الفصل الثالث البارت الثاني
من بعد ما رن تركي الجرس
مشاري من بعيد:
لماااااااا افتحي الباب هذا العامل الي بالفندق جايب العشا
لما "هذي فرصتي": اوكي
وراحت تبي تفتح الباب بس الباب ما فتح معها لانه مقفل
:مشااري الباب مقفل وين المفتاح
مشاري :خلاص انا بجي
لما "اففف"
جا مشاري وفتح الباب بس ما انتبه ان العامل
هو نفسه تركي قاله ومن دون ما يطالعه
حطه على الطاولة
تركي "الحمدالله ما حس فيني"
لما ما تدري ان العامل هو تركي
قالت وهي علبالها انه عامل
:هي انت ماتسمع حطة هنا ما تش....... سكتت لما شافت تركي
تركي بابتسامة : شفتي كيف صرت عامل على شاااانك
لمامو مصدقه انه تركي قالت باستغراب: تركي هذا انت !!
تركي وهو يشيل القبعه الكبيره الي فوق راسه: شرايك يعني
لما بخووف: تركي انا متزوجة
وانت متزوج وش بيقولون الناس عناااااا
ماكملت كلامها لان مشاري دخل فجأة
مشاري بصراااخ :انت يا #### للحين ما مت !!
تركي بعصبية : اذا تفكر اني راح
اعديها لك فانت غلطان
انا بتلفون واحد مني .. راح اخليك تخييس بالسجن
مشاري بطنازة: هههههه لا والله توني ادري
وقال يكلم لما :هي انتي ادخلي داخل
وخليني اتفاهم مع ال###
لما "لا احلف" وقالت وهي بايعتها
: ماني رايحة اذا في احد المفروض انه يطلع فهو انت
مشاري هنا ثاااااااار مسك تركي وهو ناوي يخلص عليه
تركي دفه وخلاه يطيح عالارض
مشاري بتهديد: والله لو ما طلعت الحين راح
ادق على السكيورتي يجون ياخذونك
تركي وهو مو هامه شي: اسمع انا طالع الحين
بس ابيك تعرف شي واحد
وهو ان لما مو لك ولازم تطلقها
لما قالت وهي تكمل: مشاااااري
انا اكرهك اذا عندك كرامه طلقني
مشاري وهو معصب حده :هي انت يلا انقلع
طلع تركي وهو مرره متضااايق
ندم على التصرف الغبي الي
سواه وخاف ان لما تتأذى بسبته
هو الي تخلى عنها هو الي ما عنده
كلمة كييف يصدق امه ويكذب لما
..........................................
مشااري ضرب لما بكل قوته
ولما المسكينه تحاول تدافع عن نفسها بس ما تقدر
مشاري:انتي وحده ##### ومو ####
لما قالت بكل كره: داام اني كذا
طلقني انت مو ملزوم انك تربيني
مشاري ترك لما وهو يحاول انه يهدي نفسه
لانه لسا مو مستوعب الموقف الي حصل قبل شوي
.........................................
تركي دخل للغرفة وهو مو طاايق حتى نفسة
واول ما دخل قالت له درة بصراااااخ : وين كنت انشالله !!
تاركني لحالي من اول يوم
تركي وهو ماله خلقها :
مالك دخل اتركيني لوحدي
درة بقههر: بالطقاااااااااااق عاد انا الي
راح اموت اخر همي
...............................................
اليوم الثاني
في الصباح لما ما نامت ..
بعد الي حصل لها امس اخذت لها
حمام دافي وشربت لها نسكافيه
وظلت تنااظرالتلفزيون لين طلع الصبح
مشاري اول ما قام شافها قاعدة
ع الكنبة راح قعد جنبها
لما"اف الله ياخذك ليه قمت؟؟ نوم الظالم عباده"
مشاري بعصبيه: ليه ما نمتي امس
لما سكتت ما تبي تكلمه
علشان لايمد يده عليها مرة ثانية
مشاري: الو انا اتكلم ردي
وماردت
مشاري راح للحمام وانتوا بكرامه علشان يتسبح
واول ماطلع لقى لما على نفس قعدتها
مشاري: شفيييك انتي استخفيتي !!
