كاتب الموضوع :
أمـ مجروح ـل
المنتدى :
القصص المكتمله
) الجــــــزء الخامـــــس (
:: الفصـــل الأولــ ::
ام تركي: وش فيك يما شكلك متغير 00تعال اجلس جنبي تعال قول وش فيك يما تعال يا وليدي تعال
تركي : يما ابيش بسالفه
ام تركي : قول يما قول
تركي : يما 000000 اليوم لما رحت انا وناديه المستشفى 00عندها مراجعه للحمل سوت الطبيبه لها تصوير علشان تتاكد من سلامت الجنين وتسمع دقات قلبه 00لما سوت لها التصوير قالت تبيني اروح لها مكتبها ضروري خليت ناديه تجلس في غرفة انتظار النساء ورحت لها وانا مبسوط 0000 تركي وبحزن 000 احيانا الانسان يكون مبسوط ومرتاح وما يكون عنده استعداد لتقبل أي مصايب او لحظات حزن يبي يعيش الفرح وخاصه في لحظتها
ام تركي حست ان قلبها يعورها على ولدها 000000 ولكن من طبيعتها ما تحب تقاطع احد وخاصه اذا كان الشخص واحد من اعيالها لان ما تبي يضيع الكلام منهم تبي يقولون كل الي عندهم الي في داخلهم
تركي ويكمل بنفس نبرت الحزن : قالت لي الدكتوره ان الطفل الي في بطن ناديه طفل مشوه خلفيا 00ولازم يما تسقط الجنين 00لزم يما تسقط الجنين 000وانا يما انسان مأمن وما عندي اعتراض على قضاء الله وقدره بس كل خوفي ينصب على ناديه 00يما انتي لو تشوفين فرحتها لما كنا في السياره وتبني اوديها السوق تجهز للمولود صعبت علي الموقف 000وحسيت بصعوبة الي بقوله لها لما وصلنا البيت حسيت اني مخنوق ما اقدر انزل قلت لها تنزل وانا بروح مشوار وراجع بعد ساعه 00ظليت في السياره الف والف ما ادري وين اروح 00ولقيت نفسي راجع البيت 00طلبتك يما ابك تساعديني ما ادري وشلون اقول لها
ام تركي اول مره تحس ان ولدها ضعيف ما يعرف يتصرف وهي قلبها يعتصر على ناديه
ام تركي : مدري يا وليدي وش اقولك انا ام وعارفه وش يعني اني انزل الجنين الي حملته وحتضنته بين ضلوعي 00 خاصه ان ناديه الحين في الشهر السادس يعني الطفل كبير وتغريبا شبه كامل خلقيا وصعبا انها تنزله طبييا ومعنويا 00
تركي: يما انا حاس والله 00صعب ان اجيب طفل مشوه خلقيا يصعب على شوفته والطبيبه تقول حتى لو ولدته ما بعيش كثير 00 وانا مو قادر اقول لناديه
ام تركي : طيب ليه ما خليت الطبيبه تقولها الخبر بنفسها
تركي : اولا هذا مو ضمن اختصاصها 00هي تقول ان انا اقرب شخص لها يعني بوصلها الخبر وبهون عليها
ودام انها تعزني بتتقبل مني
ام تركي : خلاص يما تركي انا بخبرها بنفسي
تركي : لا يما انا الي بخبرها 000بس كان ودي اقول الي في خاطري وما لقيت احد اقوله غيرك 00 ابي احس ان مو انا شايل الهم وحدي 00 بس يما طلبتك
ام تركي : امر اعيوني لك
تركي : تسلم اعيونك يا ست الكل بس ابيك توقفين مع ناديه وتساعدينا وتهونين عليها 00 لان ما ابي اتأخر في اسقاط الجنين
ام تركي : انت توكل على الله 00 وانا ان شألله ما بخليها هذي مرت الغالي 00والله يعوضكم خير
تركي قام حب راس امه وحس انها مرتاح شوي يوم تكلم معاها
تركي : صحيح مبروك نجاح سجوي 00 وانا اسف يما اذا خربت عليك فرحتك بتخرجها
