الجزء العشرون
أأنت قوي..آم ضعيف الذات؟؟
==========
"ضحايا الحب"
الفوضى كانت عامره بقلبها الدامـي,,وجميع مشاعرها المندفعة غلفتها بكلمتين خرقت قلبه..
تأملت شكلها بالمرآة المقابلة سريرهـا ..أوراق تصاميمها مبعثره حولها بشكل يائس ومحبط وكانها تصف
ما يحمل قلبها من الم وفشـل,,..
تذكرت يومها السوداوي..ونهايته الشجية..ركبت اول سيارة بدون ماتعرف واجهتها واضطرت بعد بحث متواصل وسلبي لمكان بيت عمها ان ترجع مره أخرى للجامعه وتنتظر انتهاء محاضرات بنت عمها..والحمدلله انه الانتظار لم يطول ورجعت لغرفتها تشكي همها وتبكي براحه وبدون ضجيج وتساؤلات,,
ولمن شعرت انه بينها وبين الجنون شعره اخذت تلفونها ودقت رقمها بدون تردد..واول ماسمعت صوتها بكت بااعلى صوت ..
لولو\حنوا..حنااااان انتي تبكين!!
حنان بصوت دامي\لولووو آآآهه
طلعت لغرفتها واغلقت الباب\حناان وقفتي قلبي..ايش فييك!!..ليه تبكييين,.
حنان\انا فاشلــه انا غبيه..انا وحده هبله بينلعب عليِ ٍ بكلمتين ليه عم يصير فيني هييك..
اندفاعها بالحديث شوشها..واستصعبت تستوعب أي شيء
لولو\اهدي حنوا..وفهميني من البدايه..ترى قلبي خايف عليك..خذي نفس وذكري الله..
سكتت وتسللست بقية الدموع لخدها وهي تذكر ربها\لا اله إلا الله..
خذت نفس كبيـــر...وحكت لها اخر الأحداث لأنها لها عندها علم بأساس الموضوع..
لولو\النذل..الحقيير...يمثل حبه..."كملت بنفس الألم..كل الرجال خونه كلهم...
ردت بكل استسلام\بس أنا حبيته...
سكتت وماعاد في كلاااام..وكأنه الزمن يعيد نفسه بحنان..
حب ..استسلام...ونهايته خيانـــه..!!
تواسيها..والا تبكي معها..!
تنسيها..والا تعيد الذكرى..!
تقويها..والا تسرد لها حكايتها..!
ماتعرف أي حل مثالي..والأحتيـــاج قاســـي..
وبلحظه مهزومه حكت لها كل شيء..وطلاقها المفاجأ..
وكانت الصدمه كبيره على حنان..لدرجة انها نست مصيبتها ورأف قلبها مواساة لصديقتها..
لولو\شفتي كيف..طلعت مصيبتك اكبر من مصيبتي..على الأقل انتي كشفتيه قبل مايحدث أي شيء تندمين عليه..
ماتعرف ليه احساس الراحه انبعث بروحها ..وهي فعلا رغم كل اللي حصل ماكان ندمها يساوي ندم صاحبتها..
حنان\لولو..ليه ماخبرتيني!
لولو\كنت ابي انسى..وماابي افتح الموضوع مره ثانيه..لكن حكايتك فتحت الجرح..حنوا اسمعيني زين..ماراح اقولك انسيه لأني اعرف انه المشاعر صعب تتلاشى بلحظه..لكن عيشي حياتك..كملي دراستك..واصلي طموحك..انتي ارادتك قويه وموهالمصيبه تضعفك..امك وابوك املهم فيك..وانت قد هالثقه..سمعتيني..انتي قويه وبتظلين قويه..وقولي الحمدلله على الأقل علاقتكم انتهت هنــا قبل فوات الأوان..حنوا انتي معي!!
حنان\ايوه..عم بسمعك..
كانت مشغوله بكلامها.." انتهت..!.."
معقوله هذه النهايه..!
هذا اخر الحب والحالميه المفرطة..
حطمتني ياطارق..حطمت شعوري..
لولو\ماابي اطول عليك اكثــر..اذا سكرت منك تغذي ونامي انتي محتاجه راحــه..
أجابتها بصوت غلبه البحه\مالي نفس أي اشيء بحاول انام..وبس.
لولو\طيب حبيبتي طمنيني عليك..واذا ماقدرتي تكلميني دخلي على الماسنجر طيب..
حنان\طيب..
لولو\مع السلامه قلبي..
حنان\مع السلامه
أغلقت الخط وحضنتها أوراقها ..غمضت عيونها لعلها تلقى الراحه وتغفوا ولو لحظات
لكن جميع ذكريات اليوم تهاجمهـا رغم التعب والصداع الملازمها..
تقلبت بفراشهــا لغاية ما غلبها النوم..
=================
"تحيا القناعة بالذات"
حسمت أمرها وقررت العمل بعد سماعها محاورة امها وابيها..
بحثت بين أدرج الصاله على الجرائد وبسهوله لقت ضالتها,,
دخلت غرفتها وجلست على الأرض ....جالت عينيها على قسم الوظائف وهي تتذكر كلام ابيها
"الحال مايسر..والأجازة محتاجه مصاريف وسفرتكم أنقصت الميزانية"
الغالي كان يضغط على نفسه..ويبحث عن سعادتهم وهم بالمقابل لأهين..
اشرت باللون الأحمر على جميع الوظائف النسائيه التي تناسب مؤهلها الدراسي,,
حارسة امن..مسوقه..كاشير..مندوبة..جميع المهن بعيده كل البعد عن طموحها..
ولجل ماتنقص همتها بدأت بالاتصال الفوري..وصابتها تعاسه تضاعفت مع رفض اصحاب العمل طلبها إذا علموا مؤهلها الدراسي,,وردود افعالهم اللي غلبها السخريه.,
اكملت باقي اتصالاتهـا بهمه أصبحت محبطه لكنها رفضت الهزيمه وكان اخر رقم هو الأمل الوحيد المتمسكة به,,
فريدة\كيف طبيعة العمل...!؟....بالمصنع..!!..تغلييييييييف ولصق..!!؟؟..هذه الوظائف الشاغرة..طيب..ان شاء الله..
أغلقت الخط ورمت نفسها على الأرض,,
شغله بسيطه وسهله..وبنفس الوقت مسليه..وتعلم حرفه جديدة..
ابتسمت بقناعه تامه..وابعدت أي فكره محبطه بمسمى الوظيفه..ونظرة الناس لها..
والعمل ليس عيب..إنما العيب هو الاستسلام ..
بدور\وش تسوييييييييييين!!
اغمضت عينيها بوهن\ارقص..
اقتربت بدور منها\تمتلكين روح الدعابه..!
عبست وجهها كارهه\اقول طيري بس..
بدور\بطير بس اول قومي العشاء..
فريده\اففففففففففففففففف ماتخلون الواحد يختلي مع نفسه دوم تناقزون مثل السبلان..
رفعت بدور اصبعها مهدده\انا لو احاسبك على كلماتك..كان مت من القهر..بس بمشيها بكيفي..
اعتدلت بجلستها ورفعت الجرايد ووضعتهم بطاولة مكتبها\كولي عســل و وريني عرض اكتافك..
بدور\,,,كولي عسل انتـي..!!
ابتسمت بدور وهي تلاحظ صمت اختها وتفاجئها من كلمتها المشهوره..
اقتربت منها فريده لغاية امام وجهها رمقتها بنظرة حاده وانفاسها الاهثه تلفح اختها ..خرجت من الغرفه بدون ان تعقب بأي كلمه..اما بدور ضحكت ولأول مره تحس بالأنتصار على اختها..
:::
جلست امام ابيهـا وهي تتأمل تقاسيم وجهه البشوشه رغم محنه..والحمل الكبير اللي اثقل كاهله..
هي والغالي نفس الطباع..
