خطوات اكثر من رائعه.....مهما قلت لن اوفيك حقك...

بارعه ..متألقه .. عاجزه ان اعبر مابي داخلى امام حطواتك..

خطواتك غير...

تمسك بنات حمد بدينهن وبأخلاقهن ..وعلى ماتربين عليه..

..تحيه عطره لبنات حمد....ونعم التربيه..

غيث....الرجل الصارم والحنون...

حوري ياقلبي عليها...

خوات حور ...والترابط الاسري...

ننتظر خطوه جديده ...لاتطولين اكثر ...الله ييسر امرك..

واوووووووووووووووووووووووووووووووووووووو واخيرا خلصت الخطوات الثلاثين
مشيت مع ابطالهم خطوة خطوة مااعرف شقولك زارا اكثر من اللي قالوه البنات قبلي
اقولك ابداع والا اسطورة مثل ماتسمينها صدقيني مافيه كلمه توصف روعة هالروايه
اللي تناولت مشاكل في المجتمع كثيرة تسلم ايدين اللي كتبتها واللي نقلتها .
وفقتي يازارا في نقل هاذي الروايه الخطيرة .
اول شي مساء العسل ياعسل هاذي تحيه مسائيه من (الشيخ غيث )الى (الشيخه زارا)ويقولج ماحد عارف قدري وقيمتي غير ظبيه شرقيه .
اول شي نجي حق الابطال الحقيقين للروايه (غيث & حور )اونقول (الاسد & اللبؤة ).
غيث هذا الانسان القاسي الجامد البارد
جبل مايهزه ريح الجامح مثل الخيل الحر الاصيل اللي مايعرف يبتسم الا للاستهزاء اوسخريه اللي وقته كله جد وعمل .واذا غضب تحول الى اسد يزأر ينقض على فريسته
بكل فضاضه وقسوة ورعونه لكن في اعماق اعماق قلبه انسان حنون طيب شهم كريم
راعي نخوة مايظهر حنانه الا لجده وجدته وخواته وعمته ميعاد واخيرا حبيبته حور .
نجي من البدايه انسان تربى في بيت جده وجدته وترك بيت ابوه رباه جده على الكبر
والغرور وعزة النفس والقسوة والجمود كلها صفات اكتسبها من الجد واكتسب الحنان
والطيبه من الجده .ماتت امه واهوا صغير وربته لفترة مرة ابوه مانعرف شلون معاملة
مرة ابوه له بس اللي فهمته انها اكيد معامله سيئه بدليل الكوابيس اللي تجي له
هل كانت مرة ابوه تعذبه وتظربه بدليل انه يحرك ايدينه واهوا يحلم كانه يدافع عن نفسه
هل كانت تحبسه في الظلام والحرق اللي رقبته وكتفه من ورى هل اهيا السبب فيه.
ماعرفنا شي الى الان عن مرة ابوه .بس اكيد انها السبب في عدم رجوعه لبيت ابوه
ويمكن اللي صاره له في طفولته خلاه يلبس قناع القسوة والقوة عشان يحمي نفسه.
انسان عقد صفقه مع جده انه يتزوج انسانه مايعرفها الا انها بنت عمه حمد المطرود
والمنفي من العايله عشان جده يكتب الشركه باسمه .حتى اسمها مايعرفه او سمعه
مرة ونساه .يوم مات عمه حمد شهامته ونخوته خلته يروح ويعيش في بيت عمه عشان مايترك عيال عمه بدون والي او رجال في البيت ترك العز اللي عايش فيه وقعد في مجلس عمه اللي حمامه في جناحه اكبر من هالمجلس هذا يدل انه انسان مايهتم بالماده ويعتبر الماده بس وسيله لتحقيق طموحه في الشركه .
نجي حق مواقفه في بيت عمه اللي الكاتبه ابدعت في وصفها اول موقف يوم حور مريضه واهوا جا عشان يتفاهم معاها واخذها وجرها للمجلس بقوة وهاوشها انها راكبه
مع واحد وانصدم يوم عرف ان اللي راكبه معاه اخوها بالرضاعه وبعدين اغمى عليها
الموقف كله روعه .ويوم قالت له طلقني خاف انه يخسر ومايحصل على الشركه
فقرر انه يلعب عليها وعلى مشاعرها ويهومها انه يحبها لين تطيح في حبه وماتقول طلقني بس انقلب السحر على الساحر واهوا اللي طاح في حبها وقام يشتاق لها اذا ماشافها ويغار عليها من اخوانها ماجد وعبيد .حور صارت له مثل الماي اللي يروي
عطش قلبه .
عجبني يوم ترقى حور للسطح في الليل ورقى وراها وروعها صدقيني زارا عشت معاهم الموقف حتى براد الهواء حسيت فيه .
وعجبني يوم دانه تروح له وتعطيه لورقه اللي من المدرسه وتقوله انه ولي امرها
وودته معاها المدرسه وتقوله لازم تجي كاشخ انا وحده معروفه في المدرسه وصرخ
عليها واهوا وده ينفجر من الضحك .ويوم يهزء دانه ونورة عشان سالفة المستشفى
يوم تضرب دانه عمها مطر بالشنطه خافوا منه ومن عصبيته بس اهوا كان كاتم ضحكته
عنهم .ويوم ترشه حور بالماي يوم يغسلون الزوليه تخيلت شكله اكيد يضحك وتوقعت انه يعصب بس طلع العكس .
ويوم امها في المستشفى بتولد خلاها غصب عنها تجلس معاه يم عتبة المجلس
وماخلاها تدخل داخل حق اخوانها ويوم تكلم خالتها في الجوال وتخبرها ان امها ولدت