ام تركي : لااا يما 00عزيز وغالي
تركي : وين سجى
ام تركي : عمك وافي عازمنا على بربكيو على البحر 00 تحصلها في غرفتها تجهز 00يالله يما روح جهز نفسك واخذ مرتك وتمشا معها على البحر لا تخليها تحس بشيء خلها اليوم تنبسط 00وبكره يصير خير
تركي : ان شألله
في بيت بو عدنان
عند مدخل الباب بو شهاب واقف محتار يرن الجرس ولا ما يرنه بس قال دام اني واصل خلينا اكمل المشوار اسوي الي جاي عشانه كان ما في جرس ضرب بو شهاب الباب وفتح له صبي صغير
بو شهاب : بو عدنان موجود
الولد : ابوي داخل ادخل ادخل المجلس 00 الحين انادي ابوي
بوشهاب : لا ما يحتاج ادخل روح قول لابوك ان بوشهاب يبيك عند الباب
بوشهاب في نفسه ما باقي الا ادخل بيت هذي الاشكال
بو عدنان جاي طاير مستغرب من يبيه
بوشهاب : السلام عليكم
بوعدنان : وعليكم السلام
بوعدنان : كاني شايفك من قبل
بوشهاب : التقينا في بيت بو ضاري يوم جيت تخطب بنته
بوعدنان وبفرحه : تذكرت انت اخو بضاري يعني عم انفال هلااا والله تفضل هلااا باهل الخير هلا
بوشهاب : مشكور زين انك تذكرتني 00ما يحتاج ندخل داخل انا جاي عندي كلمتين بقولهم وبمشي
بوعدنان: امر
بوشهاب : انا جاي وكلي رجا انك ما تردني 00 تردي ادنيا مصالح ومصلحه تفرق عن مصلحه يعني الي تبي توصل له من زواج انفال من ولدك اكبر من مستواك وانا جاي اعلمك كيف الانسان يحلم 00ويصل صح
بوعدنان فهم بوشهاب لانة هم تغريبا من نفس الطينه : طيب وش المطلوب مني
بوشهاب انبسط لما حس ان بو عدنان قرب يفهمه : حلووو00 المطلوب منك انك تهون عن خبطة انفال بقابل مكافئه شهريه اذا تبي 00تعيشك عيشه ما حلمت تعيشعا انت واهلك ترى في معلومك افضل من انك تترجا الخير من ورى بو ضاري ويمكن ما تطول شيء على الاقل الفلوس الي بعطيك اياها اضمن لك تفتح لك بدل البيت بيتين 00ها وش قلت
بوعدنان جالس يفكر بكلام بوشهاب وحس ان كلامه عين الصح يترجا خير يمكن ما يطول منه شيء ولا فلوس تجي له شهريا ما كان يحلم فيها وش له بمشوار الطويل خطوبه ويعدين زواج يجلس على اعصابه ينتظر متى يجي له الخير ولا يجلس وهو ما سوي شيء وفلوس تجي له شهريا والله عرض ما يتفوت بس بو شهاب وش مصلحته من ورى فركشت زواج عدنان وانفال 00 مو مهم وش مصلحته بس الاهم ان الخير جاي لي بطريق من ورى بو شهاب 00
بوعدنان : طيب كم بتعطيني شهريا مقابل فركشت الزواج
بوشهاب : في حدود عشرت الاف 00 ها وش رايك
بوعدنان : عشرت الاف هذا مبلغ خيالي
بوشهاب : ها وش قلت
بوعدنان : انت فصل وحنا نلبس 00 نبي نلبس الجديد 00انت امر وش تبيني اسوي
بوشهاب : تعجبني00 ابيك تقول ان انفال ما تصلح لولدك وانا ولدك ما عنده فلوس يتزوج اذا جاي لها نصيبا خلها تروح لان ولدك شايل فكرت الزواج من باله وانا انت الي ضغطت عليها علشان يروح يخطبها بس الحين حسيت انك بتهدم حياته 000 ومدري00 المهم انت قول الي تقوله بس المهم يصير الي انا ابيه وما يتم هذا الزواج
بوعدنان : خلاص خل كل شيء علي 00 بس المهم انك تجهز فليساتك