الم بصمت..
وتحمل بصمت..
ومشاعر بصمت..
بومحمد\فريده..كلي يابنتــي..
ابتسمت بود ورجعت فريد الشخصيه المرحه القياديه المتمكنه..
ملئت طبقها بعشاء متواضع..بطاطس باللحم المفروم..وسلطة خيار..وكان هذا اول تصرفاتها اذا شعرت بالضيق الشديد,,الطعام اسهل طريق للتفريق عن المشاعر..وايضا فهو من أولوياتها وافضل الهوايات..
=============
"صدفة"
تمسكت بمقبض نافذتها..وراق لها منظر السماء المشبعة بالنجوم الامعه..رغم حرارة الجو ورطوبته الشديده الا انها تشعر بهدوء ورضا داخلي لسبب مجهول..
رغم بعد الأحباب..والأقدار العنيده ..رغم كل شي مازالت عائشه ..وفعلا هي عائشه اسم وحقيقه..
لاحظت صوت قريب من مسامعها..صوت معروف لديهـا..واتضحت الصوره شيئا فشيئا..
شدّها مكالمته الهاتفيه..وتعابير وجهه وحركات ايديه المتفاعله مع حديثه..اقتربت اكثر للجهه اليسرى بعد ما أغلق هاتفه ..لاحظته يضرب شيء بسيارته بكل قوته وهو يعض على شفاته واثناء تدقيقها اكتشفت انه يعبث بنافذة سيارته المائله..ابتسمت على ضجره وماقدرت تمنع ظحكتها وهو يركل رجله على باب السياره عدة مرات بتذمر..
رفع عينه للأعلى وهي بلمح البصر اختبأت خلف الستاره وقلبها ينبض خوف ورهبه..
ظلت فتره طويله على هالحال وهي تشتم نفسها المتهوره..واثناء ماسمعت صوت سيارته والهدوء اللي سكن بعد رحيله شعرت بالأرتياح واغلقت النافذه..
جلست على كرسي مكتبها وهي تعيد الموقف بذاكرتها..اخذت مذكرتها وماقدرت تمنع نفسها من الكتابه..وهالمره كانت خاطره قصيره..متناقضه ووليدة اللحظه..!
لا..
سأبدا حكايتي برفض تام..
ولا اعلم هل ذلك الحرفين..
تتبعت دقات قلبي,,
واختلطت مع انفاسي
وصدق بها احساسي!!
وامتزجت مع دماء عروقي
"
لا يامن كنت ملك تترأس احلامي
لا يا اسطوره داعبت افكاري
لا يا نسمة اشرقت بها يومي!
لا يا كلمه خلقت لترويني
لا يا املاّ بعث ليشعلني
لايا لحناّ سٌطر ليغني
"
كرهتك بعدد الأحرف التي خلقت لتكتب
كرهتك بعدد جذوع الشجر التي نمت لتكبر
كرهتك بعدد النجوم التي سطعت لتضيء
كرهتك بعدد قطرات المطر التي انهمرت لتسقي
كرهتك بعدد المحبين..
وجنون العاشقين..
ونشوة الفرحين
وبألوان زهرك
وروعة عطرك
وحدة غضبك
ونقاء ابتسامتك
ولهيب روحك
وثورة عطفك
"
وبعد تلك الدموع..والأعترافات..والزلازل..
هل عرفت معنى كلمة لا!!
لا
كتبت لتكذب حقيقه
وقيلت لتخفي مشاعر
ووجدت لتفرغ حاجه
واستدبلت بنعم..
نعم ..اني احبك
احبك
احبــك
===============
"انا اقوية"
لا تعلم أي قوة جبارة باغتتها وهي تدخل لبوابة الجامعة بكل ثقة وطموح يناضل للمعالي..مشت بخطواتها المتميزه والثابته بنظره هادفه..تاركه خلفها بقايا تجربة فاشله وميته لاتقبل تشيعيها..
دخلت القاعه بكل شموخ وشتان عظيم بين حنان الأمس واليوم..!!
اتاها صوت ازهار وهي تهتف لها..تقدمت لها باابتسامه مشرقه..وهي متيقنه انه الممثل البارع صاحب اجمل ابتسامه يتطلع ناحيتها بكل ذهول واسف..وهذه اول الخسائر...مرت من جنبه بكل هدوء بدون ماترمقه بنظره وجلست بمقعدها وهي تصافح صاحبتها
ازهار\صباح الخير..
حنان\صباحك ورد..
ازهار\شو هالنشاط وهالوش الحلو اليوم..!
حنان\انا كل يوم نشيطه..!
ازهار\ومغروره كمان..
رمشت بعينيها بكل ثقه\مو يحق لي؟
ازهار\يحق لك ونص!!
اخرجت كراستها من حقيبتها على دخول الدكتور..واجلوا أحاديثهم لوقت البريك..
كان المحاظره اغلبها رسومات هندسيه وتشكيليه سيطبقونها ببرنامج الفيزيو..وعلى اخر الوقت انهلكوا وهم باول المحاظرات,,
ازهار\ظهري بحسه بينكسر...
حنان\انا ايدي عم توجعنــي..وجوعانه كتييير..!!
دخلوا الكافتريا..وحنان طلبت لها كورسان زعتر وجبن..وشيبس ..وكولا..اما ازهار اكتفت بكروسان جبن ..
كانت تاكل بشراهة وكأنها مضربه عن الطعام شهر كامل..لدرجة انه ايدها ماسكنت بالطاوله ولا لحظه..اتتها رغبه تغمس الشيبس بالزعتر وتتلذ بطعمه الشهي..حاولت تمنع هالرغبه العنيفه بطولة بال..وتأجل فتح الشيبس بالنهاية ..لكن ماتعرف كيف ايدها فرغت محتوى كيس الشيبس بداخل الزعتر واكلته بلا تردد..
ازهار\شو هاد!!..الأكل مو طاير..بدك اشتري ليك ساندويش تانيه..!
مضغت اخر قطعه من الزعتر وهي تقول\لااا.."بلعتها بصعوبه...شكرا..
فتحت كيس الجبن وهي تشرب الكولا\لاتطلعي فيي هيك..ماعمرك شفتي وحده جوعانه..!
ازهار\بلا..بس متلك مالقيت..
ظحكت وهي تاكل\طبعا..
كملوا اكلهم وقرروا يتمشون بحديقة الجامعه..
ازهار\انا بدي اروح دورة المياه..اسبقيني انتي..
حنان\طيــب..لا تتاخري..
ازهار\خدي اغراضي..
توجهت للباب وطلع بوجهها طــارق ..ماتوقعت تقابله وجها لوجه وبهالقرب الكبيــر ..ابتعدت خطوتين..وانتظرته يبعد..واثناء ماشعرت انه مطول بالوقوف..حاولت تخرج لكن كان معترض طريقها بدون مايشعر..
حنان\ممكن.."واشرت على الباب بدون ماتناظره..
طارق تكلم بتردد\حنــ
قاطعته بصرامه\لو سمحت..الناس عم تتطلع فينا..
مسح على جبينه بتوتر\أعطيني خمس دقايق..
ماتعرف أي جرأه و قوه اتتها وابعدته بالكتاب اللي حاملته\ولا تانيه..
خرجت بخطوات سريعــه لأخر بقعه خاليه من الناس وبعيــد عنه..ورمت نفسها على العشب ودموعها كانت مثل البحر على عينيها..\ماراح ابكي..ماراح ابكــي..
============
"حطام قلوب"
لا تعلم كم وقت مرّ وهي امام المنزل..غابت الشمــس..وظلم المكان وهي بحال واحد
وبنظره واحده ..ثاقبه..متأمله البعيــد..والظروف العنيده والأقدار التي حالت بينها وبين مكانها الحقيقي..
