كاتب الموضوع :
لميس133
المنتدى :
القصص المكتمله من وحي قلم الاعضاء
يا شمعتي..
طفاك القدر يا شمعتي .. خلاني اجر بحسرتي !!
شلي بهالعمر يادنيتي .. محسود على حظي وقسمتي..
فص ملح و ذاب مابين ايديا وراح .. شباب وراق ماتهنى يوم وارتاح !!
,,ياشمس الدنيا والقمر .. أنا أدفع شبابي والعمر
لويرجع
اضمه و اعتذر .. ويشوف شسوا بيا القهر
((من محمد إلى مراام))
............................................................ .........
............................................................ .........
مرت 4 أيام..
موعد الملكه كان قبل يومين..
مرااام إلى حد الحين ما صحت..
ومحمد...ما تركها لحظه.. كان كل يوم يزورها..وما يطلع من عندها إلا بعد ما تجي الممرضه تقوله وقت الزيارة انتهى..
ثاني يوم إجا محمد وقرب الكرسي يم سريرها..قعد جمبها..ومسك يدها..رفعها وباسها.. وإيده الثانيه كانت تمسح على شعرها..
محمد وعيونه مليانه دموع :
-((مرااام حبيبتي..آنه ادري انك تسمعيني..فتحي عيونك.. لاتخليني .. والله لو يرجع الزمن ..ما كنت راح اضيعك.. آنه آسف على كل ذرة الم سببتها لك..انت قلتي إن إحنا نعتبرك ولا شي..انت غلطانه..أنت دنيتي يا مرااام..انت حياتي.. لو كان ثمن رجعتك عمري ما باتردد لحظه..آنه أحبك ..آنه ماراح أسامح نفسي..)).
محمد رفع راسه..
وشاف مراام..والدموع تنزل من عيونها..بدون صوت..
رفع يده ومسح دموعها..وقال:
-((ما أبي أشوف دموعك..دموعك غاليه علي..)).
مرااام:
-((محمد..آه..)).
محمد:
-((فيك شي؟؟..يألمك شي..)).
مرااام:
-((جسديا..لا..بس قلبي..قلبي يا محمد ..)).
محمد:
-((آنه أدري أني آلمتك..بس عطيني فرصه ثانيه..وأوعدك..أني ماراح أجرحك..)).
مرااام شالت يدها من يده..ولفت ويها بعيد..وقالت بصوت كله ألم:
-((محمد..الله يخليك..خلني بروحي..خلني ألملم جروحي..)).
..................................
..................................
مرت أيام..
مرااام تتجنب محمد ..وهو كان ما يكلمها.. ينطرها لين تشفى..جسديا ونفسيا..
مرااام:
-(( مشكور..محمد..انت كنت تبي تربيني ..ونجحت..لأني الحين مستحييييل أتزوجك..)).
محمد بإصرار:
-((لا..انتي ما بتتزوجين أحد غيري..)).
مرااام:
-((تحلم..)).
محمد يضحك:
-((ههههه..إلى الحين لسانك طويييل..موآنه اللي أحلم يا حبيبتي..أنتي اللي تحلمين..)).
.......................................
.......................................
مرااام تتكلم في التلفون:
-((هلا حبيبي..اشتقت لك..)).
وبعد لحظات قالت:
-((تبي تشوفني اليوم..أوكي..ماعندي مانع ..باااي..)).
وعطته بوووسه قبل لاتسكر التلفون..
مرااام ما حست أن في احد في الصاله..إلا بعد ما سمعت صوت محمد..وكان معصصصصب حده..وقال بلهجة امر:
-((من هذي؟؟..هه؟؟..)).
مرااام ما رضت ترد عليه..
محمد بغضب:
-(( شوفي..انت بتقولين لي من اللي كلمتيه من شوي..لأنك ما راح تتحركين من مكانك إلا بعد ما تنطقين..)).
مرااام خافت لأن كان وااايد معصب..
محمد بصراخ:
-((آنه مو قايل لك من قبل ..لما اكلمك ردي علي..)).
مرااام بخوف:
-(( لا تتدخل في شي ما يخصك..)).