يالله قومي سويلي قهوة علشان اروق
لما "والله عندك امل انت وهالخشة والله لو على
جثتي ما قمت وسويت لك شي"
ولا ردت
مشاري: الحمدالله والشكر ...
لما "اف المكان صغير حتى صاله مافيه !!
زهقت من مقابل خشته"
مشاري:قومي جهزي الاغراض ورانا سفر
لما بعصبية: مشاري خلينا نتكلم بجدية
انا وانت ماننفع لبعض
مشاري وهو ينهي الموضوع :
يلا بنطلع للمطار الحين ما معنا وقت
لما بصراخ :ماااااااني مسافره
مشاري: موعلى كيفك
لما : انت غبي والا تتغيبى ما راح اسافر
مشاري : بتسافرين والا والله بتشوفييين شي
ما شفتييييييه
انت ما تدرين وشو اقدر اسوي
ترى اذا ما سافرتي
تركي اليوم بيكون مدفون بالتراااااب
انتي شفتي المرة الي فاتت وشو سويت فيه
لما خافت لا يصير لتركي
شي مثل المرة الي فاتت
علشان كذا قامت تجهز اغراضها !!!
.................................................. ..
درة : يلا تركي قوم ورانا سفر
تركي "اف نسيت هالسالفة ":
ايه لحظة بروح اخذ لي شاور اول
درة"والله يا تركي اني احبك بس انت ليه تتعامل معي كذا "
:اوكي حبيبي انا جهزت لك الحمام
تركي بابتسامه: شكرا
.................................................. .................
لما ومشاري طلعوا من الفندق ووصلوا للمطار
لما بملل: وين بنسافر؟؟
مشاري " واخيرا تكلمت " : لندن .. تحبيها ؟؟
لما " ايه احبها لكن لما ما اكون معك"
: يعني مو مره
مشاري : لما شفيك للحين زعلانه ؟؟!!
انسي
الي صار امس وخلينا نبدا من جديد
وهالتركي انسيييه
لما "ايه هيييييين!!!! تحلم..."
وقالت بنفااق:احاول
لما شافت تركي بالمطار مع زوجته درة
وكالعادة ما قدرت تستحمل
دموعها نزلت بشكل تلقائي
الموقف صعب عليها
...........................................
تركي وهو يكلم درة : انتي كل شي ما يعجبك
درة بدلع ماصخ: انا بصراحة مليت من لندن
صار لي مليون مرة رحت لها
زهقت منها
تركي سكت ايه سكت وهو يناظر لما بشوق
ولما بعد تناظره بنفس النظرات
هو بعد ما قدر يستحمل صارت
دموعة تنزل بمرااااره
الموقف الي هم فيه
مو صعب وبس الا يموت
لانهم قبال بعض بالضبط
المسافة الي بينهم مرة قصيرة
لكن ما يقدرون يوصلون لبعض
كل هذا صار ودرة ومشاري
كانوا معهم وهم ولا علبالهم
لان كل واحد منهم اذا شاف الثاني ينسى
العالم كله
قطع عليهم تفكيرهم ايوه تفكيرهم
صحيح ان كل واحد قاعد لحاله
لكن تفكيرهم
مشترك ...
مشاري الي كان يراقبهم طول الوقت :
يلا لما قومي نشتريلنا شي نشربه
لما قامت ما تقدر تسوي شي !!
اما
تركي وده يقوم ويضرب مشاري لين ما يموت
.............................
لما وهي تكلم مشاري:
انا بروح للحمام شوي وراجعة
مشاري : اوكي بسرعة انا انتظرك
مشاري متطمن انها ما راح تروح
عند تركي لانه زوجة تركي موجوده
.......................................
