المنتدى :
الارشيف
قلبي يبيك وبنبضه وحبه يرويك
×~×قلبـــــــــــــي يبيــــــــــــكـ وبنبضهـ وحبهـ يـــــرووويكـ×~×
هذي اول روايه لي انا كتبتها اتمنى انها تعجبكم وتحووز على رضااكم
البــــــــــــــــــــــــداايه
ابو ساالم: بكره عند عمكم ابو طلال عزيمه وكل اعمامكم بيكونون موجودين هناك هالله هالله فيك ياولدي ياسالم بيض الوجه
سالم: ولايهمك يبه تآمر امر يالغالي
جود: واااااو وناااسه هذي يبيلها تجـــهيز وتخطيط بعد
في نفس هذا الوقت كانت مها راجعه من الجامعه
مها : السلااام عليكم
الكل:وعليكم السلام
ابو سالم : هلاوالله بحبيبة قلبي دلووعه ابوها
مها:هلا فيك يالغالي
جوود:هاللحين انا من اليوم مرتزه ولا احد عطااني وجه
ابو سالم : لا والله كلكم حبايبي وعينين في رااس لكن مهااتي توها جاايه من الجامعه وتعباانه
سالم:ويبي يوسع صدرها بهالكلمتين هع هع
ام سالم :اقول يافيصل وش سويت بموضوع الرجال اللي يبي الارض اللي وراانا
ابو سالم : والله للحين بآخذ مشورة اخوااني واشوف ان شااءالله
سالم:افا ا ا ا يبه وانا 24ساعه قداامك ولا تقولي هالساالفه بيع وانا ولدك هع هع على ضماانتي يبه
ابو سالم:خلني اشوف اعماامك وابشر لو كاان المبلغ زين
سالم : اووعدني يبه ان مهر العرووس عليك هع هع
ام سالم : هاللحين انت وين والزواج وين فضحتنا اعقل وانا امك واكبر ويصير خير
سالم بقله حيله :ان شااءالله يمه
جود:الا وين توأمي طااسه ماشفتها
ابو سالم : ايه والله وينها جواارتنا ((الجوري))
ام سالم:والله انها محمومه مسيكينه قبل شوي انخفضت حرارتها من البارح وحرارتها 38 والحين احسن
ابو سالم:الحمدالله على سلامتها الغااليه
سالم:ليه يمه ماقلتيلي كان وديتها المستشفى الحمى ماينسكت عنها
ام سالم : الله يهديك ياسالم مايحتااج هذا كله أزمه وعدت الحمدالله
سالم : الحمدالله على كل حال بس الاخذ بالاسباب واجب
ام سالم:ونعم بالله
جود:اقول مها تعالي بغيتك بموضوع
مها:هذاني جاايه
سالم:الله والموااضيع الخاصه هع هع
جود:احتـــرق مكانك اهم شي موضوع خاص
مها وهي تسحب جود :ياحبك للمشااكل
جود تستهبل :شكرا
مها:العفو
.....................................................
هنادي تكلم لمياء بالجواال وتدخل عليها الهنووف
الهنوف:هناااااااااااديوووو
هنادي:الهنووف خرعتيني وش فيك تصارخين ؟
الهنوف: يبه يقوول تجهزي بكرة العزيمة عند سويرة
هنادي بخبث : وكل ها الصراخ لساارة وينها عنك هههههههه
الهنوف وهي تلف وجهها من الفشله : ايه كله لساره وش عندك بعد
هنادي وهي تكمل كلامها مع لمياء
هناادي:هاا لمووي وصلكم الخبر
لمياء : ايه وان شاءالله نكون اول الحاضرين يمه بسم الله عليها من الحين تجهز هههههههه
هنادي:هههههه الله يخليها عمتي حصه فيها الخير
لمياء :امين تسلمين حبيبتي
هنادي:الله يسلمك زين ياقلبي اشوفك بكره تآمريني بشي
لمياء:سلامتك يالغلا
هنادي : اشوفك على خير
لمياء : ان شااءالله
هنادي: يلا بااااي
لمياء:بااي
.........................................................
محسن وهو يصحي طلال من نومه
محسن : طلال يلا قووم لي سااعه وانا اصحيك وش فيك قووم تحررك
طلال والنووم مالي عيونه : محسن ياخي وش تبي تونا الساعه 4 العصر وش تبي
محسن: مو انا اللي ابيك ابوي اللي يبيك
طلال: عسى مااشر ويش يبي الوالد
محسن : لو ادري ايش يبي كان قلتلك
طلال: زين دقاايق واكون عنده هو وينه؟
محسن: بالمكتب حقه
طلال : زين
.....................................................
