كاتب الموضوع :
الدلال Q8
المنتدى :
القصص المكتمله
(( في المستشفــــــــــــى – غرفه زياد ))
زيــاد يناظر التلفـزيون بمـلل : اقـــول يا ممرضـه ما عندكم فيديــوو ..
لفـت عليهـا الممرضـه بحقــد كاانت مصريـه كمان عيـل ويتأمــر وعلى ميين عليا انــا : لا حزرتـك ما نتعاملـش
زيـاد يطفشهــا : يعني مسوين مقاطعـه تحسبونه منتج دنماركي هههههههه
الممرضـه وصلت حدهـا لهـا ساعه جالسه معه وهي يحاول يقهرها قربت منه: تســدأ ( تصدق )يا اخ دمـك خفيــف بالمره لو سمحـت سيبني اخلـص شغلــي
زيــاد يبعد يده : اقــول طســي بـس جيبيلـي شي من الكافتيريــا ولا تتأخرين
الممرضــه طيرت عيونهـا : نعم يا خوويه شغالـه باباك انـــا
زيـاد يناظر في ملامحهـا وحط يده على ذقنه كنه يفكر : تقريبــا ً تشبهيـن لها الا ان شغالتنــا امـلح منك بشـوي
الممرضــه : انتا واحد قليـل ادب المفـروض يحطوك في قسـم خااص فيك يــاا ..
زيـاد قاطعهـا : أ أ أ بدينـا بالغلـط الحين كلمـه الحــق زعلــتي منهـا
الممرضـه : يـا اخ انتــا أاعـد ( قاعد ) في مستشفـى فأحتـرم نفسـك واحترم اللي أعديــن (قاعدين )يعالجوك ولا اقـدم شكــوى للمديــر ..
زيــاد : اللـــــــــــه .. وصلـت للشكــوى هههههههههه تصدقيــن تعرفين تخففيـن دمـــك ياليـت لـو تشبريـن الغرفـه وتقلبيـن وجهك احسن لك
الممـرضـه تبي تقهره : تسـدأ ( تصدق ) لمن كنت ما تنطـأش ( تنطق )كونا مرتاحين اوي
زيــاد ناظرهـا بحقد : تـرى لا حطيتس في بالي تروحين في ابووها .. ياللــه روحي نادي الفلبينيه اصـرف .. وقسم اشـوف وجهتس احس اني بستفرغ
الممرضـــه شوي وتبكـي : والله لا اشتكيك عند المووديـر
دخــل محمـد : وش تشتكيــنه انســه سحـر
الممرضـه : لو سمحت دكتـور ممكن تـوأف ( توقف ) هالمريـض عند حــدو بسراحه تجاوز حدودو وانا ما تكلمتـش
محمد ناظر ي زياد اللي ابتسم بخبـث : وش سـويـت .. يا زيــاد
زيــاد :ابـــد طال عمــرك شــوي بهارات شبت علينـا فيفي عبـدو هههههههه
الممرضـه : شايف بيئـول ( بيقول )ايييه .. دوكتر ممكن تتصـرف معاه انـا مئدرشــي ( ما اقدر )امسك حالتــو بعد كده
زيـاد ينسدح: اقوول محمد واللي يرحم والدينك طلعهـا خلني انوووم
طلع محمـد مع الممرضـــه اللي تسب في زيــاد .. لكــن بعد ما قالهــا محمد انه ولـد عمــه وهي تعرف عايلـه محمـد ودهـا الارض تنشق وتبلعهـــا .. يوووووه ياخـوفــي بكرا يجينـي قرار فصلـــي ربناا يصطــــر ..
ــــــــــــــــــــــــــــــــــــــــــــــــ
(( في المقهـى تجمعـوا الشبـاب ))
تركـــي : عيــاال مـــا تلاحظـوون ملل ولا انا يتهيـألي ...
فيصــل : وش راايكــم بسفره من اللي يحبهـا قلبكــم ..