بوشهاب : الشيك بكون جاهز بس بعد 00 ما اشوف واحس الي ابيه
بوعدنان : الحين كل شيء تبيه بصير 00يومين بعد يوم الخبر عندك
بوشهاب : من الافضل ان يكون اليوم
بوعدنان : انت تامر اليوم 00اليوم الحين ادق على اختي 00لا ليش ادق عليها اروح لها بنفسي
بوشهاب ببتسامة خبث : ما ابي احد يدري بال جرى بينا 00ابيك تحط في بالك اذا شميت خبر ان في احد يدري ما بتطول مني ولا ريال 00ولا حتى اختك 00طيب
بوعدنان: طيب
بوشهاب : مع السلامه
بوعدنان : مع الف سلامه يا وجه الخير
بوشهاب حس براحه ما توقع ان الامور بتمشيء زي الماي بسهوله هو كان شاك بطينت بو عدنان لكن الحين ابصم ان هو من النوع الي يعجبه الحين خليني افكر للخطوه الثانيه وهي الاهم بو ضاري 00 افضل شيء اروح له البيت واجلس اسولف معه لمن اشم ريحت خبر 00افاتحه على طول بالموضوع 00مثل ما يقولون ادق الحديد وهو حامي والله ما اكون بوشهاب اذا ما زوجت انفال لولدي شهاب
فــــــي بيت منصور
كانو جالسين بالصاله منصور وتماضر وانفال مبسوطين بتخرج انفال وخطوبتها من ولد خالها خاصه تماضر تحس انها اسعد انسانه في العالم كل شيء بدا مثل ما تبيه تحس ان بنتها انفال صارت في عينها احلى من قبل
منصور : ها يبنتي ما قلت لنا أي تخصص رغبانه فيه
انفال : طب 00اذا الله راد
تماضر وتهلل وجهها : طب 00يعني بنتي بتصير طبيبه 00 والله حلوو00ها يا انفال لازم تستشرين خالك وولده بعد الحين خلاص هو بيصير زوجك
انفال: بستشيرهم ان شالله 00 ما اعتقد ان بعارض بعدين هذا حلم كنت اتمنى يتحقق 00وان شألله يتحقق
الى بدخلت الخال بو عدنان الصاله
بوعدنان وبين عليه الجمود : السلام عليكم
تماضر ببتسامه : وعليكم السلام 00 هلاا باخوي الغالي 00تونا في طاريك 00حياك
انفال حست بالخجل شوي يعني الحين خلاص بيكون كل شيء رسمي قامت وباست راس خالها وراحت غرفتها
تماضر : اجلس ياخوي 00شاي ولا قهوه
بوعدنان ويناظر تماضر يبيها تفهم ان هو يبيها بكلمت راس بعيد عن منصور وياشر لها براسه تقوم في الغرفه الثانيه
منصور فهم حركات بوعدنان قبل لا تفهما تماضر وفضل انه يقوم 00ازين له
منصور : اخليكم على راحتكم بروح ارتاح 00 خذ راحتك يا بو عدنان البيت بيتك
وطلع منصور من الصاله
تماضر : خير يبو عدنان وش فيك وتغمز وتحرك راسك وما ادري ايش
بوعدنان: خير بوجهك 00بس انا جاي لك بموضوع ابي اكلمك فيك ومستحي منك
تماضر : لا تستحي وانا اختك الحين احنا صرنا اهل قول امر 00صحيح قبل لاانسا ترى انفال تخرجت وبنسبه ترفع الراس ان شألله بتدخل طب 00عاد انا قلت لازم نستشيرك ونستشير عدنان مو هو بصير زوجها لازم ناخذ بشوره 00وترى دق بوضاري على منصور وقال له اذا محتاجين أي شيء هو حاظر 00
تماضر وتتفحص وجه بوعدنان وتكمل 00وش فيك منت بفرحان علامك يا خوي
بوعدنان: والله ما ادري وش اقول لك يا تماضر 00انا الحين امر في ظروف ما ديه صعبه صعبه حيل وعدنان توه انفصل من شغله 00اكثرت المسأليه والديون وتدرين البيت صغير يدوب يكفيني انا والعيال 000و بصراحه
