انا يومي كان متعب وشاق
كان عندنا في الجامعة حفل للاطفال
كنشاط
حلوو والاطفال حلوين
وحتى الاشياء اللي ملوها البنات
زي بنت بتركب قناع لوجهها او بعضهم بيرسمو على وجههم ويلونو
وكان في لعب كتير
واكتر شي عجبتني
شبرة قمرة شمس نجوم ههههههههههههههههههههه
عجبتني مرة
دوبي رجعت مرة تعبانه
امس كنت غايبة عشان المستشفى واعطوني موعد بكرا الصبح
وعشان كدا بكرا ح اغيب ان شاء الله
ممم
ايش كمان؟؟
الا الان دكتورتين قالو عني مجتهدة ما شاء الله و2 تانيين عجبتهم نشاطاتي ما شاء الله تبارك الرحمن
بكرا عملنا لازم بالقماش اي عمل
طبعا البنات ح يعملو بالقماش قالو مكعبات مش عارفة ايش
بس انا بالرغم اني في المجموعة لكن لاني ح اغيب فحاعمل عملي لوحدي وعشان بكدا اضمن الدرجة
فكرت اعمل برضو دمية بالقماش
اني اخيط وبعدين احشييه بالقطن
واعمل كدا كمان للراس واليد والرجل
واخيطهم سوا
والشعر اعملو بالصوف الاصفر او الاسود
وتنتهي الحلفة : )
هههههههههههههه

حاسة انو عندي اشياء كتيرة بعملها ومابدأ فيها
وكمان امس كنت بتفرج على صاحب الظل الطويل
الى الان ماخصلت حلاقاتها : ))
ولد اختي يتريق فيا : (
ههههههههههه
بس انا احبها حتى ل اني كبرت : )

احساسي مابدي اتكلم عنو لاني مرهقة
ومش عارفة ايش فيا
بحس اني مفتقدة ... ... ...
عندي اختبار يوم السبت وخايفة : (

ههههه
وعندي واااجباااات كتييييييييييييييييير
وماعملت شي منها
: )

مذكرات اليومين دول:
ضغوط كتير ومشاكل
هو دا حال شغلي اليومين دول سواء في العيادة او شغلي الحكومي
في العيادة الاجهزة عطلت كلها مرة واحدة واتكركبت فوق دماغي
شغل متعطل وحاجات متعطلة الله اعلم هتتصلح ولا ولأ وهتتكلف اد ايه
واتصل بالمهندس تعبان ومش قادر ييجي مش قبل الاسبوع الجاي
ومش عارفة حد تاني اثق في شغله
وفي الوحدة الصحية: كل يوم شغل كتير لغاية اخر النهار مش برجع غير متأخر وانزل تاني العيادة
وناس هناك بتعمل مشاكل وتحاول تدخل في شغلي وبيعملوا حاجات بتنرفزني وحاجات ممكن تضرني ف شغلي وتودي ف داهية
مبقيتش عارفة اخلي بالي من عمايلهم ولا اركز في شغلي ولا اعمل ايه
النهاردة من النرفزة تعبت جدا صاحبتي قاست الضغط لقيته 150\90
والمصيبة لما تحاول تخفف عن نفسك بانك تقعد مع اصدقائك تلاقيهم بيصدوك ومش طايقينك
واقفينلك على الغلطة
انا تعبت
مش قادرة خلاص
كدة حرام بجد
تعبت من الشغل ومن الناس ومن الدنيا كلها

