كاتب الموضوع :
دموع يتيمة
المنتدى :
القصص المكتمله
الجــزء الرابـــــــــــع والعـشـ24ـرون "
"مـشاعـر ضـائعة" (1)
بعد طول انتظار ..وزحام شديد ..ومشاجرات بالألسنة ..جاءه دوره ..تنفس الصعداء ..ومسح قطرت العرق من جبينه ..وتقدم بأوراقه .. وبثواني معدودة ..جاءه صوته خالي من أي تعبير "اسف مواصفاتك ما تسمح بسحب قرض من البنك "
تغيرت تقاسيم وجهه وبدون أي ان يحرك شفائفه بكلمه ..سحب اوراقه وطلع
من البوابه وركب السياره وهو يزفر
فهد وبعد طول انتظار ..هاااوش صار "
ماجد ويزفر بضيق.."ولا شيء يقلون راتبي ما يسمح اني اخذ عليه قرض"
فهد ويضربه على كتفه بخفه ويشغل السياره ويتحرك.."خيره ان شاء الله "
هز راسه ماجد واكتفى فيه كجواب وسرح بالدنيا ..وخيال اخته ماغاب عن عينه ..وكيف يواجهها بالحقيقة
انتبه لسرحانه فهد وبمزحة خفيفة .." لا تقول انك سرحت عند العروسه يارجال خف ما هو شرط تتزوج هالسنة ..وتضيق على عمرك بالديون"
ماجد ويطالع قدامه .."ياليت هذا المعكر علي ..الزواج ما افكر فيه بهالوقت وكل الي افكر فيه اختي حنين ..وكيف اقول لها اني مااقدر ادبر لها المبلغ "
فهد وخفف السرعه وباستغراب .."وش دخل حنين بالقرض"وانتبه لتطفله وباحراج.."اسف على التدخل "
ماجد ويتنهد.."عااادي وحنين مثل ماهي اختي اكيد تعتبرها اختك..وراحتها تهمك مثل ماتهمني"
فهد وماحب هالمصطلح وهز راسه بالتاكيد
ويكمل كلامه .."حنين ماتبي خطيبها وهو الله يهديه ماهو راضي يطلقها الا ندفع له المهر كامل او يعلقها طول عمرها ..وانت عارف ابوي لو يموت مايرجع قرش ويقول ارجعي بدل ماتكوني معلقه والمسكينة مالاقت غيري تلجاء له والمشكلة وانا وعدتها وماادري كيف اخبرها .."
سكت فهد وماهو مستوعب كلام الي سمعه وزاد سرعة السياره وسرح باحلامه بعييييد..وبصوت داخلي يتردد هذي فرصتك لاتضيعها ..هذي فرصتك لاتضيعها ..وبتجاهل نظرات ماجد وطالع بالفراغ الي قدامه
وبتردد اثر على نبرة صوته .."طيب خلك على وعدك والمبلغ قريب يتوفر"
ماجد وباستغراب .."كيف والبنك ماهو راضي يقرضني المبلغ"
فهد وقف عند بيتهم .."انت ماعليك الا انك تثق في وتبقى على وعدك والمبلغ
راح يكون عندك خلال هاليومين "..وابتسم بثقه .."ولا ماتثق بولد ناصر"
=============***============
وقفت على المرايا ..ومسحت على تقاسيم وجهها بغرور وكبرياء ..اخذت عطرها المركز وملت ملابسها من رائحته ..ولبست لثمته وشدت عباتها على خصرها بعناد وتحدي على الصوت المنبعث بداخلها فتحت الباب وتذكرت ذكرى البحر وترغرت عيونها بالدموع ..ولمست خدها تتحسس اثار اصابعه
وحتى لاتتراجع اسرعت بخطواتها الى الخارج وهي تتنفس بصعوبه ..وشهقت بدهشه ممزوج بشعور غريب تتجاهله وهي تشوفه نازل من السياره ومعه شخص ملامحه قريبه لحنين
وبضحكة ماجد وبعيونه المتطاوله انتبه فهد على الشخص والواقف على الشارع الاخر .."طالع العيون الذباحه عزالله اصابتني بسهمها .." قالها بسخريه
فهد وكشر بوجهه .." استحي ترا عمها اسامه "
ماجد شهق بذهول .." غريبه اسامه يشوفها بالتبرج ولا يتكلم "
فهد وهو ماشي ومسفه دلال .." اظنها بنت متمرده ولا ينفع فيها شيء "
ام هي طالعت فيه بقهر لتطنيش فهد لها وركبت مع السواق وهي تتوعد لتمرد اكبر
=============***============
جالسه بالصاله ..وهي تحاول تتجاهل نظرات خالها وامها وتتهرب من كلماتهم المتطايره والمقصدود
فيها اولا واخيرا ..انتبهت لغمزة امها لخالها وفهمت قصدها ..بلعت ريقها يوم قامت امها ومابقى الا هي وخالها
اسامه .."ريم تعالي اجلسي جنبي "
ريم .." هذا انا جالسه عندك..وما يفرق المكان "
اسامه بحده .." اظن كلامي امر "
استحت ريم ترد على خالها وقامت من مكانها بهدوء وجلست جنبه
اسامه بدون مقدمات ونبرة غاضب .."وش السالفه الي سوتيها "
ريم باستفسار ممزوج بخوف .."أي سالفه "
اسامه يتمالك نفسه .."اظن انت فاهمه ايش اقصد"
ريم بقهر من ردة فعل خالها .."بس ياخال يستاهل الي جاه والبادي اظلم هو
رفضني قدام الرجال وانا رفضته قدام الحريم .."
اسامه ويرفع صوته .." بس هذا ماهو حل ..وبعدين هو رجال وانت بنت والي سوتيه عيب واكبر عيب.."
انقهرت ريم من خالها وماعرفت كيف ترد كرامتها الا بنفس القوة .." يعني وم رفضني قدام خوالي واولاده مااحد تكلم ويوم انا ارفضه كلكم وقفتوا بوجهي وتركتم الغلط علي .."
اسامه .."رفضك يوم احنا اخترناك له ويمكن الرجال مقصده طيب ويبي يكون الاختيار جاي من طرفه وهذا هو رجع خطبك بدون احد يطلب منه"
ريم بطولة صبر .." بس هذا قراري وماراح اغيره..وعلى قولته اخاف لا تزوجني اعله ويقرف من طولة لساني .."
اسامه ومل منها .."شوفي ياريم توافقي او ماتوافقي هذا الشيء مايهمني وكل
الي يهمني ان ملكة اخر الاسبوع وتجهزي بكره امر عليك اخذك عشان تحاليل الزواج
وقام وبدون ماينتظر ردها وتارك وراها ريم تتخبط بكلماته وتقاوم دموعها
=============***============
قدم الكرسي وجلس عليه ..وطالع في أبو عبد الكريم ورجع طالع فيها وبمشاعر ضائعة ..وعيون متشتتة .." يعني انت بنت ابو عبدالكريم "
شقاء وهي تغالب دموعها ونزلت راسها وتنهدت بحزن .."ايه والله يهدي اخواني ماخبروني عن صحة ابوي ..ورفعت راسها وطالعت باسامه .." كيف حالته الصحيه الحين .."
