كاتب الموضوع :
غموض
المنتدى :
الارشيف
انا احاول انزل االقصه عشان الامتحانات وعشان ماعطلكم عن القراءه
البارت 11
فارس حس إن اخته كشفته من نظراته
(مو مهم المهم اني حسيت بخوفها علي )
رجع لمازن وجلس معاه و شوي ا شوي بدا الجوا يصفى بينهم
________________________________________________
بعد مرور شهر ...........
الكل في بيته
أبو فارس وعياله وساره رجعو الكويت
أبو فادي وولد ه رجعوا الرياض بعد مايئسوا من إيمان
وابو جهاد واولاده بالرياض
وجهاد جلس بأبها لعله إن يجد ظالته ماخلا مكان ماراح له وسئل بطرق غير مباشره عنها بدون نتيجه
اما فهد فكان حاله يرثى له
اما راكان انتقل مع ابوه واخته وإيمان (جواهر) للبيت إلي شارينه بابها وكان على قد حالهم
نوف .................جواهر ....اشرايك نروح للجيران
جواهر..........والله مالي خلق احس اني تعبانه ونفسي ضايقه
نوف.........طيب اطلعي ورفهي عن نفسك شوي إلى متى وأنتي حزينه من جينا ابها وانتي دوم متضايقه
جواهر .............مادري يانوف لكن تعبت وانأ افكر ابي اعرف إنا مين واهلي مين
الحين يانوف المدرسه حتيجي وانأ مادري إنا فأي مرحله واهلي كيف حالهم الحين هم حزينين والا اش سار لهم
من بعدي
نوف ..................ليه الحين بديتي تحزني مانتي كنتي مبسوطه
جواهر..........مادري هو لان كل شي بالباديه غريب علي وماحسيت بشي
لكن الحين احس بكابه لما اشوف البيوت والسيارات والناس واشكالهم احس أنها
تعني لي شي ماني قادره اتخيله وانها شي موغريب علي لكن مو قادره افتكر
تعبت يانوف والله تعبت
ابي اعرف منو إنا منو إنا احس اني ضايعه وبدون هويه
نوف...........طيب لاتبكي هدي من نفسك وانأ متاكدة انك بتعرفي اهلك و قريب بعد واحنا حنحاول إنا نساعدك
جواهر ..............طيب ممكن اطلبك
نوف ...............عيوني تفداك
جواهر ................اسالي راكان كيف لاقاني
نوف .............انا عارفه كان يدور القطيع ولاقاك جالسه خايفه في الجبل ولما شفتيه حاولتي الهروب لكنك
طحتي وشالك على الفرس وبعدها أنتي وعيتي عندنا ومو عارفه شي
جواهر ................طيب إنا ليه كنت تايهه بالجبل معقوله اهلي مادوروا علي
نوف...........لا تتسرعي في الحكم على اهلك يمكن سالو عنك لكن ماوصلنا احنا شي
جواهر..............تظنين اني من ابها
نوف ...............اتوقع كذه بعد
(الباب )طق طق
نوف ............اي جايه ياراكان
عن اذنك شوي يا جواهر
هلا اخوي بغيت شي
راكان .............لا بس احس بملل قلت اذا أنتي مو مشغوله ابجلس وياك
نوف ..........ايه إنا بعد متملله لكن جواهر شكلها تعبانه من التفكير ونفسها مو زينه
راكان ............اش رايكم نروح نتمشى بالجبل
(أبو راكان شرا سياره صغيره على قدهم )
نوف............لكن السياره ماتكفي
راكان ............ايه إلا بتكفي عاد مو من كبركم
نوف .............اكلم جواهر وارد منك انتظر
راكان........معك دقيقتين مارديتي إنا طالع
.........................
