روووووووعـــــــه البارت

ممم

مشعل ..عجبني تصرفه واتوقعت منو ذا الشي ..يقهرني مرات ويعجبني

عبير ..تستاهل واتمنى من كل قلبي يكمل معها حمد باسلوب شرير اكثر عشان تتعدل

امل..اتمنى انها تقبل بالعلاج والوضيفه ..واتمنى انها ترجع لمشعل ..لانو مشعل بأذن الله يتعدل

شوق وحمد ..اتمنى يرجعون لبعض حزنت ع شوق ..وخايفه عليها لما تروح لعبير ><

مرام ..اتمنى من كل قلبي يحبها تركي ويتزوجون احسهم مناسبين لبعض واحد رزه ووحده همجيه يناسبون خخخ

تركي ..اتمنى ينسى امل ولا يحط ذرة امل انو امل ترجعله واتمنى يلتفت ع الي يحبووونه


هذون ....اتمنى لك حياة سعيده وموفقه بالرواية هذي وبروايات ثانيه باذن الله >اعتبري نفسك شخصيه من الروايه هههههههه


مع تحياتي ..عالي مستواهآ

بارت ماشاءالله مثلتس دايم هذوي وااااااااافي واهم مافيه بصراحه مشعل شخصيته الجديده اللي ايهرتني لانه بدا يهم الدنيا صحه ويشوفه بعيونه مهوب بعيون غيره



قبل كل شي بتكلم عن ابمان مدري اماني ولله اني نسيت اسمها مهيب هي اخت متعب طيب اللي فهمته من البارتات السابقه انه هتك عرض اخته واليوم اللي فهمته انها محاولة تحرش واعتداء يعني مازلت محافظه على نفسها
سبحان الله مثل ماقلتي هذوي السيئه تجر السيئه والبنت يموت قلبها وتتسيهل كل ذنب تقوم فيه هل بدايتها تعرض اخوها لها او صحبتها الشاذه لان اللي عرفته انها مغصوبه منه ويمكن هو اللي خلها تنحرف
وانا اشوف ان قعدتها على النت وعمايلها عليه مهيب اكبر من اللي سوته وش ننتظر منها وبصراحه هذوي انتي اثرتي نقطع مهمه ولله القلب يحزن والعين تدمع منها وبصراحه الموضوع معاد ينسكت عنه الدنيا تغيرت والناس معاد هم الناس تدرين ان البنات الان يرقصون ويصورون نفسهم بلبس السباحه وتتوزع بالجوالات وتصور صدرها شفايفها وغيرها اعظم وتدرين وش العذر ماشاءالله الوجه مايصورونه بس الجسم (تقيات واحسبكم كذلك ) الله حسيبكم ان شاءلله انتو ماتدرون ان فوقكم رب يعني جسومكم وعوراتكم محلله لاحولاولاقوه الا بالله الدنيا تغيرت ولا الطامه الكبر البلاك بيري الحين والبنات اللي فيه تشوفين كل وحده ترسل صورها الصديقاتها بكل شكل والى قلتي لها انتي ماتخافين تنتشر قالتلتس انا واثقه باللي معي ولا راح ينشرونها وينا فيه بذا الزمن محد يثق باحد تتزين الزواج وتلبس اللي اللهما يكافي يظهر اكثر مايخبي وترسل الصاحباتها يشفونها مسويه جمعة بنات وستهبال ولبس مخزي ترسل لهم و هلما جر انتي تضمنين ان اخوها ولا قريبها مايطلع على الجهاز رحمتك يارب
تدرين وحده اعرفها مجتمعنا البنات كلهم ببلاك بيري من 10 سنوات ومافوق ولاتبي بناتها اقل منهم وهي محافظه شرت جهاز مثلهم واضافتهم عشان تراقبهم اذا نزلو صور زين المراقبها



انت تمشي يالطريق الصحيح الحين مشعل تدري اول وش عيبك انك تظن ان عبير وخوها قرايبك وماراح يضرونك ومايتمنون لك الا الخير وبياقفون معك في السراء والضراء وللاسف ماجاك بلاك الا من اقرب الناس لك دمرو حياتك وذبحو طفلك خلك تدري ان الناس نفسي نفسي اول ماكنت تسئل عن ام او اخ واخت وبو سند تعتبر نفسك قادر على كل شي واذا بغين سند قريب فيه عمانك وصار بلاك منهم
تدري مشعل انا احس لو سويت ثم سويت الامل ماراح يبرد حرتها الا عقاب عبير وبالحق
هي وشراح تسوي بالوظيفه بس تسليه وتنسيها اللي ماينسى امل تعرضت الجريمه بشعه جداً
وانا متاكده انها ماراح تهون عليك ابد صحيح انك ماقصرت وسمغت كلامي وعالجتها بس كل هذا مايكفي ابوفيصل امل تبي حق تعرف وش معنى تبي حق تبي عبير تقاضا واللي حر البنت انك قلت انا المخطي مهب عبير فيه قهر اكثر من هذا لو قلت احبتس الف مره وجبت لها لبن العصفور صدقني هذا كله مايجي شي ابد عند حقها تكفى طالبك وانا عارفه ماراح تردني مارديتني اول يوم طلبت علاجها بتردني تالي باللى قل تم شف ياطوبل العمر جب حقها من عبير وطيب خاطرها واشعرها بس انك معها هي حستك مرخصها وفوقه ولدها واللي يقهر اكثر ان البنت تزوجت وعايشه ولا كان شي صار وماراح اعذرك الا اذا دخلت اشهر مجنونه بذك الوقت اقول خلاص خذت امل حقها ولا انتحرت وريحت الملسلمين من شرها وتاخذ عقابها عند رب اعدل مني ومنك