تسرعت يوم رحت خطبت انفال لولدي 00وانا قلت اجي افاتحك باالموضوع قبل لا يطيح الفارس بالراس واخليك على علم بلي حصل ولدي امس فاتحني بوضوع انفال 00وقال انه ما يبيها اقصد ما يقدر يتزوج ويفتح بيت تدرين الحين هو عاطل وعلى ما يدور شغل ما يبي يربط البنت فيه وانا فكرت امس بكلامه حتى انا ما اقدر على مصاريف البيت تبين ازيد البيت شخص هي زوجه يبيلها غرفه ومصروف وخصوصويات البيت ما يتحمل هذا الضغط كله وحنا تونا في اول الطريق خلينا نطلع بالمعروف والله يعلم ان تمنيت انفال لولدي عدنان وبس هذا الي صار وكل انسان يتحمل ظروفه 00ان شألله الله يرزقها الزوج الصالح
تماضر حست بقصه من كلام بو عدنان بكل بساطه يجي يقول لها هذا الكلام هي كانت تدري بظروفه بس هو الي طاق الصدر وقال يبيها 00
تماضر بنظرت بارده: ما ادري وش اقول
بوعدنان : لا تقولين شيء بس ابيك تكلمين انفال وتقولين لها ان تهتم بدراستها والله يوفقها ويرزقها بزوج صالح
شرح لها عن الظروف اكيد تبعذرني 00 وهي توها بنت في عمر الزهور الحياه قدامها
تماضر وستسلمت للموضوع ماحبت تتناقش مع بو عدنان لانها تدري ان نقاشها ما راح يجيب نتيجه الحين هي تفكر بانفال 00 وشلون تقول لها
تماضر : طيب وبو ضاري
بوعدنان : بوضاري خليه علي انا اليوم راح ادق عليه واقوله وحنا تونا في البر مثل ما يقولون 000يالله انا استأذن ما اقدر اتأخر على العيال وتدرين عدنان الحين عاطل بروح اجلس معه نخفف علي بعض وبكلم بوضاري 000يالله فمان لله
بوعدنان طلع من الصاله وتماضر في حال ما يسر كانت تبي تزوج انفال بسرعه علشان يخف عليها الحمل شوي لكن زاد الحمل يعني الحين لازم تقول لانفال عن ما في زواج
فـــــي مجلس بو ضاري
كان بوضاري وبو شهاب يطالعون الاخبار بو شهاب باله مو بالتلفزيون باله مع بو عدنان والمهمه وده يطلع من هنا ويروح البيت بس يعرف نفسه ما راح يرتاح الى لما يسوي الي براسه ينتظر الخبر او شيء منه
رن جوال بو ضاري كان المتصل رغم غريب ما يعرفه
بو ضاري : الوو
بو عدنان : السلام عليكم
بو ضاري : وعليكم السلام والرحمه
بوعدنان : كيف حالك يا بو ضاري
بوضاري : انا بخير بس حفا ما عرفتك
بوعدنان : انا بو عدنان خال انفال
بوضاري ببتسامه : يا مرحبا بو عدنان يمرحبا بالاهل 00 امر يبو عدنان غرض حاجه
بوعدنان: ما يامر عليك عدو ولا ظالم مشكور ما تقصر 00والله المفروض ان اجيلك البيت يا بوضاري لكن السموحه ما اقدرت00
بوعدنان : يا بوضاري انت تدري ان الله موزع الارزاق وكل انسان له نصيبه من الرزق وانا واحد نصيبي ما يكفيني لكن مستوره والحمدلله وحالتي الماديه صعبه 00وحظي في الدنيا مكسور وشكلي ورثة اعيالي الحظ وضيقت الرزق ولدي عدنان الله يحفظه انفصل من الشغل وهذا الحين هو جالس في البيت مثل منت عارف ان هنا خطبنا انفال لولدي عدنان وبوضاري اعذرني على الكلام الي بقوله انا خالها وعارف مصلحتها وتهمني سعادتها00 ومصلحتها وسعادتها بعيد عن ولدي عدنان وبعيد عن الحياه الي هنا عايشين فيها هي وبنت توه في بدايت حياتها وانا ابي لها الحياه الي تسعدها ما فيها مشاكل وقلت رزق ودام احنا في البر وفي اول الطريق وما مشين فيه 00هي بظل بنت اختي وعزيزه وغاليه والله يعلم اني تمنيتها لولدي عدنان لكن الظروف كانت اقوى مني 00وانا ما قلت ما ابيه لعيب فيها لكن ما ابيها تعيش الحياه الي هنا عايشينا وتصارع معنا الظروف 00
