خــطـــوات الـــقــــدر - الصفحة 4

26-04-08, 09:13 PM

المشاركة رقم: 16

المعلومات
الكاتب:	الحلو اللاذع
اللقب:	ليلاس متالق

البيانات
التسجيل:	Feb 2008
العضوية:	63670
المشاركات:	2,146
الجنس	أنثى
معدل التقييم:
نقاط التقييم:	27

االدولة

مدونتي

الإتصالات
الحالة:
وسائل الإتصال:

كاتب الموضوع : أميرة الندى المنتدى : الارشيف

وااااااااااااااااااااااااااااااااااااااااااااااااااااااااو

حركتاااااااااااااااااااااااااااااااااااااااااااااااااااااااا ااااااااااااات

باااااااااااااااااااااااااااااااااارت

خطييييييييييييييييييييييييييييييييييييييييييييييييييرررررررر ررررررر جداااااااااااااااااااااً

الصراحة أنا نفسي وليد يتجوز شادن لايقين على بعض

اماشهد دي خطيرره بقى ضربته هههههههههههههه

ويلا يارب يفرحوااااااا عللى طووووول

اما فهد طلع نذل بس احسن عشان هو واسماء يتنونسوا

هههههههههههههه

اما عيلة حمدي دي فلللللللللللللة

والتوم البنات والأولاد

وأبوهم حكاااااااااااية خخخخخخخخ

يسلمواااااااااااااااااااااااااااااااا ياقمر

تحياتي

04-06-08, 01:31 PM

المشاركة رقم: 17

المعلومات
الكاتب:	أميرة الندى
اللقب:	ليلاس متالق

البيانات
التسجيل:	Oct 2007
العضوية:	45127
المشاركات:	423
الجنس	أنثى
معدل التقييم:
نقاط التقييم:	27

االدولة

مدونتي

الإتصالات
الحالة:
وسائل الإتصال:

كاتب الموضوع : أميرة الندى المنتدى : الارشيف

أحبائى أعضاء منتداى الغالى

أحب أعتذر عن تأخرى بكتابة الجزء الجديد

عايزة أقول لكم حاجة

أنا عارفة أن معظمكم من الخليج وحتى القصص اللى موجودة فى القسم معظمها خليجية

وعارفة أنكم تعرفوا عادات وتقاليد المصريين

طبعا أنا مصرية لكنى أختلف قليلا

أنا بلدى أسوان أنا نوبية

عادات وتقاليد بلدى مختلفة عن بيقة المصريين بالرغم من أنى عايشة فى الاسكندرية مش أسوان الا أن تربيتى نوبية وأيضا المواقف اللى عشتها واللى المفروض أحكيها فى قصتى هتكون مختلفة عن أى قصة مصرية

يمكن تستغربوا عادتنا وتقاليدنا أو ممكن تلاقوا ذيها فى بلادكم

أنا قررت تحويل مسار القصة لمسار تانى بعض هؤلاء الاشخاص والابطال فى قصتى ممكن يكون حد فيهم أنا بس طبعا مش البطلة ممكن يكون حد من أصدقائى أو حد من عائلتى أشخاص قصتى واقعين وحققين بالنسبة لى أكتب مواقف حصلت معاهم أحكى قصتهم أحكى ضحكاتهم أو دموع بكوها فى لحظة غدر وخيانة

عايزة أقول حاجة يمكن قصتى تكون من بدايتها بريئة توحى بحب طاهر بين أبطال القصة

اللى متوقع قصتى تكون مجرد قصة حب فمن الافضل أن لا يقراء

اللى متوقع قصتى تكون مجرد عالم وردى فمن الافضل الا يقراء

قصتى حرب بين ظلم الدنيا و مقاومة الناس ليها

قصتى بتحكى عن القدر اللى بيضحك لنا وأول ما يشوف فرحتنا يدر لنا ظهره

القدر هو قصتى اللى أبطالها بيحاربوا بين خطوات كتبها لهم القدر

خطوات القدر

أتمنى تعجبكم القصة تذكروا أن العادات والتقاليد المذكورة فى القصة مختلفة عن عادات وتقاليد المصريين وهى مجرد عالدات وتقاليد أهل أسوان أهل الحضارة النوبية

صديقتكم أميرة الندى

04-06-08, 01:34 PM

المشاركة رقم: 18

المعلومات
الكاتب:	أميرة الندى
اللقب:	ليلاس متالق

البيانات
التسجيل:	Oct 2007
العضوية:	45127
المشاركات:	423
الجنس	أنثى
معدل التقييم:
نقاط التقييم:	27

