سلامات أخت ليتني وما تشوفين شر روعتينا عليك كلش ولا أنت وتسلمين أنت وزارا.... (دانة المنتدي )على حرصكم وأهتمامكم فينا ..............
خطوات تتحرك..........
.........نعم خطوات تعبر النفوس علانيةلتصارع الأحاسيس معترفةبما فيها من مشاعر سواء طيبة أو سيئةلتلامس أرض الواقع........فخولة ومشاعرها الحاقدة.... وأحمد والبوح بحبه وهل سيستمر أمام قسوة الجميع .......والمهاوأعتمادها على نفسها ودخول صور جديدةإلى عالمها الصغير............ أو شيخةورفضها لكل من بنصحها على الرغم من تأنيب ضميرها وعدم أستجابته لمخالفة الفطرة والعقل والدين......... أو عوشة وبحثها عن نفسها الجميلة .................................ثم بعد ذلك نأتي الى الجمرة التي سوف تشعل الأحاسيس بين حووووووووور وغــــــــــيث


أبدأ.........بخولة لأنهاقهرتني من زمان.......واسمحولي لأني ماتعاطفت معها أبداً من البداية فكانت واضحة (ولا معقولة وحدة ترتبط بواحد علشان تهتم بأختها المعاقة....وين هذه.) فزواجها من غيث ليس لمساعدة ميعاد ولكن على العكس جعلت منها وسيلةللحصول على مأربهاوعندما لم يتم لها ماأرادت أظهرت حقيقتها ليس فقط بطلب حقوقهاوالتمتع بحياتهاكما تزعم بل بالنيل من غيث فعن طريقها تقربت إليه وكذلك من خلالها سوف تنتقم منه..........بصراحة...أوجعتني هذه النواياالسيئة وألمتني بشدة (ماألوم غيث فيها) ...... ربما تقولون هذا من تحريض عمر لها وأقول لولا أن أبن أخيها وجد في نفسها هذه الميول ماحاول الضغط عليها..........فهل تعي هذه المرأة ماتفعله بأختهاالتي أحبتها ووثقت بها كأمها كيف تتجرأوتجرح تلك المشاعر الحزينةوالمجروحة من أهلها الذين لم يعترفوا بها أو من المجتمع ونظرة اليأس في أعينهم...........لكنها للأسف.....

..........ميعاد........ أتمنى لها من كل قلبي أن تتعرف على أهلها لكن ليست بالطريقة التي أخترتها خولة ......أن شاء الله سوف تجد حياة أفضل عند بنات حمد .


شيخــــــــــــــــــة .........مادري هذة الفتاة أستغرب حياتها هل من الدلال الزائد أصبحت كذلك...أومن الفراغ وكثرة الملذات أوكليهمامعن أومن ماذا لم أفهم ...........وماذا تنتظر حتى تصحو .......... تنتظر كارثة تهوي بأهلها حتى تفيق !!!!!!!!!!!!!!!


أحمـــــــــــــــــــــــد ............بداية طيبة.........أصرار وعزم وأقدام بـــــــــــــــــس المجتمع والنظرةالسيئة تجاه ذوي الإحتياجات الخاصة...........وأرجع وأقول أنك سوف تصمد أمام تلك التحديات.........لكن في المستقبل هل سيستمر هذا الأصرار ممكن ذلك إذا تجاهلت هذه النظرة وألغيتها من قاموس أفكارك إلى الأبد


الـمهــــــــــــــــــــــــا..............حياة جديدة بكل المقايس وتطور كبير تحتاج أليه حتى تعيش حياتها بالشكل المطلوب.......وشكراً لك ياعفراء (الغالية على قلبي......يمكن لأنها طالبة ممتازة ههههههههههههه..) على هذا التفكير الجيد..... المها بحاجة لهذه الخطوة.


عوشة ...........هذه البنت أجد فيها الخير الكثير .......لكن للأسف لم تجد التوجيه السليم والقلم الحر هو الذي يساعدها لإجاد نفسها الطيبة.....وأتوقع أنهاتكون بعد ذلك الأخت الثامنة لبنات حمد ......القلم الحر هو حصة العانس سابقاً........