اسامه وتهرب من سؤالها.."ان شاء الله بخير ..وزين منك جيتي وزرتيه كل مايصحا يسال عنك ويقول قولوا لها اني راضي عليها ليوم الدين واطلبوها السماح.."
اختفى صوتها ..وسكنت حركاتها وطالعت بابوها .."انا مسامحته ليوم الدين ومافي بنت تشيل على ابوها مهما كان الي مسويه.."
اسامه وبتردد من تطفله .."وش معنى انت يسأل عنك واخوانك مايهتم فيهم ولا يسأل عنهم اكيد كان
مقصر معك بشيء وعشان كذا يطلب الحل.."
شقاء وتنهدت تنهيده اكبر من الأولى وغمضت عيونها وقلبت دفتر مذكراتها دور عن حياتها البائسه مع ابوها وبصوت متألم .." أيـيـيه تسالني ليش يطلب الحل .. اقولك ليش ... كنا ست بنات واصغرهن انا والله مارزقنا بأخ وابوي ماكان راضي بقسمة ربنا وكان يتذمر منا ويدعي علينا وعلى امناوحملت امي ..وبحملها الاخير اقسم ابوي على امي ان هي ولدت بنت انه غير يطلقها ويرمينا بالشارع وكان امي هي الي تتحكم بارزاقنا ويكتب الله ان امي تولد بولد وتموت اختي الكبيره ولقساة قلب ابوي فرح فرحتين فرحته بولد وفرحته بالخلاص بموت اختي الي على قولته مثل الهم
الجاثم على قلبه ..وبعد سنة حملت امي ورزقت بولد وشاركة فرحت ابوي موت اختي الثانيه وكذا ربي يقدر لابوي كل مارزقه بولد تموت وحده من اخواتي الا ان جاء اخر اخواني وكان ينتظر موتي وفي
الاخير مل من الانتظار واخذني وانا صغيره ورماني عند باب المسجد وكان ينتظر احد ياخذني ويتخلص مني وبعد اسبوع طفش وتركني اعيش مصيري معاه ..كبرت وكبرت همومي وزادت الالمي وجروحي كان يحرمني من ابسط حقوقي بس لاني غير عن جنسه .كنت اشوف العنصريه والمحايده
ولما صار عمري 12 سنة زوجني ابوي برجال عمره ستين سنة ماله اثر الحياة الا اسمه ..ويقدر الله ان يرزقني منه بنت وبعدها بكم شهر توفي ورجعت لبيت وجن جنون ابوي كانت وحده لما زوجني ولما ترملت صرت اثنين..وحتى بنتي كان لها نصيب من معاناة امها كان يحرمها الحليب الي
ماقدرت اوفره لها وكان اغلب اكلها بقايا من اكل ابوي
وبعد ماخلصت العده زوجني ابوي برجال اقل سن من الاول بس كان عنده ثنتين وانا الثالثه والحمدالله
حياتي عنده كانت ارحم لي بالنسبه لابوي وزوجي الاول ومن زواجي اقسم ابوي على زوجي اني ماادخل بيته ولا اشوفه ..وزوجي من كره لابوي نفذ الوصيه وهذا اخر خبري لابوي.."
قام اسامه وبعد الكرسي على الجدار ..وطلع بعد ماسجل عقله كل كلمه مرت عليه ..انتابه شعور بالندم اول مره يحس نفسه سخيف ...تافهه ...لاهي...وان حبه لرحمه اكبر غلطه بحياته والتفت على وراءه وقارن بين قلب شقاء وبين قلبه ومعاناتها .. وبين قلبه ومعاناته وحجم المشاعر المتناقضه
الي يرميهن بطريقها بدون مايلاقيي من يحتوييهن ..والتفت على قدام وتوقف بوسط الممر ..وجدد نفسه وجدد عزيمته معاه ..لخلاص من حب ضائع
=============***============
طلع من المطبخ وهو شايل الصحن بطرف اصابعه من قوة الحراره ضحك بداخله وحمد ربه ان البيت
فاضي وما احد شافه جلس على الارض وشغل التليفزيون على مسلسلة المفضل وبدا بالمتابعه والاندماج والأكل وماانتبه لطيف الي وراه
فيصل حط يده على ظهره وبنغزة .." كشفتك وش تسوي"
خالد وطائر قلبه واهتز اطراف جسمه الي لامست الصحن من الربكه وقدر بالحظة الاخيره يسيطر على الصحن
خالد .." بسم الله الرحمن الرحيم طيرت قلبي وبغيت تكب عشائي المفضل بخفة دمك .."
فصل وطالع بالصحن وبضحكة مكتمومه .." الحين هالاندومي صارت اكلتك المفضله ..لا عزالله تعبت فيها .."
خالد ويطنشه وياخذ له عامود من الشعريه وييلفها بطرف الشوكه .." اذا تبيي تشاركنيي روح جيب لك شوكه .."
فيصل .." لا مالي نفس بالاندومي"... وضحك ياليت اكلك على قد وزنك كان تلاقيي نفسك اسمن واحد بالعالم ..وبضحة لئيمه.." تلاقي ياعمي بطنك دود عشان كذا أكلك ماينفعك .. "
خالد .. "ايه بس هالدود ماهو بطن حولي" .. وبحقد ظاهر .."كله منك ومن
اسامه ومن هالريم دائم عينكن على الاكل الي اكله عشان كذا ما ينفعني..ولا
الاخ مالقى غير الريم يتزوجها عشان تشاركه بعيونه و تكتمل معاكم واروح انا وقتها في داهيه .."
فيصل وانحرج من ذكر الريم ..وبتوتر .. "على قولتك عمي اسامه وش سوا بالموضوع.."
خالد .".مدري هو عندهم الحين وقال انه راح يكلمهم ومايصير الا الخير
وقام وقفل التلفزيون وترك صحن الاندومي مكانه.. وطلع من البيت وهو يحس بملل من حياة العزوبية.. وفراغ كبير بحياته ..وبشوق فضيع لحنين.. اشتاق لها ولصوتها ..تمنى شوفتها وتكون حوله يملى قلبه قبل عينه ..لمح طيفها وهي طالعه من بيتهم وداخله بيت اخوه ابو سعود ..وابتسم بفرح وكأن لقاءها هبة من ربنا وبسرعة دخل البيت وتسبح وتكشخ وطلع بعد عطر المكان من رائحته
=============***============
دق الباب دقات خفيفه ..ودخل بعد ماسمع صوت الاذن له بالدخول
قفل الباب وراه بهدوء وسلم مصافحة وجلس مقابل عمه وباستفسار سريع
"خير ياعمي ناديتني ..عسى ماشر "
ابو نواف وينزل النظاره ويقفل القلم .." الخير بوجهك ياوليدي .."
