مرحبا بك اخي yaqoot ، اعذرني مش هقدر اجاوب او اقول تعليقي على الموضوع ده ، لاني معنديش اجابة ليه، و لو قلت هقول كلام اغاني ، وانا بصراحة بكره كلام الاغاني ده .......... تحياتي لك

الى متى؟؟؟؟؟؟؟؟؟؟

الى ان يقضى علينا الجوع فنقوم لنقضى عليه...............

احوالنا بتتدهور كل يوم عن التانى واحنا ساكتين
برضه راضيين باللى فى ايدينا مع اننا عارفين انه كل يوم بيقل

يبقى مش هنفوق الا لما كل حاجه تضيع مننا

لما يستفحل الفساد وريحته توصل للنعام اللى دافن راسه فى التراب ساعتها بس هنفوق

انا مؤمنة اننا مش هنفوق ولا تقوم لنا قائمة الا بكارثة تنزل على دماغنا كلنا كالمطرقة وتفوقنا من سباتنا العميق


تعرف اخى ....
وانا صغيرة كنت بقول ان شعبنا ده ( كنت اقصد مصر يعنى) مش هيفوق ولا يحس بالدنيا
الا لما اسرائيل تدخل علينا وتسلب كل حرياتنا ونبقى زينا زى الفلسطينيين....

كان عندى امل ان لما يحصل كده هيكون فيه صحوة والرجالة هيقوموا ويتحركوا ويطردوا الغازى ده وبعدها تنصلح الامور.........

لانى لقيت ان تاريخنا بيقول كده

دايما نايمين وكل واحد عايش لنفسه
ومايجمعناش الا مغتصب لاراضينا

هو ده اللى حصل ايام الحملة الفرنسية

وايام الاحتلال الانجليزى ( صحيح خاد مننا عمر بحاله بس المهم انه فى النهاية خرج والمهم اننا ماكناش مسلمينله)

وهو ده برضه اللى حصل فى حرب اكتوبر!!!!!!!!!!!!!!!

بس احساسى بيقوللى انها المرة دى هتكون كارثة على دماغ الكل

كارثة هترجعنا للعصر البدائى ونرجع نعيش بقانون الغابة تانى

اما عن سؤالك ان كنا هنشهد ده ولا هيكون فى الاجيال من بعدنا؟؟؟؟؟؟؟

فانا اعتقد اننا هنشهده ان شاء الله على الاقل مقدماته............

لان كل شئ حوالينا بيقول خلاص
وصلنا للنهاية ووقت التغيير جه

كفايانا نوم بقى

اقروا معايا البيتين المتفائلين دول لانى بحبهم اوى
هما لابو القاسم الشابى

لن يغصبوا ارضى فدون ترابها نار ودم
لن يسحبوا الشمس المضيئة من سماوات الامم
لن يشنقوا ضوء الصباح على الروابى والقمم

اسفه للتطويل

والله يا اخي .. اظن اننا سنظل هكذا الى ان تصفى نياتنا وتكون خالصة لوجه الله .. تحياتي