?? غلطة...غلطه وحملت نفسي الذنب طول العمر ؟؟

السلام عليكم ورحمة الله وبركاته
ا
عدت لكم ..... لم اتوقع اني اعود لكم سريعا ....

اشتقت لكم كثيرا ولردودكم وحماسكم لقصتي الاولى } كثر ماكرهته .. عشقته {
وها انا اعود لكم بعد غيبه قد تكون ليست طويله لاكن
كانت بالنسبه لي كالدهور

قصتي او طفلتي هذه
تختلف عن القصه الاولى


ساتركم مع بداية قصتي و مولودتي الجديده

?? غلطة...غلطه وحملت نفسي الذنب طول العمر ؟؟




صـمـتـي يـذبـحـنـي
و ... صـمـتــك يـقـتـلـنـي
أحاول جاهدة ان أكتب
فلا يمكنني الإستغناء عن الكتابة
إنها جزء مني
أمسك بقلمي لأكتب
وأسطّر عما يدور في فكري
لقد أعجز عن التعبير بما في داخلي
لأكتبه على صفحاتي
فقلمي يساعدني ويكتب معي
كتمان حبي عنك
بأعذب الكلمات

إلى أغلى الأحبة
لك عطر التراب الندي
أسلٍم عليك بقلبي
الذي يفيض شوقاً لرؤيتك
أحببتك
حتى أصبحت أنت لي الروح والأمل
حبك يسري بشراييني
وروحك تعانق روحي
كلماتي تعجز عن التعبير
لأن ما يجول بأعماقي
أكبر بكثير من كلماتي
لا أعرف كيف ملكت فؤادي
وسيطرت على كياني
وعانقت روحي روحك
أنا إلتقيتك
وأحسست بأنك الإنسان
الذي كنت أحلم به منذ سنين طويلة
في كل لحظة أحس أنك معي
أحسك في خفقات قلبي
وأشعر بك وأنت تتسلل إلى أعماقي
وتحتل كل جزء من جسدي
صمتي أطبق على أحلامي
لم أعترف لك بعد بحبي
لِمتى سأقاوم حبك
أنا أخجل أن أبوح
بحبي ومشاعري وأحاسيسي
وليس عندي الشجاعة الكاملة
حتى أعترف لك
بما أحسه تجاهك
لقد تعبت من أحاسيسي
التي أدفنها بداخلي
أبحث عن كلمة تهتف
هل أقول أحـبـك
فهل سيأتي يوم
ألملم فيه هذه الحروف لأقول لك
أحــبــك
أريد أن أصرخ بأعلى صوتي وأقول
أحــبـــــــــك
نعم أقول أحبك على صفحاتي
ولكن آهاتي لها طعم آخر
أرى كلمة أحبك
قليلة في حقك
وتعبر عن شيئ قليل
مما في قلبي

ولكن
وآآآآآهٍ من كبريائي
الذي يحطم قلبي
والذي يمنعني من مصارحتك
إلى متـــى
سأســــــتمر في تعذيب نفسي
لماذا صمتي
أرجوك ... ساعدني
إكشف لي عن أحاسيسك تجاهي
وحبك لي
لا تتركني وحيدةً
فكن معي بفكرك.. وإحساسك
لا زال لدي أمل في بوح حبك لي
ليتك تحس بلهفتي
ليتك تحس بغيرتي
ليتك تحس بحبي
ليتك تحس بإحساسي

آآآهٍ ... حبيبي
صمتي يذبحني
وصمتك يقتلني
في احد الاحياء ...
خلف احدى القصور ...
مجموعه من الاطفال يلهون بالكوره
وركلها احدهم و كانت الركله عاليه مما ادى ان الكره قد سقطت داخل القصر ..