نــــــــــــــــــــــــــــأتي للبطل الأسطــــــــــــــــــــــورة غيـــــــــــــــــــــــــــــــــــــث وحوووووووووووور ....


أهااااااااه قوية والله بس بصراحة رحمتك أنتي يازاراخفت عليك أكثر من حور .....قطعتي قلبي حرام عليك ياليتني شوي شوي على البنية لاتروح فيها..... هههههههههه .


نرجع لك ياغــــــــــــــيث...........القمة التي يعشقها..............رهـــــــــــــــــــيب جداًتلك العبارة بماتحمله من معاني عظيمة تدل على تميزك والأجمل أنك حطيت حرتك في الصخور لأن حووووووووووور ماتتحمل القسوة طول الوقت وأنت خايف عليها مو كذا .....حب رائع بل عشق ولكن هذا الحب مجروح ويتألم بمرارة
وحور لن تصمد طويلا أمام هذا الحب الواضح في عينيك خاصة بعد ماكانت السبب في الجرح العميق الذى أصابك وبالتالي سيكون هذه بمثابة الأنفجار للمشاعر الجميلة.

حوووووووور مأوصيك جا دورك خليك زوجة حنونة وبس عن المكابرةإلاإذا تبينه يطير منك ترا العيون عليه كثيرة



شكـــــــــــــــراًًً أخت ليتني على هذا الأبداع والخيال الواسع وأضم صوتي لصوت الأخت زارا في نشر رواياتك خارج نطاق النت

بارك الله لكم في ما تبقى من شعبان وبلغكم رمضان بصحة واطمئنان
وكل عــــــــــــــــــــــام وأنتم بخيـــــــــــــــــــــــــــــــر

بسم الله هذي قعده ......

اولا ..وثانيا..وثالثا....الحمد لله على السلامه ليتني والله يحفظتس من كل شر

ويكفيتس شر عيون خلقه قولن امين ...

رابعا وخامسا الى تاسعا الف الحمد لله على السلامه زارا وحشتينا يابت كل دي غيبه

اكيد الواد محمدين لاعب بمخك حبتين بعد لعبه واحد طش هههههههه>>لاتطقين تراني امزح والله

عااااااااااااااااااااااااد جينا للجد ...وسعو اشوي اشوفكن اندبيتن مع هالعطله ياكافي ..هههههه

خطوات تتحرك

ماراح اعيد او ازيد البنات كفوا ووفوا بالتوقعات ورصد الاحداث ...

بس حبيت اواسيتس يازارا الي حصل لغيثانتس مو هين وانتي لازم تطالبين هالخبله حور

بكل قطرة دم نزفت من غيث اجل مسدس مسامير لوهي جايتن في قلبه والا وجهه وش كان حصل له

تدرين من قريت الخبر وانا طاح قلبي قلت اكيد بيقول انها متعمده تصيبه مادرى انها ياغافلين لكم الله

ماتدري وشي له هالعده ....؟؟؟

على كثر ماقهرتني على كثر مارحمتها لانها طاحت بين يدين اثنين مايرحمون ...انتي وغيث ...هههههه

على فكره الخطوة هذي كانت شامله لاغلب ابطال قصتنا والله يعطيها العافيه ليتني امتعتنا

بهذي الخطوه واشعلت بداخلنا الحماس وبانتظار الخطوه الجايه>> احسها اكشن .....ههههه



اتركك في حفظ الرحمن

^


^



^


^


^


^


^

نسيت

كلمة السر


افتح ياسمسم .... لاتعلمين احد فاهمه >>هههههه

والله لو الي عندي يقرأ الي قاعده اكتبه ان يودعني في مستشفى شهار ههههه

مهب شينه بس ياليت له فرع بالدوحه علشان بالمره نشوفتس ههههه>>صدق المرة استخفت

المهم ادري ان فترت شهرين طويله بس الشكوى لله كل ماقلت جيبوه وافككم من الطراره

قالو لي بعدين مادري بعدين هذي وين تنصرف فيه >>عندكم بنك يصرفها >>ماتضحك

طولت عليتس اشوفتس على عتبت الخطوة الجايه ...بإذن الله

سلالالالام للحلوين ...

قبل مانسى ادري ان ردي مابرد حرتي ولاحرتس بس تراني قاعده اكتب والانفلونزا

عامله عمايلها معي وان شاء الله اعوضتس المره الجايه اعذريني يابعدهم ...