نوف.......... .جواهر راكان بيطلعنا تمشيه
جواهر .................مالي خلق اطلعوا انتوا والله حاسه نفسي ضايقه
نوف..........طب اطلعي فكي عن روحك شوي
جواهر ...........لا اليوم اطلعي أنتي مع اخوك وانأ مره ثانيه تكفين لا تضغطي علي
راحت لراكان
راكان ...........انتهى الوقت
نوف ...........جواهر مالها خلق خلاص مابنروح
راكان ..........واذا مالها خلق يعني مانطلع اتجهزي يالله
نوف ...........بس
قطع عليها .............لابس ولاشي يالله
اتجهزت وطلعوا
جواهر بروحها وجالسه تصح ماتدري اشفيها تتمنى تذكر شي ومهي قادره تتذكر (يارب يارحمان اسالك إن
تكشف همي وتزيله يارب )طلعت في البلكونه علشان تحس إن الهواء حيهديها شوي
جلست تناظر البيوت والمباني وتتامل تحس بشعور غريب ماهي قادره توصفه والاتحدده
_______________________________________
بالمسجد يصلي
في السجود كان يبكي بصوت مسموع ويسمع له شهيق وطال ذالك
وما حس بالمصلين وخروجهم إلا بيد تربت على كتفه
رفع نفسه واكمل صلاته
لف ينظر من بجواره وينتظره
فهد...............مين
.............الا انت ياولدي اش فيك
فهد ..............مافيني شي
..............انا شيخ حلقه تحفيظ قران اسمي احمد
فهد.............تشرفنا ياشيخ
الشيخ احمد..........ليه كل ذا الحزن ياولدي قولي اش عندك يمكن اقدر اساعدك
فهد..........لااااااااا ياشيخ ماحتقدر تسوي شي لان خلاص كل شي انتهى وما اقدر ارجع إلي سويته من غلط كل
إلي ابيه إن الله يغفر لي ويسامحني
الشيخ احمد..............اعتبرني صاحبك ابوك اخوك وقولي ليش تجلس مع الهم شايله لوحدك طلع فضفض اقل
حاجه حترتاح
فهد...........للاسف إلي سار ماينقال ولا ابي احد يعرفه
الشيخ.........مسح على راسه على العموم اليوم عندي محاضره بعد صلاة العشاء
وابيك تحضرها صدقني والله انك راح ترتاح
فهد..........ان شالله ومشكور ياشيخ على اهتمامك
الشيخ ..............ولو انتو اولادي
************************************
************************************
أميره ..................امجد امجد
نعم يمه
أميره................ها يمه فهد وينه ماعاد يقعد بالبيت ولا يجلس معانا
امجد...........والله هو من ردينا من ابها وهذا حاله انتو اعرف فيه مني حتى إنا ما يحاكيني
أميره ..............كله من إيمان ما قلبه علينا إلا هي الله لايرحمها قالتها وناسيه وجود امجد
امجد................اش فيك وكنها ميته الله يبعد الشر عنها
أميره بتلعثم.........ايه بادعي عليها قاهرتني اخذتك مني والحين فهد
امجد..............الا فيه واحد من اصحاب فهد يسال عنه ويقول انه كلمه بخصوص مجد وخطبها منه ووافق
وفهد ماعاد يشوفه انتو عندكم خبر
أميره ...............والله ماعندي خبر من امتى هذا الكلام
امجد...........يقول من قبل تسافرون ابها لكن الحين فهد مغلق جواله وما يرجع إلا اخر الليل اذا ماكان عند
اصحابه وين يقضي وقته
أميره ...........مادري عنه المهم انت اسال عن الولد والا اقول إنا إلي بأسئل عنه لي معارف كثيره
انت الحين روح شوف ابوك ترا إنا مليت منه
امجد.......مليتي منه وأنتي محاربه عمتي سارة عليه لاما اصدق
أميره ..........والله خلاص إنا ما عاد ابيه اذاا تبغاه ودوه لها إنا عني ماراح اعتني فيه أكثر من كذا إنا اش ابي
في معاق
امجد. وحس برجفه من كلامها .........استغفري الله يا أمي وش إلي اسمعه مستحيل يمه عن ذا الكلام
أميره .........هذا كلامي بعدين انت بتسافر الحين واخوك مايندرى و ين ضايع فدبره من الآن
امجد...............استغنيتي لما ضعف الحين على فكره الدكتور يقول ممكن يتعالج ويرجع مثل اول لكن اهم شي