محمــد : بالنسبـــه لــي من الحيين اقـولهــا ما اقـــدر اهلـي حاجزينــي
تركــي : وانـــا بعــــد اهلـــي حاجزينـــي
فيصـل ناظر طلال بسخريه : وانت بعــد اهلـــك
طــلال : يـس شـي اكييد يحجزوون تركي ويتركونـــي تعرف يراعـون المشاعــر ويعدلوون بيننـا ...
فيصـل : وقسم باللــه موب وجـــه سفر انت ويـاه والله لو رحنـا لنـدن قعدنـا كم يـووم نفـل ابوهـاا
طلال : وانت حسبــالك السفـر بـرا سهــل انت ووجهك يكفي التأشيره تأخــذ وقــت ..
محمد يبتســم : انـت نسيــت حـرررف الـــووااووو
تركي بحقـد : يا شينــه من حرررف لو بيدي احذفــه من الحــرووف الهجائيـــه
طلال : الا وينـهم البـاقي عيال عمـك مختفيين من كــم يــووم
فيصـل : دحييم من ذاك اليووم وهو منلحـــس معد نشووفه ويزيد اذا جـا جلـس يوزع ابتسامـــات على وشـو مــدري امــا سعــــوود ذا الادمــي معد يجينـــا وااممممم من بعد وليد بعد مختـفـي
جاهـم وليــد :لا مــن قال هــذانـــي
تركي كشـر : وجــع على الريحـــه اعووذ بالله منـــــه .. وقامــ ـــوا يسلمـــون عليــــه ..
محمد : وينك يا رجــال معــد لك حـــس
وليـــد : والله انشغلنــا وانا اخــوك توني طالع من عند سعوود ابسافـر كمن يــون اغيــر جـــو
تركــي فقلبـه (( والله الساعــه المبــاركه )) : ايييه احسن لك حنا تونا نخطط نسافـــ ر
وليــد : يالله اجــــل استأذن انـــا خويي ينتظرنـي في السيــاره
فيصـــل : توصل بالسـلامه .. ولا تنسـى هديتــــي ولا ترى ابصيييح
وليد يبتسم : ولا يهمــك ما طلبت يالله شبااب مع السلامـــه .. ورااااح
طــلال : قال أيـش انشغلنـا اللي يسمعـه داخل عسكريـه مع خشتــه
محمــد : ههههههههههه تعرف لززوم التكشــخ
ـــــــــــــــــــــــــــــــــــــــــــ
(( في الصاله – بيت ابو يزيــد ))
يزيــد يناظر في ابــوه متـردد يقوله الحيين ولا لأ ...شااف اخواته يتساسرون ويضحكون اكييد يحشوون فينــي هالتبناات .. شااف امــه تشرب قهوتهـا بهدووه والتفلوون فأذنهـا هو فييه غير دلاااااال ..
ابو يزيد قطع عليه تفكيـره : الا ما ودكــم تسافــرون تــرى كلمني عمكم وحنا ما عندنا مانع تسافرون مع العياال
ولع بفرح : ايييييه واللي يعافيك يبـــه متى طيب
ابو يزيـد يناظرها : اممم بعــد اسبـــوع من الحيين او اسبوعين .... ليين تترتب الامــور ولا تخلص السالفـــه ..
يزيــد اقوول وبكيفــه : يبــــه ابــــي اعـــــــ ــــــ ـ ـرس
ابو يزيــد لف على ولده وهـــو عاقد حواجبــه
يزيــد خااف (( بـــس جااااك الموووت يا تااارك الصــلاه )) ..
شوي ابــوه ابتســـــــ م : هــذي الساعــــه المباركــــه والله
يزيد ما صدق : جـــد يبــه تروح تخطبها لــي
ابو يزيــد : من العايلــه ولا بـــرا ..؟
ولع بلقافــه : لا يبــه من العايلــــه الجووري بنت عمي
ابو يزيد : حلــو حلـو انا ما عندي مانــع دامها جوريتنــــا
دلـع بلقاافـه : لا يبـــه مو جوريتنــا .. جوريــه يزيد ونااظرت يزيييد اللي وجهه حمرر
يزيــد : متــى نروح تخطـــب يبــــه ..؟
ابو يزيــد ناظر زوجته تكلم بنتها مستانسـه ولاهي هنــا هي ما مانعــت خصوصا ان محمد له فضل كبير بعد الله في تحسن ولدهــــا ...اممم لازم اضررب عصفورين بحجر دامنـي في الديــره بس الله يستر من ردود الفعــل ..
