الموضوع بجد كبير

الاستهتار بالمشاعر .. اعتبرها جريمة لو املك من الأمر شيء

جرح الاحساس شيء صعب ومؤلم أكثر من الجرح الحقيقي

بس في ناس متبلدة المشاعر والأحاسيس ومش بتحس أصلا وبتتعامل مع أي حد من المنطلق ده

ودول بتجنب التعامل معاهم بصراحة .. لأنهم حتى مينفعش نعتب عليهم لأن الكلام مش هيوصلهم

عارفه ليه .. لأن الموضوع عندهم مابيتعلقش بالمشاعر .. أي حاجة تانية ممكن .. المصلحة .. الجسد .. التسلية .... الخ

والناس دي نعرفهم آه .. لكن نرتبط بيهم أو نتعلق بيهم لأ .. ودول هما دايما السبب في انك ماتصدقش بسهولة وما

تحطش ثقتك في حد بسهولة .. لأننا دايما بننجرح بسببهم .. وبتروح الناس دي والي بيفضل الجرح .




أهلا بيكي من تاني
فتاة الجليد الأحمر
ونورتي القسم
:)

عارفة يا لين
الكلام اللي انت بتوصفيهم بيه طيب قوي
أنا فكرت كثير
و لقيت الموضوع ما لوش غير وصف واحد
"حقــــــــــــــــــــــــــــــــــــارة"

لا مراهقة و لا اندفاع و لا أي تبرير ينفع
اللي يستغل مشاعر حد و بعد كدة يرميه زي علبة فارغة بعد ما استعملها لا يمكن أن يطلق عليه سوى وصف واحد
"حقير"
عارفة إن الجرح بيكون مؤلم
و سببه مش بيكون الشخص ده
بالعكس
الواحد بيكون زعلان من نفسه أكثر
إنه كان ساذج للدرجة دي

شكرا لموضوعك لين
و آسفة على حدة الرد