االدولة

مدونتي

الإتصالات
الحالة:
وسائل الإتصال:

كاتب الموضوع : أميرة الندى المنتدى : الارشيف

الجزء الاول (الفصل الثالث : العودة اللى الاسكندرية )

شيماء وعيونها مدمعة فى المحطة : أنا مش عايزة أروح
عبده : وطى صوتك أحسن يسمع بابا ويركبك أول وحدة
وسام : أخ راحت علينا الفسحة
وسيم : وهنتحبس فى المزرعة نشتغل
بدر : 3 شهور الاجازة هيروحوا فى الشغل بدل الفسحة والخروجات
هند : ممكن تسكتوا بابا بيبص علينا
حمدى : بتوشوشو (تتهامسوا) على أيه
كلهم فى صوت واحد
- ولا حاجة
ملك : يلا يا ولاد القطر وصل كل واحد يشيل شنطه ويركب
ماشيين بحزن وشهم فى الارض كأنهم رايحين جنازة مش أجازة
ملك : حرام عليك يا حمدى بص العيال عملين أذاى مش هتقول لهم
حمدى أبتسم مع أن العيال صعبوا عليه : خليهم يتفجأوا
ركبوا كلهم القطر
التؤم وسام وبدر قدامهم التؤم هند وشيماء وقدامهم وسيم وبهاء وقدامهم عبده جمبه شيخ
وبعد ساعتين هند شافت المبانى من الشباك وضربت وسيم اللى قاعد قدامها
وسيم ألتفت لها مكشر : فيه أيه حضرتك عماله تضربى فى كتفى من الصبح
هند بأستغراب : بص من الشباك ليه فيه مبانى
وسيم بص مستغرب وقام وقرب من الكرسى اللى قدامه قاعد فيه الشيخ جمب عبده
وسيم : لو سمحت أسف على الازعاج بس ممكن تقولى القطر رايح فين
كلهم أنتبهوا
الشيخ أستغرب : يا بنى القطر رايح الاسكندرية
كلهم صرخوا فى وقت واحد : الاسكندرية
التفت عليهم الناس اللى حولهم
الشيخ : أنتوا ركبتوا قطر غلط ؟ ممكن تنزلوا فى الاسكندرية وتحجزوا من هناك المكان اللى أنتوا عايزينه
عبده أبتسم للشيخ : بابا دايما يعمل فينا مقالب لما يكون زعلان مننا وقالنا مفيش روحة للأسكندرية ومحدش مننا فكر يبص فى التذاكر يتأكد لان بابا عطاها لنا فى أخر لحظة
أبتسم لهم الشيخ : فهمت ... ربنا يخيلكوا له
وسيم وعبده وهند اللى سمعوا جملته ردوا عليه : ويخليه لنا
رجع وسيم لكرسيه جمب بهاء النايم والجميع فرحان بروحة الاسكندرية والاجازة اللى هتبداء
.....................................................
فهد : يلا بسرعة
نط وليد بسرعة فى الكرسى اللى جمب فهد ورجع أمير قعد ورا وشادن جمبه
فهد أستغرب أن شادن رايحة معاهم بس ماتكلمش لان أتوقع أن فى بنات أصحاب شادن من عيال عم وليد
بعد نص ساعة كانوا فى المحطة وأستنوا ربع ساعة لغاية ما القطر وصل ونزل الجميع
وسلموا كلهم على بعض وبعد التعريف مع فهد
شادن : فين وسيم وبهاء
وقبل ما يردوا
- ساتن ساتن أنا إنا ( شادن شادن أنا هنا )
رفعته لحضنها وباسته
شادن : أذيك يا حبيبى عامل أيه
بهاء : تويس (كويس)
شادن : بتروح المدرسة
بهاء : وتيم بيوتينى أوول يوم مع أمت تأبى اليتيت ( وسيم بيودينى كل يوم مع أحمد صاحبى الجديد )
ضحكت شادن : اليتيت طالعة من بؤك عسل
بهاء : أنا أسل ( أنا عسل )
راحوا كلهم كافاتيريا جمب المحطة بعد ما حطوا الشنط الكتير فى عربية فهد الكبيرة وقاعدوا هناك يشربوا كابتشينوا لغاية ما يوصل وسيم ، فضلوا يتكلموا وفجأة قامت شادن وجرت ، فهد هو الوحيد اللى أستغرب أما الباقى فمتعودين
أول ما شافت شادن وسيم أخوها (الجميع يعتبر شادن كأخت لوسيم) جرت لعنده ونطت فى حضنه وعينيها مدمعة
شادن : وسيم وحشتنى
وسيم ضحك عليها وهو يشدها لحضنه : ههههههه يا عينى على الاستقبال
شادن بعدت عنه وهى تكشر بهزار : ده بدل ما تقول أنت كمان وحشتينى
وسيم : ده أنتى وحشتينى وأشتقت ليكى موت وأنا مقدرش أعيش من غيرك يا حياتى ونور عينى كمان أيه رايك كدة ؟
ضحكت شادن عليه عارفة أن وسيم بكاش (بتاع كلام ويحبب الجميع فيه ويتملقهم)
شادن : بصراحة فعلا وحشنى كلامك
وسيم : كلامى بس
رفعت حاجب واحد وردت : قدامى بدل مضربك قدام الكل يلا
وسيم : سمعا وطاعتا برنسيسة
