربت منها وقامت بتحط الكاسه إلا ويقوم رواف وياخذ الكاسه من يدها انفضت يد الغلا على طول ورجعت على ورى مو مصدقه اللي صار
رواف اخذ الكاسه وقا م يدور الكاس وهو يسألها من وين شربتي
وابتسم وشربه كله دفعه وحده .....آآآه من سنين وانا ما ارتويت مثل كذا ....سلمت يدين من سواه
الغلا :بالعافيه وقام وأعطاها كيس وناظرت الغلا فيه بمعنى وش هذا
رواف :هذي هديه بسيطه يابنت العم
الغلا :سلمت يدينك
وساد الصمت مره ثانيه ولكن كانو يتكلمون بلغه العيون اللي وفت عن كل كلام الدنيا
دقايق ولايقطع عليهم صمتهم دقات على الباب
حمد ممكن أدخل أبله
رواف هههههههههههههههههههه
أما الغلا وقفت وهي تطالع بأخوها
حمد: امزح معك اجلسي
وقام رواف :يالله أنا طالع
وناظر في الغلا وقال :انتبهي على نفسك يالغلا
مع السلامه
ليان وحمد :الله يسلمك من الشر وناظرت الغلا فيه وهي تقول في خاطرها الله يسلمك لي ولا يفرق بينا يارب
لف عليها حمد وقال :بشري عساك مرتاحه
الغلا وهي تطالع الأرض بخجل :الحمد لله
في الصاله
أم حمد :خالد قوم يمه شوف اختك ليه تأخرت
خالد :لاتحاتين الغلا ورواف من زمان من كنا صغار وهم يحبون بعضهم
أم حمد :ولو يمه يمكن ماتعجبه ولا هو مايعجبها
خالد :الله يمه أختي من شافها ماأحد يصد عنها جمال ودين وأخلاق
ام حمد :إن شاء الله بس أنا ما أدري وش في أختك خايفه ومرتبكه
خالد :دلع بنات
وشوي ويدخل عليهم حمد والغلا
أم حمد :بشري يانور عيني عساك ارتحتي
الغلا بخجل :الحمدلله
وشوي وتحظن أمها وصارت تبكي
ام حمد وحمد وخالد ههههههههههههههههههههه كل هذا دموع الفرح
وابتسمت الغلا وسألت أمها :يمه لا تقولين ان ليان راحت
أم حمد :من رحتي للمجلس ما شفتها
خالد :لا ماراحت
التفت عليه حمد :وش دراك
وأنا طالع للحديقه شفتها عند المسبح اللي جنب المجلس
وتطلع الغلا للحديقه تنادي على ليان
ليان :أنا هنا
وراحت الغلا وظمتها
ليان :الله يفشللك ساكبه العصير علشان تحطينه على الطاوله
الغلا وهي فاتحه عيونها على الآخر:يمه من اللي قالك
ليان :ماأحد قالي العصفوره قالتلي
الغلا :جنيه أنتي هههههههههههههههههههههههههههههههههههههه اللحين فهمت طول الوقت وحضرتك تطلين علينا
ليان وهي تأشر براسها :نعم على فكره وش فيك طولتي مادخلتي على طول
الغلا ههههههه صار لي موقف كل ما رحت للمجلس ينكب العصير ولكن خالد حل المشكله وصل لي العصير إلى باب المجلس
ليان: احكي لي كل اللي صار
الغلا :نعم كل شي شفتيه وشتبين
ليان :شفته بس بدون كلام بس ابسألك وش قالك يوم مسك كاسه العصير وأخذها
الغلا :مالك دخل
وحكت لها الغلا كل اللي صار
ليان :ألف مبروك يابنت عمي رواف مافي مثله كل عايلتنا ما تمدح إلا فيه الله يوفقكم
الغلا سرحت في وادي ثاني
ليان:ياهو ياغلا أوووووووووووووف وين سرحتي في حبيب القلب
الغلا ضمت ليان وهي تبكي
ما ادري يا ليان وش فيني المفروض أني أكون طايره من الفرحه
ليان :شلون ماتحسين انك مرتاحه له
الغلا :لا بالعكس ياليان ما توقعت شكثر حبي له إلا يوم قابلته وطاحت عيني في عينه
ليان :اجل وش السالفه
الغلا :مثل ماقلتلك أول.. أحسه بيصير شي وبيخرب علينا شفته وخفت الحين زياده احسه بيكون مو من نصيبي والله ياليان لو صار كذا راح أموت
ليان :خلي عنك هالوساويس وقولي وش الكيس اللي أهداه لك
الغلا :تصدقين مافتحته حطيته في الصاله
ليان :يله قومي نفتحه ونشوف وش اللي جايبه حبيب القلب
رواف وهو في سيارته البانوراما هايم وسرحان موقادر يوصف فرحته وهو يتذكر بنت عمه اللي سلبت عقله الله يارواف كل هذا الزين بيصير حلالك صبرت ونلت والله ....آآآه يابنت عمي كل شي فيك حلو اشوي وانتبه رواف أنه ماحرك سيارته من بيت عمه ..لام الله من لامني وشغل سيارته ومشى وهو يدندن أغنيه مرت على باله
كل شي فيك أنت حلو لاتقول واشفيني حلو
شعرك عيونك شفتك كل شي فيك أنت حلو
حتى جمالك يختلف ونظره عيونك تختلف
فرقك عن العالم كبير وشقول وكلك يختلف
احترت كيف أشبهك شفت القمر أنت القمر
ما تشبه هو يشبهك
دقايق وهو واصل لقصر أبوه في حي الشاطئ اللي يعتبر من أرقى الأحياء بالدمام
دخل سيارته بالحديقة وركنها على جنب
