كاتب الموضوع :
×رمــاد الشــوق×
المنتدى :
الارشيف
لندن/المستشفى
سيــاف
27سنه
[الهدوء بيذبحني احس اني تعبان وافكاري مشوشه تعبت من الغربه بس وش اسوي؟؟ والا اروح لمن اذا رجعت الرياض؟؟
صعبه الحياه في بلاد غريبه احساس فضيع.. صحيح الجو حلو والمناضر تاخذ العقل بس وش استفيد!!اذا كانت الهموم ملازمتني بكل لحضه ]
واقف عند الدر يشه يناضر الرايح والجاي [ تك تك تك] صوت القلم بيده يفتحه ويسكره ومع صوت الساعــه اللي بالجدار
[سياف] اخذ له نفس طويل
.
.
طق طق طق
لف يناضر الباب
====================================
ساجر
25سنه
[..امم انا انسان مزاجي والكل يقول اني وقح !!لاتستغربون
بس تدرون كلام الحق ينزعل منه وانا انسان اللي بقلبي على لساني..وماحب المجاملات ابدن ]
طلع من الحمام ينشف شعره
ناضر بساعته 4 العصر
لبس واخذ شنطته
المليانه فراشي والوان
وراح للمرسم
====================================
السعودية/قصر ابو ناصر
روعه
22سنه
ناصر
26سنه
[ اف قاعده لحالي وناصر لين الحين ماشرف واخاف انزل تحت واتهاوش مع امه والا اخته الله ياخذهم وافتك]
تمشط شعرها ..سرحانه ...تفكر.. أفكارها ماخذتها لبعيد..
صحتها البوسه اللي طبعها على خدها
ناصر:في من سرحانه
روعه ابتسمت بهدوء : ولا حد
ناصر:طيب أنا مستعجل وبروح لشركه
روعه وقفت :لا اجلس شوي والله مللت قاعدة لحالي
ناصر ابتسم :مسرع اشتقتي لي
روعه انحرجت شوي:خلاص كيفك روح
ناصر:والله وراي شغل
روعه :طيب صدقتك
طلع وهو مبتسم
روعه خذت لها نفس طويل وتدعي ربها انه مايغير عليهم
[بس مو كل شي نتمناه بيصير!!]
====================================
شوارع ضيقه وبيوت صغيره وبعضها مهجوره
.
.
والصغار يلعبون كوره بالشارع والازعاج بكل مكان
نايمه بسابع نومه مع الحر اللي بالغرفه لأنه المكيف خربان
سحبت اللحاف منها...فزت من النوم.. شعرها منكوش ومبهذل ..قعدت تحك راسها
ام صالح:قومي يامال الوجع ساعديني ..يله
رحاب وصوتها مليان نوم:وش السالفه!!
ام صالح:قومي بدال منتي قاعده لا شغله ولا مشغله
رحاب فزت:والله من ولدك اللي ماخلاني اكمل الجامعه
[قعدت تقلد صوته]البنت مالها الابيتها تقعد فيه و تساعد امها
صالح دخل راسه من الدريشه المغبره:ليه مهوب عاجبك ؟؟
ناويه تدخلين الجامعه غصبن عني
رحاب بصوت واطي:من وين طلع هذا؟؟
صالح:استغفرلله روحي شوفي شكلك بالمرايه بس
رحاب رايحه الحمام اللي جنب المطبخ بالحوش:ليه انا عندي مرايه مثل الناس حتى؟؟[سكرت باب الحمام بقوه]
صالح:يمه انا رايح تامرين على شي
ام صالح:الله يحفظك
[هذي حياتي وهذا الروتين اليومي والاسطوانه نفسها اللي تسمعني اياها امي ..ادعو لي اني اتزوج غني وافتك من الهم والفقر]
====================================
[الانجلش مش ولابد يعني لاتدققون فيه]
لندن/المستشفى
سياف :to day you takin off>>اليوم بشيله عنك
[تينار] تناضر بالجبس :triad of it has>>مليت منه
سياف ابتسم
شال الجبس وحط لها شاش على ماتتعود
تينار تناضر بيدها قالب لونها احمر
:ليه كذا
ناضرها منصدم[البنت تتكلم سعودي والا انا اتوهم]
تينار :ابـــ
قاطعها:انتي سعوديه؟
تينار ابتسمت:وانت سعودي؟
سياف :بصراحه ماتوقعتك سعوديه ابد
تينار :انت يبين شوي انك سعودي
سكتو ثواني
تينار متردده:امم ممكن اسأللك سؤال
سياف:تفضلي
تينار:انت عايش هنا
سياف:تقريبآ
تينار:اهاا انا مولوده هنا
وو .. عايشه مع جدتي عشان كذا اعرف اتكلم سعودي
سياف:[شكلها هذاره]
سياف:ليه عايشه مع جدتك وين امك وابوك
تينار:ابوي توفى وانا صغيره وامي تزوجت بريطاني
سياف بصدمه:امك سعوديه
تينار تضحك على ردة فعله:لا لبنانيه
سياف :اها
سياف: السوالف خذتنا وفيه ناس ينتضرون ادوارهم
تينارتلعب بخصله من شعرها:امم نقدر نتقابل بعدين؟؟
سياف مستغرب:اكيد
تينار : اوكي بعطيك رقمي وابي رقمك عشان نكون على اتصال
سياف على وجهه علامة استفهام :تفضلي رقمي
سياف لاتحاولين تشيلين أي شي ثقيل..مفهوم[ابتسم لها وبانت غمازاته]
تينار :مفهوم
تينار
21سنه
[ انا وحده اخاف حتى من ضلي لو لا جدتي الله يخليها لي مهيب جنبي كان ماقدرت حتى اطلع لناس
..ماعندي صديقات..
