طيب انا هقول لحضرتك ، بصي انا واقعي جدا وبحب اعيش بواقعية فالنسبة لي لا بفضل الاختلاط ولا عدم الاختلاط لان كل منهم ليه سلبياته وايجابياته ، لكن انا بقول رأيي بحكم الواقع اللى عايش يعني مقدرش افرض ان مفيش اختلاط يتخرب بيتي ، مش عشان عايز يكون فيه اختلاط لا ، حكم بلدنا تفرض يكون فيه اختلاط ، يا استاذة الياذة في بلدنا بنولد 5 مليون طفل في السنة على ما اظن ، يعني عددنا بيزيد تخيلي ازاي بعد كل السنين دى والعدد بيزيد يطلع قانون بعدم الاختلاط فكري كده ، البلد هتتقلب اكتر ما هي مقلوبة اساسا ، فاهمة على ، كمان حضرتك فيه مهن للرجال وبيكونو المرضى نساء مثل دكتور نساء وولادة مثلا ، يعني واحد طول حياته في الدراسة حتى يصل لمكانة محترمة وقيمة الناس تقدره ، يضيع كل السنين دي عشان الاختلاط ، مظنش ان هذه الفكرة صحيحة ، .................. ارجو ان تكوني فهمتي قصدي وشكرا

السلام عليكم ورحمة الله وبركاته
لان الموضوع جذبني اشتركت بالمنتدي لاشارك معكم الحوار قد نصل معا لحل ، وقد نلفت انظار بعضنا البعض لامور قد نقوم بها بدون ان نشعر ومن كثره تكرارها اعتدتنا ان تكون جزء من تعاملاتنا .
كأن هذا الموضوع يريد ان يبدأ مما نعيشه ولن ينتهي فيما سوف نعيشه

نقطة ومن اول السطر
يعني ايه اختلاط : في العادة المصطلح تم أخذه علي انه اجتماع الرجال بالنساء الاجانب او العكس
الاصل فيه شرعا اباحه او حظر : اختلف العلماء وان كانوا اتفقوا علي وجوده بقواعد وشروط

والمجتمع اختلف واختلف رؤيته في تطبيقه ولكن أري انه طالما لامفر منه نسير علي قواعد وشروط بقدر الامكان ونذكر بعضنا البعض

الاصل ان ربنا خلق آدم وحواء ليجتمعوا في النهايه بشكل حلال طبعا ، والفطرة الموجوده عند كل انسان سواء رجل او امرأه يجعل الميل الطبيعي موجود

الموضوع من البدايه -يتم عند الحاجة وليس في اي وقت وكل وقت لانه قد يحدث تعود يؤدي للامور بما هو أسوأ
الضرورة تختلف من مكان لاخر ومن شخص لاخر لان نستطيع ان نحكمها بشكل كبير وهذه النقطة بين كل شخص وبين نفسه ، وبين قدرته علي التعامل بالاداب ام لا

-البعد عن سوء الظن
بان كان احد من الطرفين لم يقم بالاداب او قام بشيء معاكس لا يؤخذ عليه علي انه سيء قد يكون عن جهل او يتناسي او نفس اخذته التمسوا الاعذار ولا تفرقوا الاحكام عالاشخاص كل بني آدم خطائين

-البعد الشخصي
استفت قلبك وكن صريح مع نفسك واعمل ضميرك
هل تستطيع ام لا ؟
وان كان الموضوع للضرورة هل تقدر علي التعامل بهذه الاداب ام لا ؟
هل تستطيع ان تجعل الامر لقضاء الحاجة ام الموضوع سيزداد ؟
كل شخص يعلم نفسه اكثر من اي شخص آخر

زي ما كل حاجة لها قواعد لهذا الامر قواعد ايضا
هتكلم عنها علي انها آداب عامة
ونتناقش فيها
الاول : بنتكلم في ايه
الموضوع الذي يتم النقاش فيه
مثال حي نحن في منتدي مختلط ، وبه الاختلاط ما يختلف للاباحه او الحظر هو المووضوع الذي يتم النقاش فيه

التاني : اسلوب الحوار
شكل الحوار والكلام عامل ازاي ، سواء عالنت او بالخارج ، حدود الكلمات والمباح ومايقال ومالا يقال له جزء كبير في حلاله من حرامه ،( ولا تخضعن بالقول ) (قلن قولا معروفا)

التالت : شكل القعدة ازاي
مهم قوي شكل القعدة هل هناك مزاحمة والتصاق ام الموضوع بشكل منظم ولا يوجد اي زحام
يعني اختلاط طوابير العيش نقدر نقووووول عليها محظوره :)

الرابع : اجتناب الخلوة
والخلوة معناها وجود شخصين كل فرد منهم من جنس اخر
والخلوة تعني مكان مغلق ، نحاول نبتعد عن هذا الوضع ايا كان
وفي ناس بتتهاون في النقطة دي
عن جهل ، او عادة او عدم تفهم من اي الطرفين للطرف الاخر
وهذا يحدث كثيرا من جهه البنات لعدم فهمهم الرجال وفطرتهم

الخامس : البعد عن الشبهات
نحاول نبعد نفسنا عن اي شبهه مكان او اسلوب حوار ونكون واضحين ومحددين في الكلام عالملأ

