كاتب الموضوع :
الدلال Q8
المنتدى :
القصص المكتمله
ركبـت السيــاره .. : هلااا والله تأخررت
فيصـل بطفش : لاا ابد ما تأخررتي كالعاااده
جنــى : والله اليوووم مرره وناسه
فيصـل : لااا ونسينــا معك طيـــب ...
جنــى بحمااس : تخيـــل والله في بنات زي العسل ... وقالتله السالفــه كلهـااا ...
فيصـــل : ماشاء الله عليهــم اجل اخلاااق وبناات عز بعد وش عايلتهم
جنى : والله ما ادرري بـس انهم مرره عجبووني خلااص بيصيروون صديقاااتــي ( ومتحمسه ) انت بـس لوو تشووفهم وتعررف اساميهم ابد مو لايقـه هههههههههههههه يا حليلهــم
فيصـــل من الطفش يجاريها : لييش مو لايقــــه ان شااء اللـــه
جنـى تتذكـر :باللـه علييك شخصيه عربجيه بكل المقاييس وش اسمها اتحداااك
فيصل : هههههههههه مزنـــــه
جنى : يوووه لا يااخي اتكلم جــد كلهــم يتكلمون بعشوائيه يعني هذي تذب على هــذي ويضحكون وينكتون واللــه اشكالهم كنهم بناات من الطبقه العاديـــه
فيصــل : ماشااء اللـه وانتي امدااك تحللين شخصياتهم
جنـى : لا تلوومني يااخي مني مصدقــه والله كلهم عسـل بــس اللي اعجبتني حيييل اممم وشسمها ياربييه دلـع اممم لا لا اختهاا ولــــع
فيصــل وقف السياره بقوه ولف عليهـأاا : تتكلمـيــن جــــد اسمها ولــع
جنـى : اييه ياا ادمي خوفتني ولع ودلع وغراام وسرور
فيصـل : طيب وش اسم اخووهاا عندها اخواان شـي
جنـى : وانا وش يدرينــي يالله امشــي لا نتأخررر
فيصـل حررك سيارته : جنى تكفيين ابيك تستفسرين يعني عايلتهم ابوهم وش يشتغل واخوانهم وش اساميهم وكذاا
جنى بمززح : هههههههههه لييش الاخ نااوي يخطـــب
فيصل ( أيــه واللـــه نازي من زمااااان ) : اسكتـي بــس ..
جنى : ايييييه صح تراها تسلم علييك
فيصل فرح : والله جـــد قالتلك سلمي على فيصل
جنى : لا واللــه وهي تعرفك عشاان تقول اسمك ... يووم شافتني اكلمك قالت سلمي عليه طبعاا تمززح لا تصدق نفسك
فيصـل سكـت وهو مستانــــس ... وكملوا طريقهـــ م والافكاار تاخذه وتجيبـــه .. معقوووله الصدف ترمي اختـــه لعندهــــم ... معقوولــــه تصيـر صديقتهــــــم .. اووووه يااجني طحتـــــي على احسسسن الناااااس واللــه ........
