لئ هههههههههههههههههههه

مذكرة ،،
مكتئبه انتي متلي
عنجد ساير اليوم ما يمر من غير ما ابكي مرتين تلاته
زهقت حياتي،،
مش بس تعبت،،، هلكت

مبارح دادي بهدلني لما كنت ع النت
بعد ما قمت بكيت ونمت
ومامي اجت تشوفني شو مالي ،، كنت مغمضه عيوني وبحكي معها ومش آدره افتحهم من التعب
ما كنت مريضه ،، بس كنت متدايقه كتير
صحيت ع ال12 واشي
أعدت شوي،، بعدين قعدت ع النت للساعه 2
دادي صجي فجأه وبهدلني لأني ما بدرس
طفيت الكمبتوتر ورحت أدرس لوئت صلاة الفجر
سمعتو يأذن ،، بس حتى ما قدرت أقوم أصلي
ونمت تئريبا ع ال 4 واشي
صحيت ع ال6 وانا سامعه مامي بتحكي انو مش عاجبها اني نايمه ولا كإني ثانويه
المهم درست شوي ئبل ما يجي الباص
بالمدرسه كان جنون كالعاده
ع قد ما بندرس ع قد ما بنلعب ع قد ما بنتعب
روحت ونمت بلبس المدرسه
صحاني دادي ع ال4 وكان بيمسح عن وجهي اشي من المسكارا كان تحت عيوني
قعدت شوي ع النت لما صحيت واكلت بهدله من مامي
ولهلا بعدني ما درست والساعه سارت 6
وهلأ لازم أدرس عنجليزي
ومخنوقه هلا ،،
فيي غصة
يا ربي عنجد تعبانه

يا رب أموت اليوم قبل بكرا يا رب

صباحك مفكرة،،،

درست امتحان الكيميا العملي
وشوية جيولوجيا
لازم أدرس كمان

بكرا أصدي اليوم ع ال 7:30 رح ندرس فيزيا عشان نخلص المنهج
بعدين نمتحن عمل الكيميا ،، مش عارفه كيف رح نمتحن واحنا ما طبقنا التجارب
الأبلة شرحتهم بالحكي
صح عملناهم ئبل بس كان ئبل عشرطعشر شهر
بعدين رح نروح

انا روئت شوي،،
لاني ما بئدر أبين اني زعلانه او متدايئه ئدام أهلي
ما بحب يعرفو اللي بئلبي
لهيك اخواني متعودين اني اتهاوش معهم ،،
لهيك 24/24 بتهاوش معهم
أولاد أشرار هم اصلا ،،
يعني انا اكبر منهم وبيتهاوشو معي

مذكرة
تعبيت أنا :(

اليوم 3ساعات فيزيا تئريبا
بعدين ساعتين واحنا نستنى البنات يخلصو امتحانهم العملي
كل وحده بتضل نص او تلت ساعه
كان حلو الامتحان الحمد لله
ومن لما طلعت وانا اكتب للبنات مذكرات
يا ربي شو بحبهم صاحباتي ،،
مش متخيله كيف رح أكون من غيرهم
كتبتلهم حكي كتير
حتى بنات صف 11
ئعدت عندهم بحصة الانجليزي
وضليت اتدلع ع الأبلة والبنات
الصف كلو صاحباتي
وكتبتلهم هم كمان،

انا كنت ناويه آخد موبايلي ع المدرسه بس ما اخدتو
ايمان كانت جايبه موبايلها واتصلت منها ع دادي
وروحت انا وسمسم وميسو وايمان
وسلمنا ع البنات وكلو بالاحضان
وطول الطريئ نحكي ونضحك
دادي بيحكي ازا انتو هيك بالصف بتضلو تحكو رح تنجحو
ممممممم
كمان ننوس،،،
حسيتها زعلت
بس انا عنجد اتدايئت :( ما بعرف ليه:( بس انو هي وميسو في اشي بينهم سر
خلص هلأ بلشت اجازة الامتحانات
السبت الجاي سيبا النجليزي
والخميس اللي بعدو أول امتحان رياضيات
الله يعين