السلام عليكم وصيت قلبي عليك
اهلا وسهلا بيك في ليلاس الرائع وان شاء الله راح تجدين الدعم والتشجيع والنقد البناء
حللتي اهلا ونزلتي سهلا
اتمنى ان تشاركينا في موضوع سوالفنا حلوة المثبت في المنتدى حتى نتعرف عليك اكثر ونرحب بك
وشكرا للعزيزة سعودية وكلي عز لانها وجهت دعوة لكاتبة رائعة مثلك
تحياتي الك

الجزء الخامس

\\..من يقتل الطمـوح..\\

------------

















نــاظرت اسمهـا وسرحت بأفكارها!

خلاص..ثواني وتكون زوجة سامي..

سامي ولد الوزير..

سامي اللي فيه مواصفات تتمناها أي بنت!

قرب الحلم..معقوله بهالسهـوله..وبهالسرعه المفاجأه.!

ليش تحس انها لازالت تحلم..

وعشان تتأكد انها بواقع..

اخذت القلم ووقعت تحت اسمهـا ..وماحست الا بمصعب يطبع بوسه رقيقه على جبينها

مصعب\الف مبروك..

::

ارتفعت الزغاريط لمن مصعب نزل للدور الأرضي والجميع عرف انه الزواج تم والحمدلله..

ونزلت لولو بفستانها الذهبي الفخم

على موسيقى هاديه وهي تتوسط صديقاتهـأ حنوا وعواشي وفريد اللي ينثرون عليها الورد بكل اتجاه..

وبدت التباريك والسلامات تهلّ عليهـا وهي سعيـده ..فرحه..واثقه بنظراتها..حلوه بدلعها وغنجها وضحكتها الرقيقه..مغروره بجمالها الرباني

فريد\منتي خايفـه!؟

قطبت لولو حواجبها المحفوفه بااتقان\من ايش!؟

همست بااذنها فريد وهي حاسه انه الكل مصوب نظراته عليهم\من لحظة اللقاء..

ابتسمت لولو بثقه تامه\بالعكـس..انا احتريهـأ..

عضت فريد شفايفها بقهر\ياقواة وجهك..!

انفجرت ضحكه من لولو اكتمتها بأيدها الصغيره\ههههههه كيفي..

فريد بااسلوب ذكري\اقولك..قولي لـ هالهبله سندس..قصدي لحماتك سندس ماترجع تلبس هالفستان..,قسم بالله افتكرتها لعبة شطرنج..وهي مع الكحـل اللي منزلته لتحت خدودهـأ كأنها من ايام السبعينات.ايام الأبيض والأسود..

اشاحت عايشه اللي شاهده الموقف وجهها وهي كاتمه ظحكه بتنفجر أي لحظه..وحمدت ربها بينها وبين نفسها انه حنوا بدورة المياه..والا كانت بلاوي

كملت فريد حديثها وهي تتأمل سندس بحواجب معقوده\وقسم بالله مصخـره..شكلها ماشافت نفسها بالمرايه عشان ماتخترع..!

لولو\اقول فريد..وشفيك على البنت!؟

عواشي\اقولك ليش..عشان حنوا غاضتها وقالت لها انها اكيد تحب باابو شامه ..!

لولو حبت تغيض فريد اكثر\يجـوز..

وفعلا لولو صابت الهدف..وأضغطت على الوتر الحساس..واشعلت قهر فريد اللي مااسعفها وردت عليها برد يبـرد خاطرها لأنها لاحظت سندس تتقدم لهم بكـل دلع

سندس\هاي صبايا..

الوحيده اللي ردت عواشي بنبرتها الهاديه\اهلييين..

كتفت ايدينها من القهـر وهي تحاول تقليد صوت سندس المايع بااذن عواشي

سندس\كيف مرت خيي..مستعده!؟

لولو بابتسامه زادت جمالها جمال\على ايش!؟

سندس\يعني ماتعرفيـن!وناظرت فريد..

لولو بخجل مصطنع\انتي قصدكــ

فريد بدفاشه عشان تنهي النقـاش وماتسمع صوت سندس\بلا هبـل..انتي عارفـه ايش!؟

ارمقتها لولو بنظـره كفيله بتسكيتها..لكن فريد ابتسمت بمكر وطلعت طقم اسنانها المصفوفه لمن ارغمت لولو انها تبتسم بوجهها..

قامت لولو من كرسيهـا..وحنوا جاءت هاللحظه

حنوا\على وين!؟

لولو من شافت سندس ابتعدت عنهم واتجهت لأمها بان عليها التوتر اللي حاولت تخفيه\بنات ساعدوني ..شوفي حنوا فستاني من تحت مظبوط..وشعـري خرب والا لا!؟؟

ناظرتها حنوا نظره تفحصيه ..

لولو الليله تعمدت تخفف من المكياج عشان زواجها وتكتفي بالشدو الذهبي اللامع واحمر الشفايف الصارخ ..لكن على بساطة مكياجها كانت جميلـه بمعنى الكلمه ومافي شخص ممكن ينكـر ملامحهـأ المثيره اللي ترغم أي انسان على الـتأمل فيها..

ضبطت لها حنوا بخفة ايدهـا بعض رولا ت شعرها المنسدله بكتفهـا,,وعواشي رشت لها رشتين من عطرها المفضل,,

حنوا\بسم الله عليكي..كامله..مافيك شي مو حلو..

عواشي\لاتخافين..كل شي اوكـي..اللحين

ارتاحت لولو نسبيا..لكنها من تذكرت سامي اللي ارسمتها بخيالها ارتعبت وصابها الخوف وبان هالشي من ملامح وجهها اللي شعرت فيها فريد

فريد\مرعوبه

لولو بابتسامه متوتره\شوي بس..بس شوي

فريد غايضتها\قلت لك انه شايب..بس انتي عنيده..!

لولو\فريييييييييد

عواشي\فريد حرام عليك..البنت متوتره وانتي تزيدينها..

فريد\يالله توقعاتكم بنات..تتخيلون شكله كيف!؟

اتسعت عيون لولو..وشعرت انها بتبكي..وفعلا..هي توها تحـس بالشيء الكبيـر اللي ارتكبته..

توها تكتشف انها اصبحت امراءه متزوجه عليها حقوق وواجبات..مثل مالها..

كيف تتزوج شخـص ماعرفت عنه غير اسمـه..والملايين اللي يمتلكها..

لهدرجه الفلوس عمت بصيرتها..

لهدرجـه رخصت عليها نفسها



حنو\انا متأكده انه وسيم..!

فريد\لا ياخبله..اسمه سامي مو وسيــم..

عواشي\هههههههه حلووووه

..ضلت فريد تتكلم وهي مستمتعه باغاضة لولو وبدون مللّ لمن قالت لهم سندس يلبسون عبيهم لأنه سامي هو الوحيد اللي بيدخـل,,

وحانت لحظة الصفـــر عند لولو اللي بدت دقات قلبها تخفق بشكل جنوني خوف وترقب ومصير مجهول..

-----------------



























خطـوه..خطوتين..وثلاثـه..

ومثـل مامشـى هالثلاث خطـوات تراجـع بتردد..

رفــع عيونه للسقـف وتلألأت بلمعان وهو ينـاظر الثريـا اللي بارتفعات بسيطه ويكون مساوي لها بالطول

فكر لوهله باللي اقبـل عليـه من شهـرين..وهذا هو اليوم يحصـد افعالـه باارادتـه وبدون مايتلقـى ظغوط من أي شخـص..

سم بالله..ودخـل المكان المترقب باابتسامه حاول يزيدها اتساع وهو يسمـع موسيقـى هـاديه بتلقائيه خففت من توتره ورجفـان ايده اللي حاول يلهيها بضغطه على السبحه الفضية اللون اللي كانت محاوطه ايده ..

تقـدم اكثـر لمن حـس باامه ونوره وسندس يباركون له ويشدون من عزيمـته بنظراتهم عشان يتقدم اكثـر ويشـوف هالجمـال اللي اصبح هالليله حلاله..

:

وبلحظه ما طاحت عينه عليها..توارى له انه اللي قباله حوريـه..او بطلـه من ابـطال الروايات اللي يقرأها ويتخيلها

اكيـد هو محظوظ اليوم مدام هذه بتكـون شريكة حياتـه..

تقدم منها وصافحهـا وشعر انه عملاق امام ايدهـا الصغيـره..

سامي\مبروووك..

"

استنشقت ريحة العود قبل ماتشوفه..وحست باايده الحاره على أيـدها..وبعد برهه سمعت همسه وهو يبارك لها..

واخيــرا بتقدر تشوفه..واخيرا حانت اللحظه..

رفعت عيونهـا له ببطء وماشافت غير ثوب ناصع البياض..ارفعتهـا اكثر وطاحت عينها على ذقنـه المشعـر بشعيرات خفيفه وحلوه حست انها بذلت مجهـود كبيـر رقبتها بدت تعورهـا رفعت رأسهـا بجرأه اكبـر لمن وصلت لأنفه المستقيـم...

واخيرا تقابلت العيون بلحظــه دامــت ثواني بسيطه مستحيـل تنساها وبتظل متعلقه بذكرتهـا و من هول صدمتها تمتمت بنفس البطء\ اللــه الله يباارك فيييك,



صرعهـا طوله الغير طبيعـي..

شدتها سمرة وجهه الجذابــه

بهرتها ابتسامته الخفيفه اللي اشرقت وجهه وصغـرته عشر سنين ولاكأنه الشايب اللي قالت عنه فريد..

ماعرفت كيف تتصرف..!

ايدها لازالت حاضنه اايده الحاره بكل راحه..وجلوسهم وقربهم من بعضهم اشعـل فتيل حارق بينهم..

تحس حركاتها بلا شعور تتجه له....كانت تتمنى تمتلك القوه وتبتعد عنه وتاخذ نفـس ممكن يصحيهـا من الخمول اللي تشعر فيه..

وبالمثل سامي كان يحس نفس احسااس لولو ويمكن اعظـم..

كان يحاول يداري عيونه عنهـا..كان يتمنى يبعد عيونه عن عيونهـا لو لحظه وحده..لكنها كل مابتعدت ترجـع وبكل تمـرد لهـا,,

في شـي غريب يجذبهـم..شي جهلوه معنـاه واحساسه...

لكن اللي ريحهـم هو ام سامي اللي تقدمت لهم وقربت سلـة جوري ابيض ويتوسطها خاتمين وشبكة لولو..

تنفـس سامي بعمـق وهو يمد ايده للخاتم ويدخله لأصبع لولو الصغير..

وبالمثل لولو لبسته الخاتم بكل رقه وبدون شعور قابلت عيونه واخييرا قدرت ترد له ابتسامته الحنونه وكانها تعبيـر واعجاب عن شكلـه وحظوره اللي اعجبهـا

لبسهـا الشبكه بمساعدة سندس بشكل سريـع واقرب للخشونه وكانت واضح توتره وهو يقـرب منهـا لمن انتهـى اخيـرا وزفـر زفره دخلت لمسامع لولو,,

--------------------



























"واااااااااااااااااااااااااااااااااااو"

هذا اللي طلع من حنجرة فريد وحنوا وعواشي وهو يدققون بشكـل سامي اللي ابهرهم حضوره وهيبته القويه..

فريد\يهبـل الحمـ...

عايشه\ههههههههههههه طيب ليش تسبين!

فريد\تعبير شخصي لأنه عجبني..

حنوا\حلوه هاااااي..بس مابتحسوا انه متوتر..شوفي خده احمـر اكتر من لولو..!

فريد تأملته وضحكت\وقسم بالله كأنه هو العروسه ولولو المعـرس..وشفيها تناظر فيه الهبله..

عايشه\بلا مبالغه ياللي ماتستحون هي بس تسرق النظرات ويليته عاد تطول ماشاء الله عليه توصل لتحت كتفه...وشي طبيعي يكون متوتر..اول مره يشوفها!؟

فريد\عليه طـــول ابن اللذين..مو طبيعي..والله شوي وبيدخل باللمبه ههههههههههه..

حنوا\بس احلى شي ابتسامته..شكله مهضوم..

فريد\مهضوم بعينك؟؟ليه هو اكله على غفله..!

حنوا حمر وجهها\فريييييييييييييييد بلا هبل انا بقصد انه شكله رحيم..ولو انوا ملامحوا عاديه جدا جدا جدا..والصراحه خوتوا اجمل منه بكتييييير

فريد\بهذه صدقت..ياخوفي مايعجب لولو

عواشي\فهمت وش قصدك حنوا..اللي يشوفه لأول مره يحس بالراحه ..!

حنوا ارتاحت لمن شعرت انه في احد بيفهم لهجتها\ايوووووه هذا اللي بقصد بالضبط..شكله عادي لكن في جاذبيه,,

فريد بلهجه خشنه ومختصره\يعني بالعاميه يدخل القلب بسرعه..

حنوا وعواشي ماتوا ضحك..

فريد\عشان ماتتفلسفون..وكل وحده تفهم الثانيه قلت خليني اختصر الموضوع من البدايــه..

حنوا\شكلو بدوا يخرج..

عواشي\يمكن بيجلسون لحالهم

تفاجئوا البنات لمن حصلوا سامي وقف على رجوله..وبان طوله الغير طبيعي وطلع لوحده وسندس تلحقه وترك لولو...

وبتلقائية فصخوا عبيهم وقربوا من لولو اللي شكلها مايوحي بالخيـر..

وأول من تقدم لها فريد اللي سلمت عليها وباركت لها وبعدها البنات..

فريد\بتطلعين له..!

لولو ماكانت معهم ابدا..عيونها متصوبه للأمام وواضح انها تفكر\ها..

فريد\وجعاااه

حنوا\عيييييب هي متزوجه اللحين....ههههههههه والله وطلع بيجنن يالولو..

لولو رددت الكلمه مره ثانيه\ها

قربت منها فريد ولمست جبينها اللي انصقعت من برودته\لولو..وشفيك!؟

لولو من شعرت بايد فريد البارده رجعت للواقع\تصدقون ..سلم علي..وطلع..شكلي ماعجبته..سكتت فتره وكأنها تفكر ورجعت تقول بهمس..بنااااات بكره زواجــي من ..مـــن سامي.اللي..اللي صار زوجــي وبلعت ريقها الجــاف..

فريد كانت ثرثاره بشكل مفجع\بالله..مبرووووك..وبعدين تعالي..وشفيها يمكن مايبي يسولف معك وبكره يوم زواجكم..بس تعالي وشفيه ماقطع الكيك معك..ولا شربك العصيــر..يمكن هذه عادتهم ولول اني اشك..وضحكت بمصخره..شكله طالع علي..مايعرف الأتيكيت هههههههه..ههههههههههههه

عضت عواشي شفايفها يوم حست بأسلوب فريد الدفش..رفعت عيونها لـ لولو وحست انها سرحت من جديد وماشعرت اصلا بكلام فريد الجريء..

لولو\بطلع فوق..ابي اطلع فوق..

حنوا\ماتبي تتعشي !وإلا اطلع لك فوق..

لولو\لا لاااااا..بطلع ماابي شي..وسرحت وهي تتذكر شكله اللي انحفر بمخيلتها..ابي انام بس..