شادن : بتتريأ عليا
ناظرها ببرائة : أنا !!
شادن : طب يلا قدامى
فهد تابع اللى حصل بغضب وكل شوية يبص لأمير اللى متحركش ولا أهتم
وصلت شادن ووسيم للترابيزة الكبيرة وجلسوا جمب وليد و قدام شادن قاعد فهد جمب أمير
أمير : وسيم ده فهد أنتيمى اللى حكيت لك عنه
وسيم أبتسم لفهد ومد أيده يسلم على فهد
وسيم : أنت فهد أمير وشادن حكوا لى عنك كتير
فهد بص له متغاظ وما ردش عليه ولا حتى أبتسم سلم عليه وبس ، ثوانى ورجعوا يكملوا كلام
بهاء : يلا بينا أنا أيس ألوح ( يلا بينا أنا عايز أروح )
عبده : هنحتاج عربيتين أو تكسيين
وليد : كلنا جينا فى عربية فهد وبابا بعت عربيته مع السواق
أمير : ونفس الحكاية معايا بابا بعت عربيته مع السواق
ركب التوائم الاربعة مع بعض فى عربية والد وليد
ركب فهد عربيته وركب جمبه وليد وأمير رجع ركب ورا وهو فاتح الباب مستنى شادن تركب
جت شادن ماسكة عبده وزأته (دفعته) جمب أمير
شادن : باى يا حلوين أنا رايحة أركب مع وسيم
الباقى فى عربية والد أمير .
ومشت وليد تكلم مع عبده بيسأل عن الاحوال فى القاهرة أما أمير رجع راسه لورا ولا كأن حاجة حصلت وفهد متغاظ من أمير وماسك نفسه بالعافية (بصعوبة) لا يخرج من العربية يجر شادن من شعرها وقعد يهدى نفسه وساق العربية ومشوا لبيوتهم
..............................................
أمير : ما تنساش يا فهد تيجى فى عزومة يوم الجمعة الدور ده فى بيتنا ....... فهد فهد
فهد مش معاه بيبص على شادن اللى واقفة مع وسيم على جمب لوحدهم وعماله تضحك لوسيم
أمير لوح بأيده قدام عين فهد
أمير : فهد أنت معايا ...... فهد فيه أيه مالك عيان
فهد بص لأمير وأنفجر
فهد بغضب : شوف الهانم أختك واقفه أذاى
أمير بص لشادن ووسيم وماحسش بحاجة غريبة متعود على كدة من يوم ما خلى أبوه وسيم كأنه أبنه وأخ لشادن
أمير بأستعباط : واقفة أذاى ؟! واقفة على رجليها
فهد رفع صوته : من غير أستهبال
أمير : فيه أيه مالك معصب ليه كدة حد عمالك حاجة
فهد : ليه واقفة ..........
قاطعهم صراخ كلهم بصوا لنحيته
شيماء بتجرى ووراها كلب كبير يخوف بيجرى وراها وأستخبت ورا أول حد شافته هند ، هند كانت خايفة وحاولت تهدى نفسها
هند بصوت مرتجف شويه : أهدى يا شيماء دلوقتى يبعد بس أنتى ما تجريش أحسن هيجرى وراكى
شيماء عينيها دمعت وهى مرعوبة
جرى واحد ومسك الكلب قبل محد يوصل له
وتكلم بأحراج : أسف على الازعاج بس أحنا جداد فى المنطقة ومايلو بيحب يكتشف الاماكن الجديدة
كلهم وصلوا جمب هند وشيماء
أمير : حصل خير
فكر أمير شوية وسأل وليد
أمير : وليد هى أنسة عضلات بتخاف من الكلاب
وليد وافق
أبتسم أمير بمكر وألتفت على الغريب وقاله
أمير : ممكن أبقى أستلف كلبك خمس دقايق وأرجعة بعدين طبعا
أنفجر الجميع بالضحك ماعدا الغريب وفهد وأمير لانه كان بيتكلم بجد
شيماء : أكيد ناوى على موتك
شادن : أنت ما حرمتش من العلقة (الضرب) اللى فاتت
وسيم : نفسى أشوف شكل شهد لما تعرف كنت ناويلها على أية
أمير : لو قلتلها مش هتشوف شادن تانى
شد وسيم شادن له
وسيم : لا كله الا شدونى
ضحك أمير عادى أما فهد كان فى قمة الغضب وهو بيبص لهم بأحتقار
عبده : سيبك منهم دول عيال مجانين .... على العموم أنت أسمك أيه
الغريب أبتسم : أسمى حسام محمود الناجى
وليد : هعرفك على أسمئنا الاولى أنا أسمى وليد ليا أخت أسمها شهد مش موجودة هنا وده بيتنا ( شاور على البيت اللى يمينه ) ده أمير وأخته شادن وده بيتهم (شاور على البيت اللى على يساره) ودول جيش عمى وصلوا النهاردة من القاهرة التؤام هند وشيماء والتؤام وسام وبدر وعبده ووسيم وبهاء نايم فى العربية
أمير : أنتوا ساكنين فين ؟
شاور حسام على البيت المقابل من شارعهم (حسام يعدى الشارع البيتن بتاع وليد وأمير جمب بعض)