وبفترة صمت مرت عليهم تشاغلوا فيها بالسرحان ..جاءه صوت عمه
حاد واثق .."امس ياوليدي جاءنا ابو علي قريبنا يخطب دلال بنتي لولده علي
وانا بصراحه مااعطيت الناس رد وقلت بشاورك واعطيك خبر اذا لك نفس بنت عمك ترا بنعطي الناس خبر ان ولد عمها متكلم فيها واذا تبي ترخصها..هذا الشيء راجع لك .."
سعود وانصدم من كلام عمها وزادت حدة عيونه ومر على باله طيف فرح
وبروح تجددت داخله اتسعت شفائفه بابتسامه على الفكره ..وخاصة انه في
الفترة الاخيرة صار يمل من فرح وعرف ان زواجه منها كان مجرد نزوة شيطانيه وهو بحاجة لاستقرار بحياته وسكن نفسي وروحي وبنكران لاسمى واقدس معاني الحب .." لا ياعمي انا اولى بدلال من الغريب واذا ماعندك مانع خلي ملكتنا بعد رمضان .."
ابو نواف .." وانا ياوليدي ماعندي مانع وماراح القى خير منك ..والله يوفق بينكم ويجيب الي فيه الخير
سعود ويقوم .." اجل انا طالع الحين عندي اوراق لازم اخلصها
ابو نواف ويلبس النظاره .."بحفظ الله ياوليدي "
=============***============
بين ضحكات البنات وهمساتهن ..جالسه بطرف المجلس وهي تحس بملل فضيع وخمول بجسمها كله ولو كانت الزياره ماهي لوجهه الله واحتساب اجر زيارة المريض كانت ندمته عليها
حاولت انها تشتت نظراتها وماتتلتقي بنظرات دلال وهمسات ساره
ساره وتغايضها .."حنين ماهو معقوله ابوك الى الان ماقدر يدبر المبلغ وبعدين مهرك بسيط واي واحد
يقدر يدبره بسهوله ..وبحنيه زائفه .."واذا انتم فقراء عادي اكلم خالد واقوله يخليه صدقه لكم "
حنين وتتجاهل كلماتها .." ان شاء يارغد ماتشوف شر ويكون الي تشوفه بموازين اعمالك .."
رغد وتهز راسها وبالم داخلي .." الله يسمع منك "
دلال وانقهرت من تطنيشها .." وتكمل الي بدأته ساره .." يمكن عمي من
حقده عليك مايبي يطلقك بالسهولة هذي غير يشرتح فيك .."
حنين وعلى تسفيهن لها وتأملت صوره معلقه على الحائط عن منظر الغروب وكيف على انه كان يملى
الدنيا ظلام .. الا انه غروب الشمس كان لها منظر خلاب وبديعي وغياب الشمس وظهور القمر من الجهه الثانيه له انعكاس ثاني على النفسية ويشعرها بالتفائل
جاءت رهف وهي مبتسمه وتشبك يديها بعض .." احم ..احم ..عمي خالد
يقول اذا مافي احد غريب بيدخل"
تفا جاءت حنين وبشهقه مكتومه وبسرعه ردت عليها .." لاقولي له فيه ناس يتغطون منه .."
ساره وتتمهزء عليها وتقلد نبرة صوتها .." لاقولي له فيه ناس تتغطى منه "
"لا ياحبيبتي اذا انت ماتبيه غير ميت عليه ولا تظني دخوله عشان سواد
عيونك ..وبغرور .."يمكن شوفته لبعض الناس تفرحه "
حنين وتذكرت شكلها البسيط وجهها الخالي من أي اثار لميك اب وملابسها العاديه بمقارنه يشكل ساره الخيالي بالنسبة لها وتجمعت دموعها بعينها وخافت من مقارنة خالد بينها وبين ساره .." طيب انا ماابي اشوفه واذا بيدخل عشانك روحي مكان ثاني.."
دلال وكانها ماسمعت كلمه .." قولي له مافي احد غريب وخله يدخل "
بقت حنين بصدمتها حاولت تتهرب ودور لها مكان تختفي فيه عن خالد
ومالاقت الا غير طرحتها حطت على شعرها
دخل خالد بعيون متعطشه وقلب يرفرف من فرط السعاده وماهو مصدق انه
بثواني راح يشوفها ويجلس جنبها ويسمع صوتها
واول مادخل ركز عينه عليها وارسلها ابتسامه محروم وسلم مشافه على
الحاضرين وبقت عيونه مصدومه من حنين
ساره .."هلا خالد "
خالد ولسه بصدمته من تجاهل حنين وطريقة لبسها لطرحه .." الحمد الله
اشتقت لكم وقلت امر اسلم" ..وجه كلمتة الاخيره لحنين
ساره بدلع .."تشتاق لك الجنة ..حنا اكثر ..واشرت بيدها لمقعد قريب منها تعال اجلس هنا "
طنشها خالد وعيونه مافارقت شكل حنين وبجــرارة زايده وتسفيه
لموجودين جلس جنبها واخذ بيدها وضغط عليها وابتسم بحالميه وبصوت
هامس .."ماهي حلوه الطرحه عليك بدونها تكوني احلى "
ارتبكت حنين من كلمته وقبل كذا من حركته وتحمرت خدودها وانحرجت
من خالد وخاصه قدام اهله وبصوت مميزه الحياء .."خالد لو سمحت فك يدي"
خالد ويضغط عليها وبقرب منها .." طيب فكي الطرحه وانا افك يدك "
وانتبه لصوت المخنوق الي قطع كلامهم
ساره وبكرامه مجروحه وبنبره مخنوقه .."اذا انت داخل عشانها خذها واطلعوا برا عنا .."
خالد وماصدق خبر ولا اهتم لدموعها ولا لمشاعرها ومسك يدا حنين ..
"تعال عندي كلام ابي اقوله لك "
تاهت حنين بين مشاعرها الضائعه.. واحاسيسها المكذوبه..ورومنسية خالد
ولهفته عليها الي ماقدرت تميز بين صدقها وكذبها
وبداخل غرفة الضيوف ..دخل خالد وسحب حنين معاه سحب واول شيء
سواه انه سكر الباب وراه والتفت عليها ونزع الطرحه من شعرها
حنين باحراج وبزعل واضح .." خالد بلاش حركات البزران الي ماله داعي"
خالد ورمى نفسه على الكنب .."الحين حركاتي حركات بزران ..يللا نمشيها
لك ..واشر لها بيده .. تعالي اجلسي .."