**.....السلاااااام عليكم ورحمة الله وبركاااته....**
كــــــــــــــــــــــل عـــــــــــــــام وأنتـــم بخيـــــــــــر...شهر مبارك عالجميع ياارب.... الله يقدرنا على قيامه وصيااامه آآمين....


خطوات...تتحرك....

ليتــــــــــــني....اسمحي لي أقولك نورتي الصفحة يا صاحبة الخطوط البنفسجية.. والخطوات المتألقة...سلمت الأناااامل ياارب....والله من دخلت وشفت الخط البنفسج...قلت وش فيها زارا مغيرة اللوك..؟؟...بس طلعتي إنتي منورتنا..الله يعطيك العااافية...آآمين يااارب.....خطوووة...الوصف فيها خلاني أقراه مية مررة....جمال عوشة وضياعهاا...نعومة المها وارتباكها....وقاااااااااااحة حمدة.. تشتت شيخة وقرفها....حماس أحمد...برودة حامد ... رزانة عفرا... جنان دانة ونورة...جهد غيث...تملل حور....المشهد الداااامي ...وتردد خولة وانخداع ميعاد.....كلها عشتهاااا بطريقة وصفك الراااااااااااااائعة... والله إبداااااااااااع....إبداااع....الله يحفظك ....آآآمين...


زارا....ماما زارا..خخخ....ياااااا قلبي عاللي تفكر فينا ومتوصية .....أنا أقول ما يحب القمة إلا القمة....رغم غيثون لي عليه..أبو قمة...خخخخخ....أقول ماما زارا... الله يخليك لنا .... والله تعجز كلماتي عن وصف شعوري و انا أقرا رسالتك لليتني.....ياابوج بكيتيني...خخخ....<<كيف بس..ترى عاجبتني الكلمة...ههه,,,, زارا...قولي آمين,,,,,الله يسعدك دنيا وآآخرة....ويطمن قلبك على غيثونك....


ماا قلت لكم...بهالخطوة كنت مشغلة الحسااس مزبووط ما شالله علي... أول ما دخلت شيخة الكافتريا..قلت بتقابل عفرا,,,, وأول ما جاب غيث سيرة التسلق وأدواته...قلت ما بتمر الحكاية على خير وبياكل حادث...!!!!.....وصاابت....الله يخيب ظنوني دامني ما أصيب إلا بأشياء تغث...خخخخ.....


أمم....والله احترت بمين أبدااا...دايم أبدا بالجد....يعني مسوية أحترم الكبير...اليوم الجد مو فيه........أمــــمم....حسب الظهور..؟؟....يالله....

عوووشة....أنااااا مااا هددتك إني إذا لقيتك بالخطوة الجاية تايهة..راح..راح.. نسيت العقاب...خخخ....عوشة...كنت أحسب بالخطوة اللي فاتت إن حنيتك راحت تطور..لكن أشوفها صغرت لين صارت صرصار...أيا الغياارة...كله عشانها مملكة يعني..؟؟؟....والله حالتك صعبة..يبغالك طبيب قلب زي ما اقترح قلم حرر... ما فهمت رسالته ترى....بس حسيته يعنيك إنك مريضة....يبغالك إعادة تأهيل.... أنا ماا أشوف لك أي عذررر للضياع اللي إنتي فيه....تراك شخص زايد عن حاجة المجتمع...وإلا ما كنتي تجين آخر الدوام ولا أحد اهتم لك ولا لمقالاتك.... شغالة تغارين من خلق الله عالرسايل اللي تجيهم,,,,أتخيل قلم حر..بقدر ما كانت كلماته مختصرة...بس بيكون لها مسار تحول...مشكلة عوشة تشابه كثير مشكلة شيخة... إنسان تايه...وعنده القدرة يلاقي نفسه ويقومهااا...بس مفضل الغير يقومون بتصويبه....ومحتاج صدمة توعيه...أتخيل الصدمة اللي بتجي لعوشة... بتكون من قلم حرر......


المهاااا...
يتفجّر الحماس فيها .. يطفح من عينيها .. و خلجاتها التي ترتسم على ملامحها الحلوة ..

