المنتدى :
الشعر والشعراء
مايكبرني لقب
ياصغير مايكبرني .. لقب
ومايصغرني اذا انكرني صغير
ماخذينا الصيت من جمع الذهب
ولانسابة شيخ او قربة وزير
كاسبينه من هل السيف الحدب
الجنايز كان ماجاك النذير
صيتهم نجم على راسه لهب
سمعوا الصقهان به واجهر ضرير
بالوفاء تاريخ أبيض ينتصب
لاحكوا بالحق حيين الضمير
ضيغمي للسناعيس انتسب
لابه طلنابها عرش ن كبير
عند حدك ياكثير الهرج تب
ولاتمر النار وثيابك حرير
كان لك عزن بذلي فتعقب
والله ان لاتبطي وحبلك قصير
أحسب انك من صناديد العرب
أثر ساترتك عباتك ياغرير
ماحسب للسوس زراع القصب
والقراده مادرا عنها البعير
ولو حسبنا للحسايف والتعب
مابذرنا ياالعصافير الشعير
عن هلك ابراي لله واحتسب
الرجال اللي مجاراهم عسير
من قريش المصطفى وابولهب
والدغالب ماغشت عذب الغدير
للرجال من الرجاجيل العتب
والزكاة تحل في حال الفقير
لعنبو وقت ن غدينابه حطب
تحرقه نار يثورها اجير
ما ألومك والزمن سوا العجب
هوبقى غير الكرامه بالجفير
ما أذل وراسي يشم المهب
لو بقى من شمر طفل غرير
ما أهاب ولايزلزلني غضب
الشجاعه ورث والعاقل غزير
ياصغير مايكبر باللقب
غير من هو من دونه صغير
الشاعر طلال الرشيد .. رحمه الله
|
08-05-08, 07:05 AM
جديد مواضيع قسم الشعر والشعراء
العرض العادي