بيت شادن بيت وليد
______ :::: _____
_____________________________
الشارع
_____________________________
______
بيت حسام

أمير : فى عزومة فى بيتنا الجمعة اللى جاية ممكن تيجى وأهلك علشان نتعرف عليهم
أبتسم لهم حسام : فى الحقيقة الجماعة هييجوا يوم الاحد وأنا هنا بوضب لهم البيت علشان ييجوا وهوا جاهز
الكلب أتحرك من غير ما يحسوا
شيماء صرخت : حاسبى يا شادن
شادن بصت تحتها لقت الكلب بيشم رجليها فضحكت عليه ونزلت قصاده ولعبته وهو فرحان بيها
شادن قالت لحسام : أول مرة أشوف كلب بحجمه وعلى فكرة أسم مايلو رقيق ومش لايق عليه
ضحكوا على كلامها لانها صح شكل الكب متوحش ومع ذلك رقيق جدا ويحب اللى يلاعبه وشادن حبته على طول وهى بتموت فى الحيوانات وخصوصا لما تكون جرو (البيبى)
طلعت أم وليد
عفاف : أنتوا هنا وأنا بقول الولاد أتأخروا
وأتفرق الجمع كل واحد راح لبيته وفهد راح مع أمير لبيته معزوم عندهم
.....................................
فهد قعد يفكر لما روح بيته فى وسيم وشادن أذاى يسمح أمير لوسيم يعامل شادن كدة وكمان بيقولها شدونى وفضل طول الليل يفكر فى اللى حصل مع شادن وهو حاسس بالكره تجاه وسيم ومنتظر يوم الجمعة بفارغ الصبر متحمس للمه الاهل والاحباب ونام من غير ما يحس
.................................
جه يوم الجمعة بسرعة والكل بيتحضر للمة وطبعا غريب أبو وليد بعت خدمهم لبيت محمد أبو أمير ونفس الحكاية عمالتها الهام بعتت الشغاله وعبدالله أبو فهد بعد خدمه
وتعملت العزيمة وكل واحد يتجهز علشان يخرجوا لبيت محمد أبو أمير
.............................
بيت عبدالله المحمدى
فهد لابس قميص لبنى وفيه كلمات بالانجليزى ويبين زرقة عينيه وبنطلون جينز أسود وطالع قمر ويجنن أول ما شافه ماجد صفر بأعجاب
ماجد : أيه الشياكة دى أنا راحت عليا خلاص
ضحك عليه فهد : أنا لما سافرت كنت يا دوب 8 سنين بس كنت هادئ
رفع ماجد حواجبه : هادئ أحنا بنتكلم دلوقتى على مين ؟!
فهد جر ماجد من ودنه على تحت
ماجد : اى اى ..... سيبنى يا فهد الله يخليك
حنان : سيب الولد وتعالى هنا يا فهد عيزاك فى كلمة
ساب ماجد وراح لامه ودخلوا الصالة الصغيرة
فهد : أيوة يا ماما فيه حاجة قلقاكى
أمه شاورت جمبها
حنان : قعد يا بنى الأول وبعدين أقولك
قعد فهد جمبها : عيونى يمه
حنان : فاكر من 8 سنين قبل ما تسافر صممت أنك تحجز شادن لك بس أبوك رفض وأنت قلت لما أرجع هتجوزها مش كدة ؟
أرتبك فهد من غير ما يتكلم
حنان : أنا شايفة أنك رجعت فى كلامك
تنهد فهد : يا ماما الكلام ده من زمان كنا لسه صغيريين على الحب وعدى على الكلام ده مدة طويلة قوى وأنا نسيت وأكيد شادن كمان نست
حنان بأحباط : يعنى مش هتخطبها النهاردة
ضحك فهد عليها
فهد : أصبرى يا ماما كام شهر أستقر الاول وبعدين يحلها ألف حلال
حنان : كام شهر مدة طويلة ويمكن شادن توافق على عريس غيرك
فهد فكر : وهو جالها عريس قبل كدة
حنان : طبعا خمسة بس رفاضتهم كل عريس يجى أبوها يزن عليها توافق بس عمره ما غصبها علشان عارف أنه مستقبلها بس لو جيه حد غيرك وعجبها ووفقت هتعمل أيه
فهد : الخطبة سهل فكها
حنان أنقهرت منه : قوم يا فهد من قدامى
مال فهد عليها وباس راسها : أنا ما يرضنيش الجميل يزعل منى خلاص سبينى بس فترة أستقر فيها وبعدين أفكر فى الجواز
عبد الله : يا حنان يا فهد أنتوا فين يلا الناس مستنيين مش عايز أتأخر على محمد(أبو أمير)
فهد : أحنا جيين ..(ألتفت لامه) يلا يا ماما أحسن بابا هيسبنا ويمشى
................................
بيت المرحوم صابر الضاوى
أسماء كالعادة لبسها غير محتشم جيبة قصيرة جدا منتصف فخدها وبلوزة ماسكة على جسمها ومفصلاه وطبا نص كم وأيديها باينة وشعرها الاشقر مسيباه وعاملة الميك أب كامل وكتير وبوت عالى لتحت ركبها لونه أسود بأكسسوارات تلمع
أما فى غرفة جميلة نجلاء بتساهد جميلة فى المكياج
- أمسحى .. اللى حطاه كتير أوى حاسة أنى مهرج

04-06-08, 02:36 PM

المشاركة رقم: 19

المعلومات
الكاتب:	أميرة الندى
اللقب:	ليلاس متالق

البيانات
التسجيل:	Oct 2007
العضوية:	45127
المشاركات:	423
الجنس	أنثى
معدل التقييم:
نقاط التقييم:	27

االدولة

مدونتي

الإتصالات
الحالة:
وسائل الإتصال:

كاتب الموضوع : أميرة الندى المنتدى : الارشيف

نجلاء بصت لها بصة علشان تسكتها
- أنت ما بيعجبكيش حاجة
جميلة : شوفى المهرجان اللى أنت حطاه فى وشى وبعدين أتكلمى
نجلاء : مش أنت طلبتى مساعدتى أسكتى وأنا هعملهولك حلو
جميلة متضايقة : أنا كنت عايزة مكياج خفيف
نجلاء تعبت منها : غمضى عنينك
فضلت مغمضة عينيها لحد ما نجلاء خلصت وأول ما فتحت عينيها شهقت بصوت عالى
جميلة بصدمة : حرام عليك كدة أنا بقيت بالمع
نجلاء : قمر
جميلة قامت تغسل وشها وهى مقهور : أنا الغلطانة اللى طلبت منك تعمليلى المكياج وأنا منبهة عليك عايزه خفيف
ولما خرجت من الحمام ملقتش نجلاء اللى خرجت زعلانة ، خبتت على الباب
- يا نجلاء
فتح عمرو الباب
- عمتو ماما قالت لى أقولك أنها مش هنا
ضحكت جميلة على غبائه
- طب أسئلها هيا فين علشان أروح أدور عليها
طلعت لها نجلاء غضبانة عليها
- حضرتك بتتريأى على أبنى ليه؟
جميلة : أبن أخويا وأترياء عليه ذى ما أحب
نجلاء : يا سلام
جميلة : أنا جميلة تزعلى منى بضره
نجلاء : طالما مش عاجبك طريقة حطى المكياج طلبتى منى ليه أحط لك
جميلة ضمتها غصب عنها : حبيبتى أنا بموت فى مكياجك بس كتير قوى هحط النهارد خفيف وأن شاء الله يوم الخطوبة هخليك أنتى تحطيلى
ضحكت عليها نجلاء : وسى أمير هيرضى
تقلب لون جميلة للأحمر
- أمير مين يا ماما أنا أخد الاهبل ما بقاش الا هو
نجلاء : طب عينى فى عينك كدة
جميلة لفت وشها من الاحراج : أنت خلصى يلا بلاش هبل خلينا ننزل تحت علشان نمشى
نجلاء ضحكت عليها : تصريفة حلوة بس همشيها لك المرة دى
مشت جميله وهى بتبرطم (تتلحطم)
الهام : خلصتوا
الكل : خلاص خلصنا
خرجوا كلهم لعربية طلال
........................................................
بيت غريب المصرى
وليد : أخلصوا بقا أحسن أسيبكم وأمشى
شهد : أصبر ثوانى بس
وليد : أفففف أنتوا من ساعة قولتوا ثوانى
شيماء : يا ساتر عليك أنزل أستنا تحت طيب بدل ما تزهقنا
وليد : أسكتى أنتى يا أم لسانين أنا مش عارف أزاى أنت تؤام الملاك هند سبحان الله
سابت شيماء اللى فى أيديها وتخصرت وبصت له بغضب
شيماء : قصدك أيه بقا هى ملاك وأنا شيطان يعنى
وليد : لا طبعا أنا قلت كدة ..... حرام نظلم الشيطان
ضحكوا هند وشهد عليهم
رمتوا شيماء بمخدة من على سرير شهد
شيماء : أطلع بره يا سخيف
وليد : أييييه حاسبى أنت بتردينى من بيتى ولا أيه
شيماء : دى غرفة شهد يلا بره أنزل أستنا تحت
وليد : المصيبة أن بابا قال لى ما تنزلش من غير البنات
هند : ما عليش يا وليد أصبر علينا قربنا نخلص
وليد : حاضر علشان خاطرك بس
شيماء : أشمعنا أنا لما قلت لك ثوانى عملت لى مشكلة
وليد : أنت حاجة وهى حاجة تانية خالص بلاش كتر كلام وأخلصى
شيماء بتبرطم : ربنا يكون فى عون اللى هتكون مراتك
وليد : بتبرطمى بتقولى أيه