لــف علـى بنتــه شافهـا تضحك مع اخوانهـا والله ما تهونيـن علـي بـس ما باليـد حيلـه : دلــع حبيبتــي تعالـي الغرفـه ودي اكلمتـس شـوي ..
ولـع شافت اختها المستغربه : ايوا اطلع على حقيقتك يبـــه هاااه ودك تسفرهــاا بس ويين
يزيد : ليش هـي شغالـه يسفرهـــا هع هع
دلــع : اوووص انت وياهـا اكييد بيعطيني نجاحتـــي .. << مسكينه يا دلع على نياتك
طلـع ابو يـزيـــد ووراه بنتــه دلـع وهــي ما تــدري وش القــدر كاتـب لهـــا ..
ــــــــــــــــــــــــــــــــــ
)) بيت ام سعود – غرفه حلا ))
حــلا : هههههههههههه واللـه مو بيــدي يمـه تدرين لو معــي سيااره تحت يدي كــان غثيتك من كثر ما تشوفينـي ..
الجــده : ايييه قصـي علـي بكلمتيــن وانـا مخفـه اصدق على طول
حلا : محشوومـه يمــه .. الا وش اخبـاره عبد العزيـز
الجده استغربت : من عبد العزيـز لا يكــون رجلـــي
حلا : هههههههههههههه ايييه هو بشحمه ولحمه
الجده طارت فيهـا : وي ما تستحيين على وجهتس ولا تحشمين هو جدتس تنادينه بأسمـه
حلا : يووووه يمـه أيــزي وانا حفيدتــس ليش تكبريــن الموضــوع ..
دخلت عليها الجوري : من تكلميــــن خيتـــو ..؟
حــلا : يممممه خوذي الجــوري بتكلمتـــس ..
الجده : ايييه هالقاطعــــه يا زينتـس عندهــا ذي خلااص عادتنا من الامـوات
حــلا : بعد عمــرن طويــل يمــه هذاهـي معــك
الجــــوري خذت السماعه: هــااااي ستــــوو
الجده : بعااااااد قالت وشو ستــو اسمها يمــه محد علمتس يا مـال المرقعـــه
الجوري : جدتـــي عااااد اهم شــي اســــم وراتـس انتـــي كيـذا
الجده : المهم يا بنيتـــي ما علينــا هـا متى بتجــون عندي انا وجدتس .. البيــت بدونكن ما يســوى ..
