حكايتي معاه

السلام عليكم ورحمة الله وبركاته

حياك الله يا miss-choklet

في منتدى ليلاس في اول قصة لك

وان شاء الله تلقين التشجيع والمتابعة من جميع الاعضاء

بداية موفقة ...بأذن الله تلقين غايتك ومبتغاك هنا والي يرضيك ويسرك

ويا هلا فيك مرة ثانية

(فروووحه)

روايتك كبداية رائعة واسلوبك بسيط وجميل وكما انتي قلتي ان كل شخصية ستتكلم عن نفسها فأحنا منتظرين ( تركي ومشاري ) في البارت القادم ان شاء الله لا تطولين علينا

نتمنى لكي دوام التوفيق

الفصل الاول :البارت الثاني

ملاحظة:انا قلت ببداية القصة ان كل شخص راح يتكلم عن نفسة بس غيرت الاسلوب لاني حسيته فيه نوع من الملل









كان ورانا من زمان : مالحمار الا انت والله ما تاخذها الا على قص رقبتي فاااهم



قال مشاري وهو يحاول يكتم غضبه:اجل قص رقبتك من الحين ولا مشالله لك عين تجي بعد الي صار



فجأة جا ابوي لكن كانت موصلة معه (يعني مررة معصب):وش قاعدة تسوين يا لما هذي اخرة تربيتي لك صدق اني ما عرب ابيك



سكت لما جاني كف حار من ابوي قعدت اتقطع داخلي مو من قوة الضربة من الاهانة الي احس فيها ابوي اول مرة يمد ايده علي



توني ببدا ادافع عن نفسي الا سبقني الاخ مشاري يتكلم:يا عمي بنتك صراحة ما تستحي على وجهها كل يوم مع واحد



رديت عليه: اسمع يا الي ما يشرفني اقول اسمه انا اشرف منك ومن عشرة من امثالك



نطق تركي اخيرااا:يا عمي انا صادفت بنتك بالبنك صدفة وبنفس اليوم صادفتها بالمطعم وسلمت عليها هذي كل السالفة والا والله يا عم بنتك كانت بمنتهي الادب



قاله ابوي :اسمع يا اخ انقلع من وجهي لا يحصل لك شي موب طيب فاهم والا والله لو عديت للخمسة وشفتك بوجهي



قاطعه تركي :خلاص انا رايح بس تاكد ان ما بيني وبين بنتك شي ويا ليت ما تظلم بنتك علشان ناس تفهه واشر على مشاري



قاله مشاري:اسمع يا .....ما التافهه ا لا وجهك وما كمل كلامه لان تركي ركب سيارته وحرك



قال ابوي وهو يحاول يضبط اعصابه :اسمع يا مشاري الي حصل اليوم ما بيه يوصل لاحدوانا ابوك



وانتي حسابي معك داخل



قال مشاري :لا يا عم انت وافق على الملكه وانا بربيها لك



قال ابوي:يصير خير يصير خير



ومسك ايدي ودخلني للبيت وقالي : اسمعي يا بنت اذا شفتك تعديتي هذا الباب والله لادفنك هنا سامع ما تطلعيت من هنا الا لبيت زوجك



قلت له وانا اصرخ :هذا الي نلقص انا اخذ مشاري عندي الموت اهون من اني اخذه



قالي :اكلي تبن احمدي ربك انه رضا ياخذك بعد الي صار



قلته :يبا والله انك فاهم المو....ماكملت كلامي



لانه قاطعني وهو يقول :انطمي وادخلي غرفتك



دخلت لغرفتي وانا احس بااحساس اول مرة احس فيه او بالاخص اول مرة اعانيه بقوة



احساس الظلم قاااسي خاصة اذا كان من اقرب الناس لك

ظلم الغريب أهون ولا ظلم الاقراب......

لأن الظليمه من قريبك مصيبه



وعيب القريب اصعب من عيوب الاغراب

لأن القريب يعيبك اللي يعيبه



والله مايذبح طويلين الاشناب

غير القريب اللي طعن في قريبه



عقب القرابه والغلا صرتو احزاب !

ولحد ٍ جنى من فعلته كود خيبه



بالله لايكثر , ترى خاطري طاب

مليت من كثر الجروح العطيبه



الفرق واضح بين صادق ونصاب

والحق يطلع لو يطوّل مغيبه



وان كان بالدنيا محد حاسب حساب

بالآخره رب ٍ خلقنا حسيبه



وانا قسم بالله . لايمكن ارتاب

ولا حب هرج ٍ فيه نمه وغيبه



احب اقول الصدق حتى لكذاب

واحب اجازي من غمرني بطيبه



وإلا الردي له عندنا حفنة تراب

وان غاب ماقلنا عسى الله يجيبه



بس انت ياليتك تفكر بالاسباب

لان الظليمه من قريبك مصيبه











بعدين سمعت صوت الباب يتقفل وتتقفل معه حياتي هذي نهايتي انرمي هذي الرمية

ولمين لمشاري الشخص الي اكرهه من طفولتي لانه انسان فاشل ومو قد المسؤولية



جاني صوت امي :هذي اخرة الحرية والدلال الزايد يا كلبة اسمعي قبل شوي دقت علي

زوجة عمك وتقول اليوم بيجون علشان الملكة



قاطعتها :بس انا مو موافقة

قالتلي :اصلا انا ما قاعدة اشاورك انا قاعدة امرك اسمعي الساعة سبع

تكونين جاهزة

وقفلت الباب مرة ثاني تخاف لا اهرب



بهاللحظة فكرت بالانتحار ايوه الانتحار هو الطريقة الوحيدة الي بتفكني من الزواج من مشاري



