كاتب الموضوع :
ارادة الحياة
المنتدى :
القصص المكتمله
فهد يبتسم..هلا بالغاليه ام فهد
ام فهد..بشرني ان شاء الله وافقت
فهد ويتنهد..يايمه حرام بنت الناس
ام فهد..انا قلت لهم ماكذبت ووافقت
فهد..ليه وافقت انا هذا الشئ الي ابي افهمه ليه بنت توافق على انسان محروم من الاطفال الا اذا الله اراد ليه
ام فهد..فهد كم مره قلت لك انا قلت لهم ووافقت وهي مطلقه بس انها توها
فهد..طيب يمه الي تشوفينه بس بشوفها
لم فهد..موافقين وابوها رجال كبير وطيب وعلى قد حاله
فهد خير ان شاء الله انا بمره اليوم
تحدد الموعد وشاف فهد نوف وكلمها بحضور ابوها
فهد..اسمح لي ياعمي اني اسأل
ابو نوف..تفضل ياولدي
فهد..انا الله ماكتب لي نصيب يكون لي عيال لكن ودي اسمع موافقة نواف وهل هي راضيه
ابو نوف ويلتفت عليها..انا ماعندي عيال ياابوي بس بناتي نور عيوني وهذي نوف ابوي قولي رأيك
نوف بحياء..موافقه
فهد..اتمنى تكون بقناعه
طلعت نوف وابتسم فهد لان البنت عجبته وارتاح لها وتحدد موعد خطبته قريب وتمت والكل فرحه له وانبسط ودعى ان الله يوفقه وظل هالسر مجهول مايعرفه الا ناسس محددين وحتى خواته مايعرفونه وبيوم سأل فهد نوف
فهد..نوف ليه وافقتي علي
نوف..كنت متوقعه سؤالك فهد انت ولد جيرانا من فتره اهلي كلهم يعرفونك والكل يمدح فيك وانا الله كتب لي زواج شفت العذاب فيه ولما قررت اوافق عليك لاني كنت محتاجه الامان والاستقرار ومحتاجه شخص يكون لي اب واخ وزوج ويكون ابن لابوي وانت بسمعتك الطيبه تستاهل صدقني
ابتسم فهد..الله يقدرني واسعدك
نوف..ويقدرني
دارت الأيام سريعه قلوب سعيده وقلوب تعبانه..ناس مرتاحه وناس شقيانه..أطفال تلعب وذكريات تدفن..ليالي تموت وايام تولد ..ساعات تتلاحق ودقائق تتعانق ..مرت سريعه الأيام والكل بدأ بالاستعداد لشهر الرحمه لشهر رمضان ..شهر تصفد به الشياطين وتجتمع به القلوب ..شهر تطمئن به الانفس وتتعانق به الامنيات ..شهر يغتنم الكل به الدقائق لصلاة وقيام لذكر ودعاء ..شهر يغمرنا به الاحساس بالراحه والقرب من الله ..شهر نبحث به ونتذكر قريب فقدناه ..او حبيب وادعناه ..او جار نسيناه ..او اب او ام عقيناه ..او اهل واعمام واقارب قطعنا تواصل بينا ..شهر تتلهف القلوب به الى الانظمام مع بعضها ..شهر تتجرد به الانفس من اثامها ..
ومع الاستعداد والفرحه بقدوم الشهر الكريم في بيت ام فيصل زادت الفرحه اكثر واكثر بقدوم أول حفيده لهم ..
