بسم الله الرحمن الرحيم


الجزء السادس والاربعون..
----------------------------
اليوم: السبت..
المكان: شقة ناصر..
الوقت: الرابعه والنصف مساءا..
-----------------------------
(سيف)…

ردة فعلي الاولية على احتظان مهرة لي وصياحها كانت الضحك….
لكن بعد مامرت دقيقتين وهي على هالحال ..متشبصه فيني وتصيح…
بديت احس انه فيها شي…
في النهاية هذي اختي… امي الثانيه… اقرب لي من روحي… واعرفها زين.!..
ماحاولت ابعدها عني دامها شافت حظني مريح لها وماتبا تفج…
عقدت حياتي…وصاصرتها…
سيف: مهرووه شفيج؟!..
لكن مهرة استمرت بالصياح…
التفت لناصر…شفت ويهه غريب…
معقد حياته ويطالع مهرة.. ومتظايق…
ليش متظايق؟ لايكون يغار الاخ؟!… مادري وانا اشوفه احين حسيت به "متملك"…
لكني استهديت بالله وابتسمت لويهه…اشرت له بايدي..
سيف: شفيها؟!…
ابتسم ناصر ابتسامه مب صادقة…
ناصر: متولهه عليك اكيد..
ابتسمت انا بوناسه…وهالمره ابعدت مهرة عني عشان اطالع فويهها…
مهرة كان ويهها محمر… وتعبان..عيونها ذبلانه…يمكن من الحمى…!
مسحت دموعها بكم قميصها….
سيف: صدق مهرة متولهه عليه؟!…
رفعت مهرة نظرها لي…تاملت فيني وابتسمت…
مهرة: ولهانه عليك وايد والله… متى يييت؟!
سيف: توني.. خبرني ناصر انج مريضه..وييت اطمن عليج…
التفتت مهرة لناصر اطالعه…. وطولت وهي اطالعه…
سيف: اييه…
التفتت مهرة بسرعه..
مهرة: ها حبيبي…
سيف: شفيج تـنـّــحتي بويه ريلج جي..!!
مهرة: ماشي… شحاله ابويه..وشحالهم كلهم؟!..
بطرف عيني لاحظت ان ناصر قعد عالكرسي بعد ماكان واقف…وقعد يراقبنا بهدوء..
سيف: كلهم بخير وسهاله ويتخبرون عنج..سهيل امس سوالنا حشره لانج ما اتصلتي…
هني ادخل ناصر وقال…
ناصر: لاتزيدها سيف قلنالك انشغلت لازم تحرجها يعني..!!
ناصر كان مبتسم…لكن يوم التفتت له مهرة مره ثانيه اطالعه… اطالعها هو بعد ..اختفت ابتسامته وعظ على شفايفه وسكت…
حسيت ان التوتر والع بينهم….اوكي قلنا معاريس بس مب جي عاد المفروض تكون بينهم شويه الفه…
تنهدت مهرة وردت تلتفت لي…
حاولت تبتسم …لكني اعرفها زين… ابتسامتها مب من الخاطر….
مهرة: ماعليه السموحه.. ان شاء الله مابقطعكم بتصل كل يوم ..بس مثل ماقال…ناصر..شوي انشغلت…
هني ابتسم ناصر وقام…حط ايده على مسند الكرسي ورا ظهر مهرة واطالعني..
ناصر: شو تشرب سيف؟!
سيف: لا مشكور ماشي…
ناصر: لازم عاد….اييبلك عصير؟
سيف: زين..مشكور..
التفت ناصر لمهرة وقال..
ناصر: اييبلج شي عيوني؟!..
مهرة هني ما التفتت لناصر… لكنها نزلت عيونها لحظنها وهزت راسها بالنفي…
انصرف ناصر للمطبخ…
اما انا التفت لمهرة..وحطيت ايدي على يبهتها مره ثانيه..
سيف: تبيني اظربج؟…غبية انتي تتسبحين؟!..
ابتسمت مهرة…
مهرة: والله لو شفت المكان يا سيف محلاه…من زمان ماشفت البحر..تذكر يوم يودوونا ابويه وامايه؟!!…
رجع لي الالم القديم مره ثانيه …كالعاده كل مايذكرون امايه اتالم من ذكراها….
سيف: ما اتذكر… المهم انتي خلي عنج هالسوالف..وقوليلي…
رجعت مهرة تنسدح وتسند راسها على مسند الكرسي وراها بتعب…
مهرة: شو اقولك؟!
سيف: شو شفتي ناصر؟..ارتحتيله؟!…
فجاه سمعت صوت ناصر وراي داخل الصاله..
ناصر: تحقق من وراي؟!!..
سيف: هههههههههه مارمت تطول اكثر من جي؟!..
عطاني ناصر العصير وضحك…
ناصر: لا ماروم اتوله على حرمتي….
سيف: يالله يالله يا انته….
يلس ناصر عالطاوله اللي جدام الكرسي اللي يالسين عليه انا ومهرة.. واطالعها وابتسم…
ناصر: جاوبيه..!
اطالعته مهرة بتوتر وردت تطالعني….
سيف: سمعتيه…يالله جاوبي ماعليج منه…
مهرة: اوهووو خوزوا عني لاه…
وتلحفت اكثر…
سيف: هههههه تستحي اونها….المهم… ليش ماطعتي تروحين العياده وياه؟!
مهرة: لانه مافيني شي؟
سيف: عيل ليش منسدحه هني؟ تدلعين؟!..
مهرة:…………..
سيف: مابتسيرين؟!
مهرة: لاا… سيف..اقعد عندنا…دخيلك..
سيف: وييين ابات انتي بعد خبله..
ناصر: صدقها…البيت بيتك وغرفة الضيوف موجوده…جان تبا حجرتنا بعد بنعطيك اياها…
ردت مهرة تلتفت لناصر باستغراب..
شفيها هذي كل مايقول كلمه صدت صوبه اطالعه؟..جنها مب مصدقه وجوده لين احين..!!..
اختي مع هالريل امرها غريب..!!…
جنهم داسين شي مايبون حد يعرفه…
كل اللي اتمناه ان مهرة تكون فعلا مرتاحه مع هالناصر..!…
---------------------------------
اليوم: السبت..
المكان: شقة ناصر.
الوقت: الخامسة الا خمس دقايق مساءا..
---------------------------------
(مهرة)….

كانت الكلمتين " غرفة الضيوف" وكلمة "حجرتنا"…رسالة واضحه من ناصر لي…
باني اذا خليت اخويه يبات عندنا… بيغصبني اتحمله هو في غرفتي ونتظاهر بانه علاقتنا طبيعه..!
شوف الخسيس..!!..
نكد علي وناستي بشوفه اخوي…
شكثر فرحت يوم شفته….كيف حسيت بانه انقذني…
لكن يوم تدخل ناصر وقال اني متولهه عليه لا اكثر ولا اقل..خرب علي كل شي ورجعني من عالم الاحلام اللي طرت صوبه…
وطحت في عالم الواقع اللي يفرض علي التمثيل باني مستانسه مع ناصر وماشي صاير بينا..عشان انقذ نفسي من ورطه مستقبليه مثل انهم يغصبوني عليه للتستر عالفظيحه ..!..
عشان جي بس جاريته بكلامه…
مع انه صعب علي التمثيل على سيف…
لكن اللي خلاني استغرب…انه هو ناصر اللي خبر سيف بمرضي…!!..
كيف يخاطر؟!… ماخاف اني اخبر؟!..
والا واثق لهالدرجه مني؟!…
مهما كان بكل تصرفاته كريييه كرييييييييييييه….
اما الحين..لازم انقذ نفسي…مستحيل اخلي ناصر يبات عندي…
بالتالي…سيف لازم مايبات عندنا بعد…
التفت له وقلت..
مهرة: انته ماتبا تبات؟
سيف: لا بصراحه مب مخطط لهالشي…ولا يايب ثياب…واهم شي ماريد ازعجكم انا بس ييت اشوفج واتطمن عليج…وارد البيت عقب... لا مبيت ولا غيره..
ابتسمت..
مهرة: فديتك والله… انا بخير لا تحاتيني…شوية حراره وبتخوز عالمسا…
سيف: وايد واثقه…!
ابتسمت له من ورا خاطري..والتفت بعيوني تجاه "زوجي"….
مهرة: ناصر مب مقصر… يعتني بي زين..
ويوم فكرت باللي قلته….ولدهشتي…كان كلامي صحيح…. ناصر سوا اللي يقدر عليه عشان استوي بخير..!
بس انا ماريد اهتمامه..افضل المرض والموت على اني اعيش معاه…
استغفر الله ياربي….
بس انا طحت فمصيبه ماعرف كيف اطلع منها..!!
سيف: ندريبه ناصر مابيقصر…المهم انتي تهتمين بنفسج لانج تعرفين عمرج انج ماتتحملين ومناعتج ظعيفه… اما هو مايدري عنج…
مهرة: ان شاء الله بهتم بنفسي…
التفت سيف تجاه ناصر..
سيف: لاني ادري انهم بيسالوني عن كل شي بالتفصيل...واعرف انهم بيسالوني كيف شقه ناصر وغيره وغيره.... افضل اني اشوفها احين اذا ماعندك مانع...

هني انا توترت.... لكن ابتسامه ناصر الواثقه اكدت لي انه عالج الموضوع بطريقته...وبكتشف بعدين شو سوا..
ناصر: افا عليك ...قم وياي...
حط ناصر ايده على كتوف اخوي وشله معاه وهم يتصاصرون بكلام ماسمعته....
اما انا.. انسدحت اكثر وانا احس بتعب...
غمضت عيني شوي ورديت فتحتها...على مد بصري..في المكتبه... كان هناك ميزان حراره... غرشة ماي..وكوب وعداله بندول محطوطين...!
تنهدت.... ناصر فعلا يحاول يهتم فيني....
ياترى شو وراه.؟ شو يبا مني.؟
الادهى...شو اللي يترياه مني اصلا..!!
ليش يهتم فيني وهو يعرف اني ماريد اهتمامه...!
ليش مصر اني اتم معاه وهو يعرف زين اني ماريده..
ليش يغصبني؟..
شو يتوقع؟..انه الامور تتصلح بمجرد انه خذني؟!..
هالشي مستحيل يصير مستحييييل....
ما اتخيل نفسي معاه وعلاقتنا عادية... مثل سهيل وشيخه...مثل حمد وعفرا..مثل راشد ومنى...

مثل امايه وابويه قبل..!!

مستحيل مستحيل....لازم اشل هالفكره من راسي نهائيا...ومهما بين لي اهتمامه...ارفضه...
واعامله اسوا معامله اقدر عليها...
اللي سواه فيني مب شوي...هالخسيس كان بيظيع شرفي...
والبنت بدون شرفها ماتسوى فلس..!!..
بعد دقيقه رجعوا مره ثانيه وهم يتظاحكون...وقف سيف في نص الصاله...
سيف: فضحتييينا ياختيه....شو بيقول الريال...ليش مخليه حجرتج جي لايثه؟!!..
تميت ساكته مب عارفه شو اقول...
ناصر: برايها ....لا تقول لها شي...
سيف: جي ماقولها....ماتعودت هي جي.. حجرتها دوم مرتبه في البيت.....
مهرة: يوم بستوي بخير وبقوم.. برتبها ان شاء الله....
يلس سيف عند ريولي...
سيف: هيه...خلج حرمه وقد المسؤوليه...
مهرة: هاللي قاصر بعد انته توصيينيي...اشرب عصيرك...
ظحك سيف وابتسمت انا لمجرد شوفتي له مبتسم....
يالله شكثر احبه هالسيف...لو يصيربه شي بموت... اتمناه دايما يكون تحت نظري واراقبه...لكن هالشي مستحيل مع سيف الهــوّام...!
وبطرف عيني شفت ناصر يقعد على كرسي ثاني وحسيت انه يراقبني...
لكني طنشته...
مهرة: سيف لا تقولهم في البيت انه غرفتي لايثه...تستر عليه...
سيف: هههههههههه ولا يهمج..
مهرة: منو يعرف انك ياي عندي؟
سيف: مبارك بس...