ــــــــــــــــــــــــــــــــــــــــــــــــــ ـــــــــ
محمــــد دخــل لغرفـه العمليــااات استغرب من الحـال دااخــل ... مريضتيــن شلــون يقـدر الدكتـور الواحـد يوفــق بينهـــم ... ويين يمديـه يعالج ذي ولا ذي .... اصلا المفروض ما يحطهن مع بعض سمــا باللـــه وراح للمريضـه الاولـــى لان الدكتور عند الثانيــــه .... ياللــه قـد أيــش هالمهمـه صعبـــه ... قــد وشو يتعــب الدكتــور وهـو يحاول بشتــى الطـــرق يعالــج مريضـــه ويخليـــــه بصحــه وعافيــــه .. مهنــه صعبـــــه .. لكن يكفـي انه لاقام مريـض بالسلامـــــه يسمــع منه دعــوه حلـــووه ... يهوون التعــب عند بسمه مريض واهلـــه ... ويهوووون التعب ليا كانت بسمه المريـــض واهلـــه هم اهلــــك .... بعـــد مضـــي كم ساعــه عليــه وهو داخــــــل .. طلـــع بتعـــــب وتقابـل مع الدكتور
الدكتـور : أيـواا شوو عملت بالعمليه شفتك تأخرت
محمـــد : اووف يااخي هالمريضــــه ..الله يشفيها ان شـااء الله والله سالفتها سالفــه الا صح انت وش اسم مريضتك
الدكتور : ههههههههههههه كل المريزتين اسموون حلاا وحده فيوون معها ورم وانا قلت لاهلهاا انو رح نستئصل الرحم والله كريم
محمــد وقــف يستووعـــب : كلهن حـلاا وحده معهاا ورم اللي شفتها مافيها الا العافيـــه .. معقولــه بنت عمــي هـ ي ... لا لا ان شااء اللـــه ورااح للدكتووور دكتوور حسن لوو سمحت حلاا وش عايلتهااا وش مصابهاا
الدكتور : والله ما بعرف بس هيي اجت لعناا وهيا ما عم تحس باللي حواليها وكان معها جوزها وهو ياللي جابها لعنا
محمــد راح عنــه انا رح اتأكد بنفسي اخذ الفايلات حقت المريضتين ودخـل مكتـبه : ان شاااء الله محد فييه شي يااارب .. فتح اول ملـف هـذي اللي معها الورم الله يشفيهـااا هذي اللي لازم نستأصلـه
راا ح للملف الثانـي باسم بنت عمـه فتحــه بخوووف وقلب في صفحاتـــه .. يووم شاف اللي مكتوب اوووووف الدكتور بيضيعنـااا .. وقاام بسسرعـــه للدكتور حسن ...
ــــــــــــــــــــ
.
.
وش هالطفــش بقعد كذا ليـن متــى .. طلعت جوالهـا بتدق على غرام .. لا لا مالي داعي وش اقـولها بعــد ياربييييه وش اسـووي .. دق جوالهــااا يوم شافت الرقم انتفضــت بلعت ريقعها وردت ..
وداد : ا الـ الـــو
عبد الرحمن : يا هـلا وغـلا بالقاطعــه ..؟
وداد : هلا فيك .... كيفك
عبد الرحمن : انا بخيـر بـس عتباان عليييك
وداد يوم شافته يتكلم عادي تطمنت ما وصله خبر : افاا ليــش عتبـان ..
عبد الرحمن : معقوله تجيـن الرياض ولا تقوليـن لـــي
وداد سوت نفسها ما تدري : وشلون عرفــت ..
عبد الرحمـن : ومعقـوله تلعبيـن علي كل هالمـده ولا قلتيلـــي
وداد ما عررفت وش تقــوول ... المده اللي راحت ميب هينــه بالنسبـه لاي احـــد .. اكتفت بالصمـت ...
عبـد الرحمن : يا بنت النااس ليش تعلقيني فيك دامك ماخذه هالامور لعــب لهادرجــه قلوب الناس لعبـه عنـدك .. ع العموم انا ما جيـت اهزء ولا اعاتـب بـس ابقـولك مبـرووك عليك وصلتي للي تبيـه علقتينـي فييك والله قدرتي تستولين على قلب وااحد غبـي مثلي للاســف ياخساااره اللي بيننــا ...( تنهـد بضيــق ) افضل ان كلن يروح بدربــه بلاش نضحك على نفسنـا اكثــر ... توصيـن بشـي ..؟!!
وداد ما قدرت تتحمــل مستحييييل تتخيل نفسها بدونــه مستحييييييل كاانت تبكـي بصمــت وتشاهـــق حس فيهـــا عبد الرحمن .. ضاق صدره لكن اللي سمعــه موب سهـــل ...
عبد الرحمـن : توصيــن بشـــي ...؟؟
وداد : عـ عـببد الرحمن لا تتركنـي .. والله اني ما اسوي بلياك .. وربي اني كنـ كنت صادقه انـا ندمت والله لجل كذا رحت لبيتك لاني ما اقدر اتحمـل اكثـر تكفــى لا تخليني برووحــي
عبد الرحمـن ما يحب يسمع احـد يترجااه : يصيـر خيـر بالاذن .. وسكــر فوجههـــا ..
