(34)
"طعنة في الأحشاء"
الجزء الرابع والثلاثون
وهكذا استمرت أيامي تسير بلا جديد..
غير اني اصبح كل يوم وفي قلبي أمل بأن تتحسن أحوالي..
ذات يوم كنت احادث خلود..
واخبرتها عن حالي مع فهد..
بدت وكأنها مصدومة..وكانت تتكلم باقتضاب..
اخبرتها انني أخشى ان يكون سكون فهد في هذا الشهر
هو الهدوء الذي يسبق العاصفة..
ولكنها حاولت تهدئتي...
وهكذا ما زلت اعتبر فهد لغز يصعب فكه..
اذكر بأني بأحد الأيام..وبجلسات الهدوء..
اخبرته بأني اجد صعوبه بفهمه..
فضحك وقال بأن زوجته المتوفاة قالت له نفس عبارتي
بل انها قالت عشت معك 13 عام..وما زلت اشعر بأنك كلغز بالنسبة لي
همم..حارت احرفي عن ماذا اتحدث..
فكلماتي هذه..كمثل ذر الملح على الجرح..
وكأيقاد الجمر بعد أن اصبح يغطيه الرماد..
في احد ايام العطل زارتنا أخت فهد..
اتعرفونها...!
أجل صاحبة الرسالة..
رغم أني كرهت تدخلها..إلا انني شعرت بأن لها معزة خاصة
بقلب فهد..
ولهذا أحببت ان احسن استقبالها..
صنعت الحلوى..وجهزت العشاء..واعددت القهوة والشاي..
وبعد ان اتت سلمت علي ببرود..وبكبر تخفيه..
تجاهلت هذا..
اتصلت بفهد لأخبره ان اخته قد اتت كي يأتي لتناول القهوة معنا
ولكنه اعتذر بانه لا يستطيع المجيء الآن..
وانه سيأتي لاحقا لشرب الشاي معنا..
قدمت لها القهوة..
فقالت على عجلة: لا اصبري..لين يجي أخوي
اجبتها بابتسامة: فهد انشغل شوي ويقول بيجي يشرب الشاهي معنا
بعدين..
سلطانة: اذا كان موب متأخر ننتظره عادي..
سديم: لا عادي تقهوي..وان جاء بدري تقهوى معنا..
اخذنا نتحدث قليلاً...لم تكن تتكلم معي الا برسمية
أو تسأل عن حال اولاد اخيها..
ولهذا كان من الواجب علي ان اتحدث أنا كي لا تشعر بالملل..
ولكني لا اجدها تتجاوب معي..
تارة اتحدث واحثها على ابداء رأيها ولكنها تكتفي بالأبتسام مجاملة
او مستصغرة لعمري..
أو انها تجيب ولكن بأحرف بسيطة..
حقيقة أنا اصابني الملل..وفضلت الصمت..
فيبدوا انها تريد أخاها..
أما ابنتها فكانت تصنع نفس الشيء مع ريما..
ولهذا فضلت ريما ان تدعوها للجلوس معنا..
نهضت لجلب الشاي..فتبعتني ريما بعد دقيقتين..
كنت اضع الصوص على الكعك..
فجائت ريما ورائي وهمست
: سديم وش فيك..هههه..شكلك ما هضمتي عمتي سلطانه
التفت لها وقلت بهمس ايضا: لااا..عادي..شكلها هي الي ما هضمتني
ريما: طيب انتي ليه ساكته...قهرتني..تدرين وش تقول لبنتها
لا وبوقاحة قدامي..جت ريوف..وقعد جنبها..قالت ماما شفيك
شكلك فيك نوم...جت قالت عمتي بملل..لااا بس مليت منها بس ساكته
ما تتكلم..مدري وشلون أحكي معها..والله جاني النوم..اجلسي
عندي لا تروحين..مليت..
رفعت حاجباي باستنكار: الله يهديها..هــه اجل انا اللي ساكته
والا هي الي اصلا كل ما تكلمت بموضوع تطنشني..والا تلعب بجوالها
ريما: بس ولو حتى انتي شكلك مليتي بالأخير وسكتي..
حتى لو ما تعطي وجه تكلمي..لأنها تدور العيوب فيك..
يعني الله وكبر من يوم أخذك ابوي هذي اول مرة تجلس معك
ومع كذا تقول ممله..وش عرفها فيك..تقهههر
أنا ما ودي يجي ابوي وتقول له مليت مع سديم بس ساكته
قلت بضيق: بكيفها..خل تقول اللي تبي..حسبي الله ونعم الوكيل
ريما: عساها تذوق اللي تسويه فينا يارب
سديم: امشي لا تقول بعد خليناها..