انا هاخد الموضوع دة تمليك
موافق يابشمهندس؟

اخر المذكرات:
الايام اللي فاتت كانت تحفة
حصلت حاجات حلوة
وحاجات تضايق
وحاجات تحرق الدم
كوكتيل يعني
ابدأ بايه الاول؟
نبتدي بالكويس:
في الوحدة الصحية:
نزلت البلد الاسبوع اللي فات كله تقريبا
وكانوا الناس بيرحبوا بيا ف بيوتهم مع انهم اول مرة يشوفوني الا انهم كانوا كويسين جدا
احساس جميل بتحسه في القرية
دفا وود وتعاون غير اللي موجود هنا
الممرضات معايا في الشغل مصرين اني افضل معاهم هناك
بحب احساسهم دة بينسيني المشاكل اللي عايشينها هناك في الشغل
بس مش هوافق على خططهم اللي بيعملوها وهبوظهالهم افضل معاهم اوك لكن ميعملوش كدةابدا
الحمد لله خطة منهم باظت من عند ربنا وبدون تدخل مني
نيجي بقى للحاجات اللي تفرس:
اكتر حاجة اكرهها ف حياتي ان حد يحاول يوقع بينك وبين حد قريب منك وتحبه
بكره دة موت ودقت مراره قبل كدة
واحدة من ضمن اللي شغالين معانا هي وزميلة ليها حاولوا يوقعوا بين اتنين من الممرضات صحاب من 4 سنين وقريبين من بعض
ونقلوا كلام غلط ومتحرف بينهم
كنت هولع لما عرفت
حاولنا نصلح مابينهم ونخليهم يتعاتبوا
واتصالحوا في الاخر والحمدلله
بس بعد عذاب

حاجة تاني غايظاني وحارقة دمي وعايزة امسك حد اقتله عشان افش غلي:
كبيرة التمريض عايزة تمشي الشغل على مزاجها, وتتصرف في عيادة الاسنان من غير موافقتي
وبتخطط مع واحد من الناس اللي انا مش بطيقهم في الشغل عشان يعملوا مشاكل في الوحدة
بقالي اسبوعين في الموال دة
اعصابي تعبت جدا
وامبارح لقيتها بتنفذ فعلا الكلام اللي كانت بتقوله
اتنرفزت جدا, ودخلت للمدير بتاعنا يحل المشكلة, لقيته معملش حاجة, وفضل ساكت كان هينقطني
قلتلها قدامه: مش من حقك تتصرفي ولا من سلطتك تغيري اي حاجة من غير موافقتي وملكيش اي سلطة على عيادتي
انه ينطق
يقولها تنفذ كلامي
يعمل اي حاجة
ابدا
اتنرفزت زيادة
بعدين خرجت انا وهي من مكتبه قبل مايجرالي حاجة وقعدنا ف عيادة الاسنان نتكلم
حاولت بقدر الامكان احافظ على هدوء اعصابي قدامها لكن من جوايا كنت بغلي
لقيتها جابت واحدة من الممرضات اللي بعزهم جدا فهمت انها عملت كدة عشان عارفة اني لا يمكن هعترض عليها واني لو اعترضت هي هتعمل مشكلة بيني وبين الممرضة دي وتوقع بيننا
حطتني ف موقف صعب
واللي زاد وغطى لما كنت بقولها ان الممرضة اللي كانت معايا كويسة وشايفة شغلها صح لقيتها بتقول انها مهملة ومش عارف ايه
مفيش دقيقة ودخلت الممرضة دي قامت قعدت تقولها انتي زعلتي ياحبيبتي وياروحي وانتي مش عارف ايه
كنت هتجن
يعني من وراها تشتم فيها واول ماتشوفها تنافقها عيني عينك قدامي
ايه دة
ايه القرف دة
خلتني خرجت من العيادة وماسكة دموعي بالعافية
من الغيظ وحرقة الاعصاب مقدرتش اعمل حاجة
دخلت المكتب التاني اللي فيه صاحباتي من التمريض وقعدت اطل من الشباك وحاطة ايدي على خدي وساكتة
والدموع ف عيني
لقيت واحدة فيهم بتسألني مالك شكلك متضايقة
انفجرت في العياط
صعبت عليا نفسي
طريقتها وهي بتكلمني فرستني
حسستني كأني ضعيفة واني مش هقدر اعمل حاجة
حسستني انها عشان تحترمني لازم اكون واحدة بتعمل مشاكل وبتأذي الناس
ليه كدة
ليه الناس مش بتحترم غير اللي بيضرها؟
ليه لازم نتعامل بقسوة وعنف مع بعض عشان نحترم بعض؟
ليه مايكونش الود والاحترام المتبادل اساس كل معاملاتنا؟
ولا عشان اكون رئيس كويس في العمل يبقى لازم اكتب شكاوي ومذكرات في الناس واضرهم؟
كل مافتكر اللي حصل قلبي يوجعني
معلش رغيت كتير