مبارك..!!...
تنهدت للذكرى...ليش ماكان مبارك هو ريلي...؟!...يالله كيف الفرق الواضح بين مبارك وناصر...
لو خذت مبارك بكون مستانسه....مب هالعذاب مع ناصر...
لكن مب غصبن على مبارك انه يحبني...
مبارك تربى في مجتمع غربي...وشي طبيعي انه يشوف قريباته مثل خواته....جذي نظامهم الانجليز...
ومحد يقدر يلوم مبارك على طريقه تفكيره وتوجيهه لمشاعره...
لكن ناصر..!!..
وبدون ماحس اتجهت عيوني له...كان هو يطالعني بحذر...ويوم شافني اطالعته ابتسم لي...
لكني صديت عنه بسرعه وقلت لسيف...
مهرة: شو اخباره مبارك؟!
سيف: بخير...صح يسلم عليج وايد...
مهرة: الله يسلمك وياه من الشر..وخالي؟!
سيف: خالج بعد بخير...
مهرة: سلم عليهم وايد..
سيف: يوصل...
خلص سيف عصير وحطه عالطاوله...وقام....
حسيت انه قلبي قام وياه..
وين ساير؟!..
بيخليني اروحي مره ثانيه؟!
المصيبه ماروم اقول له بات.... بضطر اني اتحمل ناصر عندي اذا بات سيف..!!
ناصر: ويين بها؟!..تو الناس..!!
سيف: والله ماروم اطول عندي كم شغله بخصوص التجهيز للسفر وغيره...وانا من قبل مب مخطط ايي لكن تدري عشان مهرة ييت...
مهرة: عنبوو سيف... تعشى ويانا انزين..!!
سيف: ويييييييييينج انتي ووين العشا...توها خمس وربع...
مهرة: بنجدمه انزين بنخليه فطور بدال عشى...
ناصر: هههههههههههههههههههه....اقعد يابوك بتتخبل اختك...
سيف: لا اتخبل ولا شي ..ترتاح وتعين خير ..واخر الاسبوع بنشوفها ان شاء الله....والا غيرتوا الترتيب؟
ناصر: لالا بنيكم ان شاء الله ماغيرنا الترتيب...
سيف: تمام عيل....تامرينا بشي مهرووه.؟!
مهرة: سلامتك....عاد تعالنا دووم مب الا هالمره..!!
سيف: من عيوووني توقعيني افاجئج في أي لحظه...
مهرة: ياريت والله...
سيف: يالله فمان الله...
ناصر: بنزل وياك لين تحت...
بهالكلام...تميت بروحي في الشقة...
لكني ماطولت على هالحال وايد...فريت الفراش بعيد وقمت اترنح لغرفتي...ابا اشوف شو الشي اللي مسونه ناصر وخلى سيف يقتنع بانه نحن ساكنين فغرفه وحده..!
ويوم دخلت غرفتي عرفت السالفه...
كانت اغراض ناصر منتشره في غرفتي...
حسيت باحساس غريب بالخوف والقهر...
اغراضه اقتحمت غرفتي...مثل ماهو اقتحم حياتي...
من دون علم مني... وغصبن علي...وما اكتشف الا بالنهاية..!!!..
كنت واقفه عدال الشبريه...شفت قميصه الاصفر السبورت..له خطوط كحلية عالجوانب ...!
مسكته ورفعته عن شبريتي...
كنت بعدني ماسكتنه يوم فاجئني صوت ناصر...
كان متساند على بابي...متكتف بكبرياء...ويبتسم...
ناصر: واصل جانه عايبنج....مريح في اللبس..
زمّــيت انا شفايفي بغيظ..وعقيت القميص عالارض...
مهرة: شل اغراضك من غرفتي..
اعتدل ناصر فوقفته..وتقرب مني...
ناصر: تدرين...هذي اصلا غرفتي...
ابتسم ناصر لويهي ورفع حواجبه وهو يتريا مني ردة الفعل...
رفعت حواجبي انا بعد بقهر...
مهرة: so..!
قلتها واكتشفت توني بس اني متاثره بمبارك..!!... حتى سيف الفتره الاخيره كان يخلط بالكلام بعد مثل مبارك..!
آآآخ يامبارك...
رجعني صوت ناصر الحار من المكان العالي اللي كنت فيه....
ناصر: ولا شي....بس اباج تقدرين شوي...انا تنازلت عن غرفتي... وعن دوشقي المفضل...وبادلته بذاك اليابس في غرفة الضيوف اللي ماروم ارقد عليه....نقلت اغراضي كلهن لذاك الكبت الصغير...وكناديري كلهن يحتاجن لكوي لانه الكبت صغير ويتجسفن من تحت... حتى برنوصي عطيتج اياه عسب تدفين به... وفي اشياء وايد ماذكرتها.... ماطلب منج شي غير شويه تقدير عاللي اسويه عشانج...

خوفني مظهره المعصب....وطوله اللي يشرف علي....
لكني قويت نفسي....
مهرة: انته احين شو تبا.؟؟!
ناصر: تعامليني باحترام عالاقل...مب بهالمعامله الزفته...
ابتسمت له بسخرية... لكني من داخلي زايغه منه...واللي يدقق في عيوني يعرف هالشي بسهوله..
مهرة: بعدك ماشفت شي...
لكن ابتسامتي اختفت سيده يوم شفت ناصر يرصص عيونه بتهديد...حتى مارمت اسحب نفس...
قال لي بهدوء..
ناصر: مهرووه... لا تتحديني... تراني مكبر عقلي وموسع صدري ومتحمل تصرفاتج..لكني مستعد اصغر عقلي واحطه بعقلج ....
مهرة: شو يعني بتسوي؟!!..
سالته هالسؤال بخوف وانا اتراجع...
ياويلي...شو سويت..تحرشت بوحش..!
احين شو بيسوي فيني

^^^^^^^^^^^

اليوم: السبت..
المكان: شقة ناصر..
الوقت:الخامسة واربعون دقيقه...
------------------------------------
(ناصر)....

صحيح كنت مقهور من تصرفات مهرة الدلوعه.... وصحيح خالجني بعض الشعور بالفرح والارتياح لتكتمها جدام سيف ومجاراتها لي...
لكن اللي حسيت به الحين هو الاستمتاع...
كنت مستمتع بتلاعبي بمشاعرها... مستمتع اني اقدر اخوفها متى مابغيت لكن بارادتي ساكت عنها...
لاني عرفت الاسلوب اللي المفروض امشيها عليه...
البنت هذي يوم تخاف...تسوي أي شي ابغيه...
فكل اللي علي اني اخوفها...
لكن هل فعلا الخوف اساس جيد لعلاقتنا اللي اطمح لها؟!..
بهالشك البسيط...تراجعت عن افكاري...
غلط...تخويف مهرة غلط... صحيح هي بالتخويف تسوي اللي ابغيه...
لكن انا اباها تطمن لي انا اكثر من الناس...مب تخاف مني اكثر من الناس..!!!!..
وعشان جي... غيرت ملامحي وابتسمت لها...
وشفتها وهي تعقد حياتها مستغربه من تغير مزاجي...
مسكت ايد مهرة..حاولت تسحبها لكن كالعاده كنت انا اقوى منها...
ناصر: مابسوي شي.... لاني ادريبج ماتقصدين تصرفاتج حاليا... وانج مب من النوع اللي مايحترم الغير...لكن بسبب اللي صار بينا مب عارفه كيف تعامليني... عشان جي تعامليني بجفاف...
مهرة: فج ايدي... انا اصلا اكرهك واعني كل كلمه اقولها لك وكل تصرف اتصرفه طالع من خاطري... والود ودي اذبحك...
شديت على ايدها اكثر...مثل ماكلامها كان يعور قلبي اضعاف واضعاف...
ناصر: ذبحيني انزين مهرة...شو تتريين؟! ذبحيني...ريحيني وارتاحي مني....
مادري شو اللي شافته مهرة فويهي....وفعيوني...
لكن ويهها اكتسى ملامح الحزن...وبرطمت وسكتت...حتى ايدها ماقامت تسحبها من ايدي...!!
شفت فرده فعلها هذي فرصه...
تميت ماسك ايدها..ويلست عالشبريه ومهرة كانت واقفه جدامي...
ناصر: مهرة انا ادري ان اللي سويته فيج مب شوي.... يوم تهدين...بقولج شو كان فيني يومها وخلاني اسوي جي...انا ماكنت فحالتي... ماكنت افكر...ماكنت احس.... صعب جدا اذا ماكان مستحيل وحده تنسى هالتحرش وتسامح...ادري...لكن يمكن اذا عرفتي الظروف يخف ثقل المشكله هذي شوي... هذا غير اني ريلج احين مهرة... تعرفين شو يعني ريلج؟... يعني انا بالنسبه لج الاهم الحين قبل ابوج قبل خوانج قبل كل اهلج....وانتي بالنسبه لي نفس الشي اذا ماكان اكثر... وبما انج تسترتي على مشكلتنا جدام سيف اليوم.. افهم من هالشي بانج بتتسترين عالمشكله على طول... الطلاق غير وارد مهرة...ماقدر اتخلى عنج خلاص.... وبتم احاول وياج واصبر على كل اللي تسوينه لين ماتتصلح علاقتنا...لو ان شاء الله عشر سنين ...بصبر... مهرة...اطالعيني يوم اكلمج...

طول الوقت كانت مهرة منزله عيونها...ويهها حزين ومشرفه عالصياح.... لكن يوم طلبت منها ترفع عينها...نفذت اوامري...لكن ظهر فعيونها لوم لي ماقدرت اتحمله...حسيت اني نذل وحقير.... تغير صوتي من الهدوء للترجي... ونفس الشي عيوني بدت تترجاها عشان تتفهمني شوي..
ناصر: ماطلب منج غير فرصه وحده....
مهرة: انته ماعطيتني أي فرصه...
عورني قلبي اكثر من كلامها...
ناصر: مهرة... انا فجيتج بالاخير...
مهرة: بعد شو؟!... انته لمستني...وحظنتني...كشفت ويهي..وشعري....وفبيتنا..!!!!!...
غمضت عيوني وتنهدت...
ناصر: انا آسف....آسف مهرة والله اني آسف....
مهرة: شو تفيدني اسف هذي..!!!..
ناصر: خليني اعوضج مهرة...عطيني فرصه...
مهرة: اعطيك الفرصه الحين...طلقني...بتعوضني....
وقفت بسرعه وانا ارفض طلبها هذا باصرار..
ناصر: لا.... قلت لج الطلاق غير وارد....
مهرة: عيل تحمل اللي اييك مني...
ناصر: بتحمل.. انا مابتعب من الصبر....انتي اللي بتتعبين من المقاومه مهرة...
مهرة: مقاومه؟!... ( وظحكت بسخرية)... مقاومه شو..؟!..
ناصر: مقاومه الاهتمام والرعايه والحب اللي اعطيج اياه... هذي مشاعر محد يقدر يرفضها او يقاومها لوقت طويل...مصيرج بترضخين...
مهرة: انا ماريد منك شي لا اهتمام ولا رعايه ولا حب...اباك تبتعد عني...
باندفاع مفاجئ مديت ايديني ومسكت بهم ويه مهرة....
صحيح خافت وحاولت تبتعد... لكن مب لوقت طويل...لانه كلامي هو اللي خلاها تسكت وتهدا...
ناصر: ماقدر ابتعد عنج...ماقدر..خلاص...روحي تعلقت فيج...وكل شي فييني تعلق بج... اذا رحتي عني...بيكون الموت هو مصيري...تفهمين؟... بموت ان خليتيني...مش الحين يامهرة..مش من عقب ماحصلتج مثل ماكنت اتمنى...!..
مرت يمكن دقيقتين...وانا ومهرة نتبادل النظرات على هالحال...
حسيتهم جنهم ساعه..... ذبحتني مهرة هذي...غرقتني...وحسيت انها هي بعد ماقدرت تقاوم التامل بعيوني..عشان تعرف اذا انا صادق بكلامي او لا...
وانا فعلا كنت صادق...
مهرة خلاص انزرعت فيني.... اذا جلعنا هالنبته...تصير التربه بدون فايده...والنبته بعد بدون فايده...
ماقدر اخليها....ولا هي تقدر تخليني....حتى لو كانت تقول عكس هالكلام....
لكنها ماتعرف مصلحتها...وباييها يوم وبتعرف..