دخلنا فإذا بها تحكي مع ابنتها ولكن بمجرد ان رأتنا صمتت..
وضعت الشاي..
فقالت: ليه جبتي الشاهي خلينا نشربه مع فهد..
سديم: ايه توي متصله عليه..هذاه جاي..
بمجرد أن جلست حتى دخل فهد..فتهلل وجه سلطانه
وتغيرت ملامح وجهها للمرح..
فهد بابتسامة: توها ما نورت الشرقية الا بجيتكم
سلطانه بدلال: هههه منوره بوجود أخووي
فهد يبتسم بوجه ريوف: يا هلا بريوفه وش إخبارك
هاه حلوة الشرقية..والا جدة أحسن..
مالت برأسها باستنكار..ولكن ببطء: لاااا
أكيد جدة أحسن
فهد: ههه أها تقولينها بوجهي
ابتسمت ببلاهه وبضيق دون أن تتكلم
سلطانه: ههه بناتي ما عندهم يقولون اللي بقلوبهم على طول
نظرت لريما فنظرت ريما لي بضيق..
فهي كم ذاقت علقما من صراحتهم تلك...
جاء فهد ليجلس بالقرب مني..ولكن كان المكان ضيقاً..لأن ريوف بجانبي
نظرت لريوف كي تنهض ولكنها كانت تتظاهر بأنها لم تشعر..
عندها هتفت سلطانه على عجل: تعال بجنبي هنا..ههه خلنا نعرف أخبارك
عاد مشتــاقيييين لك...
لا انكر أني شعرت بشيء من الغيرة..خصوصا انها وضعت يدها
على كتفه..وتتكلم بخفوت..
: وينك تأخرت...والله إني ما كان ودي اتقهوى الا وانت معنا
بس سديم لزمت..
نظر لي فهد بمكر أو هكذا شعرت
وقال: ايه انا قايل لها لا تنتظروني على القهوة..
سلطانه بدلال: ودي لو اني منتظرتك
جلسنا نتحدث..أقصد أنهم يتحدثون..وحينما أريد المشاركة
تقاطعني سلطانه..وتتحدث وكأنه لا وجود لي..
تجاهلت الموضوع..واكتفيت بسكب الشاي..وتقديم الكعك
وفي ذاك الحين كانت سلطانه كانت تتصرف بغرابة أحيانا..
تختطف فنجان الشاي من يد فهد..
وبعجله تقول: عطني بس انا بصب لك..
رغم اني أكون واقفة..ويدي ممتدة لأخذ الفنجان منه..
عندها يبتسم فهد لي بمكر..وهذه المرة مكر واااضح
ويقول: لااا انتي ضيفه خلي سديم
لتجيب الأخرى: لاااا ويين يا كافي...أنا موب ضيفه
أحب علي اقهوي أخووي..
وهكذا يتحدثون لتقول فجأة
: وه يا عمري يا أخووي..والله متغير وجهك..
فهد: هههه لا عادي..
سلطانه باستنكار شديد: لا والله وين عادي!!
أنت شفت وجهك بالمرايه....مره...مره وجهك يا قلبي
مسود....
فهد: يمكن من الطلعة على البحر يوميا
سلطانه: يا عمـري أنت..الا أكيد..من الطلعه..
وو...ومن الهم..
فهد وهو ينظر لي: لااا يمكن من الشمس
سلطانه: لااا ما أظن بس من الشمس..الله يعينك بس
ايه شخبار شغلك..عسى بس ما يتعبونك بعد..
وهكذا..انحنت معه ليأخذوا مجرى آخر من الحديث
تحدثوا عن الفتيات وطلباتهم التي لا تنتهي..
وعن إهمالهم لتعلم شؤون المنزل ..عندها نهضت ريوف (16 من عمرها)
وخرجت غاضبه..وبعدها نظرت لي ريما وكأنها تقول انظري للدلال
حقيقة لم انتبه لأكثر حديث سلطانه لهذا لست ادري أي عبارة أغضبت
ريوف..
ولكني انتهبت لفهد وسلطانه يضحكون
فهد: اووه الزعله والمه
سلطانه: والله مدلعات بنات هالوقت..وحساسات..يا اخي اللي يشوفهن
يقول انا مدلعتهن ..يا ربي ما يتحملن مني كلمه..