الجوري : اييييه اييييه يا يمــه احم احم حنــا ملــح العايلــــه خلاص يمــه نجيكـم .. ايييه صح يمكن نســافـر .. ضربتهـا حلا يعني اسكتــي تونا مابعد علمناهم
الجده : وشووو وش سفرته وولد عمتس طايحن في الهوسبتل << جده متطوره هع
الجـوري : لا امــزح يمــه ياللـه شووفي امي تنادينــي اكلمك بعدين طيب يمـه
الجده سكـرت وهي تتحلطــم : بنات ما يستحـن ولا يحشمـن مالت على هالجيل
جاها الجد : وش بلاتــس يا بعد تسبدي
الجده : هن حفيداتك يخلون في الواحد عقـــ ل
شـوي دخل يزيـــد : هـااااااي مــامـي نمبـر تـــووو
الجده تكلم زوجهـا : هااا شفت شلوون وش هاللغه اللي يهذرون بهـا هذا الادمـي نسخه من جويري
يزيــد استانس : ليـهِ يمه متى كلمتيهــا ...؟
الجده : تونـي مسكـره منهــا تقولي هااي هوا ينفـخ كروشكــم قولوا امييــن
يزيــد : وش دعوى يمــه ( ولف على جده ) جـــدي انا بعرس
الجد : والله ياليييت تعرسوون كلكم .. ومتى ناوي
يزيــد : اممم والله انا علمت ابووي وتوه مابعد قال شي
الجده : ومنهــي المقـروده ..؟
يزيد : يمممه عااد وش مقرودته الا امهــا داعيتـن لها (وقال بوناسه ) الجووري بنت عمي
الجده : الله يهنــي سعيــد بسعيــده وقاامت والله رجيلاتي مدري وش فيهن ابروح ارقد
الجــد : أيــه يا يزيـد تعرف الزواج مسؤوليه انت تدري
يزيــد : ايييه جدي انـا مستعد ان شاء الله
الجد : مستعد يعني مجهز البيت والمهـر وطقتـه
يزيــد قام : يعني .. ابوي فيه البركــــه يالله ابــو ابــوي انـا استأذن الحيـــن بروح للشبـاب
الجد : وش ذا الاخــلاق طيب اعزمنــي يا قعيطـي تعرفني توي شبـاب
يزيد : ههههههههههههههه مره ثانيه جدي اذا تجمعــوا الشبيبـــه وطلــع بسسرعه لا يكفــر بـه جـــده ..
الجـد يبتسـم : أيــا اللي ما يستحــي .. بس يا حبني لــه ما ينقطــع عننا الله يوفقـــه ..
ــــــــــــــــــــــــــــــــــــ
(( بيت ابو يزيد – مكتـب سطام ( ابو يزيد ) ))
دلــع سمعـــت ابوهـــا وهــي مصـدومـــه .. تفاجئـت من المــوضــــوع ..خلااص يا دلــع ما باليـــد حيلــــه ..
ابـو يزيـــد : هــا يا بنيتـــي وش قلتـــي ..
دلــع تمسك الدمعه : يبـــه انت ما رح تغصبنــــي صـــح ..؟
ابو يزيد تنهــد : المشكلــه انــه عمــك وانـا ابـوك يعنــي انصحك توافقيــن احســن لك ..
دلــع : حتــى لــو كنــت ما ابـــيه
ابو يزيد سكــت هذا اللي خايف منه رفــض دلـع وهو مو من طبعــه يغصــب احد علـــي شـــي بـس هالمــره غيــــــر : حبيبتـي انتــي فكـري في المــوضوع زيـــن وصلي الاستخـاره ما تــدرين وين الخيــر فيـــه بـس اهم شــي ابـي قرارك يكــون بقناعــه مع مراعـاه مصلحه العايلــه وانـا ابوتـس ..
دلــع : ان شاء اللـه يبــــه .. قاامت عنــه لغرفتهــــا ملجـأهـــا لمخدتهـــا .. دفنــت وجههـا فيهـــا وقامــت تبكـــي .. قهــر .. خـــوف .. تردد .. ما تــدري بـس فضلــت تطلــع اللي فقلبهــــا ..يمكــــن ترتــاح شـــوي تخفف الموضــوع ..
ــــــــــــــــــــــــــــــــــــــــــــ
غــرام تنزل من الدرج بونـاســه : يمممممممه
ام عبد الرحمن ناظرتها : وصمممه وش فيك تصارخيـن احد قالتس انـي صمخه ..
غرام جلست عند امهـا : يمـه وش فيك ترااني مستانسه حـــدي
ام عبد الرحمن : ونسينــا معــك ..؟
غرام : يمــه بكــرا وشـــوو
ام عبد الرحمن : اظــن انـه الاربعــاء كان ما تغيــــر
غرام : امممم طيب بما انــه اربعــاء وش رايك بطلعـــه محترمـــه من اللي يحبهـأ قلبتــــس ..