فرحت مره يوم عرفت انه سياف سعودي مدري ليه!!]
====================================
السعوديه /الشركه
طق الباب ودخل
رفع نضره ونزل نضاراته الطبيه
بو ناصر [جراح]:اجلس ...سويت اللي قلت لك عليه
ناصر:ايه طال عمرك وكل شي تمام واللي قلته نفذته
جراح:زين زين .... اخوك التعبان وينه
ناصر: طال عمرك [عناد] يمكن بالجامعه
جراح:اتصل عليه وشوف وين ذالف
ناصر: انشالله
طلع الجوال ودق عليه
..
..
..
بين الازعاج والضحك والسوالف
رن جواله
ناضر فيه ..عناد:لحول
رد :الو
ناصر:وينك
عناد :انا السؤال هذي ينرفزني
ناصر:استح على وجهك وتكلم عدل
عناد:وش تبي الحين
ناصر:الوالد يبيك
عناد عدل جلسته:وشو!! طـ طـيب وش يبي
ناصر:والله مدري بس يسأل عنك يبي يعرف انت وين
عناد:تكفى قله بالجامعه
ناصر:مافيه فايده منك يله اذلف
وسكر بوجهه
عناد
24سنه
[لعب وبنات و وناسه بعيد عن الشركه والشايب اللي ماعنده غير الاوامر ..]
====================================
لندن /المرسم
بيــن اللوحات والألوان المعبيه المكان ومتناثرة علــى الارضيه
.
الزقاره بيده اليسار والفرشاة بيده اليمين
يرسم بدقه وعيونه حمرا من قلة النوم
:خلاص ماباقي إلا كم رسمه واخلص
اخذ له نفس من الزقاره وحط الفرشاة على الطاولة ....راح صوب جواله
اتصل على رفيقه
سآجر:الو وينك
عمار :موجود
سآجر :طيب وش سويت بالي قلت لك عليه
عمار :وش قلت لي؟
سآجر:معرضي بعد اسبوعين
عمار :طيب وش اسوي لك
سآجر يضر ب راسه:عليك برود غير طبيعي
ماقلت لك ابي بنت ندعسها على زاويه ونخليها تعزف
عمار:يوه نسيت خلاص بشوف دانه يمكن تعرف وحده
وبعدين اللي ابي اعرفه ليه بنت بالذات
سآجر:انت مالك دخل نفذ وانت ساكت
عمار :اوكي سي يو
سآجر :اذلف
====================================
ليان
20
[الجو هادي اليوم.. يمكن اروح ازور لميا بنت خالتي ..عساني اشوف اخوها فهد]
السعوديه
طوت سجادتها بعد ماخلصت من الصلاه
راحت صوب المرايه ...لمت شعرها
خذت العبايه والكتب وانزلت
ليان : مرحبا
ام تركي:هلا والله ببنيتي
تركي يقرى الجريده ومن دون لايناضرها
:وين رايحه
ليان: بيت خالتي ابي اودي الكتب للميا واقعد معها شوي
تركي: ومن بويصلك
ليان:البيت قريب بروح مشي
تركي:لاتتأخرين وروحي مع الشغاله
ليان تبلع ريقها :انشالله
====================================
راجعه من المدرسه ...الدنيا حر والشمس عموديه
تجر ارجولها جر وتسحب شنطتها على الارض
طلعت رحاب من المطبخ وبيدها تفاحه
رحاب تخصرت:اقول [سلامه]وراك تمشين كذا ؟؟ وقاعده تسحبين بالشنطه
سلمى من بين ضروسها:كم مره قلت لك لاتناديني سلامه..وبعدين مالك دخل فيني
رحاب:ولاتزعلين سلامه من اليوم ورايح منيب قايله سلامه وانسي اسم سلامه واللي اخترع اسم سلامه
سلمى دخلت غرفتهم من دون لاتناضرها
رحاب وقفت عند الباب:لاتتعبين نفسك بالدراسه عشان تاخذين شهادة الثانويه..
