كاتب الموضوع :
maya el khaldi
المنتدى :
الروايات الاجنبية
شكرا ليكم يا رومانسيات على ترحيبكم الكبير
سؤالي اليوم مثل ما قلت من قبل عن البنات و احوالهم
رح أحكيلكم قصة و قوليلي رأيكم فيها
بس قبل ما تجاوبو فكروا منيح و لا تخلو العاطفة تجرفكم
لأن ابتداءا من اليوم ما رح يقتصر الأمر على اجوبة و بس
لكن رح نحاول نطلع بمخلص للأجوبة ونحاول نعمل برنامج (اذا صح القول)
أو قائمة بالأشياء اللي يمشي عليها الشخص المعني بالمشكلة
اليكم القصة:
بنت عيلة محترمة جدا عمرها 17 سنة هي و اخواتها مربايين احسن تربية
و أمها و أبوها من خيرة الناس
صارت ظروف خلت الأم و الأب ينشغلو عن أولادهم قترة
بعجين صارو يلاحظو ان البنت انقلب حالها
و ما ضل شاغل بالها غير اللبس و على طول عم تسأل اذا كانت فعلا حلوة و كيف تصير احلى
الإنعكاس الكبير بان في نتائجها الدراسية
و المشكلة الأكبر انها صارت تكذب و تقول انها ما توصلت بالنتيجة
و أهلها من كثر ثقتهم في أولادهم صدقوها المرة الأولى
بس اختها اللي أكبر منها ماكانت مرتاحة لكلامها
فراحت سألت بالمدرسة و عرفت علاماتها الكارثية بالمدرسة
بعدين عرفت انها عم تغيب عن الدروس
في الأول فكرو ان البنت عم تعمل شي غلط و العياذ بالله
بس الحمد لله اتأكدو ان البنت منيحة و سمعتها منيحة (الله يستر على بناتنا)
بس المشكلة انها فقدت اهتمامها بالمدرسة
و الحياة صارت عندها ضحك و لعب و بس
تخيلو صدمة الكل فيها
في الأول عصبو و طار عقلهم بس قالو يمكن سحابة صيف عابرة
و رجعو عطوها فرصة جديدة
بس مؤخرا رجعت وصلتهم رسالة من المدرسة ان البنت صارلها زمان غايبة
و اذا ما جات و بررت الغياب رح يتم شطبها نهائيا من سجل المدرسة
و المصيبة كانت علاماتها مرة ثانية
الحين ما بدي أجوبة كان لازم، و ليش ما عملو
في عندنا مثل بالمغربي بيقول "البكاء ورا الميت خسارة"
معناه اللي صار صار
بدي كل واحد فيكم يحط نفسو محل ام أو أب البنت
لو كانت البنت دي بنتك شو رح تعمل عشان تقوم سلوكها
و هون باكد على البرنامج المذكور اعلاه
يعني شو الخطوات اللي رح تتبعها في هي الحالة
و في الآخر ممكن تقولولي الخطأ الحقيقي و ين موجود
شو الأسباب اللي خلتها تعمل هيك مع العلم ان اخواتها الباقيين ما صار معاهم شي
في انتظار اجوبتكم أو خليني أقول برامجكم
رح أستنى وجهة برنامجك عامر
بدي اعرف شو رح تعمل انت كممثل للجنس الآخر
|
17-02-09, 07:59 PM
جديد مواضيع قسم الروايات الاجنبية
العرض العادي
