المنتدى :
الشعر والشعراء
ابداع للمبدع بن مساعد
صباااااااحكم///مسااكم ورد
هذه قصيدتين للمبدع (عبد الرحمن بن مساعد )أعجبتني وحبيت أشاركـ
بها وياكم
أتمنى تعجبكم...
(أجهلك)
أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة
.. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك
0000000000000000000
(اصدق ما كتبت)
انتي..تدرين من انتي
تدرين انك لي غديتي كل شي
وانك غديتي شمس ليلي وفي الهجير الفي
وانك اصدق ماكتبت
وانك احزاني وفرحي ..لاضحكت وانجرحت
وانك غديتي ياعذابي اغلى من حبي علي
قبل الحب يا ما كذبني القصيد
وبعد حبك صار يكتبني القصيد
هو يوصفك بسمة وطرف
وأنا اعشقك في كل حرف
منك شكالي..وصف حسنك اتعبه
وانا شكيتك ..وعشقي لحبك اعجبه
ومهما شكى ومهما وصف
انتي احلى ماكتبت..انتي اصدق ماكتبت
وانتي احساسي وجرحي..لاضحكت وانجرحت
وانك غديتي يا عذابي اغلى من حبي علي
.....!تدرين من انتي
تحيااااااااااااااااااااااااااااااتي
كـــــــــــــــــوووووووين
|
04-06-08, 06:43 AM
جديد مواضيع قسم الشعر والشعراء
العرض العادي