مادامك منتيب داخله الجامعه وش فايدتها؟؟
سلمى تفصخ عبايتها:ليه قالو لك فاشله مثل بعض الناس؟؟
رحاب مدت بوزها:وش فيهم بعض الناس
مرتاحين والحمدلله
سلمى:اكلي تفاح وانتي ساكته
سلمى
17سنه
[ فقر فقر فقر ..طفشت من الفقر ودي اعيش ثانيه مثل بنات العز...اخ بس
ارجع من المدرسه ميته من الحر ...ولا القي لي غرفه وحده يارده!! كل المكيفات خربانه ]
====================================
طالع من الحمام بعد ماخذى له شور دافي
زيد حاط رجل على رجل وقاعد عند التلفزيون...
سياف رمى عليه الفوطه...:وراك تطالعني كذا
زيد عطاه نضره: مستغرب من شي!!
سياف قعد على الكنب:وشو؟؟
زيد:من البنت اللي دقت قبل شوي تبيك؟؟من وين عرفتها
سياف يحك راسه:أي بنت
زيد رمى عليه الجوال :شوف اخر رقم
سياف ناضر يبي يتذكر:ايه يمكن تينار..شكلها بتزعجني
زيد عدل جلسته:ايوه قلي وش سالفتها
سياف:يالقفك ياشيخ
زيد:لاتغير الموضوع من ذي
سياف :هذي الله يسلمك....[وكمل السالفه]
====================================
حطة الكيك والعصير على الطاوله الصغيره
وجلست جنبه....ناصر يناضر بالتلفزيون
روعه :وش رايك تاكل من الكيك اللي سويته
ناصر ابتسم لها:تسلمين حبيبتي
واكل منها شوي
روعه:شكل المسلسل حلو
ناصر:اول مره اتابعه
....
مرت مشاهد لمسلسل وهم مندمجين معه...
احد
مشاهد المسلسل
[الممثله:عندي لك خبر
الممثل:خبر!!وشو
الممثله ابتسمت وحطت يدها على بطنها
الممثل ابتسم :انتي حامل!!
الممثله هزت راسها بــنعم]
انقطع المشهد بعد ما روعه طفت التلفزيون
ناضرها ناصر:وش فيك ليه طفيتيه
روعه بارتباك:المسلسل سخيف
ناصر حس فيه شي: قبل شوي تقولين حلو ..وش اللي غير رايك
روعه تحاول تغير الموضوع:البنات اللي فيه ماصخات
ناصر مسك ذقنها ولف وجها صوبه:ريم انتي ليه خايفه
روعه:من وشو ؟انا منيب خايفه من شي
ناصر:انتي ادرى..وقام وطلع
روعه سرحانه وصحاها صوت التلفون
ردت:الو
ليان :وينك انتي ماتردين
روعه:موجوده
ليان :روعه فيك شي
روعه:مدري
ليان :اكيد مشكله مع ناصر وعلى نفس الموضوع
روعه:ايه
ليان :طيب ليه ماتروحون المستشفى وتتأكدون
روعه بانفعال:لا عشان يدري اني ماجيب اولاد ويطلقني
ليان:انتي ليه متأكده ..
روعه:حاسه
ليان:ليه حاسه؟ياذكيه انتي كل شي فيك طبيعي والحمدلله
روعه:مدري بس خايفه
[والمكالمه راحت كلها على هالسالفه]
====================================
الوقت يمر وهو الى الان وهو مندمج مع لوحاته
رن جواله وقطع عليه حبل الافكار
رد:خير
عمار:افا هذا وانا جاي ابشرك
ساجر:يتتكلم والا اسكر
عمار:اسمع لقيت وحده حلوه بس ماشفتها
ساجر:تستهبل انت
عمار:دانه اللي معي بالجامعه تقول انها تعرفها وتقول انها حلوه
ساجر يحك راسه بطرف الفرشاه :طيب وش اسمها
عمار:وش عرفني
انت ماعليك الا تروح لها وتزورها وتتفاهم معها وبس
ساجر:اوكي عطني العنوان ...مايمديه يعطيه العنوان الا وسكر بوجهه
====================================
قاعدين يتغدون على الارض ...سلمى تناضر برحاب تاكل بسرعه
سلمى:شوي شوي ترى مهوب طاير
رحاب وبفهما بقايا اكل:ماللك دخل
سلمى:الله يسد نفسك بس..وش ذا
ام خلف:اكلي عدل اختك اللي اصغر منك تعلمك؟!
