شوف صراحة هوا موضوع حساس شويتين و الحكم فيه صعب بس راح أحاول أرد

بصراحة أنا لو حبيت وحدة وعرفت إنه في قلبها واحد تاني غيري وإنها تحبني وتحبه طبعاً ما في شي

إسمه تحب إتنين ممكن تكون متعلقة فينا الإتنين أو تحب واحد والتاني مثلاً ترتاحله أو معجبة فيه بس
مستحيل يكون الإتنين حب وقتها راح أحاول أعرف أنا ايش بالنسبة ليها إذا كنت أنا إلي فعلاً تحبني

وقتها أكيد راح أحاول أقرب منها أكتر راح أحاول أخليها تعرف نفسها أكتر وتفهم نفسها وتعرف هيا تحب

مين بالضبط ومين إعجاب أو تعلق أو غيره

بس برضه هذا الشي لفترة وبس يعني ما راح أجلس معاها سنة أقلها إنتي تحبيني وما تحبي فلان ولا

أبعدي عن فلان ولا أجلس أجري وراها كل شوية عشان أثبتلها إنها تحبني

وبيني وبينك هيا لو حبتني بجد راح تكون مستعدة تضحي بكل شي علشاني وأول ما تفهم نفسها ما

راح تستنى لحظة وحدة مع أي شخص في العالم لأني انا حبيبها وماراح ترضى تزعلني او تحرقلي

دمي أو إذا ممكن نعتبرها خيانة إنها تخونني مع أحد تاني

ولو مر وقت طويل وأنا معاها ولقيتها برضه محتارة وقتها ما أدري إش أقول ممكن تكون بتلعب لأنه لو

تحب واحد فمن الطبيعي تنجذب ليه وما تكون تبغى غيره

ولو كنت أنا الطرف الآخر يعني تحب شخص تاني وأنا معجبة بيا أو متعلقة فيا فطبعاً الحل الصح إني أبعد

عشان لا أزيدها حيرة على حيرتها وعشان لا أكون السبب في إنها تتعود على الوضع هادا إنها تكون مع

إتنين في نفس الوقت لأنه صدقني الواحد أي غلط يسويه في البداية يكون جداً صعب لاكن بعد كدة راح

يصير عنده شي عادي فالحل الصح ليا وليها إني أبعد

وأخيراً لو أنا وهوا الإتنين معجبة فينا فالواحد ياخد بعضه أحسن له وأشرف له لأنه الإنسانة إلي ما

عرفت تحبني لذاتي ولنفسي ومحتارة بيني وبين واحد تاني صدقني مو ممكن في يوم من الأيام إنها

تحبني أو يكون بيننا شي

لأني أنا زي ما أنا ما راح أتغير وإذا ما حبتني دحين ما راح تحبني بعدين فليش الواحد يجلس في حيرة

ويتعب نفسه في الفاضي

ينسحب ويحاول يتناسى الموضوع وكلها فترة وراح يتعود ويرجع زي ما كان

وآآآآآآآآآآآآآآآآآآآآآآآآآآآآآسف ع الإطالة بس الموضوع حساس ومحير ويحتاجله تفصيل

تسلم ع الموضوع ما ننحرم منك يا رب