ولسة ف أجمل سيرة في الكون:

اه من عيناه دنا والله ماحب القلب سواه
اه لو من قلبه يقول ان انا هفضل علطول وياه
وبقول لو اطول انا لحظة معاه
دانا اسيب الدنيا واعيش وياه
وان جاني هواه ف يوم قالي انساه
دانا اموت والله اه
حبيبي لو يجيني مرة يلاقيني ف عيونه دايبة كدة والله
يجيني لو يجيني مرة يلاقيني ف عيونه دايبة كدة والله
اه من عيناه دانا والله ماحب القلب سواه

لما بتحب
بتتمنى تقول لحبيبك كلام كتير اوي
بتتمنى تقوله:
محبش قلبي غيرك
ولا ساكن فيه غيرك
ولا بيفرحني غيرك
ولا يسعدني غير وجودك
بعشقك
اكتر من أي حاجة
اكتر من عمري
بحبك فوق ماتتصور
بتتمنى تقوله:
نفسي تفضل معايا
ماتسيبنيش
ماتقوليش انساك
خليك جنب قلبي
بتتمنى تقوله:
بدوب فيك
صوتك بيفرح قلبي
احساسي بوجودك بيحسسني بكياني
بيخليني طاير ف دنيا تانية
عايش احلى حياة
خليك معايا
حس بقلبي
نبضه ليك انت وبس
وتتمنى
وتتمنى
وبرضه بيسكت قلبك
ومش بتقول


وبريء ورقيق والطيبة دي فيه
والعمر الجاي انا هعيشه ليه
والقلب شاريه مهما يبيع فيه
ولا ليا مكان غير حضن عينيه
وبموت فيه موت طول مانا وياه
ماهو معنى الحب لقيته معاه
وازاي انساه وازاي ينسى
وانا ليا معاه حكايات ف هواه
حبيبي لو يجيني مرة يلاقيني ف عيونه دايبة كدة والله
يجيني لو يجيني مرة يلاقيني ف عيونه دايبة كدة والله
اه من عيناه دانا والله ماحب القلب سواه

لما بتحب:
بتشوف اجمل مافي حبيبك من صفات
بتحس فيه بكل مميزاته زي مانت شايف عيوبه
يمكن بتشوف وتحس بحاجات فيه هو مش حاسسها
ويمكن انت كمان مش مدرك
حبيته ليه؟
وامتى؟
وازاي؟
كل اللي تعرفه بس واللي يهمك انك بتحبه
حتى لو مش بيحبك
حتى لو بايعك
انت شاريه
بس بتفكر دايما
ياترى لو سابني هعمل ايه
لو بعد هقدر اتحمل بعده؟
هقدر اعيش من غيره؟
هقدر اتحمل فراقه؟
وبتدعي:
يارب لو قدري فراقه هون عليا
وقدرني على نسيان حبه
وبتفضل خايف من بكرة
وبتسأل ياترى ايه مستخبي
وبتستنى
وتستمر سيرة حبك

لأني بعز الموضوع دة
ولان عدت فترة طويلة على بداية كتابتي ليه ( سنة ونص )
وكان في اعضاء كتير مميزين بيشاركوا معانا في احلى سيرة
اسمحولي استعيد معاكم بعض الذكريات الجميلة هنا:

اقتباس :-   المشاركة الأصلية كتبت بواسطة dr_e

طول عمري بخاف م الحب وسيرة الحب وظلم الحب لكل اصحابه واعرف حكايات مليانة اهات ودموع وانين والعاشقين دابوا ماتابوا طول عمري بقول لاانا قد الشوق وليالي الشوق ولا قلبي قد عذابه فاكرين الكلمات دي؟ دي كلمات سيرة الحب لام كلثوم ليه بنخاف من الحب؟ وليه بنقول عليه ظالم؟ وليه كل قصة حب بيكون فيها الم ودموع وعذاب؟ ليه بنخاف نحب؟ بنخاف ننجرح؟ ولا بنخاف نجرح؟ ليه مانديش لنفسنا فرصة نحب؟ ليه بنهرب منه من غير مانجرب؟ ليه بنبعد عنه من غير مانعرفه اصلا؟ وليه اهل الحب مساكين؟ عشان بيتعذبوا؟ ولا عشان بيحبوا؟ وقابلتك انت لقيتك بتغير كل حياتي ماعرفش ازاي انا حبيتك ماعرفش ازاي ياحياتي من همسة حب لقيتني بحب لقيتني بحب وادوب في الحب ادوب في الحب وصبح وليل على بابه فعلا ممكن الحب يغير حياة الانسان بالكامل؟ وممكن الحب يتسلل للقلب من غير مانحس الا واحنا غرقانين فيه؟ معلش صدعتكم بأسئلة كتير

بداية الموضوع
وبداية اسئلة كتير
وخواطر كتير عن الحب
بدأتها هنا في سيرة الحب
ولسة بكملها هنا برضه ف سيرة الحب

اقتباس :-   المشاركة الأصلية كتبت بواسطة metvirus

الحب شيء ما قدرناش نوصل لمعناه لكن اتفقنا على انه أجمل شيء بكل تناقاضاته بلحظاته السعيدة بعذابه وحتى بفراقه أجمل شيء وأسمى المعاني أما بنحب أوي وننجرح الجرح بيكون مؤلم ومش بيتنسي سواء جرحنا أو اتجرحنا اهل الحب فعلا مساكين عشان بيحبوا يتعذبوا بكيفهم او مش بكيفهم مش عارف لأني في الآخر مش عارف اجاوب على اسئلتك :) بس موضوع جدا مميز يا دكتور تحياتي

متفيرس
ومشاركة مميزة كالعادة
ولحد النهاردة على فكرة لسة مش عارفة اجاوب على الاسئلة
ولسة برضه معرفتش اوصل لتعريف جامع مانع للحب
شكلنا كدا هنفضل ندور لغاية اخر عمرنا

بتمنى ترجع تشارك ف المنتدى تاني استاذ متفيرس بنفس القوة بتاعة زمان

اقتباس :-   المشاركة الأصلية كتبت بواسطة همس الخيال

هلا يا اسراء .. موضوع أكثر من رائع حبيبتي وأسئلتك بمحلها .. يعني الحب مش غلط ومش عيب ومش ضعف الحب عطاء وتفاني وحنان وفرح يسكن القلب ..جواب الأسئلة بالاقتباس .. يعطيك العافية

همس
تعرفي انك وحشتيني؟
تعريفك دا انا مقتنعة بيه
بس للاسف ناس كتير شايفاه خيال ورومانسية زيادة عن اللزوم
منتظرة رجوعك ف يوم

اقتباس :-   المشاركة الأصلية كتبت بواسطة dr_e

تعرف متفيرس زي ماحنا ماعرفناش نفسر الحب واتفقنا كلنا على كدة واضح اننا هنتفق كلنا على عدم معرفة اجابة الاسئلة دي شكرا ليك

ولسة برضه مالقيتش اجوبة مقنعة

وبكرة ان شاء الله هرجع تاني
مع باقي الذكريات
ياريت المشاركين هنا يرجعوا
مع ذكرياتهم هم كمان ف الموضوع
تحياتي