شيء واحد كانت تعرفه وتشعر به..الألم العظيم الذي عيشت نفسها فيه وهي واقفة تناظر المكان بقل حيله وبقيود صامدة..!!
كل ما فكرت تبعد ..شيء كبير يمنعها من التحرك..ورغبه ترغمها تفك الأسوار وتقول هذا بيتي..وهذا مكانــي..
لكن جرأتها انتهت الى هذا الحد وهي لازم ترحل الآن وفورا..
لولو\امشي يامحمد..
مشت كالثملة التي تحتاج المزيد مهما وصلت حد تجرعها..بعد ما جففت دموعها ووضعت الكحل ووصلت بيت خالتها الحبيبه..
دخلت غرفة البنات أثناء انتهاء فريده من مكالمتها..
فريده\هلا والله..
سلموا على بعــض..وجلسوا على السرير بعد ماطبقت لولو عبائتها..
فريده\ليه عيونك حمره..!!
مسحت لولو انفها\مزكومه شكله تغير علي الجو..!
مااعطت فريده الموضوع الحجم الكبير لأنها مشغولة البال بالخبر اللي تلقته قبل دقائق,,
وقفت على طول\بجيب الشاي هنا ..ثواني بس,,
طلعت فريده ولولو بالمثل قامت وتوجهت للمرايه..ناظرت عيونها المتورمه من كثر البكي..وشعرت انها بتبكي مره اخرى..وبحركه سريعه فتحت شعرها وبعثرته بفوضويه..ووضعت مرطب وردي بشفايفها..ورشت عطر alin ببلوزتها السوداء الحرير وبرسغها..ورجعت للسرير على دخول فريده الحامله معها كوبين موكا وبيتزا..
لولو\ماشاء الله عليك صلحتي الموكا بسرعه..!
قهقهت بفخر\مو لهدرجه.. عملتها العصر وبقى شوي منها.."وبآليه اكملت..وضعت كريما ورشيت بودرة شوكلاته عليها وبس..
لولو\بس!
فريده\بـس
اخذت لولو منها الصينيه ووضعتها بالطاوله اللي بين السريرين,,وشربت شوي من الموكا..
لولو\فريد..عندي موضوع حابه اقوله لك..
رفعت بؤبؤ عينيها بحماس\سبحان الله..حتى انا..بس انتي قولي قبل..
لولو\لا..انتي قولي..
هزت رأسها بالنفي\مستحيــل انتي قبل..
لولو\والله انتي بتبدأين..
تضجرت وصرخت\ماله داعي حلفك..الموضوع مايسوى..؟
هدأت لولو اعصابها\طيب قولي اسمعك..
فريده\بكل صراحه انا حابه اشتغل..
قاطعتها وهي متفاجأه\ليــ
فريده\قبل ما تتفوهين بأي كلمه اسمعيني للأخير..ابوي اموره الماديه جدا صعبه..وانا ابي اخفف عنه بكل اللي اقدر عليه..بتقولين لي ايش لك بالشغل وانتي توك متخرجه ..بقولك بكتسب خبره جديده..وانا فاضيه سواء اشتغلت او لا..!والربح اللي تدخره امي من طبخها مايسد الا حاجه بسيطه..كل شي ءاصبح غالي الآن حتى الرز زاد سعره..وحنا مو قد هالغلا..!
ليس هناك كلام بعد حديث بنت خالتها المقنع..كل يوم عن يوم تكبر بعينهــا..وتشعر نفسها صغيره امام عقلها الراجح..هي تبكي على الأطلال امام بيته..وفريده تفكر بمستقبل عائله تزعزعت اموره بوسط هالمجتمع الجبار..
لولو\ايش نوع عملك...ليكون مدرسة!!
فريده\شي بسيط جدا وسهل..تجميع رضاعات حليب الأطفال ولصقها بـ طوابع بماركة المصنع...
لولو\نعممممممممممممممم؟؟
كانت متوقعه ردة فعلها لكن تظاهرت بالبرود\وشفيك تفاجأتي..!
اتسعت عيون لولو اكثر\انتي مجنونه..مالقيتي غير هالشغله!!..وقفت على طولها...مستحيل اصدق اللي تقولينه؟؟
جاوبتها بنفس نبرة البرود\لا صدقي..وبعدين ليه انتي ثايره لهالدرجه..والا هالشغله ماتناسب مستواكم الاجتماعي!!
لولو\فريييييييييد لاتجنيني..في الف شغله ممكن تتوظفين فيها..!
فريده\الف شغله..؟ضحكت بسخريه..شر البليه مايضحك..لي يومين وانا ادق مثل المجنونه..اللي يسكر السماعه بوجهي ..واللي يتمسخر علي..واللي يرفض طلبي بأسلوب لبق..مين بيقبلني وانا ماعندي غير الثانويه..اصحي يابنت خالتي..حنا بدينا القوي..ابيك تشدين من أزري..مو تصكينها بوجهي..!
لولو\قلتي لأهلك
نزلت عيونها بألأرض وهي تفكر كيف بتقنع اهلها\لا..لسه..يوم جيتي دقوا علي وقالوا لي بكره عندي مقابله بالمصنع...!
لولو\ومقابله بعد!!
فريده\لــــــــولـــو..؟؟؟؟؟
لولو\طيب خلاص فكيني..
فريده\خلينا من هالكلام. قولي لي ايش الموضوع اللي تبغين تقولينه!
ترددت لولو تحكي..الوقت ابدا غير مناسب..
فريده\لهالدرجه الموضوع قوي؟؟
اخذت نفس وقالت\جدا وخصوصا بعد اللي سمعته منك؟؟
فريده\شوقتيني يابنت..
لولو\خلينا نأجله لوقت اخر..
فريده\شوفي لولو..انا مااحب احلف مثلك..بس ماارح تطلعين من بيتنا الا وانتي قايلته..
لولو\فريد تكفين خليه بعدين..
فريده\لاتحاولين الموضوع عني..كيف تبيني انتظر اكثر؟؟
لولو\طيب ..طيب..
سكتت فريده تنتظر مبادرتها بالحكي..ضمت اياديها بتوتر وهي متيقنه انه الموضوع سلبي اكثر من ايجابيته..
فكرت بأشياء عديده لكن كل افكارها كانت سوداويه ونهايتها مبتوره..
وعندما انتهى صبرها..صرخــت بجنون..
فريده\تكلمــــــــــــــــــي
لولو\ابو شامه..
ذكر اسمه ووصوله لمسامعها يبعثر شيء عظيم بكيانها..
ودون اي تردد اكملت\اخوي يبغــى يخطبك..!
هل أحسستم مره بـجبل من الجليد ينهل مره واحده على ارواحكم..وهل شعرتم مره بااختفاء نبضات قلبكم من كثر ثورانها..وهل خيلّ لكم انه الأعضاء تذوووووب رغم صلابتها..!
هذا كان شعور فريده هاللحظه..
صدمه..على فرحه مكسوره..على الم لا سبب له..!
مصعب..حبيبها الأول والأخير..
مصعب أمير أحلامها..
مصعب معذبها وقاتلها..
مصعب المغرور..المتعجرف..المتكبر..بكل سهوله خطبهــا..!!
وقفت على طولها بدون شعور وتوجهت لاخر زاويه بالغرفه وكأنها تهرب من الحقيقه..!!
اقتربت منها لولو ولامست كتفها الأيمن\فريد حبيبتي..انا قلت شيء غلط..فريد هذا مصعب..مصعب اللي حبتيه بصمت ووفاء..حلمك بيتحقق اخيــرا..
التفتت لها بوجه جامد وخالي من التعبير\حلمي دفنه اخوك..!
لولو\ايش قصدك!!
فريده\قصدي واضح..لحظه.."سكتت وكأنها استدركت شيء خطير...انتي عشان كذا كنتي معارضه فكرة شغلي..!!
شعرت لولو بالخجل\فريد افهميني هذا مو السبب الرئيسي..!