اه نسيت
حاجات تاني حلوة حصلت
اول امبارح في العيادة:
جاتني حالة بقالي فترة بعالجها وكل شوية نعمل حاجة
بقالها شوية بتشتكي من الم شديد والالتهابات مش عايزة تروح
اضطريت اخلعلها بالرغم من كدة
بس الحمدلله المريضة محسيتش بالالم
وبالرغم من ان الضرس اتكسر كذا جزء الا اني والحمدلله طلعت كل الاجزاء
الست خرجت من عندي وهي عمالة تدعيلي بصوت عالي
ماما كانت جاية عشان تاخدني ونروح سوا, سمعتها وفرحت اوي
بفرح اوي لما بشتغل حالة صعبة وتخرج من عندي مبسوطة

وتاني مع المذكرات:
اول يوم شغل بعد اجازة حلوة لكنها للأسف قصيرة
النهاردة رحت الصبح الوحدة وأنا من جوايا متضايقة من اللي حصل قبل العيد لدرجة اني فكرت اطلب نقلي من المكان دة لكن تراجعت لاني اعتبرت دة هروب من مواجهة المشكلة
اول مادخلت الوحدة لقيت واحدة من الموظفات سلمت عليها وبالحضن وكل سنة وانتي طيبة وعاملة ايه
بعد كدة بصيت ادامي لقيت الباقي متجمعين ومعاهم الاتنين اللي كانوا عاملين المشكلات, سلمت من بعيد سلام عليكم ياجماعة كل سنة وانتم طيبين امضيلي لو سمحت يااستاذ محمد وجري على المكتب اللي بنقعد فيه انا والممرضات والموظفات ولا عبرت الاتنين بتوع المشاكل ولا اي حاجة, طبعا اتغاظوا جدا
جت واحدة تانية من الممرضات وعملت نفس الحركة اللي عملتها من غير ماتعرف اني عملت كدة لانها جت بعدي بشوية
ودخلت تحكيلنا
بعد كدة جاتني حالات, فرحت للعيادة انا والممرضة اللي كانت معايا في الاول, ورحنا ايدنا ف ايد بعض واحنا بنهرج ونضحك, والاتنين المؤذيين كانوا شايفينا اتغاظوا اوي, لاننا مانفذناش تقسيمة الشغل الجديدة, ولاننا مبسوطين ولا حاجة تهمنا
نظرة رئيسة التمريض لينا زي ماتكون عايزة تضربنا
وبعدين دخلت مكتبنا لقيت الاتنين اللي كانت وقعت بينهم قاعدين بيفطروا سوا ويهزروا مع بعض, خرجت بسرعة وهي متضايقة
بصراحة فرحنا فيهم جدا, عشان عرفنا نغيظهم ونخليهم يفهموا ان مفيش اي حركة من الحركات اللي كانوا بيعملوها هتأثر فينا, واننا عمرنا ماحد بيعرف يوقع بيننا, وان كل حركاتهم مكشوفة ونيتهم باينة, وان الشغل هيمشي صح غصب عن عين اي حد
وانا بشتغل, حصل موقف طريف جدا, ولاول مرة ماتغاظش لان الكوميديا في الموقف اللي حصل غلبت غيظي
وفي العيادة بالليل, حسيت انها كانت واحشاني جدا, بالرغم من اني رحت يوم الخميس
وبالرغم من اني ممكن اتخلى عن الشغل فيها ف اي وقت, الا اني حاسة اني هشتاق ليها كمكان, حصلت فيه مواقف كتير منها المواقف الحلوة, ومنها الحاجات اللي تضايق
مش هنسى اني اتعلمت فيها حاجات وخبرات كتير, في التعامل مع الناس وفي التعامل مع الحالات المختلفة
مش هنسى ان كان في اوقات جميلة جدا كانت فيها, ومش هنساها ابدا
بس برضه مش هستمر فيها