قلبي بيرتاحلك مشتاق نفسه يلمحلك
لو يوم دقيت على بابه من غير ماشرحلك
قلبي هيسمحلك تبقاله كل احبابه
بس على شروط لو تعشق موت
وتشيل عن قلبي عذابه

اوقات بيكون جواك حب كبير
وبتتمنى توصله لحبيبك
بتتمنى تقوله ان هو كل ماتتمناه في الدنيا
هو كل حياتك وكل احبابك
تتمنى تقوله ان قلبك مش هيفتح لغيره
ومش هيكون غير ملكه هو وبس
تتمنى يحس بغيرتك عليه
وخوفك عليه
بتتمنى تعبرله عن كل مشاعرك
بتتمنى يكون بيحبك زي مابتحبه
بتتمنى يجي يقولك بحبك
ويريحك من عذابك وتفكيرك
ياترى بيحبني زي مابحبه؟
ولا باله مشغول بغيري؟
بتتمنى لو ضمك ليه
وهمسلك بكلمة حب
تريح قلبك
ويطمنك انه معاك لاخر العمر
بتتمنى يسمع دقات قلبك
وانها بتدق بس عشانه وليه
بتتمنى لو ماتسمعش غير صوته
و ماتشوفش غيره
وماتحسش غير بيه


وعلى رأي علا
وادينا بنحلم

وتاني مع احلى سيرة:

اه يا أسمراني اللون
حبيبي يا اسمراني
ياعيوني ناسياني عيون
حبيبي الاسمراني
اه تحت الرمش عتاب وحنين وعذاب وعيون ماتنام
اه دقت معاك طعم الايام دلوقت تغيب ياسلام
جوني
سألوني
جاوبتهم عني دموع عيني
علشانك امشيها بلاد
حبيبي يا اسمراني
من غير ولا مية ولا زاد
ياحبيبي يا اسمراني
اه يا اسمراني اللون
حبيبي يا اسمراني
اه ياللي عيونك شمعة وضحكة وبحر ونسمة صيف
اه انت رسيت وانا وسط الشوق حيران من غير مجاديف
جوني
سألوني
جاوبتهم عني دموع عيني
ياطير يامسافر لبعيد
روح قول للاسمراني
ليه سافر ونسي المواعيد
ياحبيبي ياأسمراني

لمابتحب
أحيانا بتحس بحيرة
بالرغم من حبك له الا انك بتتعذب
وبرضه لسة بتحبه
وبيزيد حبك ليه كل يوم اكتر من الاول
مش بتقدر تتحمل غيبته
وبالرغم من كدة بيغيب عنك
وتبعت تسأل عنه
وتتمنى يرجع لو لحظة
وتكون مستعد تعمل اي حاجة عشان توصله
بتشوف ف عينه كل الدنيا
بتشوف فيها فرحة وحب وحنان وامل
وبتشوف برضه شقاوة ودلع وبيتقل كمان عليك
تعمل ايه بقى؟
برضه بتفضل تحبه

ورأيك مهم جدا عندي روز
شكرا لك ودايما في انتظارك

وتاني ارجع اكتب في سيرة الحب
سيرة وجع القلب
السيرة اللي مهما كتبنا فيها عمرها ماتخلص:

اه من عيناه دانا والله ماحب القلب سواه
اه لو من قلبه يقول ان انا هفضل علطول وياه
وبقول لو اطول انا لحظةمعاه
انا اسيب الدنيا واعيش وياه
وان جاني هواه ف يوم قالي انساه
دانا اموت والله اه
حبيبي لو يجيني مرة يلاقيني ف عيونه دايبة كدة والله
يجيني لو يجيني مرة يلاقيني ف عيونه دايبة كدة والله
اه من عيناه دانا والله ماحب القلب سواه

لما بنحب
بيملى حبيبنا علينا كل حياتنا
هو محور التفكير ومركز الكون بالنسبة لنا
دايما بنتمنى نسمع منه كلمة واحدة تريح بالنا
وبنستناها بفارغ الصبر
ونضحي بأي حاجة عشان اللي بنحبهم
بنستنى لحظة لقاه
عشان يشوف شوقنا ف عينينا
ويعرف اد ايه بنحب
واد ايه الحب مالي قلوبنا
والشوق مدوبنا
والغيرة بتلسعنا بنارها
ودا كله بسبب الحب

وبريء ورقيق والطيبة دي فيه
والعمر الجاي انا هعيشه ليه
والقلب شاريه مهما يبيع فيه
ولا ليا مكان غير حضن عينيه
وبموت فيه موت طول مانا وياه
ماهو معنى الحب لقيته معاه
وازاي انساه وازاي ينسى
وانا ليا معاه حكايات ف هواه
حبيبي لو يجيني مرة يلاقيني ف عيونه دايبة كدة والله
يجيني لو يجيني مرة يلاقيني ف عيونه دايبة كدة والله
اه من عيناه دانا والله ماحب القلب سواه

لما بنحب
حبنا بيخلينا نشوف اجمل الصفات في اللي بنحبهم
حتى لو كانت مش ظاهرة
بيقولوا ان المرأة فقط هي من تستطيع ان تشعر بصفة الحنان في الرجل
اعتقد ان دا بيكون اكتر ف حالة الحب
لانها لما بتحب بتقدر تكتشف جوانب كتير من شخصية اللي بتحبه

ياترى فعلا ممكن تحب حد حتى لو كان مش شاريك؟
ايوة
وهو دة الحب من طرف واحد
لكننا بنتمادى فيه
لاننا مش قادرين نتخلى عن حب رائع جميل صادق حتى لو كان من طرفنا احنا وبس
حتى لو كان بيعذبنا
دا احلى مافي الحب عذابه
وسهر الليل بتفكر ياترى حبيبك بيعمل ايه
وحاسس بايه
وبيحلم بايه
وبيفكر ف ايه
وامتى هتشوفه
امتى هتقدر تقوله بحبك
كلمة تخرج من قلبك
وتتمنى تروح لقلبه
عشان يحس بيك
ويعرف اد ايه بتعشقه