تهجم وجهها وبكل غضب ردت\ اذا انتي واخوك المحترم رافضين شغلي بالمصنع..فأأنا من سابع المستحيلات اتزوج مغني فرحان بشهرته للأسف ماتوقعتك كذا يابنت خالتي..كنت اظنك تغيرتي وتفكيرك اصبح ارقى..لكنك بتظلين لولو القديمه..
خرجت من الغرفه وتركت لولو منهاره لوحدهــا..لعلها وعسى تعيد وتحاسب على كل كلمه تلفضتها عليها وجرحتها..
""""
رجعت البيت خائبة وحزينة..جرحت بنت خالتها وصديقتها بدون ماتقصد..جرحت اغلى انسانه على قلبها..
وبدال ماتصلح الوضع وتقرب مابين قلبين ابعدتهم بأسلوبها الغبي..
رمت نفسها على السرير وهي تحس بثقل عظيم بصدرها..
استسلمت لدموعها وبكت على فريده واخيها وعلى حالها العصيب..
كيف ستفتح الموضوع مع اخيها ..توقعت كل شيء الا رفضها القاطع..!
حست بدقات على بابها..وبسرعه تداركت نفسها ومسحت دموعها وعدلت وضعيتها على دخول مصعب وهو حامل العود بأيده ولابس شماغه..
مصعب\وينك انتي!!
لولو\انت اللي وينك..بتطلع ثانيه..
اقترب منها\والله اخوك مشهور ومو فاضــ..."سكت اثناء مالاحظ احمرار عينيها..تبكين..
اول ماسمعت كلمته انفجرت تبكي بلا نهايه..
جلس قربها بسرعه ومسك اكتافها وهو يتمنى يحضنها ويخفف حزنها..لكن هو مااعتاد على هالفعل ورغم قربه منها الا انه هناك حدود بعلاقتهم الأخويه..
بكل حنان العالم قال\لاتبكين..
كانت تشهق بشكل يقطع القلب\مقدر يامصعب قلب يعورني..كل شي اعمله نهايته فاشله..كل تخطيطاتي خاطئه..انا ماانفع لشيء..ماانفع لصداقه..ولا حتى زوجه..انا غبيه..غبيـــه وخسرت كل شيء..حتى فريد خسرتها اليوم.."غطت وجهها بأياديها بكل ضعف...قولي وش اسوي..!
رص على اكتافها..والى هنا وانتهى قناع الرجوله..ضمها بكل قوته بدون مايخرج أي حرف..وبهالطريقه ارغمت لولو على الحديث..
لولو\هي تبغى تشتغل عامله بمصنع عشان تساعد ابوها..وووو قلت لها اخوي يبغى يخطبــك..
بــ ــس..انا جرحتها لأني رفضت تشتغل..ووبعدين هي قالتتت لييي انها مستحيل تتزوجك لأنك بالمثل مغنـــ ـــــي..آآهه يامصعب انا دمرت كل شي..كل شــي
كان كلامها مقطع لكن وصل مثل الخناجر لقلب مصعب,ابتعد عنها بهدوء..وعرف الأيجابه..وخرج من الغرفه بدون ما يعقب بأي كلمه..
ومثل ماحطمت قلب فريده اليوم..حطمت قلب مصعب..
ويا عذاب قلب الاثنين..!
"""""""""
حلم قديم ..صعب مناله تحقق اخيرا..والغريب بالأمر إنها تبكي لتحقيقه..!!
أي تناقض هي تستشعره الآن!!
واي صدمات متعدده تلقتها اليوم!!
بكت كالطفله وهي مكومه نفسها على الخشبه الصلبه التي بحديقتهم المتواضعة وعيونها تتطلع للسماء الكاحلة السواد تترجى من ربها الصبر والعنفوان..
حب حياتها خطبها وبنفس اللحظة الصديقه والأخت طعنتها بكل قسوه..
ياالم فرحتها المكسوره..و ما اعظم الجروح الغائرة بقلبها..
والأقوى من ذلك انها حتى لو رفضت الوظيفه من المحال تقبل به وهو بهالحال السيء والمخزي..!
لاتعلم هل الصدفه هي التي كشفت المواضيع بنفس اليوم..ام المكتوب بتر أي علاقه وأعلن نهايتها قبل بدئها..!
لأول مره تشعر بسوء حظها المتعثر..!!لأول مره تكره قناعاتها وتعزيز ذاتها المحطمة..؟
ولأول مره تعلم انه حبها لمصعب قــوي لدرجة الموت..
ومثل ماقررت انه من المحال تقبله زوجا لها قررت تنهي هذه العلاقه مع نفسها الليله...وتطوي صفحة الماضي بدموعها وانتظارها..
\\\\\\\\\\\\\\\\\
مرّ الوقت على الطيور مثل ماهو..لم يتغير منه شيء..
حنان تعلمت من درس تجربتها وصدت أي مبادره من طارق..
عائشه تعيش بحالة سكــون صامت وقنوع..
فريده استلمت وظيفتها بكل حبور رغم اعتراض الجميع في بداية ألأمر
لولو كانت تشعر بتأنيب الضمير طول مرور الأيام
آما مصعب رحل لـ فنه وأغلق موضوع خطبته
\\\\\\\\\\\\\\\\\\
===========
واستمرت الأيام"
لصقت آخر قطعه واغلقت الأله وهوت على الكرسي وهي تمسد جبينها المعرق..
تنفست بعمق وهي ترخي رأسها على عامود الأله..ثم اغمضت عينيها وهي تصارع رغبتها في نسيان ذكريات الأسبوع الماضي..وأيامه التي مرت ببطء شديد..بدئا بعملها الجديد والمناقاشات الحاده التي خاضتها مع اسرتها في اقناعهم واولهم بنت خالتها وحديثها الجارح..ونهايتا بخطبة مصعب المفاجأة لها..
كل امور لم تتوقعها ابدا...وكل حدث اكبر وقع من الأخر..!
الهنوف\يالله فريده..الباص بره..!
رفعت عبائتها\اليوم بيوصلني ابوي قولي للسواق..؟
الهنوف\طيب وبكره نمرك او لا..!
فريده\اذا جيت مع ابوي بعطي السواق خبرّ..وان شاء الله على الأسبوع الجاي بعدل مواصلاتي..
الهنوف\يكون افضل..مع السلامــه...
ركبت مع ابيها..ولازالت الأحداث ترهق عقلها..
بومحمد\وش سوت بنيتي اليوم!!عساها ماتعبت!
أجابته بنشاط وهي تًعدل وضعيتها المائله المتعبه\ونااااسه...سوالف وضحك..النهار يضيع والشغل قليل..
مسد كتفها بحنان وعينيه مركزه للطريق\لاترهقين نفسك يبه..صارحيني...انا قصرت بشيء؟
كلماته الرقيقه..ولمساته الحنونه ..عطفه الساخي..جبرت الدموع تسقط بلا هوادة
لاتعرف كيف مضى هذه الأيام عليها!!ودموعها كانت بمثابة البردّ السالي على قلبها المشبع بالهموم..!
شكرت ربها الف مره لأنها لابسه الغطاء الحاجب عينيها..
جاوبته بنبره قويه \اقطع لسان من يقول هالحكي..بس يبه انا ملانه..ودي اتعلم حرفه جديده..!
شد على كتفها اكثر\متاكده..؟
جاوبته بسرعه كبيره\شلون يعني ماراح تصدق بنتك الكبيره!
ردّ عليها بنفس الحكي\اقطع لسان من يقول هالكلام!!
ابتسمت رغمن عنها\يبه ماتلاحظ انك تقلد كلامي!.."شهقت بقوه..ليكون تتمصخر علي!
ضحك لحديثها\افا والله افا..من قال هالكلام!!
فريده\ليه احس انك تتمسخر.."رقت نبرة صوتها..يبــــه..انا مو طفله..