وان شألله تفرح فيها والله يرزقها بزوج الصالح الي يسر عليها ويقدرها 00
بوعدنان كان وده يكمل صحيح في بدايه الامر خذ الموضوع تمثيل لكن لما بدا يشرح ويجيب مبررات وحس انه ما جاب شيء من عنده كل شيء يقوله حاطل ما عد فصل عدنان من الشغل الله لا يقوله وينفصل 00
بوضاري كان علامات الاستفهام والتعجب مرتسمه على وجه من كلام بو عدنان
بوضاري : احنا شرينا رجال يو عدنان 000
بوعدنان : بس الرجال ما يكون الى بفلوسه واخلاقه وتحمل المسأليه وقدرته على توفير الحياه الي تناسب زوجته فتح البيت هذا الشيءمو متوفر في ولدي عدنان
بوضاري : خير ان شألله 00الله يفتح عليك ويرزقك
بوعدنان : ان شألله 00ما ابيك تزعل مني يا بو ضاري واحنا اهل ما نبي تخسر بعض
بوضاري : وش الكلام الي تقوله كلام الحق ما يزعل منه 00والى ذاك اليوم الي الله يوسعه عليكم وبنتي انفال ما تزوجت اعرف انا للحين شارينك
بوعدنان : الله يطول في عمرك 00وان شألله يرزقها بزوج الصالح 000يالله عن اذنك والسموحه مره ثانيه
بوضاري : اذنك معاك ومسموح يا بو عدنان
بوعدنان وحس براحه لما انها المهمه المطلوبه في اسرع وقت يعني الفلوس في السكه
بوعدنان: مع السلامه
بوضاري : الله يسلمك
بوشهاب كان عيونه معلقه على شاشة التلفزيون واذنه عند بو ضاري مره يطالع التلفزيون ومره يتفحص وجه بو ضاري لعل وعسى يحس بشيء00 امل علشان يفتح معه الموضوع لما خلص بو ضاري التفت بو شهاب على اخوه وسوى نفسه ما يدري عن شيء
بوشهاب : علامك يا اخوي 00من المتصل
بوضاري : هذا بو عدنان خال انفال يقول ان ما يقدر يزوج ولده لبنتي انفال 00لان عنده ظروف صعبه وما ادري وش 0ويقول خلها تروح في نصيبها اذا دق بابها 000 انا جالس افكر كان غريبه اعتذاره في هذا الوقت وهو كان مبسوط وجاي خاطب انفال 00مدري ام انفال عندها علم بالموضوع ما ادري انفال عندها علم بالموضوع
بوشهاب : وسع صدرك وانا اخوك والخيره في ما اختاره الله يمكن يكون نصيب انفال افضل ان شألله وزين انه دق وقال وافضل من ان يخذ البنت وبعدين تصعب الامور 00 اذا جاء نصبها خلها تروح
بو شهاب وبتردد: وهذا ولدي شهاب للحين شاريها وما راح يلقى افضل من بنت عمه وهي ما راحت للغريب
واتمنى يا اخوي انك ما تردني هذي المره
بوضاري : بس انفال ما ادري وش رايها
بوشهاب : انت اخذ رايها 00وانت عارف ولدي شهاب اكثر مني 00والله يجعل الي فيه الخير
يالله انا استأذن ومثل ما قلت لك للحين والولد شاريها ويبيها 00
بوشهاب طلع من المجلس رافع راسه يشم ريحت الانتصار والله ومنت هين يا يو عدنان اثاريك شاطر وراعي كلام مصفصف لفلوس لفلوس 00في احد في هذي الدنيا ما يحب الفلوس 00خلينا اروح البيت ارتاح بالمره اخبر ام شهاب اكيد بتفرح 00
