,
,

بعد مرور سنه ونص على الاحدااث .. وصااار فيــه تطورات كثيره على حياتهـــم ... عيشتهــــم .... جديده على البعـــض والبعض الاخــــــر .... طلال وغرااام صااار عندهم بنووته صغييرونه سموهـــا تالا .... ويزيد وجواري ولدهم السبع خالد ... نسخ بالكربون من ابووه حتى تصرفاااته الشيطانيه كاان عمره سنه وشهرين ... كان اكبر من بنت طلال اللي توها تسع شهور ... جواري حملت قبل غرااام ....


ام يزيد : يالله يمــــه بسسرعه الله يعااافيك بنتأخــــر

زياااد: اووهوو علينا يمه هذااني جاااااي ترى بيت جدي مارح يطييير واللـــه

ام يزيد بعصبيه : والله الكل مجتمع والكل متونس يعني لازم حنا اخر نااس في أي شي .... الله يصبرني لين تطس عن تسبدي صدق نااشبن لي

زياااد : افااا بس يمه هذاا وانا الكبير الحين وصاااير خااال وبصيير عم وتقولين كذا

ام يزيد ابتسمت ( والله ياامسرع الدنياا امس كان هالبيت يشع بالحيااه واليوم تجدد بوجود خالد اللي صاار محض اهتماااام من الكل بصفته فرد جديد بالعايله ... فعلا الدنيا تتغيـــر ....




في البيـــت العــــود .... كاااان البيت يرررج من الازعاااج .. والنااس ... والدنيـــااا

الجده : يمه ولع جيبي القهوه الله لا يهينك

ولع وقفت بطفش : ان شااء الله يمه .... ورااحت للمطبخ ماغير ولع حطي وولع جيبي وولع وولع وولع اووف ما يطفشووون .... سمعت ازعااج براا طلعت للحديقه الخلفيييه ماشااء الله وين قااعده انا بملاهي وش هالزحمه


الجوري جالسه عند المراجيح هي ودلع اللي كرشتها بدت تبان .... ويسولفوون وخلود يلعب مع تالا وكل شوي وهو مبكيها ....

غرور ترووح وتجي وهي تكلم وليد بالجوال وداااخله جو معـــه .. ما بعد اعرسوا

سرور جااالسسسه وسررحااانه ولاهي بيمهم .... للحيـن ماجاها النصيـــب


وولــع وقفت وبصراااااخ : اسكتووووا وجع صدعتوا راااسي انتوا وبزرانكم

دلع : اقوول انقلعي بس شوفي طلباتهم حاسدتنا ع الونااسه

الجوري : ايه والله غيراانه هههههههه

ولــع : الحمد لله والشكر على وشوو اغاار ياارب لك الحمد بس

جاهم محمد : هاا دلووعتي شلونها اليوووم

ولع : وانت من يوم ما عرفتك وانت ما عندك الا هالعبااره البنت كبررت وبتعجز وانت دلوعتي ودلووعتي

محمــد راح جلس جنب دلع : وانتي وش اللي حاارق رزك يعني كل هذا عشان ما عزمنا فيصل ترى مابقى شي على عرسك استاانسي

ولع نااظرته بعصبيه ودخلت عنهم

محمد وقف ويا دلـــع يتمشوون شوووي ...

دلــع وهي حاطه راسها على كتفه : تًـصــدق محمد

محمـد وهو لامها : ايييه اصـــدق .. وشوو !!

دلع : احس اني حملت بسرعه ما تلاحظ انت بعد تو عرسنا ما مر عليه سنه وانا كرشتي قدامي

محمد : هههههههههههههههههههههههههههههه والله من العجله بسس ما عليك دام حنا راضيين

دلع بفررح: حموودي ششف يتحررك بطني احس فيه شي والله

محمد ماات ضحك : ههههههههههههههههههههه مو فيه جنين دااخل ولا انا غلطااان قاالت احس فيه شي

دلع : لاا والله ششف ششف حط يدك ولا اقولك حط اذنك كلمه تراه يسمع

محمد يناظرها : وشوو انهبلتي بس وش عليييه (نزل على ركبته وحط راسه على بطنها وقااعد يتكلم بطريقه مضكحه ودلع تضحك عليه ) كاانووا مررره متونسييين ولايقين على بعــــض صح زواجهم وتسميتهم لبعض كانت من ورا الاهل بس ما غلطوا يوم جمعوهم .... ودلع اللي كانت فرحانه اكثر ان محمد صاار من نصيبهـــا ... صح حال سعود كاسر خاطرهـــا ... لكن يمكن لو خذت سعود ما حست بالفرحه اللي تحس فيها الحين ....


