فديت انا اللي اتخضت عليا تسلمي عيوني و يعطيك طولة العمر انتي كمان
و ربنا يحقق امانيكم كلكم و انت يا سيلونس مفيش حاجة مستحيلة طول ما احنا بنبذل مجهود
و يا رب تتحق اماني الكل و انا معاكم
احلام اخرى
بحلم اني افضل طول عمري طيبة
بحلم اعيش فعالم خاص مفيهوش كذب و نفاق
بحلم اعيش انا و فارس احلامي فمكان لينا و بس مليان حب و خالي من المشاكل
نفسي اغمض عيني و افتح الاقي نفسي اخذت الدكتوراة
الاقي اولادي يلعبو قدامي ................
لسا فاضل كتيييييييييييييييييييير هههههههههههههه بيختها

والله يا لين عنا احلام كتير مشتركة يمكن لانا بنات
و طبيعة الحنان واالمومة غالبة عنا

انا دايما بحلم يكون عندي ولد وبنت
يكونو فارق السن بينهم سنتين او تلات
المهم دايما بتخيل حالي
بصحى الصبح بحضر الساندويش والفطور والشاي لزوجي
والحليب لاولادي مع اني ما بحبو بس لازم يشربوه ميشان الطاقة والصحة
وبس اخلص بروح عندي زوجي و بفتح الستاير ويكون صوت العصافير ملية الدنيا
ويكون الجو صباحي منعش واصحيه و احكيلو الفطور جاهز
اروح عند ابني وابوسو ع جبينو و احكيلو صباح الخير مامي يلا قوم غسل وشك حبيبي ما بدنا نتاخر اليوم اوك حبيبي
و هو يطلع علي بعيونو الكسلانة يقلي اوك مامي بس ما بدي اشرب حليب اليوم (هاد حوار كل يوم تقريبا)
و احكيلو حبيبي كيف بدك تصر متل بابا بطل وقوي
و بعدها يقتنع و يقلي بس ع شرط هالمرة انتي بتشربي معي انا نص وانتي نص
و احكيلو اوك
وبس اتاكد انو قام بروح عند حبية قلبي

اكيد هفتح الستاير الاول و اقعد عنداه ع حافة السرير واطلع ع وشها وادعي ربي يوفقهم وامسح ع شعرها
و اهمس بدانها واصحيها تفتح عنيها وتطلع علي وتقلي نعسسااااااااانة بدي انام ما في مدرسة اليوم
بقلها ليه حبيبتي عملتلك الساندويش الي بتحبيه
بتقلي طيب احكيلي قصة مبارح
بليز بليز مامي
و احكيلها طيب ازا ما اتاخرتي اليوم وعد بعيدلك اياها
و تقوم من السرير بدها تركض لعند بابا
و تحكيلي يييي نسيت
و تيجي لعندي و تبوسني ع خدي
وامشطلهم شعراتهم
ودايما اعمل لبنتي قرنين واتفنن بشعرها
ههههههههه

و بس الكل يخلص بنجتمع ع سفرة وحدة و زوجي يطلع ع الشغل مع بوسة لكل واحد
وبعدها بيعدو يحكولي كل واحد شو حلم ويتخانقو مين الاول
ههههههه
ف تحكيلو الزعرة مامي دايما بتقول السيدات اولا
وانا اضحك عليهم
ويجي البص و قبل لا يروحو يعطوني بوسة ع خدي و احكيلهم انتبهو ع المس منيح اوك
وكلو الساندويش
واشربو الحليب
وبتعرفو المواعظ الي ما بتخلص
هههههههههههههههه
الله يحميهم ويخليهم الي يا رب
وان شاء الله يجي هاليوم


ميرسي