شيماء بنرفزة : ما بقولش حاجة وأسكت خلينى أخلص
وسيم : أخلصوا يا اللى فوق
وليد : طيب نازلين
بعد ربع ساعة أجتمع الجميع تحت علشان يمشوا
......................................
مريم : يا بنتى سيبى اللى فى أيدك وروحى البسى الناس زمانها جاية
شادن : خلاص أهو أشوف بس المحشى أستوا ولا لسى
مريم أتنهدت بنفاذ صبر : يا بنتى الخدم دول كلهم علشان أيه أنتى ما طلعتيش من المطبخ من الفجرية لازم كل عزومة تطلعى روحى كدة
شادن بتلف فى المطبخ تتأكد من كل حاجة قبل ما تطلع
شادن : خلاص طلعت أهو بس طلعى المكرونة البشاميل من الفرن بعد شوية قربت تحمر
مريم : طيب يلا أطلعى
شادن : أوعى تنسى يا ماما أحسن يتحرق
أبتسمت مريم وهى فخورة بشادن لانها بقت ست بيت ممتازة وأحسن منها كمان
شادن راحت غرفتها وهى عارفة أن فى ايام العزومات البنات كلها بتسيب شعرها لانهم عايلة ومحدش غريب بنهم علشان كدة أبوها محرج عليها أنها ما تلبس طرحة أيام العزومات وبلاش لبس العبايات
تنهدت وهى بتدور فى الدولاب عارفة أن وسيم بيحب اللون البيج عليها وفكرت وسيم وخبرته مع شيماء وهند ونصايحة الكتير لها كان نعم الاخ لها علشان كدة كان أمير بغير منه كتير فى بعض الاحيان لما تلجأ لوسيم بدل منه
لبست بدله بيج جيبتها قصيرة شوية ونص كم بس البدلة محترمة ومش مجسمة وسيبت شعرها الحريرى وحطت مجياج خفيف وطلعت تحفة ونزلت تحت
أمير : أيه القمر والحلاوة دى
مريم : لازم نبخرك النهاردة أحسن حد يحسدك
ضحكت شادن على أمها
شادن : يحسدونى على أيه
جيه أبوها من وراها و حضانها
محمد : شكلك مش مقدرة حسنك وجمالك ربنا يخليك ليا مع أنى أتمنى أشوف اليوم اللى ألاقيك فى بيت جوزك
شادن باست راسه
شادن : ربنا ما يحرمنى منك يا غالى وما يحرمنى من أمى
أمير : وأنا أبن البطة السودة يعنى يا حظى الوحش كل الحب والحنان ليهم وأنا مليش بخت
ضحكت شادن وسابت أبوها وراحت لأمير وحضنه
شادن : وأنا أقدر أستغنى عنك يا جميل .... ده أنت أروع أخ فى العالم
قبل ما يتكلم أمير رن جرس الباب
خالد : أنا هفتح الباب
بص الجميع للباب لما صرخ خالد
مريم أول ما شافت اللى دخلوا من الباب جرت على واحد ورمت نفسها عليه
- سامى
وعلى صوت الترحيب والتهليل والفرح
سامى : أخبارك أيه يا مريم
مريم : فرحتى كملت بشوفتك
شادن : ماما سبيه بقا أحنا كمان عايزين نسلم عليه
سامى ساب مريم وراح لشادن ياخذها بين أيديه (يحضنها)
سامى : وحشتنى حبيبة خالها
محمد : عامل أيه يا سامى؟
وقبل ما يرد دخلوا علته ومعاهم فاتن اللى كانت ساكنة عندهم فى أبو ظبى السنتين اللى فاتوا علشان الجامعة
رمت فاتن نفسها على أمها وأبوها وبعدين أخوتها
فاتن : وحشتونى كلكم
مريم : أخبارك سميرة وأخبار عيالك ما شاء الله عليهم كبروا قبل ما تسافروا كانوا لسة صغيرين
سميرة : قربوا يا عيال سلموا على عمتكم