فذهب احدهم للبواب وقال له لاكن البوا ب طردهم فعاده الي اصحابه وهو حزين و في طريق عودته شاهده الشخص الذي لديه الحل وكما ينادونه المنقذ لهم
لؤي : ديم .. الكوره طاحت داخل و مارضو اروح اخذها والكوره مالت علي وانت تعرفه
ديم : افا عليك احين اروح ايبها لك جم لؤي عندي
لؤي : مشكووووووووووور

راح ديم حق البواب ونفس الشي فلجا حق الحل الانسب عنده
قال حق لؤي ينطره وراح عند زاويه حق انها مناسبه عشان يشقح
بعد مادخل داخل السور حصل الكوره ورماها له
بعدها قعد يطالع شد انتباه الورد لونه وردي
اقترب منها وقعد يلمسها وقعد يتنهد

.. وفي نفس المكان و نفس القصر كان خالد موجود وطالعه وعصب ونزل عباله احد العمال
خالد : هي انت ماقلت انا ماابي اجوف رقعت ويهكم داخل البيت وبالاخص هني
التفت ديم
والتقت نظراته
خالد انصدم لانه ديم ماكان شاب كان مجرد بنت لاكنها في ملالبس شباب كانت لابسه بنطلون جينز شبابي و تيشرت شبابي وقبعه يعني الي يجوفها من بعيد يفكرها شاب مع قصة شعرها البوي
مسك يدها : انتي من وشنو تسوين هني
ديم ( دانه) : هد يدي ولا تره مااتلوم الا نفسك
خالد : خييييييييييير اقول تراج في بيتي يعني اقدر احبسج و هزها شنو تسوين
دانه : ان ماتركت يدي تره مااتلوم الا نفسك
خالد : ههههههههههههههههه ضحكتيني وانا مالي نفس اضحك
دانه بحركة خلت خالد على الارض واهي كانت حاطه ركبتها على صدره : مو انت الي تخوفني سامع وهل مره جرب صوبي مااتلوم الا نفسك
و جرت صعدت على الشجره و طلعت من فوق السور
خالد تم محله انصدم او هو في حالة صدمه اولا لان البنت شكلها شكل ولد لاكن صوتها نعوم و شكلها ناعم وثاني شي ان بنت افلته على الارض والي اهو شباب ماقدرو عليه




نرجع للابطال

دانه بنت جميله وناعمه 21 سنه لاكن الزمن خلها تصير مثل مانقول بويه بعدين بقول لكم ليش صارت بويه اهي انثى لاكن جدام الناس بويه
و تهوى لعبة الكاراتيه
عندها من الاخوان ثلاثه

اهي اكبرهم بسنوات
علاء وعمره 8 سنوات ، عمر : عمره 5 سنوات و نوف عمرها 3 سنوات


بطلنه خالد اسمر البشره وجسمه رياضي يحب رفع الاثقال و السباحه
يشتغل في شركة يده ابو امه مغرور بنفسه لانه وسيم و محبوب جده

عنده من الاخوان ثلاث شبان و ثلاث اخوات
الاكبر جاسم عمره 40 سنه و متزوج من نوريه وعنده مي 19 سنه تحب عمها خالد و تحب تفاشر فيه و مغروره لانه الدلوعة يدها لان اول حفيده
بعدها حمود وعمره 15 سنه مشكلي شوي لاكنه حبوب و طيب

بعده روان عمرها 37 سنه متزوجه من ولد خالتها فيصل و عندها محمد 11 سنه و دانه 6 سنوات

بعدها ابراهيم عمره 34 سنه متزوج من روعه بس الله مارزقهم عيال

وبعدهم فاطمه وعمرها 30 سنه متزوجه من فهد وعندها ولد واحد عمره 5 سنوات وماتبي تييب غيره لان على قولتها ماتبي تخرب جسمها

بعدها ايي مبارك وعمره 28 سنه عزوبي ولعاب درجه اولى
عقبه ايي بطلنه خالد 26 سنه مثل مغرور و متكبر بس ماله في سوالف الحب والبنات لانه كان يهتم بدراسته والعاب الرياضيه والسباحه