تركت ويهها ..وتراجعت شوي.. وانا اراقب الصراع الداير على ويهها...
فجاه تذكرت ميود...وحسيت اني احتاجه الحين... احتاج لمسكه ايدي على صبعي... والاصوات اللي يصدرها...
ابا احس باحتياج شخص لي...
ناصر: انا....انا بسير لساعه او ساعه ونص ...مشوار صغير..وعقبها بسير الصاله العب رياضه...بعدها بشتري عشا وبرجع....تامرين بشي؟
تراجعت مهرة لين ماتساندت عالكبت واخر شي هزت راسها بالنفي...كل هذا وعيونها عالارض...مب طايعه ترفعهن واطالع فويهي...
ياترى شو يدور فبالها؟!!....
تنهدت....
ناصر: تعالي وياي الصاله عشان افحصج...
رفعت مهرة نظرها لي هالمره وهي معصبه...ومستغربه فنفس الوقت...
ناصر: افحص حرارتج....حرارتج مب انتي...
مهرة: بروحي بفحصها...
ناصر: ماتعرفين... يالله جدامي...
مهرة: افففففففففففف...
بالتافف هذا مشت مهرة جدامي للصاله...
هناك فحصت درجه حرارتها... وحصلتها 37,5... نزلت نص درجه....
ناصر: مرت اربع ساعات من خذتي بندول اخر مره؟!..
تاففت مهرة وراحت تنسدح مره ثانيه على كرسيها وتلحفت...
مهرة: ماريد بندول لاعت جبدي منه..
ناصر: انزين مابعطيج بندول...بس ارتاحي...الراحه بتنفعج...يوم رقدتي نزلت درجه الحراره ..وان شاء الله باجر بتكونين بخير...
طنشتني وماردت علي... حطيت ميزان الحراره في المكتبه وشغلت التلفزيون لمهرة... وحطيت عدالها اجهزة التحكم ...
يلست عالطاوله جدام كرسيها وقلت لها...
ناصر: مهرة... انا مابقفل الباب عليج ولا بشل المفتاح وراي.... ابا اتعلم اني اثق فيج... مثل ما اباج تتعلمين الثقة فيني... كنت قبل اقفل عليج واروح عشان اظمن انج ماتشردين او شي...لكني هالمره مابقفل.... بس انتي قفلي من بعدي.... ولا تفتحين لحد ماعداي طبعا...وانا واثق من انج عاقل ومابتخلينا نسوي فظيحه مثل اني اكسر الباب مثلا...!! اوكي؟
مهرة:......................
كانت نظراتها لا مباليه....كانها مش مهتمه بكلامي كله ولا تبا تهتم...
ناصر: فمان الله...
وبعد لا جواب...
ياربي متى بتخلص هالحاله....!!!
فتحت باب الشقه ولاول مره..ما اقفله من بعدي...ورحت عند مايد...اريح نفسي التعبانه معاه...!
------------------------------------------
اليوم: السبت..
المكان: غرفة يوسف..
الوقت: السادسه والنصف مساءا..
-----------------------------------------
(يوسف)....

كنت في سابع نووومه يوم وعاني صياح التيلفون...
قلت فخاطري هذا اكيد خالد... مديت ومسكت تيلفوني ورديت عليه من دون ماشوفه..
يوسف: هااااه..!!
كان صوتي مليان رقاد...ومالي بارظ...
وصلني صوته... ملهوف...ذايب...سايح على بعضه يعني...بكلمه وحده" احــبــــها.."...
بطلت عيوني سيده منصدم...شو هالكلام.!!
خوزت تيلفوني عن اذني واطالعت الشاشه...ابتسمت ورديت احط التيلفون على اذني..
يوسف: ناصر..!!..شفيك...
ناصر: احبها يوسف احبها...
يوسف: هههههههههههههه ادري انزين...شو طاري عليك..!
ناصر: بتخبلبي....
يوسف: هد اعصابك..قالت لي امي انها مريضه اليوم...شو حالها احين؟
تنهد ناصر...
ناصر: اهون شوي...خفت حرارتها...
يوسف: سلامتها ماتشوف شر..
ناصر: الله يسلمك...
يوسف: واحين خبرني شو صار؟!
ناصر: خوها سيف يانا اليوم...عشان يطمن عليها اون..وانا تميت حاط ايدي على قلبي... لكنها ماقالت شي جدامه ياسيف...ماقالت شي... ماتتصور شكثر استانست....صح يطلع منها كلام سممم... بس احسها بدت تتقبلني... عالاقل تسمعني الحين وتنفذ اوامري...
يوسف: الحمد لله... اخبار زينه والله...الله يهديها يابوك وتنسى..
ناصر: هيه مستحيل تنسى... اليوم كنت اكلمها بعد ماسار سيف.. قعدت اتعذر لها مره ثانيه واحاول اني اتفاهم وياها.. قلت لها عطيني فرصه اعوضج قالت لي طلقني بتعوضني...بغيت اموت.... ماتخيل انها بعيد عني عقب ماحصلتها...
يوسف: لاان شا ءالله الله لا يقوله ..ماعليك بتهدا وبتتفاهم ان شاء الله... انته احين وين؟
ناصر: انا توني طالع عن بيت علي كنت عند ميود...
يوسف: هذي ماتسالك وين تسير كل يوم العصر؟!
ناصر: ليييييييييييييتها تسال.... ولا مفتكره...
يوسف: المهم شحاله ميود؟
ناصر: بخير فديته... باجر بوديه المستشفى عشان يفحصون الحساسية اللي فيه...
يوسف: اهااا زين... بس تراك تبالغ بالخوف عالولد...
ناصر: لا تلومني يوسف...مايد طايح قاصر....واخاف عليه من أي شي.... بعدين مابيظره اهتمامي...
يوسف: واحين انته وين ساير؟
ناصر: بصلي المغرب ماباقي شي عن الاذان...وعقب بسير الصالة العب حديد ورياضه...وعقب برد لها...
يوسف: بس ماجنك خليتها وقت طويل بروحها؟!..
ناصر: ماعليها شر..بترقد وبترتاح من صدعتي...الراحه بتفيدها...آآخ بس والله اني احبها يا يوسف...
يوسف: قلنالك من زمان انك تحبها...
ناصر: شو دراك انته انا مادريت الا اليوم يوم قالت لي ابتعد عني بغيت اتخبل..
يوسف: انته ماتشوف شكلك كيف يكون يوم ترمس عنها... كنت مهووس فيها...
تم ناصر ساكت...
يوسف: الوو..
ناصر: هاه..وياك..
يوسف: فشو تفكر؟
ناصر: ماشي...
يوسف: تفكر فيها؟
ناصر: تصدق... جان مارد البيت...
يوسف: ههههههههههههههههههههههههههه شووووه...تولهت عليها عنبووو يا ناصر..
ناصر: مريضه يوسف ماريد اطول عليها وايد...
يوسف: لاخلها شويه ترتاح من ويهك وتفكر بروحها بكل اللي صار بينكم...وانته روح فرررغ شحناتك السالبه والموجبه في الرياضه ماوصيك في البوكسنغ... وعقب ارجع لها هادي...
ناصر: صدقك والله... بروح اصلي عقب بسير اظارب هناك..
يوسف: هههههههههه اوكي...
ناصر: خلاص بخليك احين وانته قم صل هب تنخمد مره ثانيه.....
يوسف: بقوم بقوم... خليت فينا رقاد ثرك...!
ناصر: احسن...يالله فمان الله..
يوسف: فمان الكريم...
سكرت عن ناصر وانا اضحك عليه...مسكين اخويه...حالته عجيبه عقب هالعرس...
الله يسخر له مهرة بس ... ويهدي بالها ويصلح مابينهم...مسكين ناصر مايستاهل....
نشيت عن شبريتي ودخلت اتسبح...
ويوم طلعت وطاحت عيني عالكمبيوتر....ابتسمت وتذكرت كلامي مع كنوه اليوم..
كيف قهرتني وطلعتني عن طوري وهي تسولف عن فلان وعلان...يالله يالله مسكت نفسي من اني اقولها "حبيت من قبل"... بس عشان اقهرها....
لكن يوم فكرت فيها...صحيح انا حبيت وضحه...بس وضحه ماحشمت هالحب والعشره اللي كان بينا...وصلت لدرجه انها دعت على كنه...وصار اللي صار وسوت كنه حادث...ادري قضاء ومقدر ومكتوب لكن هيه الي دعت عليها....واناعمري مابسامحها على هالشي..
عمري مادعيت على خطيبها.... ليش هي تدعي على خطيبتي؟!...
المهم ان وضحه صفحه وانطوت....
وانا اختبرت غيره كنه من قبل علي.... وقالولي انها تمت تصيح بس لمجرد فكره اني اكلم بنت غيرها... وتمت متنكده وزعلانه ومالها مزاج لاي شي...
كيف لواغايظها الحين.؟!.. واناخطيبها..!...بتموت عليه بتيها الجلطه...بسم الله عليها..!
بصراحه ماتهون عليه...العوزها بالغيره... لكن هي تتفنن معاي بهالسوالف...
واللي يساعدني طبيعتي البارده...
لكن البارد ان عصب تراه عصب.... ويبالها كنه تعرف هالشي زين...
وان كثرت الجرعه تراني بكشر عن انيابي...

صليت المغرب... وبدلت ثيابي ونزلت تحت...حصلت ابويه محتشر على امايه...
بو محمد: وشحقه اطرشينه انتي؟!!
ام محمد: يا سلطان الله يهديك مادريت انك تباه ماخبرتني...
بو محمد: احين منو بيودي الدوا...
ام محمد: اصبر شويه واحين بايي ..بيخلص شغله وبايي لا تاكلنا..
يوسف: شو فيكم؟!..
صدوا صوبي كلهم وتموا يطالعوني..عقبها قالت امي..
ام محمد: هذووها ولدك طرشه...
يوسف: وين وين..؟!.
بو محمد: سير ود هالدوا ليدتك...خلص عنها دوا السكر... وامبوني سايرلها الحين...لكن اتصلبي ريال وبيتعشى عندي... ويدتك اليوم ما كلت الدوا وبتتعب...
مسكت الكيس واطالعت ابويه...
مب عارف شعوري بالضبط...
يوسف: هاه؟!..
عقد ابويه حياته وعصب...
بو محمد:.. يااه
ترا ابوي مايحب الهباله والاستهبال...!!..
يوسف: اودي الدوا الحين؟
ام محمد: يقولك يدتك اليوم ماكلت دوا السكري ... لازم توديلها الدوا تباها تتعب علينا..!!
يوسف: همممممممم ان شاء الله... تبون شي بعد؟!
ام محمد: سلامتك فديتك وسلم عليهم...
يوسف: يوصل...
شليت الكيسه وطلعت...
احين كيف... متواعد ويا خالد انا...
اوهووو...
بس ان سرت يمكن اشوف كنوووه....
وافاجئها...
وضحكت... لا حلو....بنسير بيت اليدة شو ورانا..واذا على خلوود... خله يكلم حرمته في التيلفون... اللي لين احين ماعرس عليها ومادري متى بيعرس الحبيب... المهم يتسلى عني شوي...