فريد ناظرتها بتشكك\منتي بصاحيه..امشي بطلع معك..الصراحه مااضمن إلا لمن اشوفك مغمضه عيونك..

مسكت لولو ايد فريد بشده\طلعيني لغرفتي..

حنوا\لحظه..والدفتر..اللي اتفقنا عليه..مابدك تشوفيه..لأنه جهز..

لولو\مو مهم..بكره..بكره بشوفه بالمشغـل..فريد طلعيني بسرعه..

مشت فريده مع لولو باللفت..وتركوا اكبر علامة استفهام بوجه حنان وعايشه

لكن هالعلامه تلاشت تدريجيا وهم يتناقشون بحراره زفة لولو اللي محتاجه تتدرب عليها,, لكن اللي استغربت منه حنوا سرحان عواشي الغريب بين فتره وفتـره..

----------------





































مرت ألليله واسئله عديدة كانت تجول في بال الجميـع وأهمها خروج سامي المفاجئ ...لكن جواب أي سؤال كان واحد..بكره الزواج ومردهم بيتعرفون لبعض بشكل اكبـر..

وفعلا انقضـى هالليل بنـومه طويلة نامتها لولو لأجل تمنع نفسها من أي تفكيـر ممكن مايعجبهـا..

وأشرقت شمس يوم ثانـي بأفخم قاعات الشرقية بأرقى خدمـه وضيافـه ابهـرت الجميـع من أول ماعتبوا باب القاعة وهم بنظراتهم علامـة الإعجاب والانبساط والأثاره..

"""





آآه على قلّ الحيله والألم..

آآه على الشوق اللي ماسكـن..!

آآه شوفيني اقولها يمه..سمعيها

آآه وآآه ليتك بقرب عين وجفن.!



العين تدمع..والقلب يبكي..والنفس عافت الراحه..

والحقيقه مره على كل اللي خاض تجربتها..

كيف تفـرح بشكلها الجذاب وهي مـتأكده انا سبب ضياع عمرها هو جمالها وبياض وجهها,,!

كيف بترتاح وهي عايشه على ذكرى ماضي بشـع لحد الألم!

فكـرت..وتعبت من التفكيـر ونبش الجروح..وبالأخيرا استقرت على رأي بلحظة ضعف وضيـاع

"ليتها ماانخلقت بهالشكـل ,,ليتها ماانوجدت بهالدنيا من الأساس"

لاابو معافى..ولاأم تحن..ولا حتى حضن حاني يرحمها اذا جارّ عليها الزمن!

تشكي لمين!

وتحكي لمين!

وليش اساسا تتكلم..اللي راح صعب يرجع..واللي انسكر محال تصلحيه!

غمضت عيونها باالم..وبكت ضياع ووجع لحد مااختلطت دموعها بكحلها وساح بوجهها المرهق..

دخلت عليها ساره..وتفاجأت من شكلها..

ساره\عواااااااااشي..!وشفيك.!

رمت عايشه نفسها على ساره وهي ترتجف بين ايدينها..

عايشه\ابيهــا

ساره\تبين ايش؟؟!

عايشه\ابـي ابـــي امـــي..واشهقت وهي تنطقهـا..

ضمتها ساره اكثـر وماتوقعت عايشه تسأل عن امهـا ..توقعتها تنساها..يقسى قلبها عليها ومايحن..لكن عايشه فاجائتها وعورت قلبها..

عايشه\محتاجتها..مسحت دموعها بكتف ساره وكملت بكل الم..ليش ماتحبنــي..لييييش!انا مو بنتهــا..!انا مو قطعه منهـا,,؟

مسحت سره على شعرها وتنهدت\شقولك يابنت اخوي..يمكن هي انشغلت بحياتها!؟

ابتعدت بقسوه عن عمتها وصرخت بوجهها\16 سنه مشغوله عنــي..16 سنه وهي ماتدري عنـي..اي ام هذه ياساره..اي ام قولي لي!.!؟؟؟؟؟

سكتت ساره لأنها عاجزه عن الرد..

ناظرت بنت اخوها بحـزن فظيع,,وهي شاعره بمعناتها والمها ويمكن اكثر قسـأوه منها..

ساره\قولي الحمدلله..على الأقل انتي امك حيه وابوك حـي..اذا ضاقت بك الوسيعه وتتذكرين انهم بوجه الأرض تهون عليك مصيبتـك حتى لو هم منفصلين عن بعض!وسكتت فتـره وهي تحـس بالعبره تخنقها لكنها كملت وبكل اصرارا....لكن انا وش اقول يابنت اخوي..امي ماتت بعد ماولدتنــي..وابـوي تعبه المـرض ولحقهـا..

واذا انتي مره قلتي يمـه وانتي صغيـره..فاانا انااا ماعمري نطقتهـا وسمعت صوتها وهي تلبي ندائي..حتى شوفتها يابنت اخوي..انحرمت...انحرممممت من منهـا..

قربت عايشه من عمتها بكل ضعـف وهالمره هي اللي حضنتهـا..

وبكوا الثنتين والهم كان واحد..

وبعد فتــره..وهم قريبين من بعض وكل وحده تواسي الثانيه..صرخت عايشه بهستريا

عايشه\ياوييييييييييلي..

ساره\وشفيك!َ

عايشه\العرسسسسسسسسسسسس..

-----------































مدت شفايفهـا بملل وقـرف

ماتبيه..ماتبي هالروج الأورنج الفاقع اللي سايح بكل انوثه بشفايفها الصغيره..

تحس انها برتقاله متحركه هنـا وهناك..والجميع يضحك عليها ويناظرها بشماته..

ماعمرها توقعت تكون بهالشكل الغبي..واذا فكرت انها تكشخ..تجعد شعرها بالجل وتحدد عيونها بكحل شمعي..



لكن مكايجها اليوم كان مثل حرب داحس والغبراء.. مسحته ثلاث مرات..وحنان المسكينه هي اللي تكفلت بوضع المكياج بعد مازمجرت عليها اللبنانيه ورفضت تعمل لها مره ثانيه..

اما لبسها اللي عباره عن برمودا ذهبي حريري مع فستان قصير شيفون ممزوج بااصفر واخضر وزيتي واورنج مضايقها اكثـر ..و اللي مهون عليها شوي ومحسسها انه ستايلها ماتغير هو شعرها اللي رولته مصففة الشعر بصعوبه لأنه قصير بشكل غير معقول وثبتته برغوة بناء على طلب حنان اللي خافت من تهور فريد..

""

ضربت رجلها بالأرض بتمرد\والله اني ماحطه..لا تحاولين..لا تفكرين..ولا تتخيلين حتى..!

تعوذت حنان من إبليس ثلاث مرات..وحاولت تقنع فريد بأسلوب رقيق وهي ترفع من غرتهـا الحاجبه عينها اليمنى\حبي..حياتي..فديت قلبج على ئولتك..شيلي هالحلق اللي بإذنك..وجربي هاي..وبعد ماينتهي الزواج علي بيهم متل متحبي..حتى لو رميتيهم بالزباله,..اوكي..

عضت فريد شفايفها\وانتي وش عليك..ماابي ...كيفي انا حررررره..

حنان\شوبدك تعملي اكتر..مكياج ومسحتيه ومابقيتي غير روج بسيط..وكحل خفيف مايبان مع نظاراتك..والله كأنك رايحه عزيمة مو عرس..

صرخت بذهول فريد\كل هالحفلــه..وتقولي رايحه عزيمه..حمدي ربك إني للحين مامسحت هالروج المعفن..ورفعت حواجبها وكملت بسخرية.. خذي حلقك وعلقيه بغرفتك..أو حطيه بتصاميمك..ومشت لداخل القاعة تاركه حنان تفرك تشتم نفسها من القهر..

ظلت دقيقتين بنفس وقفتها..ايدها على خصرها ..والأيد الثانيه على جبينهـا المعرق..

وماحست بعايشه للي دخلت عليها الا لمن صـرخت بااذنها اليمنـى

عايشه\بوووووووو

خـل توازن حنان ويوم طاحت عينها اللي مالينه بالشدو الفوشي على عايشه صرخت\عواااااااااااااشي..شو عملتي بوشك..!

ابتسمت عايشه بقلق ونظرت شكلها بالمرايه اللي ماليه ارجاء دورة المياه\حادث بسيط..

قالت حنان بلا1 بنفسها وحولت تمسك عصابها..\مو معقول هيك..انتي طلعتي من المشغل ومابقى لك غير تلبسي فستانك..ليه مسحتي مكياجك..

عايشه شعرت كانها طفله صغيره مذنبه\توضيت لصلاة العشاء ونسيت اني حاطه مكياج..واضطريت امسحه واعمله من جديد..بس..هذه الحكايه..

حنان\يالله..انتي بتهويني..الهبله فريد..مسحتوا كله..ومابقت غير الروج..

ظحكت عيشه بذهول\صحيح..هههههههه شي متوقع اصلا..

حنان\ولله بموت قهر..

عايشه\طيب حنو..شعري من ورى عدل!

ضبطت حنان شعرها\ايوه..

رشت عايشه من عطرها..ودخلته بشنطتها الذهبيه\اوكي..يلله نروح..تأخرنا..

مشوا البنتين للقاعه..وكل وحده تنافس الثانيه بالجمال..

حنان كان فستانها طبقتين من الحرير والشيفون السمني..واساور فوشيه محاوطه معصمها ألأيمن..كان تدرج هاللونين جريئين وبنفس الوقت غريب..لكنها قدرت تسلب الأنظار بشكلها اللي ابهر الجميع..وشعرها الطويل..

اما عايشه كانت متألقه بالفستان الذهبي بكرستالات بنفس اللون..وبالرغم من بساطة مكياجها الا ان الشدو الذهبي اعطها رونق مميز..

حنان\شوفي هالهبله فريد!

عايشه\وينهـا !؟

حنان\هونيك..

درات عيون عايشه لمكان مااشرت عليه حنان وتفاجئت لمن حصلت فريد جالسه وبكل جرءاه على الستيج الممتلى بورود الزنبق الأبيض وتضحك مع وحده من معارفهم..

تعالت ضحكه من عايشه وهي مصدومه من جرأه فريد\والله هالبنت مافي مثلها اثنين..

حنان\امشي نروح لها..الغبيه..

تقدمت عايشه\يالله..

اتجهوا البنات لفريد اللي قامت من مكانها لمن ناظرت صديقاته وصافت وحده ومشت بدفاشتها المعتاده..وصفرت لمن ناظرت اقتربت من عايشه

فريد\فديييييييييييييت الذهبي والله..

احمر وجه عايشه على هالأطراء\شكرا..انتي كمان..ياحلو الأورنج عليك..

ضربت فريد ايد باايد\ايه..هين..

حنان\بدي افهم..شو جلسك على الستيج..

فريد \وانتي شعليك..كيفي..

حنان تفشلت\كولي عسل..

فريد ارفعت صابعها السبابه بوجه حنان\بلاش سرقه..لو سمحتي..

عايشه\طلعتوا..لـ لولو..

فريد\ايه...توني جايه من عندها..تتصور من زوجها!

حنان\والله..

فريد\الخبله..من عرفت انها سامي بيدخل وهي فاتحه فمها..بنت خالتي انهبلت.!

عايشه\سبحان مغير الأحوال..توقعت سامي مايشدها لهدرجه.؟

صرخت فريد لمن سمعت اغنية نانسي \ليش للحين ماتغني هالمطربه..لـ سيلين ديون..و كرستينا ارجليلا..و برتني سبيرز..؟

عايشه\من صجك انتي!؟

نطت حنان من الحماس \بدي ارقص..بدي ارقص..تعالوا معي..

فريد\اسفه حبيبتي..مااعرف ارقص مع هالأغاني البايخه....!

حنان\عواشي..اتركيها لحالها..تعالي معي!

عايشه كان طبعها خجول وخصوص بامور الرقص \توني جايه..وبطلع شوي للعروس..

حنان\ماااااااااالت عليكن..تصطفلوا..

مشت حنان للستيج وهي تسرع من خطواتها..وصوت الأغاني يطرب مسامعها..

ام البنات اتجهوا للعروس بغرفتها بعد ماتأكدوا من امها انه سامي خرج لقاعة الرجال..وقابلو سندس اللي لابسه فستان احمر جريء وكان فاصخ اكثرمن انها ساتر

وبتلقائيه وبدون شعور فريد لمست فستانها وهي تفكر لو مصعب قارن بينهم بتكون اكيد سندس الأجمـل وألنعم وألكثر انوثه..ماتت قهر وهي تتخيل الوضع.. وتخطت سندس بدفشاتها المعهوده وماحست بنظرة الأعجاب اللي رسمتها سندس لها..

واول مادخلو الغرفه البنتين اتجهت عيونهم للبياض اللي جالس بميلان على الزاويه والفلاش الأبيض يتصوب عليه ويغمرها نور..ويصور بعض من تقاسيم جمالها..

اندهشت عايشه من جمال لولو وماتوقعت يكون شكلها بهالصوره المذهله..الأبيض زادها جمـال فوق جمالها..والطرحه المطرزه بنقوش ذهبيه وبيضاء اعطتها هيبه وبالرغم من عري فستانه الشديد لكنه لابق عليها وبشده..فكرت بسامي لوهله..اكيد فتنته لولو وبكل قوه..

..وبتلقائيه رمشت بعيونها..ونطقت بصوت عالي\ماشاء الله..

التفت لولو لمكان الصوت وطاحت عينها على صديقاتها اللي كنت محتاجتهم من اول ماخرج سامي من الغرفه..هتفت بصوت عالي..ونست المصوره اللي تلتقط صور عديدة لها\عواااااااشي..فريييييييييييييد..

ضحكت فريد وتقدمت مع عايشه اللي ماكترثت بالمصوره وقربت من لولو وضمتها فتـره طويـله وهي تغمرها الفرحه لأجلها

\مبرررررروك..ياقمر..الف مبروك..

لولو\الله يبارك فيك..وينك انتي.تأخرتي!

ابتعدت عايشه بخفه لكنها ظلت ماسكه ايد صديقتها بحنان\معليش..السموحه هالمره..!

تأففت المصوره الفلبينيه بصوت سمعته فريد\عواشي..وخري..بتذبحنا هالغبيه..

التفت عواشي للمصوره وابتسمت بخجل لها..وابتعدت شوي..

ورجعت تاخذ صوره عديده لـ لولو..بااماكن مختلفه وجريئه بعض الشيء..

اما لولو ماقدرت تمسك نفسها عن الكلام لمن سألت فريد عن سامي..

لولو\لاتذكريني فريد..وبهمس وفكر شارد كملت..مدري وشفيني.!احس انه عقلي يطير اذا ناظرت عيونه,,

فريد بشماته جريئه\..وين اللي عهد بـ اقسام وحلوف وين اللي يقول..وقلدت شكلها ورفعة انفها لفوق..انا مستحيل احب..!شكل السحر يابنت خالتي انقلب على الساحر وبدال مايحبك..انتي حبتيه!

لولو اخذتها الحميه فجأه وقالت بكل كبرياء وهي رافعه انفها البرونزي\وانتي مفكره اني احبه..!ياقلبي انا بس مذهوله فيه..و يمكن تقدرين تقولين اني ماتوقعته يطلع بهالصوره...وبعدين مو من جماله عشان احبه..!مافي غير طوله للي اعجبني بس.