ام عبد الرحمن : والطلعات اللي نطلعها قليله ادب يعنـــي
غرام : لا يمممه ما قلت كــذا بــس انـأ عندي اقترااح رهييب مرره وش راايك نرووح الثمامه ( وبسسرعه ) لو سمحتي لا تقاطعيني انا واعووذ بالله من كلمه اناا مخططه ومرتبه بس عليتس الموافقه كلمت خالتي ام سعود وما عندها مانع وكلمت خالتي ام يزيد وبعد ما عندها مانع
ام عبد الرحمن قاطعتها : وكلمتي بعد خالتـٍك ام محمــد وابصم لتس بالعشره ما عندها مانع ..
غرام : يوووه يمه ما عليتــس بنرووح بنرووح الله لا يعوقنا بشــر ايييه وكلمت ترووكي بعد وهو بيقــول للعيــال وبعد بنات عمي بكلمهم واتفق معهـم
ام عبد الرحمن : ما شاااء الله لاا تعرفين تخططين اهنيك بجداره بعــد .. نعنبــوو ابليســك ما يهمتس كبيــر نعنبــوتس يمكــن حنـا مشغولين بنطلــع بس من عقلـــتس
غرام قامت : خلااص خلااص ما ابي شي تحبين تكسرين بخاطري
دخـل عبد الرحمن : ما عاااش اللي يكسر بخااطر غروومتي
ام عبد الرحمت عصبت : وشوووو يعني .. تقصدني يا دحيمووه ..؟
عبد الرحمن : لاا يمه انتي ما كسرتي بخاطرهـا انا اقصد يعني اللي يكسر خاطرها
غرام رحت لاخوها : عبد الرحمن تكفـى اقنعهــا بنروح الثمامــه قولهــا قولهــا واللي يسلم قلبك
عبد الرحمن يجلس : هـأ يمه هو تغيير جو فقـط لا غيـــر
ام عبد الرحمن قامت : اهم شي ما تطولون تعرف عندي حساسيه من الغبـره ابروح اتفــق مع خالاتكم
غرام تناظر اخوها وفاتحه عيونها على الاخــر : لا لا لا انا لي سااعه احاايل فيهااا يميين ويساار وهزئتني وانت من كلمتيــن اقتنعت
عبد الرحمن ينفخ نفسه : انـا البكــر وانتي اخر العنقوود فرق في المستوى الثقافي والفني للاقنـــاع
غرام راحت للتلفوون : ايييه طيب اشوا انها جت بالصدفـــه
دقـت على حلا شووي : الووو هلااا بالزيين
غرام : لا اليوووم شكلك مرووقه
حلا : ايييه العله ساافر واااااااو احس اني بتشقق
غرام : اجل مبروووك تو ما نور بيتكم المهم انا ما دقيت عشان اهذر معتس بس اقوولك يمكن بكرا نرووح الثمامه اجهــزي وانا اختس يالله سلملـم
حلا : اللـــــه الوناااسه تتحذف علـي من كل هدب وصوووب
غرام تضحك : هههههههههههه متعووب عليها الكلمتيــن يالله عمري باااي
حلا : ههههههه بـــاي وسكررررت ..
ودقــت على بيــت عمهــــاا ابـو محمد
غـرام : الووووو
غرور : هلا واللـــه ..
غرام : هلا غروور وش اخبارك وش مسويه وش اخبار سرور عساكم بخير وش الدنيـ ..
غرور قاطعتها : الله اكبـر تف تف ماشاء الله عليتـس وش بالعـه انتــي شوي شوي بالرااحــه علـــــي ..
غرام مدت بوزها : مو منــك مع هالخشــه المهــم ما اطوول بس يمكن بكرا نرووح الثمامـــه يعنــي تجهــزي انت واللي عندس
غرور : اهااا بئــا كــده .. طيب ابشوف كان امي ما وافقت جلسنا في البيت
غرام : لا عندي احساس يقول انهـأ رح توافـــــق ياالله طسي
غرور استغربت : وش طسـي انتي بعد مافيه اسلووب
غرا : اييه صح نسيت انك جديده على الشلـــه هذي سلمتس الله كلمات متداوله عندنــا ولها مدلولاتهـا الخااصه بعدين اشرح لتس يالله باااي
غرور : ههههههههه طيب بااي وسكـــرررت
ــــــــــــــــــــــــــــــــــــــــــــــ
{ ! عشقت أنا الآلام
من عشقي أنا حتى الدوا أرده
بودع الأحلام وباب \ الحب والإخلاص بسده
مـافي احد { مرتاح . !