على شاطىء البحر
كانو جالسين عائلة سجـــــى اخر وناسه
جلسه فيها الحريم وجلسه فيها الرجال قربيبن من بعض وهذا الي يبيه مشاري وكل ما كان قراب كل ما زادت فرحته حتى لو هو ما شافها عدل هي تشوفه تحس بوجوده
كان الكرنيش زحمه الي يلعب والي يمشيء ولي جالسه جنب البحر والى جايب عشاه يأكل والي منسدح على العشب يأخذ قيلوله
بوتركي ما جاو ولا بومشاري بو تركي تعبان وما يقدر يسهر بو مشاري كان عنده عزيمه رجال وما قدر يجي
يعني كانت الجلسه نوعا ما شبابيه وحمد مسوي جو مو طبيعي
حمد : دحومي حط اسياخ اللحم الي سويتهم بنفسي على الفحم والله اني خطير
عبدالرحمن : عاد هذي يبي لها شيء الي يسمعك يقول مسوي الخلطه نفسها
حمد: ههههههه هههه على الاقل ازين من اسياخك المعوقين
عبدالرحمن : ههههههه حمد اقول قطع البصل
حمد : هذي الي ناقص وش شايفني
عبدالرحمن : هههههههه طباخ محترف على المستوى الدولي
وافي : لكم ساعه ومحد منكم سوى لنا شي عدل
حمد : تعال سوى ياعمي ولا بس انت شاطر رايح متربع وسط الحريم وطاق سالفه معاهم
وافي : ههههههههههه بعد خواتي ومشتاق لهم وبعدين انا احب جلست الحريم وسوالفهم فيها شيء
بس انت شوف شغلك ترى ميت جوع
عند الحريم ام مشاري : مبروووووووك نسبة بنتك يا ام تركي
ام تركي : الله يبارك فيك
ام مشاري: ام مطلق وين ولدك سامي مو ما جا كلش هذا الولد ما يبينا
ام سامي : هو خله يجلس في البيت اسبوع على بعضه كل يسافر مع ربعه ولا طالع ما نشوفه الى بصدف الله يحفظه
ام مشاري : الله يحفظه بس مهما كان المفروض يجي يسلم على خواله يشوف علوم العائله من مات من حيا ولا كانه من العائله
ام سامي : كل مره اشوفه اعيد له نفس الاسطوانه ويمل منها ويطلع عاد انا قلت بكلم خاله وافي يكلمه يمكن يركد الشوي
كانت سجى جالسه مع الحريم وقلبها ورحه مع مشاري تراقب كل حركاته تمتع النظر بشوفته هذا الحلو بجمعت البحر وكانت ناديه تسولف مع عمتها علياء
وافي جاء وجلس وسط البنات
وافي : كيفكم يا صبايا
ناديه : بخير وانت كل مرتز عندنا
وافي : افاااااا ما تبوني وانا الي كنت مفكر اني عزيز وغالي
ناديه : من قال انك مو عزيز وغالي
وافي : الحين توك ما تبوني 000 والله وش تقولين سجى تبوني ولا ما تبوني
سجـى: 0000
وافي : عاد انت اعرفك اكيد ما تبيني اذا وجدا الماء بطلع التيمم
يرن جوال سجـــــى ء اغنية عسى دايم نكون احباب
على طول طلعت جوالها عرفت المتصل اكيد وحده من صديقاتها
وافي ما يدري ليه تذكر البنت الي كانت بالمحل يمكن لانها حاطه نفس النغمه ((عسى دايم نكون احباب)) مع ان هذي النغمه مو دارجه هذي الايام والي ان وش هذي الصدفه الغريبه 00 عادي تحصل كثير
سجـــــى ببتسامه: مرحباااااااااا
دلال : مراحب 000 هلا بطيب الغالي
سجى : هلاااا فيك
دلال : كيف حال والاحوال
سجى : تمام 000 انت اخبارك
دلال : كويسه 000 بس زعلانه عليكم محد تنزل يدق على يسال عن النتيجه يبارك لي بتخرج