عايشه\بسسسسسسسسس!؟

لولو بكل دلع\بس.!

فريد\نشوف!

ضاقت ملامح لولو وهي تعيد ذاكرتها للخلف\تدرون انه ماصور غير صورتين معي!

فريد\والله..!

لولو بقهر مكبوت ردت وهي تزم شفايفها الملونه بالأحمر القاني\ولله..

عايشه\ليش طيب!؟

تخيلت لولو ملامح سامي وكأنه واقف بكل هيبته امامها\شكله ..وارخت جفونها بقل حيله واستغراب..مستحي..ّ

فريد حست انه الجلسه مطوله فااخذت كرسي عريض المقعد وارخت جسدها المتكسر\وش دراك انتي!

لولو\سندس تقول..اخوي حيوي..ومايحب يصور هالصور الجريئه..

فريد بصوت عالي ردت\منك يالهبله..اكيد قلتي له كلمات مشفره..اوسبلتي بعيونك كأنك قطوه مع هالرموش.!

لولو احمر وجهها والتفت لفريد بنفس لحظة التقاط المصوره صوره مفاجأه \يالدبــه..لاتحاولين تغيظيني..وعلى فكره انا الوحيده للي بدخل بالزفه..

فريد\وبعد!!!!!!!

لولو\و مهم..عشان تخلى لي الساحه وتكون الأنظار متصوبه لي فقط....واذا كان سامي متكبر وغريب الأطوار ..بيعرف منوا لولو..وكملت بكل عزيمه واصرار مجنون..والأيام بتثبت له.,,

عايشه\ناويه على حرب..!

لولو ابتسمت بمكر\ومو أي حرب..حرب انا لولو..لولو انا..

دخلت هاللحظه حنان وتغير الموضوع جذريا وطلبت لولو من صديقاتها تاخذ صوره جماعيه معهم للذكرى..وكل وحده منهم بتكوت معها نسخه..



ومـرت ساعتين والأجواء كل مالها وتكون اجمـل..لمن حانت زفة لولو اللي كانت بموسيقـى كلاسيكـه تناغمت مع مشيتها الواثقه والثابته..والأضاءات متصوبه عليها من جميع النواحي..وورود الزنبق الأبيض مصفوفه على طول مسار الستيج وتفوح بعبيرها وكاميرات الفيديو تتقدمهـا وتلتقط جميع حركاتها

لمن وصلت لنهاية الستيج والتفت للمعازيـم بوجه مبتسم ومشرق ..وبشكل تنظيمي اشتعلت انوار القاعه من بداية لباب الرئيسي لنهاية مكان لولو وتغيـرت الأغنيه لموسيقى سريعـة اللحن

وفريده وعايشه وحنوا واقفين بقرب بعض ويتأملون لولو بكل حنين وحب

جزء منهم بيفارقهم الليله..جزء كبيـر وله مكان عظيمه بقلوبهم العذريه..

كيف يتكيفون مع هالوضع اللي ماتوقعوا سرعتـه

معقوله بيمر باكر وماراح تدخل عليهم لولو وهي مبتسمه لأنه قدرت تهرب من فصلهـا.!

معقوله بيمر باكر..وبيرجعون لمكانهم المعتاد خلف المدرسه وكرسي لولو بيكون خالي..

معقوله بيقولون بلا 1 و2 و3..والرابعه بتكون بعيده كل البعد عنهم..

معقوله محد بيتدلع عليهم بعد اليوم.. محد بيقرف من عدم نظافه المكان..ومحد بيحرضهم على وضع الكحل والروج..

ليش توهم يحسون بغيابها...!ليش هاللحظه يتألمون وهم عارفين انها بتبدي حياه جديده هي تمنتها وطمحت لأجل توصلها..!

العبره اختنقت ووصلت للمحاجر والدموع اختلطت بشوق وحنين..والقلوب تدعـي بتوفيق وسعادة لولو الأبديه مع سامي اللي لازالوا جاهلين شخصيته..لكنهم متفائلين خير..

تقدموا البنات لصديقتهم الغاليه وكل وحده منهم اخذت قدر كافي وهي تحضنها وتعبـر لها عن مدى اشتياقها لها..

فريد ضربتها بكتفها وهي تمسح دمعه خانتها والمتها..

اما عواشي همست باذنها بكلمتين كان لها الأثر الكبير بنفس لولو "وصيت قلبي عليك"

اما حنوا ظلت ثواني تتأملها..وخانها لسانها وماقدرت غير تضمها من جديد وتبكـي معها..



انتهت زفة لولو وطوت صفحة حب عنوانها صداقه بريئه..وابتدت صفحه جديده مع سامي اللي بتكون بدايتها سفره طويله بلندن

----------------------

























علبة المنديـل باقي منها القليل من المحارم وتفضى ..وبكائها متواصل ولايمكن ينتهـي..

هذا حال حنان من اول دخلت غرفة نومها اللي شهدت الليله على حزنها القاتل

ضلت تبكي بصمت واحساس الوحده يوجعها وبوحشه مفرطه لحد الألم..

المسأله تعدت غيـاب لولو اللي بيضـل ايام وبترجـع..المسأله وصلت لفقدان شي كبير بداخلهـا يرهقها ويلزمها البكـاء..

طـول هالشهرين اللي مروا كانت منشغله بتجهيزات لولو وتصميمها لفساتين صديقاتها..حتى الزفه هي اللي عملتها بريمكس ولا اجمـل..

كانت تشتغـل بلا ملل وبكل طاقه مكنونه..

وبهاللحظه توهـا تستشعر انه اللي شتغلت لأجلها سافرت والله العالم متى بتشوفهـا!؟

طرى على بالها الشات وخصوصا سوس اللي من هذاك الموقف وهي متناسيه موضوعه..!

ويمكن انشغالها بالأمتحانات ثم التجهيز هو اللي حدها من دخول الشات..

مو عارفه وش السبب..لكن اللي تعـرفه اللحين انها وصلت لأقصى حالات الشجـن..

وماكان حال حنان افضـل من عواشي اللي غفت ورجعت لها الكوابيس من جديد وعيا يجيها النوم..

ولا كان حال عواشي افضل من فريد اللي اضطرت تركب بسيارة مصعب اللي كان هاجسها ليل ونهـار وظغطت على نفسها وحاولت تكتم أنفاسها وغيظها لكن كل محاولاتها راحت عبـث وكل حزنها على فراق لولو زاد اضعاف واضعاف من سمعت حوار مصعب القاتل..

مصعب\اقول خاله..ماعجبتك بنت من اللي شفتيهم اليوم..

كان حديث مصعب مثل الشهد على فؤاد خالته بالرغم من استنكارها من سؤاله الغريب\والله ياولدي لو اعدد لك البنات..ماراح خلص..كل وحده احلى من الثانيه..

رفع عينه للمرايه لمكان مقعد فريد اللي راكبه بنهاية الفورد اكسبلولر وابتسم بمكر\يعني في وحده تصلح لي ..وغمز بعينه لفريد اللي من لاحظت حركته رمت علبة منديل بدون شعور وتصوبت على بدور اللي كانت اقرب وحده لمصعب

بدور\وعمــــــــــــــــــى..

افلتت ضحكه من شفاة مصعب لأنه كان يتأمل كل حركه تصدرها فريده..

فريد\عمى يعميك..ويعمي اللي يضحكــون وياك..

بغمرة ضحكته رد مصعب\عمتي..شوفي بنتك هي اللي تبدأ...

هيا ماكانت معطيه الموضوع اهتمام لأنها متعوده على مواقفهم البايخه

هيا\تموتون..تحيون..انا رافعه الرايه البيضاء..

زفرت فريده بعمق لدرجة انه نقابها ارتفع من الهواء اللي زفرته بحراره\يمـه تكفين ..لاتربطيني وياه.

لف مصعب بالدريكسون على شارع حارة خالته\يحصلك يالغبيه انه اسمي يقترن وشد على كلمته وهي يقول ..بااسمك..

ذاب قلب فريده وهي تسمع كلامه اللي مثل الماء الضامي على جسدها. حاولت تبين عدم مبالاتها وقدرت بقولها الخشن ونبرتها العاليه \ويـــــــه بسم الله علــي..الله لايقوله..

ناظرها مصعب بالمرايه بنظره تحمل الاف المعاني,,والتزم السكوت.. ودقايق معدوده ووصلوا البيت..



اخر مقعد كانت فيه فريد فااستغل مصعب الفرصه ورجع كلمها اثناء ماتنزل..

ناظر امامه وهو يلعب بمفتاح سيارته\متاكده انه كلامي مايعني لك أي شـي..



انشلت فريد بحركتها وحطت كل قوتها بأيدها اللي كانت متمسكه بالمقعد الأمامي..التفت له وحاولت تشوف الصدق بعيونه مثل ماشعرت بالصدق بكلماته..لكنها ماشافت غير ظهره اللي اخفى تعابير وجهه..

وبهالثواني البسيطه استوعبت فريد انها لازالت واقفه بمكانها..ناظرت السماء اللي زينها القمره بنورها وسحرها وداست على قلبها وطلعت من السياره ..واغلقت الباب بكل قوتها وكأنها تمحي أخر جسر للتواصل بينها وبين مصعب ..

المته بصدها ...المته بسكوتها..لكنها حاولت تذوقه نفس العلقم اللي ذاقته منه..

دخلت غرفتها بسرعه..وبكـت..بكت على نفسها وعلى مصعب..مصعب اللي أعلنت عليه حبها بليله شبيه بهالليله القمريه,,

شعرت بااحساسيس مختلطه وبنفس الوقت متناقضه..

ضباب من الفرحه..على شجن مشروخ..

فرحت لانها صدته..وحزنت لأنها متألمه عليه..

وش حلّ هالألم المدفون..وش حلّ هالفرحه اللي خانتها!؟

كيف بتقابله بكره..وكيف بتحط عينها بعيونه..بترجع ترد لها الكلمه بعشره..!

وبتشتمه بدخلته وخرجته..!



بيصدها مثل ماصدته!

بيعلن عليها الحرب من جديد!

والا بيكابر وبيتمادى بتعذيبهـا..!

والا بيرجـع..لمصعب..

مصعب اللي كان صغيـر وسلمها عهد صانته وحفظته بداخلها..!

"طويــل ليلك يافريـد.!"

---------------


هناك بعنوان السحر والجذابيه..والبقعه التي رسمت وكنيت بالضباب
باآحدى الكوفيهات الهادئه
ورائحة القهوه تعب المكان و تتناغم مع موسيقى هادئه ..بجدران بلون شوكلاته ذائبه تبث في نفوس الزبائن السكينه والراحه
بزاويه معينه على طاوله خشبيه مصفوفه عليها كوبين من قهوة البندق وصحـن زجاجي مليء بااصناف الدونات الطازج
كانت لولو تفطر بهدوء وعينها على سامي المنهمك بقراءة جريدة الصباح
لولو\ماودك تفطـر..!
طوى سامي الجريده وقابل لولو باابتسامه حنونه
سامي\مالي رغبه حاليا..واشر على كوبه..تكفيني هالقهوه..
بادلته الأبتسامه وهي شاعره بااحراج بالغ..صعب انها تأكل براحه..وهو على لحم بطنه من امس..
ودهـا..تكمل قطعة الدونات اللي بصحنهـا..ولأول مره تحس انه استعمال الشوكه والسكينه يحسسها بالجوع اكثـر..
بلعت ريقهـا..وعيونها تناظر صحن الدونات المليء بجميع الأصناف..واهمها الشوكلاته اللي ماخذه الأعجاب الأكبر لنفسها الشهيه..
نزلت الشوكه بقهـر..وسحبت منديل بوسطه علامة الكوفي المميزه..
سامي\شكلي نقلت العدوه لك..
لولو باابتسامه مجامله\لابالعكس..شبعت..الحمدلله..
تأملت سامي بشكل جريء اثناء انشغاله بدفع الحساب..
اكثر شي يشدها هو طوله الفارغ وعيونه الرحيمه..
كان جسمه يميل للضعف لولا وجود العضلات اللي تخللت اكتافه وبالرغم من لبسه الرسمي اللي كان عباره عن كرفته رماديه تزين بلوزته البيضاء وبنطلونه الرمادي الداكن..
جالت عيونها حول نفسها وحست بالكره الشديد لجسمها وقصرها الغير طبيعي ..وبالرغم من ثخانتها الا ان اطرافها صغيـره بشكل ملحوظ..وخصوصا ايدينها وارجلها..
وهالشي ماعابها ابدا..بل زادها جمـال وانوثه..
سامي\نمشي..!
لولو\اوكـي..
عدلت نقابها وطلعوا يتشمون بطرق لندن..
تذكرت موقف سامي لمن طلب منها لبس النقاب,,
في البدايه انصدمت منه..وناقشته بسلاح الدلع والكلام المعسول..لكن اللي تفاجأت منه اصرار سامي على رأيه ومعارضته الشديده في فتح الموضوع مره ثانيــه..
توقعته فري لأنه عارفه انه بنات عايلته من اصغرهم لأكبرهم مايلتزمون بالحجاب,,وخصوصا انه من طبقه مخمليه ومتفتحه..لكن تصرفاته كل مالها وتفاجأها..
وتأكدت هاللحظه انه سامي غير عن الكل..كون له عالم خاص لوحده.. ويبيله قلب جامد لأجل تغير البعض من انطباعاته..
لكن متى!وكيف!وشلون!.هذا اللي ماتعرفه..!؟
سامي شخصيته قويه بالرغم من حنانه وطيبته اللي اكتشفته خلال هاليومين
توقعت شي ثانـي بزواجها منه..لكن تصرفات سامي كل مالها وتثير غراباتهـا..وكانه شخـص من عالم اخر وغرب عن مجتمع اهله..حتى لبسه كان بسيط بالرغم من اناقته المذهله..وتواضعه الملحوظ على كثـر الأموال والأراضي اللي يتكلها..
تخـاف انه يغير من شخصيتها..بدال هي ماتغيره..!
والأرجح بالتغيير واضح انه من ناحيتها..
صحت من افكارها على ايد سامي اللي تشد ذراعها
سامي\وين الحلو سرحان..!
في خصله مميزه بسامي..وصعب انها تنكرها..
بشاشة وجهه..وابتسامته المرسومه دوم على شفاته..
كل ماناظرت هالأبتسامه..تشعر انه العالم خالي من الكراهيه والحسد..حتى قلبها الغيور والمحب لملذات العالم ينبع طهاره وسلام بنظره منه..
سامي\هههه سرحتي من جديد..!؟
نعست عيونها بخجل
لولو\سامــي..
سامي\سامي..سامي..سامي..سكنت خطواته وقال...كيف تنطقينهــا.!؟
شعرت بعروق خدهـا تنبـض بقـوه..ولأجل تخفف من نبضه..تخطت سامي وهي تقول\تحب تحرجنـي..
تقدم معها ولازالت ابتسامته مرسومه\ليش!..مو من حقــي..!؟
لولو\....
كمل سامي وهو مستمتع بااحرجها\كل هذا خجــل..!؟
ارتفعت نبرة صوتها لمن شعرت بالحراره اللي اعتلت وجهها بالرغم من برودة الجو\سااااااامي..
رجع يشد ذراعها باايدها \خلاص ..بسكت خمس دقايق..
رجعت لولو لدلعها المعتاد\بالله كثرت..!؟