في بيت عمي.... شفت عنهم سيارتين مب من سيايير البيت.... افففف..مافييني اخطف عالميلس بسير سيده البيت..
اذا سرت الميلس بيمسكوني...
نزلت من السياره ودخلت البيت...
يوسف: هووووووووووووود...
سمعت صوت ريال يقرب بي...بس هذا مش صوت مايد...!!!...
عيل منوه؟!..
توني بدش الا وبخليفه ولد خالتهم فويهي..ومبتسم لي..
هذا شو يسوي هني..؟!...
خليفه: مرحبا الساع...
يوسف: السلام عليكم..
خليفه: وعليكم السلام والرحمه هلا يوسف...
توايهت وياه وتبادلنا السلامات...
خليفه: اقــــــــرب....
رفعت حاجب واحد مستنكر تصرفات خليفه...وايد ماخذ راحته....صحيح خالته ساكنه هنيه ...لكن هذا اصلا بيت يدوه... !!
يوسف: جريب.. منو داخل..
خليفه: محد غريب...تعال..
تبعت خليفه داخل البيت ...ويوم وصلت الصاله شفت حرمه عمي... عويش ولطوف... وكنه..!!!...
شو تسوي حظرتها يالسه وياه؟!!..لا والضحكه مرسومه على ويهها الظاهر كانوا يسولفون ويظحكون...
حسيت بنيران تشب في صدري...
لكني تصنعت الابتسام...
يوسف: السلام عليكم...
الكل: وعليكم السلام والرحمه...
ام مايد: مرحبتين الساع بيوسف...
يوسف: الله يرحب بج على فضله عمتي شحالج؟
كنت واقف بنص الصاله وخليفه وحرمه عمي بعدهم واقفين وياي اما البنات ..وكنه..قعدن...
ام مايد: بخير وسهاله شحالك انته وشحال اهل البيت..!!
يوسف: كلهم بخير وسهاله ويسلمون عليكم... (والتفت صوب البنات وتجاهلت كنه).. شحالكن يابنات؟
عايشه ولطيفه: بخير وسهاله الحمد لله....
يوسف: يدوه وين؟ ماشوفها وياكم..
ام مايد: منسدحه داخل في حجرتها...
عقدت انا حياتي...
يوسف: شي يعورها؟!
ام مايد: لا الا التعب العادي..
يوسف: انا بسير عندها...
ام مايد: البيت بيتك يا يوسف حياك...
يوسف: الله يحييج...استريحوا خذوا راحتكم..(والتفتت عيوني صوب كنه وقلت)...جني ما ييتكم..!
خليتهم ورحت عند يدوووه وانا مقهور من الخاطر من كنه...
احين هذي تصرفات وحده مخطوبه..!!..
تقعد ويا ولد خالتها جنه محد وراها مسؤول...
وهي تعرف انه مايرضيني جذي...
وقايلها من قبل هالكلام..بس ماعليه ياكنه... خلي خليفه ينفعج احين...
دخلت على يدوه وابتسمت يوم شفتها منسدحه ومتلحفه...
تقربت وبستها على راسها....
انتبهت يدووه..
ام سلطان: منووه..؟!..
يوسف: يوسف يدووه....
ام سلطان: هلا فديتك...هلا الغالي...حيالله يوسف...
اعتدلت يدوه وقعدت في شبريتها ومدت ايدها ادور برقعها...
انا شليت البرقع من الطاوله ودسيته...
يوسف: الله يحييج يالغاليه...شو تبين بالبرقع انا ولدج...
ظحكت يدوه وعدلت شيلتها...
ام سلطان: ادريبك الغالي ولديه لكن ماتعودت اجابل بويهي...
يوسف: ماشي برقع يالله.... المهم انتي شحالج؟ ليش منسدحه هني شي يعورج..؟!
ام سلطان: ظاربتني دوره فراسي فديتك ...خلص عني الدوا ومادريت به الا خلاف قلت لابوك....
حزت فخاطري شوي حالة يدوه... ام مايد المفروض تشيك على دوا يدوه..او عالاقل وحده من هالبنات... عنبو كلهن مامنهن فايده..!!.. ولا وحده منهن همها انها تتاكد اذا دوا يدوه خلص والا بعده.؟!

يوسف: ابويه امبونه بييبه لج لكن اتصلبه ريال ومارام ايي..عشان جي طرشني انا...
وعطيتها كيسه الادويه مالت السكر...
ام سلطان: الله يطول بعمره وبعمرك ماتقصرون...
يوسف: افا عليج يدووه انتي عرووسنا...يدووه ليش ماتين تقعدين فبيتنا .؟!
ام سلطان: ماروم اخلي بيتي فديتك...
يوسف: انزين شهر بس...
ام سلطان: وايد شهر...
يوسف: اسبوع...يالله عاد يدوه... والله انه نتوله عليج ونبا نشوفج دوم بس نستحي ني هني عسب البنات نحس بعمارنا غرب وثجال...
ام سلطان: يصير خير ان شاء الله...
يوسف: يدوه شو رايج اشلج باجر... وتقعدين عندنا لين الجمعه... عروس ناصر بتي اخر هالاسبوع ماتبين تسمعينها كم ملاحظه؟!
ام سلطان: ههههههههههههههههههه سلط الله عبليسك....
وقعدت يدوه تظحك عالملاحظه...لانها تحيد عمرها لسانها طويل وحشريه...!!!.. واكيد اذا تجابلت هي ومهرة بتستوي سوالف وعلووم...ونحن جاهزين للطماشه...
يوسف: صدق والله يدوه...خلاص قولي تم ...
ام سلطان: تم ياولد الشيبه...
يوسف: حلووو...عيل بمر عليج باجر وبشلج انتي قولي لوحده من هالبنات تجهز اغراضج...وترا حجرتج في بيتنا موجوده ومسكره ناقصه بس تنورينها انتي...
مسكت ويهي يدوه وحبتني على راسي....
ابتسمت وانا مستغرب من حركتها...بس تاثرت...لاني حسيتها طالعه من خاطرها....
ام سلطان: انته طول عمرك غير عن خوانك.... الله يوفقك ياولدي...
ابتسمت اكثر ومسكت ايد يدوه وحبيتها...
يوسف: ويطول بعمرج ويخليج لنا يا يدووه... تامريني على شي؟ انا تراني متواعد ويا ربيعي وبسير له...
ام سلطان: سلامتك الغالي... سلم على ابوك وامك وخوانك..
يوسف: يوصل ان شاء الله.... فمان الله يدوه...
ام سلطان: الله يحفظك فديتك...
طلعت عن يدووه ...ويوم توني بدخل الصاله تحنحنت.... يوم دخلت كان مازال "العله" موجود... ومازالت كنه موجوده وياهم....يالسه ولا سوت لي حشمه ولا شي....
يوسف: انا بسير عموه تامرون على شي؟
خليفه: وين ماقعدت..!!
يوسف: انته شو اللي مقعدنك..؟!..
طلعت بدون ماروم امسكها...
خليفه: انا اتريا مايد يوصل...
يوسف: ومنو في الميلس؟!
خليفه: محد في الميلس...
يوسف: عيل شفت سيارتين ماعرفهن...
خليفه: البي ام سيارتي...النيسان سياره ربيع مايد ماخذنها عنه لانه ناوي يسير البر هاليومين...
تذكرت ان سيارة مايد صالون وماتصلح للبرور...
يوسف: هييه....زين سلم على مايد...انا بسير مواعد ربيعي بس ييت اوصل ليدوه دواها وبسير...يالله فمان الله...
سلموا علي وبعدها طلعت...
طلعت وانا مقهور ...الا محترق من غيظي...
ماجني اليوم موصنها عن الطلعه جدامهم.... بعد تخالف شووري...انزين ياكنه انزين....
انا اراويج..!
-----------------------------------
اليوم: السبت...
المكان: بيت خلفان..
الوقت: التاسعه مساءا..
-----------------------------------
(شيخه)...

كنا يالسين نتعشى انا وعفرا و آمنه... لانه عمي تعشى من قبل ورقد...وسهيل طالع...اما حمد معزوم...وسيف مب موجود في البيت...
باختصار البيت فاظي علينا نحن الثلاث...
انا نفسي كنت شوي متظايقه وكئيبه ... واحس الشيطان قاعد يوسوس لي بامور...
انا في غنى عنها....
لكني تنهدت وتناسين الوضع اللي انا فيه مع سهيل...
سمعت صوت سياره وكان سيف...
دخل علينا البيت....
سيف: السلام عليكم...
ردينا عليه السلام...
سيف: ماشي عشا لي؟..
آمنه : بلى شي مخلين لكم في المطبخ انته وسهيل...
سيف: ووين سهيل؟!..
شيخه: سهيل طالع بس بيرد يمكن بعد ساعه...
سيف: انزين انا يوعان...
شيخه: بخلي البشكاره تحط لك عشا...
سيف: لالا اقولج...بسير اتسبح اول وابدل ثيابي ويوم بنزل بتعشى...
راح سيف فوق....وخلانا ..ونحن ردينا نتعشى ونسولف ونخطط متى بنروح الخيمه..!!..
يوم رجع سيف وقعد يتعشى....
سيف: تسلم عليكم مهرة...!
التفتنا كلنا صوبه منصدمين...
شيخه: كلمت مهرة وماقلت لنا..!!
سيف: انا رحت لها بوظبي...
آمنه: بعــــــــــد..!!!... متى سرت وليش؟ عنبو فضيحه....
سيف: ماطولت عندهم....سرت اتطمن على مهروه مريضه...
عفرا: مريضه..؟!...متى مرضت وشو فيها...؟!
سيف: اوهووووووووووووووووووو صدق انكن حريم خلني اتعشا...
شيخه: انته اللي ماصخ ماتقول لنا شي بالتفصيل..
سيف: اتصلت بناصر اتطمن على مهرة...وقال لي انها مريضه فيها حمى لانهم ساروا البحر امس والحبيبه تغططت في الماي ودقتها الهوا ومرضت.... سرت اشوفها وييت وتسلم عليكم كلكم...
شيخه: وليش ماخبرتنا قبل ماتسير؟
سيف: وليش اخبركن؟!..
عفرا: المهم شحالها مهرة..؟!
سيف: قلنالكن مريضه..
شيخه: علومها الثانيه تقصد...
سيف: قصدكن بينها هي وريلها؟!
شيخه+عفرا: هيييييييييييييه......
سيف: عنادا فيكن مب قايل....
عفرا: حرام عليك سيف...شو شفتها مستانسه ويا ريلها..!
سيف: هي مستحيه منه وهو مستحي منها والله يعينهم على بعض..ممكن اتعشى احين؟
شيخه: تعشى انزين محد ماسكنك...
فرحتني علوم مهرة رغم اني زعلن لانها مريضه...
لكن دام سيف اقرب الناس لمهرة ماقل انها مب مستانسه او متظايقه او شي..هذا معناته انها فعلا ماشيه امورها مع ناصر..
الحمد لله...لاني ادعيلها في كل صلاه انه الله يهديها وتتقبل هالريل وتعيش معاه حياة طبيعية...
شيخه: حلوه شقتهم؟!..
تافف سيف...
سيف: انا عرفت انكن بتسالن.... شقتهم حلوه ووسيعه... غرفة رئيسية بحمام...وغرفتين ثانيات بينهن حمام واحد وحده مخلينها للضيوف ووحده فاظيه مخلينها للكوي والغسيل وغيره وفيها بلكونه لنشر الثياب...وعندهم مطبخ وصالة وسيعه ومودرن... بس خلاص؟!...
شيخه: ماشاء الله عوده عيل...
سيف: هي نعم وسيعه وحلوه ومرتبه...خلني اتعشى...
ضحكت انا على سيف وردينا نتابع المسلسل...بعد ماراح سيف... وركب فوق لغرفته..دخل سهيل...
كانت الساعه حوالي 11 ساعتها...يوم دخل سهيل..
وكنا انا وعفرا بس سهرانين بما ان حمد بعده ماوصل...
دخل سهيل وسلم علينا...
شيخه: احط لك عشا؟
سهيل: لا ماشتهي بروح ارقد....تصبحون على خير...
راح سهيل وركب فوق.... بدوني..!!!!...
هالحال تكرر الفتره الاخيره كثير...
وانا مب عارفه شو السبب...
لكني حاولت اتجاهل الموضوع...
عفرا: روحي شيخه عند ريلج برايج...
شيخه: واله ريلي مازقرني لو يباني بيزقرني...
عفرا: عاد شافج يالسه وياي يستحي يزقرج...
شيخه: خليه برايه ..هو يبا يرقد شو بسير اسويله انا..!!
عفرا: رقدييييييييه...
شيخه: هههههههههههههه طبيه عنج... علوم الحمل انتي وياج...
عفرا: والله الحمد لله...صح صايره مزاجية بزياده لكن الحمد لله... الاسبوع الياي عندي موعد... وانتي شيخه مافحصتي؟!
شيخه: لا...انا بعدني ماحس انه فيه حمل الحين... وشو علاقتج انتي بحمد الحين ان شاء الله احسن؟
عفرا: احسن بوايد... الحمل ساعدنا شوي بانه نرجع مثل قبل...
شيخه: الحمد لله انا ملاحظه عليكم بعد انكم تحسنتوا وايد ..الله يديم المحبه يابوج...
عفرا: آآمين... مثل مااني لاحظتي انا بعد لاحظت تغيير بينج انتي وسهيل.... عسى ماشر شيخه؟
_________________