رحاب تشرب من اللبن :الحين الواحد عندكم ماياكل براحته
سلمى:صكيتي العشرين ولا تعرفين الاتيكيت؟!
رحاب:تكفين عاد انتي اللي ماخذه دروس فيه
سلمى:هم ياخذون دروس فيه؟؟
رحاب : وش عرفني ...... اضحكة وقالت:ياحلوني ساكته
====================================
حكى له اللي صار معه اليوم
سياف: وهذي سالفتها كلها..
زيد:اها طيب والحين شلون
سياف:ولا شي
زيد:ولا شي ..ولاشي؟؟
سياف قام صوب المرايه وقعد يمشط شعره:وش قصدك يعني؟؟
زيد:يعني منت خاسر شي اذا كلمتها ..زرتها ..صادقتها..وبعد انت شكلك مقبول يعني تمشي الحال
سياف يناضر شكله بالمرايه ..شعر اسود مره لنص ارقبته ..ملامح حاده ..:اجل انا مقبول يالشين
زيد:خل عنك حركات المبزره وخــ
قاطعه سياف :زيد وش تبي توصل له
زيد:جرب تتعرف عليها خلنا نعرف وش سالفتها
سياف:وانا وش علي منها
زيد:اذا ماتبيه حولها علي
سياف:ياحبك للبنات
زيد:ياخي خلنا نتسلى شوي ..ورمى عليه التلفون وقال :دق عليها يله
سياف:لا واثق
زيد:لاتعقد الامور منت خاسر شي
سياف ناضر بتلفون:انت شايف كذا
زيد:يس
سياف دق وضغط سبيكر:الــو مرحبا
تينار:هلا سياف اخبارك
سياف: تمام
تينار:اتصلت قبل شوي ورد علي واحد وقال انك مشغول اخاف اشغلتك الحين ؟؟
سياف:لا لو كنت مشغول مادقيت
تينار:اها
[سكتو ثواني]
تينار:امم وش رايك نتقابل بكوفي شوب
زيد:هذي شكلها منتهيه
سياف يأشر له يعني اسكت
تينار :عندك حد
سياف:لا هذا صوت التلفزيون
سياف يأشر لزيد يعني[وش اقول لها]
سياف:اقول تينار اخبار جدتك
زيد يضرب راسه يعني[وش ذا السؤال]
تينار :بخير
سياف:طيب متى تبين نلتقي
تينار:الحين
سياف بصدمه:الحين!! بس
تينار :بلييييز
سياف:لا لا اصلن انا مشغول
تينار:اسفه اشغلتك مع السلامه ..وسكرت بدون لاتسمع منه أي رد
سياف يناضر يالتلفون
====================================
جلس جنبه وسأله :من اللي دق عليك قبل شوي
عناد:هذا واحد من الربع
بجاد:ايه
عناد:رايح لشقه اليوم
بجاد:يمكن.. ليه تسأل
عناد:بس فضول ..طيب كيف تتفق معهم
بجاد:بسيطه اللي تبي الفلوس تجيك ركض
عناد:هههههههه عندك خبره
بجاد:افا عليك بس هاه كل شي بالحلال
عناد:حلالك مدري شلون انت
بجاد ابتسم:لا ...تطمن كل شي حلال والا انت هامك اصلن
عناد ويشرب من كاس الخمر:اممممم لذيذ
بجاد:اممم بس ريحته تقرف
عناد :جرب
بجاد:لا شكرا ً
[هذي حياتي المقرفه اللي ماقدر اتخلى عنها من بعد ماتعرفت على عناد واشكاله
بس الاكيد بصير شي يمكن يغير حياتي ..ادعو لي ان الله يهديني
بس لحد يفهمني غلط من كلامي مع عناد ترى كل شي بالحلال!!]