في جهه ثانية
لما مرت قدام تركي واشرت له من دون ما تنتبه
درة الي تقرا رواية ومندمجة فيها
تركي فهم على لما وقال وهو يكلم درة
: اسمعي انا بروح للحمام شوية وراجع
درة وهي مندمجة : ايه روح اف قطعتني
تركي ما اهتم لها وراح لعند لما
تركي بخوف :شفييييك لما صاير لك شي ؟؟!!
لما وهي تكاابر : ما فيني شي
الي صار صار انا حبيت اقولك
انتبه من مشاري
تركي بشك: ليه وش قالك
لما وهي تضييع السالفة :مو مهم وقالت بضيق
: وين بتسافرون شهر عسل ؟؟
تركي وهو مره ضايق: لندن وانتوا؟؟
لما ما صدقت لان الصدف الي صارت مو طبيعية
:حتى احنا تركي انت ملاحظ ان كل ما نتفرق
يجمعنا الزمن مرة ثانيه
تركي بحالمية: لازم نرجع لبعض ابيك
توعديني انك راح تتطلقين من مشاري
وانا نفس الشي باقرب فرصه
بطلق هالعله الي عندي
لما وعيونها امتلت من الدموع:وعد ..
تركي مع السلامة انا مضطرة اروح
الحين اخاف ان مشاري يحس بشي
تركي بحزن :مع السلامه
.................................................. .....
تو الناااااس ..........
مره بدري فكرت انك هربتي
لما "اف الله ياخذك ويفكني منك كل
الي قاعد يصير لي بسببك" وقالت وعيونها لسا تدمع
:مشاري خلاص بس
يكفي
مشاري:طيب سكتنا ارتاحي !!
لما وهي تعدل حجابها :بروح اجيب لي قهوة
مشاري: لا انتي اقعدي انا بروح
لما بعصبية: انا قلت اني بروح وقامت
مشاري عصب" يعني كسرتي كلمتي انا اوريك"
لما شرت لها قهوة مع دونت لان
صار لها كذا يوم ما اكلت شي
وقعدت وهي سافهه مشاري ولا كانه قدامها
مشاري بطنازة:
هههههههه الحمد الله والشكر انتي متخلفة
لما بعصبية: كل تبن
وقامت قعدت بطاوله ثانيه
"الله ياخذك يامشاري الحين
انا متخلفة والله لاوريك "
وانتبهت ان فيه وحده تتلصق بمشاري
وقعدت معه على نفس الطاوله
ومشاري معطيها وجه "لا يعني اذا
سوى كذا بنقهر وع اخر همي "
..............................................
افففففففف
صاار لنا سنه ننتظر متى بيعلنون
عن الرحله ترى حامت كبدي
تركي :ما بقى شي ربع ساعة بس
درة:اففففففففففف واجد
تركي وهو قايم:مالت عليك وعلى الي يقعد معك......
درة"شفيه هذا "
............................................
يلا قومي اعلنوا عن الرحله
لما قامت من دون ما تتكلم
واول ما ركبوا الطياره تمنت لو
انها مسافره مع تركي مو مع هالمشاري
لكن قدر الله وما شاء فعل
...........................................
ونفس الشي مع تركي ودرة
ركبوا بالطيارة لانهم بنفس الرحله
..................................
وصلو الي لندن
ضباب وغيوم كالعادة هذا
جو لندن كل يوم مطر
لما اول ما وصلت حست بالسعادة........
تعشق لندن ما يهم مع ميين سافرت اهم شي انها راح تنبسط
وراح تسجل بالجامعة الي تبيها
علشان تكمل الماستر
بس اول لازم تتطلق من مشاري
انبسطت وهي تتخيل انها بيوم
من الايام راح تكون حرة نفسها
قالت بابتسامة : يلا نروح للفندق
مشاري وهو مستغرب من تغيير
مزاجها المفاجئ
:لما شفيك انتي مريضه؟؟
لما بفرح: ما فيني شي بس انا مرة مبسوطة اني بلندن
مشاري بمزح: اجل يالله نرجع للرياض
لما : والله انت كل شي جايز منك
..................................................