بغرفة شوق بالمستشفى محمد ويحضن امه وهو تصيح ..اخيراً يمه ماني مصدق
ام فيصل وتمسح دموعها..الله يخليها ويخليكم لها وتتربى بعزكم يارب
محمد..الله يخليك لنا يااغلى ام بالدنيا
ام فيصل وتبتسم لشوق..اي الاسماء بيفرح لانه بيكون لشيختنا
محمد..طبعا نوره
ام فيصل..الله يخليكم ياعيالي
طق الباب ودخلوا البنات وسلموا على محمد وباركوا له
ساره..ياقلبي عليها قمر محمد
محمد..طبعا على امها
غدير..لا على جدتها مو اسمها نوره
اماني..والله يامحمد تشبهك
سلوم وزعلان..بشوف ارفعوني
محمد..هههههههه تعال
سلوم..صغيره مرره
ام فيصل..بنات وين فيصل
غدير..هههههههه نسيناه برا يامحمد
محمد..تغطي شوق خلي بيدخل يسلم اكيد
طلع محمد ودخل فيصل ومن عند الباب
فيصل ..عالبركه ياام نوره تتربى بعزكم
شوق..الله يبارك فيك
فيصل ويلتفت على امه..هالغاليه شرايك ببنتنا
ام فيصل وتقوم وتمسك فيصل..تعال
شالتها ام فيصل واعطتها فيصل الي تردد قبل مايشيلها ..محمد تعال انقذ بنتك مااعرف صغيره
ام فيصل..افا ماتعرف خلصت من محمد وجاء الثاني فشلتونا عند حريمكم
فيصل وشالها بهدوء ..مشاء الله تبارك الله الله يخليها لكم وتتربى بعزكم يارب
اعطاها امه وبارك لمحمد وستأذن وطلع ..التفتت غدير على العنود
غدير مبتسمه شفيك..
العنود..مااتخيل فيصل يكون اب احسه حنون وساعه لا
غدير..والله اخوي مافيه مثل قلبه
العنود..ماقلنا شئ
غدير..هههههههههه
اماني...يالله نروح وخليها ترتاح
ام فيصل ..انا بجلس عندها
شوق..لاتعبين نفسك خالتي خلي نجلاء تجلس
ام فيصل..لا انتي مثل بناتي وانا الي بجلس معك
شوق..الله يسلمك خالتي
طلعوا البنات وتركوا ام فيصل عند شوق الي طلعت باليوم الثاني وتغير بيت ام فيصل بقدوم هالحفيده 180 درجه اعطت البيت جو حلو من الطفوله والبراءه وشكلت مع سلوم حالة امل رائعه لكل من ينظر لهم ..
انتهى شهر الخير ..وفرحوا الكل بالعيد ..لكن فيه فرحه غير لقلبين حايرين خايفين ينتظرونها ..العنود وفيصل ..ساعات قليله ويجتمعون بعد معاناة مع المشاعر ..وبعدها مع المشاكل واخيرا مع الوقت ..ساعات وتتزوج العنود وفيصل وترح وترتاح قلوب كثيره ..
اماني..الله يخليك العنود لاتصيحن من اسبوع وانتي تصيحين
ساره..بس خلي دموع يمكن تحتاجينها بعدين
العنود وتبتسم..خايفه
غدير..لاتخافين وانتي متزوجه فيصل
العنود..المهم شكلي حلو
ساره..قمر بس قاهرتني ليه ماعملتي زواج كبير
العنود..لا بالبيت مختصر اجمل واهدى
غدير..ياعيني عليك
دخلت ام فيصل وسلمت عالعنود ووصتها وصاحت وطلعت
غدير..هههههههه امي من شهر تصيح عاادي الله يستر بس لايصيح الحين فيصل
شوق..كلوووووووووووووووووش يالله يالعروس انزلي
وقفت العنود وكانت رائعه بالابيض رائعه بجمالها بحياها وخوفها توترها وقلقها ..كانت فعلا عروس الابيض اعطاها احساس السعاده الي انعكس على تعابير وجهها الا عيونها الي عملت المستحيل لاقدرت تمنع دموعها نزلت والكل ذكر الله وشوي ودخل فيصل وسلم عليها وجلس
التفت ..ليه هالدموع
العنود تحاول تتمالك نفسها..مافيه دموع
فيصل ويمسك يدها عند الكل وبشكل مفاجئ احرجها ..انا امك وابوك واخوك وزوجك وكل دنيتك طلبتك بلاها هالدموع
ابتسمت العنود واحمر وجهها
ام فيصل..اصبر مو عند الناس اذا طلعتوا
فيصل ويضحك..ان شاء الله بس يالله بنطلع
طلعت العنود فيصل بعد ماصاحت وهي تسلم عليهم لكن فيصل قدرت يغير الموضوع ويقلبه مزح وطلعت العنود مع فيصل زوجه له على سنة الله ورسوله ..