والله حتى أنا اتحمست....أحس دايم إن في المها قوة داخلية تنتظر الظهور.... وحماس للحياة...ينتظر تنتج وتبدع....أعتقد المها أمامها حياة حافلة...بدءا بدورة التصوير اللي أتخيل راح تبدع فيها...إنتهاء بموضوع أحمد وزواجها منه... إدراكها لضرورة أعتمادها على نفسهااا يبشر بخير...أفكر بالفرق بين المها وعوشة...صحيح المها لقيت من يقود خطواتها ويضعها على بداية الطريق.. بس عوشة كانت أولى بإنها تدرك مواهبها من خلال دراستها ودعم والدهاا...!!!


شيخة....شيخووه...أوول شي جا ببالي....كيف إنسانة تربت بأسرة راقية بأخلاقها وألفاظها ....تستحمل تسمع ألفاااظ مبتذلة زي اللي تقولهااا حمدة...؟؟؟؟.... كيف سمحت لنفسهاااا تجالس وحدة بهالأخلاااق المنحططططططططة.....والله النفس تعااف ....والأذن تجرررح.....بس ما لوم دامها شافت الأدهى والأمرر...فعل مو قول(ذات الفستان الأحمر وحمدة) ..ورغم كذا رجعت لهااا....أمااا يوم حمدة وصفت عفرا.. ماا أدري كيف مسكت نفسها وما أعطتها كف يسكتهاا..؟؟؟؟؟......شيخة لسه داخلها بذرة خير ما أندفنت...ولو إني أشوفها إنساانة سلبية ناحية نفسهاا,,,, بس ما أنكر تأثير النقد والسخرية الدائم عليهااا.. ودي أعرف....اللوك ذا يوم بدااا....ليه ما حاولوا يعالجونه قبل يستفحلللل,,,,؟؟....
شيخــــــــه....ومفترق طريق....أو حافة هاوية تعبير أفضل...أيام أقول بتطيح... وأيام أقول لا,,,,,,لو أحمد بدل ما يتعبها ويقولها روحي هزاع بيجي...ينشبها فيه ويخلصنا من القلق اللي مسببته لنااا.......

أسمااا....لما الواحد يقول صداقة....يذكر شي عظيم...وعلاقة تتعدى مفهوم مقاعد الدراسة وتتجاوز لأن صديقتك تكون...مرآآتك...ويوم تشوفك على خطأ... تقولك...ياا حلوة...تراك أخطيتي أرجعي لعقلك.....ذي الصداقة...أنا مندهشة قبل شيخة بتأخرك وتجاوزك عن الموضوع...زي ما كنت مندهشة من عماك وإنتي شادتها و رايحة للشلة المكرمة....أتوقع ينقصك النباهة...ماعندك تقدير للمواقف... بس أتمنى يتصحح الوضع وتظلين ورا شيخة..الذكاء خاانك يوم أخترتي مكان اللقاء....تبغين تنصحين وحدة وتتأسفين منها..بالكافتريا...؟؟...على طاولة شلة الفساد..؟؟...مكاان غير مناااسب أبدا بوقت غير مناسب إطلااقاااا...أكيد وطبعا راح توريك شيخة ذا الوجه...مو مستغربة أناااا..أكيد ما راح تقولك شيخة..إي و الله أنا متغيرة...بالله قولي لي إيش أسوي بعمري...!!!!!.....اللي يشد واحد من طريق سئ....يقابله بعيد عن شلة السوووء أولاا..يحاول يرجع العلاقات ثانيا...ويختار وقت مناسب ثالثا...وبعدين يبدأ بالنصح بأسلووب...مو يرمي الموضوع بالوجه وفي حضور الشيخة حمدة الله ياخذ عمرهااا...!!....بس أسمااا...المفروض تصححين غلطااتك...وتكررين المحااولة..وإلا لا تجيبين سيرة الصداقة وتشوهين سمعة هالعلااقة..!!!!!....


