بندري:


بعد شوفة لجين حسيت براحه اهل ماجد وايد طيبين ومتواضعين يا بخت لجين فيهم

نزلنا البيت واستغربت انه بندر موفي ولا طلع عند عيال عمتي
رحت فتحت النت وشفت الشعر الي نزلته ابتسمت للردود وفجأه انقلب وجهي حسيت اني ودي اخنق صاحب الرد الأخير مالت عليه وعلى وجهه قال وشو قال مفروض نعيش الجو معك عساك ما عشته صج انقهرت منه ولا شعوريا من قهري كتبت له
شكرا اخوي ولا تحرمنا من مرورك ونقدك الرائع
حسيت اني بردت على قلبي بهالرد مالت عليه انا مو زعلانه من انتقاده
بس مو بهاذي الطريقه وجع يقهر واكبر دليل اني اتقبلت النقد الرائع الي رسلت لي هو عضوه ثانيه بأسلوب رائع مو مثل الغبي انتبهت انه هاذي ثالث مشاركه له والله بداه بحماس الأخ وحطه فيني بعد مالت
خرجت من الموضوع ورحت لقسم الترفيهات كنت حاطه لعبه عن تعبير الشعور اذا حصل له هالموقف ولقيت الأخ راد فيه رفعت حاجب وانا اقرى رده الي بعيد جداااا عن اللعبه اخونا في الله حاط لي نكته اتنرفزت بالحيل منه السخيف التافه لو ما ردت عليه عضوه كان بردت خاطري فيه رد العضوه ضحكني كاتبه له
الحمد الله عافنا الله هذا مب موضوع نكت
جلست اتفداها ليما قلت بس عشان يحتر السخيف وظهرت من المنتدى
قمت اشوف ماما لقيتها جالسه مع بابا
بابا : فين اخوكي
رديت عليه : دخيلك يبه ما ادري عنه
ماما : طيب وشفيك
عضيت شفايفي : ما شي مامي
بسم الله اكتشفت انه عندي عقده من الرجال بندر ومازن وذا الأخ الي طلع لي في اللسته الله يعيني
بابا : طيب قومي دقي عليه
هزيت راسي : تامر امر يا عيوني
بابا : تسلم لي عيونها
دقيت على بندر وما رد حطيت الجوال ورحت رجع دق
بندري: هلا وغلا ومسهلا
بندر : خير دقيتي
بندري : بسم الله ايه
بندر : وش بغيتي
رفعت حواجبي : بابا يسأل ليش اتأخرت
بندر : انا مو طفل
فتحت عيوني للآخر : ومن قال عنك كذا يعني حرام الأب يسأل ولده وين رايح ووين جاي هذا يا الأخو اسمه اهتمام وتربيه
بندر بهواش : اقول سدي حلقك ابرك لك طيب ولا بتشوفي شي ما شفتيه
حسيت اني ببكي : زين شو سويت انا
بندر : بندري بلا هباله طيب مع السلامه
قفل الجوال ومسكت نفسي ما ابي ابكي قمت عند بابا
بابا : واشفيه قمرنا
رفعت عيوني : ولدك الحبيب هزأني
بابا : ههههههه ليش وش قلتي له
اعترض : والله ما قلت شي هو يقول انا مو طفل قمت قلت انه هاذي تربيه واهتمام
بابا : ههههههههههه ما عليكي منه انا بوريكي فيه
قمت وانا مضايقه :خلاص انا بجلس على الكمبيوتر
رحت جلست انزل مواضيع في المنتدى واشارك وارد لمن طفشت وطلعت
قمت ورحت اتوضيت وصليت بعدين نمت ..




