قلت بضحكه على شكله : هممم

منصور : تنفعين كوافيره .. يوم بافتح صالون بشغلج فيه

دقيته على راسه المليان شامبو : نعم عيوني؟؟

ضحك وهو يقول : يالخبله راسي اشوي اشوي .. ممم صح نسيت اقول لج شي؟؟

قلت بعدم اهتمام وانا اخذ رشاش الماي .. وماانتبهت فتحت بس البارد ومافتحت الحار حتى ايي ماي دافي .. : شنو؟؟

قال لي وهو بعده مصكر عيونه : جهزي شنطتج .. بنسافر اسبوع لندن قبل لا تبدأ الدراسه ..

رشيت الماي عليه مستانسه : اللاااااااااي احلف ..

سمعت شهقته .. وهو يمسح ويهه ويبعد الرشاش .. وينتفض : لاحووووووووول باااااااااااااارد تثلجت هيييه هيييه تبين تمرضيني؟؟

ضحكت وبعدت الرشاش : سوري سوري .. يالله بروحك قوم تسبح غسلت شعرك الي ماتطيق تمسكه ..

كان مغمض عيونه ويحك عين وحدة : اخ حرقتيني والله .. انزين يالله طلعي .. بقوم اتسبح ..

: وبعد يطرد مع الويه؟؟..

قال بعبط : استحي اوقف جدامج .. يالله برع

ضحكت وانحرجت طلعت برع بعد ماعطاني المفتاح.. بدلت ثيابي الي كانت متبلله .. ولبست لي بجاما قطعتين برتقاليه "كيفي احب هالالوان لاحد يعترض"
طلعت للصاله قعدت اشوي اغير فالمحطات .. لين مااستقريت على مسلسل ام البنات .. وقعدت اطالعه .. طلع منصور بعد شوي .. ويه وقعد عندي .. وقعد يطالع وياي .. شوي واندق الباب ..

منصور : من؟؟ ..

ردت الخدامه باانها يايبه العشى .. حطت العشى .. وراحت .. حسيت معدتي بدت تقلب وبسرعه ركضت للحماام .. ورجعت كل الي في بطني .. حسيت بطني يعورني واحشائي تتقطع من الالم .. عيوني كانت تدمع وخشمي كان صاير احمر .. غسلت ويهي الي صار اصفر ..

وطلعت بتعب من الحمام .. طالعني منصور بقلق .. وكان واقف عند باب الحمام : اشفيج ؟؟ ..

هزيت جتفي بـ؟ مادري وانا متمالكة نفسي عشان ماابين له اني كنت شوي واصيح وانا ارجع .. سدحني ع السرير .. : رقدي ..

قعدت : مافيني النودة ..

قال لي : ماتبين عشا ؟؟ ..

حسيت بغثيان من تذكرت ريحة العشا وهزيت راسي بـ لا :/ فيني اللوعه ..

...: لايكون حامل؟؟ ..

فتحت عيوني بصدمة .. حامل؟؟ ...






(انتهى)


همسه : البارت هذا عبارة عن بارتين فوق ال 33 صفحه فالورد .. فـ ياريت ماتبخلون علي بردودكم .....

باااااارت روووعه
الله يعطيك العافيه ياقلبي
امممم اتوقع ساروه حامل<بس مادري ليش احس في شي بيغير هالاحداث
وتصير مشاكل مع منصور

امل بيعذبها زوجها وبعدين يعرف انها مظلومه
تشكراااااااااااات

دانه جزء حلو

القهر انه لولو ترجع لمنصور وهو يرجع لها ولاكمان وتتصل عليه وهو يروح لها مالت عليهم
اقول للبنات ترى عنوان الروايه مرتبط بمنصور وسارة ومو سارة وسالم
لان مازال حب لولو في قلبه
كالمقوله اللتي تقول ان الرجل يحتاج الى عصور لكي ينسى امراة عشقها
اتوقع انه سارة حامل وراح تستمر مع منصور علشان ولدها
لكن منصور راح يتزوج لولو

حمد او جاسم راح يتعجل بزواجه من امل لان على كلامه راح يعيد تربيتها لكن مصير علاقتهم الطلاق



سالم فيه تغير للاحسن وان شاءالله يستمر وراح يتزوج مريم

ونتظر القادم بفارغ الصبر

بارت روعه بس كأني بديت اكره منصور لانه يخدع ساره برجعة علاقته مع لولوه .....والي باط كبدي انه يوم كان يمثل شافها مع سالم.
حمد وامل الاحسن يطلقون.
سالم الله يتم عليه التوبه والاستقرار.
فكه من الشيفه الليفه زوجة محمد.
خلاص اول مره ابذل هذا الجهد في التعليق على اي بارت
يعطيك الف عافيه وننتظرك دمتي بخير..........