بس لو انتحر راح اموت كافرة مو انا الي اسوي شي كذا بسبة هالعلة مشاري



يووه وين جوالي قعدت ادورا لين لقيته لقيت 50 مس كول 30 منهم من سارة وعشرة من الشغل والعشرة الثانية من رقم غريب



خل ادق على سارة من زمان عنها

طوط طوط طوط محد يرد اوف



فجا دق جوالي ورديت بسرعة قبل لا اشوف الرقم فكرته سارة

الو هلا سارة...كان يجيني صوت رجولي:



الصوت الغريب:انا مشاري يا بنت العم حبيت اقول تجهزي اليوم الملكة يا قلبي



سكرت السماعة بوجهه هذا اقل شي ممكن اسويه لواحد مثل حقارته جد الناس تبين على حقيقتها وقت المصايب



قلت لنفسي خل اتجهز وافك عمري وقطعت عهد على نفسي اني اذا تزوجته لاقلب حياته جحيم



دخلت للحمام وتروشت وبعدين قعدت اختار لي ملابس



مممممم وش ممكن البس بكذا مناسبة احسن شي اخنار لي شي ناعم



اخترت فتان احمر كت وتحت الركبة بشوي وسشورت شعري وحطيت ميك اب ناعم



جت الساعة سبعة بسرعة واخيرن انفتح الباب حشا سجن مو بيت الي يسمع يقول مسوية مصيبة



انا لله وانا اليه راجعون



قالت امي :الجماعة وصلوا وجا الشيخ الي بيملك عليكم تعالي وقعي



قلت لها: ما يحتاج خلي ابوي يوقع عني



قالت لي : بلا كلام فاضي وانزلي بسرعة استناك



نزلت شسوي مغلوب على امري احس اني جسد بدون روح





جاب ابوي دفتر التوقيع



وعطاني القلم



فجأة جاني احساس يقول لي لا توقعين



لا تدمرين حياتك مع انسان تافه



عصب ابوي:وقعي احسن لك



قلت له :يبا لاتضبعي الله يخليك انا ما ابيه انا اكرهه



يبا الله يخليك لا تضيع حياتي مع انسان تافه



لاكن لاحياة لمن تنادي جر القلم مني ووقع



يعني خلاص صرت الحين زوجة مشاري



قالي لي ابوي :اسمعي انا ما اثق فيك وحدة مثلك ممكن تهرب من البيت باي طريقة علشان كذا



لمي اغراضك بتروحين بيت زوجك



قلت له :لالالالالا مستحيل اروح معه يبا الله يخيك



حرااام عليك تسوي فيني كذا يبا انا بنتك الوحيدة



قالي :بنتي الوحيدة ما تخون ثقتي فيها وطلع مع رجال غرب انتي من اليوم ورايح منتي بنتي



ولا انا اعرفك وتراني قلت للشغالة تلملم اغراضك يعني البسي عباتك وتوكلي بالي ما يحفظك



وبعدين شرف الاخ مشاري وقال:الحقيني انا بالسيارة



اه بس وش اقدر اسوي والله لو عي كان ذبحته مشيت وراه للسياره وركبت ورا ما ابي اقعد جنب هذا الشي



كان يصرخ علي: انا موب سواقك يا مدام علشان تركبين وراي اركبي قدام بسرعه



طبعا انا من طبعي العناد قلتله:طيب واذا ما ركبت وش بتسوي؟



قالي :بتركبين وانتي حمارة يلا قدامي



قلت له :ما راح اركب يعني ما راح اركب والي ما توصله بايدك وصله برجولك



فجاة فتح باب السيارة ونزل وجرني من ايدي وركبني قدام وغطى وجههي



وقال:سمعي من اليوم ورايح منتي بطالعه الا بنقاب وعباة على الراس



قلت له :موب على كيفك انا طول عمري كذا



قالي:والله ان شفتك مرة ثانية مراددتني لتشوفين شي ما قد شفتيه



قعدت اكتم شهقاتي علشان ما يحس اني ضعيفه



ما ابيه يستقوي علي



وصلنا لبيت عمي الكبير ما كنا نزورهم واجد



بس هو ما كان بيت كان قصر اتذكرت فأيام المراهقة كنت اتمنى اسكن ببيت كذ



سمعت صوته الكريه:يلا انزي وصلنا



فتحت الباب وقلت بدون نفس: ادري



واول ما دخلت كان الكل يستقبلني عمي وزوجته وعياله



كان عمي عند ثلاث اولا وبنت



مشاري :هو اكبر واحد



ريم:كانت كبري تقريبا بس متكبرة وشايفة نفسها



عبدالله:كان بالمتوسط بس هو بالمرة حبوب



عمر:بابتدائي



اول شا رحبت فيني زوجة عمي (سعاد)وهي تقول :تو ما نور البيت يا بنتي



قلت لها :منور بوجودك وبعدين سلم علي عمي والباقي ما عدا ريم طلعت بسرعة لفوق



مدري ليه تكرهني



فجأة مسك مشاري يدي:يلا حبيبتي خل اوريك غرفتنا



فكيت ايدي منه وقلت له بصوت واطي :لا يكون مصدق نفسك حبك برص انشالله



قالت ام مشاري:حبيبتي اذا تعبانه اطلعي فوق لا تستحين احنا مثل اهلك



حاولت اصرف الموضوع:مو مستحية ولا شي بس بصراحة عندي شي ودي اشوفة بالتلفزيون وعشان كذا ما ابي اطلع



قال مشاري:فيه تلفزيون بالغرفة وقال بصوت واطي مفكرة قصرنا مثل بيتكم عايشين



على تلفزيون واحد









نهاية البارت

اتمنى انه يكون عجبكم

وين الردووود؟؟؟؟؟؟؟؟ ما عجبتكم الراية يعني ما اكمل؟؟؟؟؟؟؟؟؟؟؟