فهد: هههههه..يا حليلها ريوفه اول مرة اشوف زعلها
سلطانه: ويــه..ريوف على طول تزعل...مره حساسه..
ما تتحمل مني انا وأبوها أي شيء..عاد ابوهم مره يحبهم
و....
نهضت عندها لتجهيز العشاء..وتبعتني ريما...
وبعدها اتت ريف (12 سنة) لتساعدنا..حتى حبيبي اسامة
شارك بذلك..
أما رياض فلا تسألوا عنه..ههههه فهو بصحبه..رهف(3 سنوات)
ولم يدخل للمنزل ابدا..سوى ان دخلت رهف لأمها..
تناولنا عشائنا ....أما ريوف فقد رفضت مشاركتنا..
طبعا قضينا عشائنا وسلطانه تتحدث عن غضب ابنتها..
.
.
.
في الغد جاءت أخت فهد الثانية.والتي تسكن بالرياض
اخته هذه تكبره بسنة او سنتين..وتدعى بنورة..
مم اخته هذه طيبه ومحترمة..ايضا لم تتدخل كثيرا بموضوعي
وكذلك ابنتها..أفنان(18سنة)...كانت قمه برقي الأخلاق..والاحترام
حتى انها همست لي
: ما شاء الله سديم..طالعه روعه بالحمل..
عندها قالت أختها رفال 14سنة
: خاله سديم..يجنن فستان الحمل عليك..
قلت بخجل: تسلمين يا عمري..
أما سلطانة وبناتها ..فقد جائوا هذا اليوم ايضا..
ولكن لا يعتبروني موجود على ما اعتقد..حتى الالتفات لي
اثناء الحديث لم يلتفتوا..بل ان سلطانه حينما اسألها..
هل تريد السكر كثير أم لا في فنجانها..
ترد وهي مخفضه رأسها..أو تشتت نظرها بأي مكان..
حقيقة لم اكلف نفسي بأن اعتب عليها..تلك أخلاقها..وهذا شأنها
اخذت اتحدث هذه المرة براحة وبطلاقه مع أفنان..
وكذلك أحيانا تشاركنا نورة الحديث..
أما سلطانه فكانت تكتفي عندها بالنظر لي باستحقار..
وكأنها تستثقل دمي..
طبعا حرصت سلطانه على جلوس فهد بجانبها..
وايضا فتحت نفس الموضوع..
: يا قلبي أخوي مره مسمر..ووجهك ذابل والا شرايك نورة
نورة باحراج: هههه أي شوي شكلك يوميا تقهوى على البحر
فهد: ههههه أي والله
سلطانه مقاطعه وبعجله: لااااا والله هذا موب سمار بحر بس
حتى وجهك ذابل..ههههه أقول انا أمس شكل سديم امتلى وجهها
وانور..وانت ظلم وجهك..
أفنان: بس خالي فهد...ههه السمار محليك شوي
موب شين عليك..
سلطانه: لا والله مشوهه..شكل سديم..تسمن وتبيض وانت تسمر
ريما: ما شاء الله
نورة: ههههه ما شاء الله..صدق سديم..سمنتي شوي
والا هذا النونو..
سلطانه: لا والله ما سمنت بس وجهها سمن..
الظاهر على حساب أخوي
نظرت لها باستنكار..بينما فهد يضحك بلا توقف
فقالت نورة لتغطي : هاه سديم شفيك ساكته دافعي عن نفسك
سديم: لاااا ما يحتاج ادافع...خذوا راحتكم
ربي يدافع عني..
عم الصمت...أعرف أني كسرت موجه الضحك
وربما رددت بقوة....رغم ان نورة طيبه..
ولكن قد فاض بي الكيل..فسلطانه منذ الامس وهي
تكرر " يا عمري..وياقلبي أخووي.."
ذهب الجميع..وعم الهدوء بالمنزل..عندها عاتبت فهد
لماذا كنت تستمتع بشفقه اختك عليك..بل لم تقل أن تلك ارادتي
أما سديم فهي تحب ان اجلس معها لأتناول الشاي بالمنزل
ومع هذا اكتفى بالضحك..قائلا: عادي هذولا خواتي وهذا مزحهم
ولكن كانت هناك جمرة بقلبي..عتبي على نورة
أما سلطانه فلا عتب عليها..
لو ان وضعي مع فهد على ما يرام لما والله تحسست من حديثهم هذا
ولكن فهد لم يرتح معي..وبحديثهم هذا يثيرونه اكثر..
