أنار الله دربك بالصالحات همووس

كلماتك لها وقع عميق في النفوس


جزاك الله خيراً

إيه الحاجة اللي انت عاوز تعملها بالضبط ؟
الحاجة الي عايز اعملها .. اني اكون صح


و إيه نوع التقصير اللي بتتكلم عليه؟
التقصير .. في حق الله سبحان وتعالى


لأي مدى يعني؟
لدرجة .. اني مش قادر حتى اني اكون صادق في دعائي

ممكن يكون لعده اسباب انت ادري بيها مني ممكن اذكر بعضها

انك ملكش صحبة صالحه فعلا تعينك علي الطريق

ممكن يكون انك بتدعي بس جواك شك ان هل ربنا هيستجيب دعائي وانا عاصي ؟؟ هل يستجيب لي وانا حاسس اني مش صادق في الدعاء ؟؟ هل هل ؟؟؟

وللرد علي اللي فات يامحمد ان من شروط الدعاء انك تكون علي يقين تاااااااااااااااااااااااااام بان الله سيستجيب دعائك حتي ولو كنت مخطيء او عاصي ( ربنا استجاب لدعوة الشيطان بانه يظل الي يوم القيامة)


قَالَ فَاخْرُجْ مِنْهَا فَإِنَّكَ رَجِيمٌ{34} وَإِنَّ عَلَيْكَ اللَّعْنَةَ إِلَى يَوْمِ الدِّينِ{35} قَالَ رَبِّ فَأَنظِرْنِي إِلَى يَوْمِ يُبْعَثُونَ{36} قَالَ فَإِنَّكَ مِنَ الْمُنظَرِينَ{37} إِلَى يَومِ الْوَقْتِ الْمَعْلُومِ

وكمان من شروط استجابة الدعاء هو انك متستعجلش علي الاستجابة في يوم ربنا هيستجيب ولعله مأخر الاستجابة لحكمه ،،، مش لعله .. لا ... هو اكيد لحكمة .... الا تعلم ان من أسمائه جل وعلا الحكيم ؟؟ اكيد عارف وده وقت انك فعلا تحس بالاسم وتؤمن به

والدليل علي ان ربنا سيستجيب الدعاء حتي ولو بعد اييييييييه


وَقَالَ مُوسَى رَبَّنَا إِنَّكَ آتَيْتَ فِرْعَوْنَ وَمَلأهُ زِينَةً وَأَمْوَالاً فِي الْحَيَاةِ الدُّنْيَا رَبَّنَا لِيُضِلُّواْ عَن سَبِيلِكَ رَبَّنَا اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يُؤْمِنُواْ حَتَّى يَرَوُاْ الْعَذَابَ الأَلِيمَ{88} قَالَ قَدْ أُجِيبَت دَّعْوَتُكُمَا فَاسْتَقِيمَا وَلاَ تَتَّبِعَآنِّ سَبِيلَ الَّذِينَ لاَ يَعْلَمُونَ{89}


لو فتحت تفسير بن كثير في الآيات دي وهي من سورة يونس هتلاقي ايه ؟؟؟؟؟

ان اللي بيدعي : نبي ( موسي عليه السلام )

واللي بيأمن علي الدعاء : نبي ( هارون عليه السلام )

وبيدعوا علي مين ؟؟ علي كفرة

بيدعوا ان ربنا يطمس علي اموالهم يعني تتحول لحجارة او شيء من هذا القبيل

ربنا استجاب لدعائهم بعد كام سنة ؟؟؟

40 سنة اربعيييييين سنة

وفعلا الاموال تحولت لحجارة ولم يعد لها قيمة

تفتكر ليه ؟؟؟؟ ده لحكمة ربنا يعلمها


الشاهد من كلامي الاخير ده ايه ؟؟ اني اقولك متستعجلش في الدعاء

لان النبي صلي الله عليه وسلم قال :: يستجاب لأحدكم ما لم يعجل فيقول : قد دعوت فلا ، أو فلم يستجب لي .....
الراوي: أبو هريرة - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 2735

ومتسبش بابه ابداااا اعمل طاعات كتييير صدقة صلاة ووووو


وفيه حاجه مهمة


ممكن يكون فيه معصية معينه انا بداوم عليها ربنا بيحرمني بيهاخيير كتييير
دور وابحث وشوف واكيد هتعرف

وعلي فكرة مش شرط المعصية دي تكون كبيرة من الكبائر ممكن تكون صغيرة ولكن مع اصراري عليها تصبح كبيرة من الكبائر


ربنا يوفقك

لكل ما يحب ويرضي

________________________________________________