وداد رمت نفسهــا على السرير وصاحت من قلـب انا استاااهل كاان من البدايه ما وافقت على هالشـي ...
ــــــــــــــــــــــــــــــــــــــــــــــــــ ـــــــ
في الليــــل طلـــع كااشــخ ومر على خويــــــه .. يوم ركــب معـــه ..
محمد : الله الله وش هالكشخـــــه على ويين ياعمي
فيصــل : بروووح ليزيــــد
محمــد : طيب انت رايح ليزيد مو لاختــــه ماله داعــي هذا كله
فيصـل : اصلا يزيد في الشغــــل قالـي روحوا للبيـت انا شوي واجيكم
محمــد : يسلااام بترووح بيت الناااس ومابه رجاال
فيصـل ما علييك بيت اخوووي .. ورااحوا متوجهين لبيت يزيد
ـــــــــــــــــــــــــــــــــــــــــــ
( بيت ام سعود )
الجـــوري : سعود حلاا مافيه عنها اخباار ما كلمك محمـــد
سعـــود : لا ما كلمنــي انتــي امشـي اوديك بيت عمــي بـس واللي يرحم والدينك لا تجيبين سيره خليك طبيعيـــــه وانا بروووح واتطمن عليهــاا
الجـوري : لا ما ابي بـروح معــــك هذي اختي مثل ما هي اختك
سعــود يقوم : امشــي لبيت عمـــي انتي تدرين ان محد يدري عننا ولو ماحد حس فينا اكييد بيعرفون انه صاير شي
الجـوري قامـت معـــه .. كلامــه صــح .. ارووح بيت عمــي والله يسهــل ...
ــــــــــــــــــــــــــــــــــــــــــــــــــ ـــــــ
بيت ابو يزيـد في الصالـه
ولــع : رد على التلفوون من اول يدق ما تسمع
زياد : يعني انتي جنبه ليش ما ترفعين
فهــد : خالــه ارد عليـــه
ولـع : لسى بتستشيرني اكيييد رد يالله
فهـد : الـوو .. خالي يزيييد .. جته وعــــد : ابي اكلم اتيني الثمااااعه ابي حااالي ( ابي اكلم عطيني السماعه ابي خالي )
فهـد : رووحي مافيه انا رفعت قبلك انقلعي
ولــع : اوووووووووووف منكم يالله انقلع انت ويااهااا ولا عااد تجوون انقلعووا وجــــــــــع
فهـد ووعــد خافــواا منهــا دايم تعصب عليهـــم .. طلعــوا لامهـــم اللي قاعده فـوق مع دلـــع ...
ولــع خذت السماعه : نعـــــــــــــــــم
يزيد : ول ول وش هالصرااخ يختي خلي عندك شويه حناان
ولــع : وش تبــي الحيين دااق
يزيــد : انا شوي واجي البيـت اخوياي بيجوون قبلي قولي لاخوك ولا اقولك انتي روحي رتبي الملحق تكفيين وجهزي كل شي وبعدين خلي زياد يستقبلهـــم
ولــع : وان شااء الله قالولك اني اشتغــل عندك
يزيـد : ياربيييه يا ولع بالله عليييك اول مره اطلبك سوي اللي قلتلك عليـــه .. سعد راح ولا موجود
ولــع : طلـــع من زمااان خلاااص يالله شي ثااني بعد
يزيــد : الله يسلم عمرك ما ابي شي يالله سلام
ولــع : باااااي .. وسكرت عنــه راحت للمطبخ : هييه انتي صلحي القهوة وجهزي كل شي الحين اجي اخذه ورااحت للملحــق ترتبـه
غرفه دلع ..,,,,
دلال : لا ينشغــل باالك اكييد مشغول وانتي بعد كل يووم والثاني غاثته يختي اثقلي شوي
دلــع : امممم يختي مدري اذا ما سمعت صوته مدري وش يصير لــي
دلال : ايوووواا قولي كذا بديناا نحــب
جت وعد تصيح : ماما سووفي حالتي الدبه تهاوسني انا ما احبهااا
دلال : يا ربييه من هالولع تحط عقلها بعقل بزاريــن
دلع : بالله عليك اسكتي اختك مدري وش فيها اليوم مشحوونه
وعـد بقهر : انا اقول لحاالي يذيد حليه يدربها ( انا اقول لخالي يزيد خليه يضربها ) ورااحت عنهــم
دلال : هههههههههههههههه يقاله تهدد الحيين تجيني تصييح