(( في غرفــــــه دلـــ ــ ـــع )) ..
ولــع : هييه انتي وش فيك من يوم ابوي حاكاك وانتي بس تصيحين احد مات لا سمح الله
دلع : ولع واللي يسلمك رووحي عني منب ناقصه سخافتك انتي بعد
ولـع : طيب اعووذ بالله اذا اشتهيتي سخافتي تراني في الشقه اللي جنبك تقدرين تسيرين علي في أي وقت وطلعــت ..
دلــع طنشتهـــا .. ايييييه مافيه الا هــــي خذت جوالهــا ودقت على الرقـــم
دلال بصوت كله نوم : هـــاااا
دلع : دلال ودي اكلمك في موضوع
دلال : يااا دييين الله الحين انتوا مهنتكم تزعجوون النااس في تاالي الليوله ما تعرفون تدقون بدري
دلع ناظرت الساعه كانت 1 ونـص : معليش ما انتبهت بس عندي موضووع ضرووي اكلمك فيه رووحي للصاله
دلال قامت من السرير وشاافت سعد في ساابع نوومه طلعت برا الغرفـه : وهذانا طلعنا من الغرفـــه نعم وش عندك
دلع : طلعتوا انتي معك زوجــك
دلال طفشت : يااصبــر ايووووب دلع بتتكلمين ولا شلـــون
دلع : طيب اسمعيني زيـــن .. اليـــوم ابـــوي ..... وقاالتلها السالفه
دلال طار النووم : والله وصرنا عرووس ياا فرحه امي يووم جابتس اسمعـي لازم تعرفين ان الزواج مسؤوليـــه ... وطبعا المشاكل ملح الحياه الزوجيـه يعنـي
دلع قاطعتها بعصبيه : الشررهه على اللي تكلمــــك انا ابيــك تدورين لي حــل انا ما ابــــي اتزوجـــــــه مووغصب موو غصب ( وصااحت )
دلال تعاطفت مع اختها : يا حبيتي انتي اهدي بس اهدي واسمعينــي .. مهما كانت المشاكل بين ابوي وعمي كبيره ومها سوا عمي وفعل هذا ما منـع انك ما ترتبطين بولده عشان اشياء مالها داعــي انتي استخيري وان شااء الله خير دلع يا قلبي لا تزيـدين النااار حطب برفضـك لــه
دلع تبكي : بس يا دلال انـ ا انـا احب سعووود ولد عمــــي
دلال تفاجئت من هالتصرريح : واللـه .. يعني بتقولين لي انك بترفضين محمد عشان سعوود .. دلع كبري مخــك سعود لو يبيك كان جـا وخطبك انتي طووول الوقت قدامـــه ولا تكلــــم بس محمد شكلــه شاارييك يا دلع فكـري بعقلك وانا اختك خلــي قلبك على جنب فكري زيــن وفي النهاايه انتي اللي بتتزوجين موب حنـــا يعني مو تختارين غلط بعدين تقوليلي انا السبب ترا مالي دخل فيك هذي حيااتك وانتي حره فيها
دلع تسمع كلام اختهـا هو الصــح فعــلا سعود ما فكر فينـي .. انا ليـش احرق دمـــي بس انـا احبـه وهنــا زاااد بكاهـــااا : طيب طيب دلال تسلمين حبيبتي ازعجناك وان شاء الله بفكر صــح يالله اخليك الحين
دلال : اووكي دلووعتنا ..بس أي تطورات في الموضووع مايردك الا رقمي
دلع : ما تقصريــن يالله مع السلامــه وسكرت من اختهــا ... وهي تفكر في كلامهـا فعلا هي صادقه بس ما رح اتسرع رااحت توضت وصلت ركعتيــن وقرت ما تيسـر من القراّن .. ونــــاامت احلــى نومــه لانها ارتاحت ..
