رجعت تاني
ولسة بنتكلم عن الحب
بمناسبة كلام هاني:

بغير من اللي اتكلموا
واللي كمان ماتكلموش
من اي حلم بتحلمه
وانت بعنيا ماشوفتهوش
بغير كتير لو حد بيسلم عليك
لو من بعيد في حد جت عينه ف عينيك
ان كنت عارفه ولاحتى ماتعرفوش
لو قابلنا ناس كتيرة
ببقى حاسة بخوف وحيرة
وافضل اهرب من كسوفي
لوتبان ف عنيا غيرة
نفسي لوتدارى منهم
واقدر اخبيك عن عيونهم

الغيرة
اتكلمنا فيها قبل كدة في مواضيع تانية
واتفقنا انها دليل الحب
لكن لاي درجة ممكن تغير على حبيبك؟
بتبقى مش بتحب حد غيرك يكلمه
وبتكون هاتتجنن لما حد تاني يكون معاه
وبتتمنى لو كان معاك لوحدك
وانتم بعيد عن كل الناس
عشان ماحدش يشوفه غيرك
ولا يتمتع بصحبته الا انت
بتتمنى لو تقدر تخبيه في قلبك
عشان يكون معاك لوحدك
بتتمنى لو قدرت ماتخليش حد حتى يهمس له غيرك
وتتمنى لو ماحدش ينطق اسمه غيرك
بتتمنى لو كل احلامه كانت بيك
وعشانك
وتغير جدا لو في يوم مافكرش فيك
وتسأل :
كان بيفكر في مين؟
حتى لو شغله هاتغير منه
وتحس انك اولى من الشغل بوقته
بتتمنى لو تقدر تسيب كل الدنيا وتفضل معاه

واه من الحب
وهانرجع تاني

ليا عوده مره اخرى

مستنياكي ياقمر

نتكلم في الحب تاني


بقى كل ده شايله في قلبك ليا ومخبيه جواك
وانا كل ماتيجي عينيك في عنيا بقولك ميةبهواك
وانا فاكرك قال مش داري بناري وشوقي اليك ياحبيبي
وتعالى وريحني في حضنك واسمع دقات قلبي
قلبي اللي مالوش غير قلبك عايزك دايما جنبي
دي اللحظة اللي في بالي سنين
قدامي وشايفاها العين
وانا ياما حلمت ليالي تاخدني في حضن هواك
قلت اللي بقالوا كتير جوايا وياما داريته عليك
معقول هاتكمل عمري معايا واعيش طول عمري انا ليك
وانا فاكرك قال مش داري بناري وشوقي اليك
ياحبيبي


ليه بنداري حبنا عن اللي بنحبهم؟
ليه بنخاف نصارحهم؟
وليه لما بيصارحونا بمشاعرهم مش بنصدق؟
ليه بنخاف نقول كلمة احبك؟
بنخاف الحبيب يحس بضعفنا؟
هو الحب ضعف؟
ولا بنخاف من الحب نفسه؟
ولا بنخاف يجرحنا؟
هو اللي بيحب بيجرح حبيبه؟
وليه لما بيقول بحبك مش بنصدقه؟
بنخاف ليكون بيكدب؟
ولا بنخاف من ايه؟
ليه بنخاف نفرح بالحب؟
لما بيصارحنا اللي بنحبه بحبه لينا بنفرح
ليه احنا كمان مش بنصارحه؟
ليه بنبخل عليه بالفرحة دي؟
وليه مانطمنوش؟


ولسة في باقي

اهلين..

يمكن بنخاف نقول الكلمة..نخاف تروح حلاوتها من كتر مابيسمعها
واذا كنا ماصرحناه..ممكن بنخاف من ردة الفعل
يمكن بنخاف نقول هالكلمة..لاننا نخاف انها تزول الفرحة بعد فترة
..
ويمكن مابنصدقه لما يقولها ... لاننا بنخاف نأمن له.. ونتيقن من صدقو وبعدين ننصدم..وتكون بهديك اللحظة عايشين لحظة ذهول وصمت وصدمة..!!

وبعدها بنتألم..

فإحنا مابنحاول نصدقو ..عشان بنمهد لنفسنا انه ممكن ننصدم..عشان مايصيبنا انهيار فعلا...

يمكن عشان وعشان.....

لكن الاكيد انه الحب الحقيقي بيوضح ويبان... هو مش بيوضح لينا ..(ان كان الحبيب بيحبنا بجد ولا بيكدب) لاننا بنكون معميين بالحب.. بكون بنحب حب اعمى..

لكن مع الوقت بينكشف ... المهم مانندفع....

موضوع قمة بالرقي والروعة والاهمية..
تشكري عليه...^_^
سلامي