حنين بدهشه .."خالد ان شاء ناوي تجلس وتسولف..وبجــديه .." قول الي عندك وخلصني... وقبل كذا هات طرحتي "
خالد .."اظني زوجك ومن حقي استمتع بشعرك "
حنين .." ومن متى هالكلام وهالحركات ..ناسي ايش كلامك عني "
خالد برجاء .." خلينا من الماضي وهذا انا اعتذر عاشر مره واذا انا غلطت
حتى انت شاركتيني بالغلط "
حنين وارفع صوتها .." بايش غلطت يمكن كانت غلطتي اني رضيت بواحد اناني مثلك .."
خالد ويقوم من مكانه ويتمالك اعصابه .."الف مره قلتها لاترفعي صوتك علي .."
حنين بتحدي .." راح ارفعه ..وخلي اهلك يسمعوا حقيقتك يسمعوا انانيتك وحقارته افعالك ويعرفوا الخيانة على حقيقتها ..يعرفوا كيف حطم قلب حنين وضيع احلامها بغروره ..وذنبها عشانها ماهي حلوه ..عشانها كان لها تاريخ بالحب .."
خالد ويمسكها مع كتفها ويهز فيها وبعصبيه حارقه .." انا ماجبتك هنا عشان تقولي لي هالكلام ..انا جبتك عشان نبدا صفحة جديده وننسى الماضي
وبصوت حنون .."ولا تنسين اني احبك ومالي صبر بفرقاك.."
حنين ويسخريه مؤلمه .." وتبيني انسى الماضي وساره جالسه بالمجلس"
خالد .."ساره غلطه وانا معترف اني تسرعت فيها "
حنين .."وانا ماعندي غير هالكلام الي قلته ..وبصوت تستفز رجولته وتجرح كرامته ..وتطعن كبرياءه ..وبنظرات احتقار املا منها ان يطلقها وتأبى عليه كرامته .." واذا فيك ذرة رجولة وكرامه طلقني لاني ماابي اعيش مع حقير مثلك ووووو...
وبهداوء المكان وبصوت قاسي ..امتدت يدا خالد لتقضي على بقايا الحب
خالد وعيونه طير من الشرر .."اظن هالكف علمتك الرجوله كيف"
حطت يدها على خدها وطالعت بعيون مصدومه وبانفاس امتزجت بالشهقات
وغمضت عيونها تسترجع الموقف الي مر قدامها وتاكدت من نبرة الصوت ان الي صار واقعي
خالد وراسه يكاد ينفجر من الندم ومن التسرع .." مااكنت اقصد اني يدي تمد
عليك بس انت استفزتيني.."
فتحت عينها المختلطه بدموع الذل والاهانه وبدون ماترد عليه لبست
طرحتها وطلعت وهي تزف قلبها لقبره
طالع بيده وضربها على الجدار بكل قوته ورضخ لصوت الي بداخله ..ان
الي سواه اخر عهده بحنين وبلحظتها تذكر ساره وان كل الي سار بينه وبين حنين من اثار ظلمه لها
=============***============
طالع بديكورات المجلس.. وبقطع أثاثه الموزعه بطريقة عجيبه ..وبذكرى داهمة تفكيره ..تذكر ليلة زواجه من داليا ..والضرب الي ذاقه ليلتها والاهانه الي استحملها والبهتان الي رمى فيه
طالع بالساعة قاطع سيل متخيلاته وبملل زفر من خشمه وبقهر امتلى قلبه على
داليا الي له ساعه وهو ينتظرها وهي تتغلى عليه وسمع صوت مشى وتوقعها
داليا ..وعدل بجلسته وظبط توازنه وهدات انفاسه وبثواني عبس ملامح وجها لما شاف الداخل
ام نواف وترحب وتهلل .." ياهلا ..ومرحبا فيك ياوليدي ..اعذرنا تاخرنا عليك"
تركي ويسك اسنانه بغيض من داليا ويحاول يزن صوته .." لا تاخرتي ولا شيء . هلا فيك ..كيف صحتك ياخاله اعذرينا هالايام انشغلنا عنك.."
ام نواف انا بخير دامكم ياوليدي بخير وصحه ومبسوطين بحياتكم
وبعبرة مخنوقه .."هو انت ياوليدي ماشفت نواف .."
تركي .." لا ياخاله بس اعرف مكان تواجده ان شاء الله بكره امره واخليه
يزورك ومايكون خاطرك الا طيب .."
ام نواف وانفرجت اساريرها .. الله يبشرك بالخير ياوليدي ..الله يبشرك بالخير
وقامت وهي تدعي لتركي وقفت عند الباب .."الحين انادي لك داليا "
وبعد عشر دقائق قضاهن تركي بالاستغفار..جاءت داليا
قام تركي وبشوق لزوجته الي بدورها بادلته الشوق بنوع ثاني
تركي .."هلا داليا ..وينك لي ساعه انتظرك"
داليا بروده .."كنت مشغوله ..خير وش عندك "
تركي وانفجر من داخله لاستقبالها له .." عجبك وضعنا الي فيه"
داليا .".ايه على الاقل اسلم من اختك ام لسانين .."
تركي بنفاخ .." احترمي نفسك واختي ماجاءك منها شر .."
داليا بمسخره .." عشتو والله وصرنا ندافع عنها كمان "
تركي ويزفر بضيق .."ماهو هذا الي جاي له ..يللا تجهزي عشان نرجع على البيت .."
داليا وتحط يديها على بعض وتجلس.."اسفه اليومين ماني فاضيه ..خله الاثنين .."
تركي بغيض .."بس لك اكثر من اسبوعين عند اهلك وما اشوف فيك غير الدلع .."
داليا بطرف خشمها .."عجبك او ماعجبك ماني مروحه اليوم معاك"
..وبتهزء.."مالي اخلق اسوي لكم العشاء الليله تعبانه.."
تركي وماعد صار يستحمل دلعها .." اجل انتظريني يوم الاثنين اخذك "
وطلع وهو يتوعد لها بداخله ..ويسب حياة الرفاهية اذا كانت تخرج بنات كذا
=============***============
نزلت فنجال القهوة .. واخذت لها بطرف الشوكه قطعه من الحلى ..وبادلتها الابتسامه وانشغلت بتأمل يساطة البيت
اريام وحست فيها ..." عجبتك بساطة الشقه "
ريم بحياء .." اكيد احسها تصلح لزوجين متحابين"
اريام واشفقت على اخوها .." يمكن توقعك صحيح ..وتذكرت شيء .."صح
حنين ليه ماجاءت معاك
ريم بصراحه..." ماكلمتها كل مااتصل عليها ام مقفل او ماترد واتوقع حتى لو
قلت لها ماراح توافق اخوها احسه متشدد عليها بالطلعات ..وضحكة ببراءه
.."ماهي مثلي حالي داجه ولا احد معبرني "
اريام .."فيك الخير والبركه وزيارتك من جد فرحتني وحبيت صحبتك من كل قلبي .."