.
.


حلا طلعت من جهه الرجااال ومااسكه ترركي بيدهاااا وتسسحبه

تركي : هااا وش فييك بعد زعلانه ولا تبيني ارااضيك

حلا مشت فيه ليين رااحوا لمكااان شبه خالي ... ووقفت قداامه وتكتفت ومدت بوزها : ايييه ابيك ترااضيني انتي صااير ابو لسانين وانا ما استحمل

تركي خق على شكلها : فديت الزعلانين انا .. امممم طيب شلووون ارااضيك هالمرره

حلا نااظرت فيه ورفعت حاااجب ... شاافته مااسك ضحكته قرربت منه بسسرعه وهو ترااجع يوووم صاارت قريبه منه مسكته مع خصررره وعينها بعينه : حتى بهذي تبيني اعلمك طيب احببببك تروووكي ووحضنتــه بقووووه

تركي قلبه كااان يدق بقوووه على حركتهااا هالبنت بتجنني بتجنني اعشقهاا ياناااااس : والله محد بيطير عقلي غيييرك فديييييييت قلبك اناا .. متى بعرررررس بسسس

حلا : هههههههههههههههه ليش العجله هو بقى شي

تررركي : اسبوووووعين كنهااااا سنتين لاااا وش سنتين الا قررنييين وبحركاتك هذي الله يصبررررني

حلا بعدت عنه : يالله بس عطيتك وجه المفروض ما اشوف خشتك بس تعرف قلبي حنين ورحمتك

تركي : هههههههههههههههههاااااي رحمتيني ولا اشتقتي لبو عيوون عسليييه

حلا : يالبيييه بس ابو عيوون عسليه هههههههههههه يالله سي يوو ...


بمجلس الرجاال .... العياال كالعاااده يلعبووون بلووووت وسعوود عند التي في .....

زياااد دخل عليهم : يزيد قم شف ولدك مأذينا ما كفانا الابوو جا الولد بعد

يزيد : فديت خاااالد بس مو انت عمه رح العب معه ... ولا رح جيبه وحشني .. ولا اقووولك ( وقااام ) انا اللي بقووم له .

زيااد جلس على الكنبه وهو فرحان : يااسبحااان الله كيف صررت عم وبيصير لي كلمه بعد ما كنت اتلطش من فلان وعلان .... لا وبعد كم شهر واصير خااال والله وكبرررت يااحبنيلي

طلال : اقوول لا يكثر انت ووجهك علبالك انك للحين بزر تراااك بتطق الـ19 مع وجهك

سعــود : هههههههه انا والله اللي بطق الثلاثين ولا اعرست ولا شي .. والاثنين اللي يونسووني بعد بيعرسووون ... اللــه يالدنياااا

زياااد راح عند ولد عمه : يااارجااال ازهله وانا ولد عمك خلنا كذا عزابيه وش زيننا خلي الغثااا لهم وانا اخووك

سعوود : هههههههههههااااااااي ماشاء الله من متى زيااد هالكلااام وين تعلمته

زيااااد : اقووول الخلا بس شرهتك على اللي يحكي معك ارووح لتلولتي احسن لي

طلال : خيييير على ويين ما سمعت عد بالله

زياد : وشوو برووح لبنت بنت عمي فيها شي ... ولا عشاانها بنتك بتذلنااا

الا ترركي داخل وبيده تالا : هاااا تبي هذي دلووعه ابووها ياا حبيلها ششف شلوون تضحكلي ... شف وربي انها تضحك

طلال : ياابعد دنيتي واللــه طالعه تطييير العقـل على امهـــا

زيااد ينااظرها : والله لا بأس بها طلوول وشراايك ابتزوجها واربيهااا ينفع صح

طلال : اقوول طيير بس هالملاااك تاااخذك انت يالاقشر من زينك مع هالخشه

ترركي لاهي معهاااا : بذمتك طلال وش تشبهني فيييييه بذمتك ملاااحظ

سعووود ينااظرهم ويضحك .. الله يدووم هالفرحه عليهم

طلال : هالعيوون ما جت من فراااغ

تركي بغرور : والله بكرررا بتشكررررني ان عيونها طلعت نفس عيوووني وتشوووف حتى يقولون لها من ابوووك ... مسيكينه تعرف عشاان ما تتفشل تقوول اناا ههههههههههههههههه بيطيح كرتك ياا طلال فدييييت هالعيووون العسسليييه

