كاتب الموضوع :
زارا
المنتدى :
الارشيف
السلام عليكم ورحمة الله وبركاته ..
يالله
كم اشتقت لهاي الصفحة..
وذبحني الشـــوق .. للخطوات ولكاتبة ولكل اهل الخطوات .
عوشة ..
تكبرج وغرورج هم الي مخربين حياتج ومسببين نفور الناس وبغضهم لج .. عمر التكبر او الغرور كان طريق احترام الناس والوصول للشهرة والنجاح الي انتي تبين توصلين لها بس عشان تبينين لقلم حر ان كتابتج مهما كان رايه فيها ونقده الي زرع عندج عدم الثقة وحجم وصغر تفكيرج ومستواج الي ابعد ما يكون ابداع انسان يعمل في الصحافة ويحمل قلم لتوصيل رسالته .. وبتكبرج والعنجيهية الي محاوطه عمرج فيها وتشوفين الغير دون مستواج .. بيوصلج لطريق مسدود ومهما كابرتي او بينتي انج على صواب والكل على خطأ بيي يوم وتكتشفين انج كنتي في عالم مزيف صنعتيه بيدج مكروه من كل الي يعرفونج .
شيخة ..
للحينه مواصلة الرديئة والفساد الي هي فيه .. مع الي اسمها حمدان وما تدري وين اخرتها .. ونهاية الطريق الي يودي للتهلكة لا محال وتبرر لنفسها بأن محد مهتم فيها ولا يفكر فيها وهذا الشي يدفعها لانها تلجأ لطريق الرذيلة .. وما تدري انها بتكون هي المسوؤلة عن كل الي تسويه بتصرفات تخالف فطرتها كاي بنت .. تفكر في رضى ربها وتخاف على حشمتها وحشمة اهلها .. وما يكون عدم اهتمام اهلها فيها مبرر لنسياقها بالخطأ .
ميعاد ..
صايرة مثل الغريغ الي بالبحر وشبه متاكدة بنهاية ويأسه بان حد ينقذها .. وحيدة منبوذة ومحملينها الذنب كله ..كأنها اجرمت بأنها انولدت ووصارت بأسم عائلة سيف بن على .. ونسوا انه هالشي هب بيدها تغيره او تصلحه هي ما غلطت في اي حد بالعكس هي الي انظلمت بكل السالفة وصارت بواجهة المدفع ولا هي عندها القدرة تدافع عن نفسها باي وسلية .. وحتى الاب الي مجرد نظرة متلهفة تشوفها منه هب شايفتها منه ولا اي اهتمام من صوبه وكأنها هي سبب الفجوة الي صارت بينه وبين ام علي ..
بس يمكن حياتها في بيت غيث واختلاطها مع بنات حمد بيخلق في داخلها احساسها بان في من اهلها الي تمنت انها تلتقي بهم وتحصل منهم الحب ..ناس يهتمون لها ويبغون يتقربون لها وما يعملونها كأنها متطفل وخطأ في حياتهم .. وخصوصا حور الي بدأت تتجاوز حاجز الصمت والتعامل برسمية تحفظ وياها ... ويمكن بالايام الياية تتطور علاقتهن وتخبرها عن الاشياء الي تعرفها عن غيث والي كانت السبب في تكوين صفاته القاسية .. وتسلطه الظاهر على البعض .. من اهله عكس تعامله وياها هي واليدة ام علي الي فيه الحنان والمودة والخوف عليهن من اي شي يضرهن .
خولة ..
ما ينفع يا خولة الندم .. الي انكسر ما يرجع يتصلح مهما كان والي سويته غدى بينج وبين معياد والاكيد نهيان شرخ كبير بينكم انتم الثلاثة .. وعلاقتكم كأخوان من ام وحده وكلن منكم يحب الثاني .. يمكن كان لج مبرراتج الي انتي تعتقدين انها تشفع لج الي سويته بميعاد .. وتخليج عنها باحوج الوقت الي تمنت انها تلقى من يعينها وتحس انها اخت تجمعها فيكم صلة الدم .. هب مجرد وسيلة وغاية لتحقيق اغراضج انتي وعمر .
احمد ومها
اعتقد انك يا احمد في وقت اشد ما يكون صعب وتحتاج فيه للصبر مادام انك ناوي ان المها تكون من نصيبك والكل يوافق عليها واولهم امك الي رافضة فكرة انها تكون زوجة لواحد من عيالها كأي ام تتمنى انها تزوج ولدها بنت تناسبه وتكون ما فيها الي يعيبها من اي جانب .. فما بالك في المها الي الكل ينظر لها بعين النقصان والشفقة .. هل راح تقدر تتحمل عشان توصل لاغايتك ولا بيي يوم وعزيمتك وصبرك ينفذ .
ومها واحساسها الجميل الي تحس به كاي بنت وانها هب ناقصة مثل غيرها ولا تتختلف عي اي بنت ثانية تفكر في الزواج ورجل تكون وياها اسرة ويكون الاول والاخير بحياتها .. هل راح يستمر شعورها هذا تجاه خطبة احمد وموافقتها التامة في وقت رفض حور وخوفها عليها وانها تعاني في حياتها وتتعذب بسبب زواجها من احمد بالذات لانه اخو غيث ويمكن يكون نسخة منه ومشابة لشخصيته الي تعتبرها شخصية فيها جبروت وتسلط وقسوة ما تقدر عليها الي مثل رقة ونقاء مها..
دانة ..