ريم .."واناكمان ماحبيت علاقتنا تنقطع بالسهوله قلت خلي الوصل يجي مني"
اريام باحراج .." لاتفهميني غلط انا هذا طبعي مااقدر اكون علاقات مع الي
حولي ودائما فاشله بحياتي ..بس اذا كونت وحبيت تلاقي وفيه ومخلصه "
ريم بمزح .." اجل بستغل هالنقطه فيك واتخدم عليك ..وخاااصة بكتابة البحوث"
اريام .."انت تامرين امر ..بس صح شكلك غير عن اول ماجيتي ..ايش بلاك
فيه شيء مكدرك ..ومضايقك "
ريم وتغيرت ملامحها وتنهدت تنهيده حزينه .." مدري ايش اقولك بس خالي الله يهديه رجع وكلمني بخصوص ولد خالي وانا رفضت وهو شكله ملزم علي ويبي يغصبني..."
اريام .. بس حرام عليه ..شكله خالك هذا قاسي ..لا تقولي خالك خطيب حنين..."
ريم وعبست وجها..لا هذي خالي اسامه اول مره يسويها ويكون قاسي معانا بالقسوة ..دائما طيب
وحبوب ومايشيل بقلبه على احد بس هو هالايام متضايق واحسه مهموم وشكله مالقى غيري يحط همه لي.."
اريام وتوردت خدودها وارتبكت من ذكر اسامه ..ومرعلى ذاكرتها اول للقاء بينهم وكيف كانت القسوة منفجرة بملامحه ..وكيف بفأجاءت انقلبت ملامحه وانبعثت منها الطيبه والرحمه ..اسامه الي عمرها مانامت الا وطيفه يمر عليها بس هالمراه مابنت احلامها عليه لان احلامها بالنسبة لها مصيرها الانتحار
ريم وتأشر بيدها .."وين سرحتي"
اريام وانتبهت لحالها وضحكة .." ابي اقولك شيء بس قبل كل شيء ابي وعد منك انك ماتخبري خالك اسامه "
ريم وتفأجات وماهي مستوعبه .."ايش دخل خالي ..وهزت راسها .." خلاص انا على وعدي اريام وتحكي لريم كل الموقف الي صار بينهم يوم الحادث
ريم بنذاله ممزوجه مزحه .."حسبي الله على ابليس طلعتي انت ام لسانين الي يقول عنها خالي ..حرام عليك بغيتي تحرمينا اسامه "
اريام بجراءة .." ماعليك خالك ماينخاف عليه ..بس من جد غاوي "
ريم وتفاجأت من اريام وبضحكت بصوت عالي .." اجل نقول مبرووووك "
=============***===========
الجــزء الرابـــــــــــع والعـشـ24ـرون "
"مـشاعـر ضـائعة" (2)
دخلت البيت وطرحتها لسه على وجهاا ..ودموعها تنكرت لها هالمره حاولت ..وحاولت ..ولو دمعه تلين الحجر الي بداخلها ..بس عمر الحجر مالان سمعت اصوات متداخله وضحات رجوليه و حقدت بداخلها على كل رجال بالدنيا ..فتحت باب الصاله وطاحت عيونها على ابتسامة فهد
ماجد وانتبه لدخولها.." حنين انتبهي فيه فهد ولد عمتي "..واستغراب سكوتها
فهد باحراج .."لا انا طالع خذوا راحتكم "
حنين بصمود .." لا خلك انا داخله انااااام
وطلعت لغرفتها ..استوقفتها صوت تعرفه بس لهجته تنكره ..صوت تميزهمهما كان نبرته ..وضحكة غريبه استوقفتها
رحمه .." حرام عليك وليد ..وكل الي صار وتقول هالكلام .."
"خلاص انت تبشر ..وكم وليد عندي بالدنيا "
واستوعبت الصدمه الي الجمتها ..والخيانه الي سمعتها ..ودخلت وفتحت عليها
الباب ..وبصوت متحطم بصوت مكذب .."رحمه انت تكلمي ولــيـد "
طار قلبها من الصوت الجاي ومن الخوف والربكه بسرعة قفلت الجوال
وحطته وراء ظهرها وتلعثمت وتداركت نفسها بالأخير .." ايش فيك تنافخي "
حنين وتنزع يدها من وراء ظهرها وتاخذ الجوال .."جاوبيني كنت تكلمي وليد"
رحمه وخافت تنفضح وتنكر.." لا كنت اكلم وحده تعرفت عليها توني "
حنين باستهزاء.." يعني الي سمعته كان لبنت ..وفتح جوالها وبسرعه فتحتعلى المكالمات الصادره وماشافت رقم غريب ..ورجعت وفتحت علىالمكالمات المستلمة وانفجر الدم بعروقها وعشان تصدق الي سمعته وتكذبالأحاسيس الي بداخلها ضغطت على زر الاتصال واتصلت عليه
رحمه بشهقه .."انت ايش قاعده تسوي"
حنين بسخريه .."ابي اسمع صوت هالبنت عندك مانع" ..وحطت المكالمه على المكرفون
رحمه برجاء.." حنين انت ماتثقي في ..وش هالتصرف الهمجي "..وبنبرة امره.." هااااتي الجوال "
جاء صوته قاطع لشكوك الي بداخلها .."وليد ..هلا خير وش فيه الخط انقطع "
انتبهت لصوت وبسرعه قفلت حنين الخط بوجهه ولسه بصدمتها ..حاولتتخرس الصوت الي بداخلها وتصدق كلام رحمه بس صوت وليد زلزلها
رحمه.." حنين لاتفهميني غلط .."
حنين وصحت من سرحانها وكل امالها بالي تحبهم تحطمت..وصرخت بصوت
عالي وبهستريا ..اطلعي برا ..اطلعي ماابي اشوفك قدامي ..ياخساره الثقه الياعطيناك ياها حسبي الله عليك حسبي الله عليك ..ودفنت نفسها بالمخده وهي تشاهق من البكى ..وتحاول تجبر الصورة اليانكسرت..والزجاج الي تناثر بس هيهات كل شيء صار بالنسبة لحنين انتحار
وانتحار بطيء..وانهزامها امام خالد فتح لها باب غفلت عنه وتناستهوالحين لاقت المفتاح ..ومصيبتها الحاليه برحمه
=============***============
صحا من نومه على صوت امه تستعجل فيه على الرجال الي ينتظره برا..وبعجلة لبس ثوبه ..واخذ
شماغه ومن الربشه صار يلبسه هو ماشي ..وخايف من الشعور الي بداخله وان الزيارة لها مطلب
وراها وغرض
اسامه ولمح طيف عبدالله ومن بعيد .."هلا عبدالله وش فيك تاخرت "
عبدالله ويسلم عليه بحراره .." اعذرني كنت نايم ..وباستفسار.." عسى ماشر
الوالده تقول تبغاني ضروري.."