انه نحافظ عليه من العصبيه
أميره ........انا ماعندي صبر قلت دبروه يعني دبروه
امجد بأسى .........للاسف انك أمي ما حقدر ارد أكثر من كذا
************************************************** ************************************************** **************************************
ماريه ............مامي وينه فادي
أم فادي .............بغرفته
ماريه ..........اها إنا باروح له
فادي وهو جالس على الكمبيوتر
ماريه .......تعمل إيه
فادي ببرود .............عندي شغل
ماريه..........انت على النت
فادي ...ايه
ماريه ممكن اعرف تعمل إيه
وليه كاتب اسم إيمان
فادي ...............وقف اشوي
ماريه عندك صوره لها
ماريه ..........لا لايوجد
فادي ...............انا جالس اسئل عنها عن طريق النت لأنه اكيد إلي راحت معهم يتعاملون مع النت
قلت راح اكتب اسمها والمنطقه إلي انفقدت فيها لعل وعسى نجد شيئا
ماريه ..............بسئلك سوال يافادي
فادي ...تفضلي
ماريه ............اتحبها
فادي ارتبك ............الظاهر أنها بنت عمي وباسئل عنها
ماريه ............انا عارفه انك تحبها لكن اش موقفك لما عرفت بسواتها
فادي .............ماخبي عليك اني انصدمت ومريت بحاله ماحبيت اوضحها لاحد لاني انقهرت وفي نفس الوقت
حزين
ماريه ..............على فكره إيمان مو راعية السوالف هذي ابد وانأ ماصدقت إلي انقال واميره تدور تتخلص
منها باي وسيله
وياخوفي يافادي أهي إلي رمتها الرميه ذي ومو حاسه متاكده لانها من إلي سمعته من إيمان أنها كل شي ممكن
تسويه وترجعه فيها وهي تظهر بالمظهر الجميل قدام الكل
فادي .............والله ياماريه اني اختنق في اليوم مليون مره وماني قادر اركز في شغلي والكل لاحظ اهمالي
إنا إنا مازالت الصدمه مأثره علي حتى لو طلع كل شي افتراء على إيمان ماادري ليه احس اني افتقدتها وبقوه
بعد
إنا تعبان ياماريه تعبان ويمكن أنتي اول وحده اصارحه بالي داخلي وماراح انكر
إنا احبها احبها ياماريه ومادري شسوي احس اني مكتف ولا قادر اتحرك واساعدها آآه بس لو اعرف مكانها
إنا خايف تكون تتعذب أكثر من إلي ذاقته على يد ها الجبروته الله لا يوفقها
ماريه ............انا اهم شي عندي انك ماتفكر انه إلي طلعوه عنها صح
فادي ............وش اتفسري الكلام إلي بالرساله
وليه مافكرت تتصل على الاقل
ماريه ...........اولا ماعندها جوال
ثانيا مااعتقد أنها حافظه رقم لاحد حتى ماعمرها كلمتني بالتلفون
لانها ممنوعه منه
يعني هي الحين ضايعه ضايعه يافادي والله اني حاسه فيها الحين ابي اعرف كيف عايشه
فادي.................لكن احنا لازم نتحرك تعرفي مايسير ساكتين راح اندورها
لكن وين
ماريه...........اسئل فهد مو طارد الشباب على قولته لمكان بعيد يوصلكم لها المكان على الاقل
فادي ................والله حالته جهاد بعد ترحم مادري كيف قاعد يدورها وهو مايعرفها ولا تعرفه وماعنده غير
يهيم بشوارع ابها بدون نتيجه
إنا بكره إن شا الله اسئل فهد
_______________________________
كان الشيخ يتحدث بعد الصلاه وكانت كلماته وكانها تتوجه مثل السهام إلى فهد الي ماكفت عيونه عن السيلان....................
يا هذا ظلمك لنفسك غاية القبح ألا إن ظلمك لغيرك أقبح ويلك إن لم تنفع أخاك فلا تؤذه
وإن لم تعطه فلا تأخذ منه ...لا تشابهن الحية فإنها تاتي إلى الموضع الذي قد حفره وغيرها
فتسكنه ولا تتleن بالعقاب في الحيوانات أخيار وأشرار كبني آدم
فألتقط خير الخلال وخل خسيسها
لما بعث رسول الله الأعظم صلى الله عليه وسلم معاذاً بن جبل رضي الله الى
اليمن قال:
إياك وكرائم أموالهم وأتق دعوة المظلوم فإنها ليس بينها وبين الله حجاب.
