انت عارفه انا لما بزهق بعمل ايه
بنزل وسط البلد بروح على كوبرى قصر النيل باليل طبعا
اخرج مع صحابى نروح اى مكان
انزل اقعد معاهم على الكافى
اخد صحابى ونروح اسكندريه او مارينا نعقد يومين او تلاته
انت عارفه اول لما اخلص الامتحانات يوم الاربع متفق مع صحابى هنروح السينما نشوف فيلم من الافلام الجديده
وهروح دريم بارك يوم الخميس
يعنى مش هضيع الاجازه فى البيت , الاجازه مش بعقد فى البيت حتى النت هيبقى باليل
بصى كل يوم روحى فى مكان زورى صحاباتك اللى بقالك كتير مشفتهمش كده يعنى

صحيح ما هو الفاضى يعمل قاضى.............

الاخت فوفو زهقانة من الاجازة ومش مراعية ان فيه ناس لسه قدامها شهر على ماتخلص امتحانات

ناس بتشمشم على ريحة الاجازة!!!!!!!!!!!!

ارحموا مشاعرى


هههههههههههههههه

بهزر معاكى

انا عارفه فعلا ان الملل فظيع

ربنا معاكى

بس هقولك حاجة
طبعا انا متخيلة انك مش سهل تعملى زى ماتونى بيقولك
البنات برضه مش زى الولاد
وان خرجتى مرة صعب تخرجى تانى

بس هقولك اقعدى مع نفسك قعدة حلوة كده
وفى ايدك كوباية عصير جامده
بس يكون بالليل علشان الجو يبقى حلو
وتكونى قاعده فى البلكونه لوحدك

اقعدى فكرى بقى ودوريها فى دماغك من كل النواحى
شوفى كل حاجة ممكن تعمليها
ولو معاكى ورقة وقلم يكون احسن
علشان تكتبى كل حاجة قدامك وتستبعدى اللى مش هتقدرى تعمليه

الموضوع بسيط
قعده حلوة مع نفسك هتحل كل حاجة

وابقى طمنينا على الاخبار...........

سلام