ويشعرونه بأن بقائه معي قد تسبب بذبوله..واسوداد وجهه
اتصلت عصر الغد بنورة..وبعد السلام
قلت لها: نورة..أنا بصراحة احترمك ولك غلا عندي
وبصراحة من يوم أخذت فهد..ومحد من خواتك مثلك معي..
والله ما اعتبرك الا أخت
نورة: وحتى أنا والله...وترى أخوي مضيق صدورنا
والا عارفين حنا ما حنب لاقين احد مثلك..
بس انتي اصبري عليه..يمكن لا ولدتي وتغير جسمك وجبتي ولدك
الثاني بعد يزين..
قاطعتها: أنا ما عندي مشكله..المشكلة بأخوك..
وأنا والله ما دقيت اشتكي منه..أنا داقه عتبي عليك على اللي صار امس
أنا عارفه انه مزح...بس لكل مزح حدود..ولو أنا وفهد ما بيننا مشاكل
كان عادي ما همني بس الحين هو يتهدد..ويعتبر نفسه موب مرتاح ومظلوم
وانتم كذا تزودونه..يعني صراحة حسستوه أمس كأنه صابر على بليه
نورة: حرام عليك يا سديم..بالعكس انا دايم احاول ابسط الموضوع
عنده واقول كثير من البيوت كذا..ولا تستعجل..
سديم: ادري بس كان ودي انك ما شاركتي سلطانه بكلامها
لأنه انتم كذا تزيدون عليه وتكبرون الموضوع..
نورة: ايه صح سلطانه الله يهديها زودت بالموضوع بس لا تلومينها
هذا اخوها..يمكن غلطانه..وصح على قولتك المفروض ما نقول هالكلام
قدامه لأنه بيزيده...بس عاد هذا أخوها..اكيد بترحم حاله
سديم: الله واكبر يا نورة..أنا وش قصرت معه فيه
نوره: والله الله يشهد انك ونعم وما قصرتي وهذاني اقولك
العيب بأخوي موب فيك..والا لو فيك شر..كان وقفنا مع اخوي ضدك
وشبيناه..بس انتي ونعم..وانا اتكلم عن نفسي الحين بالعكس
اتمنى من كل قلبي ان الله يوفقه معك..ويوفقك معه والله اني ادعي
ربي كل يوم انه يهديه لك..
أما سلطانه..يمكن واقفه معه..بس تراه يمكن موب كره فيك
كسديم..لا بس يعني أخوها واكيد بتخاف عليه..
هكذا اخذنا نتحدث قليلاً..ومر الموضوع بسلام
كان اتصالي على نورة من مبدأ اني ارتااح لها كثيرا
وعتبت عليها لأنها شاركت سلطانه بحديثها بالأمس..
.
.
.
في الغد..دعى فهد أختيه للعشاء بأحد الشاليهات..
وكذلك بعض أقاربه المتواجدون بالشرقية..
استعددت منذ المساء وجهزت كل شيء..
..
وبعد ان جاء عصر اليوم التالي..اعددت القهوة والشاي..
وأخذت بعض الحلويات الي صنعتها بالأمس..
وهكذا ذهبنا..
أخبرني فهد بأن الزوار سيأتون عند المغرب..
ولكني حينما دخلت وجدت أخته سلطانه وبناتها باستقبالنا
حسنا ألم يقل بأنهم سيأتون بالمغرب..
لا بأس ربما لأن سلطانه هي القريبة لقلبه..
دخلت للمطبخ..وأمرت الخادمة بتجهيز..الفناجين..
ثم أتاني فهد بالمطبخ وسألني ان كان هناك قهوة..
سديم: ايه مجهزة كل شيء ..
فهد: طيب جيبيها الحين بنتقوى أنا وسلطانه واذا جو الناس
سوي ثانية..
سديم: سم..
خرج..أخذت القهوة..وذهبت بها لهم..
وهناك كان فهد يجلس وبجانبه أخته..
كنت سأجلس أمامهم..طبعا كانت الجلسة أرضية..
ولكن الغريب أن فهد هذه المرة شعر بشيء من الانسانية
: تعالي بينكسر ظهرك ..أجلسي هنا عندي..عشان تسندين ظهرك
سلطانة: لا عادي..ريوف حطي (مسند)
وراء سديم..
مالت ريوف بثقل ودلال لتنهض..
ولكن فهد استوقفها..وأمرني بالمجيء بجانبه..
جلست بالجهة الثانية بجانب فهد..