عائلة سامى عبد الحميد وزوجته سميرة حسين

أسلام : أجمل واحد فيهم عينيه وشعره بسواد الليل الحالك وطويل 180 ورياضى جدا ويحب السباحة عمره 28 سنة وذكى جدا وأنطوائى قليلا لم يحب ولا مرة ولا يؤمن بالحب

مؤمن : 25 سنة مرح جدا جدا ولطيف شكلة كيوت يعطى أصغر من سنه بكتير وجهه طفولى ورقيق بس من جواه متعصب جدا ورجل بمعنى الكلمة بيحب فاتن وهى مش مهتمية بيه لانه ما أظهرش حبه ليها ومحدش يعرف أنه بيحب بنت عمته

ولاء : 23 سنة قمة قمة قمة الغرور والكبرياء ووقحة جدا فتاة أسوء من سومة تحب السيطرة وتسمى أخوها مؤمن بالمتخلف سيئة الطباعة ليست جميلة جدا لكن عينيها عسلية وشعرها أسود وملامحها عادية طولها 160 يعنى قصيرة جدا

أحمد : 22 سنة يسبة أخيه مؤمن لدرجة الظن بأنهم تؤام لكنه هادئ وعملى يحب بنت من بنات أبو ظبى بس والده رفض أنه يزوجه واحدة مش من النوبة لانه مخالف للعادات والتقاليد اللى متربى عليها

ليلة : 20 سنة تؤام روح فاتن الاثنين ما يستغنوش عن بعض كل واحدة بتحب التانية أكتر من نفسها ويتشابهوا فى أشياء كتير وأذواقهم متشابهة أيضا ليلة تشبة ولاء جدا فى الشكل الا أن عينيها مختلفة قيلا