بومحمد\ههههههههه والله بنتي احلى طفله..
فريده\بسسس انا عرفت ليه تقول طفله..عشان ماتكبر عمرك..لكن لاتحاول الشيب فاضح..
بومحمد\ومن قال اني كبرت انا لسه بريعان شبابــي!
ماقدرت تمسك نفسها من الضحك\ههههههههههه صدقتك..
وصلوا المنزل وهم في مشاجرة كلاميه كالعاده..والغالب اكيد "فريدة
وبسهوله..وبسهولة شديده ..قدر بومحمد يغير مزاج ابنته..باسلوبه اللطيف..ويرفع من معنوياتها المحبطه..
============
"اخواتي الحبيبات"
ترددت وهي تضغط الأزرار للوصول لأسمها..!
كانت مشتاقه لسماع نبرة صوتها حتى لو غلبها الجفاف والجمود..
ولهذا السبب قررت ان تحاكيها مهما بلغت درجة الألم..!
عايشه\يمه...انا عايشــه..
وصلها صوتها وسط ضجيج مزعج\هلا فيـ..لحظــه...انتي ماتفهمين شوفي اختك كيف وصخت ملابسها بالألوان!..ليه تناظريني..روحيي غسليها يالله..هلا بنتي..كيف حالك..؟
اختفت الغصه تدريجيا اول ماسمعت كلمة "بنتي" التي خرجت من شفتيها!
تمتمت بـ الحمدلله بقلبها قبل شفاتها\الحمدلله..
هي احسن بكثيــر..هي طيبه دامها تسمع صوتها..هي طيبه دام ابوها حي..هي طيبه دام عمها آلتها بخطيبته..\كيفكم انتوا...
ام عائشه\الحمدلله..كلهم بخيــر..ويسلمون عليــك..
سكت الطرفيــن مثل كل مــره ..وكانت اللحظة محرجه للأثنين..
بــادرت عائشه بالحديث وفجرت كلمتها التي اخنقتها من بداية المكالمه\يمه..وووحشــ....وحشتونييي.."واكملت بحب وشوق غامر..مررره
اكنست رأسها وكأنها ترى وجه امها امامها..
ام عائشه\حتى حنــا..ياجوووووووود لاتجنين اختك..
ومالبثت تستمتع بهاللحظه النادره الا وكل شيء جميل يصبح باهت اللون..
حتى اللحظه تقدر بثمن غالي..ولايحق لها الكثير..
ام عائشه\اعذريني يابنتي خواتك مبهدليني..
مسحت دمعه سالت بزاويه عينها وتحشرج صوتها بلا اراده\لا عادي ..."غيرت الموضوع لرفع الحرج...يمه متى بتزورونــي..!
ام عايشه\قريب ان شاء الله..متى ماتحددت جيتنا راح اقولك...خذي ريناد تبي تحاكيك علتني باازعاجهــا..مع السلامه..
وصلها صوت ريناد كالشهد على الروح\هلا والله هلا وغلا ياحي هالصوت وحشتيني ياشيخه وحشتيني موووت..كيف قدرتي تخلينا وتمشين..قولي لي كيف؟؟؟؟؟
نزلت دموعها لفرح\صدقيني مو بأيدي افارقكم..الله العالم بالقلوب..
ريناد\طيبه تسلم عليك برسلك لك رقمها بتلفونك..تقول نست تعطيك رقمها..
عايشه\الله يسلمها ويسلمك حتى انا ابي اسمع صوتها..
ريناد\حسبي الله على ابليسكم صبروا شوووووووووي..بعدي انتــي..!
اختلطت عليها الأصوات\ريناد تكلميني..
ريناد\اففففففففف طيب ..وخري..
عايشه\ريناد..!
ريناد\لااااااااا العلل خواتي يبغون يكلمونك..بالطابور يالشينات..
عايشه\لاتقولين عنهم شينات..ترى ماأرضــى..
ريناد\لايسمعونك يصدقون حالهم..!
حست بالسعاده الكبيـره وهي تسمع اصوات اخواتها وشوقهم لها..
غمرتها الفرحه اكثـر من وجودها بينهم..لأنهم لم ينسوها وحبهم لها واضح من اصواتهم وصرخاتهم..
===========
" أغلقت خطبه وفَُتحت أخرى"
الخبر وقع عليها كالصاعقة..وهي في حالة إنكار ورفض لارجوع له..!
هي تتزوج إنسان اخر..!
هي تعشق غيره..!
بعد ماحصرت أفكارها لأجله فقط وخططت لأحلامهم معا..بعد ما وفت له بغيابه وحضوره..ورضت فيه رغم عيوبه ...وبكل سهوله تتزوج غيره وتبدأ قصه جديده ربما تكون أمر من التي قبلها..!
هل قلبها سيتحمل صدمات جديده..وحياه اخرى..مجهول أساسها..!
والسؤال الأهم
هل ستنساه ؟؟
"لاااااااااااا"
بدريه\والسبب!!
قامت من الكرسي ورفضت بصرامه\بدون سبب..انا مستحيل اتزوج...خلاااص يمه مآبي اسمع اكثــر..!
بدريه\يابنتي لازم تفكرين بنفسك وتعيشين حياتك..
لولو\آنا جربت الزواج مره واخذت نصيبي وراضيه فيه..يمه ارجوك و وصلي لهم رفضي..أرجوك..
اقتربت منها والدتها \..بندر يبيك من زمان وحلف مايتزوج غيرك..وانتي تعرفين انه كثير خطبك ورفضتي..ويكفي انه جارنا وعارفينه..وإلا نسيتي!!
"مسدت شعرها بحنان.. لولو سمعيني يمه..خذي اللي يحبك وشاريك وانسي الماضي
خذي اللي يحبك وشاريك وانسي الماضي
خذي اللي يحبك وشاريك وانسي الماضي
خذي اللي يحبك وشاريك وانسي الماضي
شعرت بالخناجر تتهاوى بروحها بلا رحمه..
سامي اصبح ماضي..
سامي ما فكر يفصح عن حبه بيوم
سامي خاااااااااااان
سامي طلقها ورااااح..!
طلعت غرفتها متجاهلها نداءات امها وتذكيرها بالخطبة..
كل مابدأت تفكر بنقطه جديده تظهر له صورته ووجه الباسم المحب وابتسامته الحنونه..
معقوله مافكر يحبها بيوم..!معقوله قصتهم كانت اكاذيب!!
والمشاعر اللي كانت بينهم..والاندماج والسكينه اللي كانت تحيطهم..وحكاية العيون اللي تعبـر عن الف كلمة ومعنى..!
معقولة كل اللي كان اوهام وتخيلات..!
"يارب ألطف بحالي ونسيني سامي..وآنت على كل شيء قادر..
يارب انزع حبه من قلبي وألهمني صبرك..وآنت كل شيء رازق..
كان ودها تحكي..وتقول مقدر..مقدر اتزوج غيره..الجرح اللي بقلبي ماطاب..انا احبه وهو عاف..لكن لمين تفضفض وتشكي..كل صديقاتها بعاد..وعايشين حياتهم..حتى اخوها سافر وما فكر يسأل !!
:::::::::
اغلقت السماعه بعد ماخبرتها برفض ابنتها...لكن اللي فاجأها انه بندر مصرّ ينتظرها لأخر العمر وكأنه على يقين انه لولو بتكون بيوم ملكه..ومااعطوا أي اعتبار للرد الذي سمعوه..
فكرت بأأختها..وتأثيرها القوي على ابنتها..وبلا تردد توجهت لبيتها..واخبرتها بالموضوع..
هيا\والله مو عارفه وش اقولك يابدريه..وانا ماالوم بنتك اذا رفضت..!
بدريه\وانا بعد ماالومها..هذه بنتي..كانت اشوفها وردة وتذبل..طول يومها عازله نفسها بغرفتها..او انها تتمشى بزويا هالبيت الخالي مثل التايهه!