إن في ذلك لعبرة...
ليعتبر كل مؤمن ... وليعلم كل مسلم أن البر لا يبلى .... والذنب لا ينسى.... وان الديّان لا يموت...
وأنه كما تدين تدان
فعن وهب بن منبه قال:
بنى جبار من الجبابرة قصرا وشيده فجاءت عجوز فقيرة فبنت جانبه كوخ
تأوي إليه ...فركب الجبار وطاف يوما حول القصر فرأى الكوخ فقال:
لمن هذا؟
فقيل: لأمراة فقيرة تأوي إليه ..فأمر بهدمه فجاءت العجوز فرأته مهدوما فقالت :
من هدمه؟
فقيل: الملك رآه فهدمه ...فرفعت العجوز رأسها الى السماء وقالت:
يا رب إذا لم أكن أنا حاضرة فأين كنت أنت؟ فأمر جبريل عليه السلام أن يقلب القصر على من فيه فقلبه
وقيل :أنه رُئى مكتوبا على حجر من أحجار القصر:
أتهزأ بالدعاء وتزدريه وما يدريك ما يصنع الدعاء
سهام الليل لا تخطىء ولكن لها أمد وللأمد إنقضاء
وقد شاء الله بما تراه فما للملك عندكمو بقاء
فهد يستمع ويكلم نفسه (إنا ظالم اناظالم لقد ظلمتك يا إيمان ولم اكتفي بذالك بل اوصلتك إلى الهلاك إنا إلي
قتلتك بانانيتي وتفكيري السيئ )وكان لايسمع لا شهقاته
لاحظ الشيخ ذالك (الان إنا عرفت انك ظلمت احد لكن مين من اهلك راح اتحدث عن النساء ووصيه الرسول
بهن وراح اكشفك واخليك انت تجي تصارحني ويالله عسى اقدر اساعدك )
اخوتي في الله الظلم ظلمات يوم القيامه فلا ظلمن احدا حتى ولو نفسك
اخواني إن أكثر الظلم يقع على النساء من ابيها من اخيها من زوجها من ابنها
اخواااااااااااااااني اتقوا الل فيهن فهن امانة لدينا وقد وصى بهن رسولنا الكريم حينما قال عليه الصلاة والسلام :
إستوصوا بالنساء خيرا فإنهن خلقن من ضلع أعوج وإن أعوج ما في الضلع أعلاه..فإن ذهبت
تقيمه كسرته وإن تركته لم يزل أعوج فأستوصوا بالنساء خيرا
ولما كانت المراة من كالضلع الأعوج فعلى من يريد أن ينتفع بهن ان يصبر عليهن ويحتمل ضعف عقولهن وسياستهن ثم يكرر النبي صلى الله عليه وسلم الوصية وذلك:
لضعفهن وإحتياجهن الى من يقوم بأمرهن
فالأسلام قد كرم المراة وكانت وصيته صلى الله عليه وسلم في حجة الوداع ألا :
إستوصوا بالنساء خيرا فإنما هن عوان لكم ليس تملكون منهن شسئا غير ذلك إلا ان ياتين بفاحشة مبينة فإن فعلن فأهجروهن في المضاجع.
هنا ازداد بكا ء فهد الذي كان تحت مراقبه الشيخ
يا من سوَّف بالمتاب حتى شاب ...يا من ضيع بالغفلة أيام الشباب...يا مطرودا بذنوبه عن الباب
...إذا كنت شابا غافلا وفي المشب مسوفًا متى تقف بالباب؟
كم عوملت على الوفاء ؟ وما هكذا فعل الأحباب.!