وقامت تضحك واهيا واقفه وترجه راسها لورى واهيا تضحك وتحط يدها على ثمها
وتضرب برجلها في الارض واهوا يطالعها ويبتسم مع ابتسامتها .
وموقف غيث مع عفرا قمه في الشهامه والرجوله والنخوه صحيح ضربها وكان قاسي
معاها بس اي احد مكانه راح يسوي مثله زين انه مسك نفسه ماذبحها هذا عرضه
وانتهك ماينلام .
ويوم انتقلوا بيت عمه للبيت العود عجبني يوم اجتمعوا كلهم وجاء غيث مع الجد عشان
يسلمون عليهم وقاموا البنات يسلمون على الجد وبعد ماسلمت حور على جدها حط غيث يده على اكتافها وقالها (سلام ياحرمه )روعه هالكلمه .
ويوم حور في المطبخ تسوي لقيمات ودخل من غير ماتنتبه له واهيا تصب العسل على
اللقيمات واخذ وحده واكلها وبعدين قبل مايطلع باسها على خدها بقوة ومساء العسل
ياعسل .ويوم ملكة روضه على سيف وتلبس حور الفستان البنفسجي وتتخبى في غرفة الملابس عشان مايشوفها غيث ودخل غيث وقال حق روضه (وين حرمتيه )
قالت له مب موجوده وطلع ينتظرها برى الغرفه وطلعت ومسكها وقال لها
(اخيييييييييييرا ،اشتقتيلي ،شردي يله )موقف رهيب .
ويوم تروح حور حق الجد في مكتبه وتسأله ليش طرد ابوها وانهيار حور يوم قالها غيث
كل شي صار موقف اثر فيني كثير خصوصا يوم قالت حور (غيث انا يتيمه )هاكلمه كسرت قلب غيث واثرت فيه .
بس الموقف اللي سوى مسح للمواقف الحلوة اهوا يوم سمعت حور الجد وغيث يتكلمون عنها وكانها صفقه انعقدت عشان مصلحتهم مصلحة الجد عشان يتقرب من ولده حمد ومصلحة ابوها حمد عشان يتقرب من اهله ومصلحة غيث عشان يستلم الشركه وكانها لعبه ماحد اهتم لاحاسيسها ومشاعرها وان غيث مثل عليها الحب
عشان تحبه وتتزوجه وتصير الشركه باسمه .بس اللي فاجأني توقعت انها تسوي اي شي الا انها تروح حق غيث وتطلب منه مليونين حبت تنتقم وتثأر لكرامتها وتعلمه انها تقدر تلعب في مشاعره مثل مالعب في مشاعرها .حسيت بألم غيث يوم قالت له
اذا ماعطاها الفلوس بتقوله باي باي حبيبي مافيه عرس .كان مشتاق لها لانه شهرين
ماشافها ولا كلمها وفاجاته بطلب الفلوس كل الكلام اللي قالته له مثل القشه اللي قصمت ظهر البعير تحول بعدها غيث الى اسد يزار وده يفجر غضبه في اي احد
تحول الى قنبله موقوته يمكن تنفجر في اي وقت حتى الشركه مافرح يوم انكتبت باسمه وصارت له .حور جنت على نفسها باللي سوته لو انها صارحته انها سمعته يوم يتكلم مع الجد جان اكيد فهمها السالفه وعاشوا شهر عسل مب شهر بصل .
مابتكلم عن اسبوعين البصل لان مايحتاج اتكلم كلها صراعات بين الاثنين بس بتكلم عن
المسمار اللي دخل في يد غيث تصدقين زارا تخيلت الموقف وحسيت انه دخل في يدي
بس زين انه صار بخير ذا الحين وماصارت مضاعفات .كسرت خاطري حور واهيا خايفه
عليه .والموقف الاخير اللي كسرها وخلاها بارده ذليله يوم يقول لها انها عبدته وانها مثل البهيمه متى مابقاها جاها حور حست انها رخيصه مثل بنات الشوارع جرحها بكلامه
حتى اهيا جرحته .والبقيه تاتي .خلصنا من غيث .
حور الاخت والام والاب ذا الحين بالنسبه حق اخوانها انسانه بسيطه جمالها عادي خلوقه قويه يعتمد عليها صاحبة الوجه الصافي والشعر الاسود الطويل الناعم حبها غيث لبساطتها وخجلها واخلاقها وحشمتها مع انه كان متزوج خوله واهيا احلى عن حور بس ماحبها ولا قدرت تلفت انتباهه لان غيث يحب الجمال الداخلي مب الخارجي .
حور نصيحه حاولي تهدين اللعب مع غيث ولا تستفزينه ترى اهوا يحبج مثل ماانتي تحبينه بس الى الان مااعترف بهالشي لانه مب فاهم نفسه ولا فاهم شنهو الشعور اللي يحتويه اذا شافج اهوا اهم شي عنده انج تكونين ملكه له لحاله .وجود ميعاد من بينكم صار خير لكم عشان ماتقوم الحرب العالميه الثالثه اللي اتوقعها بتقوم اذا عرفت حور ان غيث متزوج خوله قبلها اتوقع ان حور اذا عرفت بتروح بيت ابوها وبيروح لها غيث
وبتطلب منه الطلاق نفس الكلام اللي في مقدمة الروايه .
ودي اعرف شراح يكون شعور غيث اذا قالت له حور انها سمعته مع جده يتكلمون عنها وعن صفقتهم .
زارا انا هالمرة بس كتبت عن حور وغيث اما الباقي راح اتكلم عنهم لحالهم في رد ثاني
زيزوووووووووو مشكورة يالغاليه على نقل هالروايه واتمنى توصلين شكري واعجابي للكاتبه اذا كنتي تتواصلين معاها.
وجه الصباح