اسامه ويستعجل عليه .." ايه بنت اخوي تعبت علينا وسعود موصيني اناديك
عبدالله وتسمرت اعضاءه وبصوت هامس .." بس انا "
اسامه ويقاطعه .." ماهو وقته الاعتذار ..ومااظن تردنا واحنا بحاجه لك"
عبدالله .." بس بامكانكم تقروا عليها بنفسكم والقران كله واحد سواء من عندي ولا من عندكم والله هو الشافي "
اسامه .."عارف بس انت لك خلفيه بالقراءه "..وفتح باب بيتهم "يللا ادخل "
=============***============
بعالم ضياعه واستهتاره ..جالس بين الشباب والانهزامية واضحه على ملامحه .. والتمرد والفجور قاده انه يواصل بضياعه حتى تنتهى حياته..اخذ حقنة الهروين واختلى بزواية الشقه ورفع كم ثوبه وعبس وجهه يوم ماشاف ما لها مكان من كثر الادمان ..وبمكان العضد غرزها بجسمه بقوة ورامها على الجالسين بتهكم..وقهقه بصوت عالي ورمى نفسه على الكنب..وبدا جسمه يهتز مع اصوات الغناء الماجنة..وبلحظات شاف الي حوله ضباب وشيء يضيق على قلبه وجسمه كله ويحاول يخرج منه وبانفاس ضعيفه حاول ينبه الحاظرين عن نفسه وفي الاخير ماقدر سكنت حركاته.. وتوقفت
انفاسه .. وارتاح من الالمه ومعاناته
انتبه له احد الشباب وصرخ بخوف .. "عيال نواف مايرد اصحي فيه ومايتحرك ولا يتنفس.."
عادل وبسكره .."تلاقوه يمزح اعرفه خفيف دم"
الشاب بصراخ .." اقولك اضرب فيه ومايتحرك وماله نفس "
واحد من الشباب الجالسن قام وبلع ريقه المر .." والحــل "
الشاب بكل عصبيه .." انا اسالك الحل " ورفس نواف بكل قوته املا انه يصحا ويريحهم من المشكله الي طاحت على روسهم
عادل .." عزالله طحنا فيها شكله زاد الجرعه وجسمه مااستحمل وفارق "
الشباب كلهم وبصوت واحد .." والحل الحين "
عادل .." مافيه الا انا نلفه بسجاده ونرميه خارج الرياض على طريق الشرقية
حملوه الشباب كالخرقه الباليه ولفوه بسجادته الي كان اغلب وقته يتعاطيالهروين عليها ..ونزلوا فيه تحت ..ومن الخوف رموه بشنطة السيارة ..
وبوسط الجبال .. بدون ماراعوا حرمة الميت..رموه كالقامامه الفاسده ..وانطلقوا على اعقابهم مولين بعد ماتخلصوا من ضحية من ضحايا الهروين
=============***============
دخل المجلس وحاول يشتت نظراته ..ويتهرب من لقاءها .. ومستحيل أنتستمر عيناه معلقتان بالفراغ وبدون قصد طاحت عيونه
على سعود والبنت النايمه جنبه..ومغطي جسمها بالكامل بشرشف سميك
جلس جنب سعود ..وغمض عيونه وحاول مايظهر التوتر والقلق عليه
و بعيونه الي تفيضان بالألم.. وجسمه ينتفض ويرتعش من شكلها .. وقلبهيتمزق ويحتضر بداخله وعلى حالها
تعوذ من الشيطان الرجيم ..وبدا بقراءة الرقيه واستفتح..بسورة الفاتحه واية الكرسي ..وبعدها قراء ايات السحر ..والعين ..واستغربهدوءها وهو يقرا الايات واناته بدت تخف مع كل ايه ..كرر ايات العين ..وعرف من خلال قراته ان الي فيها عين ..وهذا وضح من راحتها لقراءه على عكس لو كان فيها سحر لتأثرت وبكت او صرخت
اخذ كوب مويا وقراء عليه وبدا ينفث فيها ..وهو يدعي الله بسره انه يشفيها
حاول الشيطان يخلط عليه بنيته وان الي سواه ماهو لوجهه الله وكله حب لرغدوعشان يشوفها ويسعد قلبه ويحي الحب بداخله تعوذ من الشيطان وتخلص من هالوساوس وبعد ماانتهى سحب نفسه وطلع بعد ماحاول يبعد نظراته عنها
لحقه سعود..ونادى عليه .."عبدالله ..عبدالله ..انتظر يارجال وين طالع "
عبدالله والعبره خانقته على حال رغد وبالم ظاهر .."خلها الحين ترتاح وانا راح اقرى على مويا وعسل وارسلها لها .."
سعود بصوت كله رجاء وخوف .."طيب خبرني عن حالها .. وش بلاها "
عبدالله و الألم يفتك بقلبي ..:.." على مااظن اختك فيها عين والعين جاتها عن بطريقة صرع "
سعود ونزل راسه فتره ..وبعده رفعه باستفسار .." وكيف بطيب وتتشافى اجل"
عبدالله .." الشفاء بيدا ربنا بس احنا نسوي الي علينا ..ولا تخاف ان شاء الله كل اثنين وخميس اقرا عليها وان شاء الله مع القراءه تخف وتتعافى .."
سعود ويرتب على كتفه بامتنان.." ماتقصر ياعبدالله والله يساعدني وارد لك جمايلك .."
=============***============
ماشيه بالحوش وهي تفرك يديها بتوتر وتتقلب على جمر الخوف..لفت الحوش اكثر من مره وطالعت بالساعة بضيق وشبكت اصبعاها بعض ...وهي تشوفه تاخر عليها وقلبها ممتلي غيض من وليد وخوف من حنين انها هالمره تكشفها..
وليد ويضرب الباب بخفيف ..وينادي بهمس .. رحمه ..رحمه
وبسرعه انفتح الباب .." هلا وليد ليش تاخرت "
وليد وهو داخل ويسكر الباب وراه .." الشوارع زحمه ..خير وش صاير "
رحمه بخوف واضح "..حنين ..حنين ..سمعتني اكلمك وماهي راضيه تكلمنيوخايفه انها تتصرف بطريقه تضيع علي حياتي .."
وليد .."طيب ليش الخوف مادام ام راشد خبرتيها بالموضوع"
رحمه .."ام راشد غير عن حنين ام راشد كانت من اول عارفه قصتي ومن الاول وهي فرحانه لي وتقول ماراح ارتاح الا يوم اشوفك بيتك ..بس الخوف من حنين ومن ردة فعلها.."
وليد بسعة صدر .." يابنت الحلال خبريها بالسالفه كلها وارتاحي وانت ماسويتي غلط عشان تخافي منها ..واظن حنين ماهي من النوع الي تفشي الاسرار ..وبدل ماكل يوم وانتي يدك على قلبك"
رحمه .."صعبه والله وليد ..وبعدين لمتى بتم على حالي كذا وين وعدك لي"
وليد ..مدري ايش اقولك بس والله خايف من ردة فعل ابوي ..واخاف الازمه
تجيه ويصير فيه شيء.."