هنا ينتهي الجزء.......... ولكن تابعوا فهناك مشاهد
## مضت سنه وكان هذا مشهد من أيامها ##
حمد ويدخل البيت وبصوتعالي..يانور البيت سارونه عمري
ساره ونازله زعلانه ..هلا حمد
حمد ويضحك..سامحينا خلاص مابتعودها مره ثانيه
ساره ومازالت زعلانه..تتركني خايفه عليك
حمد ويبتسم ويروح لها ..ياعمري نسيت جوالي بالسياره خلاص سارونه
ساره وتبتسم..طيب خلاص بس لاتنسى مره ثانيه
حمد ويأشر على عيونه...من عيوني
ابتسمت ساره لحمد الي باابتسامته تبتسم له كل الحياة
شوق وبفرح تحضن نجلاء..الف الف مبروك
نجلاء باابتسامه..الله يبارك فيك مو مصدقه اني حامل وبيكون عندي طفل
شوق ..لاصدقي بس حبيبتي انتبهي لنفسك
نجلاء..خلاص ذبحني عبدالله توصيات
شوق..هههههههه الله يوفقكم يارب
نجلاء ..آمين
نواف ويفتح المكتب ويحصل عبير تكتب ..يابخت الورق والقلم
عبير باابتسامه..لا يابخت الي انكتب له بالقلم عالورق كذا احلى
نواف ويقرأ المكتوب ..أحـــبك
التفت عليها ..تعرفين عبوره اني ندمان على سنوات عمري الي ضاعت من غيرك
عبير وتبتسم..انسى كل الي راح
نواف..توقعت ممكن انسانه تكتب لي اوراق تسجل فيها لحظات سعاده من كل سنه لكن معك مستحيل هالملف يكفي يوصف احساس ثانيه بوجودك بحياتي يااغلى من الغلا
عبير وتبتسم..الله لايحرمني منك
نواف..ولامنك يارب
الكل مجتمع بالصاله ماعدا محمد وشوق وفجأه يوصل مسج لجوال فيصل ابتسم بعد ماقراه وانقهرت العنود لكن ماوضحت وشوي ويدق جواله ويرد ويبتسم ويقفل ويتكرر الموضوع مرتين
ام فيصل..من هالي يتصل
فيصل ..مااعرف
العنود..وكل هالابتسامه وانت ماتعرف
فيصل..شو اعمل ممنوع ابتسم
العنود ومعصبه ويدق ثانيه وقامت بتطلع وضحك فيصل بصوت عالي
فيصل ويمسك يدها..اجلسي تتوقعين بهالحياة فيه احد بيأخذ مكانتك العنود انتي الي ملكتي قلبي
ام فيصل..وراء ماتحشم احد استح على وجهك
فيصل ..افا يمه عادي الواحد يعبر عن مشاعره بعدين هذي حركات غدير هي قالت بنلعب بااعصاب العنود
العنود..هين غديروه تشوفين
غدير..هههههههه والله انك خبله كل هالحب وتخافين لو انا منك مااحرك ساكن
فيصل ..لو انا منك الي يسمعها يقول زوجها مو عامل المستحيل لرضاها
غدير وتبتسم..الله لايحرمني منه
ام فيصل ..الله يحلل محمد عندكم
## مضت اربع سنوات وكان هذا المشهد من أيامها ##
خلود وتحضن اماني ..الف الف مبروك امون الله يوفقك
اماني..ويوفقك يارب
عبير ..شرايكم زواجكم بيوم واحد خلود واماني
غدير..ههههههههه لا وانتي الصادقه وبدور معهم تجي هنا مالي خلق اروح لشرقيه منها نبارك لعمتي لطيفه بولد صقر ونحضر زواج بدور
العنود..لا انا ابي اروح
ساره..وانا بعد
نجلاء..ههههههههههه عاد العنود وساره الله يعين رجالكم
ساره..هههههههههه ليه حبيبتي الله يعينهم الا يحمدون الله
العنود..صح واحنا بعد والله رجالنا مافيه مثلهم
غدير..بدينا بالغزل بروح عند امي احسن ..
