بارت روعه
مم اتوقع كلماتي لا تفي بحق روايتك بس انا من اكثر معجبين بروايتك كل الي يسألوني اجمل روايه اقول لا تفوتكم خطوات للكاتبه هذيان مشاءالله ..^^الله يحفضك ويباركلك

ممم

امل ...ما خوفت كثير لموقفها من عبير
توقعت تراجعها لانها انسانه اكبر من انها توسخ يدها بعبير
اتمنى من كل قلبي ترجع لمشعل وتنسى عبير لان عبير بتاخذ جزاها من ربي


مشعل ..انصدمت من موقفه في الزواج لما جاب سياره لعبير بس عجبني لما هدد اخوها بطريقه غير مباشره لحترامه لصلة القرابه بينهم ..اتمنى انو يتحرك ويطالب بامل ..واتمنى ينسى عبير لانو لو رجع اي علاقه بينهم بيكون من المستحيلات رجوع امل لمشعل..

شوق ..حزنت عليها كثير حسيت بشعور حبها لحمد معنو ما قد حسيت فيه بحياتي بس حسيتو بكلماتها وموقفها كان صدفه بس اتوقع اجمل صدفه لحمد
..شوق حمد يحبك فاتمنى احضر زواجكم ...هههههههههه< تحمست هع

حمد...شخصيه لفتت نضري وعجبتني كثير... حبه لشوق جعل منه شخصيه رجوليه بنفس الوقت عاطفيه ..وحبه لاخته ومعرفت اخته لاسراره كونت منه شخص جميل بكل الصفات ..
اتمنى ان تستمر في تربيت عبير وترجع وتتزوج شوق..

هذيان انتضر البارت القادم بكل شوق..

اختك ..عالي مستواهآ....

قبل مابد هذوي اول شي ببدي اعجابي الشديد بالخواطر اللي في بداية كل جزء بصراحه قمه في الروعه ولله اني ارجع اقراها ثانيه وثالثه هل اختيارتس ولا كتاباتس انتي


طبعن كالعاده البارت قمه في الابداع ماشاءالله عليتس على انتس شربكتي الاحداث واحزنتينا على ابطالنا المفضلين مثل حمد واشوق مشعل وامل الا انتس معطتنا امال وحطي تحت امال خطين مهوب امل ان احوالهم راح تكون احسن مبدعه مثل مانتي دايم هذوي

قبل كل شي هذوي امل متشوه من اثر الحرق يارب ولله حزنتين عليه صدق مت من القهر معقوله التشويه اللي بالبنت ياصل لدرجة التقزز لا تكفين مانبي البنوته الحلوه والنعومه يصير فيها كذا الله ياخذ من كان السبب ويورينا فيها عجائب قدرته
شوفي يوم خذت امل المدخنه وكان في نيتها تكبها على عبير استنكرته بقلبي وقلت لا مش معقوله هذي امل حتى لو وصلت الدرجات القوه ماتسوي ذا الجريمه مع ان الشي هذا مهوب رحمه العبير لاولله عبير تستاهل ازود منه بس هذي مهيب شخصية ولا عادة ولا اخلاق ولا دين امل امل لو وصلت الى مرحلة القهر والكره ماراح تسوي الشي هذا مع انها لو سوته ماعليها ذنب العين بالعين والجزاء من جنس العمل
بس لو حطينا في بالنا المكان والناس والمعازيم واهل العريس لاتاكدنا ان امل ماراح تسويها بالاضافه الى رقة البنت ودينها واخلاقها
اعجبتني في قوتها وكلامها في وجه عبير مع ان المجرمه اثارتها لكن تمسكن وعرفت كيف ترد عليها بس احزني كلامها عن مشعل وضح البنت كرهته مشوارك صعب معها مشعل وطويل
بس تصدقين القضيه ماراح تبرد قلبي وعقابها فيه



تصدق مشعل احسك بديت تمشي بطريق الصحيح مع انك قوي شخصيه وتعجبني بس بصراحه تصرف تصرفات تفقع المراره في علاقتك مع امل واهلها وفي علاقتك بعبير واهلها
يعني اول تحب امل وتموت بالتراب اللي تمشي عليه لكن ماتراعي مشاعرها ولا تحاول تكسب عطفها وحنانه اللي اتوقع انك بحاجته تشكي من جفاها وتصرفها معك وانت السبب
ولامر الثاني اخوها ليش العلاقه معه زفت دايم النسيب يكون له قبول من اهل زوجته خاصه ان حسون بسنك والمفروض فيه اقلها احترا متبادل
الان بديت بالطريق الصح الغرور اللي كنت فيه تغير اول وامل بين يديك مافكرت تحترم اخوها او تقرب منه لكن بمجرد مافقدت امل بديت ترسمها صح رحت لاخوها وسلمت عليه وبغيت جلوسه جنبك مابغيت قطيعه معه يكون بينكم حوار
اما عبير واخوها بصراحه ماعتبر اللي انت فيه حب او عشق العبير لا انت تشوف انهم اقل منك ومستخسر ان وحده مثل جمال عبير وتفانيه في تقديم اغلا ماتملك لك يكون الغيرك
بس انت ماتقدر تزوجها لانها مهيب طموحك ولا تحبها حتى اخوها تعامله مثل التابع لك يقول يمين يمين يسار يسار يمكن بحكم انك تصرف عليهم او انهم مطيعين لك تشوفهم ولا شي وترا الواجب الوحيد منك لهم انك ماتشوفهم مفضوحين عند الناس لا مادين ولا سمعه لانهم ملزومين فيك ويرتبطوون بسمك غيره بالعنه يحترقون
والدليل طلب عبير وتنفيذك له بحدود ماتبي تنفضح عند ابو عادل وكبرت بواجبهم وبعد رجعة كريم للوظيفه
اتمنى ان علاقك معهم تكون حد القرابه بالسلام بس وغيره لا واذا دخلت عبير بالقضايا والمحاكم انك تكون بعيد ولانها الان بوجه زوجها مهوب انت
وتصدق مع سياستك الجديده بكسب امل اتوقع انت بعد بيكون لك دور في عقاب عبير لان تهورك الاول في نسب التهمه لك عند امل والتبرير العبير يدل بصراحه على غباء وامل بحق يوم ترفضك لكن الحين لا لان امل عندك الاهم وكني بقلبك يقول (امل ومن بعدها الطوفان )هذا اذا تبي امل صدق يبوفيصل مثل ماقلت واصريت انك بتجيبها لك ثانيه
تصدق ابوفيصل وش تمنيت
تمنيت انك تشوف امل بعد ماتشافت وتشوف اثر جريمة بنت عمك ولله لو انت فعلن تحبها ماراح يهمك لا عائله ولا غيره البنت وصلت مرحلة ان الناس يتقززون منها ابوفيصل عقدة الذنب تجاه امل راح تلازمك صدقني واتمنى اذا رجعت لها اول شي تسويه علاج امل باكبر المستشفيات العالميه للعلاج وثم النقاها تعوضها عذابها معك