واذا جلست بالصاله تكون ساكته وكأنه الدنيا بالنسبه لها انتهت ومايعور قلبي الا اذا شفتها سرحانه وتفكر.."تجمعت الأدمع بعينيها..بنتي كبرت وهي توها صغيــره مادخلت العشرين سنه..حتى انها رافضه تقدم بأي جامعه..ضيعت نفسها وعزلت نفسها عن العالم عشان واحد رماها وماسأل..قولي لي وش اسوي ياهيا..!!مو عارفه كيف اتصرف..؟حتى اخوهــا سافر ولا حتى فكر يعلمنا أي بقعه هو فيه؟
كانت تسمع كل كلمه وكل همسه..ومااخفى عليها ملامح خالتها الحزينه..!
كل هذا كان بصديقتها وهي ماتدري..!
الزعل ابعدهم..وبنا حواجز عظيمه بينهم..
لازم تشوفها وتسمعها..هي محتاجه لها اكيــد..!
واذا جرحتها رابطة القرابه..فبتظل رابطة الصداقه اقوى واهــم!
جلست قرب خالتها ومسكت ايدها بتردد\خالتــي..لاتزعلين نفسك..انا اليوم بنام عندكم وبينحل الموضوع ان شاء الله..
بدريه\وشغلك يابنتي!
ابتسمت بحبور\بكره اجازه..
هيا\وانا موافقه
رتبت حقيبتها الصغيره..ووضعت ثوب قطنـي مشمي وجينز..واثناء بحثها عن بيجامه رأت التيشرت اللي كان هديه من ابو شامه..اخذته بسرعــه ووضعته بالحقيبه وخرجت لخالتها..
==========
"عام النكبه"
\يقول شهود عيان في وصف مجزرة (دير ياسين)كان هناك عرس وكان العروسان في حفلتهما الكبيرة اول الضحايا فقد قذف بهما مع 33 من الجيران على الأرض ثم اسندوا ووجوهم الى الحائط وانهال رصاص الرشاشات عليهم واياديهم مكشوفه ويروي زيدان وهو الناجي الوحيد بين افراد عائله ابيدت كلها
وكان يبلغ من العمر 13سنه فيقول امر اليهود افراد اسرتي جميعا بان يضعوا وجوههم الى الحائط ثم اخذوا يطلقون عليهم النار فاصبت في جنبي واستطعنا نحن الأطفال ان ننجوا معظمنا لأننا اختبئنا تحت جثث اهالينا ولكن الرصاص قد مزقق رأس اختي البالغه 4 سنه وتقول حليمه عيد التي كانت عند وقوع المجزره امراءه شابه في الثلاثين من عمرها وتنتمي الى اكبر اسره
في قرية دير ياسين رأيت يهود يطلق الرصاص فيصيب عنق زوجه اخي خالديه التي كانت موشكه على الوضع ثم هجم عليها فشق بطنها بسكينة الحاد ولما حاولت احدى النساء اخراج الطفل من احشاء الحامل المقتوله قاموةا بقتل هذه المرأه ايضا واسمها عايشه رضوان وفي منزل اخر تروي شاهدهى حنان خليل انها شاهدت ارهابيا صهيونيا يستل سكينا ويشق بها من الرأس الى القدم جسم جارتها ..
ويصف "دي رينيه" رئيس بعثة الصليب الأحمر"دخلت احد المنازل فوجدته مليئا بالأثاث الممزق وكافة انواع الشظايا ورأيت بعض الجثث البارده ..هممت بالمغادرت لكن سمعت همهمهات وتنهديات عميسقه فبحثت عن المصدر فاذا بقدم صغيره حاره فتقدمت اليها واذا بفتاه في الشعاشره من عمرها مزقت بقنبله يدويه
ومازالت على قيد الحياه وعندما همت بحملها حاول احد الظباط الأسرائليين منعي فدفعته جانبا واكملت عملي ..وقائد هذه المجرزه يقول متفاخرا :كان لهذه المعليه نتائج غير متوقعه فقد قتل اكثر من 250 رجال ونساء واطفال وعلى الرغم من بشاعة هذه الجريمه
لم يصدر عن العالم اي ردة فعل سوى ماقامت به قوات الأخوان المسلمين والتي انطلقت من مصر تهاجم اليهود في منطقة النقب..\
احست بالذل..بالعار..بالحسره ..ومشاعر مختلطه تدفقت من قلبها الثائر..!
اطفال تيتمت.
وبيوت دمرت..
وارواح قتلت..
وظَُلام لازالوا متنعمين واحياء..
بالرغم من اثارتها الشديده بمعرفة محتوى هذا الكتاب وخفايا اعدائها وماضيهم الدنيئ الا انها لم تلقى سوى الألم والجروح الداميه بعدد المظلومين الذين قتلوا..!
واذا كانت متمسكه بقليل من الصبر وهمه ناطرهــا غدا فهي الآن لم تقوى الأنتظــار,,!
"حناااان العمى..مابتسمعــي."
تأففت بغضب وقامت باكراه
حنان\نعم..بدك شي!!
ناظرتها بعيون يملئها الحقد\وانا شو بدي فيك..بابا عم يناديك صار له زمان..
تخطتها ودخلت الصاله..ورأت عمها وزوجته ينتاظرون التلفاز ومنال مشغوله بـ تلفونها البني..
سلمت عليهم بصوت هادىء وانتظرتهم يبادرون بالحديث..
امجد\بكرة البنات طالعين رحله بالمدينيه الترفيهيه ..وهم حابين تطلعي معهم..!انتي شو رأيك عموا!
تأملت ملامح البنات.وهي متفاجئه من كلام عمهــا..
معقوله يتغيرون بين يوم وليلة..وهم فعلا حابين تكون معهم..
او هي اللي اعتقدت انهم يكرهونها واعطت الموضوع اكبر من حجمه..والدليل على ذلك استقبالهم الجميل لها اول ماجائت من السعوديه..!
منال\والله بتنبسطي كتير معنا ياحنان..وبكره اجازه..!
ترددت اكثر وبنفس الوقت شعرت بالحمــاس..
تقبل..او ترفض؟
تقبل..او ترفض؟
تقبل..او ترفض؟
حنان\ايــــه..بروح معكم..
صرخوا البنات فرحيين..وهي فرحت لفرحتهم..
لكن ليه تحس بالشك من نظراتهم!؟
تهيؤااااات..اكيد تهيؤاااات..
دخلت غرفتها وهي تسمع كلمات الاء\تجهزي من بكره الفجر عالساعه عشره ونصف بيمرنا السواق..
حاظر..هذا الذي قالته وهي تجهز بدله لبكره..
=========
"طيور"
كانت جلستهم بين دموع وآهات..وحشه واشواق..عتاب واعتذارات..
رفعت اصبعها السبابه وهي تحلف برب المخاليق وتبكــي\وربي اني ماقصدت اجرحك..وربــي اني عشت بعذاب.,."وشهقت وهي تصرخ..يالشينــه لاتتركينــي مره ثانيــه..
ضمتها بقوه وهي تمتم باذنها\عذابي كان ضعف عذاب..لولو يوم رحتي عني حسيت انك خذتي شي بقلبــي..طلعتك كانت كبيره بنفســي..مابي اتذكر وش اللي صار..خلينا ننســى..
ابتعدت عنها وضربتها بكتفها\اكلمك وماتردين علي..ارسلك مسجات وتطنشيني..قولي لي كيف هنت عليــك..حسيت اني ضايعه بدونك اأأنا خسرت اشياء كثيره بحياتـي..وماتقلبت ابدا تكونين انتي من ضمنهم..
هالليله حسيت بالوحده اكثر من اي وقت مضــي..لا انتي..ولا مصعب..ولا حتـى سامــي.."غطت عيونها بايديها وبكت للمره الثانيــه بكل ضعف..