دانة ونورة....ياازين مضااربتكم اللي زرعت الضحكة على شفااه حور.... كل خطوة أحسها تبين افتراقكم في الصفات..وإن كل وحدة تملك صفات جميلة تتميز بهاا... رهيبة دانة بمبادراتها..أول وحدة بينت شوقها لحور...رهيبة بعقلها اللي وافق عفرا على قرارها بترك المها تتلم طريقها بعيد عنهم....ورهيبة نورة...بعاطفتها واهتمامها بالمها...محترفية ...عجبتني الكلمة...معقولة إنتي أخت عفرا...؟؟... وين الثقافة يابوج...خخخخخخخخخ....



عفرا.,.....,,,,,,..الله الله من الركاازة والعقل يالناااقة....ما أدري ليه أحس بوقار يوم أشوفها...طالعة على جدها...ههه...عفاري...صح مو قادرة تسيطر على الخبلتين...لكن أحس بداخلهم فيه أحتراام لرجاحة فكرها...اللي تمثلت برايها إنها تخلي المها تشق طريقها بنفسهااا..أما عن تهربها من بيت عمهاا..أتوقع لشيخة علاقة بالموضوع...إنها تشوفها بذيك الصورة في الجامعة...وترجع تشوفها كبنت عمهاا...شي مو حلوو....أتذكر إنها قد علقت على عدم ارتياحها لشيخة وشلتها بخطوة ساابقة...ما أدري إذا بيكون لعفرا وحامد علاقة بموضوع شيخة....كل واحد منهم مسك عليها موقف...السؤال هل بيكون لهم دور...؟؟؟...


أحـــــمد...كل اللي أقوله....يا حليلك وإنت متحمممسسس....قوو أهد....أتوقع لك أحداث رهيبة...رغم قهرتني وإنت تتريق على أم الصروال....يا أخي أختك هالكها تعليقات..؟؟....أخوان آآخر زمـــن...!!...

حـــــامد...آآه يا برودك.....أيام حلو الهدوء..بس إنت...صراحة تغثثث.... ياا إني نمت وإنت تتملل...ولا ردة فعلك على ملاحظات أحمد...بدل ما تربط الداتا... لعوزت الموضوع...بكرة تتزوج وتعقل قال... ما ودانا بمصيبة إلا هالكلام... وهاتك يامشاكل..حل الموضوع الزواج...وش رايك تزوج شيخة وعوشة وتحل مشاكلهم..؟؟؟....أنا أرفض هالمبدأ..ودي أتفلسف بس اخاف أطولها..خخخ... المهم إنك لازم تكون لك ردات فعل...إيجابية ..ونباهة...مو نايم على ودنك...؟؟؟....

خولة وميعااااد.....كيف قدرت خولة تسوي هالشي,...؟؟؟....إحنا نعرف إن بنات حمد طيوبات....والجدة طيبة...والجد فيه حنان داخلي...والأعمام يميلون للطيبة......وممكن يتقبلون ميعاد...لكن خولة...ما تعرف..أو أفترض إنها ما تعرف...كيف ترمي أختها بدون مقدمات لنااس ما تعرف خيرهم من شرهم..؟؟..كيف ترميها لناس ما شافت منهم غير مثالين...الجد الصلب ...وغيث القااسي...؟؟؟؟؟؟....ماا فكرت إنه حتى أهل البيت ممكن يكونون قساااة...؟؟...ممكن يكون استقبالهم حافل بالازدراااء...والإنكاار..؟؟..حتى بوجود الجد...وحتى لو غيث وصف لميعاد بنات حمد في وقت من الأوقات...كيف سووت كذا..؟؟..من ناحيتي...انا أشوف إن هالتصرف قاسي من ناحية خولة... ومرفوض...لأنه خديعة لثقة أختها.....لكن أتخيل إنه بيرسم خطوة إيجابية بحياة ميعاد,,,,ولو إني للآن أشوفها خطوة قاسية....أختي ما راح أرميها بعد السنييين لناس ما أعرف عنهم شي...... لا و أهج برة البلد...!!!!!!!!...صحيح خولة كانت خايفة عليها..بس خوف من غير تطبيق...لو تبغى مصلحتها صح ...تقدر تقولها وتخليها تكلم أبوهاا...وترسم خيارهااا..بكذا فعلا استغلت طيبة أختها...وشعورها بالذنب والعجز,,,,عشان تسيرها للطريق اللي خولة آختارته...من دون ما تحسب حساب مشااعر أختها اللي بتنكسر يوم تدري إنها خدعتها وراحت وتركتها لمصير مجهول..!!!....أتوقع لو مرت الصدمة على ميعاد ...وتأقلمت مع بنات حمد...راح يظل خداع أختها لها ...جرح غااائر...لأنه كان استغفال واستغلال ثقة...وعمر ..الشيطااان....أنا متأكدة الموضوع ما بيمر عليك إنت وخالتك بالسااهل..!!!...