عندها قالت سلطانه: أووه عاد انا ما دريت أنها
لازم تجلس جنبك..كان جلست بمكاني..هنااك
فهد: ههههه لا عادي كلنا نصف سوى..
تجاهلت كلامها..وسكبت القهوة..
ولكنها عادت بعد فترة..
وقالت من جديد: والله جلستنا كذا غلط..
ما يصلح الي يصب يصف بجنبنا..ما يقدر يشوف
اذا خلصت فناجيلنا والا لا..
تجاهلتها..فأخذ فهد القهوة وسكب لها..
عندها ..هتفت بحماس..
: والله ما تصب يا أخوي...ريوف...ريووف
تعالي بسرعة خذي القهوة وصبي لخالك..
عندها نهضت ريوف بحماس وجلست مقابلنا..
أما ريما..فيبدو انها لا تتحمل الجلوس كثيرا
مع عمتها ..خصوصا بعد موقفها مني بالأمس..
ولهذا ذهبت لتلعب بصحبة رياض على الارجوحة..
.
.
.
في المساء اجتمع الجميع..
أتت اخت فهد التي تسكن هنا..وكذلك زوجة ابنها نوف..
وعمهم وزوجته الكبيرة بالسن..
وبعض الاقارب..
ولأننا كنا بإجازة..كان هناك بعض الزوار من الرياض..
مم..كانت الجلسة رائعة ..خصوصا بصحبة نوف
وبعد ان تناولنا القهوة..ذهبت لأتأكد من اعداد السلطات..
وغيره..
وحينما كنت بالمطبخ..دخلت أفنان لمساعدتي..
أفنان: سديم روحي ارتاحي علميني شتبين وانا اسويه
سديم: لا يا عمري ما فيه شيء...بس أتأكد من السلطات
والمويه والصحون..يعني ما فيه شغل..
افنان: طيب انا اجهز انا والبنات اني ارتاحي
سديم: لا عادي..
أفنان: بأي شهر انتي الحين
سديم: بالسادس
أفنان: يوووه يا حليلك..كأنك بالثالث أو الرابع
سديم: ههههه لهدرجة صغير
أفنان: هههه بالمرة أمي يوم كانت بالرابع كان بطنها هذا كبره
سديم: ما شاء الله..
أفنان: طيب عرفتي وش ببطنك
كنت قد كشفت وعرفت ولكني اخفيت عن الجميع..
لأنه وببساطة فهد يعاندي حتى عند التفكير بجنس الطفل
فإن قلت لو كان ذكر..وما رأيك بأسم معين..فيرفض ويخرج لي
أسم أخاه الكبير وانه سيسمي عليه..!!
المشكله ان كل ابنائه اسمائهم جديد..وان قلت انثى واسميها كذا
فيرفض..ويقول سأسمي على امي..
لهذا قلت لها: لا..
أفنان: يا حليلك يعني بتسويها مفاجئة لك..
سديم: لا بكشف ما راح اصبر..بس بعدين يمكن
فجأة دخلت سلطانه..وبدأت تأمر وتنهى..وتأخذ ما صنعته
لم استوعب!!
قبل قليل اتصلت بفهد كي اجهز العشاء ولكنه
قال لي انتظري قليلاً...يبدوا انه امرها..ولكن لمَ لمْ يتصل بي
فأنا زوجته..وانا المسؤله عن ذلك..
دخلت ريما لتساعدنا..
فقالت لها سلطانه: ريما عطيني الصحون البلاستك الصغار
كنت قد جلبت 3 احجام..لهذا سألتها ريما
: هذي والا ذي..
فنظرت لها سلطانه شزراً..
وصرخت: خبلة انتي والا غبيــــه..اعوذ بالله ما فهمين..
هذي كيف احط فيها .......جيبي الثانية
نظرت لها ريما باستنكار...حقيقة رحمت ريما فقد صرخت
بوجهها أمام جميع فتيات العائلة وكأنها ابنتها..بل حتى لو
كانت ابنتها لا اعتقد انها ستصرخ بوجهها امام الجميع..
بعد ذلك خرجت ريما ولم تدخل..
وبعد ان تم ترتيب العشاء..اتصلت سلطانة بفهد..
واخبرته..انه العشاء جاهز..
كانت هناك نار تحترق بداخلي..حسنا أنا من قمت بأعداد
كل شيء..طهيت وتعبت..وهي فقد اتت لتصرخ ضعوا هذا
وافعلوا ذاك..بل أن هناك اشياء كنت سأفعلها ولكنها تصرفت
وكأنه لا قيمة لي...حسنا اللوم منذ الاساس على فهد
لو كان ما تفعله من باب المساعدة لا بأس
ولكنها لم تستشرني بشيء..