====================================
نزل من سيارته .... وقف قدام العماره يناضرها
ورجع يقرى الورقه
ساجر يضبط شكله ودخل العماره
وقف عند الباب ورتب شعره بعدين طق الجرس
انتضر وانتضر لين ماجاه صوت ناعم
من ورى الباب
:اكيد دانه [وانفتح الباب]
اول ماطلعت راسها الا وطاح عقدها بالارض
نزلت تجيبه ونزل ساجر بنفس الوقت
حط يده على العقد وهي قاعده تتحسس بالارض وتدور عليه [شك من حركتها]
حطت يدها على يده بعدين جمدت ماتحركت ...حست بانفاس قريبه منها وريحة عطر رجاليه
سيما بسرعه وقفت ورجعة لورى وسكرت الباب
ساجر:لحضه انا جاي من طرف دانه
سيما من ورى الباب:وش يثبت لي
ساجر :دقي عليها
سيما:انت اتصل عليها
ساجر:طيب دقيقه ..
طلع جواله من جيبه واتصل على عمار وعمار عطاه رقم دانه
واتصل على دانه:انتضرها ترد
دانه :الو
ساجر:اخيرا رديتي
دانه:عفوا من معي
ساجر حكى لها كل شي وعطى سيما الجوال
بعد ماخلصت
سيما:طيب وش بغيت
ساجر :بطول عند الباب يعني
سيما بتوتر :هاه اااأأأأ
ساجر:وشو أأأ بتخليني ادخل والا اروح
سيما :لالا تفضل
دخل وجلسوا بالصاله
ساجر:اعتقد انتي عارفه ليه انا جاي اليوم
سيما:ايوه وبصراحه انا فرحانه مره وكنت انتضر مثل هالفرصه
ساجر:طيب انتــ......
وبدى الحديث معهم يطول الين مااتفقوا
ساجر :[وش فيها ماتطالعني يمكن مستحيه]
سيما تناضر بالطاوله الصغيره اللي بالنص وشعرها مغطي بعض من وجهها
استغرب انها ماناضرته من يوم مادخل اللين الحين
ساجر:اوكي أنــ...وقف على اساس انه بيطلع ومد يده لها
ماوقفت!! ولا مدت يدها!!
قرب منها وقعد على ركبته قبالها وحرك يده يمن ويسار قدام وجهها
سيما شمت ريحة العطر وحست انه قريب
وقفت وبنفعال:انت تستغلني؟؟
ساجر:كيف عرفتي اني قريب ؟؟انت ِ عميا
سيما :لو سمحت اطلع برى
ساجر :لاتفهميني غلط انا مادري انك عميا
سيما هدة شوي:دانه ماقالت لك
ساجر:ولاجابت لي سيره
سيما:انا اسفه مــ...
قاطعها ساجر:لا انا اللي اعتذر ..واعتذر مره ثانيه لني ارفض الشغل الي بينا لني بصراحه ماأثق فيك
سيما ساكته ومنصدمه من وقاحته [مايثق فيني عشاني عميا !!]
ساجر
[بالعقل ليه اجازف مع وحده عميا ؟؟يا أنهم مخربطين بالعنوان او ناهم استخفو ..قال عميا قال]
====================================
تن تن رنة الرسايل
رفعة جوالها مستغربه
ليان :ياربي شكله مضيع راعي الرقم وش عنده كل شوي مرسل رساله
.
.
,
بجاد:هاه ردت
عناد:لا صار لي كم يوم وانا ارسل لها
بجاد:وش عرفك انها بنت
عناد:هذي وحده من البنات اللي معها بالجامعه تقول انها ماتحبها وتبيني اسجل صوتها وافضحها
و اعلقها
بجاد:اها طيب وش لك ببنت الناس خلها بحالها
عناد: اقول اسكت بس
.
.
.
لميا شايله القهوه والشاي
حطتهم وجلست
لميا :اقول وش عندك مع هالجوال؟؟
ليان تخفي توترها :ولا شي ..كنت اكلم ريم والحين ارسلت لي رساله
لميا :اها ..طيب ليه ماجيتي اليوم الجامعه
ليان :بس كذا طفشانه
.
.
.
.
[وش بيصير بعد هالرسايل الله يستر حاسه انه بيصير لي شي بغير لي حياتي ..مدري ليه حاسه انه فهد بيكون بالموضوع ...يوه شكلي من كثر ماحبه صرت اتخيله بكل شي بحياتي ]
هذا اول جزء لروايتي وبشوف انطبعاتكم وأرئكم فيها
×رمـاد الشـوق×
التعديل الأخير تم بواسطة ×رمــاد الشــوق× ; 31-05-08 الساعة 11:58 AM
|
30-05-08, 12:21 PM
جديد مواضيع قسم الارشيف
العرض العادي