لجين :

امممم مستحيه منكم لا تخاصمووووني انتواااااا كماااان مو انا هذا قلبي
من جد متفشله من نفسي يا حرام يحسبني ما ابغاه والله حزني لولا الحيا كان قلت له حشاك بس استحي وربي استحي المهم احم بعد ما خرجنا واتمشينا انبسط مره كلنا مع بعض ياربي والله راح افتقدهم آآآه الكل نايم الحين ما ادري وش الي مصحيني
يمكن ضميري امممم ياربي عيونه كانت تقول بأشياء كثيره معقول مازن قاله اني كنت رافضته معقووووله لا ما أصدق ليش لأ والله مازن خبل يسوي أي شي
حسيت بالعطش قمت رحت المطبخ واسمع صوت جوال عبد العزيز استغربت مين يدق على قرب الفجر رحت شربت مويه ورجعت والجوال برضه يدق جاني فضول اكيد احد يبغى عبد العزيز ضروري دخلت الغرفه بشويش وشفت عزوزي رايح في النوم ورحت بشوف المتصل ووقف الاتصال انقهرت بس ما منعني هذا الشي اني افتح واشوف طلع الاتصال 7 مرات ومن رقم غريب استغربت من الاصرار هذا وشويه جات رساله فزعت من النغمه واتنهد فتحت الرساله وجلست اقراها وانا مصدومه معقوله من هالشخص الي يبغى يقول لعبد العزيز عن هيام
كانت الرساله تقول (( السلام عليكم اسفه اخوي عبد العزيز على الازعاج بس كنت ابغاك ضروري في موضوع يخص هيام اتمنى ما تتصل وانتظر اتصالي ))
اول شي سويته بعد ما ستوعبت طلعت واخذت الجوال معايه مسكت جوالي وسيفت الرقم عندي مسحت الرساله والاتصالات من هالرقم وطلعت رجعت الجوال
جيت جلست وانا خايفه وش الجرأه الي جاتني اتصلت على الرقم وردت علي وحده ابتسمت وانا مرتاحه : السلام عليكم
المتصله : وعليكم السلام نعم
لجين : اقول اختي انتي اتصلتي من شوي على هالرقم ........
المتصله : ايه نعم من انتي
لجين : انتي تعرفي شي عن هيام انا اخت عبد العزيز
المتصله : انتي لجين ؟؟؟
حسيت بالفرح مو بأتششق منه الا اكثر من كذا : ايه اختي والي يعافيك قولي وش عندك عن هيام
المتصله : اول شي احب اقولك انا حنين صاحبة هيام لجين بغيت اسألك رغم انه بدري بس ضروري عبد العزيز اتزوج ؟
ضحكت : مجنونه انتي عبد العزيز ما ينطق في قلبه الا هيام شلون يتزوج
زين وشلونها هيام وليش ما اتصلت هي ليش انتي
حنين : والله هيام ما تتصوري وش كثر مرعوبه من ابوها وغير كذا بصراحه ما تدري عن اتصالي هي عندها الرقم بس ما تتجرأ تتصل عليه تقول كبرت وكبر عبدالعزيز وما تبغى تنزل من عينه او عين نفسها بس انا ما اتحمل اشوفها تتعذب قدامي مليون مره كل كلامها عن الماضي وذكرياته حتى وحنا في القاعه ما تشوفيها غير تشخبط في هالورقه
لجين : يا بعد عمري مسكينه زين ليش ما تدق وتقوله انها تبغاني
حنين : قلت لك خايفه من ابوها الا انتي ما قلتي كيف اخذتي رقمي؟؟
حسيت بفشله بس قلت لها الي سويته

حنين : أهااا اشوى الحمد الله ربي رسلك ليا


ضحكت : لا ما عليكي والله يا حنين اني امووووت فيك الحمد الله انك اتصلتي بدال المخبوله هيامووو وحشتني بالحيل بالله شكلها اتغير وش صار عليها وش ما صار
حنين : ههههههه تسلمي يا قلبي والله انا حبيتك من سوالف هيومه عنكم وبالنسبه لشكل هيام ما شفتها وهي عندكم هههههههه بس شعرها طويل نوعا ما عيونها ذبلانه وشو بعد شي ينوصف
ضحكت على الوصف : لا عزالله عرفتها ههههههه صح اتزوجت انخطبت
حنين : لأ لأ لأ ولا شي هي روحها في عبد العزيز المسكينه
لجين : يا بعد قلبي زين انتي بتقولين لها اني اتصلت عليك ولا شلون
حنين : اممممم والله ما ادري وش رايك انتي
لجين : زين وش رايك يوم السبت اكلمها يوم تكوني معاها في الكليه
حنين : ولا يهمك غالي والطلب رخيص
لجين : بس لا تقولين لها اني كلمتك خليها لها مفاجأه
حنين : من عيوني واسفه الغلا اتصلت في وقت متأخر بس تدرين باخذ احتياطي
ضحكت عليها يا حليلها طيبونه البنيه : لا ما عليك الغلا يلا انا بوضي واصلي
الفجر شوي بيأذن
حنين : يتقبل الله منك يلا الغاليه اكلمك وقت ثاني
لجين : أن شالله لا تقطعين اوكي
حنين : أن شالله يلا باي
قفلت وجلست ابوس الجوال وقمت انط في سريري مثل الخبله
مبسووووطه واخيرا هيومه هيومه قدرت اوصل لها يعلني فداها ياربي ارزق هالحنين احسن ما عندك يارب واااااااااااو وووااااااااووو هههههههه اتخبلت وربي
سجلت اسم حنين المخلصه فديت روحها