## مضت ثمان سنوات وكان هذا المشهد من أيامها ##
دخل محمد وشكله مستعجل تغطت العنود
محمد ..السلام عليكم
الكل ..وعليكم السلام
محمد..شوق الله يرضى عليك اعطيني الملف الي بالغرفه
شوق..ان شاء الله
فيصل..شفيك مستعجل
محمد..عندي شغله ودي اخلصها وارتاح
فيصل ويقرأ الجريده ..لاحول ولاقوة الا بالله
محمد..شفيك اي الاخبار كدرك
فيصل..شاب عاملين معه مقابله مصاب بالايدز
محمد ووقف بيطلع والتفت عليهم..ماكان ودي اقول لكن حبيت اوضح ان الله يمهل ولايهمل هذا امس عرفت من هو احمد ولد جيرانا عن اذنكم
ضغطت العنود بقوه على يد فيصل واتفاجئ فيصل التفت عليها شال الغطاء عن وجهها وشاف دموعها ..
فيصل ..ليه هالدموع العنود
العنود..انا مو شمتانه فيه لا لكن عدل الله سبحانه يخليني اصيح انصاف الرحمن يجبرني اصيح سبع سنوات وبعدها يأخذ جزاه سبحانك ياربي طال الزمان او قصر كل الانسان بينال جزاه وعقابه
فيصل ويمسح دموعها..عنودي خلاص انسى وثقي من شئ واحد كل شئ يضيع بالدنيا مستحيل يضيع بالاخره يالله قومي هاتي لي حبايبي
العنود وتبتسم..لا فيصل ماصدق يبعدون عني تعبت منهم
فيصل ..افا لايكون مليتي وتعبتي مني
العنود وتضحك ..لامستحيل امل منك فيه احد يمل من نور عيونه
فيصل ..يابختي ياناس دامني نور عيونك ..
## مضت 15 سنه وكان هذا المشهد من أيامها ##
الدكتوره ..يااولادي الله سبحانه وتعالى قال ("ولا تيئسوا من روح الله إنه لا ييئس من روح الله إلا القوم الكافرون".
وانا اقول الله اعطاكم على قد نيتكم الف مبروك ياابني المدام حامل
فهد وعينه على نوف الي دمعت عيونها وارتمت بحضن فهد الي ماقدر ونزلت دمعته..وحتى الدكتوره دمعت عينه من المشهد الي شافته
فهد..15 سنه الف حمد وشكر لك يارب نوف انتي حامل يعني ربي بيرزقني ولد او بنت منك انتي وهذا الشئ الي تمنيته من تزوجتك
نوف وتمسح دموعها ..شكرا يادكتوره واعذرينا من الفرحه
فهد..الف شكر والله يبشرك بالجنه عن اذنك الحين
الدكتوره..الله معكم
## مضت عشرين سنه وكان هذا مشهد من أيامها ##
سلمان..فيصل عنوده تعالوا بسرعه يالله ياامهم يالله نروح
ريم..سلمان شفيك مستعجل
سلمان..بروح يالله بسرعه
طلعوا ودخلوا بيت ام فيصل ..
سلمان..يافيصل ياعنوده يااهل الدار وينكم
فيصل ويبتسم..تعال تفضل
العنود..ياحيا الله الغالي
سلمان..هلا والله فيك شلونكم شخباركم وحشتوني وين عيالكم اسمعوا ترى ولدكم ازعجني كل يوم جاي عندنا عيب انا عندي بنات اذا حاط عينه عليها نزجها له ونرتاح هههههه
العنود..ههههههه وين بيلاقي مثل عنوده الغاليه
فيصل..اقول سلوم الحين انت كل يوم خاطب لولدك ومختار زوج لبنتك
سلمان..لا ولدي يبي بنت دلوعة زوجها
ساره وتنزل من فوق..شفيها دلوعة زوجها
سلمان ويضحك ..بسم الله انتي هنا وين بنتك الظاهر انها عاجبه فيصل حبيبي
ساره..لا بنتي كثير خاطبينها بس قلنا اذا كبرت تختار هي
سلمان..والله الا صدق انا اتذكر اني جاي انا وريم وعيالي وينهم
ساره..هههههههههه والله انك يااخوي على نياتك
سلمان..تعالي اول وين حلوتك ا اقول نسختك دلوعة ابوها وين رغد
ساره..رغد عند شوق ومحمد
سلمان..ايوووووووووووه عند الشيخ
فيصل رافع حاجبه..من الشيخ
سلمان..من يعني محمد
فيصل..على بالك غبي مافهمت
سلمان..محشوم اخوي والله ماقصدت بس خفت تزعل امها
ساره..اقول سلوم تعال زوجتك برا عند امي يالله نطلع
سلمان ويحب راس ساره..كله ولازعلك بنتك وبناتكم وعيالك تعرفون معزتهم ويهمس بصوت واطي وكلنا نعرف ان ولد محمد بيخطبها
ضربته ساره وضحك وطلع معها ..