العمه نوره : لياااااااااااان
ليان: هلا يمه
العمه نوره : سااعه وانا اناديك وينك
ليان : كنت اكلم تركي ابيه يجيبلي الغسول من السوبر ماركت
العمه نوره : ليه وهو بالسوبر ماركت ؟
ليان: ايه
العمه نوره : زين اتصلي عليه وقوليله لا يتأخر
ليان :ان شاءالله يمه الحين بروح اقوله تبين شي
العمه نوره: سلامتك يايمه
بهذا الوقت ريم نازله من الدرج وبدخول احمد البيت راجع من الدواام
احمد: هلا بريوووم هلا والله وينك يابنت لي يومين ماشفتك
ريم: وهي تعدل جلستها على الكنبه : تعرف اني بزنس ويمن ههههههههه
احمد وهو يسلم على راس امه : هههههههه وش عندك ياآنسه ريم
ريم: والله الحين اختبارات الجامعه بدأت وماافي وقت كله مذااكره او نووم حتى ماعندي وقت اسولف معكم
احمد: ايه اذا كذا الله يوفقك يااارب ونبي المعدل الي يرفع الرااس
ريم: ان شااء الله ولا يهمك حموودي بس بشررط
احمد : الله يستر من هذا الشرط بس وشو ؟
ريم : تقنع اوليااء الامور نساافر سويسرا !!
احمد: ههههههههههه وانتي تعرفين رأي اوليااء الامور
ريم: انت حاووول ومابتخسر
احمد: وتوعديني بالمعدل الزين
ريم بحماااس : اووووعدك
احمد : خلاص اللي تبينه ياآنسه ريم بيكوون
ريم من الفرحه قامت تسلم على رااس اخوها :شكرا يااحلى اخو في الدنيا كلهاا
احمد : ههههههههههه الحين احلى اخوو هاااا ؟؟
ريم : ههههههههه لا والله داايما انت احلى واعز واغلى اخو بعد وش تبي اكثر
احمد : ابي سلامتك يالغلا
ريم :لايسمعني تركي ههههههههه بروح ابشر ليااان
احمد وامه : ههههههههههههههه
............................................................ ......
نوااف وهو يكلم فهد
نوااف: ايه فهوود عااد لا تتأخر
فهد: اكيد هذي مايبيلها
نواف : زين
فهد: نوااافوو ابووي ينااديني برووح اشوفه ولا تنسى اللي وصيتك عليه
نواف:ان شااء الله زين سلملي على الوالد
فهد: يوصل
نوااف : يلا مع السلامه
فهد : فمان الله
....................................................
شخصياات الروااايه
الجد :عبدالرحمن والجده :هيا
عندهم ابوفهد وابوطلال وابوسالم والعمه نوره والعمه حصه واصغرهم العم نوااف
.............................................
عائله ابو فهد
ابوفهد: راشد
ام فهد: سلمى
فهد 26 سنه يتميز بخفة الدم طويل اسمر وعريض وعيونه وااسعه وحوااجبه مرسوومه يعني وسييييييم ومتوظف بشركه الاتصالات *_ &
خالد 24 سنه متوسط الطول عريض نفس ملامح أخووه حـــنووووون وفيه غميزااات وهذي الصفه فيه وفي بعض عياال اعماامه الحين نتعرف عليهم ومدير المحاسبه في شركه اعماامه *_ &
فارس 22سنه متوسط الطول وعريض وابيض ودقنه خفيف جنااااااااااان شكله يجذب ودلووع امه حييييل وغير عن اخوااانه نفس ملامح امه يدرس بالجامعه قسم صيدله *_ &
هنادي: 21 سنه بالجامعه قسم رياض اطفال ((تعشق الصغار)) *_& رشيقه وشعرها طوويل لحد ظهرها ومدرج لونه بني طبيعي وعيونها وااسعه وخشمها طويل ويسمونها توأم خاالد لانها معه بكل شي *_&
هنوف:19 سنه بالجامعه قسم تربيه فنيه تعشق الرسم والفنوون جاذبيتها في جسمها وشعرها اللي قاصته الفروله *_& هي رووح بيتهم البيت بدونها ولا شي *_&
............................................................ .......