ونزل من سيارته وفي خاطره يبشر جدته اللي الحين قاعده على نار
الله يخليك لي ياجدتي
ودخل بيته وهو يدندن
مبسوط مادامك معي موجود ما
أظن يضيق صدري وأنت في بالي
راح للصالة ومالقى أحد موجود
واتجه على طول لغرفه جدته ومالقاها
ميري ميري
ميري :يس بابا
رواف : وين ماما كبير
ميري :في غرفه الطعام
رواف في خاطره مايتنزلون حتى يسألوني بتجي على العشاء ولا ..آآآآه هانت شوي وأتزوج وأفتك من هالبيت اللي عايش فيه كأنه فندق أطلع وادخل ما احد يحس فيني
أبوي مو فاضي إلا لشركاته وصفقاته ومتى مايجي للبيت يتعشى ويدخل قفصه مع حبيبه القلب
واخوي فواز اللي المفروض يكون صديقي قبل مايكون أخوي نظرا لقرب عمري من عمره إلا أنه ما يطيق يشوف وجهي
اما نواف اخوي الصغير هذا مدلل الاسره ما يطلع من غرفته إلا على المدرسه.. فطوره وغداه وعشاه يجيه إلى الغرفه لأنه مو فاضي وقته كله على اللاب توب ودي في دي والجوالات
أما عن مرت أبوه اللي كل من شافته تقول شرفت ياولد نوير
كل هذا جزء من معاناه رواف اليوميه وما خفي كان أعظم انحرم من أمه اللي ماشاف وجها بسبب أن أمه ماتت وهي تولده وعلى طول أبوه أخذه من أهل أمه وهو ما كمل اليومين ورماه على أمه اللي هي جدته أم محمد وماأسرع مامر شهر إلا وأبوة متزوج من زكيه بنت الحسب والنسب اللي ماصدق ابوه أنه تزوجها وكل هذا علشان فلوس أهلها لأن أبو رواف ماكانت حالته الإقتصاديه ممتازه بل كانت متوسطه.... وبعد تسعه شهور جابت فواز اللي كان أبوه يفضله ويدلعه على أنه الولد البكر..كبر رواف على يدين جدته اللي أحسنت تربيته من صلاه واستقامه وحرص على دراسته أما فواز اللي كان مدلل أمه وابوه فاشل في كل شي من دراسه ومعامله ودين
وكل ماتقول الجده شي ياولدي الله يهديك لا تدلله انت كذا راح تهدم حياته لامسؤليه ولاصلاه ولا دراسه يسكتها فورا ماعليك من ولدي أنتي ماعليك إلامن رواف وانشوف من اللي بيفلح بينهم
كبر رواف ودخل الجامعه والتحق بأفضل الجامعات بالخبر وهي جامعه الملك فهد للبترول والمعادن وتخرج منها مهندس بأقصى سرعه لأن ماكان ياخذ الإجازات كان يستفيد من وقته علشان يعتمد على نفسه
كل العايله ماكانت تضرب الأمثال إلا على رواف وأخلاقه واجتهاده هذا اللي أجبر كل اللي حوله على احترامه وتقديره ولكن هذا اللي أضرم الحقد والحسد في قلب فواز وأمه اللي كان يعيد السنة سنتين وأول ماخلص الثانوية سفره أبوه على طول لندن علشان يكمل دراسته على حسابه متأملين منه أن يكون مثل أخوه.... كل هذا والحمدلله ما اثر على رواف وكان كله بفضل الله ثم دعوات جدته له اللي في كل صلاه ما تدعي إلا له يالله توفقه وتبعد عنه عيال الحرام و تحقق اللي في باله ولاتكسر بخاطره يارب
دخل غرفه الطعام
رواف :السلام عليكم
ما حد ردعليه إلا جدته وابوه :وعليكم السلام
جدته :بشر يانور عيوني وش اللي صار.. أبارك
هز براسه وهو يبتسم
قامت جدته على طول وضمته وهي تبكي من قلب :بالمبارك ياولدي الله يوفقك ويبلغني يوم عرسك
ضمها رواف وعيونه مبلله بالدموع :الله يبارك فيك ولا يحرمني إياك ياجده وهو يبوس في يدينها
أبو رواف :على البركه ياولدي
رواف :الله يبارك فيك
وكل هذا وفواز وأمه ولا بدارين وش السالفة
زكيه :بشرونا وش السالفه
الجده :أبد يابنتي رواف خطب بنت عمه وراح يشوفها الشوفه الشرعيه الفال إن شاء الله لفواز
فواز قام على طول :أي بنت عم
الجده : الغلا بنت عمك محمد
زكيه بصوت سخريه:مبروك وهي في بالها كثير عليك من مآخذ... بنت سوير
فواز قام وهو معصب
زكيه :ياولدي ما كملت عشاك
راح ولارد عليها
زكيه :ما أدري وش اللي صار بولدي يا عساه خير
ولحقته تبغى تطمن عليه
في بيت الغلا
ليان :آآآآآآه كل هالهدايا لك
الغلا :قولي ماشاء الله
ليان :ياعيني ياعيني على الحب
كان الكيس بداخله صندوق
ينفتح منه أربع أدراج
درج فيه طقم ألماس والدرج الثاني كان فيه دبله ألماس
والثالث ساعه شوبارد مليانه ألماس
والدرج الرابع كانت فيه ورقه
إذا كنت تحبيني دقي على هالرقم 0555رنه وبعدين قفلي
( البارت الجاي )
وش راح تسوي الغلا تدق ولا
وش سر زعل فواز
وهل مخاوف الغلا كانت بمحلها
|
24-06-08, 05:06 PM
جديد مواضيع قسم الارشيف
العرض العادي