دلع بمكـر : الا اشوووف البطن منتفخ والنفسيه زفـت وش السالفـه
دلال توترت : لا ما فيه شي من كثر الاكــل تعرفين الواحد ماعنده شغل كثيير
دلــع حضنتهــا : مبروووووووووووك الف الف مبروووك الله يتمم لك على خيير ياااارب
دلال : خيييير وشو ذا من جدك اناا حاامل
دلع بفرحه : اييه من جدي ترا يبين عليييك لا تخبين انا اختك يعني سررك في بيير
دلال بخوف : انا ما ابي اعلم احد اخااف لا سمح الله ما يتم شي وتخرب فرحتهم
دلع : لا تخاافييين ان شااء بنت زي القمر طالعه علي ولا اوصيك سميها اممممممم ديما ولا اقووولك الحاان مرره خطيير واذا ..
دلال : بس بس بس خليني اعدي الشهور الاولى بعديين خططي وانتي ضامنه انها بنت يمكن ولد
جــت ام يزيد اللي سامعتهــم : ويمكــن تووم لييش لا ( وحضنت بنتها وصاحت ) الله يتمم لك يا بنيتي والله اني فرحت لك
دلال صااحت مع امهــااا .. اماا دلع انسحبت بهدوووووء ما تحب هالاجوااااء ...
ولـــع رتبــت كل شــي الا رن الجررس : اشووا اني خلصت ولا كااان هزئني هاليزيد ( وصارخت ) زيااااااااااد امش افتح الباااب .. .... ما رد عليها ... الكلــب ذا يبي يوهقنـي وانـأ وشلـي .. دخلــت جواا
دلــع : من يرن الجـــرس ليش ما فتحتـــي
ولـع بنفسيـه خايسه : وش رايك بعد اقلطهم واتقهوى معهــم لا ولا اقوولك ادخلهـم الصاله هناا مرره احسـن ( لفت على اخوها ) انت قووم افتح البااب اخويا يزيد هنااا
زيـاد بنفس اسلوبها : طييب انتي روحي جيبي القهووة .. نفسيه زي وجههاا .. وطلع عنهــااا
ــــــــــــــــــــــــــــــــــــــــــــــــــ ــــــ
في المستشفـــى سعــود منصــدم من اللي قاعـــد يسمعـــه .. ولاهـــوب مصــــــدق يحس انه كان عايــش في حلــــم والى الان .. : تقـــوله صادق يا ولـــد العـــــــم
محمـد يبتســـم : والله شكلنا بنفنشــه هالدكتـــوور يجلط الواحـــد
سعـــود : يعني تبي تقنعني ان حلا ما فيهــــا شي
محمـــد يمد له الملف : هذاهـو ملفهــا قدامك حلا ما فيهــا الا انيميــا والظاهــر هذا اللي خلاهــا تحس بدوخــــه وهي الحيـن بـس اللي محتاجتــه دم وان شاء الله بنلاقيلهـــا .. او احد منكم يتبرع لهـا
سعــودمو مستوعب : طيب والورم اللي يقول عليه الدكتور يعني هو كذاااب
محمــد : ههههههههههه يابن الحلال انا وش قاعد اقول من اوول الدكتور لخبط بين المريضتيــن هذي كل السالفــه يعني لولا الله ثمن مراجعتي للملفين كان صـارت علووم
سعـــود من الفرح حب راسه : اللــه يجزاك الجنــه ياا محمـــد والله مدري وش اقووولك اجل الحمد لله ربــي ستـــر يالله انا بروح ابشــر الجوري تلاقيها ذابحه نفسها الحيـــن
محمــد : انتوا ما قلتوا لاحـــد في العايلـــه
سعـــود : لا والله كل شي جا بسرعه ما حبيناا نخووف احـــد ياشييييخ الحمد لله بــس جت على كــذا الحمـد لله .. يالله محمــد انا بروح ابشر الجوري ونشوف لهاا احد يتبرعلهاا خبرك الفصايل موب واحده
محمــد : بـس اتمنــى يكون بأســرع وقـــت تقدرون عليه
سعــود : ان شااء اللــه .. في امان الكريــم
محمــد : مع السلامـــــه ياخـــــوي ... وطلــع عنــــــه ..اما محمـــد انقهــر من برود الدكتور وهو يقول معليش صارت لخبطه عاادي لا تاكل هم .. لا اكل هم هااااه يا انا يا انت يا حسن في هالمستشفـــى ....
