اليوم السبت 24 -11

كلها كم يوم و يبدأ الحج و الدنيا عندنا ح تكون زحمة

يعني حبس في البيت لمدة شهر

ناوية اخلص كل مشاويري اليوم او بكرة بالكتير

و الله يكون في العون على الدوام

بكرة ح يبدأ شغل آخر كل شهر و ماراح أقدر ارفع عيني من على الورق هههههه

اروح انام احسن ورايا مشوار في الظهر

الحمدلله حاسة اني اروق كتير
سمعت دلوقت حد مشغل اغنية كنت سمعتها يوم الخميس في فرح صاحبتي وكلماتها علقت معايا كتير لانها جميلة واشتغلت يومها اكتر من مرة:
وانا بين ايديك محتاجة ايه في حاجة اكبر من كدة
وانا عمري كنت احلم في يوم اعيش حياة بالشكل دة
كل اللي فات من عمري فات
ومش بايدنا نرجعه
خلينا اكتر في اللي جاي
مبقاش في وقت نضيعه
وانا مش هضيع عمري تاني لو ثواني هينفعوا
انا مش هفكر في اللي فات انا عمري لسة ف اوله
كفاية اني بقيت معاك ومعاك هعيشه واكمله
كل اللي فات من عمري فات
ومش بايدنا نرجعه
خلينا اكتر في اللي جاي
مبقاش في وقت نضيعه
وانا مش هضيع عمري تاني
لو ثواني هينفعوا
وانا بين ايديك

عيشت الجو اللي كنا فيه انا وصاحباتي يومها
كان وقت جميل جدا وكنا مبسوطين قوي عشان صاحبتنا
ضحكنا كتير وهيصنا يومها
ربنا يوفقك في حياتك الجديدة سمسمة
وعقبال عندكم جميعا

ههههههههههه
خلصي بدري بدري كل مشاوييرك والله يعنيننا احنا كمان ع الزحمة
بس مع بداية الشهر
ح تفضى المدينة وكلهم ح يجوكم
ربي يكون في عونكم

...

الف مبروك سرو بمناسبة صحبتك وعقبال عندك ان شاء الله

..


اما انا فا احتاج اني اتكلم قبل ما اقول مذكراتي
مش عارفة ليه دا الاحساس يلاحقني بين فترة وفترة
بحس كدا بطاقة مشاعر هائلة
مش عارفة ايش هيا
كلامي باين عليه مش مفهوم ههههه

امس كنت رح اتعرض لحادث سيارة فظيع
بس الحمد لله
لأن الشارع ضيق وصغير ..ورايح جاي
يعني مافي رصيف
وفي طلعة قدامنا شاحنة
وجا سايقنا بيتجاوزها
والمشكة انو في سيارة جيب جاية مسرعة من الجهة التانية
فكنت يا ح نخبط في الشاحنة او في الجيب
فعلا شي مو طبيعي
والحمد لله على السلامة والحمد لله على كل شي
ودا الشي كمان خلاني اغيب اليوم
المستشفى اعطوني موعد يوم الثلاثاء
ومممم
ايش كمان
متحمسة لموضوع معين
بس بعمل دراسة مكثفة فيه عشان ح اعملو بعد انتهاء الحملة والتصويت مباشرة
يعني ان شاء الله بعد الحج : )

نفسي اتكلم عن حاجات نفسي اسويها
ممم
خليني اقول اتمنى اعملها فيوم من الايام
نفسي اتعلم سباحة وركوب خيل وكل مايتعلق بالفتوشوب واليوتيوب وتصميم مواقع
ونفسي اسوق سيارة هههههه
ونفسي ازور دار ايتام
ونفسي ممممم
اتمشى لوحدي برواقة : )

توتة الف بعد الشر عنك

اليوم:
في الشغل حاجات حلوة حصلت بالرغم من ان فيها حاجات تغيظ شوية لكن الهدف منها كان جميل جدا
اكتشفت ان الممرضات والموظفات اللي شغالين معايا عايزيني افضل معاهم في بلدهم اطول وقت ممكن ولو امكن طول العمر, ولقيتهم عملوا حركة كنت هتخانق معاهم عليها بس قعدت اضحك كتير لاني فاهمة هدفهم, احساس جميل انك تلاقي كل اللي حواليك بيحبوك ويقدروك

نزلنا القرية نفسها عشان التطعيم, كان حتة مشوار نص ساعة مشي انما تحفة, قعدنا ف بيت حد من اهل البلد, واشتغلنا, والناس كانوا مرحبين بينا جدا, وكانوا متعاونين وبيساعدونا كتير
كان في طفل صغير في البيت سنه 3سنين كان زي العسل, طول ماحنا قاعدين قاعد بيلعب جنبنا, وكل شوية ييجي يقعد جنبي, وكان بيلعب بعجلة اطفال صغننة وكل شوية يخلع البدال بتاعها ويجيبهولي اركبه
وبعدين مامته زعقتله عشان مايخرجش يلعب برة قام جري عليا وقالي خلي ماما تخليني العب برة,اشمعنى جاني انا اللي اول مرة يشوفها من دون كل القاعدين واللي يعرفهم الله اعلم, بس كان وقت ظريف بالرغم من الصداع اللي جاني
ربنا يعدي باقي الايام على خير