تقريبا مبقاش حد بيكتب مذكراته غيري هاني


اليوم:18-10-2008:
يوم جميل جدا في العيادة:
كان عندي مريض المفروض نخلع اليوم بعد العلاج
اديته البنج واستنيت يشتغل. لقيته بيقولي واحد صاحبه شغال في مركز وسمعوا عني وعايزيني اروح اشتغل معاهم
بصراحة اتفاجئت بس كنت مبسوطة جدا ان الناس بتتكلم عني بخير, ومكنتش متوقعة ان اسمي اتعرف لدرجة بقوا يطلبوني بالاسم ف مكان
ولقيت المريض بيقولي بس احنا مش عايزينك تسيبي العيادة دي اتعودنا على حضرتك ومش هنتنازل عنك
طبعا كان من اللمنطقي اني ارفض الشغلانة دي لاني يادوب قادرة اقوم بشغلي الحكومي وشغل العيادة ومش محتاجة شغل تاني بس الموقف فرحني جدا
دخلت بعده مريضة ووالدتها وبعد ماخرجت, وقفلت باب الاوضة سمعتها بتتكلم برة بتمدح فيا لناس تانيين وبتدعيلي
يااااااااه مواقف فرحتني كتير
بس للاسف
لماروحت حصلت حاجات ضايقتني وغاظتني
وبقيت متضايقةومفروسة ونسيت الشعور اللي كنت حاساه دة
يلا مفيش حاجة بتدوم
بصدعكم بس انت اللي فتحت الباب دة ياهاني
شكرا ليك