طلال : الا بتكره السااعه اللي جت فيها اذا عرفت ان عندها خاال زيييك هع

دخل الجد ووراه محمد يوم شاافهم وشااف المجلس والحووسه : ياشيخ استح على وجهك انت ويااااه بالله ذا مجلس ولا مزبله وش هالاورااق وهالعلب المحذفه .. لا ارتحناااا يوم انكم عزاابيه وحتى وانتم معرسيييين قالبين الدنياااا

ومحمد من ورا : ايه والله قولهم يا جدي من اليوم وانا احاكيهم بس ما يسمعون لي

زياااد : اقووول عن النصب اشوا انك ما فتحت فمك

سعود : ايه والله كل شوي وهو عند الحريم اللي ما يستحي

طلال : هاااه جدي الحين من اللي يتهزأ حنا ولا هو

محمد انقلب وجهه : امي تناديني وطلع عنهم بسسرعه

الجد : الله يهديكم بس يالله نظفوا الحين بيجون رجاجيل بسسرعه ...


..
.
.
.

عند الحريم داخل ... الجده تسولف عليهم كعادتها ....

الجده : وانتي يا ام محمد ما تركتي هجولتس اللي ما منها سنع

ام محمد : وانت وش عليك يمه .. انا اللي بتعب

ام عبد الرحمن : هههههه ما تعرفينها تبي مصلحتك

الجده : وانا صادزه عيالتس اعرسوا وانتي ما تتتعبين ... وش هالجسم اللي ما يتعب

ام يزيد تناظر ام محمد اللي متغيضه : ما عليك .. سواليف لا تشيلين بخاطرك

الجده . من يوم رجعوا يتجمعون ببيتها وهي ما غير تناقر ام محمد .... وحاطه دوبها ودوب هالحريم ...

اما فووووق بالصااله البنااات مجتمعييين ... غرووور راحت تاخذلها غفووه تعبااانه من الصبح قاايمه وسروور معها خالد وفهد ووعد بالحديقه تلعبهم << مووتها البزاارييين ... اما ....



ولــــع تكلم : ااااااااه بس وش اقووولك وحشني وحشني وحشني

جنى : هههههههههههههههههههههه تعال يا فصوول واسمع وش تقوول

ولع : اقووول بالله كانه عندك نااديه من زماااان ما سمعت صووته

جنى : ايه هو تحت والله لو يدري اني احاكيك صفقني ... بس تعرفيين هالفتره لازم تبعدون شووي يعني تتجهزون للعرس

ولع : وقسسم بالله من يوومك نذله ياالله طسسسي وسلمي عليه وبوسيلي خالتي

جني : قصدك ابووسه واسلم على خالتك ولا يهمك يالله باااي

دلع : هههههههه حمااارااا ... يالله باااي .. وسكرت منهااااا


حلا وهي تقشم الحب : اقووول ولع وش شعوورك وعرررسك معي بنفس اليوووم

دلع : والله يااخوووفي يشردوون المعاازيم عااد حلا وولع ... عز الله شبت القاااعه

حلا : اقووول انتي انطمي لا افقع وجهك

دلال : وهي الصااادقه حنا كذا ويالله الخرااج منكم .. وعرس بنفس اليووم كاارثه

الجووري وبدوور نايم على رجلها : ما عليكم اهم شي انهم بيفكوونا بنرتااح منهم فترره وهذا اللي مونسني

ولع : نعنبوا ابليسسكم قاعدين على روسكم حناااا

حلا : ما عليك منهم مقهورين والله من لحره اللي فييهم .. الا غريم وينها اليووم مالها حس لا هي ولا دووده < قصدها وداد

دلال : والله هالفاضياات رايحين السوووق .. مسكينه هالوداد والله انها باليالله تمشي تعرفون بالشهور الاخيره بس هالغرااام

الجوري : هههههههههههههههه وانا اقووول ورااه عبد الرحمن راايحن معهم اثرره خاايف على المدام

دلع : انا بس بعررف اسم الله عليها بنت عمي حتى يوم انها حاامل شفتوا شلوون وفجأه الكل ضحك ....

حلا وهي تمسح دموعها : ههههههههههههههههه بناات ههههههههههه تذكرون يووم يووم هههههههههههههههه

ولع : ههههههههههههههههههههههه وربي خبله هالبنت اما طلال شكلـــه نم الرووعه

دلال : يوووووه وش صااار حمستوووووني

حلااا : ورربي مهبوووووله ... دلوووول مررره هههههه رحنا للحديقه كلنا يووم غراام حاامل

الجووري تبسمت يوم تذكرت المووقف : الخبله ما خلت لعبه الا وركبتهااا ووراها طلال

دلع : هههههههههههههههههه كان فيه نطيطه للبزارين ... طلعت فيها وطلووول ياابنت الحلال انززلي البيبي ... ياا حبيبتي هدي

حلا : وهي مصمله الا تنقززز وهذا وراها شووي ويبكي ..