بل حتى لم تقل لي فهد يقول اجلبوا العشاء
حتى السلطات والمقبلات كانت تسأل الخادمة عنها
رغم اني متواجدة معها بنفس المكان..
انتهى عشاء الرجال ومع هذا اتصل فهد بنورة هذه المرة
واخبرها انهم انتهوا من العشاء..طبعا نحن سندخل بعدهم
وبمحض الصدفة رأيت الخادمات يدخلن للترتيب
وحينما اقتربت سمعت سلطانة
: ليه ما دقيت علي كنت انتضرك
فهد: دقيت عليك..بس ما رديتي فدقيت على نورة
عدت ادراجي هذه المرة وبعيناي بعض الدموع..
الهذه الدرجة ليس لك زوجة تتصل بها لتهتم بالعشاء
لما أوكل لهم الأمر رغم اني انا من اعددت العشاء
لم تجاهلني هكذا..
حتى امام الناس.....آه ليس لي سوى القول
حسبــي الله ونعـــم الوكيـــل
.
.
دخلنا للعشاء هـه طبعا ضيـّـفتنا سلطانه..
يبدوا اني اصبحت من الضيوف..!!!
دخلت للعشاء وهناك غصة بحلقي..تمنعني من الطعام...
وبعد العشاء جلست بجانب نورة..
سألتني نورة..
: كيف اخبارك مع فهد
قلت بألم: شوفه عينك حتى ما اتصل يقولي جهزي العشاء
كأني موب موجودة...يعني شرايك هذا موب من حقي
انتي شفتي بنفسك يوم تجون قبل هالمرة وعزمنا ولد عمكم
من دخلنا على العشاء...زوجته...
نورة: عادي هاذي اخته
سديم: بس لو انا موب موجودة كان صح..
لكن أنا فيه..وأنا الي مجهزة العشاء..
حتى تفضلوا على العشاء موب من حقي
انتي ترضين انه اخت رجلك التي تتصرف..وانتي مالك قيمه
رغم انك مجتهده..
نورة بانحراج: لا والله.........بس لا تلومينه
يمكن لأنه ما ارتاح للحين...يمكن لا زانت اوضاعكم يزين
جاءت سلطانه وقطعت حديثنا قائله
: نوورة انتي هنا......وانا قاعدة ادورك لي ساعة
تعالي بنشرب الشاهي مع أخواني..بقسم الرجال..
يا الله تعاالي
نظرت لنورة حتى اعداد الشاي لم يطلبه مني..
ابتسمت نورة لي..ثم نهضت..
ذهبت عندها للنساء..ونهضت بعدها كي أجلب الشاي لهم
ولكنهم استوقفوني ورفضوا..وقالوا بأنهم يرخبون بالشاي الاخضر
سعدت لأني جلبت القليل معي هكذا من باب الاحتياط..
ولهذا نهضت لأعده..
ولكن حينما دخلت واعددته جائت سلطانه على عجل..
واخذته!!
قلت لها: لحظة هذا مسويته للحريم
سلطانه: طيب فهد يبي شاهي اخضر
سديم: ما جبت الا شوي..وخالتي ام عبدالعزيز
تبيه
ردت بعدم مبالاة: بكيفها ..
خرجت بحرج واخبرت احدى زوجات ابناء عم فهد (مريم)
كنت خجله من النساء..
فقالت الخالة الكبيرة ام عبدالعزيز: يا بنيتي وين الشاهي
فقالت لها مريم: يا خاله جت سلطانه وخذته للرجال
الخالة: وما فيه غيرة
سديم: ما جبت والله
مرت بهذه الاثناء سلطانه لتأخذ شيئا من المطبخ
عندها قالت مريم مازحة: يقولون سرقتي شاهينا
سلطانه بغرور: سوو لكم شاهي احمر
مريم: الخالة ام عبدالعزيز ما تشرب الا اخضر
سلطانه: عاد اخذناه خلاص...دبروا اعماركم
اخفت رأسي بخجل...اي وقاحة تلك..
اخجلتنا مع ضيوفنا..واوقعتني بموقف محرج..
ولا تحترم الكبار!!
أفهد أهم من الخالة ام عبدالعزيز..
لا أعتقد انه جد العائلة..
.
.
.
17-12-08, 11:43 AM
جديد مواضيع قسم القصص المكتمله من وحي قلم الاعضاء
العرض العادي