الظاهر منك عامر .. والباطن ويحك خراب؟
كم من معصية إرتكبت؟
وكم من مخالفة فعلت ؟
وكم من سيئة عملت؟
حتى ولى العمر في الخطايا أتراك تعود إلى الصواب؟
كيف العمر ولى في الغفلة وفي طلب الأسباب ؟
إذا أنذرك المشيب بالرِّحلة ولم تقدم الزاد فماذا يكون الجواب؟
يا غافلا في بطالته ...يا من لا يفيق من سكرته....أين ندمك من ذنوبك ؟...أين حسرتك على عيوبك؟
إلى متى تؤذي بالذنب نفسك؟... وتضيع يوما تضييعكَ لأمسك ...لا مع الصادقين لك قدم ....
ولا مع التائبين لك ندم....هلا بسطت في الدجى يدا سائلة ...وأجريت في السحر دموعا سائلة.
إلهي:
أسأت ولم أحسن وجئتك تائبا واني لعبد عن مواليه مهرب
يؤمل غفرانا فإن خاب ظنه فما أحد منه على الأرض أخيب
اراد الشيخ إن يهون عليه لماراه في حال لايعلم بها سوا الله
أخي الحبيب:
سَلِّم على الخلق وأرحل نحو مولاك وأهجر على الصدق والأخلاص دنياكا
عساكَ في الحشر تعطى ما تؤملهُ ويكرم الله ذو آلآلاء مثواكـــــــــا
..... فيا رب:
أسير الخطايا عند بابك واقف على وجل مما أنت به عارف
يخاف ذنوبا لم يغب عنك غيبها ويرجوك فيها فهو راج ٍ وخائف
ومن ذا الذي يرجو سواك ويتقي ومالك في فصل القضاء مخالف
فيا سيد لا تخزني في صحيفتي إذا نشرت يوم الحساب الصحائف
وكن مؤنسى في ظلمة القبر عندما يَصُّدُّ ذوو وُدِّي ويجفو الموالف
لئن ضاق عني عفوك الواسع الذي أُرجي لأسرافي فإني لتالف
اكمل الشيخ وبصوت جميل وانشد
بادر بالتوبة قبل ان يدركك الموت:
رب هب لي من المتاب حتى أتوب .. وأعف عني فقد عرتني ذنوبي
وعلى دين احمد فأمتني ..وأحي قلبي في يوم تحيا القلوب
يا مداوي الأسقام داو سقمى ... يا إلهي إني عليك حسيب
وأشف قلبي من الذي قد علاه... إن سقمي قد حار فيه الطبيب
يا مداوي العباد هب لي بقرب ...حاش ان أرجوك ثم أخيب
وأقل عثرتي وجد لي بقرب ...إن دائي بالقرب منك يطيب
تعست ليلة عصيتك فيها...قد إنقضت وإثمها لي نصيب
ما إحتيالي وقد عصيت جهلا ...كيف لا أستحي وأنت الرقيب
فهد(رباه اني اعلن توبتي رباه لقد جاءت بعد فوات اواني لكنك وسيع الرحمة رباه اقبل توبتي
رباه اقبل توبتي )وكان يبكي وفي عالم ووادي اخر انتبه على الحضور الذين كانوا يتابعون حاله منذ إن بدء الشيخ حتى انتهى والذي كان يجهش بصوت عالي
فهد(الحمدلله إلي ماحد اعرفه فيهم والاكان شهر فيني ومسكني تحقيق )
الشيخ ...........قوم ياولدي إنا ابيك بموضوع
مد يده ومسك فيها فهد وساعده على لوقوف
الشيخ بعد إن توجه إلى بيته بالطريق ..........اش فيك يا ابني ماعرفتني على اسمك
فهد...............انا فهد
الشيخ ...............والنعم فيك الحين تجي معي البيت وتروق وتحكي لي إلي في قلبك مهما كانت صعوبته من
دون ماتقولي لا واذا تبيه سر فسرك فبير لاتخاف بس طلع إلي بجوفك لي والله مايهون علي اشوف ابن لي
يتعذب بداخله ماني قادر اساعده ولو على الاقل بالكلام
فهد..........ارتاح بكلام الشيخ وقرر انه يطلع القنبله إلي في صدره ويفجرها عنده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابي توقعاتكم
واسفه اذاتاخرت عليكم بس الامتحانات على الابواب دعواتكم
|
02-06-08, 01:00 PM
جديد مواضيع قسم الارشيف
العرض العادي