حوووووووووووووووووور وغييييييييييييييييييث.....
كنت حزينة أولا على إنه مررر عليهم الأسبوع من غير ما نكون معاهم....بس بالنهاية...عورني قلبي لدرجة قلت خلااااص ذولا الاثنين لاااازم يلاقون لهم حللل.... عوروا قلوبنا ونهاية دامية كماان..؟؟....رحنااا فيهااا...

حــــــور...حزنت عليك...مهما قالت زارا يظل حزني الأكبر عليك.. ممكن حتى غيث تحطمت أحلامه فيك..وتألم من هالموضوع...بس إنتـــي....تحطم الأنثى غير..وصدمتها ..أقوى...كل فترة أتخيل حماسك للزواج...وتجهيزاتك اللي تحطمت بفضل لقافتك...لقافة محب...وكمان شي يزيد الثقل عليك....تقمصتي شخصية مو شخصيتك...غيث أتعود يبرز قسوته...إنتي جديدة على مسلسل الخدااع..شي إضافي..تعليقات أخوانك اللي تطعن فيك...وتعيشك دور العروس.. اللي ماهو دورك...بينما غيث مريح باله من ذي الناحية.... حور....لما قررت تنزع عنها قناع القوة اللي ارتدته طوول ما كانت أم لأخوانهااا...وتعيش موقف الاعتماد على أحد وتجرب تكون ضعيفة بظل زوجها... لقيت إنها تحتااج لقوة أكبر..محتاجة لقناع أصلب..مو قوة بس..قوة وخداع...وعجبتني يوم طرت المليونين...دامه يطعنها..حلوو تكون قد التحدي.. كفاية موديها وادي البيح...شهر عسل...ويروح يتسلق ومطنشهاا....بس صراحة يوم قلتي مخدرات...أنا قلت...غبااء..بس يمكن الجوع مأثر عليك..خخخ..... والمشهد الداااااامي الأخير...ودي تتحركين و يكون لك تصرف إيجابي,,, بس ما ظنيت دامك طحتي على ركبك..يا الشجااعة...


غـــــيث.....يوم كنت خايفة وااناا أقرا تسلقك للجبل ما صار شي...يوم أرتحت وقلت عدى الموضوع بسلااام...طلعت بطعنة إنت اللي جبتها لنفسك....أنا ما أقول إن حور ماهي ملقوفة وخبلة يوم مسكت شي مو لهااا..بس ما أنسى إن غيث...بعادته الشينة..وهو التسلل وترويع المسكينة حور...غلط غلط كبييييير.....وتجاهل نهي الرسول صلى الله عليه وسلم...يوم نهى عن ترويع المسلم لأخيه المسلم على غفلة.... وأنا أشوف اللي يسويه بحور ترويع...يوم يتسلل من وراها من غير ما يصدر صوت أو يلقي السلااام إبلاغا بوجوده....شي مررة خاطئ...وجر وراه هالبلوة...لو ما خرع المسكينة وهي منهمكة في التلقف...كان ما صار كل ذا...خلونا من لو.... غيث..ترى خطأ اللي تسويه..إنك تنزع المسمار من الجرح ...خاصة إنه كبير ومسبب شكله تلفيات ونزف ممكن يزيد لو سحب المسمار من الجرح....أعطي الخبز لخبازه وروح المستشفى ... ما راح يقصرون الحلوين......أنا اظمنهم لك إخواني في المهنة...خخخخخ.... أتوقع غيث ما يعطي وجه لحور...ويدبر عمره..ويعجبه كمان شعور الذنب اللي مكتنف حور..<<<جملة قوية..خخخخ....يمكن علي قول زويرة يقربهم الموقف من بعض..بس أتوقع لازم يصير إنفجار أول...<<يااالطيف....يمكن يكون بإن حور تتعب من القناع اللي لابسته..وتنفجر وتطلع الأولي والتالي...المهم....إن أنا تعبت نفسيتي من شقااهم... جد...قلبي عورني على حور...وحتى غيث..مسكين مريض.ودي أقوم وأسعفه بس عاد..راااااحت عليه...أنا أخاف من زويرة تمسكني لو قربت من جنبه وتخليني انا اللي أنزف...هههه....المهم....أتمنى ماعاااد أشوفك تتسلل غيثون مررة ثانية... وياليتك بالمرة تقول لزوجتك ستووب لقافة....كل واحد عنده صفة شينة ومسوين مزيج...رهيييب....نتتظر بالخطوة القادمة...تحرك نحو الأفضل...وتفاعل أكبر...