ذكر عفرا للموضوع هذا بالذات مثل رش الملح عالجرح...
تميت ساكته مب عارفه شو اقول...لكن في نفس الوقت..كنت بحاجه اني اتكلم واسال.... ليش علاقتي بسهيل تغيرت جي..!!!
عفرا: متظاربين انتوا والا شي؟
شيخه: ياريت لو جي السالفه....
عفرا: عيل ؟
شيخه: عفرا بقولج شي بيني وبينج..!!... انا وسهيل نحب بعض من زمان.... دايما كنا نتغايظ ونسولف يعني من اشوفه لازم يصير شي بينا .... يعني تحسين ان العلاقه نشيطه وحيويه .... بس من عقب ماخذني... تمينا فتره اوكي مع بعض لكن هالفتره الاخيره...احس...علاقتنا استوت فاتره...
عفرا: اهااا...
ماساعدني ردها....
شيخه: ليش ظنج؟!!!...
عفرا: ليش ماتجربين تسالينه وتشوفين شو في خاطره..!!
شيخه: ماسالته لانه مب صاير بينا شي عايشين في روتين يعني....فليش ممكن يكون شي فخاطره؟!
عفرا: ربج بعد ماتعلمين....
شيخه: انا احس انه حبه لي نقص بعد الزواج....
عفرا: شوفي شيخه بقولج شي... حب ماقبل الزواج...يختلف اختلاف كبير عن الحب بعد الزواج... انا اظن انه سهيل مابين الحالتين هذيلا حاليا...
شيخه: شو قصدج؟ ليش انا ماصار لي نفس الشي..!!!
عفرا: انتي تراج حاليا مثله...والا جان رحتي ورا ريلج وشفتي شو في خاطره... ماتدرين يمكن هوبعد يفكر بنفس افكارج حاليا...
شيخه: وشو اسوي؟!.. انتي شفتيه كيف اطالعني ببرود ..من متى سهيل جذي..!!! عنبو انا ماشفته من العصر...
عفرا: شيخه...حطي فبالج ان كل الازواج يمرون بهالحالات الفاتره...وترد بعدين علاقتهم تتحسن...
شيخه: والله مادري بس انا مب عايبني الحال...
عفرا: تكلمي معاه.... خليه ياخذ اجازه وطلعوا كم يوم رباعه...انتوا مول ماتطلعون الا عند امج وتردون...
شيخه: ان شاء الله ...انا مستحيل اسكت على هالوضع احس نفسي بختنق... ما تحمل سهيل يعاملني ببرود جذي...
عفرا: ولا يهمج...انتي ماتهونين على سهيل اصلا... ان شاء الله كل شي بيرجع طبيعي... احين قومي ولحقي ريلج... وان رقد وعيييه...
شيخه: ههههههههه ماروم له هذا من يرقد خلاص تراه رقد...خله يرتاح وباجر يصير خير ان شاء الله... انا بسير ..تصبحين على خير...
عفرا: انا بعد بقوم ادخل هذا حمد اكيد بيسهر... وانتي من اهل الخير...
افترقنا انا وعفرا...سكرنا ليتات البيت وكل وحده سارت غرفتها...
في الغرفه حصلت فعلا ان سهيل رقد... لا ومبند الليتات الحبيب...!!
بدلت ثيابي ودخلت الفراش عشان ارقد..كنت معصبه لانه رقد عني حتى عطيته ظهري...
لكن بعد دقيقتين تقريبا مادريت بعمري الا وانامسحوبه صوبه...
ضمني سهيل لحظنه واسند راسها عدال راسي وهو نص واعي ونص راقد...
ابتسمت...
مهما تغير سهيل علي....اتم انا بالنسبه له شيخه.... على قولته...شيخة الحريم...!!
شيخه: تصبح على خير حبيبي...
لكن سهيل كان اورريدي راقد....
--------------------------------------
اليوم: الاحد...
المكان: شقة ناصر..
الوقت: الثالثه والنصف صباحا..(السبت بعد منتصف الليل)....
--------------------------------------
(مهرة)....

تجلبت في شبريتي متظايجه من الحروره... واحس بنفسي عرقانه... يلست عالشبريه وانا ارفع شعري عن ويهي وابعده عن رقبتي....
وانتبهت ان الحراره خفت وايد... واني بدال ما ابرد بديت احرر...معناته الحمى خازت....
بعدت الفراش عني....الفراش اللي انذلينا عليها من حظرة "الريل"....برنوصي وبرنوصي...
ليش مارديته انا؟!!...نسيت..!...
احين بسير افره فويهه....
ماعدت بحاجته خلاص انا بخير..
مسكت بجامتي البيظا القطنية اللي فيها نقوش وورود رفيعه وناعمه عالصدر. ونفضتها شوي عن جسمي.. اوفف كيف احس اني حرانه...
كانت حجرتي...مثل بقية الشقة...غارقة في الظلام... ماعدا ليت خفيف يطلع من حمام ناصر...
وعلى طاري ناصر....
كانت راقد فغرفته لكن مخلي الباب مفتوح...ليش؟!..الله اعلم...
يمكن على باله اني بركظ لاحظانه يوم اقرر اني اسامحه.....
وهذا الشي طبعا مستحيل يصير....
مشيت بهدوء في الشقه ان ادعم شي او اتخرطف... لانه عيني مازالت غرقانه بالنوم..لكن العطش هو الي قومني....
دخلت المطبخ وشغلت الليت...صبيت لي ماي...
اشرب واتذكر كلام ناصر...
قال اني اذا تركته بيموت....
اذا ابتعدت عنه بيموت.... معقول.؟!...
قال لي اذبحيني... ما اثرت فيي الكلمه كثر ما اثر فيني حزن عيونه وجرحه الواضح....
المفروض ماياثر فيني...لكن غصبن عني تاثرت...ماحب ازعل حد مني..ولا حب اشوف انسان مجروح...
مع انه يستاهل هالسبال...
لكن يمكن المرض اثر على عقلي شوي وخلاني ضعيفه جدام كلامه....
مهما كان كلامه حلو...كلام تتمنى أي بنت انها تسمعه... لكني مابصدق شي...لانه اشكاله مايتغيرون...
خلصت شرب الماي وطلعت من المطبخ وسكرت الليت وراي...
منعت نفسي بالغصب اني اصد صوب غرفته....
مادري ليش حتى لو هو مب فيها لازم التفت صوبها....لكن هالمره منعت نفسي ومشيت سيده لغرفتي...
سكرت الباب وراي وبحركه طبيعية مديت ايدي للقفل لكني ماحصلته...التفت لمكان المقبض وطلع فعلا المفتاح مب موجود...!!!...
وين راح؟!...
معقوله انا كنت راقده طول الوقت والباب مفتوح..!!!!!...
افف...خله يولي عقب بدوره...
يلست عالشبريه وكنت على وشك اني انسدح..لكن لفتت نظري حركه صوب حمامي...
التفت وانا قلبي يدق بالقو... شفت باب حمامي ينفتح...ويطلع منه شخص...
مب ناصر.. لا...
هذا قصير.... كان...كانت حرمه..لابسه شيلتها السودا الطويله مثل العيايز...
بطلت عيوني على وسعهن اتاكد من اللي شفته....كنت اتنفس بسرعه وقلبي كانه يخوض سباق مع نفسه...تمسكت في الفراش بخووف فظيع...
وانا اراقب الحرمه هاي...تطلع من الحمام..تمشي شوي شوي. تفتح كبتي اللي ماحطيت فيه ملابسي لين الحين... وتنخش فيه...
وتختفي..!!...