خلود :
قمت من النوم بكسل شفت الساعه 10 جلست وتثاوبت قمت من سريري
رحت المرايا سويت شعري ودخلت الحمام
طلعت ورحت بدلت ملابسي وخرجت شفت غرفت مرام ماهي في
نزلت تحت شفت مرام وسعد وعمر يفطروا
مرام : بدري لو استنيتي الظهر يأذن
طنشتها مالي بارظ لها
عمر : وين ابوي وماجد
هزيت كتوفي بمعنى ما ادري ودخلت المطبخ اسوي لي حليب بالكاكو
ورحت فتحت باب الحوش الي في المطبخ وجلست واقفه عنده
والله احب البروده خساره باقي كم شهر وتروح ويجينا الحر الله يعين
رفعت عيني على الفيلا الي ذيك المره وما شفت احد ابتسمت
اول مره احس اني اهتم لأحد او ماخذ جزء من افكاري
غريبه لي يومين ما شفته انتبهت على افكاري من صفيرة الكفتيره
دخلت المطبخ وسويت لي الكوب ومشيت رحت عند اخواني جلست
عمر: يعني مو عاجبك الحليب الي هنا
خلود : لا مو كذا بس نسكافه ما احبه
سعد : واشفيك كذا ذبلانه
خلود : لا ولا شي بس كسل
مرام : دودي مانتي مستغربه ليش سعد وعمر جايين عندنا اليوم
خلود : لا عادي هم كل جمعه يتغدون عندنا
مرام تجي جنبي وتمسك يدي : لا لا مو كذا هم بعد الصلاه يجون اليوم جوا الصبح
عمر : والله انك غبيه واشفيها اذا جينا
مرام : لا بس مو من العاده
سعد : انا في البيت الي على طرف الشارع كنت امشي ووصلت هنا قلت ادخل
يعني مو تسوي لي فيها ذكاء
مرام : طيب انته عمر
عمر : جاي افطر عند اهلي فيها شي
مرام : لا لا لا لا عادي خذ راحتك بس غريبه والله انت بالذات ما تجي الا وفي شي
عمر ابتسم : لا بس ياسمينا تعبانه شوي وديتها لأهلها
ابتسمت : لا يكون حامل
عمر : ما ادري بوديها المستشفى نشوف
مرام : يا ويلي يا عمر خلاص عاد خذ لها تحليل دلع عاد هذي مو اول حمله لها
عمر : ما اقدر هذي حبيبتي لازم اوديها عند دكتوره من الحين تراجع لها
اتكلمت بشوية تعجب : اويلي على الرومانسي ما اتغيرت مع الأيام
سعد بضحكه : دام اخذها عن حب ما بيتغير
مرام : والله عاد بنت خالته وكيفه يحبها مثل ما يبغا قلنا لك خذ بنت خالتي نجلا ما رضيت الا راكب راسك تاخذ وحده من بره
سعد : ليش جيت اشتكيت لك انا
خلود : لا بس ما في في حياتك الحب الي نشوفه في حياة عمر
سعد : حصه فيها الخير تكفي وتوفي ومو لازم يكون الحب في عشان تنجح علاقتنا
اتكلمت باعتراض : وش الكلام الي تقوله يا سعد كل حرمه تحلم برجال يحبها ويموت فيها اصلا الحب يحسس المرأه بكيانها ووجودها والبيت الي يكون فيه حب وحنان هو البيت الي ينجح حتى عياله واطفاله ما راح يحسون بالفراغ العاطفي
سعد : زين انا ما قلت شي هي زوجتي واحبها واقدرها واحترمها مو شرط اكون لها قيس ولا روميو عشان احسسها انها ليلى ولا جولييت
عمر : وش بينقصك لو حسستها بهالإحساس
سعد بضيق : مو شرط يمكن هي ما تبغى هالشي منك
مرام بشهقه : تحب غيرك يعني

