مرحبا اخي شخابيط قلم ، انا بس عايز اقول لحضرتك على معلومة ، اكثر كتب موجودة في فلسطين ، ومش ممنوع عنهم شراء الكتب ، بس المشكلة عندهم عند عبور الحدود الاردنية والجسر ، بيكون هناك بعض الصعوبات في تحميل الكتب ، لكن صدقني انا جاتلى كتب مستحيل الاقيها هنا في مصر بالعكس احنا عندنا حصر كبير في الكتب وممكن تقول فقر ، انحصرنا على الكتب المصرية والمجلات المغرقة الشوارع وكتب الابراج وتفسير الاحلام وقليل جدا جدا لو لقيت كتاب قيم ، يعني هقول لحضرتك مثال كتب بالو كويلو او غابريال غارسيا ماركيز او رواية جين اير تقريبا مش موجودة وبضطر اسافر عشان اشتريهم وفي فلسطين كل روايات بالو كويلو موجودة وجيبتهم من هناك ، وفعلا مثل ما حضرتك قلت الثقافة مش بالتعليم ، بالفكر والقراءة والبحث في الكتب وليس بكثرة الشهادات فقط ................ وشكرا

عفوا Silence Sound
أستميحك في مداخلة بسيطة ردا على الأخ شرف
كل كتب باولو كويليو موجودة بمصر و ممكن تحصل عليها من مكتبة ديوان في الزمالك
أو حتى version اللي في city stars
أنا أحصل عليهم بمنتهى السهولة من هناك
و شكرا :)

مرحبا بك استاذة ola ياريت تقولي فين في سيتي ستارز ، حضرتك انا بسافر الاسكندرية عشان اشتري اي كتاب ومش لاقي ودورت في كل المكتبات لم الاقي غير كتاب الخيميائي فقط ، ومثل ما بتقولى كلهم موجودين فيه رواية اسمها الجبل الخامس رأيتها من ضمن المجموعة ، وشكرا

كذلك استاذة ola انا بروح مكتبات مثل مدبولي او دار الشروق او دار المعارف وبسأل عن اسامي كتاب عظام مثل مؤنس الرزاز مرة واحد قالى مين مؤنس الرزاز وفيه كتب كتيرة جدا بدور عليها ومش لاقيها خالص بس ممكن الاقيهم في السوق الحرة تابعة للنيل والفرات وحضرتك عارفة ان السوق الحرة مش اي حد بيدخل ، اظن اني مش بقول كلام غريب

أهلا يا أستاذ شرف
version معروف جدا في سيتي ستارز في الدور الأول .. و ممكن تسأل أي شخص من الأمن سيدلك عليه .. و هناك كل روايات باولو كويلهو و ماركيز و إيزابيل الليندي و جميع روائيي أمريكا اللاتينية الكبار
باللغة العربية و بالإنجليزية أيضا
و أعتقد مدينة نصر ستكون أقرب من الإسكندرية :)

كمان ممكن تنزل الروايات من هنا من منتدى الروايات العالمية
لو أي رواية عاوزها قوللي و أنا أرفعها لك