محمد:
-((حبيبك هه؟..المفرض هو اللي ما يتدخل في شي ما يخصه..مايدري انك خطيبتي..)).
مرااام بإستهزاء:
-((من مخطوب؟؟.. هه؟.. مافي احد مخطوب أهني..)).
لكن محمد مشى صوبها بخطوات كلها تهديد..وهي ثابته محلها [اللي يشوفها يقول أنها ولا على بالها.. لكنها بتموت من الخوف. . ورجولها مو قادره تتحرك.. تتمنى تركض وتروح مكان ما يقدر محمد يوصل لها.. لكن الخوف خلا عضلات رجولها متصلبه] قرب ووقف مقابلها.. وكان يسيطر على اعصابه بصعوبه.. وهي موقادره تنطق بكلمه..
محمد بتهديد:
-((آنه باذبحه لك..)).
ومسك يدها اللي ماسكه التلفون..ورفعها..وباليد الثانيه أخذ التلفون..وظل ماسك يدها وهو يتصل على آخر رقم أتصلت له..
محمد:
-((ألو..)).
صوت طفل:
-((هه مرااام؟؟..لا تقولين أنك غيرتي رايك ترى بزعل..)).
محمد:
-((السلام ..من معاي؟.)).
الطفل:
-((أنت من؟؟.. وين مرااام؟؟..)).
محمد هدى شوي:
-((مرااام واقفه يمي[جمبي]..من أنت؟.)).
الطفل أطمئن يوم سمع ان مرااام جمبه:
-((آنه عمار..أخو نواال)).
محمد:
-((هلا والله عمار..آنه متصل علشان آقولك إن مرااام ما تقدر تجيكم اليوم..)).
مرااام بغضب :
-((ومن قال؟؟..)).
محمد ألتفت عليها وهو يسمع عمار يقول:
-((لا..قولها آنه زعلان منها..[وسمع نواال تناديه]..يلااا بااااي ..نوال تناديني..)).
محمد وعيونه على مرااام:
-((بااااي..)).
مرااام تحاول تشيل يدها بس مو قادره..لأن محمد مو راضي يتركها..قالت:
-((من قال أني ما باروح؟؟..آنه وعدته أني آزوره اليوم و بانفذ وعدي..)).
محمد يطالعها وهو مبسوط لأن حبيبها طفل صغير:
-((آنه قايل لك من قبل..ما تطلعين إلا بعد ما تقولين لي.. وأنت ما قلتي لي..علشان جذي مافي طلعه اليوم..)).
مرااام عصبت:
-((مو على كيفك..آنه بطلع..)).
محمد بتحدي:
-((بنشوف آنه وإلا أنت..)).
مراام بغضب:
-((أترك يدي ..بسرعه..)).
محمد قاطعها:
-((وإلا....)).
مرااام سكتت لأنها تدري أنها ماراح تقدر عليه..
محمد ترك يدها وقال وهو يمشي بيطلع من الصاله:
-((مافي طلعه اليوم..)).
مرااام في نفسها: ((بطلع.. يعني بطلع..وبتشوف..)).
الساعه 5 العصر لبست مرااام عبايتها ..علشان تروح بيت نوال..وقبل لتطلع طلت من الدريشه[النافذه] وشافت محمد قاعد في حديقة البيت..فقررت إنها تطلع من الباب الخلفي..
أخذت مفتاح سيارتها وطلعت وهي متطمنه إن محمد ما لاحظها..
وصلت بيت نواال ..ووقفت سيارتها عند الرصيف المقابل.. ونزلت..كانت تبي تروح الطرف الثاني من الشارع..لكن سيارة محمد طلعت لها..من وين ما تدري؟؟..
............................................................ ..........
..............................((يتبع))...................... .....
............................................................ .........
تحياتي:لميس
..بنت الظاعن..
التعديل الأخير تم بواسطة لميس133 ; 18-05-08 الساعة 01:15 PM
|
17-05-08, 09:00 AM
وصرت اغنيها في كل مكان
هههههههههههههههه
جديد مواضيع قسم القصص المكتمله من وحي قلم الاعضاء
العرض العادي
