تلك المرأة

و الله يا أم علي موضوع محزن
و أكثر شئ محزن إنه صح 100% و بيحدث كل يوم أمام عيني
يعني لما الولد يسخر حتى لو مزح أن أمه تنطق كلمة خطأ لأنها مش معاصرة التطور اللي بيحصل كل يوم
و الجدال معها على كل شئ و الاستخفاف بآرائها
حاجة توجع القلب و الله
مش عارفة ليه بس فعلا الشباب أكثر بهذا الموضوع من البنات
و 100 مرة أقول لإخوتي
حتى لو أمك على خطأ 100% .. طالما الموضوع مش خطير و لا يمس دين أو حياة حد .. يا عم عديها .. ما تقفش ليها على الواحدة
دي طبيعة الدنيا و بكرة ابنك يشوفك كدة زي ما إنت شايفها دلوقت.. و يسخر من جهلك بالتكنولوجيا كدة بردو
بس تقولي لمين؟!
ربنا يهدي
عارفة ؟ أنا الحمدلله ربنا أعطاني لسان و شوية ذكاء
يعني أعرف أطلع اللي قدامي مابيفهمش لو حبيت .. ههههه
علشان كدة لو حد جرح في أمي أمامي
بخلي منظره يكسف
و أطلعه هو اللي ما بيفهمش
و أظل أجادل و الحجة بالحجة
بحس إنها بتفرح
و دي أهم حاجة عندي
حتى لو أضربهم علشان خاطرها ^_^

موضوع مهم جدا ام علي
وللاسف التجريح واهمال الامهات بيزيد كل يوم عن اليوم اللي قبله
مع ان الام هي اكتر حد ممكن يخاف عليك ويحبك ويهتم بمصلحتك
وهىالانسان الوحيد في الدنيا اللي بيستحملك مهما تعمل
مفيش حد في الكون كله هيعمل عشانك زي ماهي عملت وضحت
ولا مراتك ولا ولادك
امك بس
وكل واحدة بتضايق ام زوجها ومبتستحملهاش اقولها دايما افتكري انها هي اللي ربت جوزك وتعبت عشانه وشايفاكي انك جيتي واخدتيه منها ع الجاهز يعني استحمليها شوية
وخدي بالك زي ماهتتعاملي معاها هتيجي واحدة وتعامل والدتك بنفس الطريقة وبكرة هتلاقي واحدة وتعاملك انت كمان بنفس الطريقة
في مثل ماما دايما بتقوله: ومسيرك يامرات ابني تبقي حما
يعني كل واحدة وهييجي عليها الدور في يوم