مهرة:.. امـّـــــيـــــــــه...!!... شو هاااااه....!!!
نشيت من شبريتي وانا اشاهق القط النفس واهدي نفسي الخايفه...الا قولوا اللي ميته من الخوف...
اول مانشيت عن الشبريه لصقت ريلي في برنوص ناصر وطحت...
كانت عيني عالكبت اراقبه عدل خوفي انها تظهر مره ثانيه...
مهرة: بسم الله...بسم الله....عوذ بالله من الشيطان الرجيم....بسم الله....
شوي شوي زحفت باسرع شي رمت عليه لين ماوصلت لباب الغرفه وفتحته... طلعت من الغرفه وانا بعدني عيني عالكبت....
كنت كل شوي اتخرطف...ظربني مثل مايقولون حقر بو بقر....ريلي ماكانت تشلني من الخوف اللي حسيت به...
اول ماحسيت بنفسي برا الغرفه.... طرت طيرااااااااااااااان صوب ناصر....
كان الباب مفتوح اصلا...
صرخت بصوت عالي...
مهرة: ناصر...ناااااااااااااااااااصر......!!!..الله ياخذك قووم...
خليت ناصر ورجعت صوب الباب عشان افتح ليت الغرفه واشوف ناصر هذا...
كان راقد رقدته المعتاده.... على بطنه وحاظن مخدته...واللي نرفزني اكثر...انه مالابس غير شورت اسود..!!!!!...
هذا وقته....!!
صرخت اكثر بياس...
مهرة: نااااااااااااااااااااااااااااااصـــــــــــــ ــــر رررر.....!!!
كنت كل شوي التفت صوب باب الغرفه خوفي ان الحرمه اياها توايج علي او شي...
فز ناصر من نومه وعقد حياته ورصص عيونه وهو يتلفت حواليه....
عقب تنهد ورد اسند راسه عالمخده...
ناصر: هاااااااااه...!!!..
مهرة: قووم ....قووم بسرعه ناصر دخيلك قووووووووووووم....!!..
حط ناصر ايده على ويهه وقعد يفرك فيه ويعفصه عشان يصحصح..ويلس عالشبريه وطاح اللحاف وانكشف صدره العاري...
وترتني شوفته بهالحال...لكن هالشي مب مهم الحين...ياما شفت خواني جي... لكن المشكله هني انه ناصر مب اخوي...هذا عدوي...!!..
لكني بعقد معاه هدنة مؤقته حاليا عشان يشوف اللي انا شفته...للاسف ماعندي غير ناصر احتمي به الحين...!!
رفع ناصر نظره صوبي ويوم انتبه..بانت على ويهه ملامح الاهتمام والقلق...
ناصر: مهرة شفيج؟ شي يعورج؟!..
مهرة: شفت شي.....شفت شي....قوم ...
ناصر: هاااه؟!!...شو شفتي شي؟!...
مهرة: حرمه عيوز في حجرتي ناصر حرمه عيووووووووووز....!!
وتميت اتحرقص مكاني بخوف وانا شوي وبصيح....
اللي قهرني ردة فعل ناصر البارده...تم يطالعني باستغراب...عقب رد يفرك ويهه وحك شعره...اخر شي قال لي...
ناصر:....شو..؟!...
مهرة: قوم شوفها قوووم..انخشت في الكبت...
ناصر: هههههههههههههه.... متفيجه نص الليل يايه تسوي مقلب...
ورد ناصر انسح وتلحف...
انا هني بغيت امسك المخده واحطها على ويهه وافطسه.....شو بعد تسوي مقلب انا حالتي حاله وهو يضحك...!!
بانفعال كبير مسكت لحافه وسحبته...
مهرة: قوووووووووووووووووووووم.....
رد ناصر يقعد وهو متظايق...
ناصر: مهرة لا تصدعيني وراي نشه من الصبح خليني ارقد...
مهرة: والله ماترقد الا يوم تشوف هالحرمه شو تسوي في حجرتي....
عقد ناصر حياته وعصب...
ناصر: من صدقج انتي..؟!!!.
مهرة: هي واللله.....
قال ناصر بتعجب...
ناصر: عوذ بالله..!!!!...حرمه فحجرتج؟!!
مهرة: هيييييييييييه...
ناصر: منو دخلها؟!
مهرة: شدراني...!!!!!!
قام ناصر من شبريته ومشى جدامي ساير صوب غرفتي...
انا مشيت وراه وكل ما اتقرب من غرفتي الخوف يتزايد في قلبي....
ولع ناصر الليتات في الممر...ودخل غرفتي وولع الليت بعد..
انا ماقدرت ادخل الغرفه...تميت واقفه عند الباب واراقبه بخوف وحذر...وكل شوي اصد للممر وراي اخاف حد هناك والا شي....
راقبت ناصر يوقف في نص الحجره ويتلفت...
عقب صد صوبي..
ناصر: وينها.؟!..
مهرة: في الكبت...طلعت من الحمام دخلت الكبت...
عقد ناصر حياته مب مصدق... تراجع وسار صوب الكبت وفتحه... انا شهقت يووم فتحه...
لكن في النهاية...
الكبت كان خالي....!!!!
اطالعني ناصر بظيج كاني ظيعت وقته....
مهرة: والله انها في الكبت....!!..
ناصر: مهره ماشي...الكبت خالي...
مهرة: يمكن...يمكن دخلت الحمام مره ثانيه...
حاس ناصر بوزه بابتسامه كانه فهم شي معين بس رفض يقول لي... ودخل الحمام وطلع والنتيجه وحده....
رفع حواجبه واطالعني يتريا مني تفسير لهالازعاج....!!
رفعت سبابتي لويهه اهدده..
مهرة: ان قلت انه يتراوالي بعفد على ويهك وبقطعه تفهم...!!
ناصر: مهرة يمكن هذا تاثير الحمى...
صرخت فويهه..
مهرة: انا بخييييييييييير.... ومتاكده من اللي شفته....
مد ناصر ايده ليبهتي.. وبعد ماتاكد اني بخير فعلا من الحمى... نور ويهه بابتسامه واسعه.
ناصر: هي والله ماشي حراره الحمد لله استويتي بخير....كنت شايل همج والله واقول اذا ماصرتي بخير باجر بوديج المستشفى...!
مهرة: هذا هب الموضوع احين...
ابتسم ناصر...عقب ظحك...
ناصر: قولي لا اله الا الله....
مهرة: لا اله الا الله....
ناصر: هذي سكنيه...!!..

بهالقنبلة خلاني وراح لغرفته....انا تبعته بسرعه...
مهرة: سكنيه؟!..في غرفتي؟!!
ناصر: ماشي تفسير غير هذا.... والا شو هالحرمه اللي بتطلع نص الليل وبتنخش في الكبت...!!!..
مهرة: وو...وشو اسويبها.؟!..
ناصر: شو بعد تسوين بها سمّـي بسم الله ورقدي...
يلست على شبريته بعناد واضح...
مهرة: والله مارقد فيها ذيج الحجره الا يوم تطلع هالسكنيه....بسم الله انا ناقصه بعد سكن...!!!!...
تنهد ناصر وهو يطالعني....
ناصر: مهرة...قسم بالله وراي نشه الصبح....
مهرة: مالي خص هذي شقتك وتصرف...مسكنني فيها وهي فيها سكن.!! حرام عليك...
ناصر: ماكنت ادري انهن بعدهن...!!!
مهرة: يعني تدريبهن من قبل وماخبرتني...
يلس ناصر بتعب عالشبريه بعد...
ناصر: اول ماسكنت الشقه كنت الاحظ شويه استهبالات في الشقة..بس بعدين خلاص...وهذا شي طبيعي دام الشقة ماكانت مسكونه فتره طبيعي يسكننها الجن...
مهرة: انزين بس انا قبل ما ايي الشقه اصلا مسكونه ليش بعدهن في غرفتي..؟!!..
ناصر: غرفتج مسكره صارلها شهور مهرة محد استخدمها... كنت ماثثنها يديد ومخلنها لج....
مهرة: ياسلاااااااااااااااااام....والحل؟!!!..
ناصر: الحل انج تسمين بسم الله وتروحين ترقدين ماعليج شر ان شاء الله...
مهرة: لاوالله مارقدت فيها دامها مسكونه حشى....
ناصر: انزين انا برقد فيها وانتي رقدي هني...
مهرة: نعم..!!!...
ناصر: شووو بعد..!!!
مهرة: بتلحقني السكنيه لين هني...
ناصر: خلاص رقدي في الصاله شو اسويبج يعني...
مهرة: شوف لا تقعد تستهبل علي...شوف لي حل...
تنهد ناصر وطلع من الغرفه وراح لغرفتي...ورجع بعد ثواني ومعاه برنوصه...فرره عالشبريه...
ناصر: ارقدي فكينا....
وسحب من تحت الشبريه دوشق ثاني وحطه بمكان في الغرفه...خذ اللحاف من الشبريه والمخده وترك لي مخده وحده...
وانا اراقبه بذهول...
شو يقترح الاخ....
ارقد معاه بنفس الغرفه..!!!!!!...
قام ناصر وبند الليت لكن ترك الباب مفتوح...انسدح على فراشه الارضي ...
ناصر: تصبحين على خير...
ورقد....!!!...

يابرودك ياخي.... جنيه في البيت وانته ترقد...!!!!!...
مستحيل ارقد معاه...
بس وين اذلف..!! انا ميته من الزياغ ماظني اروم اسكر عيني اصلا حتى لو فيني رقاد...
بسم الله منها من عيوز...عنبوج ماحصلتي غيري منو اللي مسلطنج عليه..!!..
ناقصة انا...!!..
بروحه عندي ناصر اتحمله بعد اتحمل جن..!!!
ياويلي احين شو اسوي...!!!
انا شو اللي نششني نص الليل....؟
لازم اشرب ماي يعني يعلني ماشربت..!
لو تميت راقده لين الصبح جان ماشفتها...!!..
ياويلي سكنيه فغرفتي شو بسوي الحين...!!!!!!...
وين بدق براسي...
ليش ماطلعن الجن في غرفة ناصر يعني..!!
اوفففففففففف يلعنها من حاله...

اليوم: الاحد...
المكان: شقة ناصر..
الوقت: التاسعه صباحا...
-------------------------------------------
(ناصر)...

نشيت على صوت المنبه في تيلفوني...
مسكته وسكرته على طول...
تمغطت وانااتثاوب واتلفت حوالي...واتذكر اللي صار نص الليل مع مهرة...
ياترى اللي صار صدق؟!..
لكن يوم انتبهت اني راقد تحت عالارض..عرفت انه صدق...!!..
ابتسمت وانا اتذكر خوف هالبنت...
خوافه بشكل....
يعني سكنيه لا راحت ولا ردت تخوفج ليش؟!..سمي بسم الله وخلاص...
بعد ليتهاالسكنيه سوت شي...مسكينه ناشه نص الليل راحت الحمام وردت الكبت ترقد...!!
عيل نحن ياما شفنا سكن ماسوينا هالصدعه كلها...!
بس الظاهر انه مهرة اول مره تشوف هالشي...
مسكينه...
تنهدت وقمت عن فراشي... والتفت صوب الشبريه...
حصلتها متلحفه وراقده...
نشيت من فراشي .. خذت وزار وفانيله من الكبت وفوطه ورحت الحمام بهدوء... وكل ماتذكر سكنيه مهرة اضحك...!!..
تسبحت..ورديت اطلع من الحمام وانا انشف شعري وابتسم...
كانت مهرة مثل ماهي...
ماتحركت...نومها ثقيل هالبنت...
وعليها رقدات تظحك....
عيل شو هالرقده؟!...ريل شرق وريل غرب...!!!
ماقدرت اقاوم اني افر الفوطه واتقرب منها...
كنت اتامل ملامحها الطفولية...بشرتها البيظا المايله للوردي...اتامل في كل شي يحق لي اني اتامل فيه بحكم انها زوجتي...!!..
حتى ظفورها اللي شوووووي بس طويله تاملت فيها....
شعرها كان ماخذ النصيب الاكبر...شعرها هذا يطير كل ذرة تعقل في راسي....
تقربت منها اكثر...وبستها بين عيونها...
همست لها في نومها..
ناصر: احبج مهرة....احـــبــــج......
لكني عرفت انها بتقوم وبتبدا سلسلة التعذيب النفسي... عشان جي ابتعدت عن ازعجها واخليها تقوم...
مافيني عالتعطيل...
وراي ميوود اوديه المستشفى...
باوطى صوت ممكن فتحت الكبت وطلعت لي كندوره ... كانت كالعاده مجسوفه من تحت بسبب قصر الكبت...!!
الله ياخذه...!! لازم يعني كل ما البس كندوره اكويها قبل من تحت........!!!
اففف..
شليتها ورحت بها غرفه الكوي... المقابله لغرفتي...
اللي كل ما ادخلها تتراوالي سعاد الله يرحمها فيها...تكوي او ترتب او تسوي أي شي...
عشان جي ماكنت احب اكوي ثيابي فيها او ادخلها.... لانه هالغرفه على حالها ماتغيرت ابدا من وفاة سعاد...
لانه مافيها شي فعلا يستحق التغيير..!!!
كويت كندورتي ولبستها..ورجعت لغرفتي...
ابتسمت مره ثانيه لمنظر مهرة النايم...
وقفت جدام المنظره ويلست اسحي شعري... ويوم كنت يالس اتعطر... سمعت تحرك مهرة في الشبريه..
التفت صوبها بتردد...
حصلتها اطالعني بعيون مرصصه..!!..كانها مستغربه انا شو اسوي هني...ووين هي راقده بالضبط...
ابتسمت لها ابتسامه وسيعه...
ناصر: صباح الخير ام السكن...
شهقت مهرة وبطلت عيونها ويلست على طول في الشبريه...شكلها توها تذكرت اللي شافته...
ناصر: هااه شفيج..!!.. اطمني نحن الصبح احين والجن مايطلعون الصبح...
اطالعتني مهرة بقهر...
مهرة: انته وين بتسير؟!.