وجــــه الصباااااااح..ام حمووووووووودي.. تكفيــــــــــــــــــــن وش سويتي فيني..؟؟؟ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه رجعتني للخطواااااااااااااااات وجماااااااااااااااااااال الخطوااااااااااااااااااااااات وروووووعة الخطوااااااااااااااااااااااااااااات باهالرد اللي يجمل مشااهد القصه.. ومااتكلمتي الا عن الاسطوووووووووره غيثااااااااااااني.. آآآآآآآآآآآآآآآه ياا الللبؤه انكي لاااا قااتلتي..هخهخهخهخه.. واااي فديت ابوو سيف هوو تحيته العسل ابوو العسل.. وتحية زارا له .. مسااااااااااء المسك والعبر والكااااااااادي .. وهاللمساااااااء مااااااااااااااااايجي شي عند العسل ياا ابوو العسل انت.. وهــ بس..

ام حموودي.. ردتس هذااا رجعني للخطواااااااااااااااااااااااااااات .. وللعز الخطواااااااات واوقاات انفجاارهااا.. الله يرد هذيك الاياام على خير ياارب.. بسلاااامة الكاااتبه وعاافيتها ياارب..

اسعدني جدااا جدااا هالرد ام حموودي .. وانا كنت وااااثقه ان الخطووات بتعجبتس..
مشككووره ام حموودي..

السلاام عليكم..

حبياااااااااتي كل اللي ردووا على الخطوووووووووووه الاخيره.. اتمنى تعذرووني لااني مااا رديت عليكم.. ويمكن تااخذوون بخااطركم لردي على ام محمد.. بس ام محمد رجعتني للخطواااااااااات بحلووها ومرهاااا.. وماادريت الا وانا اشوووف ردي من خلف الشاااشه.. هخهخهخهخه..

والله خاطري ارد عليكم بس عااد النفسيه لكم عليهاا شووي.. وماااا ودي ارد ردوود باارده.. ياا ارد ردوود سنعه والا بلااه الرد من اصل.. وباذن الله انه مااايجي عقب هالرد الا الخطووووه الـ 31 بسلاامتناا جميعااا..
والله يعافي كاتبتناا ياارب ونشووفهاا قريباا هناااا..

السلااااااااااام عليـــــــــــكم..

لكل اللي يسألوون عن الكاااتبه الاسطوووره ليتني غريبه احب ابلغكم سلامهاااااا لكم.. وهي مشتااقه لكم بصوووووره ماتصوورنوها واكثر شخص مشتااقه له انــا..هخهخهخهخهخه>> لاا عاد هذي من عندي..

المهم انهاا قالت لي اووصل لكم سلامها .. وباذن الله انها بتكون قريباا موجوده..

وهذاا مقطع خاص فيكم..>> من قدكم خليتكم تشووفون رسايلي الخاصه..هخهخهخهخه