ولع : بس اشوا ان بنتهم ما فيه الا العافيه احس انها لمن تكبر شووي بيصير فيها لفه ...

دلاال : هههههههههههه والله مو منها من امها ذا المستلجه .... ما علينااا خلينا ننزل تحت بس احس جدتي شوي وتعصب علينا

حلا نقزت عند التلفزيوون : لا حبيبتي روحووا انتواا انا بجلس هنااا مالي خلق حطي وشيلي وصبي وما الى ذلك

ولع تقوم لها : اونتي الصاادقه من اليوم وحنا نشيل ونحطط وانتوا عماااتي مسنترين بالحديقه روحوو حسوا شوي بمعاناتنااا

دلال : اااااااااخ بس من بناات عمااااني ويينك ياا سعد تشووووف البنااااات وجع ان شااء الله

دلع : الا صح متى بتطسين ومتى بيجي رجلتس

دلال : ليش حبيبتي قاعده فوق رااسك ... سعوودي بيجي بعد اسبووعين على عرس هالمهبل يالله امشي معي انتي والجوري ... بناات اخررر زمن .... ونزلوا تحت


ــــــــــــــــــــــــــــــــــــــــــــــــــ ــــــ

.
.
.
.


نهــاايــــه الروايـــــــه


بعد اربع سنوااااات كااانت حياااتهم من احلى ما يكوووون ... وصااارت فيه تطورااات كثيـــره .... واحدااااث .. ارووع


.
.
يزيد والجوري ,, باقي على حبهم اللي كل يوم يزوود .. ويكبر ... خالد اللي صار عمره خمس سنوات ... دخلوا التمهيدي وبالمررره شقي بس فطييين مونسهم ع الاخرررر ومأذي اخته سـاااره اللي عمرها سنتين تقريباا وساكنين في بيت ابو يزيد ... اللي اخيرااا قرر يجلس مع عياله واحفااده ويداريهم مع ام يزيد


طلال وغراام ... بعد زواجهم تذوقوا طعم الحب الحقيقي ... وسعادتهم ما تنوصف وهم يشوفون عياالهم يكبرون قدامهم ... او بالاصح نتيجه الحب والعشرره اللي بينهـم ... تالا مع انها اصغر من خالد لكن دخلت معه وطبعا على طوول ويااااه وهو محاامي الدفااع حقهااا ما يرضى عليها بشي كاانواا على الرغم من شطانه خالد الا انهم قريبين من بعض بالحييل < شكلهم بيسوون قصه حب جديده خخخخ
طبعا كانت حنونه على خواتها الثنتين التوأم اللي اعمارهم ما تجاوزت السنتين ...
)) ريم & ديـم ((


اما دلع ومحمــد ... كل يوم تحبه وتتعلق فيـــه اكثـرر ... زواجها ما عاق دراستها اللي كملتها بدعم من محمد لكن ما فكرت تشتغل بيتها وزوجها اهم من هذا كلـــه .. ولدت وجااابت ولــد شبيه بالاثنين ملامح امه وجمال عيوون ابووه وسموه نواف

وليد وغرور ... بدأوا يتأقلموون على بعضهم ... ويتعلقون اكثر في بعض .... للحيـــن ما عندهم عياال .. طبعا وليد ساكن في بيت خالته ام سعود .. بطلب من سعود عشان البيت لا يفضى عليه .... وليد ما نسى سعد صديقـه اللي كانت كل زيااره تزيد تعلقهم اكثر في بعض ... ولا يهون انس اللي ساافر للخارج للدراسه وتكوين نفسه لكن علاقته للحين مع وليد قاائمه

ام محمد وابو محمد مشااكلهم خفت مع بعض .. بعد ما طلق زوجته االاجنبيه لانها على علاقه مع واحـد ... واخذ بنته تكمل حياتها معهـــم ... ام محمد بدت طلعاتها تخف عن اول ويحن قلبها وهي تشوف عيالها مبسوطين واحفادها يلعبوون ويروحون ويجوون بالبيت لكن للحين قااسيه بس على طيبه


عبـد الرحمــن ووداد .... عايشين بشقه بالشرقيه بحكم شغل عبد الرحمن ... وكل مكان يطلعوله ولا يرحون له خصوصا البحـر .... يتذكرون ذكرياتهم القديمــه لكن هالحين مو لحالهم ,,, رنـا وياهـم .. بنتهـم الوحيده ودلوعتهم ... اللي دايم تزعجهم بتروح لجدانها .... حبها للرياض اكبـر .. لن اهل ابوها ساكنين هناك .. لذلك كل ما سنحت له الفرصه راحوا لهم ....