وماقدرت فريده تهدئها وتركتها تكمل نحيبها الموجع لغاية ماسكنت..
فريده\بلا1.."نطقت بهالكلمه وهي منتظره تأثيرها على لولو"
ضحكت\بلا2
فريده\اخييييرا..ياناس مدري منوا المفروض يزعل..!المهم وش سالفة العاشق الولهان بندر..
لولو\فري لو سمحتي اذا انتي جايه عشان هالموضوع فسكريه احسن..
شمرت اكمامها ورفعت ايدها\ممكن تاكلين عسل..ترى عطيتك وجه..!
لولو\خلص عمتي انا اسفــه..فرييد مو مصدقه انتي هنــا..بتنامين عندي وبنسهر للصبــح..ونااااااااااااااااسه..ودي انقز على السرير..
مسكت ايدها ووقفوا مع بعــض\وليه ودك احنا فيها..
قفزوا كالأطفال..وضحكوا بدون توقف..وبفعل هالحركه بسيطه نسوا همهم واحزانهم..واحسوا كأنهم طيــور ولو لفتره بسيطــه..
ولما تعبوا ونفذت طاقتهم رموا انفسهم على السرير المسكين..وهم يستنشقون بشكل سريــع..
فريده\الللله...ماتوقعت اني بلقى هالراحـه..
ابتسمت شكر لها\ولا انــا..!
فريده\طيب وخري عنــي..ببدل.."وابعدتها بايدهــا,,
لمست لولو مكان الضربه وهي تتأوه\دفشــه..عمرك مااراح تتغيرين..
ضحكت بأجرام..ووقفت على طولها وفتحت حقيبتها ودخلت غرفة الملابس..
لولو\عبال ماتلبسين بروح اجهز للسهره..
فريده\لاتتأخرين..!
لولو\ليه تخافين..
فريده\روحي لاتحاولين تخوفيني..
نزلت للدور الأرضي وهي تتخطى الدرجات..وبسرعه سخنت الماء..وفتحت الثلاجه واخرجت ورق عنب معمول من الظهر..وصلصة الناشوز الحاره..وسحبت من الرف الشيبس,,
وفكرت يكون المشروب ببسي بدل الشاي..رتبت الغرض بصينيه بلاستيكيه شفافه..واخر شي وضعته الأشواك وطلعت فوق ..فتحت الباب باصابع ارجلها وانفجرت ضحك وهي ترى اللي امامهــا..
""
وضعت فريده ايدها على خصرهـا..وعقدت حواجبها\ليه تضحكين..!
نزلت لولو الصينيه على الطاوله قبل ماترميها من الضحك\مااااتوهههههههههه..ماتوقعتك...ههههههههههتلبس ينهــا..
ناظرت فريده شكلها بالمرايه..واخيرا لبست التيشرت الأبيض المرسم عليه ولد احمر وكان يوصل لحد تحت ركبها..اما السروال كان احمر قطنـي..
فريده\مو لايق علي!!"رفعت شعرها وربطته بمشبك اصفر..وش رايك مو ولد..؟
لولو\والله اخوي هبل..انتي كلك انوثه..!
تنفست بعمق وجلست على الأرض \ريحتيني ياشيخه..هذا اللي كنت ابي بسمعه.."خفت نبرة صوتها تدريجيا..تصدقين اخوك حسسني اني ولد..حتى بديت اشك بنفسي..الدب الحمـــ...
لولو\يعني للحين مو فاهمه وش قصده.."اخذت الصينيه وجلست معها بألأرض ..اخوي حب يغضيك..بس!
ضمت ارجلها وتسندت على ارجل الكنبه\واضــح..لاتقلبين السالفه علي اللحين..وفكري زين بالموضوع..!
لوول\ذوقي الناشوز مره بيعجبك..!
فريده\عنيـــده
لولو\الله يعلم مين العنيد؟؟
فريده\ايش قصدك!
لولو\انتي ذكيه وتفهمينها..
فريده\طيب ممكن نتكلم بصراحه وبكل واقعيه..
اخذت حبة ورق عنب وسكتت وجعلت المجال مفتوح لها..
فريده\تذكرين هذاك اليوم...اثناء الفسحه قلتي لنا عن خطبة ولد الوزير لك..كنتي طايره من الفرحه..وكأنه اول مره احد يخطبك مع العلم انك لك باع طوييل بهذا الموضوع..
تكلمتي عن هالعائله وانجازتها وسمعتها وممتلكاتها ونسيتي الأساس وكأن اللي بيخطبك الوزير نفسه..مو ولده!
وبعدها تمت الخطبه والعريس مو حاظر,,وبشهر كانت الملكه والزواج بيوم واحد ولاحتى فكرتي تستخرين..تفاجأت وماحبيت اعلق..مشت الأيام وانا مو حابه شخصية هالأنسان ولا غموضه..وكل ماحبيت انصحك..تتجاهليني..
لولو\الموضوع انتهى..ليه تنبشين فيه!
فريده\لأنه بدايته غلط..وماعمر الغلط يستمر..وانات عارفه اكثر مني..اللي ابي اقوله لك..تعلمي من تجربتك القديمه..واستخيري بهالخطبه واذا ارتحتي تأكدي انه ربي كاتب لك فيها الخير والسعاده اللي تنتظرينها
والحب مو اساس نجاح اي علاقه يكفي يكون احترام متبادل وموده..ومثل ماقدرتي تحبينه تقدرين تنسينــه..!
لولو\يعني انتي قادره تنسين مصعب!رغم مساؤه..
بكل ثقه ردت\صدقيني اقدر..
لولو\واذا قلت انه يحبك ويبيك..
فريده\اي حب وخرابيط...شوفيه وش سوى..وصل له رفضي ورحــل لفنه..كيف تبين اقبل فيه وهو معجب بحاله..صدقيني حتى لو كان هو دواي مستحيل اقبل فيه..
لولو\ليتني بمثل قوتك!!
فريده\كل شخص بداخله قوه..بس في اشخاص يفرغونها بأمور تافهه,,
لولو\يعني انا تافهه!
فريده\تافهه وهبله بعد!!
ترجلت من مكانها وفريده حست بخيانه بالأمر وقامت قبلها..وكانوا مثل القط والفأر وكل واحده منهم تأخذ بثأرها من الثانيــه..
تسندت على باب الغرفه,.وصرخت بعمق\خلااااااص انا تافهه..
مسحت لولو جبينها المعرق وهوت على الأرض\تستاهلييين..
جلست فريده قربها واخذت كاس الببسي وشربته بدفعتين\اااااااااااه حلاته وهو بااااااااارد..
مرّ الوقت بمثل هالحال واعظم..تاره شجارّ..وتاره ضحك..والطعام اخذ النصيب الأكبر..!لغاية ماتسلط عليهم النوم..,.
واخر جمله نطقتها لولو"فريييييييييد لاتناميييييييين..ونامت..
=========
"وحيييييييييدة"
مثل ماتوقعت تماما هي معهم وبنفس الوقت ليست معهم..!
من بداية دخولهم المدينه الترفيهيه..او حتى نكون منصفين من اول ركبوهم الباص..منال جلست مع صديقتها وبالمثل الاء..واثناء مادخلو المدينه الترفيهيه افترقت الأختين
وهي ظلت وحيده..
فهمت لعبتهم وحركة الأنتقام المعتاده..لكنها لن تعكر يومها بسبهم ..فهي الأكبر عقلاَ.. اعتادت على الوحده سواء كانت بالسعوديه او بأي مكان اخر
واعتادت ايضا ان تسلي نفسها مهما عسر عليها الزمان او المكان..
دخلت الكافتريا التي توسطت قلب المدينه واكثر شيء عجبها انها تطل على بحيــره من جميع الزوايا..طلبت لها عصير برتقال..وبيتزا بالخضار..