رحمه ..وانا ماتخاف علي ..ياليتني اموت مره وحده وارتاح بدل ماموت فياليوم الف مره ولا احد حاس في .."
وليد ويقرب منها ويحط يدها على كتفها .." حرام عليك وش هالكلام وقلت لك
خليني ابدا مع ابوي بالتدرج بدل مايكون الموضوع صدمه له .."
رحمه .."نشوف تاليتها معك ياوليد ..وانتبهت لوقفته .."ادخل وش فيك واقف
امي ام راشد تبي تسلم عليك .."
وليد بضحكة يخفف عليها آلامها .." دوبك تذكري ضيفك ..وهذا وانت عايشه مع البدوا وعارف طبعهم زين مااقول الا ياخسارة العمر الي قضتيهمعاهم .."
رحمه وتقاطعه .." اقول ادخل وانت ساااكت .." وبنص عين .." تراه امـر "
وليد ويترجع بخوف مصنوع .." يمه خوفتيني ياعمه بس انظف اسناني وانام" ..ويـفتـح الباب .."لا انا طالع والله صار ينخاف منك ومن كلامك "
وطلع وسكر الباب وراه وهو يلتفت يمين وشمال ..وركب السياره وانطلقبالشوارع وهو يحمد ربه انمااحد انتبه له وشافه ..
وماانتبه لشباك المقابل الي كان واقف عليه اسامه وصدمته هالمره كانت خفيفه
وشعوره بالحقد والكره زاد ..تنهد بضيق على حظه العاثر وسكر الشباك بقوة
وهو بسب نفسه الي ذل نفسه وفضح عمره لإنسان مثل رحمه
=============***============
جلست على الكرسي ودارت كلها كم دوره على بال ما يشتغل الجهاز
وبسرعه اتصلت وفتحت على منتداها المفضل وخاصة المشاركات الجديده
شافت مشاركات في كل الاقسام..واول ماشيكة عليه قسم الخواطر
وفتحت المشاركة الاولى باسم الكاتب " انتحار الاحلام
أتعلم هذا المساء
لا حاجة لي بالبكاء
ولن أقف على شرفات الانتظار
أقلب الطرف في سماء
غاب عنها القمر
وهجرتها النجوم
وخاصمها الضياء
هذا المساء سأجمع كل ورودي
وسأسكب كل عطوري
وسأعتق أثوابي من أسرالترقب
لمواعيد اللقاء
وأمحو ظلك من على جدران
وهمي
هذا المساء
لن أرحل في قوارب الخيال
في بحور الغرام
ولن أنشر أشرعة الأحلام
لرياح المحال
ولن أتصيد طيفك من أعماق
الذكرى
ولن أطارد فراشات الأماني
في حقول المنى
هذا المساء
سأروض وحوش الحنين
وأطعمها أصابع الندم
مغموسة بعسل الوعود
من أزهار الوهم
وأعيد على مسامعها
تراتيل اليقين
وسألقنها درسا في الخضوع
لواقعنا المرير
وسازج بها في اقفاص العدم
افترقنا
مضى كلٌ في طريق
لن تسكب السماء ادمعها
علينا
ولن يشتعل الكون حريق
هذا المساء
سأحدث نفسي كثيرا
وسأ حضن نفسي كثيرا
وسأرافق نفسي كثيرا
وسأعرف نفسي كثيرا
وسأحدق في المرايا أستعيد
ملامحي من تفاصيل وجهك
وسأعيد ترميم ابتساماتي
ورسم عيوني بكحل جديد
هذا المساء
وسأفتح ذراعي لنسيم الهدوء
وسأنحني لعواصف الشوق
وعن أحلام ستولد في جفن وحيد
وسأردد وحدي أنشودة المطر
على مسامع الصمت العنيد
هذا المساء
سأنتظر فجر
أفتح ستائره وحدي
وغروب سأرمق شفقه وحدي
وبحر سأعتاد شغب موجه
بلا ضحكات
ونوارس سترحل غير محملة بوصايا
الشوق
وشمس ستشرق من غير جهتك
وليل متأبط ذراع الوحشة
يسامرني وحدي
هذا المساء
سأتمرد على كل وسائل التعذيب
التي يمارسها حضورك
وكل وسائل الترهيب التي يعلنها غيابك
وسأدس احساسي
في أبيات قصيدة
تمجد الرحيل
وأخبيء حروفي
خلف قوافي الهجر
وسأرسل نسور الصد
تغتال عصافير
اللهفة
كلما رف قلبي بالشوق
او هزني الوجد
هذا المساء
سوف أنساك
للأبد..........؟؟سلوة الخاطر
اعادت قراتها اكثر من مره ..وحست كانها موجهه لها ورساله لقتال الاحلام
ابتسمت بداخلها يوم قرت صاحب المشاركه ..هو نفسه..بلا احلام الي تسميه دائما من كثر مشاركته وخواطره عن انتحار الاحلام..كانت اول ماتشوف مشاركته على طووول تدخل بس لانها تحسه نفسها ..تحسه روحها الي تتكلموشيء داخلي يقول ان هالشاب يشاطرها نصف احزانها والامها ..وبالرد السريع سطرت همسات بسيطه ونثرتها له بعد ماحطت وجهه خجول
الاحلام تتحقق اذا اصدقنا العزم
والحب
وجعلنا مشاعر الود
راية والرحمة مبدأ
اذا اشعرنا الاخر
اننا لن نتغير
ومنحناه الامان
حتما سيقيده الوفاء
ويمنحنا الحلم
=============***============
رمت شنطتها على الطاوله ..وتبعتها زفره قويه ..قربت الكرسي ..وجلست عليه وحطت يديها على خدها بملل..وتحاول تسفه الموجودين..وبعد لحظات ملت من السكوت..وطالعت فيهن وبحقد ممزوج بسخريه .." هاااا حليـتـن قـضـية فلـسطـين "
طالعن بحنين ورجعن طالعن بعض وانفجرن بالضحك
حنين بغيض .." ابي افهم من متى هالمحبه ..بنظرة قويه وجهتا لريم .." ولاخلاص سرت مهمشه
ريم ببراءه وبمزحه مااستحملتها حنين .."من امس الساعه عشره قبل العشاءالي هو ارز هندي مع سلطة مكرونه ..وتبوله ..تعرفي وش هي مقادير التبوله تخيلي امس رحت لسوبر ماركت وقلت له اعطيني مقادير التبوله وراحاعطاني حمص ..وبصراحة خفت من الحمص تعرفي هالايام جابوا بالجرايد
ان المتبل و الطحنيه فيه ماده ضاره بالجسم وصح نسيت كمان يقلون ان
الشمام والبطيخ فيها مرض وبصراحة انا ابي اسوي لي مزرعه بحوشنا اظمن صحتي
حنين وتستعطف اريام انها تسكتها .." الله يخليك اريام قفلي الاذاعه "
اريام وتخبط ظهر ريم بخفه .."هااا بس كان سؤال صار بعدها مزرعه "
ريم بحقد لانهن قاطعنها .. " نعم يالمصريه هااا خلصت محاظراتك حشا
مابقيتي محاظره الا واختيها حتى محاظرات بنات خالي دخلتيها.."