ولــع وفيصـــل ... ولع ولعت لهم البيـــت .. ضحك ووناسـه مو بس فيصل اللي فرح بارتباطه فيها .. حس ان اهله بعد تعلقوا فيها لان سواليفها وهبالها مالي عليهم البيت ... وان راحت لاهلها يهجد البيـــت ... حتى بعد ما تزوجت ما تركت ولع الاوليه ... للحين ما جاهم عيال ... ومو هامهم هالفتره .. اهم شي انهم مع بعض ....
فيصل زاد حبه لهاااا ولو ما الشغل كان ما ترك البيت ولا لحظه .... حتى تجمعات الكوفي خف عنهاا كثيييير ....

اما بيت ابو عبد الرحمـــن .... رااحت غراام من هناااا وجت حلاااا ... هي بمقاام غرام بالنسبه بالنسبه لخالتها لانها تهاوشوها وتهزأها كنها بنتهاا وحلااااا ابد متقبله الوضـــل وحيااتهااا مع تررركي مافيه احلى منهااا كل ما سنحت له الفررصه لموا شناظهم وراحوا يجددوون شهر العسسل .. ترركي كاان يخااف عليهااا وبالمرره روماانسي كل شوي مفاجئها بشي ولا جايبلها شي وهي نفس الحكاايه بجد كانوا لايقين على بعــض ... هم بلحالهم مسوييه جوا بالبيـت ولا يهون ابو عبد الرحمن اللي مهما كبررر يظل بخفه دمه وضحكه اللي مالي البيت ..... حلااا حااامـل تووهــا بالشهـرر الثاانـي .ومستانسيين عليــــه ... على مين بيطلع امه ولا ابوه عاد لو اخذ منهم الاثنين راح يطلع ملك جماال < على اهلـــــه ربي يخليه لهم ...

امااا سروور على كثر اللي جوها لكن ما حبت تتزوج ... فضلت قعدتها بالبيــت ... بنت عمها مونستها مع انها تحس بفرااغ بعد ما راحوا البنات لكن متقبله الوضـــع ... اخر وااحد تقدم لهـــاا سعـــود ولد عمهــــا .. لكن للحيـــن ما ردوا عليــــه ... هو بعد يبي يرجع بيتهم ويرجع له الحيـااه .. دام كلن راح مابقى غيره ومافيه الا بنت عمــــه .... حتى تجمعات الكوفي ما يصير فيه الا هو ومحمــد صديقهم اللي تملك على بنت عمـــه ونصحه يسوي نفسس الشي ..... وعسى الله توافق .... وبكذا تنتهي روايتنــا واحداث قصتنـــا ......





النهــــــــــاّاّاّيـه



.
.
.

في الختــــــاّاّاّم .... اتمنى هالروايـــــه نالت على استحسااانكم .. واعجبتكــم .... رغم بعض العوارض اللي فيهـــــا ..... لكن سامحوني لانها اول راويه لي ومارح تخلوا من الاخطـــاء .... احب اشكرر كل من قرأها وكل من تابعــهااا ... وكل من تكررم ورد علي ... واتأســــف واعتذر من الكـــل عن الانقطاااع في البارتات ....
الروايــه لامست بعض الاحداث الواقعيـــه وبعضها من نسـج الخيـــال .... وبكل صدق تعبت فيهـا كثيــر ... لان الافكار ما تجي بسهوله .. فاعذروني على أي تقصيـر بدا مني ... واي خطأ او شي ما عجبكم بين سطور الروايـه ...
واخيرا الحين بعد ما نهيتها ارتحت وريحتكم معـــي .... على امل ان القااكم في روايـــه اخرى سواء بهالوقت القريب او بعد فترره ... لكن بإذن اللــه ان الله ارااد كتبت روايه ثانيـــه واتفاادى الاخطاء اللي ارتكبتها في حق هالروايــه ...
ووبـــس حللووني وبيحووونـــي


روايتي التجريبيــه من تأليفي
,
,

(( قلــوبـ(ن) في هـــوى الحــب ذابت ))

بقلـــم : الورعه التي كويسه او المنـــــــال ...



تحيتي القلبيـــــــه





لا اله الا انت سبحانك اني كنت من الظالمين

تسلم ايدك حبيبتي ووفقك الله

رواية رائعه جدا جدا