ـــــــــــــــــــــــــــــــــــــــــــــــــ
(( اليـــوم الثانـــ ــي السـاعه 1 الظهــر ))
غرام : ياللــه يمه بنتأخــــر على الباقيين
ام عبد الرحمن : اصــلا محد قاام انتي وش فيك طايره احد يرووح البر من الحيين
غرام : هاااه لا تقوليـن الجـو شوفيــه وش زينـه فيييه هوا وفي الليل اكيد بيبرد
عبد الرحمن فتح باب الفيلا : هــا يمــه خلصتـوا تـو كلمنــي يزيـد يقول انهم حركوا
غرام تناظر امهــا : شفتي شلوون وتقولين محد قاام هذاهم طلعـوا
ام عبد الرحمن : يالله يالله اطلعـي وينــه تركـــي لا يكون نايم
عبد الرحمن : خلااص يمه تروك في السيـاره والشغاله حطت الاغراض بعد وطلع ورقه وقلم انتـي عليـك تتبليـن الدجـاج وخلصتي و اممم خالتي سلمى عليهـا اللحـم وان شاء الله تبلتـه و خالتـي مريـم الاشيــاء الباقيه وما ظنتي بتنســى ياللــه عااد لا يرووح الوقت
ام عبد الرحمن : يالله اجـــل سرينـــا
ـــــــــــــــــــــــــــــــــــــــــــــــ
(( السـاعه ثنتيـن الا ربـع وصلــوا الاربـع سيارات طبعا مكانهـم الدائم جووا بعد قصر العويضــه عرفتووه .. مو لازم ))
نزلـت ولـع من السيـاره : ياااا زيــــــــــــــن الهوا الطبيعـــي
ام يزيد : اقول نزلي الاغـراض مع الشغالـه يالله بسرعه
ولـع راحت : وذا الدلع ماشاء الله برينسيسه جالسه في السياره ما قلتولهـا حتى سكـري البــاب ..
نزلـت حـلا وبسسرعه لسيـاره يزيــد : انـا بساعدتــس يا بعــدي ما تهونين علي يعاملونك زي سيتــي
ولــع راحت تسلـم : أيـــيه خلك معها على ما اسلم على خالتي وراحت عنها
حلا : شــف التبنــه رااحت وخلتنــي
جتها سرور : هاااااي حلا
حلا بفرحه : اوووه جيتوا هلا واللـه تعالي ساعدينــي
نزلـوا العيال بعد ما سلموا علـى بعــض وفرشــوا للحريـــم ولبقوا سياراتهم الاربعه بحيث خلوا جلسه الحريم في النــص
جااات غررام بانفعال: هييييييه انتوا وش اللي مسوينه شيلــوا سياراتكم من هنــــا
يزيد جاهـا : وانتي وش علييك حاطينها فوق راسك
غرام : تبوون تحاصرونـا اقوول بــس شيلوها جينا نشم هـوا ولا تكتمون على انفاسنـــا
تركــي سمعها : وهــي الصادقه ليش التعقيد الجلسه شكلها غلط كذا
سعــود : لااا الحين يووم نغطي عليهم لجل محد يشوفهم صارت غلــط
ام يزيــد جاات : وش هذا اللهـم يا كافــي وراكم مسوويين كذا
ام سعود: بالله عليكــم ابعدوهــا من هنــا بسسرعه
ولـع : احسسسن بعــد ناقصيين حنا
سعود بقهر : يمممه يشوفونكم الرجاجيــل ترا البر موب لنا لوحدنــا شوفي العالم وش كثرهــم
تركــي : عاادي هم مو كل يــوم بيشوفونهـــم ابحرك سياره اخووي انـأ وراح عنهـم
سعود بقهر : ذا الادمــي اشك انـه كان عايـش بـرا
بعــد هواش ومنـافخ عدلـــوا جلستهـــم وخلوا السيارات بعيده بناء على طلبات العجايـز جلسوا الحريــم بجهه والعيــال بجهه ثانيــه تبعد عنهــم بخطواات
ام يزيد : يمممه غرور ناولينــي ترمس القهوه
حلا : لا خالتـي هذا نعنـاع الظااهـر
الجــوري : قهووه قهووه انتي وش يدريــك خذي خالتـــي
ام عبد الرحمن تتركـى على المركـا : يا زييين هالجــو زينااه
غرام : اييه الحين يا زينـه من اللي امس كان معيــه على الطلعه
ام سعود : عااد تعرفين ما تطلع بدووننـا لازم نجتمـع
ولع : هههههههههههه الثلاثي المـرح
ام يزيد : الا غرور يا بنيتي ورا ما جات امكم على الاقـل تغير جـــو
غرور : والله مدري عنها تقول تعبانه
سرور : اشــوا انها خلتنـا نجي بعــــد طلوووع الروووح ..