امل ايه يقدر ابوفيصل يجيب فيصل ويقدر يروح التشوه اللي فيتس وكله بعون رب العالمين وقدرته بدال فيصل ان شاءالله عشره والتشوه ان شاءالله بالعلاج راح تكونين احلا اتكلي على رب العالمين لكن الشي اللي اتمنى منتس انتس تثقين في ابوفيصل وطالبينه ياخذ حقتس من عبير لاتسكتين عن حقتس ابد خيريه اذا يبي يرجعتس ياخذ حقتس بكذا تعرفين انتي غاليه ويبيتس صدق لان ابو فيصل خلاص تغير وعرف ان ماحد ينفع احد وانت اللي تنفع عمرك
وشوفي انتي لازم تبين له انتس ماتوطنين البيطري ولاله بقلبتس شي خلي قلبه يرتاح ترا مثل ماتعذبين من عبير هو يتعذب من تركي



هذوي الا الان منيب مقتنعه من ان عبير تترك حره طليقه ولله حرام هذا قتل نفس متعمده ومن غير حق ومحاولة قتل لامه واصابتها بتشوه وبعدها تتهنا بحياته لاتقولين حمد بيوريها شغلها ولله هذا قليل كثير ماسوو شي بذا الدنيا ورجالهم مسوين لهم العن مما سوء يعني امر حمد عادي جداً
تكفين لاتعدينه على خير وخلينا نبر حرتنا فيها قبل امل ومانبي الا حق رب العالمين القصاص بما في الكتاب والسنه يناس هذي جريمه ولله جريمه ياللى الحين خلي لولي ينفعتس الحين انتي ماتفهمين لولي على قولتس ماييبي الا امله فهمتي ولا اعيد




وان كان فيك جني .. آنا فيني اربعين جني يقوونك
وان كان بك ميله .. انا اعدلها لك ...
شكلك مآبعد عرفتيني زين ي عبير ...
منيب على خبرك ... ولآنيب وآحدن من هاللي تعرفينهم

ابضاي وربي وكلمتك مابتصير اتنين ربها يبو شهاب وقلها شكلين مابحكي وانمابتكبر مابتصغر ثم صبحها كف ومسيها كف خل دلعها يطلع حط لها طشت ولبسها مثل ناسي عجرم جلابيه وخلها تغسل ملابسك واصحى تجيب غساله خل يدينها تقطع اربن اربا وبعدين وش دجاجه ذبيحه ياخوي ذبيحه جب خروف براسه ورجلينه وذبحه قدام عيونها وخلها تطبخه وتصدق فيه لاتاكل منه وععععععع الخايسه طابخته
وبعدين وش عزيمته اللي بتعزم علها اهل شوق انت خبل صبت على امل القهوه ترا بتصب على شوق مرق الحم


مرام اهجدي واعقلي انتي صاحيه الرجال مايبيتس انتي حتى مفتاح ثمتس ضاع وسبيتي امول عشانه ترا تركي عزابي وبيموت عزابي ذا الرجال شكله مايبي لزواج حتى لو قال له حسون خلاص تعال خذ امل بيتراجع كله حتس
ياخي خلصنا وخذ من ذا المجموعه اللي حولك والبنت فكها ماتبيك


بنات تكفون صبرنا على هذوي ترا روايتها نثريه مهيب حوار سوا فلان وحط فلان ورن تلفون فلان لا تبي لها الروايه افكار ووصف ووووو يعني البارت متعب ويبي جهد عشان يطلع بصورته اللي نقراها وهي ماقالت تقطع في الروايه بالعكس صرحت وكم مره انها ماراح تنقطع الا لين تنهيها
وتعالو اوشوش لكم ترا معاد باقي الا تقريبن سبع بارتات بالكثير لاحد يدري
هذوي منتظرينتس بالوكند على نار مشوقه هذوي الف شكر

صباح الورد هذيان


مشكوره على الدعوات لي با النجاح

الامتحانات كانت لفلذات كبدي ربي يحفظهم ونجاحي نجاحهم

بارت ما حالفني الحظ اشوفه الا الآن

بارت رائع ومفاجئ بجميع المقاييس

موقف مرام المتحفزلأنشاء علاقه مع تركي مهما كان الثمن لذه وليدة اللحظه المهم انها تتم مهما كانت النتايج وهذا ينطبق ماهو على مرام بس لا حمد وشوق وحتى دلال
روايتك تحمل كثير من واقع البنات مهما اختلفت الصوره

انا ارى ان تركي اذا ما كانت امل هي زوجة المستقبل فلا يمكن ان تكون مرام هي البديل ؟


البديل راح تكون هدى لسببين اولآبتجاربها وعمرها المقارب لتركي ,

ثانيآ بزواجه من هدى سد باب القرب من امل بما ان هدى مافي بينها وبين عايلة امل قرابه او صداقه,

وسبب صغير جدآوهو فتح باب الغيره والمعرفه بماضي تركي التليد وغرامه في امل .