انا في خاطري قلت...اصبحنا واصبح الملك لله....
مسكت سفرتي وقعدت اتسفر جدام المنظره...
ناصر: انا قلت صباح الخير...
مهرة: وين بتسير...؟!!!..
ناصر: مهرة.......!!... صباح الخير...
مهرة: اففف صباح النور...وين بتروح؟!
ناصر: قلت لج عندي مشوار مهم..
ومهرة: وبتخليني اروحي..!!..
تنهدت... من بين كل طلعاتي...قررت تسالني عن هالطلعه بالذات..!!
ناصر: تبين تسيرين وياي..!!
مهرة: لا...
ناصر: بس عيل ليش تسالين...
سكتت مهرة وقعدت ترتب شعرها وهي تتفحص محتويات الغرفه... خلصت تسفيرتي وصديت صوبها..
ناصر: مهرة..اذا ما تبين تستخدمين الكبت الموجود في غرفتج اسمحيلي اعلق كناديري فيه لاني طفرت من كثر ما اكويهن.... الاجان انتي بتكوينهن لي كيفج....
مهرة: هاللي قاصر بعد ثرني خدامه عندك....!!
ناصر: محشومه..عيل بنقل كناديري لغرفتج لانه كبرتها اكبر...
مهرة: جان تباني افرهن من الدريشه مثل مافريت انته شيلتي حطهن اشوف...
ناصر: انتي حتى ماتغسلتي ناشه امره عالمهازب...افف...بس خلاص محد يبا منج شي... خلي الكبت يسكننه السكن دامه خالي وكل يوم بتطلع لج سكنيتج...
حطيت اغراضي فمخباي وطلعت وانا ماسك ظحكتي....شكل مهرة وهي تتخيل الجنيه مره ثانيه كان ينقع من الضحك...
بس خلاص احين مسكنا عليها شي نخوفها به...بتشوف جان ماطفرتها...
رحت المطبخ وشربت عصير وسويت لي سندويش جبن وجام كالمعتاد.... وبعد ماكلته وخلصت...
خطر فبالي اسوي لمهرة واحد...
وابتسمت عالفكره اللي خطرت لي...
يا انها تستانس.... يا انها تغتاظ مني... وفي كلا الحالتين بضحك عليها...
صبيت عصير في كوب..وسويت لها السندويش... وطلعت كلينكسه من العلبه الموجوده...سحبت قلمي الفظي من مخباي وكتبت لها " صباح الخير...يا وجه الخير... وصباح الاحساس..لطيب لانفاس.... فطور متواضع صحيح..لكن فيه العافيه حبيبتي....."
جسفت الكلينكس وغطيت بها العصير...وبكلينكسه ثانيه غطيت السندويشه...
خليته في المطبخ وطلعت....اكيد انها بتشوفه بعدين...

في بيت علي... كان المسكين متاخر عن دوامه عشاني... شو عليه صاحب شركه ومحد يحاسبه عالتاخير..
الله يزيده من خيره...
علي: علومك من العرس..!!
ناصر: والله الحمد لله ماشي الحال..اقول علي بسالك شي ...
علي: تفضل..
ناصر: الواحد اذا شاف جني في البيت ويبا يتخلص منه شو يسوي..!
قعد علي يضحك...
ناصر: ايه والله اني ارمس صدق...
علي: لا تقول لي عندكم جني في البيت..!!
ناصر: ياخي عيوز طلعت لحرمتيه وماتت من الزياغ مافيني تيها نوبه والا شي....
علي: عوذ بالله...!!... من صدقك انته..
ناصر: هي والله.... بتسوي شراتي انا بعد نفس الشي ماصدقت...
علي: لا الجن موجودين بينا لكن مادري ليش مازلنا نستغرب هالسوالف.... هالعموم عليك باللبان..دخنوا لبنان... وشغلوا قرآن عندكم ... وان شاء الله مابيظهرون مره ثانيه..
ناصر: بعده وراي مشوار سوق يعني..اففف...
علي: قلنالك الولد بخير الا انته بروحك توسوس...
ناصر: خلني اطمن ياعلي...مابرتاح الا جي ماريد احس اني مقصر في حقه...
علي: انته لا مقصر ولا شي...وعلى راحتك هذا ولدك وسو اللي تشوفه مناسب...
ناصر: تسلم ياعلي..وانا تراني عطلتك وايد.. انته مابتكون هنيه يوم برد مايد صح؟
كنت منحرج من الموقف اللي بنحط فيه انا وامل حرمه علي واخت سعاد الله يرحمها..
كيف بتطلع جدامي عشان اعطيها مايد..صحيح نحن مب غرب عن بعض بس بعدني استحي منها...
علي: انا موصي الخدامه تطلع لك لا تشيل هم..وانته اصلا من الاهل وموثوق فيك يا ناصر...لا تحط هالحواجز بينا... عنبو عيالي يستوون عيال خالة مايد...
ناصر: ههههههههه والله اني متحمس له فديته اباه يكبر واشوفه بين اهله...
علي: بيكبر ان شاء الله وبتشوفه وبتشوف عياله بعد ياناصر..
ناصر: ههههههههه آآمين...يالله تامرنا بشي؟!
علي: سلامتك ...
ناصر: الله يسلمك..فمان الله...
شليت مايد وشنطته اللي فيها مستلزماته وطلعت ساير صوب المستشفى...
------------------------------------
اليوم: الاحد..
المكان: مكتب راشد في الاتصالات..
الوقت: العاشرة صباحا..
------------------------------------
(راشد)...

مسكت تيلفوني ماخذ راحه من الشغل... واتصلت بمنى....
حسب علمي انها بتروح توقف اليوم...
وانا بالي مشغول عليها من امس.. الدكتوره قالت ان منى فيها فقر دم حاد... وبحاجه لتغذية وفيتامينات وغيره... واذا تمت على هالحال..ممكن يستدعي مغذي ونقل دم وشغلات منى في غنى عنها...!!
زادنها تحس بالكسل والخمول ودومها ترقد...!!
وصلني صوتها عبر التيلفون..
منى: هلا حبيبي...
ابتسمت...ذاب قلبي في صدري..يامحلاااه هالصوت ياناس..
راشد: فديت هالصوت ياربي... هلا غناتي... اول شي وين انتي؟!
منى: منخشه في كلاس والله يستر مايدخلون علي...
راشد: هههههههههههه ماعليه بيفصلونج كورس وانتي مبونج سايره توقفين..
منى: لا دخيلك ...اوقف ولا الفصل حشى يابوك وصمة عاااااااااار....
راشد: يخسووون والله يفصلونج افا عليج وراج رياااااااااال...
منى: هههههههههه والنعم والله... علومك؟!
راشد: خلج من علومي وقوليلي شو سويتي..!!
منى: سرت الله يسلمك ووقفت...ومبوني سايره الكافتيريا بتلاقى ويا بنت عمي يوم اتصلت..قمت انخشيت في هالكلاس..
راشد: ياحيج... تريقتي مثل ماوصيتج.؟!..
منى: تراني احين سايره بتريق...
راشد: منى..!!!!...انا شو قايلج؟!
منى: شو قلت لي..!!
راشد: ماقلت لج اول ماتوصلين الجامعه تتريقين؟!!!!!...
منى: انزين شقايل اتريق اروحي ماعرف اكل بروحي..
راشد: دامج ماتسمعين كلامي عيل فمان الله...
وسكرت فويهها...
وانا معصب عليها...تمت تتصل علي ومارد عليها...
خلها عشان تتادب وثاني مره تسمع كلامي... احين انا اقولها تريقي اول ..وهي الحبيبه تفرفر في الجامعه في هالشمس ومعدتها خاليه..!!.. احين لو يدور راسها واطيح منوعندها يمسكها او يداري عليها..!!
طرشت لي مسج...
" اسفه حبيبي...والله بتريق احين مابعيدها"...
رديت عليها..
" وانا مابكلمج الا يوم تتعلمين تسمعين كلامي"
ردت علي بمسج ثاني..
"خلاص تعلمت بليز رد عليه"....
" مابرد قلت لج الا يوم تسمعين كلامي وتتريقين"..
" اوكي.. : (.."
حطيت التيلفون عالمكتب ورديت اشتغل...
احين منى لازم الواحد يوقف لها على كل وجبه...ومب أي وجبات..لازم تكون وجبات صحية...
الدكتوره عاطتنا قايمه طويله عريضه بالاكلات الصحية ولها بدائل وغيره فرت روسنا فر بها..ولا عرفنالها...
لكن بنرد نطالع فيها عشان مصلحه منى...
انا بعد موصي امايه عليها تغصبها عالحليب الطازج كل يوم الصبح..اما المسا انا بتكفل فيها...
وانا ما اقتنعت بسالفه التوقيف الا يوم سمعت كلام الدكتوره باذني...
وشفت فعلا ان منى بهالحال ماتقدر تبذل جهدها بالدراسه... بالتالي التوقيف احسن لها خلها ترتاح في البيت هالكورس والكورس الياي بتكون ان شاء الله احسن...
بعد حوالي اربعين دقيقه طرشت لي منى مسج مره ثانيه..
" والله تريقت والله...كلمني اترياك"...
ابتسمت...
واتصلتبها...
منى: يالله شكثر تتغلى ويا راسك...
راشد: عشان تتعلمين ثاني مره يوم اقولج كلام تنفذينه...
منى: انته قلت لي في الملجه انك مابتتسلط علي...
راشد: في سالفه صحتج بالذات بتسلط عليج وبتسلط وبتسلط وبتسلط وان فجيتي حلجج بكلمه ماتلومين الا نفسج..
منى: وللل.... انزين اقوولك....
راشد: قوليلي...
منى: عادي اقعد لين 3..!
راشد: شو لج من الحايه؟!!..
منى: بحضر ويا كنه محاضرتها...عقب بنسير انا وهي المعرض...فاتحين معرض في الجامعه نبا نشوفه ونفرفر فيه... هذا اولا..ثانيا...خاطري انته تيبني من الجامعه اليوم...
راشد: همممم من عيوووووووووووني يالغلا ماطلبتي...
منى: تسلم لي عيووووووووونك الحلوه انا فديتها...تسلم عليك كنه..
راشد: الله يسلمج وياها من الشر...ردي السلام عليها...
منى: ان شاء الله... مابعطلك اكثر حبيبي...تامر بشي؟!
راشد: بتتغدين في الجامعه والا نتغدا في البيت؟
منى: لا في البيت..
راشد: تمام...عن اللعب عاد..
منى: هههههه ان شاء الله...فمان الله الغالي..
راشد: مع السلامه...
سكرت عن منى وانا ابتسم....
احس احيانا اني ماخذ بنت خريش....واحيانا احس انها اكبر من سنها....
بس بكل حالاتها احبها...


^^^^^^^^^

اليوم: الاحد...
المكان: شقة ناصر..
الوقت: الحادية عشره صباحا...
----------------------------------
(مهرة)...

