كاتب الموضوع :
maya el khaldi
المنتدى :
الروايات الاجنبية
اقتباس :-
المشاركة الأصلية كتبت بواسطة maya el khaldi  |
الحين تصورو انو لا قدر الله عرفتو ان أيامكم بهي الدنيا أصبحت معدودة
شو رح تعملو أو بالأحرى شو رح تقولو للأشخاص اللي بتحبهم و حتى الأشخاص اللي انقطعت علاقتك بيهم و كمان الأشخاص اللي ما بتحبهم ؟
بصي يا ستي أنا فعلا قعدت و دورت في تاريخي لقيت أن الأشخاص إللي أتقطعت علاقتي بهم يعني أحسن حاجة حاصلتلي ما عادا أثنين مع أن أحسن أن أحنا مش بنكلم بعض بس برضه ساعات بيوحشوني جدا بس دايما بأفكر نفسي أن البعد عن المشاكل غنيمه فابالنسبة ليهم هأقوللهم وحشتوني جدا و أبقوا أفتكروني بالخير و أفتكروا أيامنا الحلوة و عشرتنا الجميلة
أما بالنسبة للناس إللي بحبهم إللي هما جوزي و أولادي و عيلتي كلها هما عارفين قد إيه أنا بحبهم مش محتاجة أني أتكلم عشان يعرفوا بس هأحاول أخلي آخر الذكريات جميلة
حاجة كمان هأحول أكفر عن سهواتي في الناحية الدينية طبعا لأن العبرة بالخواتيم مش كده ولا إيه بس على الله ألحق أعوض
لو ما حتغير تعاملك مع أي حد اذكر السبب و اذا حتغير تعاملك كمان اذكر السبب
أنا زي ما أنا عمري ما هأغير تعاملي مع حد لأن أنا مقتعنه أني بعامل الناس كويس و الحمدلله بس ممكن يعني أبطل خناق مع ماما شوية بس على فكرة أنا بحبها جدا لأني عارفة و واثقة و شهدة هي قد إيه تعبت و ضحت عشانا بس الخناق بيني و بينها له معنى تاني يعني مجرد أختلاف في الأراء و حبة فلفل أسود على الماشي
و ليش فنظركم الناس بتستنى لتعرف انهم حيموتو بكرة أو بعدو ليصلحو من سلوكهم و علاقاتهم ليش ما بنقصر الشر من الأول و نعيش راضيين و فنفس الوقت رب العالمين راضي علينا؟
لأن ده طبع البشر الطمع فينا و مايملاش عينا غير التراب عشان كده نطيح في الدنيا لحد ما يجي ميعاد الأخرة نتلم و نهتدي بس يارب نلحق
|
يارب ما أكون طولت عليكوا و كل سنة و أنتم بخير و يعود عليكوا بخير و سلام 
التعديل الأخير تم بواسطة cocubasha ; 10-08-08 الساعة 03:07 PM
|
07-08-08, 07:25 PM
جديد مواضيع قسم الروايات الاجنبية
العرض العادي