انااااا مو قلت لك اني ما ابي الماااااريوت
تركي : يا درة وبعدين معك والله اني ميت من التعب
حراااااام عليك
درة:تركي ممكن اسئلك سؤال وتجاوب بصراحه
تركي : وشو؟
درة: انت مغصوب علي صح
تركي بدبلماسيه: درة انا بكون صريح معك
وقال لها السالفه كلها
درة بحزن: يعني انت تحبها وما تحبني
تركي :انا احبك بس كاخت مو كزوجة
درة سكتت
تركي:بس ما عليك خل ننبسط هنا
واذا رجعنا الرياض الي تبينه سويه
درة اقتنعت بكلام تركي وتعاطفت
معه لانها حست انه حبها له
كان فترة مراهقة وعدت حتى الدليل
انها ما زعلت لما قال لها السالفه
درة بابتسامه: اوكي
ملاحظة"درة من النوع الي كل شي عندها عادي
يعني مرره متحرره مع ان عقلها صغير لكنها
تتفهم الحب من كثر ما تشوف افلام وتقرا
روايات
علشان كذا ما حبت انها توقف
بطريق احد حتى لو كان زوجها !!!!!"
.................................................. ............
لما صحت من الصباح
وتسبحت وبدلت ملابسها وحطت ميك اب
من الحماااااس
وجت بتطلع بس لقت الباب مقفل كالعادة
وراحت لعند مشاري الي كان ناااااايم
علشان تاخذ المفتاح
لما بصراااااااااااااااااااااخ :
مشاااااااااااااااااااااااااااااااري يلا عطني المفتااح
مشاري وهو لسا نايم: بعدييييين
لما بعصبية: قلت الحيييييييييين عطني المفتاح
بعدين روح طس نام بالطقاق فيك
اهم شي المفتااااااح
مشاري قام وهو معصب: وانتي وبعدييين معك
انتظري شوي بتسبح وابدل
وكمل باسلوب ينرفز :وبعدين نطلع
لما بعصبية: انا ابي اطلع
لوحدي عطني المفتاح
مشاري قرب منها وهو يمسكها من يدها :
وانتي وبعدييين معك ليه دايم تبعديني عنك
لما بخوف : مشاري ابعد احسن لك
مشاري ولا كانه يسمعها
لما بصراخ :وخخخر عني يا ####
ولا حياة لمن تنادي
وصااااار الي صاااااار
.................................................. ..........
تركي قام هو ودرة من الصباااح
وقاعدين يتمشون .................
تركي طول الوقت
يفكر بلما قلبه حاس ان فيها شي
درة : تركي انا تعبت خل نقعد
نشرب لنا شي بعدين نكمل
.................................................. ....
لما كان بالنسبة لها الموت اهون
من الشي الي صااااار
دموعها ما وقفت
مشاري ببرود: ما صااااارت بسك
دمووووع ترى انا زوجك
لما قاامت وعطته كف
وقالت : انت اح## انسان شفته بحياتي
بعد الي شفته منك اليوم مستحيل
اقعد معك ولا ثانية
واخذت اغراضها و سحبت منه المفتاح
وطلعت وهي ما تدري وييييين تروح اهم
شي انها ما تقعد مع مشااااااااري
ال###
اما مشاري ما قدر يمنعها لانه لو منعها
وهي على نفس حالتها
كان اقل شي ممكن تسويه انها تذبح نفسها
.................................................. ....
لما من طلعت من الفندق
وهي تركض بسرعة
تبي تبعد عن اي شي يذكرها بمشاري ..........
والمطر ينزل بغزاااااارة وهي ولا علبالها
الناااس تناظرها باستغراب
وعيونهم تقول "وش فيها هذي استخفت !! "
مااااا حست الا وسياااارة تمشي
بسرعة جنونيه صادمه فييها
.........................................
نهاية البااااااااااااااااارت
اتمنى انه يعجبكم
طولته هالمرة هديه قبل المدارس
وانشالله بأيام الدراسة البارت يكون كل اربعاااااء
09-10-08, 03:37 PM
جديد مواضيع قسم الارشيف
العرض العادي