اخر العنقود اهي جود عمرها 20 سنه دلوعة البيت وابوها يسميها قمر البيت
طيبه و متواضعه عكس اخوها خالد رغم ان اهي وايد كول وياه وكل واحد منهم يقول اسراره للثاني


نرجع حق ديم او دانه
دخلت بيتهم الفخم ابوها دكتور في الجامعه وامها اخصائيه اجتماعيه في مدرسه
دخلت البيت الي يمشي بالنظام وهل وقت العصريه يكونون نايمين قبل اذان العصر وكل شي وقت محدد
دخلت واهي قرفانه عيشتها وبالاخص بعد السالفه
دخلت غرفتها وياها اخوها عمر ويلحقه علاء وكان عمر حامل سياره
دانه : شفيك حبيبي تركض
عمر: يبي لابتي (لعبتي )
علاء : هذي مالتي انه اهو كسر لعبته
دانه وقعدت بمستوى طوله : حياتي لازم تعطيه يلعب شوي انتو اخوان والاخوان يتساعدون صح
علاء : صح بس لعبتي اخاف يكسرها
دانه : حبيبي انته ريال وعود ولازم تعطيه مجال واذا صار فيها شي انا مسؤله اوكيه
حرك راسه بنعم
ام علاء : انتو شنو تسون هني ماقلت لكم لاتيون حق هل حيوانه
دانه : يمه اهم
ام علاء : جبي ولا ابي اسمع كلمت يمه على السانج انا ماعندي غير ثلاثه سامعه انتي ميته وانتو طلعو برع يله
طلعو علاء و عمر
نزلت دانه راسها ودها تصيح اهي مافي يدها شي
اهي يابت كل هذي لنفسها
ام علاء : حمدي ربج مخلينج هني لو غيرنه فلتناج في الشارع مكان الي يستاهلج
وراحت عنها سكرت الباب وقعدت على السرير و نزلت منها دمعه
دانه : آآآآآآآه ليش .. ليش انا غبيه و تضرب راسها ياربي خذ روحي وفكني من هل عيشه ياريتني مت قبل وقعدت تصيح


نرجع حق خالد الي كان في الحديقه و محله على الراض

جود : ههههههههههه هي ياهو وينك شفيك منسدح هني
خالد : خير تشبين كيفي وين ماابي اقعد بقعد
و عدل روحه و قعد على الارض
جود : ماقلت لك شي شفيك كلتني انزين ليش قاعد هني
خالد : مالج خص وقلبي ويهج وقام ودفعها بالخفيف وراح داخل
جود : شفيه هذي افف شل اوادم كل واحد نفسه في خشمه

نروح حق ابراهيم ومع روعه
روعه : حياتي قول لي شفيك ليش كل ماتجرب منك تبعد عني
ابراهيم : اوه انتي شفيج ذبحتيني بعدي عني مو ناقص عوار راس انهروعه : اسف وقامت عنه بس مسكها
ابراهيم : سامحيني بس
روعه : بس شنو احنه متزوجين من ست سنوات شفيك هذي حالنه من اربع سنوات من اتيي حزت النوم او اي وقت يجمعنه فيه تبتعد
ابراهيم : اوف انتي نكديه انا تعبان ومالي خلق حق هل اشياء و انسدح وغطى نفسه
قامت عنه و راحت برع واتصلت على امها وتشكي لها حال زوجها الي تغير
ابراهيم في نفسه (( آه ياروعه غصب عني يا خوفي تبتعدين لو تعرفين ان يمكن مااقدر تحسين بالامومه يا الله كريم يمكن هل علاج ايب نتيجه))
رجعت له روعه بعد ساعه وشي
روعه : برهومي حياتي قوم نطلع نتمشى الجو حلو
ابراهيم : اوكيه حياتي

هذي نهاية الجزء الاول من القصه
ان شاء الله يعجبكم
زيونه الحلوه