آآآه....ذاتس إت....رمضان كريم إن شالله عالجميع....إن شالله إذا الله أحيانا وعلقت في الخطوة الجاية..أتفلسف أكثر من كذا....<<<أكيد تقولين زويرة..لاااا بالله كذا كفاية..خخخخخ....ما أقدر...عاد لاازم أقول اللي بخاطري...والله أحس كان نفسي الرد يكون مرتب أكثر..بس ذا اللي طلع في المطبخ...جنب السواطير.....بإشراف الماما....خخخخخخ ....بانتظاار القادم بشوووق....نلتقي على خير بإذن الله...

[COLOR="DimGray"] [SIZE="6"] سلااااااااااااااااااااااااااااااااااااااااااااااااااااااام:l ol:

كل سنه وانتم بالف خير


البااااااااااااااااااااااااااااااااااااااااارب حلو مع ان الحدااااث شويء بس حلو والله يعطيك العافيه ليتني


وحبيبتي واختي الزوي .............................


الحداث مع انها شوي وهاديه بس احس انها هدوء ماقبل العصفه ههههههههههههه انواع التشائم


شيخه بديت فيها لان هي اللي لفتتني بالجزء هذا مااااااااااااا ادري احس ان صارلها وهي صغيره

او وهي موراهقه مثل كانت منبوذه او تعرضت لتحرش مثلا او شيء من كذا لان الانطواء والي قاعده تسويه هذا شيء ناتج من

ردت فعل عكسيه وان البنت تحلق شعرها وتتصرف تصرف اولاد هذا بحد ذاته تصرف مو طبيعي ومنحرف

عن الفطره احس انها لاها دور كبير القصه ومن الابطال (((((((((( احس ان هزاع راح يحبها

ويعدلها))))))))) (ياكثر ما تحسين انتي وحهك ههههههه ) تصرفها بايخ مررررررررررررره ومااااا له داعي مع صديقتها مهما يكون لازم ما تعمل كذا

حمدااااااان يااا تب.............. مالا داعي اتعب الساني بسيرتها بنت او بالاصح راجال تخوف موت وان ظلت

شيخه معاها عز الله راحت البنت انشاء الله يكتشف غيث او حاامد او اي احد سالفتها قبل لا يفوت الفوت








مهاااااااااااااااااا البنت هذي اخيرا صار لها مكانه بالقصه لحالها يعني بالاول كان احد يتكلم عنها لكن

الحين مهاااااااااااااااا تكلمت مره استانست هههههههههه ما ادري حبيت اعرف عنها اكثر مو من حور

او عفرا او احمد ............ منها بس طلعت تفكر بزواج هههههههههههه والله وكبرتي ياا مها لو تدري عن

احمد ههههههههه مع اني فرحانه لها بس خايفه عليها من بعدين بعد الزواج معقوله تكون نزوه او

حب مواقت مااا ادري يارب يطلع يحبها صدق على الاقل عشانها دائما الانسان الناقص جرحه يكون

اكبر من الانسان العادي ............ نشوف بعدين ويمكن يحبها اكثر بعد العرس ليش لا







احمد.................... مع اني احبه وشخصيته تدخل القلب وتعجبني صداقته بولد عمه هزاع وتعلقه بنت

عمه مها مع انه صمخا والدليل على انه انسان كويس انه شافها من الجواني الحلوه الي فيها

وتحدى الكل عشانه يبها بس هذا ما يعني اني انتقده شوي هههههههه احمد صغير صدق يعني انتظر