انفجارها نابع من ضغط نفسي واحساس بالابتاعد عن بعض وكل وحده منهن لها حياة يديدة تبعدها عن الثانية وخصوصا بعد زواج حور وانشغالها بحياتها الخاصة وبيتها .. وزواج عفراء المرتقب الي بعد بتكون مثل حالة حور وبتبتعد عنهن وتكون لها حياتها الخاصة الي تفصلها عنهن .. ومها الي ممكن تحذو حذوهن وتبتعد بعد زواجها .. وهذا الشي الي زرع في داخلها احساسها بالحزن على الحال الي هن عليه الحينه وانهن ما عادن مثل اول يشيلن هموم بعض ويشاركن بعض بالفرح والحزن ويصبرن على بعض حتى لو صار اي شي او سوء تفاهم من بينهن يحلنه وينتهي بدون ما يشيلن في قلوبهم زعل
حامد وعفراء ..
للحينه يا حامد هب قادر تتقبل ان عفراء اقترنت بأسمك وصارت تعني لك اكثر من بنت عم .. صح كان زواجك لدافع الستر لعفراء .. بشي هي كانت هب مذنبة فيه ولا لها يد يوم انه حصل .. بس هذا الشي الي خب قادر ابدا انك تحاول تتعايش وياه وتقبله حتى لو كان الزواج بس انها تحمل اسمك وما لها في حياتك اي حقوق .. هل راح تستمر على التفكير الي يعتبر ظلم لعفراء ولك بنفس الوقت .. وعقب كلامك لغيث والنقاش الاشبه بالحاد هل راح فعلا تسمع كلام غيث وتحاول انك ما تضر عفراء باي كلمة ولا تذلها بالزواج الي كان بموافقتك حتى لو كان تخت ضغت غيث واجبك بحفظ عرض بنت عمك ..؟؟؟
حور
الله يعينج يالحور مجد حاس بالي تعيشينه .. وتفكرين في الكل ومهتمة للكل بس محد يفكر فيج انتي او هل كان اسلوبج الي تغير والبرود والقسوة الي صارت من صفاتج وراها حياتج من غيث والصراع الي مخبئ وراء جداران البيت الي يضمكم .. وكلن يحاول يثبت قوتة بالتجريح والقسوة والتعامل بالبرود .. وتظاهرج قدام غيث وعدم اهتمامج والبرود الي يغلف مشاعرج هل راح تقدريت تستمرين عليه وتمين خاشة وراه بركان من الم والعذاب والاحساس بالاستغفال وانج كنت غاية لغيث عشان يوصل لحايته .. هل راح تقدرين تواصلين ولا بيي اليوم ويظهر ويبان الي عرفتيه ..؟؟؟
غيث ..
اسميك بركان في هالخطوة وعلى وشك الانفحار .. ولا مثل امواج تسنامي الي غرقت بلدان .. ولا اعصار جونو على وشك انه يدمرالي يواجهه ..ولا رياح شديدة ناوية تهب وتكسر كل الي تصادفه وتعلن غضبها .. الصبرعندك بدا يتجه بالعد التنازلي على حور وينفذ .. واحتمال الي واصالت وما زلت مواصله بالتعامل وياها الي بين غضب وكتمان .. وشوق ونفور
وحب وكره توهمخا فيه وتحاول تخفي احساسك الي هب قادر تصيطر عليه او تخفيه مهما سويت من افعال تكرها فيك لتبيم لها انها ما تعني لك شي في حياتك غير ان عليها طاعتك وتنفيذ اوامرك اين كانت بس عسب تقهرها وتنفس عن خداعها الي تعتقد بأنه كان صفعة وصدمة لك لانك كنت تعتقد انك انت الي توهمها بالحب والاهيام وصار العكس ..هل راح تستمر على هذا الحال والحياة الي بينك وبينها ولا بنشوف الخظوة الياية حدث يكشف الي تخفيه عنها وهي بعد ..؟؟؟
مرحبا مليار بـ ليتني غريبة .. برحب بج بترحيب احمد بن على ..
يا مرحباا ترحيبة الصبح للشمس .. حزة عناق الليل مع طلعة النور .. مرحباااااا السااااااع
خطوة ابدعتي فيها مثل معدنينا يا صاحبة الابداع الي يعجز لساني عن وصفة او اني اعطيه حقة بعض كلمات ممكن تقلل منه .. سلمت يدينج يالغلا .. وعسى تكون اخر الغيبات وربي يسهل لج كل امورج ويسير لج كل صعب .
يا عدوتي الغاليه سلمت ايدينج يا اغلى عدوة بالنت على النقل ..
وهذا اهداء مني لعدوتي الغاليه ..
لي صاحب(ن)منول اذا قمت اناديه
الشـوق من بين المحاني يـــشبه
اتقــولي لبيه لبيه لبيه
واانا اتـفدابه مع كل لبه
واليوم شكله ظايق(ن) ماعرف اشفيه
من الوصــل ريح المفارق تهبه
لو كـان ظاق بسبه اجيه وارضيه
المشـــكله ظايق ومن دون سبـه
ياهــيه ياهيه يامغرور ياهيه
هذا تــرا ماهو نظام الاحبه
لو قـالو العذال وش انت تبغي
ابيه رمـــز(ن)للوفا والمحبه
ابيـغه دام كل ما مر طاريه
اغيـض به عذالي الي تسبه
سولــف معي لكن من دون تشبيه
بيــني وبينك شبه لا تشـبه
انت تقـول انا اخر انسان تغليه
وانا اقول انــت اول انسان احبـه
التعديل الأخير تم بواسطة فروحه ; 30-01-09 الساعة 01:49 AM
سبب آخر: عدنا بعد عودة التيار الكهربائي ههههههههههههههه
|
30-01-09, 01:10 AM
جديد مواضيع قسم الارشيف
العرض العادي