حنين وتحط يدها تحت خدها .." اجل ليش متغربه عن اهلي بس عشان اقابل وجهك .."
ريم وتتظاهر بالصدمه .."ماتوقعتك تقوليها بوجهي كذا"....وتهز راسها باسى
"صدمتيني الصراحه ياخساره غير هاالعلك الي اباشر عليك فيه "
حنين وتغايضها .." ليش ان شاء الله تحسبي الناس كلهم مثل اريام تضحكي عليها بكلمتين
اريام وتبتسم تجاريهن .." لا انا من الحين منسحبه مالي دخل بينك وبين حنين"
حنين يازين الخوف ..وانتبهت لكتاب الموجود على الطاوله
ومسكته وطالعت فيهن .." اهاااا ثقافة مشتركة "..وتقلب غلاف الكتاب
وصفحاته وتقرا العنوان باستغراب .."انتحار حمار "ورفعت طرف عينها
بستفسار..." وشى معناه وش يقصد"
ريم ماله معني مجرد قصة ..وكله مقصده يتكلم عن الحمار وكيف انتحر
اظن فيه حالة تشبيه لحال شبابنا يوم يسافرون لغرب وكيف ينبهرون بالحريه
الزائفه ..وهي مجموعه قصصيه فكاهيه .."
اريام وتكمل كلامها ..وكاتبها المعروف الخفاش الي يكتب بموقع الساحات
واخيرا نزل كتاب واباسمه الحقيقي ..بصراحه طرحه رائع ويسخر من الحكام والقادات بطريقه غير مباشره
حنين وتقرا مقاطع من الكتاب وسكره .."اجل ابي اخذه اقراه وارجعه لك .."
ريم بلهجة وعيد .." خذيه بس ماهو تاكلي عليه وتشربي ..اعرفك الكتاب لااخذتيه اعافه بعدك"
طالعت حنين فيها بغيض وكانت بترد وسبقتها اريام" انا طالعه عندي محاظرة ..تامروني شيء "
ريم وتبادلها الابتسامه لا مشكوره ولا تقطعينا
راحت اريام وحنين شيعتها بنظراتها وباعجاب .."ماشاء الله عليها لو اخوي ماجد ماهو خاطب كان زوجتها له
ريم .." لا ياقلبي تراه من الحين محجوزه والحمدالله اخوك خطب وافتكنا من علته .."
حنين وترد بنفسه لهجة صوتها .." وان شاء الله مين هو عريسك هالمره "
ريم وتبتسم بثقه .." خالي اسامه احسها تناسبه كثير "
تفاجأت حنين واوجعها قلبها وفتحت ريم بكلمتها جروح ماهي راضيه تبرا طول عمرها تتنى اسامه لرحمه ..تتمنى ان رحمه ولو يوم بحياتها تعيش السعاده الي تزرعها حولها ومالها نصيب فيها ..رحمه الي اكتشفت خيانتها وواكتشفت غباءها وكيف طول هالسنين تثق فيها وهي ماهي اهلا لثقه
=============***============
يوم الاثنين ..طلع من المحكمة ..وقلب الورقه بطرف يده وهو يتذكر وعدهاله بانتظار زيارته يوم الاثنين ..حس نفسه استعجل .. ويمكن تسرع وظلمها
وتذكرا حياته معاها وحياة اخته الي ظلمها .. وانفجرت بداخله مشاعر الانتصار وان الي سواه المفروض يسويه من زمان ويرتاح من الهم..وطلع ورقه من جيبته وقراها على عجل ..وحطها معاها ودخلها الظرف ..وركب السيارة وانطلق على بيتهم
واول ماوصل دق الجرس بعجله وكانه خايف من شيء وبثواني فتحت لهالشغاله الباب
تركي .." داليا موجوده "
الشغاله .. "يـس ...بابا اناديها لك "
تركي .." لا بس اعطيها هالضرف وقولي لها تحافظ على الامانه
وطلع وسكرت الشغاله وراه الباب قلبت الظرف بيدها وبسرعة طلعت غرفة داليا
وفي غرفة دلال
دلال وتتثاوب .." اقول داليا متى ناويه تروحي بيتك "
داليا .." يعني طرده ..ماني مروحه غير يوم يوافق على شروطي كلها
دلال بتهكم ومسايره لها.. واولها
داليا ..انه يجيب لي شغاله..ويسكني فله او على الاقل دور ارضي كامل
دلال .. "هاااا احلمي ومحد قالك ارضي بالمشرتح هذا لو اخذتي سعود ازين لك"
داليا وترمى نفسها بثقل على الكرسي .." لا ياقلبي سعود تركته لك ..ولا ناسيه انه ابو العيال مستقبلا .."
الشغاله وتفتح الباب بدون استذان .."ماما داليا "
دلال بنفاخ .." هيه انت ماتعرفي الاستذان كم مره قلت لك ماتدخلي غرفتي الا بعد مااسمح لك "
الشغاله بخوف .."بس انا ابي ماما داليا ..ماهي موجوده بغرفتها "
داليا وتصارخ عليها .."خير وش تبي "
الشغاله بدون ماترد قربت منها و أعطتها الظرف ماما يقول هذا نفر حافظي على الامانة وطلعت
داليا واستغربت من كلمتها وفتحت الظرف وعيونها محتاره وبنفس الوقت
انقبض قلبها وتقلب الظرف بخوف وتلتفت على دلال
دلال باستغراب .." من مين هالظرف "
داليا .."علمي علمك " وفتحت الظرف وطاحت يدها على الورقه الورديه
"الــى من قضيت معها اقـسى لحـظات"
اهل القصاص يقلون العين بالعين وانا اقول الصد بالصد اداويه
خلاص برحل ومابقى لصبر حين باب التغلي وانتي الي فتحتيه
ماني بميت يوم عني تصدين الكل يبغاني وانا العفن ماابيه
مغرور وغدار عني تقولين هذا الصيحح وقولي الي تقوليه
شهم وعنيد وشامخاً بالموازين ماني بذاك الي بكيفك تمشيه
برحل واعيش انسى عشرة البين وانت تعيشي حلمك الي حلمتيه
حان الفراق وصار لدرب دربين والكـل منا له نصيب يلاقـيه
بـــلا الـــــــــــم
وعجزت تفهم الكلام والمقصود وفتحت الورقه الثانيه ..وانصدمت
داليا وضاقت فيها الدنيا والصدمه الجمتها وخلتها طيح على الارض وتنهار
وهي تضم الورقه لصدرها .."دلال تركي طلقني "
|
25-05-08, 05:40 AM
جديد مواضيع قسم القصص المكتمله
العرض العادي