شوي منها تتاكد من انك تريدها صدق ولا انها نزوه ماااا راح يضرك شيء با العكس راح يفيدك مع انك

رجال وما عليك كلام بس يحتاج الموضوع وقت راح يفيد الطرفين ( صدقت نفسها البنت )






غيث حبيب االزوي البارت هذا ما زاد لا غموض في غموض ماااااااااااا فهم وش انت بس الاسلوب اللي

يستخدمة مع حور مخيف حرااااااااام بنت يتيمه وصغيره بس كل رجال وله اسلوبه............ههههههه ما اقدر

اتكلم عليه وسلامااااااااااااااااااااااااااااااااااات ابو سيافي ما تشوف شر ادري بالخبله اللي عندك

بس بزر لا تاخذ عليها انا اوريك فيها الحين ..........







حور...................... مطفوقه وبقوة الحين وش تسوا عليك هذا بغيتي تذبحين الرجال كله من طفاقيتك يااا

هبله اعقلي واركدي وبطلي حركااااااااااات نص كم ترا غيث ما يحب التشخلع سمعتي المهم ترا رحمتك

بالبارت هذا بس ما يمنع اني اتقدك لمصلحتك حبيبتي ولا ترا الف مليون ينتظرو اشاره منه (تلمح البنت)

المهم اركدي واستسمحي منه لان زي زمنتي شايفه غيث هذا الاسلوب ما يمشي معه مع اني اشك

انه راح يصالحك بس حاولي ..............






عيووووووووووووووووووووووش وش سالفة قلم حر والمستسفى الله يستر معقوله تحبه اويطلع احد

تعرفه يمكن ليش لا مع اني كنت احسبه الاستاذ فلاح ههههههههه بس طلع مو هو انشا الله يطلع انسان

كويس ويرضي غرور عيوش...........................






حامد وعفرا ما لهم دور بالبارت كثير او مهم............... حامد مااا ادري بس يمكن انصدم ان اخوه السليم

فكر بوحده صمخا او انه ما يبي تنظلم بنت عمه مع اخوه لما يندم ماااااااااااا اتوقع حامد نذل

عفرا فديتها تهبل اتوقع راح تصلح من حال شيخه مجرد تخمين..................






خوله الشيء اللي سوته صح ميه بالميه اول مره تسوي شيء صح لان اذا ما قالت هي بنفسها

محد راح يقول وعلى ان الشي فيه مخاطره وممكن تروح فيها ام علي يمكن الجد تنحرم خوله من اختها

بس الشيء لازم يصير الحين حرام البنت عمرها راح بعيده عن اخوانها تستحق تقضي باقي عمرها عند

اهلها وتحس بهم.....................







وسلااااااااااااااااااااااااااااااااااامتكم (ام اهليل)

كل اللي ردووا على الخطوات احب اقوول الله لاا يخليني منكم ياارب..
والله مااقصرتوا ودااائماا كنتم مشجعين لي .. >> وش تبي ذي؟؟ لاا يكون تحسب نفسها الكااتبه.. هخهخه
لاا عاد بنات والله لوو وش اقووول ماا اوفيكم حقكم عندكم يعجز الكلاام..
اشكر كل اللي استمرواا وااصلوا الردود.. واشكر اللي رجعوا بعد غيااب.. وارحب بالوجيه الجديده اللي شرفت خطواتنا .. و الله كنت اتمنى ارد عليكم مثل العاده . بس والله ظروف الاجازه .. والحين بعد رمضاان شرفنا الله يشرفه.. وصاار صعب اني اسنتر على النت زي اوول..

dew مااقصرتي على الرد والله الله لاايخليني منتس ياامخلصه..

احلى ضحكه.. هلاا والله فيتس بينا اتمنى نشووفتس داائما هنا..

ابلاا ارااده.. انتي عااد لو مااشفت ردتس قبضنا عليتس لعدم اهتماامتس بالرعيه.. هخهخه..الف شكر لحظوورتس الرااقي داائما هناا ياا ابلا.

زارا .. وهـ بس.. لولا الله ثم انتي ونشبتس وصدعتس كـــــــــــــــــــــــل هالعالم اللي هنا ماا قروا الخطواات ولاا استمتعوا في ابدااع ادبي رااقي... كل الشكر لتس.. هع هع ..