الجوري تناظر دلع : هــا دلوعتنا وش فيها مبوزه
دلــع ناظرتهــا ببروود ولفـت تلعب بالفنجــال حقهــا
حـلا : ياااااه ودي اسووق سيااره
ولــع : لا تلمحيين رح تسوقين عطيني الغجـــر <<(( لغير الناطقين يعني كركديه او كوجراتي )) ..
حلا عطتها الترمــس : ايييه مارح تجي جدتي والله لو تعرف اننا هنــا رحناا وطي
ام سعـوود : وانتي الصادقه اممم نقولهم بس ميين يجيبهم
سرور بتفكيير : خلــي محمد يجيبهــــم
غرام :شلوون يا ذكييه وهو في المستشفــى
سرور قاامــت : انـا اتصـرف اسكتي انتـــي قاامت كلمت محمد
محمــد : والله ودي بس ما اعرف البيت
سرور : بلا ذكاء يعني مايمديك تكلم واحد من العيال
محمــد : طيب طيب يصير خير يالله سلاام وسكر عنهأأ ..
زيـــاد يناظره : من تكلـــم ..؟
محمد : سرور بنت عمك ياا حظهم في الثمامـــه يبوني امر على جداني واجيبهم معي
زيــاد : طيب نروحلهم ويين المشكله نسووي سربرايز ياا زينك وانت مسويلي اجراءات الخرووج
محمد : ههههههههههههه ولد عمي الشكوى للـــه بس انا ما اعرف بيتهم
زياد : فييه احد ما يعرف بيت جده الحمد لله بــس
محمد : وش اســـوي يااخـي ماقد شفتــه
زيـاد يضرب صدره : افــاا علييك وانا ولد ابــوي امش طوالـي بعد الاشـاره وانا اعلمــــك
محمــد مستانس بالحيل ان زيااد رجع مثل اول وصاار قرريب من مـــرررة حتى محمد نفســه يحس انه يكلم واحد بعمـــره مو كنه 15 سنـه : والله يا زيــاد انك حبيب وتستاهل كل خيــر يااخي حبيتك تدري
زياد يبتسم : وانت بعد لولا الله ثمن انت ولا انا في عداد الامـوات الحيين تصدق محمــد وش اتمنـــى ..
محمـــد : وشــوو ترى يلقبوني بالمصباح السحري يعني احقق امنياتك
زياد : ههههههههههههه طيب اتمنى انك تتزوج اختي اممم دلووعه لاني كل ما اناظــر فيــك احس اني اشوفهــا
محمــد انخبــص وتغير لونه وبابتسامه : ان شاء الله تتحقق امنياتـــك
زياد ناظر الدريشه : ان شـــاء اللــــه .. هذااهوو هذااهووو بيت جدي .. وقف على جنب ...
>>> يتبــــع
|
09-07-08, 10:46 PM
جديد مواضيع قسم القصص المكتمله
العرض العادي
