كاتب الموضوع :
maya el khaldi
المنتدى :
الروايات الاجنبية
إيه يا مايا كل الأسئله دى , ده كلام كبير قوى , مش عارفه أبتدى منين و لا منين
يلا .... توكلنا على الله
1- لو الجرأه معناها إنى أقول رأيى بصراحه , يبقى أنا أعتبر نفسى عندى جرأه
2- أما بالنسبه للموقف أو القرار الجرىء اللى أخذته و أفتخر بيه هو من رأى قرار زواجى من الانسان اللى اأخترته و بحبه
3-" مصر أم الدنيا " ........... بالنسبه لى أنا بلدى " مصر " هى بلد خير بالرغم من الظروف اللى بتمر فيها و أرجو من الله إن أزمة الغلاء دى تعدى على خير , أما عن المقومات اللى خلت الأخوه العرب يعترفون لها بهذا اللقب هو كثرة الأماكن السياحيه اللى يمكنهم الذهاب لها و كثرة الحضارات اللى فيها و آثارها الجميله من آثار فرعونيه و إسلاميه و قبطيه و كمان رومانيه و اللى يقرأ فى تاريخ مصر يعرف فعلاً معنى " مصر أم الدنيا"
أما بقى العادات اللى بتميز مصر عن غيرها دى كتير و لكن اكتر حاجه بحبها هى "الفرح" و طريقة تعبيرنا
عن الفرح ده سواء كان جواز او عيد او حتى احتفال بالنصر فى ماتش كره قدم , و الطريقه العفويه اللى تخلى
الناس روح واحده و تنسى كل همومها و إختلافاتها
4- والميزه اللى بتميز المصريين اكيد هى طيبة القلب و طيبة المعاشره و الكرم
5- "ماذا يمثل لك المنتدى ؟ هل فعلا أثر فيكي تواجدك فيه؟" ............... المنتدى بالنسبه لى هو النادىالخاص بتاعى اللى بشوف فيه أصحابى أمارس فيه هواياتى و ارفه فيه عن نفسى , و اكيد أثَر فيا كتييييييير
و كفايه إن ليا اصحاب من كل أنحاء الوطن العربى و دى حاجه أفتخر بيها
6-"هل هناك شخصية مميزة في المنتدى أثرت فيكي أكثر من التانيين؟ جاوبي بصراحة و مفيناش من زعل"
و الله كل واحده من البنات لها شخصيه فريده تأثر فى الواحد و لكن اللى أثرت فيا قوى هى " مى زياده"
لعلها يا رب بألف عافيه و خير
7-- "العرب من زمان و لحد الوقت ما نجحوا يتوحدوا،ليش؟" من رأيى أنا لأنهم سمحوا للأجانب الدخول بينهم
و دول زى ما إحنا عارفيين شعارهم " فرق تسد "
8-"فنظرك المنتدى حقق هذا التوحد؟ و ليش؟" أكييييييد طبعاً , علشان كلنا عرب فى عرب و مفيش بينا
عزووووووول" اللى بالى بالكم" ....... يا رب العزول يزول
إيه رأيكم بقى يا بنات فى الجرأه و الصراحه دى ............ أجنن مش كده
|
21-05-08, 12:02 AM
جديد مواضيع قسم الروايات الاجنبية
العرض العادي