عائله ابو طلال
ابو طلال : نااصر
ام طلال: منيره
طلال:25سنه طويل وملامحه حااده شخصيته قويه وجدي ومايحب اللعب بشغله بالذاات وغااااااااامض ويشتغل بشركه اعماامه نائب المدير العاام اللي هو عمه (ابوفهد) *_&
محسن :23سنه آخر سنه بالجامعه يدرس اداره واعمال لانه بيتوظف في شركه اعماامه طويل دمه خفيف وعكس اخوه طلال يحب اللعب وصديق احمد ولد عمته الرووح بالرووح * _&
ساره: 19سنه بالجامعه بقسم الحاسب الالي دلووعه البيت وطلباتها تتنفذ *_& بيضاء شعرها اسوود لنص ظهرها ومع بيااضها شكلها جنااان طولها متوسط ورشيقه *_&
..............................................
عائله ابو سالم
ابو سالم : فيصل
ام سالم:شيخه
سالم : الولد الوحيد لفيصل طويل وعريض دمه خفيف ويحب اخوااته بشكل جنووني ومايرضى عليهم بشي يشتغل موظف حكومي *_&
مها:21 سنه بالجامعه بنفس تخصص هنادي (رياض اطفال) دخلته بعد مااقنعتها هناادي بالقسم ولا هي مالها خلق للصغاار جذاابه بحركاتها جديه بأوقاات واوقاات الصرقعه لها شكل ثااني شعرها كستنائي &_* مميزه بفص الالماس اللي بأسنانها يعني ابتسامتها جذااااابه *_&
جود: توأم الجوري 19 سنه بقسم احيااء شعرها اسود طويل بلمعه تميزها هي والجوري عن باقي البناات طيووبه دمها خفيف تحسب حسااب قبل لاتسوي أي شي تفكر لمدى بعـــــــــيد دلووعه امها وماترضى أي شي عن الجووري لانها توأمها *_&
الجوري:19 سنه بنفس تخصص توأمها جوود (احيااء ) شعرها اسود بلمعه قاصته مدرج الشبه كبير بينها وبين جوود بس جوود ملامحا احلى بشوي من الجووري *_&
...........................................
العمه نوره
تركي:25 سنه طويل وعريض وأسمر وحلاته بابتساامته الجذااابه اكبر اخواانه وداايما مع ابووه بكل شي متخرج من قسم ادارة واقتصااد موظف في شركه متعاقده مع شركتهم &_*
احمد: 23 سنه عريض طويل لونه افتح من تركي صديق محسن الروح بالروح وعيونه وااسعه وسييم مجنن البنات &_*
ليان : 21 سنه بالجامعه قسم علم اجتمااع شعرها قصير لحد كتوفها وقااصته مدرج هاادئه ورومنسيه بزياااااده ملامحها حلوه وبسيطه في شكلها *_&
ريم: 19 سنه دلوعة اخوااانها وبالذاات احمد تحب الجناان والصرقعه ماتفكر في أي شي تسويه *_& ملامحها طفوليه فيها من البرااءه شي كثييير بيضاء تحب تكشخ في نفسها وبرستيجها اهم شي وتعشق بناات عمها وجمعتهم
..........................................
العمه حصه زوجها متوفي
وعندها لمياء الوحيده: 21 سنه بالجامعه قسم لغه انجليزيه
دلووعه العااائله كلها وتعتبر كل اولاد اعمامها اخواانها وهم بعد يعتبرونها اخت لهم متوسط طولها ورشيقه وشعرها اطول شعر بالعاائله كلها لاخر ظهرها *_&وناااعم ولونه بني طبيعي بشرتها صاافيه وتهتم فيها بشكل جنووني *_&
.......................................
آخر شي العم نوااف: 25 طبعا يعتبروونه اخواانه كأنه ولدهم خخخخ لانه صغير يكره شي اسمه شغل عكس طلال ويحب اللعب وبالذاات انه يطقطق على البناات بالمولات وطوويل ولونه برونزي شعره كثير واسوود ودايما مبتسم ابتسامته ماتفارقه &_* وعيونه واااسعه يعني وسييييييييم
..........................................
اذا شفت الردوود بكمل الرواايهـ *_& هالله هاالله بالردوووووود
تشجيعكم بردوودكم *_&
|
29-04-08, 07:33 PM
جديد مواضيع قسم الارشيف
العرض العادي