سجى : حقك علي 00 انا يدوب عرفتها 00
دلال : سجوي كانك مو بالبيت اسمع صوت احد يضحك جنبك
سجـــــى : هههههه في الكنيش ههه هذا صوت عمي وافي جالس جنبي اكيد صوته كل عندك مسوي زحمه
دلال : طيب ما يهم قول لي كم نتيجتك
سجـــى : 94
دلال : حلوووووووووووو مبرووووووك يا قلبي تستاهلين كل خير وعقبال الشهاده الكبيره
سجــــى : الله يبارك فيك طيب وانت وش جبتي
دلال : ممممممممممم 96
سجــــى: والله اعلى مني مبروووووووووووك الف مبرووووك عقبال الشهاده الكبيره \
دلال : الله يبارك فيك قول لي وش موديكم الكرنيش
سجـــى : والله معزومين على باربكيو
دلال : اكيد عازمكم حبيب القلب انا عارفه حركاتكم وليه البحر بذات منتو بسهلين 00 طيب ليه ما عزمتوني معكم
سجـى : والله صحيح تعالي دلول حياك توه بدت السهره
دلال : لا يا عمري ما ابي اخرب عليكم الاجواء وبعدين بروح المطار مع اخوي يجيب شناطره يخلص الاجرائات
سجــــــى : طيب 00 ما قلت لي كم نسبت انفال وهيام00 ما كلمتيهم
دلال : انفال لسى ما كلمتها قلت بكلمها لما اقفل منك اكيد نسبتها بتكون فوق صديقتنا وعارفينها عدل دافوره ما ينخاف عليها اما هيام والله ما ادري وين ارضها وين سماها كل ادق عليها ما ترد وانا صراحه منحرجه اقول لها نسبتها
سجــــى : ليه هي كم نسبتها
دلال : 79
سجــــى : زييين00 جابت هذي النسبه هي عارفه وحنا عارفين ان هي ما تذاكر وحاولنا معها ومحاولاتنا ما جابت نتيجه مرضيه مع ذالك انا متأكده ان ما همها لو هي مهتمه بنسبتها كان دقت اسألت 00هي خلاص الحين الشغل ما خذ كل وقتها وين لها وقت تذاكر او تكمل دراسه يدوب تلحق على شغل المشغل الي ما ينتهي الله يساعدها والله ما لومها دراسه وشغل وبيتها واخوانها 00
دلال : وانت الصادقه 00 طيب الحين انا اخليك تكملين السهره واكلمك بكره
سجــــى : اوكي اذا كلمتي انفال سلمي عليها كثير 00اقول لا تنسون الحفله الي بنسويها في بيتنا
دلال : حنا ننسا حفلات لا يماما 00بكره اكلمك ونتفق علشان الحفله
سجـــى : اوكي 00 باااااااي
دلال : بايات
وافي طول المكالمه هو اذنه عند سجى سمع كل كلامهم
وافي : نواين تسون حفله
سجــــى : ان شألله في بيتنا
وافي : اهااااا وانا معزوم ولا ولا
سجــى: العزيمه للبنات فقط
ناديه : يعني انا مو منظمن المدعوين
سجى ببتسامه : وحنا نقدر انت على راس المدعوات ليش المدعوات انت من اهل الداعين 00الى شخبار البيبي الي في بطنك 000 تعال وين رشا ما شفتها اليوم
ناديه : البيبي تمام احسه يتحرك 00رشا نايمه في البيت ما حبيت اصحيها لان هي من طبعها اذا نامت واحد صحاها وما شبعت نوم يكون مزاجها متعكر 00
يرن جوال وافي كان المتصل صديقه احمد
وافي : هلاااااااااا وغلاااااااا
احمد : هلاااااااااا فيك يالحبيب 00 وين ما تسأل ولا تسلم
وافي : والله مشغول مع الاهل وفي هذي الدنيا 00 طيب انت شخبارك وش علومك
احمد : بخير الله يسلمك 00 عاد انا طلبت يا بو الوفا قول تم
وافي : وانا قول من وين طالعه الشمس اليوم متكرم وداق علينا اتاريك مت بخالي امر