سكت سامي وواضح من ملامح وجهه انه يفكـر وهو ينـاظر حوله
لولو\وش تفكر فيه.!؟
سامي التفت لها\اذا قلتي لي وش كنتي تفكرين فيه من شوي بقولك..!؟
لولو\ياسلام..!
سامي\مو من حقي..!
لولو\رجعنا مره ثانيه لنفس الموال....!..اوكي بقولك..
سامي بهجه حنونه\قولـي يااميرتي..
لولو ناظرته بعيون واسعه ونبرتها اصبحت هامسه \انا اميرتك
اوما برأسه..وتمنى لو تكشف وجهها ويلاحظ الحمره اللي اعتلتها..
ظلوا فتره ساكتين واياديهم متشابكه..ولولو هالمره قطعت الصمت بجراءه..
لولو\اممممم..تصدق مو عارفه و ش اقولك..احس عقلي متلخبط..وبالتشويش اللي لعب عقلها قالت..سامي..انا كنت افكـر فيـك..بس بليز لاتسألني اكثـر..لأني فاقده الجواب حاليا..
سامي تأملها وهو مصدوم\الأحساس نفسـه..انا كنت برضوا افكـر فيك..
لولو\صدق ههههههه..
سامي\القلوب مالت وقربت من بعضـها..
ابتسمت له بحنان..وهي اللي مافكرت بيوم ترد لشخص هالأبتسامه..
غيرها سامي بظرف يومين..
كل تخطيطاتها في اغواءه فشلت..لأنها اصبحت تمشي على اللي يمليه عليه قلبهـا,
كل شي جاء فجأه مثل ماوافقت عليه فجأه وتزوجته فجأه..
مشت معاه وهي مو عارفه وش بيحصل لها باكر..
بتكمـل حياتها معاه بهالطريقه العفويه والمريحه,,
والا بترجع لولو صاحبة الطمـوح المجنون..!
سامي ماعاد سامي الشايب ولد الفلوس..طلع بصورته الحقيقه بان تواضعه بالمواقف البسيطه اللي جمعتهم مع بعـض..
----------





















شهادة..مستقبـل..طمـوح..وظيفة..زوجه ..طفـل..!
امنيـات عديده تمناها بقلب داعي ومؤمن
حلم يراوده ليل ونهـار..يطمح لوصوله..يجاهد للأقتراب منه.. ..لكن لكل حلم مشوار طويـل ومتعثـر لغاية الملل..صعب شاق,,بعيــد ويتطلب الصبـر
فكر لوهلة..بوظيفه راقيه تحسن من مستواه ألأجتماعي..بزوجه حبيبه تمناها منذ الصغـر..ببيت متواضع يضم اطفاله ..يربيهم كتربية ابيه,,يعلمهم حب الله..والقرب منه..
هل الحلم صعب المنـال!
اكيد من حقه يحلـم..لكن ليس اجمـل من تحقيق الأحلام!؟
::
وقف على رجـوله وهو يتأمـل بكل اهتمام رجـل متوسط العمر داخل المحـل وشاد باايده اليمنـى زوجته بكل موده ويجرّ طفله بعربه كحلية اللون
ابتسم على هالمشهـد..وشعـر بحميمه اشعلت حواسه ..وارخت عيونه الحنونه..
تمنـى بينه وبين نفسـه امنيه ماسمعها غير اللي خالقه..
تقدم للرجل يعـرض خدماته بكل ادب واحترام,,
انهلت عليه مشاعر جياشه وهو يتأمل الرجل يبتسم لزوجته ويختار لها على ذوقه بكل موده وسعـة صـدر..
غبطهم بحالميـه..وهو متفاجأ من نفسه..اي مشـاعر اغمرته هاللحظه!وليه هالوقت بالذات!؟
حاسبهم بشكل سريع ولازالت الأبتسامه الحالمه مرسومه على شفاته لمن انتهى دوامه..
وطـول الطـريق والأفكار تداهمه وهو يتذكر الموقف اللي حصل له والمشاعر اللي اسكنته بكل قوه وكأنه هو ناقص اثارت هالمشاهر بهالوقت الحرج!
وصل البيت وقابل اخته
لمياء\عساها دووووم.!
دخل خالد مفتاح سيارته بحيبه\وش هي؟
لمياء\هالأبتسامه..!
ضحك خالد ضحكه بسيطه وهو يحس بنشوة غريبه\وياك..اين البقيه!؟
غيرت لمياء المحطات وردت على سؤاله\بيت عمتي..وابوي نام بعد ماحطيت له العشاء....احط لك عشاء!
استرخى خالد بجلسته اكثر بعد فصخ جزمته والكرفته السوداء \مالي نفــس..ابي انام بس..
لمياء\انا اللي عرضت لك خدماتي وانت رفضت..اذا جاء بكره وامي هزئتني بقول انت اللي رفضت اوكي..
خالد غمض عيونه وداهمه النوم\اوكــي
لمياء\اقولك..قوم نام بغرفتك..
خالد بصـوت هامس \مالي خلق..نفسي اتمدد هنا..
لمياء\من بعد الغرفه يعني؟!
خالد\بعيده..قريبه..ابي انـام..تصدقين لمياء اليوم حصـل لي موقف هيض مشاعري!
اعتدلت لمياء بجلستها بكل اهتمام لأنها عارفه مدى رقة مشاعر اخوها\ايوه..الرومانسي اخوي بدأ يشعر
عبس خالد وجهه\تتريقين مع ذالوجه!
لمياء بكل خشونه ردت\وش اسوي فيك..انت شاعري بزياده..
خالد\وانتي دفشه بزياده..تدرين وش المشكله...!!.المشكله انه مافي احد افضفض له غيرك!؟
لمياء\احم احم..عشان تعرف اهميه اختك..
خالد\خليني اكمـل..
عـرض خالد لها الموقف بكل تفاصيله وهو مستمتع بحديثه..وكأنه يتمنى فعلا يكـون بدال هالرجل اللي واضح من ملامح وجهه الراحه والسعاده.
خالد\والمشكله بذيك اللحظة انا كنت افكر بمستقبلي..دراستي اللي اتمنى اكملها..وزوجه ابيها تملى علي دنيتي..
لمياء تألمت لحال اخوها لكن بنفس الوقت هي عارفه انه اخوها قد هالطموح اللي باذن الله بيوصل له
لمياء بكل حرارة قالت\يارب ياخالد ياولد امي وابوي..تتحقق كل امانيك..
----------------














مرّ الأربعاء والخميس والجمعه وهي بـ كآبه مالها مثيـل ..كل الأمور تحسها واقفه ضدهـا..والهموم ماخذه النصيب الأكبر في حزنهـا..
وابوهـا كمـل عليها الناقـص يوم سمعها تتناقش مع امها باأمر بيحدد مصيرها ومستقبلهـا..
ابو حنان\شو جامعه انتي التانيه..يعني مابتعرفي انك اجنبيه بهالبلد..!
حنان\يعنـي شوا..مافيني اكمل دراستي هون..!؟؟
ام حنان ماهان عليها تشوف بنتها تذبل امامها وهي عارفه مدى تعلقها بالتخصص اللي لها سنين وهي تحمل فيه\بلا..بتقدر تكمليها..
وضع ابوها السماعه على اذنه وقال بملل عشان ينهي الموضوع\لا..مابتقدري..
وضعت كل قوتها على ايدها المتمسكه بمخده الكنبه\معناها اني مو مهم احصل على نسبه عاليه!؟
ابو حنان\النسبه مو الي..اليك..الا اذا بدك تسافري لعند عمك بالأردن وتكملي دراستك هدا شي تاني..
سكت ابوها لمن سمع صوت صديقه على الخط..
وحنان طلعت لغرفتها منهاره..وامها تناديها وهي مو قادره تلبي ندائها..
حنان اليوم كان موتهـا ومحد حاس بالسم اللي تذوقته من ابوها
اتصلت على عايشه بدون تفكير..واول ماسمعت صوتها بكـت بهستريا
صابها الخوف عايشه وهي تسمع صديقتها تبكـي بجنون..ظلت تنادها بااسمها لكن حنان عاجزه انه توقف بكي..
عايشه\مو معقوله..حنوا..بتذبحيني..قولي.وش فيك..!؟
حنان كانت مستلمه للبكـي..وكلمات ابوها تتردد بمسامعها بكل قسوه
ومن عظـم نحيبها المؤلم ارغمت عايشه تبكي معها وهي جاهله السبب..
وبعد فتره تكلمت حنان لمن سمعت صوت صديقتها كيف تبكي لأجلها وهي متـاثره لحالها..
حنان\علميني..شو اللي لازم اعمله..بابا اليوم قتلني بدون مايشعر..بابا اليوم..قتل طموحي اللي تمنيتوا وانا لسه ماوصلت له..عواشي..انا حزينه كتير..حزينه على حالي..
عايشه بعقلانيه تكلمت\ممكن تهدين اللحين..وتقولين لي..ليش ماتبغين تسافرين لعند عمك..!؟
انهارت حنان بوجه عايشه وصرخت بقهر\شلون تقولين هالحكي وانتي عارفه نوع علاقتي بعمي وزجته وبناته..ها غير الغربه اللي بحس فيها وانا بعيده عن اهلي..يكفي اني متغربه عن بلدي..بدك ايان اتغرب كمان عن اهلي..مو معقول اللي يصير لي ..مو معقول..حسي فيني ارجوكي..
عايشه\والله اني حاسه فيك..لكن انا اعطيك حلول ممكن تخفف عن المك شوي..وبعدين ياحبيبتي بقولك كلمه ولازم تفهينها زين..اللي يبغى يواصل طموحه لازم يسعى بنفسه..وحتى لو قدم تضحيات..مو كل شي بالدنيا بيجيك على طبق من ذهب..حنا لازم نضحي عشان نوصل لمرادنا..صح والا لا..!؟
حنان\صح..بس انا وضعي غيــر..كيف تبيني افارق اهلي وافارقكم..صدقيني انا مو قد هالمسؤليه..قلبي رهيف وممكن من اول موقف سلبي اتراجع لورى..عايشه صعب اللي تقولونه..صعب علي..يكفي اني قدرت اتأقلم بحياتي هون واكون لي صحبه حلوه متلكم..كيف بقدر بالأردن وانا بغربه..انا اصلا اذا سافرنا لعمي اعد الأيام عشان ارجع السعوديه...صعبه..والله صعبه..
عايشه\راسك يابس..لكني ماارح اخليك توقفين عن طموحك..انتي اكثر وحده فينا تتمنين تتخرجين اليوم قبل بكره ..مستحيل اخليك تفرطين بأحلامك بسهوله..مستحيييل
مسحت حنان دموعها اللي انهلت من جديد وتمددت على السرير وهي تناظر كراسة لاسمها اللي زادتها الم ووجع\خلاص ياعايشه..انقتل طموحي اليـوم
-------------------














اخذت الحبوب منه..وبدال ماترميها على الحمام رمتها خلفها من كثر حماسها..
ضحك عليها لمن سالت دموعه..وهي كشرت ومدت شفايفها,,
ماهان عليه يشوفها بهالصوره,,فااعطاها شوبة حبوب ورفع ايدهـا لفوق لأجل توازي طوله وسم بااسم الله وحثها على التسميه..وثواني والحبات تناثرت بالأرض والحمامات تحوم حولهم بشكل اثيري ورائع..
حست بالخـوف وبدون شعور تشبصت بذراعه وهو شدها له اكثر ومشوا تاركين الحمام يتلذذون بغذائهم..
لولو\تدري..انا بالمدرسه كنت اقرف من الحمام واخاف منهم..لكني انبسط لمن اشوفهم من بعيد.بس انت اليوم خليتني احبهم..
سامي\والله..شي طيب..همس بااذنها ..جوعانه..!
لولو كانت ميته جوع لأنهم قضوا نهارهم كله بالمجمعات لكنها لازالت تخجل من الأكل امامه\هههههه شوي..
سامي\طيب وش رأيك اذوقك سندويشات..تاكلي اصابعك وراهـا..هي قريبه من هالشارع..
لولو استنكرت كلامه لكنها مابينت استنكارها\يعني مو راكبين السياره..؟
طلع تلفونه من جيبه \لا بنمشي..وبخلي السواق يرجع الأكياس الفندق..لكن اذا تعبت مشي نركب السياره..ولو انه بالشاراع الثاني
لولو\لا مو مشكله نمشـي مدام هو قريب..
كلم سامي سائقه الخاص وطلب منه يرجع الفندق ..وكلها كم خطوه ووصلوا المطعم المطلوب
انفجعت لولو لمن شافت المطعم لأنه كان اقرب بالكوشك البسيط وحوله طاولات تعج بالزبائن..
حثها سامي على المشي وهو يشدها بنعومه من ايدهـا..
طلب سامي السندويشات مع عصير جوافه وببسي ..وجلسوا بااحدى الطاولات الخاليه,,
فتح سامي سندويشته بشهيه..ومضغ لقمه بتلذذ
ولمن رفع عينه لـ لولو لاحظها مامست اكلها وظلت تناظره..
سامي\كولي..صدقيني بيعجبك..
لولو لاعت كبدها\ احس انه هالأكل مو نظيـف,,
ابتسم سامي وهو ياكل\لولو خذيها قاعده أي اكل من بره لازم يدخل فيه شي من عدم النظافه بس هذا اظمن لك انه نظيف.
لولو\... بس امممم..مافي شوكه وسكين.
ابتسم سامي بودّ\حتى هذه بتحطين فيها شوكه وسكينه..اصلا ماتحسين بلذة ألأكل الا باايدك....
مسك سندويشتها وفتحها..وفتح معها علبة الببسي ومده لها..
وبتردد اخذت السندويشه واكلت قطعه بسيطه وهي مغمضه عيونها
وهالقطعه البسيطه تحولت لقطعه أكبر وهالمره فتحت عيونها متلذذه بالصلصه اللي انحطت فوق الدجاج المشوي..وشوي شوي..بدت تأكل وتشرب وواضح انه السندويشه عجبتها..
سامي\مو قلت لك..!؟
لولو\حلوه..شوي..
سامي رفع حاجبه وعرف انها تكابر\صحيح..!
كملوا اكلهم وهم يحكون بمواضيع متنوعـه..وحتى الحديث اللي كان من الأمور الممنوعه عند موعد اكل لولو غيره سامي..واصبح احلى الحديث عند الأكل..
لولو\شكلك تحب الجوافه مره..!؟
سامي\شفتي هالجوافه اللي ماتحبينها..بيجي يوم..وبتسوينها لي..!
لولو ترددت تنطق\بس انا مااعرف اطبخ..
سامي\مافي احد انولد وهو يعرف كل شي..
لولو رفعت حاجبها بقهر لأنها تكره الطبخ\شكلك بتغصبني..!
سامي\مافي شي عندي يجي بالغصب..هذه سياسه يااميرتــي.
لولو ناظرته بعمق\تخوف ياسامي..
سامي\ههههههه حرام عليك,,والله اني رحيم..تبين نرجع الفندق..والا نكمل شوبينغ..
لولو\لا ابي ارجع ..فيني نوووم..
سامي\اذا على كذا..مافي رجعه..بسك نوم
لولو بدلع\الا النوم..مقدر استنغنى عنه..ولاتقول انك بتغريني في هذه بعد..!
سامي باابتسامه ماكره\اللي يخليك تمتنعين عن الشوكه والسكينه..يخليك تنسين النوم معي..
لولو\كنت مغصوبه اليوم..لكن مره ثانيه صعب انك ترغمني..
مسك سامي ايدهـا وشبكها باايده وهو يناظر عيونها الكحيله\نشــوف..
كرهت ثقته العمياء..وتأكدت انه حتى هو لاحظ تغيرها الغريب وكأنه يعرفها من زمان ومو كأنه مضى على زواجهم اربع ايام؟؟
وعلى كثـر حديثهم ونقاشتهم وارائهم المختلفه لكن ولا شخص منهم تجرأ يفتح سبب هالزواج الغريب
وهذا الشي اكد للطرفين انه هناك حلقه فارغه وواضحه..
ومتى بتتوضح هالحلقه..هذا اللي بنعرفه بحياة هالشخصين المتناقضين..
---------------





انقلب السحر على الساحر وواضح انه لولو في تغيير ملحوظ..هل فعلا بتم الأوضاع على هالحال العاطفي والهادئء؟

فريد بتتغير علاقتها مع مصعب..!

