كاتب الموضوع :
maya el khaldi
المنتدى :
الروايات الاجنبية
والصراحة اني سعيدة ان الإيميل ضحكم مثل ما ضحكني هههه!! حطيت على بني جنسي وايد هالمرة عدل؟ بس حلو إن الواحد يعني يخلي روحه محل الرجل ويحس بمعاناته ومعضلته احياناً !! يعني صج في وايد توقعات و أحلام مبنية عليه هالمسكين !! وكما قالت كوكو وهذا الإيميل يؤكد على ما ذكرته مسبقاً إن الرومانسية الزايدة عن اللزوم ما تخدم احد ، والإنسان لازم تكون رجله على الأرض.
مستحيل في رجل تجتمع فيه هذه الصفات كلها ، يعني لو اجتمعت في أبوك ولا حتى أخوك بتجتمع في زوجك !! ببساطة الأمر ما يصير لأن الناس مو كاملين ، لو كنت انتي كاملة بتحصلين رجل كامل. بس هذا كلام خطير وسر مكنون ولا تقدرون تقولونه لأي لوحدة!! هههه تدرون ليش ؟ لأن مو أي عقل بصدق ويستوعب هالكلام و لأنها بتقول لا هاذي غيرانه مني !!! الناس ما تبي تسمع الكلام الصج!!
فتروح المرة شتسوي تقضي سنين من عمرها ترطم على نصيبها الأقشر معنا ما في زوجها شي غير إنه من لحم ودم ومب من صنع خيالها ومتى ما استوعبت الموضوع تكون حياتها انبنت على الكدر والحنة. في شي أكيد كل المتزوجين يعرفونه ان الرجل مثل الطفل الكبير بشب على ما عودتيه، فاذا مليتي حياته كلها كدر أو انشغلت بالأولاد عنه بحس انه محروم، فلازم تحسسينه ان له وجود في حياتك و تعطيه من عطفك. تخيلوا لو ان الوضع معكوس والرجل اهو ايلي يرطم على الأولاد وما يبطل فمه إلا للشكوى اكيد بتنفرين منه ، فدائما حطي نفسك مكانه حق تعرفين اشلون تعاملينه.
هذه نصحيتي كما ذكرتها في المقدمة ، عاد المتزوجين ادرى مني لان هذا الكلام ما طبقته حق أعرف مدى جدواه، فامشوا على خطى كوكو أحسن!!! هههههه!!
التعديل الأخير تم بواسطة UHU ; 07-01-09 الساعة 03:13 PM
|
07-01-09, 03:05 PM
جديد مواضيع قسم الروايات الاجنبية
العرض العادي