ورجع دخل سلمان ومعه بكل يد واحد من عياله التؤم فيصل والعنود...يالله حبايبي بوسة عمو وخالتوا بسرعه
وحضنة العنود عنوده الصغبيره وفيصل حضن فيصل الصغير ..
وسلمان بنظرة حب..الله لايحرمني منك يااغلى اخ واغلى خاله
ابتسم وطلع وترك الاطفال بحضن العنود وفيصل ..
#### مــابــعد الـنهايه ####
دائما النهايه تكون بدايه عندي لذلك لنرى ماذا بعد النهايه وكيف تكون البدايه ..
## ناداني ...ولبيته ##
من الذي نادى ومن الذي لبى النداء كثيرا منكم ينتظر اجابه واغلبكم توصل اليها ..هنا النداء كان متواري خلف المعاني والحروف ..نداء يحاكي الاحساس ..المبادئ ..القيم ..الاخلاق ..
**نداء الخوف وممن من الله سبحانه وتعالى الذي اول من غفل عنه ولم يلبيه الجده والدة الاباء الذين تفرقوا وتشتتوا والسبب يعود للأم التي لم تغرس المبادئ الاسلاميه بداخل ابناءها **
**نداء الخوف من الله الذي غفل عنه احمد وتمادى بأذيته وظن ان قوته دائمه ولكن نسى ان الله يمهل ولكن لايهمل **
**نداء الضمير الخوف من الله الذي غفلت عنه العمه حصه وتهاونت بتربية ابنتها ونسيت ان الرسول عليه افضل الصلاة والسلام قال ( كلكم راع وكلكم مسؤل عن رعيته ) **
**نداء الامومه هذا الاحساس الذي يصعب على قلمي وصفه ولبته نجلاء لانستطيع جميعنا ان نعترض فهل هناك عاطفه اقوى من الامومه الم نرىام فيصل وام فهد وام نواف ام صقر وقبل ذلك لنتوقف ونرى جميعاً قلوب امهاتنا فهل نداء الامومه اقوى ام الحب ..**
**نداء الواجب والحق المفروض على الابن تجاه والده وهذا مافعله فيصل ورأيناه جميعا رغم بعد والده عنه وتخليه **
**نداء الواجب من فيصل تجاه اخواته اماني وسلمان **
نداء ...ونداء ...ونداء ...اغلب مواقف القصه تحمل هذا المعنى وكل نداء له عواقب اذا هو سلبي وله نتائج مرضيه اذا هو ايجابي يصعب حصرها لانها من اول جزء الى اخر جزء وهناك نداء وشخص يلبي النداء واخر يدير ظهره له ولان الايجابيه هي ماابحث عنها اخترت لقصتي عنوان ## ناداني ..ولبيته ## لانني اطمح الى تلبية كل نداء ايجابي ..
بقي أن اقول أن الجمال ليس بالحب ..انما بأخلاقنا عند الحب
وايضا أقول أن العقاب ليس من أجل احساسنا بالحب بل عند اختيارنا الطرق الخاطئه للحب
واخيرا اقول الحب ليس حرام وليس عيب ولكن يكون كذلك اذا تجاوزنا تعاليم ديننا فلنكن جميعا متمسكين بتعاليم ديننا اولا ..بأخلاقنا ثانيا ..بعاداتنا ثالثا ..ولندر ظهورنا لمن يخالف مبادئ وتعاليم ديننا الحنيف ...
انــتـــهــــت ...’’’’’’
وبكذا انتهت القصة
........
|
23-08-12, 08:36 AM
رد: ناداني ولبيته الكاتبه دموع السحاب
جديد مواضيع قسم القصص المكتمله
العرض العادي