حنان بتسافر تكمل دراستها!؟؟

عايشه هل امها لها علاقه بماضيها المجهول!.


خالد
سامي
مصعب
طيور حلقت..وطيور لازالت بااعشائها تنتظر التحليق..!
تابعوني ولاتملوا من ألأنتظـار
اختكم
كـ \وصيت قلبي عليك

الجزء السادس
جروح غائرة
--------------










حيـره غريبة تسكن فؤادها وهي بقمة خجلها..!؟
"خجولة"..هالكلمه كانت ممسوحة من قاموسهـا..لكنها تثبت وبكل معانيها من اول مادخلت عالمه..عالمه الأبيض..!؟
هل فعلا هي المفروض تتقدم بالخطوه الأولى ..او هو..!؟
انتظرته يوم..يومين..وثلاثة..وهذه الليلة الرابعـه انكتبت لهم..ولا واحد منهم بادر بنظره..!
هل هي تصنف من فئة الجريئات اذا بادرت بأسلوبها السحري ومقوماتها الأنثوية..!؟
وليه التفكيـر..!اللي يحصـل شي طبيعي وفطـري..!
هذا اللي توصلت له لولو وهي تناظر نفسها نظره أخيره بالمرايه بعد انعشت نفسها بماء دافي برغوة التوت البري بعد يوم مرهق كان بأضخم مولات لندن..
طلعت من دورة المياه بخطوات بطيئه وخجوله وهي ترتب من هندامها وتلف قميصها الزهري بأكثر من عقده بتوتر بان بأصابعها المرتجفة..
تذكرت مجموعة الكتب اللي اهدتها لها عايشه بمناسبة زواجها وتمننت لو اخذت فكره عنهم.. ممكن تستفيد وتقلل من توترها..!
خذت نفـس عميق قبل ماتدخـل على سامـي وتسحره بجمالها..وبساطة ماكياجها..
سمت بسم الله لأنها سامي عودها على هالتسميه بظرف اربع ايام..
"سامي..سامي..ســأااامي..بيجننها هالسامي اليوم..كل تفكيرها استحوذه سامي"
طردت هالأفكار من رأسها لأنها عارفه انها تلهي نفسها بـ لا شي
ودخلت غرفة النوم ..وثانيه..وثانيتين..وثلاثه..ودماغها ارسل لها اشارات تنبيهيه انه المخلوق اللي كان بالسرير الدائري نائم.وواضح من نومته والفراش الحريري اللي اخذ ربع جسمه انه تعبان ومرهق..
واللي قهرها اكثر..انه هالمشهد انعاد خلال الأيام اللي مضت بالظبط..لكنها لازم تنهي الموضوع اليوم..والليلة بالذات..
قربت جنبه بابتسامه ماكره ممزوجه بخجل طفيف..وضربت كتفه بكتفها بدفاشه تعلمتها من فريد..
عاد الكره مرى ثانيه..واستمرت بالضرب والنتيجه كانت وحده..
دخلت نفسها بالفراش بقهـر..وضلت تفكـر..وتفكر..
اسئله عديده في بالها..والأجوبه فارغه ومعدومه..!؟
ليش الأستعجال..!؟
معقوله هي فعلا تبي هالشيء؟؟!
لالالا...هي ماتبيه..بس مستنكره الموضوع..!؟
مستنكره حرارة سامي في توضيح مشاعره طول النهار..وبروده القاسي بنهاية اليوم..!؟
ونامت والأفكار كانت تداهمها حتى بااحلامهــا...
وصحـت على حاجه ناعمه كانت تتخلل خياشيمها بكل رقه..
فتحت عيونها المكحله من آثار امس...وابتسمت لمن لاحظت وجنات الوردة البيضاء أمامها..
مدت يدها تلتقطها..وقربتها من انفهـا..
سامي بابتسامه حلوه\عجبتك..!؟
أومأت برأسها ونبرتها ثقيله من النوم\مره
سامي\طيب..
لولو بعيون ناعسه\طيب..
سامي\طيب
لولو غصبن عنها ابتسمت\طيب
بعد ملل قال جملته اللي تعودت عليها كل صباحيه..
سامي\وش تنتظرين..قومي..!؟
كانت عارفه رده فاستخدمت اسلوبها الدلوع \لا سامي.بلييز..خلني انام شوي..
سامي\لا..
لولو\بليييييييز
سامي\ولا ثانيه..
رفع الغطـاء عنها بقوه..تأملها بدون شعـور وهو يحس بشي داخله يرجف وينصهـر لحد الذوبان...!
..وثواني قصيرة مرت لمن استوعب اللي يحصل شاح بنظره عنها ووقف على طوله .
سامي\تروشي..الفطور بيوصل بعد دقايق..
وطت لولو رأسها بخجل\اوكـي..
سمعت وقع خطواته وهو خارج..ولمن اغلق الباب بهدوء..رمت نفسها على السرير وجهها احمـــر
لولو\ويلللللللللي..
قامت من سريرها بسرعة وقفلت الباب..واخذت روبها ودخلت دورة المياه..
---------------












ماعمر البيت أصبح بثلاث عواميد..
ولا كانت الطيور ثلاثيه ووحيدة..وتنتظر طفلها الرابع..بكل شجن وفراق..
وماحصلت ولاكانت اللي يرغمهم على الأستسلام لأحكام القدر بكل خضوع ورأس منكوس
,
نقـص كبيـر عاشوه الـ b وهم جالسين بمكانهم المعتاد ويناظرون حولهم بنظرات فارغه وضايعـه..
في مرض غريب يألم قلبهم الصغيـر ومالقوا له علاج..في شي قوي بداخل اعماقهم وودهم لو يتنتزعونه ويرتاحون ..لكن وين الراحه وهو يشوفون اثر لولو يحوم حولهم بكل مكان
هنا كانت تضحك وتحكي..وهناك كانت تتمايل بجسمها وترغم الجميع يصوب نظراته عليها فقط..
تضـربها فريد لمن تشوفها تاكل بدال وجبة الفسحه ثنتين..وتهزأها عواشي لمن تتقرف من عدم نظافة المكان..
وتصرخ عليهم حنوا وتقول.."الا لولو"

فريد\ملل..
حنان بعيون متورمه من كثر بكيها امس\والم..
عايشه ضمت مذكرتها واردفت\وبعدين..؟!؟
قامت فريد من الأرض ونفضت الغبار اللي التصق بمريولها الضيق\معقوله بيمر يومنا واحنا كذا...!؟؟لازم نشوف حل..!؟
تسندت حنان على الجدار الرمادي المشخبط بكلماتهم المميزه\ماتحاولـي..!؟؟
تقدمت فريد لهم خطوه\ليش..وش تسوى الدنيا اذا ماحاولنا..لولو سافرت صحيح..فرقاها مو سهل هذا شي اكيد..مشاكلنا لازالت تصارعنا وللأسف لحد الأن مالقينا حل..لكن بنظل الـ b اللي ما نستسلم بسهوله...!؟
عايشه عقبت على كلام فريد بنظره بعيده مافهمها الا هي\فعلا..المفروض مانستسلم بسهوله..
حنان\كل شي اشوفه حولي كئيب..مو عارفه افكر بـ لولو..والا فيكم..والا مستقبلي اللي يضيع وانا ما بأيدي حل..!؟
جلست فريد على ركبها ووضعت ايدينها على ارجل حنان الممدوه بااهمال\ناظريني حنوا
ارفعت حنان وجهها لفريد\شوا..!
فريد بنره دافيه \مو حلمك تدرسين هندسه معماريه..
مسحت دمعه نزلت على خدها الأبيض \بلا..
فريد اقتربت منها اكثر وكأنها بتغوص بداخل حناياها\ وتكونين مصممة ازياء..!
غرقت دموع حنوا وناظرت السماء الصافية وهي تتخيل لو الحلم يكون حقيقه\اكيد..
فريد\طيب..ابوك ماوقف بوجهك أبدا..تتوقعين لو بأيده يدرسك هنا وتحت عينه... بيرفض..!
وطت حنان راسها وتمكنت الدمعه توصل لشفاتها \لا..
مسكت فريد كتوفها اللي تهتز\اوكي..ابوك ماعنده إلا حل واحد..تكملين دراستك بالأردن..
حنان خشن صوتها بألم\بس انا..مابدي..افهموني لو مره وحده..
فريد\حنوا..فديت قلبك..انتي اللي اعطي نفسك فرصه وانسي عواطفك ومشاعرك لو مره وحده..!؟
هزت حنان رأسها باعتراض وسكرت فمها بأيدها الثنتين لمن استقامت بوقفتها وركضت بعيده عن صديقاتها وصوت نحيبها هو الشيء الوحيد اللي وصل لأرواحهم قبل مسامعهم..
قامت لها عايشه بسرعه لكن ايد فريد كانت الأقرب\اتركيها..مردها بتعرف انه كلامنا صح وواقــع..
عايشه\بس..وسكت لحظه..ثم كملت كلامها بحزن يطفر بعيونها..فريد خليني اشوفها..مايصير كذا..
فريد\كولي عسـل..يعني هي ماتعرف انه ماعندها غير هالحل..!؟وقطبت حواجبها وهي تكمل..بلا دلع..
يئست عايشه من صاحبتها العنيده\اوكي.ممكن نمشي..البريك انتهــي..
أرخت فريد أيدها بكتف عايشه ومشوا تاركين مكانهم و أوراق الشجر تتساقط بإهمال خلفهم
لمن وصلوا لفصلهم واطمئنوا لمن حصلوا حنان جالسه بمقعدها بوقار والسرحان غلب ملامحها..
دخلت معلمة اللغة العربية حامله بأيدها كتاب الأدب وأقلام اللوح وانشرح الدرس اللي كان مملّ بعيون الـ b
وبين فتره وفترة أخرى كانت توصل ضربات خفيفة لساق حنان من عايشه لأجل تنبها للشرح..
لكن حنان بعالم آخر وبفكر شارد..
لمن انتهـى اليوم الدراسي ورجعوا البنات لأول مره خائبين الأمل..ومرهقين جسديا ونفسيا..
---------------












خرج من المبنـى وهو سعيــد..
والله وتحققت أمانيه..أخيرا لقى مراده اللي بحث عنه من سنين..
خطوات قليله ويدخل عالم الشهرة والفن
ماكان محتاج لا شهادة بكالوريوس لأجل يوصل لطموحه..ولا حتى سعي طويل لأجل يرضون بقدراته..
صوتــه..صوته هو الشيء الوحيد اللي دخـله لـ هالعالم اللي اساسه الأقـوى..
هذا غير طبقات صوته المميزه اللي ترغم الجميع تستمع له بكل ايثار لغاية ماتنتهي كلماته..
وهيئة شكله ومظهره الجذاب تأكد انه بيصعد بظرف ايام للنجوميــه..
ضربه ركان اللي كان العنصر الأساسي بتحقيق حلمه بكتفه \وش عليك ياعم..والله وبتصير مشهور..!؟
برقت عيون مصعب بحالميه..وابتسم بزهو\مشكور ركان..مدري كيف برد جميلك علي..
لبس ركان نظارته الشمسيه الرماديه عن السنة الشمس الحاره اللي كانت مشابهه لنظارة مصعب\افا عليك بس..ماسوينا حاجه..اهم شي تجي بكره وتوقع معهم العقد..وبعدها كل شي اوكي..
مصعب اومأ برأسه\اكيد..
ركان\الا اقولك..وش بتسوي بدراستك..!؟
ابتسم مصعب بسخريه وركب سيارته..هو يعرف انه مو وجه دراســه..وبدليل انه كل مره يغير الجامعه والتخصص مثل مايغير موديل سيارته\اخر شي ممكن افكر فيه دراســه..متى مابغيت اكمل..بكمـل..الجامعه مو طايره...
ركان\ومنت خايف من الطرد..!؟
التفت مصعب له بسرعه وهو لاوي فمه بغرور والشامه السوداء وضحت اكثر\تخسي..مابقى الا ذي..!؟ادفع لهم مبلغ يسكتهم ويتنهي الموضوع..!؟
ضحك ركان بسخريه لاذعه\منت بهين..!؟
شغل مصعب سيارته\تلميذك يالحبيب..ههههههههههههه
ركان\في هذه صدقت ههههههههههااااااااي
مصعب لأول مره يتكلم بجديه\تدري..احلى شي..اني لقيت اللي ابيــه... صدقني كنت ضايع..ولاتتوقع بيوم اني راضي اني كل سنه بجامعه جديده..وعمري يضيع وانا مو حاس فيه..بس خلاااص..لقيت اللي ابيه..
وضحك بعدها بجنون مثل ماساق سيارته بجنوووون..
وما فكر بأمه..ولا فكر بأهله..ولا حتى نظرة الناس له إذا عرفوا انه بيصبح مطــرب..!!!!!
-------------