سعد قام بإزعاج : اقص برقبتها اذا سوتها بس انا مالي دخل في حياتها قبل لا ادخل انا فيها المهم الحين هي عايشه مع منو وتفكيرها مع منو


عمر قام مع سعد ويأشر لنا نسكت وخرجوا
مرام : والله طلعنا ظالمين سعوده وااا فديته
رفعت حاجب : واذا كانت تحب قبل لا يتزوج مو معناته انها ما زالت انتي شفتي حصه كيف ما شالله قايمه في بيتها وشلون تحب طروق وسعد
مرام : بس الرجال اذا انجرح يا خلود ما ينسى
طليت في مرام : تدري كيف لا تتكلمين وتدافعين عن اخوك وانتي ما تدري
وش السالفه
مرام : اممممم طيب تتوقعين لو سألت حصه بتقول عني ملقوفه
ضحكت : ياليت عشان تفشلك
مرام : قرده انتي تدرين
هزيت راسي وانا اضحك : على فكره ترا العصر بنروح الحديقه ونشوف حريم اخوانك اذا يبغوا هم بعد
مرام وهي تاكل : عادي ما عندي مانع
قمت : اقول قمنا نشوف ايشبهم نايمين لين الحين
مرام : لا والله لا تقولين بتدخلين غرفة امي وابوي
طليت فيها بهباله : ليش مافي غير غرفتهم خلنا نشوف ماجد
مرام : طيب يلا
طلعنا فوق وفتحنا الباب وفتحنا عيونا وطلينا في بعض وفرطنا ضحك
مرام : واااا فديته بابا ماما طاردته
خلود : هههههههههه يا ويلي لا يكون مزاعلتني انا كمان
ماجد وهو نايم : بره بسرعه
مرام : مجود قوم الساعه قربت 11 قم استحم وتعال افطر وراكم صلاه
ماجد جلس وهو يتثاوب : ظهري اتكسر
ضحكت : يا حليله ابوي يكسر الخاطر
ماجد رفع حاجب : بالعكس اخذ فترة نقاهه والبارح سهرانين انا وهو
مرام كاتمه الضحكه : غصب نايمين لذا الوقت
ماجد : طيب اطلعوا يلا شوفوا امكم وانا باخذ شور عقب اصحي ابوي
طلعنا انا ومرام وحنا مستغربين والله حاله
مرام دخلت غرفة امي وجلست فوق السرير
مرام : امممممي قووووومي يلاااا قوووومييي
رحت وقفت وجلست اضحك
امي تضرب مرام : يا كبرك وهذي سوالفك شوفي اختك اصغر منك واعقل منك
مرام : يممممممه عاااد انا مرومه مهما كبرت بتظل طفله في نظر نفسها ونظرك بعد
امي : على كيفك هو
مرام : افااا عليك يا قمر انتي وانتي تقدرين
رحت جلست جنب امي : يمه حرام يبه يحزن وهو نايم على الكنب يقطع القلب
امي نزلت راسها : وا علي عليه بس بعد ليش يفكر يتزوج علي
ضحكت : يمه والي يعافيك هو يمزح مع الشباب يعني انتي تعرفين ابوي يموت عليك وما يقدر على زعلك انتي عارفه بس تدلعين علينا
امي ضحكت وتقرصني : قومي انتي بعد بره البارح مؤيدته هاااا
بست يدها وانا متألمه : ترا عورتيني بس كله لعيونك يهون يالغاليه
امي : عياره مثل ابوك
مرام : يمه يلا قومي الحين حريم اخواني بيجون
ما خلصت مرام كلمتها الا يدخل طارق : جدووووووه
امي وهي تشيل طارق : وا قلب جدوه كيف حالك يمه
طارق : طيب يمه شوفي بابا ما كان يبي يجيبنا
امي : هاااو ليش أن شالله
انا ومرام اندهشنا بس سكت ومرام اتكلمت : طروق حبيبي ماما جت
طارق : ايه تحت
مرام : يلا امي انتي اجهزي وحنا بننزل يلا طروقي حبيبي خلينا ننزل عند ماما
نزلنا تحت وانا فردت يدي لحصه : هلا وغلا بالعسل
