كاتب الموضوع :
الرومانسى الحزين kolawa
المنتدى :
الارشيف
الحلقة الرابعة ......
الرومانسى : ماتنطقى يابت اسمك ايه ؟
ماجيدانا : اوه اسمى ماجى .
زاهر : دى فرصة نضيفة ياماجى هانم .
الرومانسى : جرى ايه ياعم زاهر ...... طيب ماتطلب ايدها احسن .
زاهر : يوووه .... اشمعنى انت تستجوبها لوحدك .
وليد : انتوا بتتخانقوا على حتة بت لاراحت ولاجات .
ماجى : لا كلك زوق والله .
وليد : ميرسى بيكو .
الرومانسى : ماهو لو انتى مااعترفتيش مش هرحمك .
ماجى : يعنى عاوزنى اقول ايه .
الرومانسى : قولى انتى متفقه معاهم على ايه ؟
ماجى : والله لسه مااتفقنا .... بس اؤكدلك انك هتندهش لما اى خطة تحصل لان ماجى لما تدخل فى موضوع لازم تصدم خصمها .
الرومانسى : هنشوف .... متفيرس .
متفيرس : اؤمر يازعيم .
الرومانسى : فين هانى .
بياع : احم .... اعتقد ان هانى بيتفسح .
الرومانسى : بيــ ايه .
بياع : بيتفسح ..... خخخخخخخخخخ ومع واحدة زى القمر .
************************************************************ *********************
هانى : ياوليه انتى حرام عليكى وعيب على سنك ..... بقالنا ست ساعات بنتمشى دا انا تعبت .
السيدة العجوز : طيب غنيلى .
هانى : يانهار اسود .... اغنيلك ايه يابوز الاخص انتى ..... فاكره نفسك بتتمشى مع كاظم الساهر ..... ثم انك بتسمعينى بالعافيه .
السيدة : طيب انا عاوزاك تسمعنى حته روك اند رول .
هانى : نهارك طين ...... انتى فاكره نفسك فى شيكاغو ؟
السيدة : امتى هنتجوز بقى ياصابر .
هانى : ابوس ايدك اللى عامله زى الخشبة المسوسه دى قولى اسمى مرة صح .
السيدة : طيب بليز هاتلى ترمس .
هانى : ياام قويق انتى بتبلعى ريقك بستر ربنا .
يرن هاتف هانى ......
هانى : الو ..... ايوه مين .
الرومانسى : انت فين ياسى هانى :
هانى : اهئ اهئ اهئ ..... الرومانسى ؟ ...... الحقنى ابوس ايدك .
الرومانسى : مالك فيه ايه .
هانى : فيه وليه عندها حوالى 600 سنه عاوزه تتجوزنى .
الرومانسى : طيب انت فين ؟
هانى : عند كورنيش النيل قصاد مبنى فندق السعادة .
الرومانسى : طيب انا هبعتلك حد ياخدك ..... سلام .
هانى : سلام .
السيدة : طيب ناكل كوارع ونشرب حلبه حصى ؟
هانى : روحى ياشيخه ربنا يشلك .
************************************************************ **********************
انجل : انطقى ..... ايه خططكم ضدنا .
فيوليف : انتى حقيرة .
تصفعها انجل : انا هعرفك ...... فوفو هاتى الرشاش .
فوفو : بلاش اى تصرفات غبية ياانجل .
انجل : قلتلك هاتى الرشاش .
تلتقط انجل الرشاش وتصوبه ناحية فيوليف ... وفجأة ...... ينكسر زجاج النافذة وتدخل ميسا ومعها رشاشها ....
ميسا : هاااااااى ...... اكون رخمه لو طلبت من وقتكم تلات دقايق .
انجل : خلصوا عليها هى والمحققة بسرعة .
تسحب ميسا الكرسى بفيوليف وتطلق النيران فى وجه انجل وعصابتها .....
ميسا : سورى كان نفسى اتعرف بيكى اكتر بس الظروف ماتسمحش ..... انا صديقة زخدى السلاح ده .
فيوليف : فرصة سعيدة جدا .
ميسا : اتمنى .
هانى : ايه الصوت ده ؟ .... دا صوت ضرب نار .
السيدة : فعلا ضرب نار .
هانى : دلوقتى سمعتى ؟
السيدة : دا لانى سمعى كويس جدا ياحقير .
نظر هانى للسيدة فوجدها مصوبة سلاح ناحية رأسه بالضبط وبأمعان النظر للسيدة وجد انها امرأة لاترحم احد ...... لقد كانت تلك السيدة هى نفسها ...... لورين .
************************************************************ ***********************
وليد : الو يارومانسى ....... هانى مش موجود فى المكان .
الرومانسى : يادى النيلة ...... طيب دور عندك واحنا جايين كمان ربع ساعه ياوليد واتصل بيا كل خمس دقايق ولو فيه خطر رن رنه صغيرة .
وليد : اوك ....... فى انتظاركم .
الرومانسى : بياع وزاهر معايا ........ متفيرس ولبيب ....... انتوا هتروحوا من الجهة الشرقية للمكان .
متفيرس : طيب وايه الخطة تحديدا .
الرومانسى : قلبى بيقولى ان فيه مصيبة حصلت .
لبيب : طيب واحنا هنمشى ورا قلبك يارومانسى .
الرومانسى : على الاقل هناخد حيطتنا .
متفيرس : برضه معرفتش الخطة .
لبيب : عاوزنا نأمنلك الجهة دى بس يعنى ؟
الرومانسى : ايوه و ......
ويرن جرس الهاتف الخاص بالرومانسى .....
الرومانسى : ايوه ياهانى ...... انت فين يابنى ....
ويسمع الرومانسى هذا الحوار .......
انجل : معانا هانى ...... ارمى سلاحك يافيوليف انتى وميسا المكان كله محاصر والفندق عامل زى حاجز لينا .
الرومانسى : يانهار اسود ...... دول مسكوا هانى وكمان العميله بتاعتنا اللى اسمها ميسا .
وفجأه يدخل حارس .......
الحارس : اسف ياافندم .
الرومانسى : فيه ايه ياادهم .
الحارس : اللى اسمها ماجى ..... قتلت محمود وهربت .
ينظر الرومانسى بغضب .......... ويهم بقول شئ ما ولكن فجأة ........ يدوى انفجار ضخم يطيح بمتفيرس وزاهر ولبيب ......... ومن بعيد ظهرت الفتاة التى تمسك بمدفع وهى فى سيارة مليئة بفتيات يرتدون نفس زيها المكون من بنطلون اسود وقميش اسود وقناه ..... وكشفت تلك الفتاة عن وجهها وهى تبتسم فى شماته ومعها ماجى الهاربة ..... وكانت تلك الفتاة هى الدليل على ان البنات يلعبون بخبث مبالغ فيه ...... لقد كانت تلك الفتاة هى فوفو ....... واصبح شئ واضحا ان الفتيات بقيادة انجل يعلمن بكل تحركات الرومانسى وفريقه ...... واصبح واضحا ايضا ان مغامرتهم تلك ستأخذ منعطفا جديدا ....................................... و ............................. وصعبا للغاية ....
............................................................ ..............يتبع
|
13-04-08, 08:14 AM
جديد مواضيع قسم الارشيف
العرض العادي