ناظرت شاشة التلفون بوجه عبوس وحواجب مرفوعة..
كانت متأكده مليون انه سبب انشغال خط فريده وعايشه لأنهم يكلمون بعـض..وكالعاده...ناسيين انفسهم بالتلفون..
عادت الاتصال مره ثانيـه وهي تدعي خالقها انه الخط يفتـح..وثواني..واغلقت السماعه بقوه من القهـر..
لاحظها سامي اللي كان منهمك ببعض الملفات اللي محتاجه دراسه دقيقه منه..لكنه مااصدر غير التفاته صغيره ثم رجعت عيونه تتأمل الملفات..
تضايقت لولو اكثـر..وضربت كعبهـا الذهبي بالسيراميك الأصفر اللون..ولمن اكتشفت انه كل ضربات رجلها ضاعت هباء..طلعت من البلوكونه المزينه من جميع الأماكن بشتلات الورد وتعدت الصاله ودخلت غرفتها واتجهت للمرايـه على طـول..زادت من الروج العنابـي اللي كان متناسق مع الهاينك المربوط اعلاه بوردة جوري بنفس اللون..على تنوره ذهبيه قصيره
اخذت الكنترول الموجود بالقرب من شاشة التلفزيون وفررت المحطات وهي واقفـه..واستقرت على اغنية "اغلى الحبايب"
وبدون هزت كتفينها وحست نفسها طربانه..
مشت خوطتين امام..وبهدوء ورقه رجعت بنفس الخطوتين خلف..فتحت شعرها المرفوع..وبدت تتمايل على نغمات الأغنيه..
حست انه لها فتره وما مارست رقصها المعتاد..وظلت تتمايل بدون شعور وهي تفرغ كل طاقات الأربع الأيام من مشاعر غريبه..وقلق..ومصير مجهول
وصوت نوال هو الوحيد اللي تخلل مسامعها بكل رقه وهدوء..
ولمن انتهت الأغنيــه..أكنست جسمها المعـرق من عمق الأجهاد اللي بذلته وضحكت..وظلت تضحك بكل حريه وبدون خوف وبكل مشاعر كانت ولدية هاللحظه..واثناء رفعا لجسمها لاحظت سامي اللي كان وقاف امامها و يـتأملها بوجه جامد وخالي الملامح..
اختفت الأبتسامه منها وحست بحراراه قويه..وبتلقائيه رفعت ايدينها الصغيره لخدينها وظلت تمسح العرق اللي تصبب بكل جسمها..
شعر سامي فيها..واخذ علبة المناديل كان بالقرب منه ومده لها..
التقطته لولو بخجل\شكرا..
لازالت عيون سامي عليها..وماحس ابدا بخجلها والحمره اللي اعتلت وجهها..
سامي\حلوه..
لولو ماسمعت كلمته\اايش
تردد ثواني..وماعرف كيف يتكلم..
هالمخلوقه الصغيره قدرت تغلب كيانه..وتاسره بعفويتها ودلعها..
سامي\الأغنيه..الأغنيه حلوه.
لولو\اها
ظلوا فتره ساكتين..وواقفين..
لولو تلهي نفسها بالمنديل اللي كان يتخلل اصابعها..
وسامي يبعثر نظراته بكل اتجاه..لكن انظاره وبكل ثقابه ترجع لها..
ولمن حس انه وقفته مالها معنى..طلع من الغرفه بهدوء وجلس على نفس كنبته..ورجع للملفات يناظرها..لكن نظراته كلها كانت فارغه وبعيده عن تفكيره..
مرت ربع ساعه..وخرجت لولو للبلكونه بخطوات حرجه ومتردده جاره معها نسمة هواء بارده اغرمت سامي يرمش بعينه..
جلست بعيده عنه بـ كنبتين..وهو حاول يتمالك نفسه...,ويلهي نفسه بالأوراق..وشيئا فشيئا رجع الوضع طبيعي..سامي انشغل..ولولو رجعت تدق على صديقاتهـا..والحمدلله انه حنان ردت هالمره..واخذتهم السوالفهم لفتره طويله..
لولو بنبره حاره وهي تتمشى بالبلكونه وتتأمل تاره زخاريف السيراميك البنيه وتاره ترفع نظرها لشتلات الورد الفاتحة العطره الريحه \وحشتوني..موووت..ابي اشوفكم..!
حنان بنبره حاره\وانتي كمان واحشتنا اكتر..مابتتخيلي يالولو كيف المدرسه بدونك..
لولو \ههههههه اكيد حبيبتي..انا لولو..لولو انا..مو أي احد..خليك مني اللحين..وقولي لي..حنوا شخبارهــا..!
حنان لاشعوريا تذكرت احزانها \بدك تعرفي حنوا..شو اخبارها..!؟
انمزجت نبرة لولو باهتمام دافي\حنوا..قلبي..صاير لك شي..!؟
انتبهت حنان انه شوي وبتشكي لصديقتها وهي بشهر عسلهــا\هههههههههههههه وشفيك ئلبتي الحكي جامد..!؟
لولو\ياحمــ..تضحكين وانا راح بالي بعيد..!؟
حنان\ههههههههههه شو بدي اعمل بتفكيرك..!؟
لولو تضجرت\سخيفه ياناس..المهم حسابك معي بعدين..سلمي على فريد وعواشي..وبوسيهم طعش مره..اوكي..
حنان\ههههه اوكي..انتبهي على حالك..
لولو\طيب قلبوا..مع السلامه..
حنان\الله يسلمك..
سامي عقد حواجبه باستغراب\حنوا..عواشي..وشدّ على أخر كلمه..فرييييد...!
لولو تأكدت انه سمع جميع المكالمه\صديقاتي..
سامي\شكلك تحبينهم مره..
ابتسمت لولو بحب وهي تتذكرهم..حست بدقات قلبها تتزايد بفقدانها لهم\بشكل ماتتصوره....امم..حنا اربعــه..اربعه بنات..جمعنا مكان واحد..وناظرت السحب بنظره اشرده لموطنها
ترك سامي اللي بأديه وشدّه حكي لولو\وبعـدّ..
تقدمت له لولو..وجلست بنفس كنبته المزدوجه\كنا متخذين اسم اللي هو b....!
سامي\عشان اكون معك على الخط..ايش يرمز له هالأسم..!
لولو\الأسم هذا يرمز للطيور..كل وحده كان لها حلم..او طموح معين..وعلى قولة عواشي..ورفعت عينها للسماء وكملت..بيجي يوم وبنحلق مع الطيور..!
سامي\طيور..!؟
لولو\ولأبعد افق..امنياتنا كثيره..واحلامنا كبرت معنا..ماكنا نعرف شو يعني صعب..ولا حتى محال..كل شي نتمناه نحصله..واذا ماحصلناه..سعينا له..واذا تقفلت علينا الطرق..قابلنا الموقف باابتسامه صابره..
ظحكنا كثير..وبكينا اكثـر..صداقتنا فريده من نوعهــا..صديقاتي علموني شنوا يعني امـل..سعاده..حب..جنون..خلوني اشوف الحياه بمنظور ثاني..احبهم موووت..ولاأتخيل اني بفارقهم بيوم..صحيح تقهرني دفاشة فريد..وجنون حنوا..وحالمية عواشي..لكن هم احبهم..وانا اللحين فاقدتهم بشكل ماتتصوره..!؟آآآآه..ليتني قربهم..!
سامي بابتسامه صادقه عقب\وأنا..ما انفــع..!؟
تأملته لولو بدون شعور...ولمن شعرت باابتسامته الخبيثه تبعرثت نظراتها بكل مكان..ولمن غلبها الخجل..اخذت مخده صغيره واخفت وجهها فيها,,
سمعت ضحكات سامي تتردد وتوصل لمسامعها..وغصبن عنها ضحكت معاه..وسامي ازال المخده عنها..
لولو\سامي..والله استحي..
سامي بلهجه مازحه\فكينا زين..!؟
لولو\شوا..شوا قلت..فكينــا..!؟
احمر وجهه وهو يعيد الجمله ويضحك\ههههههههههه فكينا زين..
اغتاظت لولو منه لكنها تأكدت انه عفوي اقصى درجه فقالت بدلع زادته بالعيار الثقيل\كل صباح تزمجر وتقولي...وقلدت نبرة صوته.. وش تنتظرين قومي..واللحين طلعت كلمه جديده....فكينا زين..سوفااااااج..
سامي\وش ذا سوفاج..!؟..
لولو\ههههههههههه على ألأقل مو فكينا..زييييييييين
سامي\بتلذينا بهالكلمه..
مدت شفايفها الحمراء\احســن..
مارد سامي عليها ورجع لملفاته يناظرها لكن لولو كانت اسرع منها ووضعتهم على الطاوله\خلاااااااااااااااص والله طفشت.ماتزهق من الشغل..!
سامي\شوي بس بشوف كم ورقه..!
لولو\لا..مافي..
سامي احتد صوته\لولو..
لولو قابلته بنفس الصوت\سامي..
سامي\لــولــو
لولو ترجته بنعومه\سامي..سامي..ساااامي..ابي اطلع..مللّ..شسوي بحالي..!
سامي سكت..وبعد برهة قال\هالمره بس..بسمح لك..اوكي..
لولو رفعت حاجبها المحفوف باتقان وصابها الغرور\تشكرات..مسكت ايده وقومته..وانا اللي بطلع لك بدله..بمناسبة السهره..بس بليز بلبس اليوم نظرات كبيره وبتحجب..
سامي بنبره صارمه\لاااااااااا
لولو\ارجوك..
سامي\لاتحاولين..المناقشه مرفوضه..وقومي اختاري لي بدله..
ياست لولو منه..وحست بقهر بداخلهـا..المصيبه ماقتدر تقنعه على شي محرم..ولو شي ثان بسهوله اخذته منه..لكنه عارفه انه كلامه صحيح..
سامي\غيرتي رأيك..
قامت لولوبسرعه\لا طبعا
مشى معها وهي لازالت ماسكه أيده وتجره لأجل تحثه يتقدم اكثر\شوفي..انا رجال..ما أحب المظاهر..ويكفيني ثوب ابيض مخطط..وووو
لولو قاطعته وجلسته على السرير\اوش..
سامي\اسمـ
لولو حاولت تفك غيضها وقهرها فيه\اووووووووش
فتحت الدولاب و لاحظت صمته.. وبحثت بين ملابسه عن بدله محببة لها..لكن تفاجأن انه جميع الملابس بنفس اللون..!
لولو وهي تبحث لعل وعسى تحصل اللي يناسب مزاجها\شكلك تحب الأبيض!؟؟
ارخى جسمه على السرير وغمض عيونه\صفـاء ونقـاء..الأبيض صفاء ونقـاء
تذكرت لمن سمعت كلمته شيء قديم عن اللون الأبيض لكنها جاهلة الحادثة..حاولت تعصر مخها..لكن بدون فائدة..
واخيــرا قدرت تطلع بدله باللون الأسود كانت بقماش المخملي والثوب أيضا كان اسود بخطوط دقيقه بيضاء..
ابتسمت برضاء وتقدمت لسامي اللي فتح عيونه يوم استنشق رائحة عطرها..
وبدال ما يناظر السواد اللي حاملته..تأملها بنفس النظرة اللي كانت ترقص فيها..
استغربت لولو من سكوته و هدؤءه..
سامي\تعالي..
قربت لولو منه ولازالت مستغربه من أسلوبه اللي سكن لمن أصبحت أمامه..وهو بالمثل استعدل بجلسته لمن حس بحرارة جلد كتفينها على أيدينه....
رجع لحالة ذوبان....الحراره دخلت لتجاويف عظامه...قرب منها اكثر لمن باس خدها الناعم واسند رأسه برأسها وغرق بعيونها والشدو الذهبي اللي حاوطها
ظلوا فتره على هالوضع..ولا أحد قدر يبتعد عن الأخر..
كل المشاعر الحميمة حسوا فيهـا..وطغت عليهم لمن أسرتهم..وكانوا ضعاف بصدهـا..
وبلحظه.انتهى كل شي..وسامي ابتعد عنها بعد ما اخذ ألبدله اللي متمسكة فيها بكل هدوء..وترك لولو تصارع المشاعر وحيـده..
-------------------


بعد مضي 3 ايام..
____________




تشعـر بالشمس قريبه منها وتصهرها بألسنتها الحارقة.. والغطاء اللي كانت متغطيه فيه ذاب مع دموعهـا اللي تذوقها وكأنها علقم مرّ..
كلام البنات لازال يرن بإذنها مثل المطرقـه الصارمه ماصنعت الا للدق وألأستسلام لواقـع حزين
وسيمفونية بكائهـا وصلت لمسامع ابوها اللي كان يسوق الباص بفكر شارد وقلب مطعون وهو يوصل اخر بنت لبيتهـا..ويزيد السرعه لأجل يوصل البيت وينسى الموقف السيئ اللي حفظه بكل حذافيره لمن وصلوا وابتعدت فريد عن ملامح ابوها الكئيبه..وعن الجو اللي كل ماله ويخنقهـا..
دخلـت البيت واتجهت لغرفتها ولأول مره ماتمرّ على امها بالمطبـخ..
قفلت الباب..وظلت تبكـي ولأول مره تحس انها دموعها اللي تنهمر ممكت تعزيهـا..وتلطف من حرقان قلبهـا..
رجعت تتذكر الموقف السيء بكل الم..وبداية نقاش البنات..
:
سعاد بلهجه مزمجرة\هي يالشايــب..خذ هالشريط وشغلـه..رمت الشريط بالغلط وتصوب على كتف بومحمد..اللي المتـه الضربـه لكنه مابين والتزم السكـوت وهو يعـارك الموقف اللي احرجه والعرق اللي تصبب ببعثره على جبينه الأحمـر..واهلك قواه..
ضحكوا البنات على الموقف بااصوات عاليـهز.وضحكوا اكثر على سلبية بوم محمد..والبعض كان يتشمت بكلامات لاذعه..وكل هذا كان تحت ماسمع فريد اللي شهـدت الموقف وانخـرس لسانها من هول اللي تشوفــه..
سعادبصوت عالي\ههههههههههههههاي..قسم بالله اشك انه سعودي..شكله هندي وشايب..شوفي بس كيف رميته للشماغ اللي بدون عقــال..والله انه واحد اهبــل..
ظحكوا البنات على كلامها اكثــر..واكثـر ..ورجعت تكمل تعليقهـا الوقح\لالالا هههههههههههههههه بمووت..بطني عورني.وش فيه هالخبل ماتحرك..!؟
سمعهـأ بومحمد وتمتم بصوت واطي وهو يحـتـرق ويقاوم وبقلّ حيله\الله يهديكم..
تحركت فريد لمن سمعت صوت ابوهـا..وعلى طـول..وبدون مقدمات..مسكت رأس ساره اللي لازالت غامرتها الضحكة وعطتها كـف حااار احدث صوت قــوي رن بمسامع الجميـع..واخرسهم
وبكل قهـر والم وضيق وجروووح اهتـز صوتها بالباص يعلن صــرخه داميه ومطعونه\يالحقيــــررره..ياللي ماعرفوا اهلك يربوك..تعرضين قوتك على رجال كبرّ ابوك..هذا ابوووي...ابوووووووووي ويشرفني الف مره انه سايــق..

أنلجم لسان ســعاد وهي تضغط على وجهها اللي شوهه أصابع فريد..وعمّ الهدوء بالمكـان..عمّ السكـون ومافي غير صرخـة فريده القاهرة تـدوي وتخنـق وتدمي قلوب الجميع..