حصه : هلا فيك وينكم نايمين
مرام : لا حشا وكلا من اول صاحيين
حصه : زين ليش فوق جالسين
خلود : رحنا نصحي امي
حصه : ها كيف امس وكيف العروسه؟
مرام : واااااو تهبل فديتها وشكلها بتطلع عيون ماجد وبتكون معاي طول الوقت ضده
حصه : ههههههه طبعا مو اخت حبيب القلب
مرام اول مره تنحرج : والله ما فكرت فيها بس فكره
خلود : حصه اليوم بعد الغدا بنروح الحديقه الي في الحي تجين معانا
حصه : أن شالله بس اشوف سعد اذا عنده شي
طارق : لااا ماما مالي شغل انا بقول لبابا عاد طفشت انا لحالي
مرام وهي تغمز لحصه : متى تبغين تجيبين الثاني ولا ما عندك نيه
والله مرام مو هينه مصيبه
حصه ابتسمت : الي فيه الخير ربي يكتبه
مسكت طارق : طروقي حبيبي روح دق على ندوره شوفه متى بيجون وقولهم يجون قبل الصلاه نرسل لهم السواق
طارق وهو ماشي : بروح مع السواق بشتري من السوبر ماركت
حصه : لا بعدين ما بتغدى خله بعدين تشتري
مرام : حصه
حصه تطالع : هلا
مرام بارتباك تتكلم : بقولك شي بس امانه معك ما تزعلين مني والله انا عادتك مثل اختي واكثر بعد
حصه : اكيد خوفتيني مرام وش السالفه
مرام : انتي تحبين غير سعد يعني قبل ما تزوجتيه
حصه ابتسمت ونزلت راسها : ليش
اتملقفت : سؤال طرى ونبغى جوابه
حصه : ايييييييييييييه كنت احب بس هالسالفه قبل 8 سنين ليش فتحتوا المواجع
مرام : زين سعد كان يدري
حصه : ايه ايام الملكه سألني بصراحه وانا حبيت اكون صريحه معه وقلت له
خلود : كيف حبيتيه وشلون
حصه : ولد عمي تدرين من حنا اطفال مع بعض بس من كبرنا
وسكتت وهي تأشر وراها بعيونها
مرام شافت وراها ولقت امي ومدت بوزها اما انا اكتفيت اعض اصابيعي قهر
مرام : يمه ليش جيتي
امي وهي جايه تمسك مرام : نعم
مرام : اقصد ليش نزلتي من غير ابوي هو متعود تجهزيله ثوبه وشماغه وتبخريه
امي : خلاص جا الوقت الي ارتاح فيه كيف حالك يمه حصه
حصه : بخير يا خالتي الا وين عمي ليش ما جا
اتكلمت : مزاعلته امي شفتي كيف
امي : كب كب انتي ولا كلمه
حصه : افااا يا خالتي بعد العمر هذا
امي : والله يابنتي الرجال ماله امان تحطينه وسط العين وما تفتحين عينك الا وهو يفكر في غيرك
حصه : هههههههههههه ليه لا يكون عمي بيتزوج
اتكلمت ببراءه : مجرد مزحه مزحها ويالشباب لكن حسبي الله على ابليسه مجود
امي : وش صار يعني طلع من البيت ولا انا الي طلعت عاد
مرام بتمتمه : لا بس قطعتي علينا سالفتنا
امي : وشو
مرام : ولا شي يمه انا بقوم اشوف ياسمين عن اذنكم
حصه : الا كيف شفتي اهل العروس يا خالتي
امي : لا ماشالله ما عليهم زود ولا العروس الله يحفظها كامله والكامل الله
حصه : يالله الله يبارك لهم وييسر لهم امرهم
امي : امين الا وراه سعد ما بيجيبكم اليوم .؟
حصه طلت فيني ورفعت حاجب وابتسمت : لا ابد بس مضايق شوي
امي : يا يمه تحمليه هذا زوجك
حصه : لا تخافين يمه في عيوني حاطته
اتكلمت بشوية لؤم : هماك تقولين الرجال ماله امان ما يبان في عينه