ــــــــــــــــــــــــــــــــــــــــــــــــــ ـــــــ
اما الجــوري ما سوت مثل ما وصاها سعود لانها ما قدرت تتحمـــل وقاالت كــل شـي بس ما قالت بيسوون لها عمليـه وشو
ام يزيــد : لا حول ولا قوه الا باللـــه من متى هالكلام
الجــوري : امـس خالتي حلا طاحت علينـاا ووديناها المستشـفى وصار كذا
ولــع : ياا قلبي على بنت عمـــي يممه ابرووح اشووفهـــاا تكفييين يمه
ام يزيــد : كلنا بنرووح بــس خليهـا بكرا نشوف سعود وش يقوول
جاهم زياد : يممه هذا ولدك متى بيشرفنــا طفشت من مقابل وجيههم هذولا
جا سعــود من عند البـاااب : ابد ولا يهمك ياولد العم الحين اقابلهم ولا تزعـــل .. احم احم يااااا ولــــــد
دلال : ادخــــل مابـــه احـــد غررريــــب
دخــل سعود والابتسامــه شاقه الوجـــه لكنها اختفـت من حط عينــه بعيـــن دلــــع نزل راسه :وراح لخالته : السلام عليكم خالتي
ام يزيد : وعليكم السلام والرحمــــه تفضل يا وليدي .. هاااه بشرنا عن حلا
سعـود ناظر الجوري مافيه فايده منهاا هالبنــت : لا ابشرك مافيها الا العافيــــه بــس محتاجـــه دم
الجـوري بوناسه : جـــــد سعوود اختي ما بيسوون لها عمليه بتقووم بالسلامه
سعـــود : أيــه ان شااء الله بتقووم لنـا سالمـــه
الجـــوري استانسـت وااجــد : الله يبشرك بالخيــــر والله
دلـــع : ليــش هي وش معاهــــــا ...؟
سعـــود من غير لا يناظرها : معهـــا انيميـــــاا
دلــع بانفعال : وتقوول مافيها الا العافيه انت تدري هالانيميا الللي مستهين فيهااا ممكن تودي في دااهيـــــه
سعــــود : هذا مو كلامــي هذا كلام الدكتــور محمـــد اللــي هو زوجــــــك << قالهـــا بقهـــر وهو يناظرهـــا
دلـــع ما عرفت وش تقــول سكتت ...
ام يزيد : ومنيـن بتجيبون لهــا دم ينفع حنــا نتبرع يا بوي
سعــود : خالتي لازم نفس الفصيلـه وانتي تعرفيـن ان حلا فصيلتهــا نادره ماكان حد يحمل زيها الا الوالده الله يرحمهـا يعني الحين وين بنلاقـــي
ولـــع وقفت : اممممم يعنــي الحين جا دوري في الابحــاث العائليــــه خلاااص ازهلهاا يا ولد العــــم الحل عندي وانا ام هندي
زيــاد يتطنز : أيـــوه نورينــا بأفكــارك
ولـــع : انت مالك شغـــل خلاااص الدم جاايكم جاايكم بعد يومين بالكثيــر سلملم ... وطلعـــت عنهــــم
ــــــــــــــــــــــــــــــــــــــــــــــــ
|
27-07-08, 08:49 PM
جديد مواضيع قسم القصص المكتمله
العرض العادي