سلموا كلهم على عمتهم وأتجمع الكل فى الصالة الضخمة بتاعت العزومات وبعدين جم أهل وليد وأشتغل التعارف وبعدين أتلم الكل ما عدا 3 بنات شادن أخذت فاتن وليلى غرفتها من ساعتين يعنى من قبل ما عايلة وليد يجوا فضلوا يتكلموا البنات لغاية ما جيه أمير
أمير : يلا يا بنات أنزلوا الكل وصل تحت ( التفت لشادن ) ما تنسيش الطرحة يا شادن لان النهاردة هنقعد كلنا فى الصالة الكبيرة
شادن مستغربة
شادن : كلنا مين؟
أمير : يعنى الستات والرجالة مع بعض ما أشوفكيش كاشفة شعرك
شادن : حاضر أستنى ننزل معاك يلا يا بنات
نزلوا الاربعة ودخلوا الصالة سلموا على الجميع
وسام ما نزلش عينه من على ليلى
طاخ
وسام : أى ( التفت يشوف مين اللى ضربه على راسه ) بدر ؟؟؟؟؟ أنت انهبلت بتضربنى ليه
بدر بهمس علشان محدش يسمع
بدر : كلت البنت بعيونك خلى عند دم يا أخى أخواتها وأبوا والعايلة كلها هنا
أحمر وجه وسام
وسام : بنت أيه اللى كلتها بعيونى أنا كنت ببص على حاجة ورا شادن
بدر ضحك
بدر : تعرف كويس أنك ما بتعرفش تكذب وخصوصا عليا يا الحبيب
وسيم مال عليهم
وسيم : أنا سامع حبيب هنا
وسام حس أنه اتورط
وسام : وليد الا أيه أخبارك
وليد ألتفت لوسام مستغرب لانه كان بيتكلم مع أمير وفجأة دخل وسام فى الكلام
وليد بأستغراب : الحمد لله حضرتك لسة فاكر تسأل عن أخبارى النهاردة على فكرة أنت جيت من السفر أمبارح
أمير : معليش شكلوا فاقد الذاكرة
وأستمر الونس والكلام بينهم وفى الجنب التانى
اسلام أنتبه ليها أول ما دخلت من الباب مع أخته وأخواتها ، معقول فى بنت بجمالها كأنها ملاك حتى أنه شك فى أنها بتلامس الارض من نعومة مشيتها حس بالحرارة فى جسمه معقولة يكون أعجب يها بس ده حتى ما كلمهاش ولا أتعرف عليها وهو ما بيؤمنش بالحب فما بالك بالحب من أول نظرة ، بالرغم من أنه قعد يطمن نفسه طول وقت العزيمة أنه مش مهتم بيها الا أنه كان منتبه لاقل حركة تعملها
أستمرت العزومة لاول مرة لغاية الساعة السادسة صباحا من اليوم اللى بعده وبعدين الكل راح بيته

أهم الاحداث اللى حصلت فى العزيمة

أتفق سامى مع محمد والرجالة أنه فى الاسبوع القادم هيجب أتوبيس كبير أو أتبوبيسين والعايلة كلها هتسافر للمصيف وأختاروا البنات يروحوا مرسى مطروح

اتفقت سومة وولاء مع بعض وبقوا أصحاب

طبعا أعجاب اسلام بواحدة لاول مرة

ووسام أعجب بفاتن

فاتن بتحب " اسلام " ليلى وشادن عرفوا بحبها ليه

أيه الاحداث اللى هتحصل بين أبطال القصة ؟

أتمنى تستمتعوا بالبارت الجديد

صديقتكم أميرة الندى

04-06-08, 04:19 PM

المشاركة رقم: 20

المعلومات
الكاتب:	الحلو اللاذع
اللقب:	ليلاس متالق

البيانات
التسجيل:	Feb 2008
العضوية:	63670
المشاركات:	2,146
الجنس	أنثى
معدل التقييم:
نقاط التقييم:	27

االدولة

مدونتي

الإتصالات
الحالة:
وسائل الإتصال:

كاتب الموضوع : أميرة الندى المنتدى : الارشيف

أمييييييييييييييييييييييييييييييييييرة

وحشتينننننننننننننننننننننننننننننننني

من زماااااااااااااااااااااان عنك يابت

اى الجمااااااااااااااااااااااااااااااااااااااال دا كلللللللللللللللللللللللللللللله

بااااااااااااااااااااااااااااااااااااااااااااااااارت جنااااااااااااااااااااااااااااااااااااااااااااان

أحداث خطييييييييييييييييره وجرييييييييييييييييييئة

وشخصيات جديدة وحلوة

أنا أكتر شئ بحبه في القصة شادن ووسيم وبهاء بليييييييييييز متفرقيش بينهم

وسلامتك