امي : يا عسى عينك للبق يا قليلة الأدب

حصه : ههههههههههههههههههههههههههههههه
بدلع : مااااااامممممي شوفي حصه ضحكت عليييي
امي : قومي اشوف قولي للخدمات يجهزون السلطه والغدا
حصه : انا جبت معي مكرونه صينيه لماجد
رفعت حواجبي : واشمعنى ماجد حتى انا اموت عليها
حصه : بسم الله شوي شوي عملت حساب الكل بس النيه لماجد
ماجد وهو نازل من فوق وقف على الدرج : تسلمين يا ام طارق الله يخليك لنا
حصه اتغطت : الله يسلمك تستاهل ومبروك مقدما
ماجد : الله يبارك فيك وعقبه ما تفرحين بطروق
حصه : الله يسمع منك أن شالله
امي : ابوك جهز
ماجد : ايه الحين بينزل وين سعد
حصه : راح البيت شوف كلموه وخذوا طارق معكم يصلي
ماجد : على ما تامرين عليه يلا درب بنزل
امي : انزل انزل
رحت جري عند ماجد : مجودي بقولك سالفه اتذكرتها بعدين
ماجد يقلدني : بقولك سالفه اتذكرتها حسيت انو وراك كنز
طليت فيه بدلع : هذا جزاااااتي صدق اعمل خير شر تلق
ماجد : اوووف حسيت اني مجرم
مديت لساني : احس الموضوع يخص حبيبة قلبك
ماجد ارتبك وابتسم : والله وشو
مديت لساني وهزيت راسي بمعنى لا : مو انا ما عندي سالفه
ماجد يمسك يدي ويمسح على شعري : فديتك دوده اعطيك الي تبيه قولي
طليت فيه وانا ادلع عليه : وه هذا كله عشان لجين
ماجد تنهد كسر خاطري وربي وقررت اتكلم : بس مره كنا في المحاضره والحبيبه غرقانه في شوشتها يوم اخوها دخل المستشفى ويوم الدكتوره صادتها وجها راح الوان وكذبت وانا لحقتها
ماجد بفرحه : ايه كملي
ابتسمت : لحقتها وقلت لها ايل ماخذ عقلك يتهنى به وضحكت بعدين اخوي في المستشفى ها والبنت بغت تموت من المستحى
كانت سرحانه وغرقانه فيك يا لأخ
ماجد ابستم ليما بانت سنونه : عشاني كلمتها ذاك اليوم ههههههه
ضحكت : أهاااا عشان كذا غراميات من ورانا ها
ماجد : في عينك كنت اطمنها على اخوها
بسته من خده : المهم مبروك عليك البنت والله انها طيبه وتهبل
ماجد : ادري مو خطيبتي يلا سلام
طلع ماجد وجوا عيال عمر وامهم وجلسنا كلنا وجوا الرجال وتغدينا
بعدها دخلت الغرفه اخذ غفوه رحت لشباك الغرفه انزل الستاير الهبله الخدامه نظفته وخلتها مرفوعه وشفت واحد واقف على طاقة الفيلا الي قدامنا ومن يوم شافني اتعدل في وقفته وابتسم من صدمتي اني شفته وقفت مبلوهه بعدين استوعبت نزلت الستاره ورحت على سريري وابتسمت وااااي وحشني والله يارب سامحني بس غصب عني
آآآه يعلني ما اخلى من ابتسامته تهبل بي وربي
انسدحت وجات نهى : عموووه ابغا انام معاكي
فتحت لها بطنيتي : تعالي بس ما تتكلمين انا تعبانه
نهى : طيب ما با اتكلم
وجات نامت عندي وانا نمت وافكاري مع الي ماخذ عقلي

دمتم بود وكل محبه