:

غمضت عيونهـا الحارقة..وضربت رأسهـا على السرير..وهي تقول..ابي انســى..ابي انســى..
عماد البيت اهتز اليوم وهو اللي علمهم كيف يتغلبون على الصعـاب بالصبـر اللي بعده الفرج .وجملّ بعيونهم حلاوة القليل رغم عدم بهجته..رباهم على التواضع والأخلاق العاليه والطمـوح اللي ماقدرّ يوصل له.. عطاهم درس عن الحيـاه مستحيل يعطيه معلم..واهداهم بتربيته القنـاعه اللي مثـل الكنـز اذا ما حافظت عليه راح تضيع من أيدينك وانت تناظره وبكل عجـز,,
وهذا اليوم ربّ البيت يهتـز بكل طواعيه وانكسار..
شلون هي ماتنكسـر لأنكساره..وتنجرح لجرحـه.!
ضعـف..
قلّ حيله..
قسمـه
نصيـب
فقــــــرّ
كلمـات طعنت فريده واهلهــا ..وهذا هم يصـارعون الحياه بكل مراره..ورضـى..
وتضـاد هالألم..والتعاسـه اللي انكتب لفريـده..كان هذا اليوم اللي انفتحت فيـه ابواب السعاده لمصعـب..
قبل يومين وقـع العقـد مع شركـه صاعـده باسمها..وثابتة بوجودهـا وشهرتهـا اللي متعارفه بالخليـج
تقاعدت معه لمدة سنـه..لكنها كانت تنظرّ له المطرب اللي بيوصـل للنجوميـه بنبرة صوته المميزه واحساسه الفريد عند غناءه..بغـض النظـر عن الواسطـه االقويـه اللي دخلته عالم الفـن..
وبهاللحظـه هذه.. كان مصعب جالس بغرفـة كحلية اللون ديكوراتها على شكل اسطوانات متبعثره بكل زاويه وماسك العـود بأيـده
ويردد اغنية لفنان العرب طلبها منه الملحن لأجل يميز أي طبقة صوت تنفع للألحان اللي بيعرضها عليه.

قلتي لي وش تحرى ذابت نجوم الليل من جمر الآهات
ماعاد بدري تدري العمر مرّه سرقت سنينه مننا ..كيف لحظات..!؟
ماعااااااااااااااد بدري
تقول باكر وانت باكر تبرا..مره الزمن واقف على مرّّ الأوقات
بتنتهي الدنيا قبل ماتجرأ..لا ضاعت الفرصه ترى الموت حسره
ماعاااااااااااااااااد بدري

الملحن سعود\الله عليك يامصعب...وينا احنا عن هالصوت..
بزهو وسعاده رد مصعب وهو يسند العود على الطاوله\تسلم..هذا من ذوقك..
أشعل سعـود سيجارتـه \طيب انا لاحظت ميولك للأغاني القديمه..والموالات..عكس اغاني هالأيام اللي بمثابة عرض فيدو كليب مع موسيقـى صاخبه..وضاعت نكهة الطرب اللي كان نعشقها بالماضي..
أومأ مصعب رأسه علامة الموافقة\صحيح كلامك..صارت الأغاني تجاريـه..وضاع الطرب الأصيـل..
سعود\كذا حلو....لأنه طبقة صوتك تناسب ..ونقدر نرجع الطرب الأصيـل بصوتك.لكن بنفس الوقت محبوب التنوع .خصوصا اللي بيسمع مصعب مختلف الجماهير وسواء كانوا شباب او كبار..
مصعب\أكيد..وهذا اللي اللي اخطط له..
سعود\اوكـي انت اقرأ كلمات الأغاني مره ثانيـه..و
قاطعه السكرتير عيسى بدخوله المفاجىء
عيسى\استاذ سعود..ألأستاذ راشد ينتظرك..
سعو\جاي...اوكي يا مصعب..ارجع أقرأ النوته بتمعـن..ونشوفك ان شاء الله بكـره
اخذ مصعب الأوراق اللي كانت بالطاولة وترجلّ واقف\على خير ان شاء الله..
صافحوا بعـض وخرج مصعـب من المبنى وعلى وجهه ابتسامه تـدل على سعادتـه
طلع للشوارع ولاحظ المارين..
صحيح كان الكل يلتفت لأجل يناظر ملامحه الجميله..ويسمع كلمات من البنات وهم يشبهونه بتوم كروز..
لكن من بكـره النظره بتكون غير..وبتختلف كليا..
بكره بيدخل عالم الفـن..عالم الفن اللي ياما تمناه وهواه ..
اخيرا عرف طريقـه وطموحـه..
اخيـرا بيكون له هدف وشي كبير يوصل له..
تعـب من حياة البطاله والملل..
تعب من الفشل في دراسته..والأنذارات اللي تلقاها من ارقى جامعات العالم وافضلها..
تعب من كذبه على نفسه قبل مايكذب على الناس ويقول انا طالب مجتهد لكن الزمن هو اللي شتتني
تعب وهو يلقى لومه على تخصصه والزمن اللي ماانصفه
لكن هالمره غيــر..هالمره بيدخل عالم حلم وبيطلع للعالي
خــلاص
رحلة الشقاء انتهت
ومشوار الضياع انمحـى..
ونقطة الألف بدأت
---------------------

















مابقـى شات الا ودخلتـه وسجلت فيه..واصبح لديها اكثر من معرف..
مره..حنوا..ومره دموع..ومره طير مجروح....ومره انتهيــت..
وكل معرفاتها تدل على الألم اللي ساكن قلبها والضياع اللي تشعـر فيه
مو عارفه مين الغلطان..هي..والا ابوهـا..
والا كونهـا فسلطينيه مصيرهـا الشتات حتى بمجال دراستها اللي ياما طمحت للوصول اليه..
شي غريب ومثيـر للضحك..حتى بالدراسه بتعاني منها وبتواجه اموره ممكن تعثر دربهـا!؟

^,,بطة,,^
شو بك انتهيت..مو معقوله..هدا تاني مره اكملك ومابتردي عليه..!؟

^,,بطة,,^
ييييه..متأكده انك هون

^,,بطة,,^
يابنت ردي..!

^,,بطة,,^
؟؟؟؟؟؟؟؟

طير مجروح
بلا معك..بس..بس سرحت شوي..

^,,بطة,,^
للمره الألف تسرحي..مو معقول..!؟

طير مجروح
معليش..سماح هالمره..

^,,بطة,,^
اوكيك..شو كنت بقولك....

طير مجروح
كنتي بتقولي عن زواج احمد اخوكي..

^,,بطة,,^
أي اخويه..انتي التانيه..صاحبي ياهبله..صاحبي....انا زعلانه عشان صاحبي اللي تركني اول رفض ابوه الزواج من وحده تعرف عليها بالشات..!

طير مجروح
معليش انا اسفه..ماتوا خزيني..بس انت مابتقولي انه صاحبك بالجامعه..!

^,,بطة,,^
بلا..بس ابوه رافض هالكلام..على قولته..بنت خالتك محجوزه له من زمان...

طير مجروح
طيب انتي مابتقولي لي انه يحبك..ومايقدر يعيش بدونك..

^,,بطة,,^
بلا..انا بحبه..وهو يموت فيني..لكن ابوه هو السبب..مابعرف شو بدي اساوي...انا كارهه حياتي ..

طير مجروح
والله مو عارفه شو بدي اقولك..الموقف صعب..ولاتلومينوا..لأنه انتي حبه..وهو ابوه..

^,,بطة,,^
آآآه ياطير...انا ضايعه..

طير مجروح
كلنا ضايعين..كلنا ضايعين..

^,,بطة,,^
ليه..عم تقولي هالحكي..في شي صار اليك!.

طير مجروح
لا سلامتك..بس شوية مشاكل..اوكي بطه بطلع هلاّ بكره وراي مدرسه..

^,,بطة,,^
اوكي حبي..اشوفك ببكره..تشاو

اغلقت حنان المحادثه..ولاحظت دخول سوس..لكنها مو رايقه له اللحين ابدا..فصلت الكيبل بسرعه..واتجهت لمكتبتها الصغيره..وبالتحديد لمكان كراستها اللي لي من سافرت لولو وهي مالمستهـا..
لكن اليوم حست برغبـه شديده انه تصمم..او حتى تشخبط وترتاح..
لمست الكراسه وحست ببرودتها انتقلت لها..اخذتها وضمتها لصدرهـا برقـه..وقربتها لأنفها لأجل تستنشق ريحـة عطرها الدافي الباقي فيه..وبتلقائيه دموعها تساقطت على الورق وتفجرت مشاعرها وكبتهـا اللي ظـل قرابة اسبوع وهي عايشه بين وهم وآآهات..وشتات وطعنات..
رمت نفسها على السرير..وظلت تتصفح بعض من تصاميمها اللي رسمتها بكل اتقان وجمال..
معقوله هالحلم اللي رسمته بخط ايدها يضيع هباء منثورا
ليـه هي محرومه من أقل القليل..ومو مثل بنات جنسهـا تحلم وتتحقق مطالبهـا,,
في البدايه كانت تحلم ولازالت تحلم بأرض اسمها فلسطيــن..
وللأسف غير مسموح لها تشوف إلا دمار وخراب ويهود خونه فجار مستحلين هألأرض..
اليهود هم اللي حرموها من ألاستقرار والأمان..
اليهود هم اللي حرموها من الفرحـه والسعادة..
اليهود هم اللي حرموها من الدراسه والأحلام وكل شي جميل تطمح له..
اليهود هم اللي حرموها من العيش في فلسطين..
فلسطين اللي ما استنشقت هواها وشربت من مائها..
فلسطين اللي ما حبت أرضها وداست على ترابها..
فلسطين المستحلة والمظلومة
فلسطين الأم والعائلة و والحب والوطن
والعااااالــم..
مسكت قلمها..وكل قوتها وجروحها وآلامها ودموعها كتبت "فلسطيـــن"
ونامت وهي كئيبة ومحبطه وحزينة ..
----------------
















طبعت بوسـه على رأسها وهي تبتسم له
عايشه\انت كذا تمام..كل يوم ابي شهيتك مفتوحه مثل اليوم..
اومأ ابوها رأسهـا..وبادلها ألأبتسامه..
وخرجت من الغرفه بعد ماتمنت له احلام هانئة حامله معها صينية العشاء..
وما لبثت تتحرك خطوتين الا واحمد طلع بوجهها وأرعبها..
عايشه\بسم الله..
تقدم احمد لها \خوفتك...وابتسم بمكر سلامة هالروح اللي خافت..
ارتجفت عايشه من كلامه ونظرته الخبيثه..
عايشه\ممكن تبعد..ابي انزل..
احمد\طيب..انزلي..احد ماسكك..!؟
وطـت برأسها بالأرض وعقبت على كلامه بكل رجاء\لو سمحت ابعد شوي..
احمد\واللي يقولك اني مو متحرك..واليوم انا مو تاركك
واثبات على كلامه قرب وجهه لها وتوه بيلمسها الا ورمت الصينيه بوجهه وركضت لغرفتها من الرعب اللي تملكهـا ..قفلت على نفسها مرتين...وطاحت على الأرض وهي تضم جسمها الراجـف...
سمعت صوته رجع من جديد..وبدون شعور ظغطت على الباب وهي متأكده مليون انه مقفل..
احمد\طيب..بشوف اخرتها وياك..انا ترمين الصينيه بوجهي..!
عايشه\........
لصق احمد بالباب\انا عارف انك ورى الباب..بس حبيت اقولك ..اني الأيام بيننا..
بكت عايشه بهستريا وهي تسمع آخر جمله نطقها..وكرهت حياتها اللي متواجد فيها عم مثل احمد..
حست انه شيطان بهيئة انسان ..ماعنده لا ضمير ولا قلب..
لكن مين اللي تشكي له حالها..!مين اللي بيفهمها وبيحن عليهــا!؟
متى بتترك ضعفها وانهزاميتها وبتواجهه بكل قوه..متى.!؟
اليوم سلمت منه..لكن بكـره..بكره مو عارفه وش اللي مكتوب لها.!؟
قامت من على الأرض بهلع وجلست على سريرها وهي متأكده انها مستحيل عيونها تذوق النوم بعد اللي صار,,
وفعلا الكوابيس حاصرتهـا وحتى بتنفسها مارحمتهــا..وعيا النوم يطرق بابه الليله..
لمن بانت خيوط الفجـر مع ظهور الشفق اللي تسلل بهدوء للسماء الزرقاء
وبدأ اليوم الدراسـي اللي كان سيء بعيون الـ b
جالسين بقـرب بعـَض والصمت هو سيد الموقف..
فريده كانت تستذكر موقف امس بكل تفاصيلـه والجرح الغائر اللي نفتح وعيا يندمل لكن الشيء الوحيد اللي مريحها انه سعاد ماكنت متواجده بالباص اليوم ..اما حنان كانت خالية الملامح والبرود يتأصل روحهـا..وكأنها خلقت بلا مشاعر..
وعايشه الهالات السوداء المحاوطه عيونها الحمراء تدلّ على المها القاتـل..

:

مـرت معلمة الرياضيات على فريده المتمسكه بقلم الرصاص لمن احدثت فجـوه عميقه بدفترها..
المعلمه\فريده..ابعدي ايدك..خرمتي الدفتر الله يهديك..فرييييده..
انتهبت فريده على الصوت اللي ازعجهـا ولمن التقت عيونها بعيون معلمتها قامت من على الكرسي بتلقائيه\ها
اشرت المعلمه على مكان الفجوه\خربتي دفـترك..!
صوبت فريده نظرها لمكان ماتأشر المعلمه ولمن لاحظت اللي ارتكبته شهقت\اوووبس..وش سويت..!؟
المعلمه\مو مشكله انزعي بعض ألأوراق..حليتي الواجب..!
توترت فريده..وثبتت صفحتها على المسائل اللي حلتهم امس بدون نفس ومو عارفه هل الجواب صح او لا\ايه حليته..
ناظرته المعلمه نظره سريعه واتجهت لعايشه اللي كانت فاتحه الصفحه..ثم مرت على حنان واستغربت من نظافة الصفحه وفقط وجود ارقام ألأسئله..وللأسف هذه مو اول مره تعملها حنان..ثلاث ايام مرت وهي من حال لأسواء..لكن صديقاتها كانوا معها ويعطونها الواجبات ويرغمونها تحل ..واذا امتنعت.. عايشه تكتب عنها بكل رحابة صدر.. لكن اليوم كان مأساوي على الثلاثه..ومافكروا يشيكون على دفترها
والكارثه مرض التبلد والبرود اصاب حنان..واصبح الموضوع عادي جدا..سواء حلت او لا..وغابت..او حظرت..
وين تكمن المشكله وهي متيقنه بقرارة نفسها انها ممنوعه من مواصلة دراستها..
المعلمه\وقفي ياحنان..
وقفت حنان على طولها بطواعيه وكأن شيئا لم يكن..وتسندت على الجدار وهي تلم شعرها اللي بشكل ضفيرة على جنب وفكرها سـرح لبعيد..والمعلمه واصلت تفتيشها ثم بدأت تحلّ جميع مسائل الكتاب لأنه الوقت بدأ يخونهم وهو لسه بمعمعة الرياضيات..
انتهت الحصه..وخرجوا الطالبات للفسحه ...واخر من خرج كان ال b بسبب خطواتهم البطيئه وهم يتوجهون لمكانهم المعتاد..
جلست فريد على الأرض وفردت ارجلها بضيق..ولاحظت جلوس حنان على كرس لولو..وانكماش عايشه على الأرض وكأن هموم الدنيا بأجمعها حملتها بعيونها..
رجعت تناظر حنان وما حست بروحها معهم..
شعرت بالمكان يخنقهم وهو اللي بيوم يجمعهم..وقفت على طولها..وفكرت تعزمهم على فطور
دخلت من باب المقصف بدون ماتبالي بازدحام البنات. لأنها تعتبر شخصيه هامه ومحبوبه عند الجميع.
اخذت فطاير..وعصاير..وشيبس..وترجلت للمكان قبل رن الجرس..واثناء مشيها
لاحظت المراقبة سلوى موقفه طالبتين وصوتها العالي يتخبط بزوايا الساحة..خافت انها تشوفها وهي بهالزي..وبعجله غيرت مسار طريقها واضطرت تأخذ لفه على المدرسه كلها ..وتحملت الطريق الأطول لأجل الوصول لصديقاتها..لاحظت البنات يناظرونها ..اللي يناديها.واللي يرمقها بنظرات حب..واللي يرمي عليها كلمة اعجاب..طنشتهم وهي تحس بالحر يلفح وجهها وبعد خطوات طويلة وصلت وهي تلهث من التعب ودقات قلبها ازدادت سرعه
شعـرت بملوحة لسانها وهي حزينة بسبب جمود موقف حنان وعايشه ووضعهم اللي ما تغيـر أثناء جلستهم..وكأنهم يجسدون لوحه صامته معدومة الحياة..
فريد\قومي انتي وياها..وافطروا..
عايشه وحنان لا تعليق..
اكفهر وجه فريد وبمقاومه كملت\طيــب..
نزلت كيس الفطور بالأرض بالقرب من عايشه..وشدت ايد حنان البارده لمن ارغمتها تجلس بمحاذاتهم وتكتمل دائرة الجلسه..
فتحت الكيس وبدأت تأكل واثناء ماوصل الطعام لمعدتها حست بمدى جوعها لأنها ظلت يوم كامل خالية المعده وحرمت نفسها من غداء وعشاء امها الذي لا يفوت..وكل هذا بسبب الحزن القاتل اللي تعرضت له بالباص
واثناء تلذذها بوجبتها البسيطه لاحظت عدم تجاوب احد..
فاشرت بأيدها لناحية الفطور بااستهزاء عالي\مابقى شي..تبوني اطعمكم.!!!!!!!!؟
ابتسمت عايشه بوهن\مالي نفـس..
وحركت حنان شعرها اللي مجمع بكتفها ألأيمن بضيق\وانا كمان..
بلعت فريد اخر قطعه وهي تتمنى سندويشه ثانيه\بلا دلع..وكلي انتي وياها..بســرعه..
حنان تكلمت بقهر وهي قاصده هالرد المجروح\كل حاجه بالغصب..حتى ألأكل بالغصــب..!
فريد كانت اطول منها نفس\ايه..عندك مانع..!
حنان\ اففففففففف لا..
فريد\روحي مستشفى المانع.......
اطلقت عايشه ظحكه عاليه وكأنه لها سنين ما ضحكت..وظلت على حالتها لمن ارغمت فريد تنفجـر مثلهـا..وحنان ما قدرت تقاوم وبانت ابتسامه صغيره على شفايفها لمن استسلمت وضحكت معهم..
وتدريجيا تحولت هالضحكه لدموع غزيره رجعت الحزن لقلب عايشه وفريده..
فريده\ما مليتي..!؟
مسحت دموعها بطرف كمها البني مثل الطفله \بلا..بس..شو اساوي..!؟
فريد\واصلي مشوارك..وراجعي حنوا اللي نعرفها..وتوكلي على ربك..وصدقيني بيفرجهــا..
حنان حاولت تقاوم الغصه اللي رجت تعلتي فمها\ياليت,,
فريد\حاولي..تناسي الموضوع..وكأنه ماانوجد..تناسي....مثل ماانا احاول اتناسى..وبتلقين نفسك فعلا نسيتي صدقيني سهله..والا الله ليش رزقنا بهالنعمـه..!
عايشه لأول مره تكون محبطه لدرجة اليأس\الكلام سهل..والأفعال صعبه..
فريد\لا عواشي..هذا مو كلامك..مو انتي اللي تستسلمين بسهوله..مو انتي!؟
هزت عايشه رأسها بالنفي\مدري..مدري اأأأنا..ااااانا مشوشه..
رن جرس انتهاء الفسحه وقطـع نقاش البنات الغير منتهي..
-----------------------


















تأملت الشعيرات البيضاء الغالبه على جميع شعـره..
والمرتخيه بسلام على جبينة القمحي..
اسبوع ونص عاشته بصحبته باايطاليا وكان اجمل مايكـون..
تلمست جوانب كثيره من شخصيته اللتي تعتبر نادره بنظرهـا..
كان رقيق بمشاعره...حنون بشخصيته..صبور بحلمه..
مجتهد بعمله..منظم بحياته..
والأهم من هذا كله..انها ماعمرها قابلت شخص بطيبته وعفوية تصرفاته..او خطر ببالها انه ممكن يكون شريك حياتها يحمل هذه الصفات..وبالرغم من بناء الحواجز اللي عزمت عليها من انخطبت له واقترن اسمه بااسمها ..بالرغم من غرورها وكبريائها وشخصيتها المتعجرفه الا نها تعترف بينها وبين نفسها انه سامي قدرّ يغير من شخصيتها وكأنها انسانه ثانيه ماتعرفها وبفتره قصيره وغير متوقعه...
لكن اللي مكدر حياتها نقطه فقيره..وحيده.. تحاول تكشفها..وتجاهد للوصول اليها حالها كحال أي انثـى تطالب بحقوقها الأساسيه ..بس صدود سامي والجمود والنفور الواضح اللي يلزم وجهه يرغمها تخـاف من المستقبل المجهول..
ابعـدت هالأفكار عن مخيلتها اثناء ما لاحظت ابتسامه صغيـره تتوسط خده الأيسر..وتوقعت سبب هالأبتسامه من الكتاب اللي يتسلى فيه وهو بالجو لأنه مستحيل يضيع فرصه الا وهو مستقلهـا..
شعرت بغيـره من هالكتاب اللي عيـا يبعد عيونه وعقله عنه..وبتلقائيه مدت ايدهـا وشدت الكتاب برقه..لكنه كان اقوى منه وظل متمسك فيه وابتسامته كل مالها وتكبـر وبأيده الثانيه مسك ايدهـا الصغيره وضمها بحضنه لأجل يقيدهـا..ويمنع شغبها..
تأففت لولو وسندت ظهرها على المقعد وهي متيقنه محال إبعاد هالكتاب من ايده
قطبت حواجبها وهي تتأمل الغلاف البحري\التسامح...اعظم علاج على ألأطلاق..
رفع سامي عيونه لها لأول مره\لـ جيرالد جامبولسكي
لولو\هذه روايه..!؟اووو
سامي\لا هي خطط ناجحه لعلاج الكراهيه والشر..تعرفين..وشد على ايدهـا برقه....التسامح كلمه بسيطه لكنها ذات الف معنى..التسامح اول كلمه تداوي الجروح لأنها بداية حياه جديده بعيده عن الحقد والكره
تخيلي لو انتي باخر الليل وحظرتي نفسك للنوم وعهدتي عهد بينك وبين ربك وبنيه صادقه انك مسامحه جميع الخلق حتى لو ضروك وكنتي المظلومه وهم الظلمه..بتحسين بالأنشراح..بالراحه..بالزهد..
والحـب والأيمان بيحاوطك وبتنامين بسلام..

قرأت الصدق بعيونه..وشعرت بالأنشراح اللي نطقه سامي..
تخيلت لوهله لو سامي يعرف بااسبابها بقبول هالزواج ..كيف بتكون ردة فعله..!؟
حست انها حقوده ومجرمه..لأنها مافكرت الا بالفلوس والشهره..
ابعدت هالأفكار من بالها اثناء ماحست بضغطه على ايدها اللي امتصت الحراره من ايده...واغلاقه الكتاب اللي اكمله..
سامي\اميرتي..
ارتعشت من صوته..وكرهت نفسها اكثـر وهي ضايعه بين مشاعر متناقضه.
سامي\وشفيك!.
لولو\ولاشي..
بعثرت نظراتها لمن تثبت على منظر السحب بالنافذه..
شد على ايدها للمره الثانيه وهي متيقنه انه هذه طريقة تعامله معهـا اذا ارد ان يحسسها بالحنان
ورجع لكلامه العفوي\قولي قسم..!؟
لولو ابتسمت بشماته\نفسي اعرف من وين تجيب هالمصطلحات..!
سامي\صدقيني تطلع عفويه..انتي بس ناظريني وبتشوفين الصدق بعيوني..
معقوله بتشوف الصدق بعيونه..وبتحس بحنان لمسة ايده..وبتخاجلها نفس الأحاسيس الجميله..
معقوله بيظل هالوئام والتفاهم حتى لو رجعت لللسعوديه..!والا بينشغل سامي بحياته حاله كحال أي رجـل مشغول بتطوير هالثوره اللي يمتلكها..!
وينتهي كل شي حلو عرفته لولو..!؟
ليش لا..!؟
هي لازالت غير مستقره سواء عاطفيا او حتى كـ مسمى امراءه متزوجه!.

وافقت على رأيها وهي تنقصها الخبره وهي بنت ال 17 سنه..والجهل يسيطـر عليهـا..وجميع المخططات اللي طمحت لها بتواصلها لأنه مبتغاها الوحيد الثوره اللي طمحت لها من اول مافكرت تتزوج سامي..!؟
-----------------

















كل قوتها وقهرها وجنونها وعشقها وحزنها وعذابها وضعته بأصابعها اللي تقطع شعرها بلا شعور وملل..
فعلا الكتاب مفتـوح..والمكيف بااعلى مستواه..والبيجامه اللي لابستها تفاحيه وصيفيه ..والجو ساكن..والأضاءه قويه..وكل شي مهيء للمذاكره..لكن العقل بعيد..بعيــد لأخر مدى..وتفكيرها مستحوذه مصعب وابوها واهلها وصديقاتها..وحياتها ودراستها..ومدرستها ومعلماتها..وحتى بوصالح حارسهم اللي دوم يهبلون فيه كان ماخذ حيزّ بعقلها..
وبلحظه سمعت طـق قوي قطع بنات افكارها..
رفعت بتلقائيه رأسها لناحية الباب وهي مذهوله من الأقتحام المفاجىء اللي حدث بغرفتها
وارتفع ضغطها وهي تشوف بدور واحلام يتقدمون لها وهم يتضاربون وكل وحده تطلب الثانيه تبدأ بالكلام..
شعرت انهم مثل طنين نحلتين مزعجين ومربكين.
لذلك خارّ صبرها القليل وانفجرت بوجههم بقوه\وعمــى تكلمـــوا...!!!!!!!!!!!
انتفضوا البنتين واتسعت عيونهم بخوف..وبدور انهت هالتعذيب البطيء اللي احدثوه لفريده..
بدور\خلاص كلتينا...بنقولك شي..ومستحيل تصدقينـــه..!؟
احلام\اكيد مو مصدقته..لأني انا كمان مو مصدقه..!والتفت لبدور..قولي..
بدور\امممممممم
فريد اغتاظت أكثر وكان ودها تقوم وتضربهم بكل حراراه لكنها تماسكت\جعلك الماحي انتي وياها ..انطقوااااااااااا
بلعت ريقها احلام وقالت\مصعب
من سمعت فريده اسم مصعب على لسان اختها حست بالأرتعاش الخفيف..
وبكل عجرفه ردت\مالت عليه..وشفيه.!؟؟
رمقت بدور فريد بنظره ساخره وهي كاشفه الاعيبها\مافيه شي..يلا احلام..مسكت ايدها وهموا خراجين من الغرفه ..لكن صرخة فريد اوقفت خطواتهم..
فريده\لحظــه...
بدور\خيييييير..
فريده\بلا هبل وقولوا وشفيه...!؟
بدور\وليه اقول..شكلك مو مهتمه..
احترقت اعصاب فريده\بدووووووووووووور..
ارفعوا البنتين ايديهم لأذنهم باانزعاج..
بدور\عليك صوت مو طبيعي..
فريد\يعني انتي ودك تختبرين صبري...!؟
احلام استجمعت قوتها وقالت بنبرة خوف\انا بقولك...فريد..مصعب آآ
بدور قاطعتها\تذكرين حلم مصعب اللي ياما تمناه..
فريده\حلمه؟؟؟!
بدور\فريد..مصعب كلها كم اسبوع وبتشوفين البومه نازل بالأسواق..مصعب صار مطرب يافريد..
بتلقائيه تعقدت حواجبهـا..وحست انه كلام بدور نكته الأسبوع..وعشان كذا كانت ردة فعلها ظحكه
فريده\هههههههههههههه نكته بايخه تصدقون..
احلام بنره حزينه وعفويه\فريد..حنا مانمزح معك...توها خالتي داقه على امي وتبكي على مصعب ..حتى قالت عنه صايع وضايع..وعااااق بوالديه بوم فكر يدخل هالمجال...صح بدور...!؟
اومأت بدور رأسها\صح..ياكرهي له هالمغرور..حقق اللي في باله من زمان..بس ما ظنيت يسويها بهالسرعه..يعنني مسوي فيها مطرب وصوته حلو..على اييييييش ياحظي...!اكرهه هالمخلوق..
احلام بنبرة طفوليه\لو سمحتي لاتسبينه..
كشت بدور بوجهها بقهر\جات لنا المراهقه..اقول يالبزر..تراك بااولى متوسط ..يعني لاتسوين فيها رومانسيه..
حمرّ وجهه احلام بخجل وغيض\مالك دخـل..كيفي..!ولد خالتي واحبه..يكفي انه يشتري لي السيديات اللي احبهم..ويغني لي اذا طلبت منه..
بدور\وععععععععععععع من حلاة صوته...وسيديات السوني..تنقعي فيهم انتي وياه....اصلا خلاص الولد مااراح يعطيك وجه بعد اليوم..الشهره بتعمي بصيرته..وقولي بدور ماقالت..
احلام شعرت انها بتبكي لمن تخيلت انه مصعب ممكن يتغير\كذابه..
بدور\ماغيرك الكذابه..
احلام\اصلا انتي مقهوره لأنه يحبني ومايحبك..
بدور بنبره عاليه\تكفييييين انا اللي بموت عليه واتمنى نظره منه..مالت عليك انتي وياه..
احلام بنبره لاعلى\اسـك
فريده\بسسسسسسسسسسسسس..طلعوااااااااااااا برررررررررررررره
انتففضوا البنات للمره الثانيه من صرخة فريده ومثل البرق خرجوا من الغرفه ..
وتركوا فريده تعاصـر الخبـر اللي صدمها لوحدها..
وبلا شعور..وبلا مقدمات..تجمعت الدموع بعيونها بكل اسى والم..وهي مفجوعه من الخبرّ الغير متوقع..
"خلاص يامصعب...سويت اللي تبيه..يعني كنت صادق يوم قلت لي انك بتكون بيوم مطرب..!؟
حلفت لي وماصدقتك...وهذا هم اليوم يزفون لي خبـرك..!؟
ليه يامصعب..لييييه...!؟
بلاك ماتدري انك هدمت اخر جسرّ بيني وبينك...!؟"





بتغيير حياة لولو برجوعها للسعوديه!؟؟

حنان رجوع سيء ومدمر للخلف..!؟

فريد من صدمه الى صدمه!.!

عايشه وكابوس اسمه احمد..!

مصعب دخل عالم الفن.........نقطه على السطر..!؟؟؟؟؟




اختكم
كـ \وصيت قلبي عليك