السادس :الحوار بشكل جاد قدر الامكان ، الزي المناسب والشرعي للمراه بحيث لا تكون فتنة سهله ،


نقطة لحين مداخله اخري شعرت اني اطلت عليكم من اول مداخله وهذه للنقاش وقد اكتب مداخلاتي الان فلا اعلم متي استطيع ان ادخل مرة اخري واكتبها ، ولكن سانتظر المناقشات

السلام عليكم ورحمة الله وبركاته
الاول : يسعدني ان اكون فردا من المنتدي ، لنقاش معكم

استحملوني من اول مداخلاتي المطوله
ولكن اريد ان اتعلم معكم كيفيه التعامل واذكر نفسي بذلك دائما


ثانيا : نعود لموضوعنا
المداخله الاولي كانت عشان الاداب وشكل التعامل وغيرها
المداخلة دي بشكل عام حلول للاختلااط وغيره من الامور
ازاي نقدر بقدر الامكان نجاهد انفسنا ونجاهد الشيطان
الذي يعلم نقاط ضعف الانسان
الحل نفهم الدين صح
اصل الدين ان نكون وسط الناس وليس منعزلين
اصل الدين التعامل مع الاخريين وتحمل آذاهم لتكون مؤمن حق
وده يعني اننا لازم نعيش وسط مجتمعنا ونتكيف معاه
الشخص القوي هو اللي يقدر يعمل كده
والضعيف اللي يهرب ويقول الحل اني ابعد عن الناس كلهم ومااتعاملش

طيب ما نيجوا نفكر في حلول

1-والله ما اجمل المراقبة الذاتيه للنفس
قبل ما ننام عملنا ايه النهاردة ونشوف كشف الحساب
وبعدها نقرر اننا هنعوض مثلا نظرة حرام بصدقه او عمل خير .. هنعوض تاخير صلاة بقيام ليل .. ونربي انفسنا ونغيظ الشيطان
وبذلك يكون في مراقبة علي كل حاجة مش مووضوع الاختلاط بس

2-كل البشر خطائين افضلهم التوابون
التوبه ما اجملها
وبشروطها اتعلمها عشان تكون توبه صح
خلونا نتوب يوميا ونستغفر يوميا
والاستغفار بيزود الرزق عامة
وكمان الذكر نفسه بيحفظ الواحد وبيعطي راحه نفسيه كده

3-المحافظة علي الصلوات تحفظ الانسان دائما ، حافظ علي صلاتك واختلط بالناس ، حافظ عليها واتعامل في شغل ، حافظ عليها وروح النادي ---اخرج مع اصحابك عيش حياتك واعمل فرضك في وقته
واتعلم ازاي تصلي صح في ناس تظل طول حياتها تعتقد انها تصلي ويسقط عنها الفرض بس برضه دور علي دي

-استغل مهاراتك وطاقاتك ، اشغل نفسك دايما ، انهك نفسك ونام بالليل وانت نفسك تنام
- منهك من شغل واستغلال طاقات ومهارات وتطويرها ولعب رياضه وغيرها من الامور ،

ان لم تشغل نفسك بالحق شغلتك بالباطل

-اتعلم انك تكون مصفاه
ازاي يعني عارف المصفي اللي في المطبخ اللي بنصفي بيها الحاجة
خليك كده مصفي اوعي تاخد كل حاجة مسلم بيها

عندنا هجوم اعلامي ،
آراء متاشبكة وكثيرة ومختلفه ،
ضغوط مجتمع وعادات وتقاليد باليه وخاطئه
خليك مصفي مش مصطفي خلي بالك :)
شغل مخك وعقلك دايما
ماتعودتش نفسك تاخد كل حاجة علي علتها لان كل الناس بتعملها
ماتعودتش نفسك تنبهر وتقول بضيع وقت قدام التليفزيون لغايه لما يقنعك من كثرة التكرار
اتفرج وصفي
قول مع نفسك
ده صح ، ده غلط ، ده ينفعني وده لا ، ده حرام وده حلال
لا تأخذك الدنيا ، بل خذها انت لطريقك كما تقرر ان تعيش

وان علمت اولادك ان الدين حياه ، وان الدين في الدنيا ، وانها متوصله ببعضها ضفيره بتكمل بعض
وان علمتهم يكونوا مصفي ،
هيشوفوا الصح والغلط لكن دماغهم هتشتغل ويسألوا ويتناقشوا ويقتنعوا ويرفضوا
قد يخطئوا ولكن يعودوا
فالاصل مع هذه الشخصيات هو الصحيح
علمتهم ان يستخدموا نعمه كبيرة خلقها لهم الله التفكير
وعباده كادت ان تندثر وهو التفكر فلنعيدها تاني في حياتنا ونجرب مع انفسنا

المسلم الحق هو المسلم الناجح في حياته
المسلم الحق من يعمل عقله وليس مسلوب الاراده والعقل
الدنيا الاصل فيها المجاهدة
فلنجاهد
اعذروني عالاطاله

أختي إنها روح ...لايسعني القول إلا ماشاء الله لاقوة إلابالله ....الله يبارك فيك ويحييك على المشاركة الرائعة والمقنعة .