تصدقين لو حمد عندي سويت المنقود وحبيت راسه في تحقيرتس مع ان هذا شي بسيط من اللي ودي انه يصير لتس
وحتى امل ماتمنيت انها هي اللي تحرقتس متعمده لان المنقود بيكون عليها وماحب ام عادل تنقد عليها وهي تشوفها شي عندها ومعجبه فيها وفي اهلها
كان ودي انتس تنالين جزاتس من رب العالمين بالحرق من غير فعل فاعل وياليت مهوب قهوه لا زيت عشان تعرفين عظم جريمتس الشنيعه




فيه كلمه قالها حمد قبل لايدخل بعبير يقول لازم اتاكد من شي هل ياترا يبي يتاكد من حبها الولد عمها اتوقع لا هذا الموضوع ماعليه غبار مفضوحه فيه والكل متاكد منه وعارف سواياها
يمكن يبي يتاكد من علاقتها بالجريمه اللي صارت الامل ويبي يتاكد اذا هي متعمده او غصب عنها
عندي احساس اذا تاكد حمد من الموضوع هذا وعلاقة عبير فيه هو اللي راح ياقف مع امل عشان تاخذ حقها وتكسب القضيه وذالك غاية بنفس يعقوب يبي عن طريقه يكسب الاسره كلها عشان يفوز بشوق مهوب الدلخ مشيعل اللي يحبها ويموت فيها ومايقدر يعيش من غيرها بس ماعرف يكسب اهلها ويخليهم بصفه كاسب عداوتهم وهو اللي يسعون في تفريقهم بدال السعي بالصلح



حلو شوق اقتناعتس في ان الخيره بيد رب العالمين ولجوئتس له في تخفيف همتس وشوفي اذا فيه نصيب لتس مع حمد بتاخذينه غصب عن الجميع
بس بصراحه ماحبيت تهورتس في دخولتس غرفته خير وين فيه حتى لو انتي متاكده من نزوله العيب عيب انتي تدخلين غرفة رجل مهوب محرم لتس وبغض النظر عن العيب بعد الرجال له اسراره بغرفته ليش تعدين عليه
الا تعالي الصوره انتبهي عليها ترا مهوب شرط تبق بالحزام يمكن تطيح


طالبتس هذوي قولي تم الروايه اوصيتس بها خيرن لاتوقفينها اين كان الضرف هي قربت على النهايه لاتخرب علينا روعة متابعتها وتوقف حاولي يقلبي تضغطين على ضروفتس انا ماراح اكذب عليتس واقول معتس من قبل شنتين وانتي تركتينا ومدري ايش لا انا تابعته من قريب بس ولله اشوف روعتها في المتابعه وانتي كريمه وحنا نستاهل ماعليش قلبو ماتزعلين مني طلب اخت من اختها

ماشاء الله تبارك الرحمن طريقة سردك للاحداث رائعه جدا

تابعتها من قبل توقفك عن اكمالها وسعدت جدا عندما فتحتها صدفه لاجد اجزاء جديده واحداث مثيره

انتظر باقي الاجزاء بشوق ولهفه

السلام عليكم

يعطيك العافيه تغير واضح بالاحداث
احس ان مسار الاحداث بدى ياخذ منحنى مختلف و منعطف جديد .
احسن شي بالموضوع ان عبير بدت تتأدب و بقوووة بعد و شكله حمد ما راح يتركها الا معلمها الادب و الاحترام < قاعده اتشفى فيها
امووووووووول بصراحه ظليت على اعصابي الى ان نزلت المبخره و ما توقعت ابد يكون حتى تفكيرها هالتكفير بس الحمدلله اللي حكمها دينها قبل عقلها .
شواااقه حلو و شي جميل لجوءها لربها رغم كسرها الكبير اللي اكيد ما احد راح يفرج عنها الا دعوة صادقه . ومع هذا اتمنى ان الاحداث تسير لصالحها و يتوج حبها لحمد بالزواج بعد ما يتخلص من العقربه عبير
مشعل و شخصية جديده بدليل انه ما تأثر من الرساله العبيريه بس هل الطبع راح يغلب التطبع ام انها بداية مشعليه جديده كليا ؟؟

ننتظر القادم بشوق