اكلت وهي مستمتعه بالمنظر الجميل وصرخات الناس الفرحه داخل الألعاب..
انهت وجبتها بحمــاس شديد..واحتارت تبدأ بأي لعبه..وفضلت لعبة السفينه..وبعدها سباق السيارات...ظلت تلعب بدون ملل لعبه تلو الأخرى..وبالأخير ركبت القطـار
واخذت لها لفه بانحــاء المدينه..
بعد مامضت ساعتين التقت ببنات عمها وهي متوجهه لدورة المياه..
منال\وينك انتي!..دورينا عليك بكل مكان..!
جارتهم باللعبه\موجوده..امتى بنظل هون!؟
منال\خلــص شي ربع ساعه ورايحين البيت..الباص بره ينتظرنــا..
حنان\طيب بدي اتوضا واصلي واركــب..
تجاهلوا جملتها ومشوا عنهــا..وهي دخلت دورة المياه توضت واتممت صلاتها,.
خرجت لمكان البـاص... وركبت بنفس مقعدها..وبعد دقائق تحركوا وامتعت نظرهــا برمال الطرق الحمراء..
منال\ليك انزلــي..!
حنان\وصلنــا.."ناظرت الشارع..بس هاد مو البيت..
منال\بلا كتر حكي وانزلي ..
ارضخت لأوامرهم..ونزل اغلبية الركاب لسوق شعبــي ..
حنان\ليه جينا هون!!
الاء\ولازم ست حنان نعلمك بكل تحركاتنا..بدنا نتسوق ونتغدا فيها شــي!!
حنان\ايوه بس هاد ماكان اتفاقنا..!
الاء\اسفين..نسينا نعلمك ببرنامجنا اليومي,,!
شعرت باستهزاءهم المتكرر وماحبت تناقشهم اكثر\طيــب..
وكالعاده هم بطريق..وهي بطريق اخر..
دخلت اقرب مطعم وتذكرت اهلهاّّ!!كيف راح عن بالها تكلمهم وتخبرهم بخروجها!!
فكرت تكلمهم هاللحظه لكن حست بسخف الموضوع لأنها ساعات قليله وراجعه المنزل..والمفترض اخبارهم من البدايه..
تغدت على عجل بطبق اسكالوب دجاج..وهي شاعره بخوف خفيف ..وفسرت هالخوف لأنها باطار محدود عكس المدينه الترفيهيه العامره بالناس..
تمشت بضواحي المدينه ودخلت كذا محل واشترت هدايا تذكاريه لأهلها وصديقاتها وعيونها تتطلع للتلفون انتظار مكالمه من الاء..
مر الوقت والحال مثل بعضــه..وبالأخير قررت تبادر بالمكالمه..وبآليه اخذت تلفونها وضربت رقم الاء وتفاجأت حين اعطاها مغلق..دقت للمره الثانيه وهي تمتم بكلمه واحده"اهدي..اهدي"
وايضا مغلق..رجعت لنفس مكان افتراقهم ..جالت اعينها على كل بقعه بالشارع..مشت بكل اتجاه وبكل زاويه ودهليز لعلى وعسى تلقى ضالتها..والنتيجه واحده وكأنها الأرض انشقت وبلعتهم..
حست بالتوتر والتشنج بجميع اعضائها..ورجعت تتصل وهي ترى تلفونها سينتهي بطاريته بأي لحظــه..!
جلست بكراسي موزعه بنفس الشارع وهي حاسه بأعين الجميع تراقبها..وواضح عليها علامات الضياع والخوف..اشغلت نفسها باتصالها بـ الاء ..على انها تعلم انه النتجيه سلبيه لكن من الخوف والهلع كانت تتصل بلا نهايه..
مرّ من جانبها رجــل بالأربعينيات من عمره جاحظ العينين وبملامحه نظـره زادت رعبها وخوفهــا..تشجنت كل اعضائهــا ووطت عينيها بالأرض بأنتظار رحيله واختفائه عنها ..
تجمعت الدموع بمحاجرها وهي تاره يحوم حولها بكل جرأه..
تذكرت اهلها..صديقاتها..وغربتها اللعينه..وانمحت كل ذرة عقل فيها..
هي ضائعه..
هي خائفه..
هي غريبه..
هي وحيده..
لو هي جالسه بمنزل عمها وتقرأ كتابها ومنعزله عن العالم الخارجه..لو هي اشغلت نفسها بتصاميمها..!!!لو هي تتهامس مع حمامتها..!كانت تحس باأعظم حالات الندم والحسره..
"شو ياحلوه ..وين اهلك عنك..!..
حضنت نفسها بكل خوف وبسرعه البرق هربت بخطوات سريعه ومبعثره,,والأكياس أللي حملتها تتخبط بجسمها من كل جانب..وغطائها انزاح بسبب سرعة جريها..!
"بدك اوصلك..عطينا ووش؟؟
لازال يلاحقهــا..سرعت خطواتها اكثــر..ودخلت بين المحلات ولقت نفسها بشارع اخـر..وارتاحت لمن ضيعـته..
سندت جسمها على الجدار الرمادي..وفكرت بحل يخرجها من هالورطــه..
وين بنات عمها!!
معقوله رجعوا البيت وتركوهــا..!
ناظرت ساعتها لهم اكثر من ساعه ونصف وهم هنا..!!
ليه مامشت معهم..!..وين مفكره حالها..!!كيف قدرت اساسا تتمشى بكل سهوله واريحه لوحدها..!
اهلها وثقوا فيها وهي خانت هالثقه بكل سهوله وتركت للذئاب المجال لأستقلالها..!
هي السبب..هي اللي وصلت لهذا الحال..؟
تأملت المكان المختبئه فيه كالمجنونه..كان مرعب رغم هدوئه..موحش رغم سكونه..!..
حست بحركه قربهــا..رفعت التحفه الزجاجيه اللي اشترتها لحماية نفسها من اي دخيل يقترب منها اغمضت عينيها وسلمت امرها لربها..
ورجع الدم ينبض بقلبها اثناء مالاحظت اعين القطه الرماديه تتصوب ناحيتها ثم تنبش بكراتين مبعثره ومرميه بحثا عن طعام يسد جوعها..
وضعت ايدينها على وجهها وبكت حسره وندم..خوف ووجع..
شوارع مزدحمة .. طرقات ضيقة ..
أبواب موصدة ..!!
برد قارص يلف المكان ..
صوت صفير الهواء .. وهو يخطف لمسة حنان من الأشجار ..!!
يهز جسدي .. يشعل بأعماقي الذكريات ..
وحيدة
أسير وسط زحام المشاعر ..
والوقت يمضي ..
وعقارب الساعة تأبى التوقف ..
ومازلت في نفس الطرق الضيق ..!!!
تفتح أبواب .. ولكنها سرعان ما توصد ثانية ..لأعود أدراجي ..
وحيدة
مازلت أسير ..
كلي مبتلة .. ارتعش بردا ..
أبكـــي حنينا ..
اركض .. قليلا .. وأهرول قليلا ..
أقف حائرة ..
أصــرخ ..
أنادي ..
أتعب من النداء ..
وانا غريبه
وحيـــــده
بقلم "انسانه محبه"
لا اهل..ولاصاحب..واحساس الغربه مثل الشظايا الداميه على روحها الضعيفه
ياربي انتا العالم بحالــي..ياربي استرنـي واغفرلي يارب..
"حنـــان"
رفعت وجهها الأحمر والتفت لمكان الصوت..وحست بالحياه ترجع لها من جديد..
خرج صوتها الثقيل المبحوح من كثر البكاء\انتــا..!
"
"
انتظـــروني بالجزء القادم
كـ\وصيت قلبي عليك
05-08-08, 05:52 AM
جديد مواضيع قسم القصص المكتمله من وحي قلم الاعضاء
العرض العادي