احمد: مشكلتك انك فاهمني 00اخوي طيارته بتوصل بعد ساعتين وانا في الامارات الحين ابيك تروح تستقبله في المطار
وافي : ايا ولد اللذينه وش تسوي رايح الامارات كل اسبوع والثاني 00 اعترف
احمد : تغير جو
وافي : تغير جو ولا مضب 000 >>> توه وافي بكمل بس حس ان الكلام الي بقول مو عدل يقوله قدام البنات نسا نفسه
احمد : اقول لا تكثر كلام ورح المطار وانا بدق على اخوي اقوله ان صديقي بجي يستقبلك وبدز لك رقمه مسج علشان تدق عليه اذا رحت المطار 000 لا تبطي يا الحبيب
وافي : طيب مسافت السكه وانا في المطار 00عاد خلنا نشوفك 0متى تراجع
احمد: ما بطول يوم وراجع 00الله يعطيك العافيه 00خلنا نكون على اتصال طيب
فمان الله
وافي : فمان الكريم
وافي : يالله يا بنات
سجـــى: وين عمي
وافي : بروح استقبل الراجعين من السفر الى ارض الوطن اذا خلصت وما قمتو برجع لكم 00اوكي
لا تسون شيء من وراي
فـــــــــي بيت هيام
في الصاله
ام هيام : هاااا يما كنهم بطو الناس ما جو
هيام : مدري يما يمكن على وصول 00 جهزتي كل شيء
ام هيا م: من زمان وبخرنا البيت ورتبناه والحين بتدخل الساعه على 10 وهم ما جو ليكون مو جاين
هيام بخوف : لا يما لا تقولين كذا ان شألله يجون
ام هيام : ترى خالك سأل عنك اليوم ليه تأخرتي في المشغل
هيام برتباك: هاااا 00لا كان عندنا زحمه وانشغلت شوي 00 وش يبي خالي مني
ام هيام: ما تعرفين خالك كل يسأل ان تأخرتي شوي ايده اسبق منه لا تتأخرين مره ثانيه ترى ما لنا خلق مشاكل مع خالك الي فينا مكفينا
هيام وهي قايمه بتروح غرفتها
ام هيام : هاااا وين رايحه
هيام بصوت عالي شوي عن الازم : يعني وين بروح غرفتي
دخلت هيام غرفتها وسكرت الباب وقفلته
وعلى طول مسكت جوالها
واتصلت
الرقم الذي طلبته غير متوفر في الخدمه حاليه يرجا المح 00
هيام : يووووووووه هذا سادس مره اتصل عليه وجواله كل مغلق وين راح مو بالعاده يغفل جواله
عاد ما لقى الى يقفله في هذا الوقت خلينا ادق على خويه ناصر اسأله يمكن صار فيه شيء
اذكر انه مره متصل على من جوال ناصر خليني اشوف في المكالمات المستلمه
هذا هو لقيته
هيام بدلع : الووووو هلاااا ناصر
ناصر : يا هلاااا والله ومرحبا
هيام : عرفتني
ناصر : وهل يخفى القمر 0
هيام : ناصر بسألك ما تدري وين سعود ادق عليه اليوم جواله كل مغلق
ناصر : سعود مسافر ليه ما قال لش
هيام متفاجأه: ومسافر وشلون يسافر وما يقول لي واليوم هم 00ما ادري ما ادري ليه ما قال لي ليه ما عطاني خبر
ناصر : والله ما ادري عنه
مين هذا سعود ومين الناس الي جاين لهم اليوم وش علاقتهم بسعود ؟
وافي ودلال هل يسكون هناك لقاء بينهم كيف راح يكون ؟
بوشهاب ووصوله اللي يبيه هل سيكون هناك عائق ؟
وانفال كيف راح تكون ردت فعله من موضوع عدنان وخطوبتها ل شهاب ؟
تركي والموضوع مثقل على قلبه وشلون راح تكون ردت فعل ناديه ؟
التعديل الأخير تم بواسطة أمـ مجروح ـل ; 17-05-08 الساعة 11:13 AM
|
17-05-08, 10:22 AM
جديد مواضيع قسم القصص المكتمله
العرض العادي