وهذا الموضوع لايمكن شخصيه مثل مرام راح تقدر تسيطر عليه يعني بيكون مدخل لتيارات قويه من المشاكل تركي في غنى عنها

التعلق بأ احبال الهوى الذائبه >>ترى مدري وش معناها لكن انا مرات يجيني هذيان وثرثره توالي الليول عاد الله يعينك استحمليها

المثلث حمد شوق والرابط دلال بغض النظر هذيان ان كل كلامك واقعي انا عندي وجهة نظر

مهما كان انا في نظري ان حمد شخص اناني

علق شوق فيه بصمت وترك البنت بين السماء والارض والرابط ومرسال الغرام اخته توصل الرسايل من حيث تدري ولا يدري !

المفروض يكون له موقف حاسم بما ان دلال وشوق بنات صغار دلال حبت شوق وتمنتها زوجه لأخوها لكن ما صار نصيب والسبب حمد في الأول والاخير

بضحكه ومزحه مع دلال ولع قلب شوق فيه وهو عارف ان كل شي يوصلها عن طريق دلال ما فكر بشوق وهو يستثير غيرتها

آها .. حيآكم اي وقت تبينه( التفت على اخته ومنحها ابتسامه جذآبه) علميني .. والعشاء علي ..

وش معنى ها الكلام غير استدراج مشاعر شوق وتأجيجها

قول لحرمتك تستقبلنا زين
:لو ما استقبلتكم زين أنا بستقبلكم ( بِ ذآت الابتسامه التي تتسع فرحاً )
: هههههههههههههههههههه تستقبلنا اجل ..طيب طيب

وكلامك هذا وش تفسيره يا حمد لو كانت اختك كنت بترضى اتوقع لا!؟


فرق بينك وبين تركي الي سد الباب على مرام قبل تغرقه بعلاقه اثيريه مسمومه سواء له او لها

حمد الآن مغيب تفكيره من اي شي يحسم الاشارات الي يرسلها لشوق عن طرق دلال ويشعر بلذه انه قادر على ارسال ها الاشارات

هذيان تدرين اني اعرف كم بنت خدعت واصبحت زوجه ثانيه من خلال ها اللعبه ولا صحت الابعد فوات الآوان واكتشفت ان الاحلام الي زينت لها ماهي الا مصيده بقصد او بدون قصدولا عاد فيه حيله للخروج من المصيده
اما الرضى با العيش مع نصف رجل او الخروج بلقب مطلقه يفرض عليها اجباريآ وتتقيد احلامها بسلاسل مجتمع لا يعترف با المبررات وانما النتايج دون النظر للأسباب

في بداية الروايه كان مشعل عندي هو الشخص الأسوء

لكن من دخول شخصية حمد لروايه حاز بنظري اسوء مثال لشبابنا الي يحاول يصلح سمعه وهو يخرب مشاعر

مشعل بدأت حسناته تغلب على سيئاته يكافح لرجوع زوجته على الرغم من انه كان من الاسباب الي وصلت لها حالت امل
من فقدان لطفلها وتشوه لجسدها لكن يحسب له شرف المحاوله الجديه

تركي متمسك في حب الطفوله على استحياء وحفظ الحب في غيبة امل وحضورها

لكن حمد لا .....

يفكر بشي وينفذ شي ثاني

تزوج عبير يأدبها ويبي لها السترماهو مبرر عبير اهلها عارفين حقيقتها وهذا يكفي
وحتى اسلوبك معها ماكان ينفع اصبحت داخليآ مجرد كرت تلعب فيه على مشاعر شوق

وخارجيآ صورت لنفسك البطل الشهم الي قادر يمسك زمام الامور برجوله

اعد ترتيب امورك بشكل صحيح شوق بيجي من يصحيها من سكرة الحب واندفاع العواطف ..

وعبير تحسب عليك زوجه غصب عنك واذا ما طلقتها بتفرض الي تبيه هي عليك حتى لو ظنيت انك الآمر الناهي

با الأخير قدام الناس الي انت مهتم لهم

في اي مكان بتقول الناس هذي عبير زوجة حمد
ولا راح يكون شوق حبيبة حمد

بتكون شوق زوجة الي يستاهلها

اعذريني هذيان طولت عليك بحمد وشوق لأني والله العظيم اكره الي يلعب بمشاعر البنات بأسم الحب ويدخلهم في متاهه مظلمه يشوفون ابوابها ورديه وجميله ما درو ان داخلها ظلام وظلم لهم


مهما طول غيابك دائمآ ترجعين با المميز

تقبلي ودي

طيف الأحباب ام الوليد