ربنا معاكي لين

اليوم ف شغلي الصبح:
كان في طفل صغير لسة مولود والمفروض نطلعله شهادة ميلاد وقبل مانطلعها المفروض نكشف عليه
وكان الطبيب البشري مش موجود ودبسوني في الحكاية دي
الطفل عمره ايام كنت خايفة المسه بحس ان الاطفال المولودين حديثا جسمهم ضعيف قوي وعضمهم طري جدا وساعات بتخيل انهم ممكن يتكسروا فبخاف المسهم او اشيلهم
بس في الحالة دي كان المفروض افحص الطفل واشوف لون الجلدطبيعي ولا في صفرا واطمن ان كان في التهابات او اي حاجة
كنت برتعش جدا بس النونو كان هادي ومش بيعيط ودا ساعدني شوية
وكان منظري يضحك قوي بس محدش اخد باله
وعدى الموقف على خير
ياعالم انا طبيبة اسنان مالي بس ومال الحاجات دي؟

هههههههههههههه
كويس يا اسراء
ادربي عشان ولادك ان شاء الله لما يجو ح تخافي منهم برضو ههههههههههههههههه
انتي عملتي زيي
بس انا مش بخاف انهم ينكسرو ..لاااا
انا بخاف بجد من الاطفال حديثين الولادة
بحسهم مرعبين
ممكن ابدأ امسكهم اول مايبدأو يجلسو او يحبو عالارض
اما غير كدا فبجد اخاف امسكهم او حتى يكونو جنبي هههههههههههههههههههههههههه

انا عارفة انو حالتي صعبة بس استحملوني هههههههه


انا يا حلوين... ايش صار فيا ممم
ولاشي
عدا الاسبوع دا زي كل اسبوع
فيه مشاكل وفيه اشياء مفرحة وفيه كمان افكار جديدة ما شاء الله
دوبي صحيت لاني كنت مواصلة فنمت زي الميتة من المغرب لحد 1 الليل
بس تعرفو مادري كم ساعة عالفراش مابين النوم والصحي
بفكر.؟!
يعني قولو لحد 3 وبعدين قمت بجد

وبعد ما اكتب جدولي وبرنامجي الانتخابي
رح اروح ابدأ في عمل تاع قصة الاطفال اللي لازم نعملها
وح ارسم على الورق وح اعمل زي الكتاب بالفلين
ح اصورو ان شاء الله : )
هههههههههههههه

ههههههه
تصدقي لين فعلا مش عارفة لما ييجوا ولادي هعمل ايه؟
غالبا هخلي ابوهم يشيلهم لحد مايكبروا شوية
مش هو ابوهم يتصرف بقى
بس انا مش بخاف يبقوا جنبي لا ممكن الاعبهم بس من بعيد لبعيد
والكلام دة ينطبق على الاطفال اقل من شهر
اكبر من كدة احب اشيلهم والاعبهم

اليوم21-11:
قضيت معظم اليوم نوم وراحة في السرير
تقريبا كدة بنتقم عشان باقي الاسبوع
بالليل : حاجات اتلخبطت
معرفش ليه اللي حصل دة
ولا فاهمة حاجة
وفجأة حسيت بنار جوايا
ومش عارفة اسكت ولا اتكلم
ولو اتكلمت اقول ايه؟
ولا اسأل عن ايه؟
ولا فاهمة ولا عارفة
وحيرة كبيرة
بالرغم من اني فرحانة عشان اطمنت على اتنين من صاحباتي كان بقالي كتير ماشفتهمش
لكن برضه مخنوقة
لا وكمان جه ف بالي كلمات اغنية نكد
ومش ف بالي غير اكتر جزء نكدي فيها
دة ايه النكد الكتير دة؟
عايزة امسك اي حاجة اكسرها واطلع فيها غلي وخنقتي, ينفع امسك الكمبيوتر اكسره فوق دماغ اي حد؟
واليوم عدى بسرعة ودي حاجة مضايقاني لان بكرة في شغل وانامحتاجة اجازة سنة قدام مش يوم بس
وبالرغم من كدة العيادة وحشتني بقالي يومين مارحتش والنهاردة التالت
متناقضة صح؟
في حد عنده حل لحالتي دي؟
معتقدش ان في اي حلول
لكن غالبا هروق لوحدي
عارفة نفسي كويس
بس اعمل ايه في الوقت الحالي؟ مش متحملة الاحساس دة
ولا متحملة احساسي بالنار دي
مش مجرد تشبيه, لا حاسة فعلا بنار ف قلبي
مين عارف يمكن اروق بسرعة
قولوا يارب

دلوقت:
22-11
الساعة 6 الصبح:
هديت شوية
بس برضه لسة جوايا غيظ كتير
بس بطلت افكر في الاغنية النكد وفي الحاجات المضايقاني
حاليا بفكر اقتل اسراء
ينفع؟
تعبت منها ومن تصرفاتها اللي جايبالها وجع القلب
هقوم انام شوية بدل الافكار السوداوية دي ماتقلب جد