طلعت من الحمام وخليت شعري الخرسان ينشف على ظهري...
وقفت اطالع عمري جدام المنظره...وحست بوزي وانا اسخر من نفسي..
مادري ليش اليوم يالي مزاج اتعدل والبس من البدلات اليديده...!!!
يمكن لاني زهقت من قمصان النوم...زهقت بعد من كثر ما مهملة نفسي وشكلي..
وانا فبيتنا ماتعودت على هالشي...كان دايما شكلي مرتب ...
لكني من عرست تميت في حاله ما يعلمها الا الله..وماكان لي مزاج لشي ابدا حتى لشكلي...
لكن اليوم كنت شويه احسن...
مادري ليش..يمكن لاني استويت بخير من المرض....
يمكن لانه شوفه سيف ساعدتني..
ويمكن بعد كلام ناصر والمه الداخلي الواضح في عيونه هو اللي ساعدني اني اتقبل الوضع اللي انا فيه..
واهمال نفسي مابيساعدني في خطتي...
شو بيقولون اهلي واهله اذا شافوني ملعوزه.؟!!..
لازم ابين للكل اني عروس مستانسه....
اما بيني وبين ناصر...بكشر عن انيابي...
كنت لابسه تنوره جينز كحلية مشغول عليها ومطرزه...وقميص وردي صوفي خفيف و بسيط ايده طويله اطول من ايدي فكنت اضطر اني اجسفها شوي لكنها ترد تنفج وتغطي اييدي كامله...
اما المكياج.فما سويت شي غير اني تكحلت من داخل كالعاده...ولا حطيت لا شادو ولا روج ولا أي شي..
عن يتحسب الاخ اني متعدله عشانه بعد ويبالغ في التصورات...
سكرت الكبت اللي كنت من الصبح اترسه ملابس عشان اروغ هالسكنيه عن كبتي...
وامنع ناصر بعد من انه يقتحم كبتي مثل مااقتحم حياتي...!!!..
اون شوو...كناديري يتجسفن....!!
يعل تعلجهن العنز ويلبسهن على هالحال..بس لا اخليه يحط ثيابه عندي ولا بكوي له بعد.. محد قال له يشتري كبت قصير...!!!!...
محد قال له ياخذني اصلا....
طلعت من غرفتي وانا احس بانفتاح للشهية بعد شغل تفريغ الشنط وترتيب الكبت والسبوح...اكيد الواحد بتنفتح شهيته....
رحت المطبخ.وشفت شي مغطاي...
استغربت... ناصر نسى يتريق والا شو؟!..
كشفت عن الصحن وشفت انه سندويش وكوب عصير...اطالعت الكلينكس في ايدي ولاحظت انه مكتوب عليه شي...
فتحته...وقريت اللي قريته....
رفعت حواجبي سخرية.... محاولة يائسه ياناصر... لكن النعمه دامها موجوده حرام تنعق...
شليت كوب العصير والسندويشه ورحت للصاله...
متى بسير بيت اهلي.... ابا اييب سمجتي معاي... وياريت لو اروم اييب لولو...
لكن لولو ماتقدر تعيش في شقه... مافيها حوووش تطلع فيه وتلعب...
بعدين شيخه تعلقتها... ماظني تخليني اشلها...
واصلا مايندرا بالاخ ناصر جان يسمح لي...مالت عليه...
ماتخيلت في لحظه انه بييني يووم استاذن هالانسان بتصرفاتي واموري...
طنشت التفكير ويلست اجلب في القنوات.. ويوم زهقت من القنوات رحت صوب المكتبه اشوف نوعيه الافلام اللي عند ناصر.. شفت اول ثلاث افلام...اففف كلها اكشن وجاينيز واشياء غريبه.... انا ماحب هالافلام...
مثل شكله عنيفه....
سكرت التلفزيون وقعدت ملانه... شو اسوي...ترتيب غرفه ورتبت...
والصاله والمطبخ اصلا مرتبات ونظاف..
ماشي تام غير حجره ناصر ماييتها ..
اخاف ارتبها ويقول اهتمت ومادري اشوو عشان جي مابيييها...
يبا يرتبها خل يرتبها ارووحه...
فكرت اروح اطبخ شي للغدا... لكن بعد طنشت الفكره لاني فاشله في الطبخ..ولو عندي تيلفون جان اتصلت بعموه اسالها كيف اسوي جي وجذي...بتعلمني..او حتى شويخ...
وبعدين اصلا ناصر بيتشقق لو شافني طابخه بيقول طابخه له...
رديت الصاله ويلست متملله.. اطالع الناس من الدريشه...
نقزت يوم سمعت صوت الجرس...
اووففف...شرف..!!!..
مشيت بهدوء وبطء لين ماوصلت للباب...احسن خله يعفن في الممر...
مهرة: منوووه؟!
ناصر: انا ناصر...فجي...
مهرة: صبر بفكر...
ناصر: .....مهروووووه...
كان صوته هادي وواطي...ويهدد....!!!..
تخيلته يتلفت في الممر مفتضح من وقفته...
ابتسمت مستانسه على وضعه هذا...لكني اخفيت الابتسامه وفتحت الباب... دخل ناصر ومد ايده مسك الباب وسكره وراه...
ناصر: السلام عليــ....
وقطع كلامه وهو يطالعني من فوق لتحت...
وبحركه مسرحية تساند عالباب وحط ايده على قلبه وانا اطالعه بقهر...عرفت انه بيعلق على شكلي...ومابيفوت...
ناصر: آآآآآآه ياقلبي..لا مانقدر نحن جي...
حست بوزي ودخلت الصاله...
مهرة: احسن لا تقدر...
مشى وراي ناصر وهو يقول..
ناصر: صراحه طرررررررررررر... وينج عن هالكشخه هاي من زمان..؟!!..
مهرة: شوف لا تخليني اسير ابدل...
ناصر: لالالا يابوج ماصدقنا نشوف شي غير البجامات خليها...علومج؟
مهرة: ملل...
رفع ناصر ايدينه الثنتين للسما...
ناصر: الحممممممممد لله والشكر...
مهرة: افلامك تلوع بالجبد....
ناصر: افلامي؟... افلام جديمه هذي احين انا قمت اسير السينما بس... تبينا نسير الليله..!!
مهرة: مايصير اسير بروحي؟!
ناصر: لا عيوني...
مهرة: يعل عيونك الـــ...
نفس الدعوى دايما مايخليني اكملها...ناصر مد ايده وحطها على حلجي يسده لي...
ناصر: لا تدعين على عيوني بالعما دومج الا تدعين عليهن حرام عليج.... ترا ان استجابت دعوتج بطيح فجبدج بتميت تقوديني شرق غرب...
خوز ناصر ايده بعد ماخلص كلامه...
مهرة: عيل ثاني مره لا تقول لي عيوني فاهم...
ناصر: بس انتي عيوني...
مهرة: ناصر...!!
ناصر: وحياتي....
مهرة: اييييييييييه...
ناصر: وكل مافيني...
مهرة: تراك خسف...
ناصر: لا والله اني حلو..
مهرة: احين شووو.. انا ملانه...
ناصر: اصبري خلينا نعين خير.... يبت لج لبان ادخين به غرفتج عشان سكنيتج تشرد... وشريت لج شريط قرآن والمسجل في غرفتي خليه شغال في الغرفه فاهمه..!!!
مسكت الكيس اللي عطاني اياه ناصر وانا اطالعه باستغراب...
هذا ناصر ماينسى شي...!!!
ناصر: لا اطالعيني سيري دخني غرفتج يالله... وعقب جهزي عمرج عشان نتغدى برا...
لاني ملانه...وماعندي غير ناصر ممكن انه يطلعني ....
انصعت للاوامر...رحت وسويت مدخن وحطيت فيه لبنان ودخنت الشقه كامله..وبعدها خليت المدخن في حجرتي... لبست عباتي ونعالي وغيره وطلعت.... كان ناصر يترياني في الصاله...
ناصر: جاهزه؟!
مهرة: هيه...
ناصر: بطلعج في حاله وحده بس..
مهرة: بعد بتذلني؟..خلاص ماريد...
ناصر: سمعيني اول..
مهرة: شوو شرطك؟؟
ناصر: كلتي الريوق الي خليته لج؟!
مهرة: هي كلته...
ابتسم ناصر ابتسامه فرح...
ناصر: عيل في هالحال بطلعج... بنتغدا برا عقب بنسير السينما...
مهرة: هممم حلوو... ابا المطعم البحري مال ذاك اليوم...
ناصر: من عيووني...
ابتسمت وتغشيت وطلعت من الشقة ووراي ناصر...
بشوية ليونه اقدر اخذ من ناصر اللي ابغيه... وبخليه يسليني لين ما اوصل بيتنا... هناك بحاول اقنعه يخليني اقعد اسبوع اواسبوعين عن اهلي... ومابيرفض لي طلب...
اما حاليا...بحاول اني اعيش هالاسبوع بدون صداع...
بصراحه مادري شفيني اليوم...المرض يمكن اثر على عقلي شوي...او الجنيه اللي شفتها سكنتني وخلتني اتصرف بغرابه...
الخلاصه اني من بعد مابت هالليله مع ناصر في نفس الغرفه.... احس بكل شي مختلف...
نمت معاه في نفس الغرفه....ماقرب صوبي...ليش؟!!!..
انا ماقول اني صرت اثق فيه...
لكن صار لازم افكر بمووضوعه عدل...
تصرفاته شي...
وافكاري عنه شي ثاني...
لازم احصل حل وسط مع هالناصر....!
---------------------------------------------

نهاية الجزء السادس والاربعون

مشكور على النقل
وننتظر الباقي

ياحبييييييييييييييييييييلك تدرين ومن بداية البارت وأنا شاقه الحلج <<< تحمدي خخخخ بس من زود الوناسسسسسسه

مشكوووووووره يااحلى فراشه في العالم كله خلاص بنوم وانا مرتاحه شوي مع أني متحمسسسسه مع الباقي بس بتحمل آآآآآآآآآه ياقلبي بس

صراحة هالناصر وااااااااااااو مع أنه قهرني يوم تزوج سعااد بس قلبي قايلي انه بياخذ مهره وخذاها ههههههه ياويل قلبي فديته

وهذي أحلى بوووووووووووووووسه لك << شفتي تأثير البارت علي خخخخخخ

تسلمين والله عيوني اليوم داخله المنتدى أكثر من مره عشاان القصه وكنت خايفه ماتنزلين بس ياحبيلك نزلتي >>> هذا المستخدم طااااير من الوناسه متشقققققققق


يله عاد لا تطولييييييين علينا بنشتاقلك وللقصه <<< تكفيييييييين متحمسيين لا تطوليييييييييييييين معاد بقى الا احب خشمك خخخخخخ


تشاااااااو


دمــــــــــ بود ـــــــــت

فرااشه..ههههههههههههههههههههههههههههههههههههه

آآآآخ آآخ آآخ.. من الاخرااج.. وقسم بالله ياا فرااشه لو ماا انا عاارفه االاحدااث وانتي وقفتي على هالمقطع.. كاان سبيت فيتس وجيت وخنقتس.. بس ربي رحمتس من غضبي الهاادر.. هههههههههههههههههههههههههه

بس تدرين فرااشه بعد التفكير.. قلت الموقف اللي وقفتي عنده شفى غليلهم شووي.. لوو انا اللي منزلتها كنت وقفت على هذاا المشهد..

فراشة يا قلبي والله العظيم مو قادرة أتحمل
الأحداث غاية في الروعة أحس مهرة بلش قلبها يحن حتى لو هي أنكرت هالشي مؤقتا
حبابة ما طولي علينا مو قادرة أفكر بشي تاني غير هالقصة الغريبة
أنا بعتذر منك بحياتي ماكنت لحوحة بالشكل هادا بس شو بدي أعمل
آآآآآآآآآآآآآآآآسفة جدا إذا أزعجتك
سلام